ბერა ივანიშვილი, ნანუკა გუდავაძე, ანი გუდავაძე და ნიკუშა ფიცხელაური

ნანუკა გუდავაძის ქუჩის სტილი სამხრეთ კორეიდან - უახლესი ტრენდული ფოტოები

1024
(განახლებულია 00:07 26.04.2021)
მუსიკოსმა ბერა ივანიშვილმა ოჯახთან ერთად საქართველო მარტის შუა რიცხვებში დატოვა, სოციალურ ქსელებში მუსიკოსის ოჯახის წევრების მიმართ ინტერესი გაიზარდა. ნანუკა გუდავაძემ კი, სტილი რადიკალურად შეიცვალა. უახლესი ფოტოები სოციალური ქსელიდან

როგორც ცნობილია, ოჯახი სამხრეთ კორეაში, კერძოდ, სეულში ნანუკას დასთან, დის ქმართან და მათ შვილთან ერთად იმყოფება. სწორედ პატარების ერთობლივი ფოტო გამოაქვეყნა ნანუკამ „ინსტაგრამის“ პირად გვერდზე, რის მერე მათი ოჯახის მისამართით მითქმა-მოთქმა არ წყდება.

ანი გუდავაძის მეუღლე ნიკუშა ფიცხელაური და ბერა ივანიშვილი წლებია მეგობრობენ. ერთ-ერთი ვერსიით, ნანუკა გუდავაძე ბერამ სწორედ ნიკუშასგან გაიცნო. როგორც ანი გუდავაძის „ინსტაგრამიდან“ ირკვევა, ისინი სამხრეთ კორეაში ყველაზე დიდ აკვარიუმს COEX Aquarium-ს ესტუმრნენ, რომელიც 2000 წელს გაიხსნა და იქ 40 ათასზე მეტი ბინადარია.

რაც შეეხება ცნობილი რეპერის სამხრეთ კორეაში გამგზავრების მიზეზს, მან რამდენიმე კვირის წინ „იმედისთვის” მიცემულ ინტერვიუში განაცხადა, რომ სამხრეთ კორეაში მუსიკალური გეგმები აქვს.

„მე ახლა მივემგზავრები სამხრეთ კორეაში, სადაც დაგეგმილი მაქვს რამდენიმე საინტერესო დუეტი. უახლოეს მომავალში ვაპირებ გააქტიურებას მუსიკალური განხრით. იქნება ბევრი სიურპრიზი, რაც ჩემს გულშემატკივრებს გაუხარდებათ“, – განაცხადა ბერა ივანიშვილმა „იმედის ფაქტორში”.
View this post on Instagram

A post shared by @beraivanishvili_fanclub

მეგაპოლისი მრავაფეროვანი ადამიანებითა და ცხოვრების სხვა ტემპით გამოირჩევა. სამხრეთ კორეული სტილი ნანუკა გუდავაძის გემოვნებაზეც აისახა. მოდელი და ბერა ივანიშვილის მეუღლე ნანუკა გუდავაძე სეულში გადაღებულ ფოტოებს "ინსტაგრამის" გამომწერებს უზიარებს. მოდელმა ლურჯი ღია ფერის ჯინსის მოსაცმელით, ამავე ფერის შარვლით და ჩანთით იპოზიორა კამერასთან. ნანუკას დახვეწილი "ლუქი" შეუმჩნეველი არ დარჩენიათ მის გამომწერებს და ფოტოს გამოქვეყნებისთანავე დადებითმა შეფასებებმაც არ დააყოვნა.
"ულამაზესი ხარ", "ვიცი, რომ კარგ დროს ატარებ სამხრეთ კორეაში. სეულში ძალიან კარგი ხალხი და უგემრიელესი საჭმელია", - სწერენ ნანუკას.

1024
თემები:
ქართველი სელებრითები (323)
მარიამ გელხაურის ხელნაკეთი საათი

„კალიფსო“, ანუ „გააცოცხლე დაუვიწყარი წუთები"

131
(განახლებულია 17:50 13.05.2021)
მარიამ გელხაური პროფესიით კინო-მხატვარია, თავიდან გადასაღებ მოედანზე ოცნებობდა და სურდა კინოს სამყაროში აღმოჩენილიყო.

მაგრამ ცხოვრება, მოგეხსენებათ, კინო არ არის და იქ ბევრი რამ წინასწარ დაუგეგმავად ხდება. ამიტომ მომავალი კინო-მხატვარი ერთ მშვენიერ დღეს სახელოსნოში აღმოჩნდა. ახლა უკვე მესამე წელია, რაც საკუთარი ბრენდის სამკაულებს ქმნის და ეს საქმე იმდენად კარგად გამოსდის, რომ მომავალში საქმიანობის შეცვლას აღარ აპირებს...

მარიამ გელხაური
photo: courtesy of Mariam Gelkhauri
მარიამ გელხაური

- მარიამ, როგორ აღმოჩნდა კინო-მხატვარი გადასაღები მოედნის ნაცვლად სახელოსნოში?

- მაშინ 13-14 წლის ვიყავი, როცა გავიგე, რომ არსებობდა კინო-ტელე-მხატვრის პროფესია და დავინტერესდი. საკუთარი თავი სულ გადასაღებ მოედანზე წარმომედგინა, შესაბამისად, აბიტურიენტობის დროს მტკიცედ გადავწყვიტე ჩამებარებინა სამხატვრო აკადემიაში კინო-ტელემხატვრობის ფაკულტეტზე. თუმცა სწავლის პერიოდშივე დავიწყე მინანქრის სახელოსნოში მუშაობა მხატვარ-მემინანქრედ. ამის შემდეგ ჩემ წინაშე ახალი შესაძლებლობები გადაიშალა. იმდენად მონუსხული ვიყავი ახალი საქმიანობით, რომ პროფესიული გამოცდილება აღარ დამიგროვებია.

მარიამ გელხაური
photo: courtesy of Mariam Gelkhauri
მარიამ გელხაური

- ანუ კინოს მიღმა აღმოჩნდით?

- კინოს ვერასოდეს შეველევი. ჩემი ერთ-ერთი საყვარელი რეჟისორი უეს ანდერსონია. მისი შემოქმედებით შთაგონებული ვიყავი და, შეიძლება ითქვას, დღემდე ვარ. როდესაც სამკაულსა თუ საათებზე ვმუშაობ, მისი ფილმების პალიტრა ჩემთვის შთაგონების წყარო ხდება. სტუდენტობის დროს ვმუშაობდი ორ სახელოსნოში, სადაც ვქმნიდი სხვადასხვა სამკაულს. ეს იყო საყურე, ბეჭედი, სამაჯური, გულსაბნევი, ასევე მინიატურები სხვადასხვა მხატვრის შემოქმედებიდან. დიდი ხნის განმავლობაში ვფიქრობდი, გადამედგა თუ არა ნაბიჯი.

მარიამ გელხაურის ხელნაკეთი საათი
მარიამ გელხაურის ხელნაკეთი საათი

- ბრენდი სახელად „კალიფსო“ როდის დააარსეთ?

- ჩემთვის სტიმულის მომცემი ბოლო სახელოსნოში არსებული არახელსაყრელი გარემოება გახდა. მაშინ მიზნად დავისახე, რომ შემექმნა საკუთარი ბრენდი „კალიფსო“, სადაც ხაზს გავუსვამდი ხარისხს, ახლებურ ხედვას და შევქმნიდი ისეთ აქსესუარს, რომელიც სხვისგან გამომარჩევდა და მომხმარებლის ინდივიდუალურობას გაუსვამდა ხაზს.

მარიამ გელხაურის ხელნაკეთი საათი
მარიამ გელხაურის ხელნაკეთი საათი

- ვიცი, რომ „კალიფსოს“ სახით საკუთარ თავს საჩუქარი გაუკეთეთ...

- „კალიფსო“ შეიქმნა 2018 წლის 18 ივლისს, ანუ ჩემი დაბადების დღეს. ამით საკუთარ თავს საჩუქარი გავუკეთე. სახელოსნო მშობლების სახლში მოვიწყვე და მომავალი გეგმების ნაბიჯ-ნაბიჯ განხორციელებას შევუდექი. მარტო ვმუშაობ და, სამწუხაროდ, ამ ეტაპზე არ მყავს დასაქმებული ადამიანები, რისი დიდი სურვილიც მაქვს. იმისკენ ვისწრაფვი, რომ მომავალში გავაფართოვო სახელოსნო, სადაც მხატვრები არა მარტო დასაქმებას შეძლებენ, არამედ აქ სასწავლო კურსებიც იქნება მათთვის, ვისაც ეს საქმე იზიდავს.

მარიამ გელხაურის ხელნაკეთი საათი
მარიამ გელხაურის ხელნაკეთი საათი

- რა სახის სამკაულებს ამზადებთ და რომელ მათგანს გამოყოფდით, როგორც თქვენი ბრენდის საუკეთესო ნიმუშს?

- ძირითადად ვმუშაობ ქალისა და მამაკაცის სხვადასხვა აქსესუარებზე, ასევე მაჯის საათებზე, რომელსაც ყველაზე მეტად გამოვყოფდი, რადგან საქართველოში მათი ანალოგი არ შემხვედრია. ეს ერთ-ერთი ხაზია, რომელზეც, შეიძლება ითქვას, ყველაზე მაღალია მოთხოვნა. ასევე მოთხოვნაა ხაზზე „გააცოცხლე დაუვიწყარი წუთები", რომელიც დიდი მხატვრების ნახატების სერიას ეძღვნება. ყველაზე მეტად თავისუფალი საათების შექმნის პროცესში ვარ. კონკრეტული მოდელის გამოყოფა გამიჭირდება, რადგან თითოეულში უდიდესი შრომა და სიყვარულია ჩადებული.

მარიამ გელხაურის ხელნაკეთი საათი
მარიამ გელხაურის ხელნაკეთი საათი

- რა სახის მასალას იყენებთ და როგორი ტექნოლოგიური პროცესით ამზადებთ ნამუშევრებს?

- იმის გამო, რომ ნამუშევრის თითოეული დეტალი ხელით იქმნება, გარკვეულ დროს და მოთმინებას მოითხოვს სანამ საბოლოო სახეს მიიღებს. სწორედ ეს პროცესია ჩემთვის ყველაზე საყვარელი და საპასუხისმგებლო. როდესაც თავად ფერი და ფორმა გკარნახობს – რა გააკეთო, და ამ დროს გონება ხელს ემორჩილება. ნამუშევრები ტიხრული მინანქრით ქართული ტრადიციით, ვერცხლში იქმნება.

მარიამ გელხაურის ხელნაკეთი საათი
მარიამ გელხაურის ხელნაკეთი საათი

- ცნობილია, რომ ტიხრულ მინანქარზე მუშაობა საკმაოდ რთულია...

- დიახ, სამუშაო პროცესი საკმაოდ შრომატევადია. ნამუშევარი სანამ დასრულებულ სახეს მიიღებს, სხვადასხვა საფეხურს გადის. თავდაპირველად მუშავდება მისი ზედაპირი, სუფთავდება ზედმეტი ნაწიბურებისგან, ამის შემდგომ იწყება ნახატის ჩონჩხის აგება ვერცხლის ტიხრებით, რომელიც ასევე რთული ეტაპია, რადგან ზედმიწევნით სიზუსტეს და მოთმინებას მოითხოვს. შემდეგ სპეციალურ ღუმელში იწვება 730, 750, 800 გრადუსზე – ტემპერატურა ნახატში გამოყენებული ფერების მიხედვით უნდა შეირჩეს, მათთვის ლღობის განსხვავებული ტემპერატურაა საჭირო.  

მარიამ გელხაურის შემოქმედება
photo: courtesy of Mariam Gelkhauri
მარიამ გელხაურის შემოქმედება

- შემოქმედებთი თვალსაზრისით ყველაზე სასიამოვნო ეტაპი თქვენთვის რომელია?

- ჩემთვის ყველაზე სახალისო და საინტერესო ეტაპი იწყება გამოწვის შემდეგ, როცა ტიხრები ყალიბზე მაგრდება. ამ დროს ხდება ფერის შერჩევა-დადება და უკვე გამოკვეთილად ჩანს, რისკენ მივიწევთ და საბოლოოდ როგორი სახე ექნება აქსესუარს. სამკაულს ფერების რამდენიმე ფენა ედება, რისი დასრულების შემდეგაც ზედაპირის დამუშავება იწყება.

- ძირითადად ვინ არიან თქვენი მომხმარებლები?

- ჩემი პროდუქტის მომხმარებლები არიან ის ადამიანები, რომლებიც უდიდეს სტიმულს და ძალას მაძლევენ იმისთვის, რომ განვვითარდე და რაც შეიძლება მეტი და მეტი ახალი ნამუშევარი შევქმნა.

- თქვენი აზრით, რა არის ის, რაც ძირითადად გამოარჩევს თქვენს სამკაულებს ქართულ ბაზარზე უკვე არსებულისგან?

- საქართველოში მართლაც უამრავი ხელნაკეთი ნივთი იქმნება და ამ მხრივ უდავოდ გამორჩეულები ვართ. შესაბამისად, კონკურენციაც მაღალია. ჩემ შემთხვევაში შეიძლება ითქვას, რომ ის, რაც მე სხვებისგან გამორჩეულს მხდის და რითიც ვამაყობ - საათების ხაზია, რომლის ანალოგს ქართულ და უცხოურ ბაზარზე ვერ ნახავთ. ვცდილობ თითოეული ნამუშევარი სრულიად იყოს მომხმარებელზე მორგებული, მათ შეუძლიათ ჩვენი დახმარებით საყვარელი მხატვრის ნახატი მუდამ თან ატარონ. ბოლოს არსებულ ხაზს საყვარელი ოთხფეხა ცხოველების სერიაც შეემატა. რაც მთავარია, ადამიანებს ვაძლევ უნიკალურ შესაძლებლობას, რომ „კალიფსოს“ აქსესუარის სახით მათთვის დაუვიწყარი წუთები მარადიულად აქციონ და სულ თან ახლდეთ...

 

131
ლილი მიქელაშვილი

სხვებისგან გამორჩეული იდეები და სილუეტური ნივთები მინიმალისტებისთვის

456
(განახლებულია 17:36 11.05.2021)
„გამუდმებით ფიქრობ, რა შეიძლება შექმნა ისეთი, ერთხელ შერჩეულ სტილს რომ მოერგო, მერე არ გადაუხვიო მას და არავის დაემსგავსო“ – ამ ეტაპზე ლილი მიქელაშვილი, რომელმაც მამასთან ერთად საოჯახო ბიზნესი წამოიწყო, ამ ჩანაფიქრს კარგად ახორციელებს.

მათი სილუეტური ფორმის ორიგინალური ნივთები და ინტერიერის დეკორი, განსაკუთრებით, მინიმალისტური ხელოვნების მოყვარულთა ყურადღების ცენტრში ხვდება და დიდ მოწონებას იმსახურებს. სილუეტი ყველაფერს აქვს, მთავარია, ამ გზით დამზადებული ნივთი ლამაზიც იყოს და ფუნქციონალურიც. ამ შემთხვევაში ორივე პირობა დაცულია.

ლილი მიქელაშვილი
ლილი მიქელაშვილი

- ლილი, როგორ დაიწყო თქვენი საოჯახო ბიზნესი?

- პირველ რიგში, მადლობა მინდა გადაგიხადოთ ჩვენით დაინტერესებისთვის. ჩვენს ბიზნესში მე და მამა ვართ. ის პროფესიით ელექტროშემდუღებელია. როცა ჯანმრთელობის პრობლემა შეექმნა, ერთ-ერთ ცნობილ კომპანიაში მუშაობა ვეღარ გააგრძელა. სამსახურის მიტოვების შემდეგ გადაწყვიტა ჩემი იდეის განხორციელება და საოჯახო ბიზნესის შექმნა. დღეს ამ პროდუქციას ერთობლივი ძალით ვქმნით.

ლილი მიქელაშვილის ნამუშევრები
ლილი მიქელაშვილის ნამუშევრები

- რატომ შეარჩიეთ თქვენი ნაწარმისთვის სილუეტური ფორმა?

- ჩვენი ნამუშევრების დიზაინისთვის ინსპირაცია წამოვიდა სოციალურ ქსელში ნანახი ლარნაკიდან. როცა ამ სფეროში შეაბიჯებ, გამუდმებით ფიქრობ, რა შეიძლება შექმნა ისეთი, ერთხელ შერჩეულ სტილს რომ მოერგო, მერე არ გადაუხვიო მას და არავის დაემსგავსო. ამჟამად თანამედროვე დანადგარების არქონის გამო, რისი საშუალებაც გვაქვს, ვცდილობთ, ყველასთვის სასურველი და ჩვენთვის შესაძლებელი დეკორი შევქმნათ.

ლილი მიქელაშვილის ნამუშევრები
ლილი მიქელაშვილის ნამუშევრები

- ჩემი აზრით, ძირითადად მაინც ორიგინალური მინიმალიზმის მოყვარულთა ბრენდი ხართ...

- დიახ, აბსოლუტურად გეთანხმებით. ვთვლით, რომ მინიმალიზმი არის სტილი, რაც ყველანაირ ინტერიერს ერგება, გადატვირთული დეტალების გარეშე. სწორედ ამ სტილს ვინარჩუნებთ ბოლომდე, ესაა სილუეტური ხელწერა.

ლილი მიქელაშვილის ნამუშევრები
ლილი მიქელაშვილის ნამუშევრები

- მკითხველისთვის გასაგები რომ იყოს, გავმარტოთ, ძირითადად ამზადებთ სილუეტურ დეკორს: ქოთნების დეკორატიულ სადგამს, სხვადასხვა ფორმის ყვავილების ლარნაკებს, ჟურნალების თაროებს... ყველაზე მეტად რაზეა მოთხოვნა?

- ამჟამად ზემოთ ჩამოთვლილ დეკორზე ვმუშაობთ, მიუხედავად იმისა, რომ გვაქვს მრავალფეროვანი არჩევანი, ყველაზე დიდი მოთხოვნა მაინც ლარნაკებზეა. კონკრეტულად ერთ-ერთ ლარნაკზე, რამაც, შემიძლია ხაზგასმით ვთქვა, რომ გაყიდვების ყველანაირი რეკორდი მოხსნა. მიზეზი ისაა, რომ იგი სტანდარტული დიზაინისა და ზომისაა, რის გამოც თვალს ძალიან ლამაზად ხვდება. ამიტომ ჩვენი მომხმარებლები მისით უფრო ინტერესდებიან.

ლილი მიქელაშვილის ნამუშევრები
ლილი მიქელაშვილის ნამუშევრები

- ამ ნამუშევრებში სახალისო დეტალებიც შეიმჩნევა, რაც შესაბამის განწყობას ქმნის...

- ყველაზე დადებითი ემოციები მოდის სილუეტურ ხილის კალათზე, რომელსაც ძროხის ფორმის თავი აქვს. ზომითაც საკმაოდ მოზრდილია და, როგორც ჩანს, მნახველებში ყველაზე მეტ დადებით ემოციას იწვევს.

ლილი მიქელაშვილის ნამუშევრები
ლილი მიქელაშვილის ნამუშევრები

- მასალასაც რომ შევეხოთ, ვიცი, რომ ეკოლოგიურად სუფთა საღებავს იყენებთ, მაგრამ თავად კარკასი რა მასალისგანაა?

- ჩვენი თითოეული სილუეტი დამზადებულია მეტალის კონსტრუქციისგან. აწყობის შემდეგ კი მომხმარებლის სურვილის მიხედვით იღებება იმ ფერით, რა ფერიც მათ სურთ. ძირითადი მოთხოვნა მაინც სტანდარტულად შავ ფერზეა.

ლილი მიქელაშვილის ნამუშევარი
ლილი მიქელაშვილის ნამუშევარი

- ტექნიკურად როგორ მზადდება და რამდენად რთულია?

- სილუეტი მზადდება ხელით, დანადგარების გარეშე. მეტალის დაჭრიდან დაწყებული, ფორმის მიცემითა და შეღებვით დასრულებული ყველა სამუშაო ხელით სრულდება. გარკვეულ სირთულეებს გამუდმებით ვაწყდებით, რადგან ჩვენ ვმუშაობთ მომხმარებლის მიერ შემოთავაზებულ დიზაინზეც, იქნება ეს საკიდები თუ სხვადასხვა დეკორი, სწორედ ამის გამო ყოველთვის ვცდილობთ, ჩვენს შესაძლებლობებს მათი სურვილები მოვარგოთ, რა თქმა უნდა, მათთან კონსულტაციის გავლის შემდეგ.

ლილი მიქელაშვილის ნამუშევრები
ლილი მიქელაშვილის ნამუშევრები

- სამომავლოდ როგორი სილუეტის მიხედვით აპირებთ დეკორის ან რამე ნივთის შექმნას?

- ამჟამად ვმუშაობთ სილუეტური სანათების იდეაზე, იდეები ბევრია და ძალიან მალე თითოეული მათგანი, უკვე ნივთად ქცეული, დღის სინათლეს იხილავს. ვცდილობთ ჩვენი ნაწარმი ორიგინალური იყოს და ყოველთვის კრეატიულობით გამოირჩეოდეს.

ლილი მიქელაშვილის ნამუშევრები
ლილი მიქელაშვილის ნამუშევრები
 

- და კრეატიული იდეები როგორ ჩნდება ხოლმე?

- „კრეატორის დღიურის“ ავტორის კოტე იანტბელიძის სიტყვებით რომ გიპასუხოთ: „იდეები ტვინში ქაოსის გაწვრთნით იბადება“. მით უფრო ისეთი იდეები, რაც სხვებისგან გამოგვარჩევს. ვთვლით, რომ ყველაფერი წინაა და დასახულ მიზნამდე აუცილებლად უნდა მივიდეთ. 

 

456
ლეპტოპი

„წამიერი ყვირილი გავიგონე და არ ჩანდა ბავშვი...“ - 8 წლის გოგო საკანალიზაციო ჭაში ჩავარდა

0
(განახლებულია 13:41 18.05.2021)
სასოწარკვეთილი დედა სოციალურ ქსელში საშინელ ინფორმაციას ავრცელებს. ნახეთ რა შეემთხვა ძაღლების გასასეირნებლად წასულ დედა-შვილს

8 წლის გოგო ღია საკანალიზაციო ჭაში ჩავარდა, რის შედეგადაც ხელისა და ფეხის არეში ტრავმა მიიღო. შემთხვევა თბილისში მოხდა. ინფორმაციას და ფოტომასალას თავად გოგონას დედა ავრცელებს სოციალურ ქსელში.

როგორც დედა წერს, მან და მისმა გოგონამ ძაღლები ჩაიყვანეს სასეირნოდ, სეირნობისას კი ის ძაღლებს გაეკიდა, უცებ ყვირილი მოესმა და შვილი გაქრა. „მოვკვდი, ათასმა ფიქრმა გამიარა თავში. როგორ ჩაეკიდა სიღრმეში ბავშვი და რას ახლაც ვერ ვხვდები ძლივს ამოვიყვანე. ახლაც თვალებში მაქვს 7-8 მეტრის სიღრმეზე სიბნელე და წყლის ჩხრიალი თუ როგორი დინებით მიდიოდა. ღმერთს მადლობა რომ ბავშვი მოეკიდა რაღაცას. არ ვიცი ახლაც ვერ ვიხსენებ თუ რა და როგორ მოხდა წამებში მხოლოდ ჩუმი ყვირილი და ის ბნელი სიღრმე და წყლის ხმა ჩამესმის“, - წერს ქალი.

მისი თქმით, ბავშვს სულ დალურჯებული აქვს კიდურები, რომელსაც გადაიტანს, თუმცა იმ შოკს არა, რაც გადაიტანეს.

„დავრეკე მერიაში დავრეკე დასუფთავებაში, არსაიდან არანაირი გამოხმაურება. ძლივს ავწიე ის იმსიმძიმე თავსახური და ნახევრამდე მივაჩოჩე და ნახევრად დავაფარე იქვე ხალხმა დაფარა შემდეგ და უცებ ამოვედი სახლში ბავშვისათვის რომ მიმეხედა. ძალიან მაინტერესებს, ვისაც ეს სფერო ეხება, რატომ არ აკონტროლებენ? რატომ არის საკანალიზაციო ჭები ღია, იქ სადაც ბავშვები სეირნობენ რატომ? ძაღლი, კატა არ დაიარება?“ – წერს მოზარდის დედა.
0