თბილისი, 1 თებერვალი — Sputnik. ოპოზიციური პარტია „თავისუფალი დემოკრატების“ ყოფილი წარმომადგენელი ზურაბ აბაშიძე 15 თებერვლიდან ყაზახეთში საქართველოს სრულუფლებიანი და საგანგებო ელჩის თანამდებობაზე მუშაობას შეუდგება. შესაბამის განკარგულებას ხელი საქართველოს პრეზიდენტმა გიორგი მარგველაშვილმა მოაწერა.
9 ნოემბერი 2016, 18:05
ამ პოსტზე აბაშიძე დავით მუმლაძეს შეცვლის, რომელიც საქართველოს დიპლომატიურ მისიას ყაზახეთში 2012 წლის 1 ივლისიდან ხელმძღვანელობდა.
აბაშიძე ახლო წარსულში „თავისუფალი დემოკრატების“ ერთ-ერთი ლიდერი იყო. პარტიას თავდაცვის ყოფილი მინისტრი ირაკლი ალასანია ხელმძღვანელობდა. პარტია, რომელიც ადრე კოალიცია „ქართულ ოცნებაში“ შედიოდა, წამყვანმა ფიგურებმა 2016 წლის ოქტომბრის არჩევნებში დამარცხების შემდეგ დატოვეს.
