ქეთი ბოკერია კოლეგებთან ერთად

კლასგარეშე საკითხავი მასწავლებლებისთვის „ბავშვების უმეტესობას უკვე ენატრება გაკვეთილები“

447
(განახლებულია 22:35 30.03.2020)
„ყველაზე ბნელი ღამეებიც დასრულდება და მზე ამოვა“ – ასე ამთავრებს თავის ერთ პოსტს აზერბაიჯანელი ეროვნების გოგონა საფა სადიკოვა, რომელიც მოქალაქეებს სახლში დარჩენისკენ ორ ენაზე მოუწოდებს.

იმაში, რომ იგი ქართულად ასე კარგად საუბრობს და, რაც მთავარია, თავის მოქალაქეობრივ და ადამიანურ პოზიციასაც გამოხატავს, მისი ქართული ენისა და ლიტერატურის მასწავლებლის ქეთი ბოკერიას დამსახურებაცაა.

მასწავლებლობა 23 წლის ასაკში თავისი სოფლის მშობლიურ სკოლაში დაიწყო. დღეს ქალაქ რუსთავის N3 საჯარო სკოლაში რუსული და ქართული სექტორის ქართული ენისა და ლიტერატურის მასწავლებელია.

ქეთი ბოკერია
ქეთი ბოკერია

- ქალბატონო ქეთი, როგორ გახსენდებათ ის დროს, როცა მასწავლებლობა დაიწყეთ?

- საშუალო სკოლა აბაშის რაიონის სოფელ სამიქაოში დავამთავრე. მასწავლებლად იქვე, 23 წლის ასაკში დავბრუნდი. რაც თავი მახსოვს, მასწავლებელი ვარ, სხვა სფეროში ჩემი თავი ვერც წარმომიდგენია. თუმცა ყოველთვის მასწავლებლობაზე არ ვოცნებობდი და ეს უფრო მამის რჩევა იყო: ქალისთვის უკეთესი საქმე არ არსებობს, რადგან შვილებისთვის ყოველთვის მეტი დრო გექნებაო. მუშაობა 1986 წელს მეზობელი სოფლის საშუალო სკოლაში დავიწყე. მას მერე ბევრმა წყალმა ჩაიარა. იყო ავბედითი 90-იანი წლები და ნებისმიერ ამინდში სკოლიდან სკოლაში ფეხით სიარული, რადგან ვიცოდი, რომ მოსწავლეები მელოდნენ...

იმ დროისთვის უკვე ჩემი სოფლის, სამიქაოს სკოლაშიც ვმუშაობდი. სიმართლე გითხრათ, ახლა მახსენდება, რომ თავიდან ცოტათი მეშინოდა კიდეც, რადგან მეგონა, ძალიან რთული იქნებოდა. მე ხომ ჩემი ყოფილი მასწავლებლების გვერდით როგორც კოლეგას, ისე მომიწევდა მუშაობა. თუმცა შევცდი, ისინი ისე მიყურებდნენ, როგორც შვილს, გვერდით მედგნენ და ყველაფერში მაკვალიანებდნენ.

იმ წლებმა, როგორც მასწავლებელს ბევრი რამ შემძინა. როგორც პროფესიონალი კი ფაქტობრივად იქ ჩამოვყალიბდი.

ქეთი ბოკერია კოლეგებთან ერთად
ქეთი ბოკერია კოლეგებთან ერთად

- დღეს ქართულ ენასა და ლიტერატურას არაქართულ მოსახლეობასაც ასწავლით...

- მოგვიანებით რუსთავში განვაგრძე მუშაობა, ჯერ N2 საჯარო სკოლაში, შემდეგ კი მთელ რუსთავში ცნობილ N3 საჯაროში, რომელიც იმ დროს რუსული სკოლა იყო ახალგახსნილი ქართული სექტორით. მე ორივე სექტორზე ვარ ქართულის მასწავლებელი, ამჟამად რუსულ სექტორზე პატარებს, მეორე და მესამე კლასებს ვასწავლი. პირველი ქართული მე-12 კლასი შარშან გამოვუშვით. რუსულ სექტორზე მოსწავლეთა უმრავლესობა აზერბაიჯანელია, ბევრი მათგანი ქართულ სექტორზეც სწავლობს. ეს მოსწავლეები რუსთაველები და მეზობელი გაჩიანის რაიონის სოფლების მცხოვრებნი არიან. სხვათა შორის, ჩვენთან ამ სოფლებიდან უკვე თაობები სწავლობენ. პირველ წელს ქართულთან ერთად მესამე კლასში რუსულ ენასაც ვასწავლიდი და პირველი გაკვეთილიც სწორედ მათთან მქონდა. გინდ დაიჯერეთ, გინდ არა, ახლაც თითქმის ყოველი დეტალი მახსოვს: პატარების ნათელი, ინტერესით გაფართოებული თვალებიდან დაწყებული, ძველი ხის შენობის სასიამოვნო სუნით დამთავრებული. ერთმანეთის სიყვარული და პატივისცემა ბოლომდე გაგვყვა.

ქეთი ბოკერია
ქეთი ბოკერია

- რუსულ სექტორზე ბევრია ქართული ენის შესწავლის მსურველი?

- არაქართულენოვანი მოსწავლეების ქართული ენით დაინტერესება წლებთან ერთად იზრდება. ჩვენი სკოლის სასახელოდ უნდა ითქვას, რომ არაქართულ სექტორზე ქართული ენის სწავლების საქმე ყოველთვის მაღალ დონეზეა. ქართული სკოლებისთვის განკუთვნილი სახელმძღვანელოებით წლებია ვმუშაობთ და წარმატებებსაც ვაღწევთ. ე.წ. კატ-ის გამოცდებზე ჩვენი სკოლის მოსწავლეები რესპუბლიკის მასშტაბით უმაღლეს შედეგებს აჩვენებენ. ბევრი მათგანი უმაღლეს სასწავლებლებშიც ყოველწლიურად აბარებს. მშობლების დაინტერესებაც იზრდება, რაც განსაკუთრებით დაწყებით საფეხურზეა თვალსაჩინო და ეს ფაქტი ძალიან გვახარებს.

ქეთი ბოკერია კოლეგებთან ერთად
ქეთი ბოკერია კოლეგებთან ერთად

- დღეს სხვების მსგავსად, თქვენც ონლაინ გაკვეთილებზე გადახვედით...

- ონლაინ-სწავლებას, რომელიც აუცილებლობითაა ნაკარნახევი, ჩემი მოკრძალებული აზრით, მინუსი უფრო მეტი აქვს. თავი რომ დავანებოთ ყველასთვის მიუწვდომელ ინტერნეტს, გაუმართავ ან არარსებულ ტექ-საშუალებებს, საჭირო საიტების გადატვირთულობას და სხვ. იგი ვერასოდეს ჩაანაცვლებს ცოცხალ ურთიერთობებს ბავშვებთან, რომლებიც უკვე ძალიან მომენატრნენ. ვერ შეცვლის ცოცხალ ემოციებს და სითბოს, მოკლედ, სიცოცხლეს ვერ შეცვლის. რაც შეეხება ბავშვებს, თავიდან ბევრი აღაფრთოვანა იმ იდეამ, რომ სკოლაში არ ივლიდნენ. ახლა მათ უმეტესობას გაკვეთილები უკვე ენატრება. სავარაუდოდ, ეს ურთიერთობების მონატრებაა, სწორედ იმ ჯანსაღი და ცოცხალი ურთიერთობებისა, ზემოთ რომ აღვნიშნე. იმედია, მალე გადაივლის ყველა განსაცდელი და ისევ შეგვეძლება, რომ საკლასო ოთახებში შევიდეთ და ერთმანეთს ჩავეხუტოთ - პატარები ხომ ასე გამოხატავენ გულწრფელ სიყვარულს...

ქეთი ბოკერია კოლეგებთან ერთად
ქეთი ბოკერია კოლეგებთან ერთად

- ბოლო დროს მარნეულში შექმნილმა სიტუაციამ როგორ იმოქმედა მოსწავლეებზე?

- ბავშვებმა განსაკუთრებით მტკივნეულად განიცადეს რაც მარნეულში მოხდა. ყველას მსგავსად, ჩვენი სკოლის მოსწავლეებიც ეხმიანებიან მოწოდებას - „დარჩი სახლში“, ისინი ინტერნეტის საშუალებით ხალხს ორივე ენაზე მიმართავენ. იყო უსიამოვნო შემთხვევაც, როდესაც სოციალურ ქსელებში, ზოგიერთმა იკადრა და არაქართულენოვან მოსახლეობას შეურაცხყოფა მიაყენა. ერთ ასეთ პოსტს აზერბაიჯანელი ეროვნების მოსწავლეც საფა სადიკოვაც გამოეხმაურა. ცრემლმორეულმა მოვისმინე მისი ემოციური ვიდეოჩანაწერი, რომელიც ამ თემის საპასუხოდ ატვირთა. მე მჯერა, რომ ასეთი მხოლოდ ერთეული შემთხვევაა, რადგან ეს საქართველოა, სადაც ასეთი გამოხდომები ყოველთვის სამარცხვინოდ ითვლებოდა...

ქეთი ბოკერია კოლეგებთან ერთად
ქეთი ბოკერია კოლეგებთან ერთად

- ერთხელ გაკვეთილზე...

- ერთხელ გაკვეთილზე? რომელი ერთი გავიხსენო... გამოცდილებას თითქმის ყველა გაკვეთილი გვაძლევს. ბავშვები ისეთი ამოუცნობი და მოულოდნელი არსებები არიან, მათთან ურთიერთობით ბევრს ვსწავლობთ, ამიტომაც მენატრება გაკვეთილები, მოსწავლის ერთი რეპლიკა, ერთი კითხვა და ყველაფერი ისე წარიმართება, როგორც ბავშვები „გიკარნახებენ“. შემთხვევებიდან კი ერთს გავიხსენებ:

ზოგადად, ძალიან ემოციური ვარ და, განსაკუთრებით, ლიტერატურის გაკვეთილებზე, ხმის ტემბრიც მაღალი მაქვს. ერთხელ გარეთ გასულმა მოსწავლემ კლასში დასმული კითხვის პასუხი გარედანვე „შემომიტანა“, თან დააყოლა – თქვენი ხმა დერეფანში მესმოდაო. აბა, როგორია?! ამის შემდეგ სულ ვცდილობდი, რომ მეკონტროლებინა ჩემი ხმა, მაგრამ ამან იმდენი ემოცია „შეიწირა“, რომ თავი დავანებე...

- და ბოლოს, როგორია მასწავლებლის სამი „ოქროს წესი“?

- პირველი და მთავარი, განურჩევლად ყველა ბავშვის სიყვარულია, მასწავლებელი სამართლიანი მეგობარი უნდა იყოს, სხვანაირად არ გამოვა, ამას საქმის სიყვარული და თვითგანვითარების მუდმივი სურვილიც დაუმატეთ: ყოველდღე უნდა ისწავლო, რათა სხვას ასწავლო; ნდობა და მიტევება უნდა შეგეძლოს და კიდევ, უნდა გახსოვდეს, რომ თუ მასწავლებლობა გადაწყვიტე, ეს სამუდამოა: ყველგან, ყოველდღე, ყველა სიტუაციაში... სამზე მეტი წესი გამოვიდა, პრინციპში, მეტიც შეიძლება და ყველა მათგანი „ოქროსი“ იქნება. რადგან მასწავლებლობა, ყველაზე მთავარი პროფესიაა, რაზეც ქვეყნის მომავალი რეალურადაა დამოკიდებული...

447
საზოგადოება

რატომ არ მოსწონთ ქალებს გენიოსების წიგნები

49
(განახლებულია 16:46 04.06.2020)
ბელადს, რომელიც თავის ხალხს სისხლითა და ოფლით აშინებს, უფრო დიდი ნდობა აქვს, ვიდრე პოლიტიკოსს, რომელიც ხალხს კეთილდღეობასა და აყვავებას ჰპირდება...

აზრების ფოიერვერკი“ წარმოგიდგენთ ჯორჯ ორუელის გამონათქვამებს.

ჯორჯ ორუელი
ჯორჯ ორუელი

ჯორჯ ორუელი (George Orwell, 1903–1950) – ბრიტანელი მწერალი და პუბლიცისტი. მისი ნამდვილი სახელია ერიკ ართურ ბლერი. ორუელის უმნიშვნელოვანესი ნაწარმოებებია რომანი „1984“ და იგავი „ცხოველების ფერმა“. ორუელია ავტორი ტერმინისა „ცივი ომი“, რომელმაც შემდგომში ფართო გამოყენება ჰპოვა.

·        ადამიანები, რომლებიც ხმას აძლევენ წარუმატებლებს, ქურდებს, მოღალატეებსა და თაღლითებს, მათი მსხვერპლი არ არიან. ისინი თანამონაწილეები არიან.

·        ნორმალურ ადამიანს ძალაუფლება არ სურს, შესაბამისად, ძალაუფლება ყოველთვის არანორმალურების ხელშია.

·        სოციალიზმის (ისევე, როგორც ქრისტიანობის) ყველაზე უარესი რეკლამა მისი მიმდევრებია.

·        გენიოსის უტყუარი ნიშანი: მისი წიგნები ქალებს არ მოსწონთ.

·        თუ ცხოვრების მთავარი მიზანი არა განვლილი წლების რაოდენობა, არამედ ღირსება და პატიოსნებაა, მაშინ რა განსხვავებაა, როდის მოკვდები?

თავისუფლება გზის ბოლოსაა, მანამდეა მოთმინების გზა>>

·        თავისუფლება – ესაა უფლება ელაპარაკო ადამიანებს ის, რისი მოსმენაც მათ არ სურთ.

·        ყველა ცხოველი თანასწორია, მაგრამ ზოგი ცხოველი უფრო თანასწორია, ვიდრე სხვები.

·        ომი – ეს მშვიდობაა. თავისუფლება – მონობაა. არცოდნა – ძალა.

·        ათიდან ცხრა შემთხვევაში რევოლუციონერი – ესაა მთამსვლელი ბომბით ჯიბეში.

·        ადამიანი ერთადერთი არსებაა, რომელიც მოიხმარს და არაფერს აწარმოებს.

·        პატრიოტიზმი თავისი ბუნებით არ არის აგრესიული არც სამხედრო და არც კულტურული გაგებით. ნაციონალიზმი კი ძალაუფლებისადმი მისწრაფებისგან განუყოფელია.

·        სანამ ფიქრს არ ისწავლიან, არ აჯანყდებიან, მაგრამ მანამ, სანამ არ აჯანყდებიან, ფიქრს ვერ ისწავლიან.

·        რაც უფრო შორდება საზოგადოება სიმართლეს, მით უფრო ვერ იტანს მათ, ვინც სიმართლეს ლაპარაკობს.

·        ომის დამთავრების უსწრაფესი ხერხი მისი წაგებაა.

·        ის, ვინც წარსულს მართავს, მართავს მომავალს. ის, ვინც აწმყოს მართავს, მართავს წარსულს.

·        ბელადი, რომელიც თავის ხალხს სისხლით, მძიმე შრომით, ცრემლითა და ოფლით აშინებს, უფრო დიდი ნდობით სარგებლობს, ვიდრე პოლიტიკოსი, რომელიც ხალხს კეთილდრეობასა და აყვავებას ჰპირდება.

ბედნიერება ფრთებით მოდის, მაგრამ ყავარჯნებით მიდის>>

·        სერიოზულ სპორტს არაფერი აქვს საერთო პატიოსან თამაშთან. სერიოზული სპორტი – ესაა ომი, მინუს მკვლელობა.

·        თითოეული თაობა თავს მიიჩნევს წინა თაობაზე უფრო ჭკვიანად და მომდევნო თაობაზე უფრო ბრძენად.

·        კარგი წიგნი ამბობს იმას, რაც ისედაც ცნობილია.

·        რევოლუციონერების უმრავლესობა პოტენციური კონსერვატორები არიან.

·        ყოველ ნაციონალისტს არ შორდება ფიქრი, რომ წარსულის შეცვლა შეიძლება და უნდა შეიცვალოს.

·        როდესაც ომს ბოლო არ უჩანს, ის უკვე აღარ არის საშიში.

·        ომის მთელი პროპაგანდა, ყვირილი, ტყუილი და სიძულვილი უცვლელად მოდის იმ ადამიანებისგან, რომლებიც არ იბრძვიან.

·        რეპრესიების მიზანი რეპრესიებია. წამების მიზანი – წამება. ხელისუფლების მიზანი – ძალაუფლება.

·        იერარქიული საზოგადოება შესაძლებელია მხოლოდ სიღატაკისა და უცოდინრობის საფუძველზე.

·        ადამიანები მშიერი მუცლით არასდროს ვარდებიან სასოწარკვეთილებაში. მათ არც კი იციან, ეს რა არის...

49
თემები:
აზრების ფოიერვერკი: ცნობილი ადამიანების ბრძნული გამონათქვამები
თეა თავაძე

ქართველი ექიმი, რომელიც სტამბულში ქალებს ჰიპნოზით ამშობიარებს

1034
(განახლებულია 22:48 03.06.2020)
ჩვენი რუბრიკა „ქართველები უცხოეთში“ ამჯერად თურქეთში მცხოვრებ წარმატებულ ქართველ ექიმს თეა თავაძეს გაგაცნობთ.

ქართველი ექიმი სტამბულის ერთ-ერთ კერძო სამედიცინო უნივერსიტეტის მეან-გინეკოლოგიური კლინიკის წამყვანი სპეციალისტია. ის ურთულეს გინეკოლოგიურ ოპერაციებს ატარებს და იმავე კლინიკაში წყალში მშობიარობის განყოფილების დამაარსებელიც გახლავთ. ამავე სფეროში კოლეგებთან ერთად მუშაობს ისეთ ინოვაციურ მეთოდზე, როგორიცაა ჰიპნოზით მშობიარობა. ფლობს რადიოლოგიისა და ფსიქოთერაპიის სერტიფიკატებს.

თავის დროზე დიპლომი დაიცვა ისეთ თემაზე, როგორიცაა ვაგინალური ექოსკოპიის როლი ადრეული ორსულობის პერიოდში, რაც შემდგომ წიგნის სახით გამოიცა. დღეს კლინიკაში (Atlas Üniversitesi Edicine hospital) მუშაობის პარალელურად ლექციებსაც კითხულობს.

თეა თავაძე
თეა თავაძე

- ქალბატონო თეა, როგორ და როდის აღმოჩნდა ქართველი მედიკოსი თურქეთის სამედიცინო სფეროში?

- თურქეთში ჩამოსვლამდე, 1998 წელს საქართველოში პეტრე შოთაძის სამედიცინო აკადემია დავამთავრე. თურქეთში ჩემი ჩამოსვლა დეიდაჩემის ნესტან სოფაძის რჩევით მოხდა. იმ პერიოდში დეიდა თურქეთის ერთ-ერთ კონსერვატორიაში მუსიკის პედაგოგად მოღვაწეობდა. სწორედ მისგან გავიგე, რომ იმ პერიოდში თურქეთსა და საქართველოს შორის სტუდენტური გაცვლითი პროგრამები მოქმედებდა. ექვსი თვის მანძილზე თურქ სტუდენტებთან ერთად კლინიკაში ვიყავი და მონაწილეობას ვიღებდი პრაქტიკულ სამუშაოებში.

თეა თავაძე სამუშაო გარემოში
თეა თავაძე სამუშაო გარემოში

- რამ მოახდინა თქვენზე მაშინ შთაბეჭდილება?

- იმ ექვსი თვის განმავლობაში ჩემზე ძალიან დიდი შთაბეჭდილება მოახდინა თურქეთის სამედიცინო განათლების დონემ. გადავწყვიტე, რომ ისევ დავბრუნებულიყავი სტამბულში და მაგისტრატურაში აქ ჩამებარებინა. ძალიან დიდი შრომისა და გამოცდების ჩაბარების შემდეგ (რისთვისაც სამი წელი დამჭირდა) მარმარის სახელობის სამედიცინო უნივერსიტეტში მოვხვდი მეან-გინეკოლოგის სპეციალობაზე, სადაც ექვსი წელი ვისწავლე და ერთ-ერთი წარმატებული სპეციალისტი ვიყავი.

ექიმი თეა თავაძე პაციენტთან ერთად
ექიმი თეა თავაძე პაციენტთან ერთად

- ამ ეტაპზე რა სახის კვლევებზე გიწევთ მუშაობა?

- ვაწარმოებ გარკვეულ კვლევებს და ვახორციელებ ფიზიოლოგიურ მშობიარობას პირველი, მეორე და მესამე საკეისროს შემდეგ, რომელიც ძალიან რთული პროცესია. მოგეხსენებათ, თურქული ტრადიციები მრავალშვილიანობის მომხრეა, საკეისრო კვეთა კი მრავალშვილიანობას, ასე თუ ისე, აფერხებს. მე, როგორც ერთ-ერთი მეან-გინეკოლოგიური კლინიკის ხელმძღვანელი, რთულ მშობიარობებს ვუწევ მეთვალყურეობას. გარდა იმისა, რომ მეან-გინეკოლოგი ვარ, დამატებით ვფლობ რადიოლოგიისა და ფსიქოთერაპიის სერტიფიკატებს, რომელსაც მხოლოდ ჩემ სპეციალობაში ვიყენებ.

თეა თავაძე
თეა თავაძე

- თურქეთში ისეთ უჩვეულო და უნიკალურ მეთოდზე მუშაობთ, როგორიცაა ჰიპნოზით მშობიარობა, როგორ ხდება მსგავსი რამ?

- ჰიპნოზი ბერძნული სიტყვაა და ნიშნავს ძილს, ცნობიერების შეცვლილ მდგომარეობას, რომელიც ხასიათდება ღრმა მოდუნებით, შთაგონებისადმი მიმღებლობით, აღქმნის, მეხსიერების, მოტივაციის და თვითკონტროლის ცვლილებებით. ჰიპნოზში მყოფი პაციენტი გარეგნულად ძილის მაგვარ მდგომარეობაში იმყოფება, თუმცა პაციენტი თავისუფლად გამოხატავს ემოციას – ტირის, ყვირის, შეკითხვებზე თავისუფლად გცემს პასუხს. ისინი გრძნობენ, რომ მათი ქცევა ყოველგვარი ცნობიერი განზრახვისა და ძალისხმევის გარეშე ხორციელდება. მოკლედ რომ ვთქვათ, ორსულობის პერიოდში შთაგონების მეშვეობით ვახერხებთ პაციენტის ქვეცნობიერის კონტროლს, რომელიც მშობიარობის პერიოდში ექიმის მითითებებს ექვემდებარება.

თეა თავაძე ოჯახურ გარემოში
თეა თავაძე ოჯახურ გარემოში

- რამდენად უსაფრთხოა ეს მეთოდი?

- ჰიპნოზით მშობიარობა სრულიად უსაფრთხო მეთოდია, რომელიც საერთოდ არ მოქმედებს პაციენტის ჯანმრთელობაზე. მშობიარობის შემდეგ პაციენტი რამდენიმე წამში გარკვეული მითითების შემდეგ ისევ უბრუნდება ჩვეულებრივ მდგომარეობას. ეს ახალი ტენდენციაა თურქეთში და ჩვენი უნივერსიტეტი ჯერჯერობით მხოლოდ მეორე იქნება, სადაც ჰოპნოზით მშობიარობა განხორციელდება.

თეა თავაძე
თეა თავაძე

- ვიცი, რომ დისერტაციაზეც მუშაობთ, რა თემას ეხება თქვენი ნაშრომი?

- ამჟამად საერთაშორისო კლინიკის თანამშრომლებთან ერთად ვმუშაობ თემაზე, რომელიც ეხება ორსულობამდე და ორსულობის დროს მიღებული ფსიქოლოგიური ტრავმების შედეგებს მშობიარობის პერიოდში.

თეა თავაძე
თეა თავაძე

- თქვენი მეუღლე თურქეთელი ქართველების შთამომავალია, ალბათ ამანაც განაპირობა ამ ქვეყანაში თქვენი ოჯახის საბოლოოდ დამკვიდრება...

- ჩემი მეუღლე ქემალ იემი (iyem), ირემაძე წარმოშობით მაჭახელადანაა. დედამთილი მარიამ ქავთარაძეა, მამამთილი ნევზათ ირემაძე გარდაცვლილია. იმ პერიოდში თურქეთში არასტაბილური ეკონომიკური მდგომარეობის გამო მეუღლის მშობლები საცხოვრებლად გადავიდნენ ბელგიაში, სადაც ჩემი მეუღლე დაიბადა და გაიზარდა. იქ ცხოვრობდნენ ოცი წლის განმავლობაში, მიიღეს ბელგიის მოქალაქეობა, მაგრამ შემდეგ საცხოვრებლად ისევ სტამბულში გადავიდნენ. შემდეგ ჩემმა მეუღლემ დაიწყო თურქეთსა და საქართველოს შორის წარმატებული ბიზნეს-საქმიანობა, რის გამოც ორმაგი მოქალაქეობა მიენიჭა, ჩემს ორივე შვილსაც ორმაგი მოქალაქეობა აქვს.

თეა თავაძე ოჯახთან ერთად
თეა თავაძე ოჯახთან ერთად

- საქართველოში რამდენად ხშირად ჩამოდიხართ და სამომავლოდ საქმიანობის აქ გაგრძელებას თუ აპირებთ?

- რაც შეეხება საქართველოში ჩემს მუშაობას, მიუხედავად იმისა, რომ წამყვანი კლინიკებიდან სერიოზული შემოთავაზებები მქონდა, ჯერჯერობით არ ვაპირებ, ვინაიდან ამ ეტაპზე ჩემთვის პრიორიტეტი პროფესიონალური გეგმების განხორციელებაა. ძალიან მიყვარს ჩემი ქვეყანა, თბილისი, სადაც დავიბადე და გავიზარდე, სადაც ჩემი მშობლები და ოჯახის წევრები ცხოვრობენ. იქ ძალიან ხშირად ჩავდივარ ოჯახთან ერთად. ჩემი შვილები მთელი ზაფხულის განმავლობაში ბებიასთან და ბაბუასთან ისვენებენ. ისინი ქართულს ძალიან კარგად ფლობენ, ისიც კარგად იციან, რომ მათ გენებში ქართული სისხლია, საქართველო კი მათი მშობლიური ქვეყანა...

 

1034
თემები:
ქართველები უცხოეთში
გია ჯაჯანიძე: ნუ დამათვლევინებთ, ძალიან ბევრ ქვეყანაში ვარ ნამყოფი

ვირის შემდეგ გია ჯაჯანიძე სამსახურში უცნაური მანქანით მივიდა - ფოტო

0
(განახლებულია 16:22 04.06.2020)
გია ჯაჯანიძე ექსტრავაგანტულ გამოსვლებს არ წყვეტს. მისი თითოეული გადაწყვეტილება სულ უფრო და უფრო მრავალფეროვნდება. „სამსახურში მოვედი“- რა მანქანა ჰყავს შოუმენს?

გია ჯაჯანიძის ცხოველებისამდე განსაკუთრებული სიყვარული მის ინტერვიუებშიც შეიმჩნევა, მაგრამ სოციალურ ქსელში ეს განსაკუთრებულად თვალშისაცემი გახდა. გარდა ამისა, რამდენიმე ხნის წინ, ის გადაცემა „სხვა რაკურსი გია ჯაჯანიძესთან ერთად“ გადაღებაზე ტელეკომპანიის ეზოში ვირით მივიდა, რომელიც მას საშობაოდ აჩუქეს. ტელესახემ ვირს კოკროჭინა დაარქვა. ვირის ჩოჩორი გია კოლეგებმა და შემოქმედებითმა ჯგუფმა უსახსოვრა.

View this post on Instagram

მთელი სერიოზულად უნდა შეიცნო ადამიანი, დააკვირდე ყველა მის ქცევას, ხასიათს, მდგომარეობას და მიდგომას. ისაუბრე მასთან ბევრი, მოუსმინე ყურადღებით, გაიგე მის შესახებ ყველაფერი, რით ცხოვრობს და როგორ ცხობრობს, გაიგე მისი წრისა და მეგობრების შესახებ. ამ ყველაფრის შემდეგ შეგიძლია დაუახლოვდე. ნაადრევმა და ნაჩქარევმა ურთიერთობამ შეიძლება სერიოზულად დაგაზიანოს და დაგაზარალოს. არ შეიძლება ყველასთან ურთიერთობა, განსკუთრებით თუ ადამიანი ჭკუა მხიარულია, ბევრს ლაპარაკობს და ტრაბახობს. თუმცა, არსებობენ დახვეწილი, გონიერი, სანდომიანინი სახის კეთილგანწყობილი ნაძირალა ადამიანები. ფრთხილად.

A post shared by Giorgi Jajanidze (@jajanidze.g) on

ახლა კი, მწვანე ფერებში გამოწყობილი ჯაჯანიძე, ამ არაორდინალური პიკაპით ცდილობს სამსახურამდე მიღწევას. მანქანაცის კი ტანსაცმლის ფერებს შეუხამა. უცნობია, თუ ვიცია აღნიშნული ავტომობილი, თუმცა გია ჯაჯანიძის მიზანს წინ ვერაფერი აღუდგება. თავად შეაფასეთ გიას ექსტრავაგანტული არჩევანი- როგორ მოგწონთ ასეთი გადაადგილების საშუალება?

View this post on Instagram

A post shared by Giorgi Jajanidze (@jajanidze.g) on

უკვე რამდენიმე კვირაა გია ჯაჯანიძეს ახალი გადაცემის სცენარი არ დაუწერია და სტუმრები არ მოუწვევია. ეს ყველაფერი კი იმის ბრალია, რომ მსოფლიოში კორონავირუსი მძვინვარებს და ყველაფერი პარალიზებულია. მათ შორის თოქ-შოუების ჩაწერაც. ამიტომ გია ჯაჯანიძემ ალტერნატიულ ხერხს მიმართა და თაყვანისმცემლების წინაშე ლექსით წარდგა. ტელეწამყვანმა „ფოლოვერები“ სოციალური ქსელის გარშემო გააერთიანა და პოზიტიური პოსტების გამოქვეყნებას არ წყვეტს. მათ შორის არის უკანასკნელი „ინსტაგრამ-სთორი“. „სამსახურში მოვედი“- მწვანე მანქანის ფონზ გადაღებულმა სურათმა განსაკუთრებული ყურადღება მიიქცია. საინტერესოა, როგორ მართავს ამ უზარმაზარ მანქანას ჯაჯანიძე...

გია (გიორგი) ჯაჯანიძე ერთ-ერთი ყველაზე ცნობილი სახეა ქართულ ტელესივრცეში. მსახიობობით დაწყებული კარიერა მყარი არ გამოდგა და ჯაჯანიძემ ბედ-იღბალი ტელევიზიაში სცადა, და საკმაოდ წარმატებითაც. მისი თქმით, რთული ცხოვრება ჰქონდა. სტუდენტობის პერიოდში ხშირად საჭმლის ფულიც კი ენატრებოდა... თუმცა, ამჟამად უზრუნველყოფილი ცხოვრება აქვს და ახლა გია ჯაჯანიძე ამერიკასა და ევროპაში ყოველ შვებულებაზე უპრობლემოდ მიემგზავრება. მართალია, პანდემიამ ყველაფერი შეაჩერა, თუმცა გია მხიარულ მეგობრებთან ერთად დაუვიწყარ გართობას საკუთარი სახლის ეზოშიც ახერხებს.

0
თემები:
სელებრითების ცხოვრება