გიორგი მეურმიშვილი

თანამედროვეობისგან გაქცევა და არქაულთან დაბრუნება ცხოვრება ფოტოკადრებში

528
(განახლებულია 20:15 16.11.2020)
შეიძლება ითქვას, რომ უკვე ორი პროფესია აქვს: განათლებით ანთროპოლოგმა არანაკლებ გაითავისა ფოტოხელოვნება, სადაც მისთვის საინტერესო თემებს ფილოსოფიურად არჩევს და იღებს...

გიორგი მეურმიშვილს სოციალური ანთროპოლოგიის მიმართ სიყვარული ალბათ პროფესიის დაუფლებამდე ჰქონდა ძვალ-რბილში გამჯდარი, ამას შემდეგ ფოტოგრაფია დაემატა.

მორიგი ახალი ფოტო მისთვის არ არის მხოლოდ ტექნიკურად სწორად შერჩეული რაკურსი, ყოველ თემას გონებით და ემოციურად იაზრებს და გადმოსცემს. ეს კი, ვფიქრობთ, მისი პროფესიული უნარ-ჩვევების დამსახურება და ბავშვობაში მიღებული შთაბეჭდილებების შედეგია...

გიორგი მეურმიშვილი
photo: courtesy of Giorgi Meurmishvili
გიორგი მეურმიშვილი

- ბატონო გიორგი, პირველ რიგში, მოგვიყევით რატომ შეაჩერეთ არჩევანი ისეთ საინტერესო და სპეციფიკურ პროფესიაზე, როგორიცაა სოციალური ანთროპოლოგია?  

- მუსიკალური კოლეჯის დასრულების შემდეგ არჩევანი მქონდა – გამეგრძელებინა კონსერვატორიაში საგუნდო-სადირიჟორო მიმართულებით, ან უნივერსიტეტში (სადაც უკვე ვიყავი ჰუმანიტარულ მეცნიერებათა ფაკულტეტის მეორე კურსის სტუდენტი). თუმცა იყო მესამე მიმართულებაც – სამედიცინო სფერო, ვინაიდან ოჯახში გვაქვს ამის ტრადიცია. მაგრამ ეს უკანასკნელი თავიდანვე გამოვრიცხე. არჩევანი საკმაოდ რთული იყო: ერთი მხრივ – მუსიკა, ხოლო მეორე მხრივ – უნივერსიტეტი, ისტორიით, წიგნებით და ექსპედიციებით.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- საბოლოოდ რამ გაგიადვილათ არჩევანის გაკეთება?

- ძალიან დიდი გავლენა იქონია ჩემზე პირველმა ექსპედიციებმა. ეს იყო 2006 წელს ბატონი ვახტანგ ლიჩელის არქეოლოგიური ექსპედიცია, ხოლო შემდეგ (2007 წელს) ეთნოლოგიის მიმართულებით დაგეგმილი ექსპედიცია მაღალმთიან აჭარაში, რამაც დაუვიწყარი შეგრძნებები დამიტოვა. იქაურმა გარემომ, ექსპედიციის სულმა ჩემზე ისე იმოქმედა, რომ ჩამოსვლისთანავე მივხვდი, ეს ჩემი პროფესია იყო. ზოგადად მიყვარს ახალი კულტურების, სხვადასხვა სოციალური ჯგუფების თუ ხალხის გაცნობა, მათი ჭირ-ვარამის გაგება, გაანალიზება, მათი სამომავლო შეხედულებების მოსმენა და წარსული ისტორიების ფიქსაცია. ჩვენს ჯგუფში 2006 წელს სულ ექვსი სტუდენტი ვიყავით, თუმცა ამჟამად ზემოხსენებული მიმართულება უფრო საინტერესო და მიმზიდველი ხდება ახალგაზრდებს შორის. საკმაოდ დიდია ინტერესი ეთნოლოგიის, სოციალური ანთროპოლოგიის მიმართ. სოციალური ანთროპოლოგების ძირითადი ამოცანაა არა ესა თუ ის კულტურა მხოლოდ საველე თუ კაბინეტურ ვითარებაში შეისწავლოს, არამედ ერთგვარად განჭვრიტოს ამ კულტურის, სოციუმის თუ ხალხის მომავლის კალაპოტი.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- გამომდინარე იქიდან, რომ ბავშვობაში მიღებული შთაბეჭდილებები დიდხანს რჩება, ხომ არ გახსენდებათ ამბავი ან პიროვნება, ვინც თქვენზე ამ მხრივ გავლენა იქონია?

- ბავშვობიდან გულდასმით ვუსმენდი ხოლმე ჩემი დიდი ბაბოს (რომელიც 2000 წელს გარდაიცვალა) მონათხრობს, შაირებს, გადმოცემებს. ვფიქრობ, სოციალური ანთროპოლოგიის მიმართ სიყვარული უკვე ძვალ-რბილში მქონდა გამჯდარი. ამას სამეცნიერო ენაზე embodied knowledge-ს ვეძახით, ამ ყველაფერს კი უნივერსიტეტში (თსუ) ჩემმა მასწავლებლებმა კიდევ უფრო მეტი ელფერი შესძინეს. 2006 წლიდან მოყოლებული დღემდე თითქმის არ ყოფილა წელი, რომ მინიმუმ ერთ ექსპედიციაში მაინც არ მიმეღო მონაწილეობა.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- მათ შორის რომელი უფრო დაგამახსოვრდათ და რითი?

- ჩემთვის ყველაზე შთამბეჭდავი იყო ექვსთვიანი ექსპედიცია ყვარლის რაიონში მცხოვრებ ხუნძებთან, რის შედეგადაც ჩემი მეორე სამაგისტრო ნაშრომი ბერგენის უნივერსიტეტში (ნორვეგია) დავიცავი. ერთია, როცა შენთვის ნაცნობ კულტურას სტუმრობ ერთი ან ორი კვირის განმავლობაში, ხოლო მეორე, როცა შენთვის არც თუ ისე ნაცნობ სოციუმში გიწევს ექვსი თვით ცხოვრება, მათი ადათ-წესების გაცნობა, შესწავლა, პატივისცემა. ამ დროს ხვდები: რაოდენ განსხვავებული ფერების არ უნდა იყოს პალიტრა, ის მაინც ერთია. საოცარია ველზე მუშაობისას მოხუცებთან საუბარი. ისინი თითქმის ყოველთვის ბრძნულად საუბრობენ, არ აქვს მნიშვნელობა რა განათლება აქვთ. მათ ესმით და იციან ბუნებაც და ადამიანიც. ამიტომ ექსპედიციები, გარდა იმისა, რომ ჩემი პროფესიის განუყრელი ნაწილია, ჩემი შინაგანი სამყაროსთვის არის თანამედროვეობისგან გაქცევა და დაბრუნება უფრო არქაულთან, მიწასთან, ბუნებასთან, თითქმის დაკარგულ სიბრძნესა და საიდუმლოებებთან...

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- ფოტოგრაფიით გატაცება, სავარაუდოდ, მანამდე გაჩნდა თქვენს ცხოვრებაში...

- ფოტოგრაფიით გატაცება, ისევე, როგორც ხელოვნების სხვა დარგებით დაინტერესება, დედაჩემის დამსახურებაა. მისი მადლიერი მთელი ცხოვრება ვიქნები. მახსოვს, 11 წლის ვიყავი, როცა მე და დედა სვეტიცხოვლის სანახავად წავედით. როცა მოვილოცეთ, ტაძრის ეზოში დედამ ჩანთიდან ამოიღო კოდაკის ფირის აპარატი (დღემდე მაქვს შენახული). ამიხსნა როგორ უნდა გადამეღო, თავად ახალგაზრდობაში იღებდა და ფირებსაც ამჟღავნებდა. მირჩია, რომ გადასაღებად კონკრეტული თემა ამეღო, მაგალითად, ტაძრები. რასაც გადავიღებდი ჩვენი მოგზაურობების დროს, ის დამიბეჭდავდა. ასე დაიწყო ჩემი და კამერის ურთიერთობა და სამყაროს დანახვა ფოტოაპარატის ლინზიდან. შემდეგი კამერაც დედაჩემმა მაჩუქა, მაშინ ჯერ კიდევ სკოლაში ვიყავი. ალბათ, როგორც ყველა, ფოტოებს მეც ვუღებდი მეგობრებს, ბუნებას, კულტურულ ძეგლებს, სანათესაო ყრილობებს და ა.შ. ამგვარად 20 წელია, რაც ჩემ ცხოვრებაში გაჩნდა კამერა და რაც დრო გადის, ერთმანეთს უფრო და უფრო „ვუახლოვდებით“.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- ფოტოგადაღებისთვის ყოველთვის საინტერესო თემებს ირჩევთ, რომელიმეს ხომ ვერ გაიხსენებთ?

- ჩემთვის თითქმის ყველა თემა საინტერესოა. თუმცა ყველაზე დასამახსოვრებელი იყო, როდესაც თბილისში მცხოვრები უპოვრების გადაღება დავიწყე. ეს სრულიად შემთხვევით მოხდა, როდესაც ლესელიძის ქუჩაზე მე და ჩემ მეგობარს ცოტა ნაბახუსევი უპოვარი შეგვხვდა. მასთან საუბრის შემდეგ, მახსოვს, სახლში მისულს არ მეძინა, მსურდა ცოტათი მაინც შემეგრძნო, როგორი იყო ქუჩაში, გარეთ ძილი. თანაც მაშინ ზამთარი იყო, ციოდა... მეორე დილით მივხვდი, რომ ეს ხალხი უნდა შემესწავლა და აღმებეჭდა კამერით.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

- ძირითადად პორტრეტების გადაღება გიყვართ, რატომ?

- დიახ, მიყვარს პორტრეტები, მათში კი მთავარი - თვალები. მათ უსიტყვოდ შეუძლიათ გადმოსცენ ყველანაირი ემოცია და ჩაგახედონ პიროვნების სულში. დავაკვირდი, საქართველოში განსაკუთრებული თვალები აქვთ მოხუცებს, საოცრად ემოციური და სუფთა.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება

 - თქვენი პირველადი პროფესია თუ გეხმარებათ საინტერესო თემების შერჩევასა და ფოტოების გადაღების დროს?

- ჩემთვის ჩემი პროფესია ერთადერთია, არასდროს ვუწოდებ თავს ფოტოგრაფს, რადგან არ მაქვს მიღებული სათანადო ცოდნა და არ მყოლია მასწავლებელი. ვფიქრობ, გამორიცხულია გადაიღო საინტერესო კადრები, თუ არ გაქვს მრავალმხრივი განათლება, შემეცნება. მხოლოდ კარგი კამერა, სერტიფიკატი ფოტოგრაფიის მიმართულებით და კამერის ტექნიკური მახასიათებლების ცოდნა არ კმარა საინტერესო კადრების გადასაღებად.

გიორგი მეურმიშვილის შემოქმედება
photo: courtesy of Giorgi Meurmishvili
გიორგი მეურმიშვილის შემოქმედება
  

- რა არის ის, რითიც ფოტოგრაფია არასოდეს დაკარგავს აქტუალობას?

- ადამიანი...

528
ბრიუს ლი

ბრიუს ლი 80: ბრძენი სულელური კითხვიდან მეტს იღებს, ვიდრე სულელი ბრძნული პასუხიდან

272
(განახლებულია 21:22 27.11.2020)
არ მეშინია იმის, ვინც 10 ათას სხვადასხვა დარტყმას სწავლობს. მეშინია იმის, ვინც ერთ დარტყმას 10 ათასჯერ სწავლობს – ბრიუს ლი.

დღეს ბრიუს ლის დაბადების დღეა. მას 80 წელი შეუსრულდებოდა.

...მხოლოდ ღამე სრულდება განთიადით>>

საბრძოლო ხელოვნების სამყაროში გამორჩეული ვარსკვლავი ბრიუს ლი ნამდვილი ლეგენდაა, რომელიც მსოფლიო ისტორიაში შევიდა, როგორც არა მარტო აღმოსავლური ორთაბროლების უბადლო ოსტატი, არამედ როგორც უნიკალური მოაზროვნე, რომლის ფილოსოფია დღემდე აღაფრთოვანებს მილიონობით ადამიანს.

ბრიუს ლი (ლი ჯუნ ფენი – 1940–1973) იყო ჩინელი კუნგ ფუს ოსტატი, ფილოსოფოსი, მსახიობი, რეჟისორი, პროდიუსერი, სცენარისტი, საბრძოლო ხელოვნების ერთ-ერთი მიმდინარეობის ჯიტ კუნ დოს დამაარსებელი. მან მხოლოდ 33 წელი იცოცხლა, მაგრამ ეს დრო საკმარისი აღმოჩნდა, რომ ყველასთვის საყვარელი მსახიობისა და ორთაბრძოლების ნამდვილი ოსტატის სახელი დაემკვიდრებინა.

ბრიუს ლი ბავშვობიდან ეზიარა ჩინურ ტრადიციებში ერთმანეთისგან განუყოფელ აღმოსავლურ სიბრძნესა და საბრძოლო ხელოვნებას. მისი გამონათქვამები დღემდე ეხმარება მრავალ ადამიანს თვითგანვითარებასა და თვითშემეცნებაში.

იდეალისკენ სწრაფვაში არ დაგავიწყდეთ, რომ უნდა იცხოვროთ!>>

გავიხსენოთ ბრიუს ლის ზოგიერთი გამონათქვამი, რომლებიც კიდევ ერთხელ დაგვაფიქრებს ცხოვრებაზე, ურთიერთობებზე, მეგობრობაზე და, უბრალოდ, ამ წუთისოფელზე.

ბრიუს ლის ძეგლი ჰონგ-კონგში
ბრიუს ლის ძეგლი ჰონგ-კონგში

•    მნიშვნელობა არა აქვს, რომ ნელა მიიწევ წინ, მთავარია, რომ არ ჩერდები;

•    მარცხი მარცხი არაა, თუ მას ასეთად არ აღიარებთ თქვენ ცნობიერებაში;

•    ნამდვილი მეგობრები ალმასივითაა — ძვირფასია და იშვიათი. ცრუ მეგობრები შემოდგომის ფოთლებივითაა — ყველგან არიან;

•    არ იფიქრო — იგრძენი! ეს მთვარეზე თითის მიშვერას ჰგავს. კონცენტრაციას თითზე ნუ აკეთებ, თორემ ამ ღვთაებრივ სილამაზეს გამოტოვებ;

•    რაზეც ფიქრობ, იმად იქცევი;

•    აღმოსავლეთის ხალხი ამბობს: „უფრო მოქნილი იყავი. სიცოცხლეში ადამიანი რბილი და მოქნილია, ხისტად მას სიკვდილი აქცევს“. ეს სხეულსაც ეხება, გონებასაც და სულსაც;

•    სხვისი განსჯის ნაცვლად მის გაგებას ვსწავლობ. არ შემიძლია, ბრმად გავყვე ბრბოს და მისი დამოკიდებულება მივიღო;

•    თუ რამეზე ფიქრობ, რომ ეს შეუძლებელია, ამით ის მართლა შეუძლებელი ხდება;

•    კარგი მებრძოლი ის კი არაა, ვინც დაძაბულია, არამედ ის, ვინც მზადაა. ის არ ფიქრობს და არ ოცნებობს, ის ყველაფრისთვის მზადაა, რაც შეიძლება მოხდეს;

მხოლოდ ერთი ცოდვა არსებობს – ქურდობა, ყველა სხვა ცოდვა ქურდობის ვარიაციაა...>>

•    გაათავისუფლე ტვინი, გახდი უსხეულო, უფორმო, როგორც წყალი. წარმოიდგინე, რომ წყალს ჭიქაში ასხამ — ის ჭიქა ხდება, თუ ჩაიდანში ასხამ — ჩაიდანი ხდება. წყალს შეუძლია იდინოს, ილივლივოს, იწვეთოს ან შხეფებად დაიღვაროს — იყავი წყალი, მეგობარო;

•    ცარიელ თავს გრძელი ენა აქვს;

•    აუცილებელი არაა მიზანს მიაღწიო. ხანდახან ეს, უბრალოდ, მიმართულებაა შემდგომი მოძრაობისთვის;

•    შეცდომების პატიება საკუთარი თავისთვის ყოველთვის შეიძლება, თუ მათი აღიარების სითამამე გეყოფა;

•    იყავი რბილი, მაგრამ არა — მორჩილი, იყავი მყარი, მაგრამ არა — სასტიკი;

•    უბრალოება ხელოვნების უმაღლესი საფეხურია;

•    ბრძენს სულელური კითხვიდან მეტის მიღება შეუძლია, ვიდრე სულელს ბრძნული პასუხიდან;

•    მნიშვნელობა არა აქვს, რას გასცემ, მნიშვნელოვანია, როგორ გასცემ;

ცივილიზაციის ჯებირები და ხელფეხშეკრული თავისუფლება...>>

•    არ მეშინია იმის, ვინც 10 ათას სხვადასხვა დარტყმას სწავლობს. მეშინია იმის, ვინც ერთ დარტყმას 10 ათასჯერ სწავლობს.

272
თემები:
აზრების ფოიერვერკი: ცნობილი ადამიანების ბრძნული გამონათქვამები
შოთა თხილიშვილის ნიღაბი

შოთა თხილიშვილის ხელნაკეთი ნიღბები ყველა შემთხვევისთვის, ანუ „ხანდახან, როცა გაჩერდები“

203
(განახლებულია 10:28 27.11.2020)
როცა შოთა თხილიშვილმა ნიღბების კეთება დაიწყო, მაშინ ვერც წარმოიდგენდა, რომ მოვიდოდა დრო და ადამიანები ნიღბის გარეშე გარეთ გასვლას ვერ შეძლებდნენ...

თუმცა მისი ნიღბები მედიცინისგან შორსაა და ისინი ხელოვნების ნიმუშს წარმოადგენს. სხვადასხვა თემატიკის ნიღბებს საკუთარი ტექნოლოგიით ამზადებს, უნდა, რომ მალე საკუთარი ნამუშევრების ბრენდი შექმნას...

შოთა თხილიშვილი
შოთა თხილიშვილი

- შოთა, ოდესმე წარმოიდგენდით, რომ ნიღბების ეპოქაში აღმოვჩნდებოდით?

- არა, ვერასოდეს წარმოვიდგენდი, რომ ადამიანებს ასეთი რამ თავს დაგვატყდებოდა და ნიღაბი აქტუალური გახდებოდა...

- თქვენ შემთხვევაში ნიღბით გატაცება როდის დაიწყო?

- სხვათა შორის, მე ბავშვობიდან, თითქმის ორი წლიდან ვძერწავ. როგორც დედა იხსენებს, რა გასაკვირიც უნდა იყოს, სწორედ ამ ასაკიდან დაიწყო ჩემი შემოქმედებითი გატაცებები, ხატვაც ადრე დამიწყია. მოგვიანებით კი პირველი ლექსიც დამიწერია.

შოთა თხილიშვილის შემოქმედება
შოთა თხილიშვილის შემოქმედება

- სამხატვრო აკადემიაში რატომ არ ჩააბარეთ?

- აკადემიური განათლების მიმართ ერთგვარი პროტესტი მაქვს. ჩემი აზრით, ნიჭიერი ადამიანი, რომელიც აკადემიაში შევა, შემდეგ ვიღაცის ასლი ხდება და ნიჭის განვითარებაზე ორიენტირებული არ არის. ყოველთვის ვცდილობ მსგავსი გავლენებისგან თავისუფალი ვიყო. ამიტომაც არაფერი მისწავლია. რა თქმა უნდა, ცნობილი მხატვრების შემოქმედებას ვიცნობ, მაგრამ ხატვის ტექნიკა არსად მისწავლია. ვიღაცამ ეს ყველაფერი უკვე გაიარა, პირველაღმომჩენია, პიონერია. მე კი მომწონს, როცა რაიმე სწავლის, შეცნობის გზას დამოუკიდებლად გავდივარ, ყოველგვარი ჩარევებისა და რჩევების გარეშე, საკუთარი პრაქტიკის საფუძველზე.

- ნიღბებს რა მასალისგან აკეთებთ?

- ნიღბებს საკუთარი ტექნიკით წინასწარ დამზადებული მინარევის საშუალებით ვაკეთებ. ისინი პოლიურეთანის პლასტიკის, ანუ ორკომპონენტიანია, მასალა საქართველოში სპეციალურად ჩამომაქვს. ჩემი ნიღბები მხოლოდ ორიგინალებია, ექსკლუზიური შეკვეთით დამზადებული.

შოთა თხილიშვილის შემოქმედება
შოთა თხილიშვილის შემოქმედება

- თქვენი ნიღბები კონკრეტულად რომელიმე პერსონაჟს გამოსახავს?

- ახლავე აგიხსნით: არის ასეთი ხელოვანება Cosplay, რაც სხვადასხვა პერსონაჟების განსახიერებას გულისხმობს. სხვადასხვა ფილმებისა და ანიმაციების გმირები ბავშვობიდან მიზიდავს, მათ მიმართ ინტერესი სულ მქონდა. როცა ვხედავდი, რომ ზოგჯერ მათი ხასიათი არ შეესაბამებოდა მათსავე გარეგნობას, მაშინ თავად ვქმნიდი ამა თუ იმ პერსონაჟს ისეთად, როგორიც წარმომედგინა, ანუ როგორიც, ჩემი აზრით, რეალობაში უნდა ყოფილიყო.

- ძირითადად როგორ ნიღბებს გიკვეთავენ და მათ შორის პოლიტიკოსის ნიღაბი თუ იყო?

- უფრო ხშირად მიკვეთავენ რომელიმე კონკრეტული პერსონაჟის, ან მითოლოგიური გმირების ნიღაბს, რომელსაც ჩემეული ინტერპრეტაციით ვაკეთებ. რაც შეეხება პოლიტიკოსების ნიღაბს, არავის შეუკვეთია. თუმცა პოლიტიკოსებს, მგონი, ისედაც აქვთ სიმბოლური ნიღაბი და ზედმეტი საჭირო აღარ არის.

შოთა თხილიშვილის ნიღბები
შოთა თხილიშვილის ნიღბები

- უჩვეულო შეკვეთა თუ გქონიათ?

- რაიმე უჩვეულო შეკვეთა არ მახსენდება. ერთხელ მთხოვეს ვიკინგის რქებიანი ჩაფხუტი დამემზადებინა. უჩვეულო ნიღბებს ძირითადად ჩემთვის ვქმნი ხოლმე. მათი გამოყენება ინტერიერისთვისაც შეიძლება. ძირითადად იაპონურ და აზიურ პერსონაჟებზე მაქვს აქცენტი, ანუ სინთოისტურ ღვთაებებსა და პერსონაჟებზე.

- ქართული მითოლოგიური პერსონაჟის ნიღაბი არ არის მათ შორის?

- ახლა მინდა, რომ ნადირობის ქალღმერთის დალის ნიღაბი გავაკეთო. მითოლოგიური პერსონაჟები საინტერესოა და კონკრეტულ ემოციას გამოხატავს – სიკეთეს, სიხარულს, აგრესიას... თუმცა არის ნიღბები, რომელიც არაფერს გამოხატავს, უემოციოა.

შოთა თხილიშვილის შემოქმედება
შოთა თხილიშვილის შემოქმედება

- უემოციო ნიღაბს რისთვის იყენებენ?

- ახლა მაქვს ერთი პოეტური ნიღაბი, რომელიც ჩემთვის დავამზადე, ის არანაირ ემოციას არ გამოხატავს და ცარიელია.

- პოეტური ნიღაბი უემოციო და ცარიელია?

- ახლავე აგიხსნით: პოეზიის შემთხვევაში ეს ნიღაბი უემოციო იმიტომაა, რომ კონკრეტულ შემთხვევაში მინდა ემოცია ნიღბისგან კი არა, ლექსიდან და სიტყვებიდან მოდიოდეს.

შოთა თხილიშვილი
შოთა თხილიშვილი

- ნიღბების ბრენდზე არ გიფიქრიათ?

- დიახ, მინდა, რომ ჩემი ნიღბების ბრენდი შევქმნა და „ხელკეთა“ დავარქვა. საერთოდ მარტო ნიღბებზე არ ვარ ორიენტირებული, ამავდროულად ვხატავ, ვქმნი სკულპტურებს და ქვის ბარელიეფებს. უბრალოდ, ყველაფერი ხარჯებთანაა დაკავშირებული და ნიღბებზე ამიტომ შევჩერდი.

- უახლოეს დროში რაიმე ჩანაფიქრი ხომ არ გაქვთ?

- გადავწყვიტე შევქმნა ახალი ტრენდი – ჩინური ზოდიაქოს 12 ნიშნის გამოყენებით გავაკეთო ნიღბები, რომელსაც ჩვეულებრივ პირბადედაც გამოიყენებენ. მოკლედ, ეს ისეთი თემაა, რომელიც შემოქმედებით ფანტაზიას დიდ გასაქანს აძლევს.

შოთა თხილიშვილის ნიღაბი
შოთა თხილიშვილის ნიღაბი

- როგორია თქვენი დღევანდელი, ასე ვთქვათ, შეუნიღბავი სათქმელი, რომლითაც ადამიანებს შეგიძლიათ მიმართავთ?

- მათ ასე ვეტყოდი: გინდ ცუდად იყო, გინდ კარგად, მოუხადე სამყაროს მადლობა ყველაფრისთვის და როგორც ერთმა მაგარმა ადამიანმა მითხრა ერთხელ, მეც გეტყვით: ძალა არის შენში! ხანდახან, როცა გაჩერდები, დაფიქრდები, ბევრჯერ დაეცემი, დაგავიწყდება ვინ ხარ, სისულელეს ჩაიდენ, ბევრჯერ მაღლაც ახვალ, გულიც აგიცრუვდება ან რაიმე გაგახარებს – ეს ყველაფერი შენი გზაა, რომელსაც თავად ირჩევ როგორ წარმართო. ცხოვრება შენი მასწავლებელია, ყოველგვარი ადამიანური გასწავლის ამ გზაზე სიარულს. იყავი შეუპოვარი და არასდროს უთხრა თანადგომაზე უარი მას, ვისაც მართლა ძალიან სჭირდება...

 

203
სავსე მთვარე

მთვარის კალენდარი: 29 ნოემბერი რისი გაკეთება შეიძლება და რისი არა

0
(განახლებულია 12:22 27.11.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 29 ნოემბერი, კვირა. ამ დღეს მზე მართავს. მზარდი მთვარე კუროს ნიშანშია.

გვიან საღამოს მთვარე ტყუპის ნიშანში გადავა.

კუროს დღეს კარგია, როცა საქმეს საფუძვლიანად აკეთებთ. ხელსაყრელი დღეა ახალი სამსახურის დაწყების, ფინანსური გარიგებების გაფორმებისთვის, უძრავი ქონებისა და ზოგადად, ქონებრივი საკითხებით დაინტერესებისთვის.

ეს დღე ძალიან კარგი დროა სიყვარულისთვის. ქალები განსაკუთრებით მომაჯადოებელი ხდებიან. ხელსაყრელი დროა ერთობლივად ბუნებაში გასვლისთვის. ამ დღეებში ყალიბდება ურთიერთობები, როდესაც პარტნიორები ერთმანეთის გვერდით თავს გრძნობენ დაცულად, სტაბილურად. ესაა ურთიერთპატივისცემაზე, დახმარებასა და მხარდაჭერაზე დაფუძნებული კავშირი, მათ შორის, ფინანსური თვალსაზრისითაც. ამ ურთიერთობებს რამდენადმე აკლია ცეცხლი და მგზნებარება, ამიტომ სასურველია მასში არტისტიზმის შეტანა.

რეკომენდებულია მტკიცე და აქტიური მოქმედებები, მნიშვნელოვანი და სერიოზული საქმეების დაწყება, ნაბიჯების დაფიქრებითა და ყურადღებით გადადგმა, ურთიერთობები სხვადასხვა ადამიანებთან, ოჯახური და მეგობრული თუ კოლეგიალური კავშირების გამტკიცება–მოგვარება, კარიერიაზე ზრუნვა, ბიზნეს–საქმიანობა, ფინანსური საკითხების გადაწყვეტა, სხვისი პრობლემებისთვის თავის არიდება.

არარეკომენდებულია უსაქმურობა, ენერგიის დახარჯვა უმნიშვნელო მოვლენებზე და წვრილმანებზე.

არახელსაყრელი დღეა მგზავრობისთვის.

თმის შეჭრა, შეღებვა: კარგი დღეა თმის შეჭრისთვის – თმა კარგად გაიზრდება და მისი მდგომარეობა გაუმჯობესდება. შეიძლება თმის შეღებვაც. მანიკურისთვის ნეიტრალური დღეა.

მებაღეობა: კურო ერთ–ერთი ნაყოფიერი ნიშანია. ამ დღეს კარგია მცენარეების დარგვა–გადარგვა, მიწაში არსებულ მავნებლებთან ბრძოლა, ყვავილებისთვის სასუქის მიცემა, ზამთრის მარაგის გაკეთება და მოსავლის აღება.

0