საია: სამწუხაროდ, ვერ ვიტყვი, რომ ეს იყო სამაგალითოდ ჩატარებული არჩევნები

გამოწერა
დათვლისა და კენჭისყრის შედეგების შეჯამების ეტაპი არაერთ შემთხვევაში ძირითადად უბნის გარე პერიმეტრზე უხეში დარღვევების ფონზე წარიმართა, რაც ძალადობრივ მოვლენებში გამოიხატებოდა, განაცხადა ნაცვლიშვილმა.

თბილისი, 9 ოქტომბერი— Sputnik. არასამთავრობო ორგანიზაცია „ახალგაზრდა იურისტთა ასოციაციამ“ საქართველოს საპარლამენტო არჩევნები შეაფასა.

სამწუხაროდ, ვერ ვიტყვი, რომ ეს იყო სამაგალითოდ ჩატარებული არჩევნები, განაცხადა ახალგაზრდა იურისტთა ასოციაციის თავმჯდომარემ ანა ნაცვლიშვილმა დღეს გამართულ პრესკონფერენციაზე.

სამართლიანი არჩევნები - Sputnik საქართველო
"სამართლიანმა არჩევნებმა" პარალელური დათვლის შედეგები გამოაქვეყნა

საპარლამენტო არჩევნები საქართველოში 8 ოქტომბერს გაიმართა, რომელშიც 19 პოლიტიკური პარტია და 6 საარჩევნო ბლოკი იღებდა მონაწილეობას.

„სამწუხაროდ, ვერ ვიტყვი, რომ ეს იყო სამაგალითოდ ჩატარებული არჩევნები. არჩევნების ხარისხი 2013-2014 წლების არჩევნებთან შედარებით, არის გაუარესებული და ეს ნათელია. ხმის მიცემის პროცესი ძირითადად მშვიდ ვითარებაში მიმდინარეობდა, თუმცა რიგ უბნებზე საყურადღებო დარღვევები დაფიქსირდა", — განაცხადა ანა ნაცვლიშვილმა.

ნაცვლიშვილმა მედია-ცენტრში გამართულ შეხვედრაზე ასევე ხაზი გაუსვა ცაკლეულ საარჩევნო უბნებზე კენჭისყრის შედეგებისა და ხმის დათვლის პროცესისას დაფიქსირებულ დარღვევებს.

„დათვლისა და კენჭისყრის შედეგების შეჯამების ეტაპი არაერთ შემთხვევაში ძირითადად უბნის გარე პერიმეტრზე უხეში დარღვევების ფონზე წარიმართა, რაც ძალადობრივ მოვლენებში გამოიხატებოდა. 

პოლიცია - Sputnik საქართველო
პოლიციამ არჩევნებზე მომხდარი ძალადობის ფაქტებზე სისხლის სამართლის საქმეები აღძრა
დაფიქსირდა უბნებზე შეჭრის ცალკეული შემთხვევები. აღნიშნულმა გავლენა მოახდინა კონკრეტულ უბნებზე არჩევნების შედეგებზე და მნიშვნელოვან ზიანი მიაყენა კენჭისყრის დღის მთლიან სურათს“, — განაცხადა ანა ნაცლიშვილმა.

როგორც ნაცვლიშვილმა აღნიშნა, საია არჩევნებს საქართველოს მასშტაბით 500-მდე დამკვირვებლის მეშვეობით აკვირდებოდა.

ამ დროისთვის ცესკომ საარჩევნო უბნების 70,48% —ის მონაცემები დაითვალა. ბოლო მონაცემებით, პროპორციული სისტემით მმართველი პარტია „ქართული ოცნება — დემოკრატიული საქართველო“ ლიდერობს  — 49,65%, ხოლო „ერთიან ნაციონალურ მოძრაობას“ 26,63% აქვს.

ყველა ახალი ამბავი
0