თბილისი, 28 იანვარი — Sputnik. დღეს გარდაბანში გამგებლის რიგგარეშე არჩევნებია. საარჩევნო უბანები 8 საათისათვის უკვე გაიხსნა, იტყობინება ტელეკომპანია „რუსთავი 2“. ამ დროისათვის გახსნილია 64 საარჩევნო უბანი, სადაც არჩევნებზე ხმის მისაცემად 72 ათასი ამომრჩეველი უნდა მივიდეს.
მას შემდეგ, რაც 13-მა არასაპარლამენტო ოპოზიციურმა პარტიამ და „თავისუფალმა დემოკრატებმა“ არჩევნებს ბოიკოტი გამოუცხადეს, ამომრჩევლებს არჩევანის გაკეთება ორ კანდიდატს შორის მოუწევთ: გოჩა ჯამარაული — კოალიცია „ქართული ოცნებიდან“ და ბესიკ კახაბრიშვილი — „ერთიანი ნაციონალური მოძრაობიდან“.
ექსპერტთა შეფასებით, გარდაბნის არჩევნები ქვეყნის ამჟამინდელი მმართველი კოალიციისა და ყოფლილი მმართველი პარტიას შორის რეიტინგების ერთგვარი ინდიკატორი იქნება, შემოდგომაზე დაგეგმილი საპარლამენტო არჩევნების წინ.
