თბილისი, 13 სექტემბერი — Sputnik. ევროპის საბჭოს საპარლამენტო ასამბლეის შვიდკაციანი დელეგაცია წინასაარჩევნო პერიოდში არსებული პოლიტიკური კლიმატის შესასწავლად საქართველოში ჩამოვიდა, ნათქვამია ორგანიზაციის ვებგვერდზე გავრცელებულ განცხადებაში.
ორდღიანი ვიზიტის ფარგლებში (13-14 სექტემბერი) ეუთოს წარმომადგენლები საქართველოს პრემიერ-მინისტრ გიორგი კვირიკაშვილს, პარლამენტის თავმჯდომარე დავით უსუფაშვილს, საგარეო საქმეთა მინისტრ მიხეილ ჯანელიძეს, ცესკოს თავმჯდომარე თამარ ჟვანიას და საქართველოს კომუნიკაციების ეროვნული კომისიის თავმჯდომარე ვახტანგ აბაშიძეს შეხვდებიან.
ასევე დაგეგმილია შეხვედრები პოლიტიკური პარტიების ლიდერებთან, დეპუტატობის კანდიდატებთან, დიპლომატიური კორპუსის წარმომადგენლებთან, არასამთავრობო ორგანიზაციებისა და მედიის წარმომადგენლებთან. დელეგაციას ემანუელის ზინგერი ხელმძღვანელობს.
ოქტომბერში საპარლამენტო არჩევნებს ეუთოს 32 წარმომადგენელი დააკვირდება.
საქართველოში საპარლამენტო არჩევნები 8 ოქტომბერს გაიმართება.