გიორგი მარგველაშვილი და მაკა ჩიჩუა

საქართველოს პრეზიდენტი და პირველი ლედი რიოს ოლიმპიადაზე გაემგზავრნენ

63
(განახლებულია 15:45 04.08.2016)
სახელმწიფოს მეთაური არა მხოლოდ გაამხნევებს ქართველ სპორტსმენებს, არამედ უმაღლეს დონეზე რიგ შეხვედრებსაც გამართავს.

თბილისი, 4 აგვისტო — Sputnik. საქართველოს პრეზიდენტი გიორგი მარგველაშვილი მეუღლესთან მაკა ჩიჩუასთან ერთად რიო-დე-ჟანეიროში ოლიმპიური თამაშების გახსნის ცერემონიაზე დასასწრებად გაემგზავრა.

პრეზიდენტი და მისი მეუღლე შეხვდებიან ქართველ ოლიმპიელებს და მათ გამოსვლებს დაესწრებიან. გარდა ამისა, საქართველოს პრეზიდენტი ბრაზილიაში ჩასულ სხვადასხვა ქვეყნის ლიდერებთან შეხვედრებსაც გამართავს.

საქართველოს პრეზიდენტი ბრაზილიის ფედერაციული რესპუბლიკის პრეზიდენტის მოვალეობის შემსრულებლის და მსოფლიო ოლიმპიური კომიტეტის პრეზიდენტის სახელით გამართულ ოფიცილურ მიღებას დაესწრება ზაფხულის ოლიმპიადის გახსნაზე დამსწრე სხვა სახელმწიფო ლიდერებთან ერთად, აღნიშნულია სახელმწიფოს მეთაურის პრეს-სამსახურის განცხადებაში.

რიოს ოლიმპიური თამაშების გახსნის ცერემონია „მარაკანას“ სტადიონზე 5 აგვისტოს გაიმართება. შოუ, ბრაზილიის ფინანსური მდგომარეობიდან გამომდინარე, პომპეზური და მასშტაბური არ იქნება, მაგრამ თანამედროვე სტილში იქნება გადაწყვეტილი.

63
თემები:
საქართველო რიოს ოლიმპიადაზე (99)