ევროსაბჭოს საპარლამენტო ასამბლეის კომიტეტის სხდომა 2018 წელს საქართველოში გაიმართება

© Sputnik / Alexander Imedashviliსაქართველოს პარლამენტის შენობა
საქართველოს პარლამენტის შენობა - Sputnik საქართველო
გამოწერა
ევროსაბჭოს საპარლამენტო ასამბლეის მონიტორინგის კომიტეტის სხდომები სტრასბურგში ან პარიზში იმართება, თუმცა წელიწადში ერთხელ გასვლითი სხდომები ეწყობა.

თბილისი, 27 აპრილი – Sputnik. ევროსაბჭოს საპარლამენტო ასამბლეის მონიტორინგის კომიტეტის სხდომა საქართველოში 2018 წლის ზაფხულში გაიმართება, იუწყება საქართველოს საზოგადობრივი მაუწყებლის პირველი არხი.

შესაბამისი გადაწყვეტილება კომიტეტის სხდომაზე სტრასბურგში მიიღეს, სადაც ევროსაბჭოს საპარლამენტო ასამბლეის საგაზაფხულო სესია მიმდინარეობს.

ევროსაბჭოს საპარლამენტო ასამბლეის თანამომხსენებლები საქართველოში ვითარებას სწავლობენ - Sputnik საქართველო
ევროსაბჭოს საპარლამენტო ასამბლეის თანამომხსენებლები საქართველოში ვითარებას სწავლობენ

ამჟამად მონიტორინგის კომიტეტის სხდომაზე ევროპელი დეპუტატები საქართველოში მიმდინარე პროცესების შუალედურ ანგარიშს განიხილავენ. მათ შორისაა კონსტიტუციაში დაგეგმილი შესწორებები.

ტელეარხის ინფორმაციით, მომავალ წელს საქართველოს მონიტორინგის კომიტეტის წევრები ესტუმრებიან და ქვეყანაში არსებულ ვითარებას ადგილზე გაეცნობიან.

ტრადიციულად, ევროსაბჭოს საპარლამენტო ასამბლეის მონიტორინგის კომიტეტის სხდომები სტრასბურგში ან პარიზში იმართება, თუმცა წელიწადში ერთხელ რეგლამენტი დეპუტატებს გასვლითი სხდომების მოწყობის ნებას აძლევს.

პედრო აგრამუნტი - Sputnik საქართველო
ქართველმა დეპუტატებმა პედრო აგრამუნტს გადადგომისკენ მოუწოდეს

ევროპის საბჭოს საპარლამენტო ასამბლეამ მონიტორინგის პროცედურა 1993 წელს დააფუძნა. მონიტორინგის დეკლარირებული მიზანია დარწმუნება, რომ ევროკავშირის ყველა ქვეყანა საერთო სამართლებრივ და პოლიტიკურ ჩარჩოებში იმყოფება, რომლებიც ევროსაბჭოს სტანდარტების, სამართლებრივი სახელმწიფოს პრინციპების, საპარლამენტო დემოკრატიისა და ადამიანის უფლებების დაცვის შესაბამისობაშია განსაზღვრული.

ევროპის საბჭოში გაწევრიანებისას ქვეყნები საკუთარ თავზე იღებენ რიგ ვალდებულებებს, რომლებიც ევროსაბჭოს საპარლამენტო ასამბლეის მონიტორინგს ექვემდებარება.

ევროსაბჭოს საპარლამენტო ასამბლეის მონიტორინგის კომიტეტი ევროპის საბჭოს ქვეყნების ორგანიზაციის მიმართ აღებული ვალდებულებების შესრულების პროცესის საკითხებს სწავლობს. 


ყველა ახალი ამბავი
0