თბილისი, 21 ოქტომბერი — Sputnik. თბილისის მერობის კანდიდატი მმართველი პარტიიდან კახა კალაძე გამარჯვების აღსანიშნავად ემზადება.
საქართველოს მოქალაქეები შაბათს ქალაქებისა და რაიონების 64 მერს და 64 საკრებულოს დეპუტატებს ირჩევენ. არჩევნებში 22 პარტია და 5 საარჩევნო ბლოკი მონაწილეობს, ასევე დამოუკიდებელი კანდიდატები.
„არჩევნები მიმდინარეობს მშვიდ გარემოში და სულ რამდენიმე საათი დარჩა გამარჯვებამდე. მინდა მივმართო ჩემ მხარდამჭერებს, მობრძაბდით, დააფიქსირეთ თქვენი სამოქალაქო პოზიცია და ჩვენ ერთად გავიმარჯვებთ და ერთად დავიწყებთ სიცოცხლით სავსე ქალაქის მშენებლობას. რაც მთავარია, თბილისი გაიმარჯებს“, — განაცხადა კახა კალაძემ.
