თბილისი, 9 იანვარი — Sputnik. სახელმწიფო საქართველოს 2018 წლის საპრეზიდენტო არჩევნებისთვის 39,1 მილიონ ლარზე მეტს გამოყოფს, აღნიშნულია „საკანონმდებლო მაცნეს“ ვებ-გვერდზე გამოქვეყნებულ ცენტრალური საარჩევნო კომისიის (ცესკო) დადგენილებაში.
საარჩევნო ღონისძიებებზე სახელმწიფო დახარჯავს 28,2 მლნ ლარს, მოხელეთა მომზადებისთვის — 1 მლნ ლარზე მეტს.
საარჩევნო სუბიექტების სატელევიზიო რეკლამის ხარჯები 2,2 მლნ ლარზე მეტი იქნება, ხოლო საარჩევნო სუბიექტების წარმომადგენელთა დაფინანსება — 7,6 მლნ ლარზე მეტი.
საქართველოს მეხუთე პრეზიდენტის არჩევნები 2018 წლის ოქტომბერში უნდა ჩატარდეს.