თბილისი, 9 ოქტომბერი — Sputnik. უბნების 31,12%-ის მონაცემების დამუშავების შედეგად, მმართველმა პარტიამ „ქართული ოცნება —დემოკრატიული საქართველო“ ხმათა 51,08% დააგროვა, „ერთიანმა ნაციონალურმა მოძრაობამ“ – 25, 27%, - იტყობინება ცესკო.
5%-იანი ბარიერის გადალახვასთან ახლოს არის ბლოკი „ დავით თარხან მოურავი, ირმა ინაშვილი —საქართველოს პატრიოტთა ალიანსი, გაერთიანებული ოპოზიცია“ – 4,84%-ით.
შანსი აქვს „პაატა ბურჭულაძე — სახელმწიფო ხალხისათვის“ ბლოკს — 3,92%.
პარტიას „ირაკლი ალასანია — თავისუფალი დემოკრატები“- 3,71%,
„ნინო ბურჯანაძე — დემოკრატიული მოძრაობა“ – 3,2%.
„ლეიბორისტული პარტია“ – 2,99%.
სხვა ბლოკებსა და პარტიებს ხმათა ერთ პროცენტზე ნაკლები აქვთ.
