საქართველო ეროვნული თავდაცვის სტრატეგიაზე მუშაობას იწყებს

© FB / Ministry of Defence of Georgiaუწყებათაშორისი კომისიის სხდომა
უწყებათაშორისი კომისიის სხდომა - Sputnik საქართველო
გამოწერა
საქართველოს ეროვნული თავდაცვის სტრატეგიაზე იმუშავებს ოთხი მინისტრი, დაზვერვის სამსახურების, სახელმწიფო უსაფრთხოების, საგანგებო სიტუაციების მართვის და სხვა უწყებების ხელმძღვანელობა

თბილისი, 5 მაისი — Sputnik. უწყებათაშორისი კომისიის სხდომით დაიწყო მუშაობა საქართველოს ეროვნული თავდაცვის სტრატეგიაზე, ნათქვამია თავდაცვის სამინისტროს ვებგვერდზე გავრცელებულ განცხადებაში.

თავდაცვის სამინისტროს აგრესიული PR-კომპანია სკოლებსა და უმაღლესებს მოიცავს >>

საქართველოს თავდაცვის სტრატეგიას დღეისათვის განსაზღვრავს სამი ძირითადი დოკუმენტი — „საქართველოს ეროვნული უსაფრთხოების კონცეფცია“, „საქართველოს საფრთხეების შეფასების დოკუმენტი“ და „საქართველოს ეროვნული სამხედრო სტრატეგია“. უწყებათაშორისი კომისიის შექმნის გადაწყვეტილება ეროვნული თავდაცვის სტრატეგიის შემუშავებისთვის 10 აპრილს არის მიღებული.

სამხედრო წვრთნები „ღირსეული პარტნიორი“ (Noble Partner 2017) ვაზიანის პოლიგონზე - Sputnik საქართველო
ქართველი სამხედროები ესტონეთში მასშტაბურ წვრთნებში მიიღებენ მონაწილეობას

„დღეს პირველად შეიკრიბა უწყებათაშორისი კომისია, რომელმაც უნდა მოამზადოს ეროვნული თავდაცვის სტრატეგია. დღეს ჩვენ მივიღეთ გადაწყვეტილება სამუშაო ჯგუფის შექმნის თაობაზე, და ამ წლის განმავლობაში, უწყებების აქტიური ჩართულობით შემუშავდება სტრატეგია“, — განაცხადა თავდაცვის მინისტრმა ლევან იზორიამ.

მისი თქმით, უწყებათაშორისი კომისია უწყებების უკეთეს კოორდინაციას შეუწყობს ხელს.

„ამასთან კომისია ქმნის საუკეთესო პლატფორმას უწყებათაშორისი პრაქტიკული თანამშრომლობისთვის. წელს ჩვენ ვგეგმავთ დიდგორის სწავლებებს, სადაც ტოტალური თავდაცვის კონცეფცია მიიღებს პრაქტიკულ განხორციელებას, სადაც პოლიტიკური თანამდებობის პირები იქნებიან უშუალოდ ჩართულები სწავლებებში. ეროვნული თავდაცვის გეგმის მიხედვით თითოეული უწყების ფუნქციები იქნება მკაფიოდ განსაზღვრული“, — აღნიშნა იზორიამ.

ისრაელი - Sputnik საქართველო
საქართველო და ისრაელი სამხედრო თანამშრომლობის ახალ დონეზე გადადიან

უწყებათაშორისი კომისიის სხდომას, თავდაცვის მინისტრის გარდა, დაესწრნენ ეკონომიკისა და მდგრადი განვითარების მინისტრი დიმიტრი ქუმსიშვილი, საგარეო საქმეთა მინისტრი მიხეილ ჯანელიძე, შს მინიტრი გიორგი გახარია, ასევე,  რეგიონული განვითარებისა და ინფრასტრუქტურის, ფინანსთა, შრომის, ჯანმრთელობისა და სოციალური დაცვის  სამინისტროების, სახელმწიფო უსაფრთხოების სამსახურის, დაზვერვის სამსახურის, სახელმწიფო დაცვის სპეციალური სამსახურისა და საგანგებო სიტუაციების მართვის სამსახურის ხელმძღვანელი თანამდებობის პირები.

მუშაობის პროცესში კომისია საქართველოს კონსტიტუციით, საერთაშორისო ხელშეკრულებებითა და შეთანხმებებით,  საკანონმდებლო და კანონქვემდებარე ნორმატიული აქტებით იხელმძღვანელებს, განმარტეს სამინისტროში.

ყველა ახალი ამბავი
0