უკულელეები

ხელოვნებაში გაცვლილი იურისტობა და უკულელეს ქართველი ოსტატი

682
(განახლებულია 18:06 14.08.2019)
ალბათ ბევრი არ გსმენიათ „უკულელეს“ შესახებ. უკულელე მუსიკალური ინსტრუმენტია, რომელსაც მდიდარი ისტორია და ტრადიცია აქვს. ის პირველად ჰავაიში 1800-იან წლებში გამოჩნდა და მასზე, როგორც ტრადიციულ, ასევე პოპ-მუსიკასაც ასრულებენ.

თბილისში უკულელეს ახალგაზრდა იურისტი სეით ივანიშვილი ამზადებს. ძნელია გულგრილი დაგტოვოთ მის მიერ შექმნილმა ინსტრუმენტმა, რომელიც განსაკუთრებული ჟღერადობით და დიზაინით გამოირჩევა.

- პროფესიით იურისტი გახლავართ, საჯარო სამსახურში თითქმის ოთხ წლიანი მოღვაწეობის შემდეგ გადავწყვიტე რადიკალურად შემეცვალა საკუთარი ცხოვრება და მეკეთებინა ის, რაც მომანიჭებდა სიამოვნებას, ამიტომაც უკვე ერთი წელია პროფესიაზე უარი ვთქვი და ახალი ცხოვრება დავიწყე.

სეით ივანიშვილი
სეით ივანიშვილი

- თქვენი ახლი ცხოვრება უკულელეს უკავშირდება. რა არის „ჩემი უკულელე“ და როგორ გაჩნდა მისი შექმნის იდეა?

- „ჩემი უკულელე" ფრაზაა, რომელიც ჩემმა პირველმა მომხმარებელმა წარმოთქვა, როცა თავისი უკულელე პირველად ნახა და ჩაიხუტა.

მოხატული უკულელეები
მოხატული უკულელეები

- მისი დამზადება როდის და როგორ ისწავლეთ?

- უკულელეების გაკეთება შარშან, სრულიად დამოუკიდებლად ვისწავლე. პირადი ექსპერიმენტებით, ინტერნეტ რესურსებით გავერკვიე ყველა დეტალში. დროთა განმავლობაში ვხვეწდი ნამუშევრებს და ასე მოვედი დღემდე.

უკულელე
უკულელე

- რამდენად საინტერესო და რთულია უკულელეს გაკეთება?

- უკულელეს დასამზადებლად რამდენიმე ეტაპის გავლაა საჭირო. პირველ რიგში ხდება  ხის დამუშავება,  შემდეგ შეღებვა, სასურველი ნახატის დატანა, გალაქვა და ბოლოს ვაწყობ.

უკულელე
უკულელე

- ნახატს საკუთარი გემოვნებით არჩევთ თუ დამკვეთი ირჩევს, როგორ უნდა იყოს ინსტრუმენტი გაფორმებული?

- მომხმარებელი ძირითადად ჩვენს მიერ შერჩეულ დიზაინებს იყენებს, რადგან საგულდაგულოდ ვარჩევთ. ამასთან მოსწონთ კიდეც ჩვენი შერჩეული დიზაინი.

-  უკულელეს დაკვრა უფრო გსიამოვნებთ თუ მისი დამზადება?

- ორივე იმდენად განსხვავდება ერთმანეთისგან და ისეთი ხიბლი აქვს, რომ შეუძლებელია  ერთმანეთს შეადარო. ორივე პროცესიდან სრულიად განსხვავებულ სიამოვნებას იღებ.

უკულელე
უკულელე

- სად იყიდება თქვენი ნამუშევრები და რა შეფასებებს გაძლევენ ხოლმე მომხმარებლები?

- ჩვენი ნამუშევრების შეკვეთა ჩვენი ფეისბუქ გვერდიდან არის შესაძლებელი, ასევე  დადიანის 34 ნომერში გვაქვს მაღაზია-სახელოსნო. მომხმარებლები ნამდვილად კმაყოფილი გვყავს და ეს ძალიან გვახარებს. მათი კმაყოფილი და ბედნიერი სახე მეც მაბედნიერებს და მეტს სტიმულს მაძლევს.

უკულელე
უკულელე

- საზღვარგარეთ თუ გაყიდულა თქვენი ნამუშევრები?

- ამ საკითხზე აქტიურად ვმუშაობთ. ძალიან გვინდა საერთაშორისო პლატფორმებზე განთავსდეს ჩვენი პროდუქცია. იმედია მალე ასეც იქნება.

უკულელე
უკულელე

- უკულელეზე დაკვრასაც ასწავლით?

- დიახ, თანაც ჩვენს მომხმარებლებს სრულიად უფასოდ!

უკულელე
უკულელე

- ასაკი შეზღუდულია? მაგალითად ბევრ ზრდასრულ ადამიანს უჩნდება სურვილი ისწავლოს  დაკვრა, მაგრამ ჰგონია, რომ გვიანია და ამას ვეღარ შეძლებს... სწორია ეს მოსაზრება?

- უკულელეზე დაკვრა ძალიან მარტივია და ასაკობრივი ლიმიტები არ არსებობს. როგორც ყველა საქმეში, აქაც მონდომებაა მნიშვნელოვანი, ასაკი ყველაზე ნაკლებ როლს თამაშობს ამ დროს.

682
ქეთევან ქარჩავა

როგორ აქციო ჰობი შემოსავლის წყაროდ: ხავერდის დახვეწილი ჩანთები ქეთევან ქარჩავასგან

747
(განახლებულია 20:02 10.07.2020)
ბევრ ადამიანს აქვს ჰობი, რომელიც ხელსაქმეს უკავშირდება. ზოგს ქარგვა იზიდავს, ზოგს ქსოვა, ზოგს კერვა. ბევრი ახერხებს თავისი გატაცება შემოსავლის წყაროდ აქციოს.

ქეთევან ქარჩავა პროფესიით ისტორიკოსია, თუმცა პროფესიით არასოდეს უმუშავია. ყოველთვის სურდა საკუთარი საქმე ჰქონოდა. გზა, რომლიც ქალბატონმა ქეთევანმა დიასახლისობიდან დღემდე გაიარა, არ იყო მარტივი. დღეს უკვე საკუთარი ბიზნესი აქვს. ხავერდისგან ულამაზეს ჩანთებს ქმნის, რომელსაც თავისივე ხელით დიდი რუდუნებით ქარგავს.

ქეთევან ქარჩავა
photo: courtesy of Ketevan Karchava
ქეთევან ქარჩავა

- პროფესიით ისტორიკოსი ვარ, თუმცა ჩემი პროფესიით არასოდეს მიმუშავია, ვიყავი უბრალოდ დიასახლისი. ვერ ვიტყვი, რომ ამ გადაწყვეტილებით კმაყოფილი ვიყავი, რადგან მუდმივად ვცდილობდი შემევსო ის დანაკლისი, რასაც პროფესიულად ვერ რეალიზება იწვევდა. კითხვა მიყვარდა ბავშვობიდან და ბევრს ვკითხულობდი, ვეძებდი სხვადასხვა გატაცებებს, მებაღეობაც კი ვცადე სახლის პირობებში. კერვა, ხატვა, თექაზე მუშაობა, თუმცა ეს გატაცებები ხანგრძლივი არ აღმოჩნდა. მიუხედავად ამისა ყველა მათგანმა გარკვეული კვალი დატოვა ჩემი გემოვნებისა და თვითრწმენის ჩამოყალიბებაში.

შვილების გაზრდის მერე უფრო მწვავედ ვიგრძენი, რომ რაღაც მჭირდებოდა, რაც ჩემს, როგორც დიასახლისის ცხოვრებას უფრო საინტერესოს გახდიდა. ამავე დროს საკუთარ თავს დავუმტკიცებდი, რომ ნებისმიერ ასაკში შესაძლებელია შენი ცხოვრება გახადო უფრო საინტერესო და ნაყოფიერი.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ვინ იყო ადამიანი, ვინც ამ პერიოდის განმავლობაში სტიმულს და მოტივაციას გაძლევდათ, გვერდით გედგათ და ყველაზე მეტად გამხნევებდათ?

- მთელი ამ თვითძიების პროცესს ჩემი მეუღლე, ძალიან წარმატებული იურისტი, ინტერესით, ცოტა იუმორით, მაგრამ საკმაოდ გაგებით ეკიდებოდა, რაც არ იყო მარტივი ამ გადმოსახედიდან. ჩემი ინტერესები და გატაცებები ელვის სისწრაფით იცვლებოდა, რაც საკმაო დისკომფორტს იწვევდა ოჯახში. ჩემი მეუღლეა ის ადამიანი, რომელიც დღემდე მხარს უჭერს ყველა ჩემს წამოწყებას და იდეას. ინსპირაციის წყარო კი ჩემი ქალიშვილია, რომელსაც ბავშობიდან დღემდე ნებით თუ ძალით ვარგებ ჩემ მიერ შექმნილ სამოსს თუ აქსესუარებს.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- როგორი იყო თქვენი პირველი ნაბიჯები ამ სფეროში?

- დაახლოებით 2015 წელს შევქმენი ონლაინ-გვერდი „ფეისბუქზე“. მაშინ ვმუშაობდი თექაზე, ფაქტიურად ამ დროიდან გარდაიქმნა ჰობი საქმიანობად. მიმიწვიეს რამდენიმე ჯგუფურ გამოფენაზე საქართველოში და საზღვარგარეთ, ინტერვიუ მთხოვა რამდენიმე ტელეარხმა, გაიყიდა ბევრი ნამუშევარი, შემომთავაზეს ტრადიციული რეწვის ასოციაციის წევრობა.  ამ ყველაფერმა დიდი გავლენა მოახდინა ჩემზე, როგორც თვითნასწავლ შემოქმედზე. ასევე მინდა ვთქვა, ყველაზე მასტიმულირებელი იყო ადამიანების აღტაცება ჩემი ნამუშევრებით. გარკვეული დროის მერე თექის ჩანთაზე ამოქარგვა დავიწყე, ქარგვამ ძალიან გამიტაცა. შემდეგ ქსოვილზე ვცადე და დღემდე მხოლოდ ქარგვით და კერვით ვარ დაკავებული. გასაკუთრებით ხავერდზე მომწონს ქარგვა, რადგან თვითონ ეს ქსოვილი განსაკუთრებულად ლამაზი და შესახებად სასიამოვნოა.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ხავერდზე მუშაობა რთული არ არის?

- მასზე საკმაოდ რთულია მუშაობა და ესკიზის გადატანა, ამიტომ პირდაპირ ვქარგავ და არასოდეს ვიცი რა იქნება საბოლოო შედეგი, ასე უფრო საინტერესოა ჩემთვის. აქვე მინდა აღვნიშნო, ბებიას უყვარდა ქარგვა. მახსოვს, ბავშვობაში ძალიან ლამაზი საზეიმო კაბა მომიქარგა, მამიდაც ქარგავდა და კერავს დღემდე, მეც ალბათ მათგან გამომყვა ხელსაქმის სიყვარული.

ხელნაკეთი ჩანთა
photo: courtesy of Ketevan Karchava
ხელნაკეთი ჩანთა

- როგორ ფიქრობთ, რით არის თქვენი ჩანთები გამორჩეული, როგორ დაიპყარით ამდენი ქალბატონის გული?

- ჩემი ჩანთები ვინტაჟური სტილისაა. ასე მგონია, მე-19 საუკუნის ვიქტორიანული სული ცოცხლდება მათში. აქ ალბათ გავლენას ახდენს ჩემი სიყვარული ისტორიისადმი. ასევე მიყვარს ბუნება, ყვავილები, ყველაფერი, რაც ცოცხალია და სუნთქავს. ვფიქრობ, რაც იზიდავს ქალბატონებს ჩემ მიერ შექმნილ აქსესუარებში, არის ცოტაოდენი რომანტიზმი, ფერთა გამა, ყვავილების სილამაზე და, რა თქმა უნდა, ხარისხი.

ასევე მინდა ვთქვა, ყველა ნივთი იქმნება დიდი სიყვარულით და გულმოდგინებით, ყველა მათგანი გამორჩეულია ინდივიდუალიზმით, რადგან არ კეთდება შაბლონით. მე მათში ვქარგავ ჩემი სულის ნაწილს და ამიტომაც ვფიქრობ, რომ ყველა ჩემ მიერ შექმნილი აქსესუარი ჰყვება ამბავს. ხანდახან მიჭირს კიდევაც მათთან განშორება.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ყველაზე დიდი მოთხოვნა როგორი სტილის ჩანთებზეა?

- ვერ გეტყვით, რადგან რასაც ვაკეთებ, თითქმის ყველაფერი იყიდება. ხანდახან რომელიღაც მოდელის გამეორებას მთხოვენ, თუმცა იდენტურის გაკეთება შეუძლებელია. ძირითადად მენდობიან და მაძლევენ შემოქმედებით თავისუფლებას. ასეთი დამკვეთების მიმართ საოცრად კეთილგანწყობილი ვხდები და ნამუშევარიც შესაბამისი გამოდის.

ხელნაკეთი ჩანთები
photo: courtesy of Ketevan Karchava
ხელნაკეთი ჩანთები

- ჩანთების გარდა სხვა აქსესუარებასაც ამზადებთ?

- დიახ, ჩანთების გარდა ამ ეტაპზე ვაკეთებ მოქარგულ გულსაკიდებს, საყელოებს, თმის რკალებს, ყაბალახებს და შარფებს.

- სამომავლოდ რა გეგმები გაქვთ?

- წინასწარ ამის პროგნოზირება რთულია, თუმცა მომხმარებელს ვპირდები საინტერესო და ხარისხიან ნამუშევრებს. ზოგადად, გადაწყვეტილებებს სწრაფად ვიღებ. ცვლილებები არ მაშინებს. ამ ეტაპზე ვმუშაობ ინტერნეტ–გაყიდვების გაზრდაზე და ამიტომაც ვგეგმავ სოციალურ ქსელებში მეტად გააქტიურებას. ასევე ჩემი სამომავლო გეგმაა უცხოეთის ბაზარზე ნამუშევრების გატანა.

747
შეყვარებულები

ქალი ქორწინებამდე პროვოკატორია, ქორწინების შემდეგ...

514
(განახლებულია 16:48 09.07.2020)
უცოლო მამაკაცმა ერთმნიშვნელოვნად უფრო მეტი იცის ქალების შესახებ, ვიდრე ცოლიანმა. სხვაგვარად ისიც უკვე ცოლიანი იქნებოდა...

აზრების ფოიერვერკი" წარმოგიდგენთ ჰენრი ლუის მენკენის მოსაზრებებს.

ჰენრი ლუის მენკენი (Henry Louis Mencken, 1880-1956) ამერიკელი ჟურნალისტი, ესეისტი, სატირიკოსი; როგორც ფრენსის სკოტ ფიცჯერალდმა აღნიშნა, „ადამიანი, რომელმაც ამერიკული ლიტერატურისთვის ყველაზე მეტი გააკეთა".

თუ ვინმეს მართლა უყვარდი და გიღალატა, იცოდე, იგი ამას უშენოდ ვერ შეძლებდა…>>

ჰენრი ლუის მენკენმა დაამთავრა ზოგადსაგანმანათლებლო სკოლა „ბალტიმორის პოლიტექნიკური ინსტიტუტი". ეწეოდა ჟურნალისტურ მოღვაწეობას, ხოლო ლიტერატურულ მოღვაწეობას – ძირითადად მეოცე საუკუნის პირველ ოცწლეულში. მისი მთავარი ნაშრომებია: „ჯორჯ ბერნარდ შოუ. პიესები", „წინასიტყვაობათა წიგნი", „ცრურწმენები", „შენიშვნები დემოკრატიის შესახებ".

მან თავი გამოიჩინა, როგორც ბრწყინვალე ჟურნალისტმა და დააარსა ჟურნალი „ამერიკენ მერკური". ის ცნობილია, როგორც „ბალტიმორელი ბრძენი“ (Sage of Baltimore), ასევე „ბალტიმორის ანტიქრისტე". ის მეოცე საუკუნის პირველი ნახევრის ერთ-ერთ ყველაზე გავლენიან მწერლად მიიჩნევა.

რაც არ უნდა ბედნიერი იყოს ქალი ქორწინებაში, მაინც ყოველთვის კმაყოფილებით ამჩნევს, რომ არიან ამ ქვეყნად მამაკაცები, რომლებიც ისურვებდნენ, რომ ის გათხოვილი არ ყოფილიყო...

უცოლო მამაკაცმა ერთმნიშვნელოვნად უფრო მეტი იცის ქალების შესახებ, ვიდრე ცოლიანმა. სხვაგვარად ისიც უკვე ცოლიანი იქნებოდა.

ძნელი დასაჯერებელია, რომ ადამიანი სიმართლეს გეუბნებათ, როცა იცით, რომ თქვენ მის ადგილზე მოიტყუებოდით.

სიყვარული – წამება, უსიყვარულობა – სიკვდილი>>

მამაკაცი ეძებს ისეთ ვინმეს, რომლის წინაშეც მას სიამაყე შეუძლია. ქალი ეძებს მხარს, რომელსაც მიეყრდნობა...

როცა ქალი ქმარს სიტყვაზე ენდობა, ის ეჭვის საბაბს იძლევა.

უსამართლობის გადატანა შედარებით ადვილია. რაც ნამდვილად გვაყენებს ტკივილს - ეს სამართლიანობაა.

სიყვარული - ეს წარმოსახვის გამარჯვებაა გონებაზე.

მამაკაცი თავისი ბუნებით პოლიგამიურია. ერთი ქალი მისით ყოველთვის მანიპულირებს, ხოლო მეორე – კისერზე აზის.

სიყვარულში ბედნიერების უდიდესი საიდუმლოა – გიხაროდეს, რომ მასზე სხვა დაქორწინდა.

იდეალისტი – ეს არის ადამიანი, რომელიც, როცა აღმოაჩენს, რომ ვარდს კომბოსტოზე უკეთესი არომატი აქვს, მიდის დასკვნამდე, რომ ვარდისგან უკეთესი სუპი გაკეთდება.

მამაკაცები ბევრად უკეთესად ცხოვრობენ, ვიდრე ქალები. პირველ რიგში, ისინი გვიან ირთავენ ცოლს; მეორეც – ადრე კვდებიან.

სიყვარული – არა რაოდენობა, არამედ ხარისხი, რომელიც არ იზომება>>

ერთადერთი ნამდვილად ბედნიერი ადამიანები – ეს გათხოვილი ქალები და უცოლო მამაკაცები არიან.

ქალებს არ უყვართ მორცხვი მამაკაცები. კატებს არ უყვართ ფრთხილი თაგვები.

ქალები და მამაკაცები ერთ საკითხში თანხმდებიან: ორივენი არ ენდობიან ქალებს.

წარსულის წინაშე თავი დახარე, მომავლის წინაშე – სახელოები აიკაპიწე.

საყვარელი – მსხვერპლი ნომერი ორი.

ფსიქოთერაპია – ესაა მეცნიერება, რომელიც ამბობს, რომ პაციენტი, დიდი ალბათობით, გამოჯანმრთელდება, მაგრამ სამუდამოდ დარჩება ჩამოყალიბებული იდიოტი.

ქველმოქმედება და პატრიოტიზმი – მთავარი თვისებებია ამერიკელისა, რომელსაც რამის გაყიდვა სურს.

პატარძალი საკურთხეველთან: „როგორც იქნა! როგორც იქნა!“. სიძე: „უკვე ძალიან გვიანია! ძალიან გვიანი!“

ქალი ქორწინებამდე – პროვოკატორია; ქორწინების შემდეგ – ჟანდარმი.

მთელი ფილოსოფია, არსებითად, მიდის იმ აზრამდე, რომ ერთი ფილოსოფოსი ცდილობს დაამტკიცოს, რომ ყველა დანარჩენი ფილოსოფოსი სახედარია. ის, ჩვეულებრივ, ამას ახერხებს, უფრო მეტიც, ის დამაჯერებლად ამტკიცებს, რომ თვითონაც სახედარია.

შენთან ერთად. შენ წინააღმდეგ. უშენოდ...>>

რა ცოტაა საჭირო იმისთვის, რომ ცხოვრება აუტანელი გახადო! კენჭი ფეხსაცმელში, ტარაკანი მაკარონში, ქალის სიცილი!

ქმრები არასდროს ხდებიან კარგი; ისინი, უბრალოდ, გამოცდილებას იძენენ.

ჯენტლმენი – ესაა ადამიანი, რომელიც სიმართლეს ასიდან სულ ცოტა ოცდაათ შემთხვევაში ლაპარაკობს.

ყოველ წესიერ ადამიანს რცხვენია იმ მთავრობისა, რომლის მმართველობის დროსაც ცხოვრობს.

უცოლო – ეს ისაა, რომელსაც უნდა ცოლის შერთვა და თან, ამავე დროს, უხარია, რომ უცოლოა.

დემოკრატია – თეორია, რომლის შესაბამისად ორი ქურდი მოიპარავს ნაკლებს, ვიდრე ერთი; სამი – ნაკლებს, ვიდრე ორი; ოთხი – სამზე ნაკლებს და ასე, უსასრულობამდე.

სინდისი შინაგანი ხმაა, რომელიც გვაფრთხილებს, რომ ვიღაც გვითვალთვალებს.

სიმართლე ისეთი რამაა, რომელსაც, ასე თუ ისე, ვინმეს დისკრედიტირება შეუძლია...

გაზეთი – საშუალება, რომ უვიცი ადამიანები მეტად უვიცნი გახდნენ, ხოლო შეშლილნი – უფრო შეშლილნი.

იმედი – შეუძლებლის პათოლოგიური რწმენაა.

რატომ თხოვდება ქალი მეორედ და რატომ ქორწინდება მეორედ მამაკაცი>>

ჯოჯოხეთი – ადგილი, სადაც ათ მცნებას კანონი დევნის.

მამაკაცი შეიძლება სულელი იყოს, მაგრამ ამის თაობაზე ეჭვი არ ეპარებოდეს – მაგრამ მხოლოდ იმ შემთხვევაში, თუ უცოლოა.

ქმარი – ესაა ადამიანი, რომელსაც სულ თვალი უნდა ადევნო; კისრის ზომა – 16, საყელოს – 15,5.

ეჭვიანობა – თვალსაზრისი, რომლის თანახმად, ცუდი გემოვნებით მხოლოდ თქვენ არ გამოირჩევით.

მსახიობი – ადამიანი, რომელსაც ხის ფეხი უფრო უშლის ხელს, ვიდრე ხის თავი.

დემოკრატია – ესაა მეცნიერება და ხელოვნება, მართო მაიმუნების გალიისგან შემდგარი ცირკი.

დემოკრატია – ეს მხოლოდ ოცნებაა: ის ზღაპრული არკადიის, სანტა კლაუსისა და სამოთხის გვერდით დგას.

უზენაესი – კომედიანტი, რომლის მაყურებელს სიცილისა ეშინია.

ძალაუფლება – ღმერთისგან, იერარქია – ძალაუფლებისგან.

პურიტანობა – შიში, რომ ვიღაც სადღაც შეიძლება ბედნიერი იყოს.

კანონიერი, ნაკურთხი მრუშობა და წუთებად აკინძული ცხოვრება>>

ცუდად იფიქრო მოყვასზე – ცოდვაა, მაგრამ არა მგონია, რომ შეცდომა იყოს.

უცოლოებს ხანდახან სინდისი ქენჯნის. ცოლიანებს ამისთვის ცოლები ჰყავთ. „მე ჩემი ქმრის სინდისი ვარ“.

514
თემები:
აზრების ფოიერვერკი: ცნობილი ადამიანების ბრძნული გამონათქვამები
პეპელა

სტაბილური და ხელსაყრელი დრო 13–19 ივლისის ასტროპროგნოზი: სიყვარული, ფინანსები, სამუშაო

0
(განახლებულია 18:38 12.07.2020)
ეს კვირა ზოდაქოს უმეტესი ნიშნებისთვის საკმაოდ ხელსაყრელი იქნება. ეს ის პერიოდია, როცა წინ უნდა გავიხედოთ, დავფიქრდეთ მომავალზე და წარსული უკან მოვიტოვოთ

ეს კვირა ხელსაყრელი იქნება იმ თვალსაზრსითაც, რომ მერკურიმ რეტროგრადული სვლა შეწყვიტა, რაც ნიშნავს, რომ გაუმჯობესდება ადამიანების შრომისუნარიანობა და ფინანსური ნაკადები.

ვერძი

ვერძებისთვის ძალზე იღბლიანი პერიოდია ახლობლებთან ურთიერთობების მოგვარების კუთხით. პოზიტიური განწყობა და კომპრომისების მოძებნა საუკეთესო ხერხები იქნება ამისთვის. ნუ ჩაიდებთ გულში წყენას და მით უფრო გაგიღიმებთ იღბალი.

დიდი წარმატებები გელოდებათ ფინანსურ და სამუშაო სფეროებში. შეგიძლიათ ძვირადღირებული ნივთების შეძენა. სამუშაოზე ყველაზე მეტად გაუმართლებს შემოქმედებითი პროფესიების ვერძებს და მათ, ვინც ახალი გამოცდილებისა და ცოდნის მიღბისკენ ისწრაფვის.

კურო

ორშაბათს რთული დრო გელოდებათ, მოსალოდნელია მთელი კვირის გეგმების ჩაშლა, მაგრამ მთავარია, სულიერად არ დაეცეთ და მედგრად დაუხვდეთ უსიამოვნებებსა და გაუგებრობებს. გახსოვდეთ, რომ ეს მხოლოდ დროებითი სირთულეებია.

სჯობს, ამ კვირაში არ მოდუნდეთ. წარმატება ყველაზე თავდაჯერებულ და უდრეკ კუროებს ელოდება. არ დაივიწყოთ სასიყვარულო საქმეები – თუ ყველაფერს სწორად დაგეგმავთ, ორი კურდღლის გამოდევნებაც შეიძლება.

ტყუპი

ტყუპებისთვის დგება პერიოდი, როდესაც ყურადღება მთლიანად სამუშაოსა და ფინანსურ სფეროს უნდა მიაქციოთ. შესანიშნავი დროა ახალი სამუშაოს მოძებნის, ახალი ბიზნესის დაწყებისთვის. კარგი იქნება, თუ განაახლებთ გარდერობს, შეიცვლით თმის ვარცხნილობას.. სტილის განახლება ენერგეტიკის განახლებას ნიშნავს.

კვირის ყველაზე ხელსაყრელი დღეებია 15, 17 და 18 ივლისი. ამ დღეებში მთლიანად სამუშაოზე გადაიტანეთ ყურადღება და წვრილმანებზე არ მოცდეთ. უქმეებზე საყვარელ ადამიანებთან ერთად დაისვენეთ.

კირჩხიბი

კირჩხიბები მიზანსწრაფული ადამიანები ხართ, რომლებიც უკან ძალიან იშვიათად თუ იხევთ, მაგრამ, ამავე დროს, არ განეკუთვნებით ზოდიაქოს ყველაზე ძლიერი ხასიათის მქონე ნიშნების რიცხვს. ამ კვირაში სწორედ ამ სტატუსთან მიახლოება შეგიძლიათ – დადგა დრო, რომ თვალებში ჩახედოთ თქვენს შიშებს და სიტუაცია ხელში აიღოთ.

იდეალური დროა მავნე ჩვევებთან ბრძოლისთვის, გარემოს, სამუშაოს გამოცვლისთვის. შეგიძლიათ ცხოვრება კარდინალურად შეცვალოთ. დიდია ალბათობა იმისა, რომ მარტოხელა კირჩხიბები ცხოვრების მეგზურს შეხვდეთ.

ლომი

ეს კვირა ლომებისთვის მაქსიმალურად პროდუქტიული და მნიშვნელოვანი იქნება, მაგრამ ამისთვის თავდაჯერებულობა და ნებისყოფა დაგჭირდებათ. არაკეთილმოსურნეები, შესაძლოა, თქვენში ეჭვების შეტანას და თქვენს სულიერად გატეხას შეეცადონ, მაგრამ ამას მედგრად უნდა დაუხვდეთ და მათ გამოხტომებს არ აჰყვეთ.

სასიყვარულო სფეროში დიდი მნიშვნელობა მიენიჭება პატივისცემას. იმედგაცრუება რომ აირიდოთ თავიდან, ილუზიებზე უარი უნდა თქვათ, ადამიანები მიიღოთ ისეთებად, როგორიც ისინი არიან. ასტროლოგები გირჩევენ, მოთოკოთ უარყოფითი ემოციები, მაგრამ, ამავდროულად, გულწრფელი იყოთ.

ქალწული

ქალწულები სიყალბეს უნდა ებრძოლოთ. არ შეიძლება, რომ სხვისი როლი მოირგოთ – იყავით ის, ვინც ხართ, წამოაყენეთ საკუთარი იდეები და არ შეუშინდეთ გზაზე შემხვედრ კრიტიკასა და ნეგატივს. გუნდურ მუშაობაში ლიდერის უნარები დაგჭირდებათ. ახლობლებთან ურთიერთობებში მეტი სიკეთე და დიდსულოვნება გამოამჟღავნეთ.

ეს კვირა თქვენთვის რთული, მაგრამ ძალზე პროდუქტიული პერიოდი უნდა იყოს, რის შემდეგაც შეძლებთ ახალი ცხოვრებაში ნაბიჯის გადადგმას, ახალ სულიერ მდგომარეობაში გადასვლას. უბრალოდ, საჭიროა ზედმეტი სიამაყისგან გათავისუფლება და თავდაჯერებულობის მომატება.

სასწორი

დგება თვითრეალიზაციისთვის შესანიშნავი კვირა. ძალზე იღბლიანი პერიოდია შემოქმედებითი საქმიანობისთვის, მუშაობასა და გარეგნობაში ინდივიდუალური შტრიხების შეტანისთვის. შეიძლება ახალი ტანსაცმლის ყიდვა, ახალი იმიჯის მორგება.

კარგი იქნება ხელმძღვანელობასთან დალაპარაკება კარიერული წინსვლის ან ხელფასის გაზრდის თაობაზე. ასტროლოგები გირჩევენ, გათავისუფლდეთ კომპლექსებისა და შიშებისგან, რადგან ისინი განვითარებას ამუხრუჭებენ. კვირის ყველაზე საშიში დღეებია 17 და 18 ივლისი, ამ დღეებში სიფრთხილე გმართებთ.

მორიელი

კვირის პირველი დღე საკმაოდ საშიში იქნება. ექსპერტები გირჩევენ, ებრძოლოთ ამპარტავნებას, სიამაყეს, ქედმაღლობას. თუ ასე არ მოიქცევით, ეს თვისებები თქვენი პრობლემების მიზეზი გახდება. ნუ ეცდებით, სხვა ადამიანებზე ძალაუფლება მოიპოვოთ. სიფრთხილე გმართებთ იმ კუთხით, რომ თქვენ ირგვლივ ტოქსიკური ადამიანები შეიძლება შეიკრიბონ.

ამ კვირაში საკუთარ თავს უნდა მიხედოთ, კერძოდ, დაფიქრდეთ თქვენს აზრებზე, რადგან შუა კვირაში ღრმა განცდები შეიძლება გეწვიოთ. ნებისმიერ შიშსა და გაუგებრობას ოპერატიულად უნდა შეებრძოლოთ. ასეთ მომენტებში ყურადღებას ნუ მიაქცევთ გარშემომყოფების კრიტიკას.

მშვილდოსანი

თქვენთვის დგება დრო, როდესაც მხოლოდ საკუთარი თავის იმედი უნდა გქონდეთ. გამოიყენეთ მთელი თქვენი ცხოვრებისეული გამოცდილება და ასევე ინტუიციის ძალა. ასევე კარგი იქნება, თუ გარშემომყოფების მოსაზრებებსაც გაითვალისწინებთ, მაგრამ არ მიიღებთ ამ მოსაზრებებს, როგორც აქსიომას.

სიყვარულში დიდი წარმატებები გელოდებათ, განსაკუთრებით მათ, ვინც მეორე ნახევარს ეძებთ. ვისაც უკვე ჰყავს პარტნიორი, მათ უნდა იზრუნოთ საყვარელ ადამიანზე, ოჯახზე, ასევე დიდი მნიშვნელობა ექნება სახლში მუშაობას.

თხის რქა

თხის რქებისთვის პირველ ადგილზე იქნება ფული და სამუშაო. პოზიტიური განწყობით თამამად შეგიძლიათ გაემგზავროთ საყიდლებზე, შეიძინოთ ძვირადღირებული ნივთები, გააფორმოთ გარიგებები, კრედიტები. დიდი ალბათობით, გაჩნდება ახალი მიზნები და მისწრაფებები.

ასევე გელოდებათ წარმატებები სიყვარულში. ვარსკვლავები და პლანეტები თქვენ გვედით იქნებიან – ამაღლდება თვითშეფასება, გაჩნდება ახალი სურვილები, ენთუზიაზმი, რაც სასიყვარულო თავგადასავლებისთვის ძალზე სასარგებლოა.

მერწყული

კვირის დასაწყისში ყურადღება ოჯახზე და სახლის საქმეებზე გადაიტანეთ. დაალაგეთ სახლი, გადააადგილეთ ავეჯი, მოუსმინეთ ახლობლების სურვილებს. ვინც სიყვარულს ეძებს, მათ მოუსმინეთ საკუთარ ინტუიციას. იდეალური დროა ახალი ნაცნობობისთვის.

ფინანსურ სფეროში უნდა ებრძოლოთ ნეგატიურ ჩვევებს, შეცვალოთ აზროვნება. ამ შემთხვევაში თქვენი შემოსავლები მოიმატებს. ამ კვირაში მთავარია, გიყვარდეთ საკუთარი ცხოვრება და ყველაფერი, რაც თქვენ თავს ხდება. უნდა იაროთ წინ. საჭიროების შემთხვევაში დახმარებისთვის ახლობლებს მიმართეთ.

თევზები

ამ კვირაში თევზებს საშიში დღეები არ გელოდებათ, თუმცა, ვარსკვლავებისა და პლანეტების ენერგეტიკა ჯერ არ არის საკმაოდ ძლიერი იმისთვის, რომ მოდუნდეთ და დინებას მიჰყვეთ. საჭიროა, რომ ყველაფერი საკუთარ ხელში აიღოთ და პასუხისმგებლობა სხვებს არ გადააბაროთ.

საკუთარ თავში შეებრძოლეთ ჭირვეულობას, კაპრიზებს. ეს განწყობის ხშირი ცვლილებებისგან გიხსნით. მიიღეთ სამყარო და ადამიანები ისეთად, როგორიც ისინი არიან. ასეთი დამოკიდებულება წარმატებებს მოგიტანთ სიყვარულში.

0