ქართველი ემიგრანტი იტალიაში ნელი გოძიაშვილი

იტალიის ტელევიზიით ნაჩვენები  საშინელი კადრები და  იტალიელების დევიზი Andra tutto bene

3043
(განახლებულია 17:34 21.03.2020)
ბოლო თვეებია, რაც სხვა რეალობაში ცხოვრება გვიწევს და იძულებული გავხდით, რომ მის მიერ „შეთავაზებულ“ კანონებს დავემორჩილოთ.

 

პირველ რიგში, ეს იმ ქვეყნებს ეხება, სადაც კორონას გამო მდგომარეობა გამწვავებულია და მათ შორის,  იტალია „ლიდერობს“. „Resta a casa!,fai cio chea ami, fai cio che non hai mai provato! non prediamo la sperenaza, andiamo avanti, andra tutto bene“- ანუ „დარჩი სახლში! გააკეთე ის, რაც გიყვარს, გააკეთე ის, რაც არასოდეს გიცდია, ვიქონიოთ იმედი, წინ წავიდეთ და ყველაფერი კარგად იქნება!“ -ასეთია ამ დღეებში იტალიელების სლოგანი, რაც მათ ცხოვრების ახალ წესს კარნახობს და ისინიც მას ცოტა დაგვიანებით, მაგრამ მაინც დაემორჩილნენ.

გადავწყვიტეთ, რომ  ყველაზე ცხელ წერტილში, ანუ იტალიაში მყოფ რესპონდენტს დავუკავშირდეთ და მისგან უშუალოდ გავიგოთ თუ რა ხდება. ქალბატონი ნელი გოძიაშვილი, დიდი ვასო გოძიაშვილის შთამომავალი გახლავთ, მისი ულამაზესი ხელოვნება ადრე უკვე გაგაცანით, ამჯერად ჩვენი საუბრის თემა გასხვავებულია...

ნელი გოძიაშვილი
ნელი გოძიაშვილი

-ქალბატონო ნელი, როგორ ბრძანდებით და რა ხდება თქვენთან?

-ალბათ იცით, რომ ყველაზე ცუდი სიტუაცია იტალიაშია და არ გეგონოთ, რომ მარტო ასაკოვანი ხალხია დაღუპულები, ახალგაზრდებიც არიან. ყველაზე ცუდი სიტუაცია ბერგამოშია, მე მილანთან ახლოს მდებარე ქალაქ ბორგოსეზიაში ვარ. თუ მკითხავთ: რატომ მოხდა ასე? პასუხი ერთია: არ გაფრთხილდნენ, თან იტალიელს სახლში გააჩერებთ? თანაც, მაინც არავის ეგონა, რომ ვირუსი ასე უცბად გავრცელდებოდა, თორემ იტალიელებს ძალიან უყვართ საკუთარი თავი და სიცოცხლე და სხვანაირად მოიქცეოდნენ. მე ოჯახში ვმუშაობ, გარეთ არ გავდივარ, ნიღაბი და ხელთათმანებიც მაქვს. მთავარი აღარ მაქვს: ჯანმრთელობა, ნერვები, ენერგია,ფსიქიკა...

ნელი გოძიაშვილი: მსახიობების ოჯახში აღვიზარდე და ბავშვობიდან ვოცნებობდი, რომ მსახიობი გამოვსულიყავი
ნელი გოძიაშვილი: მსახიობების ოჯახში აღვიზარდე და ბავშვობიდან ვოცნებობდი, რომ მსახიობი გამოვსულიყავი

-მასობრივი ინფორმაციის საშუალებები როგორ აშუქებენ შექმნილ სიტუაციას?

- მუდმივად გადის ეთერში რეკლამები ხელების ხშირად დაბანის მოწოდებაზე. ამას წინათ პრემიერ-მინისტრი გამოვიდა და ხალხი გააფრთხილა გარეთ არ გახვიდეთო. როცა საინფორმაციოები გადის ისინი ძალიან ბევრ ნეგატიურ ინფორმაციას აცხადებენ. დაღუპულებს შორის ექიმები და ექთნებიც არიან. სულ ახლახან იტალიაში  ჩინელი ექიმები ჩამოვიდნენ, პაციენტებს უკვე ვეღარ აუდიან. იტალიის ტელევიზია ყოველ დღე, 24-საათის განმავლობაში აცხადებს, რომ არა ნაკლები 500-მდე ადამიანია გარდაცვლილი. თან აჩვენებენ საშინელ კადრებს როგორ და რანაირად გამოაქვთ პალატებიდან სასახლეები, რომელშიც  ლურჯ და თეთრი ცელოფნებში შეფუთული ცხედრებია, სასახლეზე კი წითელი ვარდები დევს. აბა, როგორი სანახავია? როცა ჩემი ქალბატონის ქალიშვილს ვეკითხები ასე რატომ იქცევიან მეთქი? მპასუხობს, რომ ამით ხალხს აშინებენ და აფრთხილებენ, რომ წესები დაიცვანო.

ნელი გოძიაშვილი
ნელი გოძიაშვილი

- თქვენ სადაც ხართ იმ ოჯახში რა ხდება?

- ის ქალბატონი ვისაც ვუვლი, პირველ აპრილს 94 წლის გახდება  და ჟურნალ-გაზეთებს და ლიტერატურას უსათვალოდ კითხულობს. ასპროცენტიანი ნათელი გონება აქვს.

ნელი გოძიაშვილის შემოქმედება
ნელი გოძიაშვილის შემოქმედება

-იტალიელი ექიმები რას აცხადებენ და სამედიცინო დახმარებას ვინ გიწევთ?

-აქაურ ექიმებს ამდენი ჯაფისგან თვალები დასიებული  და სახე დალურჯებული აქვს, ჩაწითლებული და დასიებული თვალები პირბადეებისგან და სპეციალური ტანსაცმლის გამო. რაც შეეხება სამედიცინო დახმარებას, აქ მყავს უფასო ექიმი, რომელსაც „ტესერა სანიტარიას" ეძახიან. ისე გულწრფელად გეტყვით, რომ ჩვენი ექიმები იტალიელ კოლეგებს ბევრად ჯობნიან. ყველაზე ეს არ ითქმის, მაგრამ საერთო მასაზე ვამბობ. ჩვენი ექიმები გაცილებით პროფესიონალები არიან.

ნელი გოძიაშვილის შემოქმედება
ნელი გოძიაშვილის შემოქმედება

- ალბათ რაიმე ნათელი წერტილი მაინც ახლავს ცხოვრებას?..

- პოზიტივზეც მოგახსენებთ.. აქ ჩემს ევროპელ მეგობარს სახლი აქვს ულამაზეს მთიან სოფელ სანბონონიოში , სადაც სულ მეპატიჟებიან ხოლმე. სახლის იქით , ტყის ნაწილი მათ ეკუთვნის. ამას წინათ ერთ-ერთი სახლის ღობესთან კრამიტები შევნიშნე, თითო ალბათ სამ კილოს იწონის. ჰოდა, დავბრუნდი სახლში ავიღე დიდი პარკი და სამი ცალი წამოვიღე. სახლში მოსულმა კი ეს კრამირები ყვავილებით მოვხატე, ყველას ძალიან მოეწონა.

ნელი გოძიაშვილის შემოქმედება
ნელი გოძიაშვილის შემოქმედება

მიუხედავად იმისა, რომ ევროპელებს ჩემი სურვილით ვუხატავ: ტილოზე, მინის ჭურჭელზე, კერამიკის ნივთებზე და ა.შ. არ მახსოვს შემთხვევა, რომ ჩემი შრომის გამო რაიმე ნივთი არ ეჩუქებინათ. თავად  არასოდეს ვითხოვ რაიმეს, რამდენმა ფულიც შემომთავაზა და არასოდეს ამიღია... მოკლედ მიუხედავად იმსია, რაც ხდება იტალიაში, ცხოვრება გრძელდება და როგორც არასდროს, დღეს უფრო ხშირად იმეორებენ იტალიელები: „Andra tutto bene“-ყველაფერი კარგად იქნება“...

 

3043
თამარ კეცხოველი

ძველთბილისური სახლების ნოსტალგია და პანდემიის დროს გამოფენილი ნახატები

357
(განახლებულია 19:48 07.08.2020)
ხატვა მოულოდნელად და უცნაურად დაიწყო... მანამდე მის მეხსიერებაში ქვეცნობიერად გროვდებოდა ნანახისა და განცდილის ფრაგმენტები. მისი ნახატების სახელწოდებებიც ამის დასტურია: „ქალაქი”, „სამკითხველო”, „საზაფხულო სახლი”, „მწვანე აბაჟური”, „ძველი ბუფეტი“.

ამაში უჩვეულოც არაფერი იქნებოდა, რომ არა ის, რაც გახდა ხატვის დაწყების სტიმული და ერთგვარად მისი განკურნების საუკეთესო საშუალებაც...

თამარ კეცხოველი თბილისში დაიბადა და გაიზარდა. პროფესიით არქეოლოგია. ხატვა 2019 წლის სექტემბერში, ინსულტის გადატანის შემდეგ დაიწყო. დღეში ძალიან ბევრს, დაახლოებით ათ საათს ხატავდა. პირველი პერსონალური გამოფენა პანდემიის დროს ჰქონდა.

თამარ კეცხოველი
თამარ კეცხოველი

- ქალბატონო თამარ, თქვენს ნახატებში წარსულის ნოსტალგიური განწყობაა და ამ გზით გამუდმებით ცდილობთ ბავშვობაში დაბრუნებას, ასეა?

- საერთოდ სადმე დაბრუნება მაშინ გინდა, როცა იქ კარგი იყო და კარგად გრძნობდი თავს. დიახ, შესაძლოა, არის რაღაც ნოსტალგიური მომენტები, თუმცა უფრო მეტად ძველებური ინტერიერი მომწონს და ვხატავ, ვიდრე ჩემი საბჭოთა ბავშვობის დროს იყო. სიძველის მომხიბვლელობას ასაკთან ერთად ვხვდები და მინდა, რომ ეს სხვასაც გავუზიარო...

თამარ კეცხოველის შემოქმედება
თამარ კეცხოველის შემოქმედება

- როგორი იყო თქვენი პლეხანოვური ბავშვობა, თუ არ ვცდები, პლეხანოვზე არსებული 23-ე სკოლა თბილისის ე.წ. პრესტიჟულ სკოლათა რიცხვშია, თქვენთვის თუ ჰქონდა ამგვარ იარლიყს მნიშვნელობა?

- დიახ, ჩემი 23-ე სკოლა „ელიტური” სკოლების სიაში შედიოდა, მაგრამ იქ ამიტომ არ მოვხვედრილვარ. უბრალოდ უბნით მეკუთვნოდა (მაშინ ასე იყო) და ტრადიციითაც, რადგან თავის დროზე იქ დედა და დეიდა სწავლობდნენ და ჩვენც იქ მიგვიყვანეს. პლეხანოვი და ჩემი უბანი ძალიან მიყვარს, ჩემი სახლი ეგაა... საერთოდ, მაპატიონ ახალუბნელმა თბილისელებმა და, თბილისი ჩემთვის ძველი უბნები და ძველი თბილისია. როდესაც ყველა ხეს ცნობ, ყველა მეეზოვეს, ფეხსაცმლის მწმენდავს და ქუჩის მოვაჭრეს სახელით იცნობ, ისაა შენი სახლი და შენი უბანი.

თამარ კეცხოველის შემოქმედება
თამარ კეცხოველის შემოქმედება

- 90-იანების სტუდენტობა არც ისე სასიამოვნო გასახსენებელია, მაგრამ მაინც, იმ „ბნელი“ დროის რომელ ნათელ მომენტს გაიხსენებდით?

- თავისი ხიბლი იმ ბნელი 90-იანების სტუდენტობასაც ჰქონდა. მაშინ დაიწყო მიტინგების ეპოქა და ჩამოინგრა სსრკ. ჩვენ, სტუდენტები კი მიტინგებიდან და უნივერსიტეტის ბაღიდან კარვებით პირდაპირ ქალაქგარეთ მივდიოდით. რაც კი ლამაზი ადგილი იყო ქალაქის გარშემო, სწორედ მაშინ შემოვიარე ყველა, უფრო სერიოზულად კი მთაში სიარულით ვიყავი დაკავებული. მაშინ სხვადასხვა ადგილებში იმართებოდა ბევრი ახალი ყაიდის ლექცია, სადაც ვესწრებოდით და თავისუფალ აზროვნებას ვცდილობდით... მოკლედ, ძალიან დატვირთული და საინტერესო სტუდენტობა მქონდა და მას არაფერში გავცვლიდი.

თამარ კეცხოველის შემოქმედება
თამარ კეცხოველის შემოქმედება

- ინსულტის მერე დაწყებული ხატვა თქვენთვის ერთგვარი შვება და გადარჩენის გზა იყო?

- ინსულტამდე სხვა ცხოვრება იყო, სახლი–სამსახური და სხვა არაფერი. ხატვით ყოველთვის ვხატავდი, უბრალოდ, ამის დრო არასდროს მქონდა. აი, ინსულტის მერე კი, როცა სამსახურიდანაც წამოვედი და სახლში დავჯექი, უცებ და ინტენსიურად დავიწყე მეგობრების პორტრეტების ხატვა. ვეღარ გავჩერდი და თამამად შემიძლია ვთქვა, რომ დღეში ათი საათი მაინც ვხატავდი. ხატვა არ მბეზრდებოდა და სწორედ ამან გადამარჩინა და პანდემიის დროს მძიმე კარჩაკეტილობაც ამან გადამატანინა.

თამარ კეცხოველის შემოქმედება
თამარ კეცხოველის შემოქმედება

- პანდემიის დროს პირველი პერსონალური გამოფენის გამართვა მონატრებული სამყაროს გამომზეურება იყო? 

- დიახ, ეს გამოფენა მეგობრებთან შეხვედრის და მძიმე სიტუაციიდან გამოსვლის მიზნითაც მოვაწყვეთ. ამაში გალერისტი მეგობარი დამეხმარა. ძალიან კარგი გამოფენა გამოვიდა.

თამარ კეცხოველის მიერ შესრულებული პორტრეტები
თამარ კეცხოველის მიერ შესრულებული პორტრეტები

- თქვენს ნახატებში ხშირად ჩნდება ძველი სახლი, რომელიც სიმყუდროვის განცდას აჩენს...

- ამჟამად არ ვარ ქალაქში და აქ, აგარაკზეც დავხატე რაღაცები. სიმყუდროვე თითქოს არ მაკლია სახლში, მაგრამ, ეტყობა, ეს უფრო ბავშვობის და ბებიების, ძველთბილისური სახლების ნოსტალგიაა, სადაც გაიარა ჩვენი თაობის უმრავლესობის სტუდენტობამ. ძალიან მიყვარს ძველი თბილისი და ის, რაც ფანჯრებს მიღმა ხდებოდა ძველ უბნებში, სულ ესაა...

თამარ კეცხოველის შემოქმედება
თამარ კეცხოველის შემოქმედება

- რაშია დეპრესიიდან გამოსავალი და ხსნა?

- რაშია ხსნა? ცხადია, ერთ-ერთი გზა საამისოდ ხელოვნებაცაა, რომელიც თერაპიაა... ჩემი აზრით, თუ ადამიანს რაიმეს შექმნა ხელეწიფება, უნდა გააკეთოს და არ გაჩერდეს, მერე ყველა მძიმე სიტუაციიდან იპოვის გამოსავალს...

 

357
საჰაერო ბურთები

ჭეშმარიტად უყვართ მხოლოდ ის, რაც არ იციან...

177
(განახლებულია 21:57 06.08.2020)
ქალმა უნდა აირჩიოს: მამაკაცთან, რომელიც სხვა ქალებს უყვართ, ის არასდროს იქნება მშვიდად; მამაკაცთან, რომელიც სხვა ქალებს არ უყვართ, ის არასდროს იქნება ბედნიერი...

აზრების ფოიერვერკი“ გთავაზობთ ანატოლ ფრანსის გამონათქვამებს.

ანატოლ ფრანსი (1844-1924), ფრანგი მწერალი და ლიტერატურული კრიტიკოსი
© photo: Sputnik /
ანატოლ ფრანსი (1844-1924), ფრანგი მწერალი და ლიტერატურული კრიტიკოსი

ანატოლ ფრანსი (Anatole France, ნამდვილი გვარია ანატოლ ფრანსუა ტიბო, ფრანგულად Anatole Thibault, 1844-1924) - ფრანგი მწერალი, რომანტიკოსი, ლიტერატურის კრიტიკოსი, ნობელის პრემიის ლაურეატი ლიტერატურის დარგში (1921). მისი ნაწარმოებებია: „თაისი“, „ჟერონ კუანიარის აზრები“, „სილვესტერ ბონარის დანაშაული“, „პინგვინთა კუნძული“, „ანგელოზთა აჯანყება“ და სხვა.

სიყვარულში მამაკაცებს ფორმები და ფერები სჭირდებათ, მამაკაცები სურათს ითხოვენ. ხოლო ქალები - მხოლოდ შეგრძნებებს. მათ უკეთესად უყვართ, ვიდრე მამაკაცებს, ისინი ბრმანი არიან.
ჩვენ საშიშად მიგვაჩნია ისინი, ვისი ტვინიც სხვაგვარადაა მოწყობილი, და უზნეოდ ისინი, ვისი ზნეობრიობაც ჩვენსას არ ჰგავს. სკეპტიკოსებს ვუწოდებთ მათ, ვისთვისაც უცხოა ჩვენი ილუზიები და კითხვაც არ გვიჩნდება, ხომ არ იციან მათ რაიმე სხვა ილუზიებიც.
გვინდა, რომ ვუყვარდეთ, ხოლო როცა ვუყვარვართ, ან გვაწამებენ, ან ყელში ამოჰყავთ.
მტრები მყავს, და ამით ვამაყობ.
ირონია - იმედგაცრუების ბოლო სტადიაა.
რელიგიამ სიყვარულს დიდი სამსახური გაუწია, როცა ის ცოდვად აქცია.

ორი რამ, რითიც ყველა მამაკაცი ამაყობს>>

ცივილიზაცია - ეს მეცნიერული ბარბაროსობაა.
ქალმა უნდა აირჩიოს: მამაკაცთან, რომელიც სხვა ქალებს უყვართ, ის არასდროს იქნება მშვიდად; მამაკაცთან, რომელიც სხვა ქალებს არ უყვართ, ის არასდროს იქნება ბედნიერი.


ადამიანს სჩვევია ბრძნული მსჯელობა და სულელური საქციელი.
ყველა ილუზიას შორის დიდება ყველაზე აბსურდული და ყველაზე დამღუპველია.
ძალზე ბრძენი უნდა იყო, რომ სიბრძნე ტვირთად არ აქციო.
ყველაზე იშვიათი სიმამაცე - ეს აზრის სიმამაცეა.
ის, ვინც რევოლუციები მოაწყო, სხვებს არ მისცემს უფლებას, მის მაგალითს მიბაძონ.
კანონები კარგია ან ცუდი არა თავისთავად, არამედ მათი გამოყენების ხერხის მიხედვით. ამა თუ იმ უკიდურესად უსამართლო დადგენილებას ბოროტება არ მოაქვს, თუ მოსამართლე მას ცხოვრებაში არ იყენებს. ზნეობა კანონებზე ძლიერია. ზნეობისა და ჩვეულებების კულტურულობა და სირბილე ერთადერთი წამალია კანონიერი ბარბაროსობის წინააღმდეგ.
სისულელე ხშირად ხელს უშლის სისულელის ჩადენას. ყველაზე სულელურად ყველაზე სულელი ადამიანები არ იქცევიან.

ამაოება ამაოებათა – როცა ყველაფერი აკრძალულია, მაშინ ყველაფერი ნებადართულია>>

უფრთხილდით მათ, ვინც საკუთარ თავს იტანჯავს: ისინი უნებლიეთ თქვენც დაგასახიჩრებენ.
კაცობრიობას ყველა დროში სიგიჟისა და სისულელის ერთნაირი მარაგი გააჩნია.
გიყვარდეს მგზნებარედ - ეს, რა თქმა უნდა, მშვენიერია, მაგრამ გიყვარდეს თავდადებით - კიდევ უკეთესი... ჭეშმარიტად უყვართ ის, ვინც უყვართ თავიანთი სისუსტეებით... დანდობა, პატიება, ნუგეში - აი, სიყვარულის მთელი მეცნიერება.

როცა ადამიანები შეწყვეტენ ერთმანეთზე გამარჯვებას, ისინი, ბოლოს და ბოლოს, ისწავლიან საკუთარ თავზე გამარჯვებას.
გონებრივი კულტურის გარეშე არ შეიძლება არსებობდეს დახვეწილი გრძნობები.
ომი - ბარბაროსობაა, რომელიც ცივილიზაციის განვითარებასთან ერთად გაქრება.
მოგზაურობა სხვა ყველაფერზე მეტად გვასწავლის. ხანდახან სხვა ადგილას გატარებული ერთი დღე მეტს გვაძლევს, ვიდრე სახლში ათი წელი ცხოვრება.
გონივრულ დასკვნებს ჯერ არავინ დაურწმუნებია.
სჯობს, ცოტა გაიგო, ვიდრე ცუდად.
სიტყვაზე მძლავრი არაფერია... სიტყვა ამარცხებს მრისხანეს და ანგრევს ციხესიმაგრეებს. ეს უხილავი იარაღია. მის გარეშე სამყარო უხეში ძალის ხელში იქნებოდა.

ნამდვილ სიყვარულს წერტილები არა აქვს...>>

ხშირად ბედნიერებას იმას ვუწოდებთ, რაც ჩვენ თვითონ არ განგვიცდია.
თვალმომჭრელი ჭეშმარიტება ფუჭი სიტყვაა იქ, სადაც მას თავს გახვევენ.
ყველა ღიმილი სიხარულს არ გამოხატავს ისევე, როგორც ყველა ცრემლი - უბედურებას.
ქალი მამაკაცის უდიდესი აღმზრდელია.

გულს შეუძლია ჭკუის მომატება, მაგრამ ჭკუა გულს ვერ გაზრდის.
როცა ადამიანი აზროვნებს, მას ეჭვები იპყრობს, მაგრამ როცა მოქმედებს - დარწმუნებულია.
არ ვიცით, რა ვუყოთ ჩვენს ხანმოკლე სიცოცხლეს, მაგრამ მაინც მარადიული სიცოცხლე გვინდა.
გულწრფელს ვუწოდებთ ქალს, რომელიც აუცილებლობის გარეშე არ ტყუის.
შური დემოკრატიული სახელმწიფოების კეთილისმყოფელია და მათ ტირანებისგან იცავს.
მხოლოდ ქალებმა და ექიმებმა იციან, როგორი აუცილებელი და სასარგებლოა ტყუილი.
ჭეშმარიტი სიყვარული არ საჭიროებს არც სიმპათიას, არც პატივისცემას, არც მეგობრობას; ის ცოცხლობს სურვილით და იკვებება სიცრუით. ჭეშმარიტად უყვართ მხოლოდ ის, რაც არ იციან.
არ მგონია, რომ ამ ქვეყანაზე იყო ეჭვიანობაზე უფრო დამამცირებელი ტანჯვა.
დაიმორჩილეთ თქვენი ვნებები და მათი ძალა გახდება თქვენი ძალა, მათი სიდიადე - თქვენი სილამაზე.
დემოკრატია ცუდად მართავს, სამაგიეროდ - ცოტას.

ბედნიერება ფრთებით მოდის, მაგრამ ყავარჯნებით მიდის>>

მომავალი - აწმყოშია, მაგრამ მომავალი წარსულშიცაა. ეს ჩვენ ვქმნით მას. თუ ის ცუდია, ჩვენი ბრალია.
ყოველთვის მხოლოდ საკუთარი შეცდომების გამო ვიტანჯებით.
მამაკაცები სიყვარულში უტყდებიან, სანამ მას იგრძნობენ, ხოლო ქალები - მას შემდეგ, რაც სიყვარულს გამოცდიან.

177
თემები:
აზრების ფოიერვერკი: ცნობილი ადამიანების ბრძნული გამონათქვამები
თბილისი

როგორი ამინდი იქნება თბილისში 11 აგვისტოს

0
(განახლებულია 17:31 09.08.2020)
დედაქალაქში სამშაბათს ძირითადად მოღრუბლული ამინდი იქნება, მაგრამ სიცხე შენარჩუნდება – დღისით ჰაერი 34 გრადუსამდე მოიმატებს

თბილისი, 9 აგვისტო - Sputnik. სინოპტიკოსების პროგნოზით თბილისში სამშაბათს, 11 აგვისტოს უპირატესად მოღრუბლული ამინდია მოსალოდნელი.

ჰაერის ტემპერატურა ღამით იქნება +21, ხოლო დღისით +34 გრადუსი.

ქარი 10–15 მეტრი წამში სიჩქარით დაუბერავს.

მზე 06:05 საათზე ამოვა და 20:06 საათზე ჩავა.

0
თემები:
ამინდის ზუსტი პროგნოზი თბილისში