ხედი მოსკოვზე მაღლივი შენობიდან

მოსაზრება: დასავლეთის პოლიტიკა რუსეთის მიმართ - მოძრაობა ძველ წრეზე

25
(განახლებულია 16:40 27.04.2021)
რუსეთისა და დასავლეთის ურთიერთობების ესკალაციაში განსაკუთრებულ მოწადინებას ამ დროისათვის აღმოსავლეთ ევროპა იჩენს და შეჩერებას არ აპირებს.

ირინა ალქსნისი

ჩეხეთი, ლატვია, ლიეტუვა რუს დიპლომატებს აძევებენ; მათ კვალდაკვალ პოლონეთმა ვიშეგრადის ჯგუფის ონლაინ−თათბირი მოიწვია „რუსულ საკითხზე“ სამსჯელოდ, რა დროსაც წევრი ქვეყნების პრემიერებმა დეკლარაცია მიიღეს ჩეხეთის მხარდასაჭერად; რუმინეთმა პერსონა ნონ გრატად გამოაცხადა რუსეთის სამხედრო ატაშეს მოადგილე; იტალია მოსკოვის საპასუხო ნაბიჯებმა გაანაწყენა თავისი დიპლომატის გამოძევებაზე; დიდმა ბრიტანეთმა ანტირუსული სასანქციო სია 14 კაცით გაზარდა... და ეს ყველაფერი არ არის.

თუმცა არც რუსეთი რჩება ვალში. უკიდურესად „შხამიანი“ განცხადება რუსეთის საგარეო საქმეთა მინისტრმა სერგეი ვლავროვმა გააკეთა, რომელმაც ჩეხეთი საერტაშორისო შეთანხმებების დარღვევაში დაადანაშულა. კერძოდ, საუბარია იარაღით ვაჭრობის შესახებ შეთანხმებაზე — პრაღა ძალიან „არეულ, ემოციურ და არც ისე ძალიან შერაცხად“ განცხადებებს აკეთებს ვრბეტიცეს იარაღის საწყობებთან დაკავშირებით, სადაც 2014 წელს აფეთქებები მოხდა.

ისევ სპეცაგენტები?..

მომხდარი ორმაგ გრძნობებს იწვევს. ერთი მხრივ, შეუძლებელია არ აღინიშნოს რუსეთის ხელისუფლების პოზიციების გამკაცრება 2010−იანების შუა წლებთან შედარებით. მაშინ ძალიან ბევრს აღიზიანებდა მოსკოვის ხაზგასმით დამამშვიდებელი რიტორიკა სერიიდან „ბიჭებო, მოდით, ვიცხოვროთ მეგობრულად“, რომელშიც ბევრმა დათმობებისთვისა და უბრალოდ მარცხიანობისთვის მზადყოფნის დანახვა მოახერხა. ასე რომ, მიმდინარე მოვლენებში მოსკოვის საჯარო სიმკვეთრე საკმაოდ დიდ საზოგადოებრივ მხარდაჭერას იწვევს.

მეორე მხრივ, თავად რუსეთში საკმაოდ ბევრ უკმაყოფილო მოქალაქეს არასაკმარისად მიაჩნია  კრემლის ამჟამინდელი სიხისტე — უბრალოდ იმიტომ, რომ დასავლეთი აბსურდისა და რუსოფობიის იმდენად მაღალ დონეს ავლენს, რომ ნებისმიერი დიალოგი უსარგებლო და არასაჭირო ჩანს. შექმნილ ვითარებაში მათ ყველაზე უფრო სწორად დასავლეთთან ნებისმიერ ურთიერთქმედებასა და დიალოგზე უარის თქმა მიაჩნიათ — დიპლომატიური ურთიერთობების გაწყვეტამდეც კი, სანამ მეორე მხარე გონიერებასა და შერაცხა დობას არ დაიბრუნებს.

ასეთი პოზიცია სრულიად გასაგებია. რაზე და რატომ უნდა ელაპარაკო იმ სახელმწიფოებს, რომლებიც არაკებს ავრცელებენ ორი „შეუცვლელი სპეცაგენტის, პეტროვისა და ბოშიროვის“ შესახებ (რომლებიც სკრიპალებსაც წამლავენ ინგლისში და იარაღის საწყობებსაც აფეთქებენ ჩეხეთში) და ასევე გასაოცარი მომწამვლელი „ნობიჩოკის“ თაობაზე (რომელსაც მოსკოვი იყენებს, მაგრამ ვერავის ვერ კლავს).

ასე რომ, ემოციების დონეზე მსგავსი მოსაზრებები სრულიად გასაგებია, მაგრამ რაციონალური განხილვისას ამის გამო ისინი ჭეშმარიტებად ვერ იცევა.

ინტერნეტ−დისკუსიებში არსებობს მოვლენა, რომელიც „გოდვინის კანონის“ სახელწოდებითაა ცნობილი. მის თანახმად, ვინც პირველი შეადარებს ოპონენტს  ნაცისტებს ან ჰიტლერს, წაგებულიც ის არის — ვინაიდან გამოდის, რომ ვინც ამ არგუმენტს მიმართავს, მას სხვა მ ტკიცებულება აღარ აქვს.

რაღაც მსგავსი შეიძლება ითქვას პოლიტიკაზეც:  დიპლომატიური ურთიერთობების გაწყვეტა უკანასკნელი ინსტრუმენტია საგარეოპოლიტიკურ ნაკრებში. და ის ხშირად იმ ქვეყნის სისუსტეზე მეტყველებს, რომელმც ამ ინსტრუმენტს მიმართა, და არა მის სიძლიერეზე.

და თუ ვითარებას სწორედ ამ საგარეოპოლიტიკური ინსტრუმენტების ნაკრების თვალსაზრისით შევხედავთ, რომლებიც ყველა მონაწილე მხარის ხელშია, მაშინ მომხდარი მეტად საინტერესო და ბევრი რამისთვის ნათლის მომფენი კუთხით წარმოჩინდება.

რუსეთი ხანგრძლივ თამაშს თამაშობს

საქმე ისაა, რომ დასავლეთმა უბრალოდ ამოწურა რუსეთზე ზეწოლის შესაძლებლობები და ახლა იძულებულია, ისეთ ნაბიჯებს მიმართოს, რომლებიც, როგორც მინიმუმ. უცნაურად გამოიყურება, როგორც მაქსიმუმ კი — მძიმე ბოდვად. არა, რა თქმა უნდა, თეორიაში კიდევ უამრავი საშუალება არსებობოს, რომელთა გამოყენებაც შეიძლება მოსკოვის წინააღმედგ, მაგრამ აშკარაა, რომ დასავლელი პარტნიორებისთვის ისინი მიუღებელია.

ამის ყველაზე მკაფიო მაგალითი შესაძლოა იყოს ვითარება, რომელიც საერთაშორისო საგადასახადო სისტემა SWIFT−ის გარშემო შეიქმნა. უკვე მრავალი წელია, გარკვეული ძალები რუსეთის მისგან გათიშვას მოითხოვენ. ამ დროის განმავლობაში  რუსეთმა ფინანსური კავშირის საკუთარი სისტემა შექმნა, რის შედეგადაც, თუ ასეთი გათიშვა მართლაც მოხდება, საბედისწერო შედეგებს ვერ მოიტანს. და მაინც, მიუხედავად ყველა კრიზისა და მოსკოვის დადანაშაულებისა ყველაზე ფანტასმაგორიულ დანაშაულებში, დასავლეთი მას SWIFT−ისგან არა და არ თიშავს. ამის მიხედვით თუ ვიმსჯელებთ, მას ძალისნ ენანება ფული, რომელსაც ამით დაკარგავს.

შეიძლება მხოლოდ ვივარაუდოთ, რით ხელმძღვანელობდნენ აშშ და ევროპა, როდესაც 2014 წელს რუსეთთან ურთიერთობებში კრიზისის დაწყებისას მაშინვე მის ხელთ არსებული ყველაზე მძიმე კოზირები გამოყარეს. ამასთან ეს ეხება  როგორც მედიურ− პოლიტიკური რუსოფობიის  ისტერიულ დონეს, ისე კონკრეტულ ანტირუსულ ნაბიჯებს (როგორებიცაა სექტორალური სანქციები), რომლებიც მართლაც ძალიან მტკივნეული იყო რუსეთის ეკონომიკის ცალკეული დარგებისთვის. თუმცა ახლა ვითარება რამდენადმე შეიცვალა.

ბევრ რამეში სწორად ამით აიხსნება აჟამინდელი უცნაური, ერთი შეხედვით,  უაზრო დასავლური პოლიტიკა, რომელშიც ერთმანეთს ერწყმის აგრესიული რიტორიკა, აზრს მოკლებული ბრალდებები და მოსკოვისთვის არც ისე მძიმე რესტრიქციები.

დასავლეთმა უბრალოდ ამოწურა რუსეთზე ზემოქმედების მისთვის მისაღები ზომები და უკვე რამდენი წელია, იძულებულია, ძველ წრეზე იტრიალოს და ყოველ ჯერზე სულ უფრო სასაცილოდ და სულელურად გამოიყურებოდეს.

ამასთან რუსეთის არსენალში რჩება უფრო მეტი ინსტრუმენტი. ეს იმასთანაცაა დაკავშირებული, რომ რუსეთის ხელმძღვანელობა არ ჩქარობს,  ერთბაშად ჩამოყაროს მსოფლიო პოლიტიკის მაგიდაზე მის ხელთ არსებული კოზირები — პირიქით, ხანგრძლივ პოლიტიკურ პარტიას ანიჭებს უპირატესობას.

რედაქცია შესაძლოა არ ეთანხმებოდეს ავტორის მოსაზრებებს!

25
თემები:
რუსეთი დღეს (854)
გათხევადებული გაზის საწარმო რუსეთში

არქტიკული მარაგები: რუსეთი ევროპიდან აშშ-ის განსადევნად მოემზადა

12
(განახლებულია 23:05 17.05.2021)
ამერიკული გათხევადებული ბუნებრივი გაზის ექსპორტი რეკორდებს ამხობს. მაგრამ ვაშინგტონში შიშობენ, რომ ეს აჟიოტაჟი დიდხანს არ გაგრძელდება, ვინაიდან „ჩრდილოეთის ნაკადი-2“-ის ამუშავების შემდეგ ევროპაში იაფი რუსული საწვავი შეთქრიალდება.

ნატალია დემბინსკაია

ამასთან მოსკოვმა უახლოეს ორიოდ წელიწადში შეიძლება გარღვევა მოახდინოს გათხევადებული გაზის ბაზარზე. ამას ხელს შეუწყობს მსხვილი ეროვნული პროექტები. დამკვირვებლები არ გამორიცხავენ, რომ პერსპექტივაში რუსეთი გააძევებს აშშ-ს ევროპული ბაზრიდან.

კატარი აზიას არ ჩააბარებს

აშშ-ის ენერგეტიკის სამინისტროს ენერგეტიკული ინფორმაციის მართვის ცენტრის (EIA) ცნობით, მარტში ამერიკელები უცხოეთში 10,5 მლრდ კუბურ ფუტ გათხევადებულ გაზს გზავნიდნენ დღეში. აპრილში 9,2 მლრდ კუბური ფუტი იყო, მაგრამ ესეც აბსოლუტური მაქსიმუმია გაზაფხულის დასაწყისისთვის.

როგორც მოხსენებაშია აღნიშნული, გასული წლის იანვარში გათხევადებული გაზის ექსპორტის უმეტესი ნაწილი აშშ-დან აზიაზე მოდიოდა. მაგრამ თებერვალსა და მარტში ნახევარი ევროპას მიჰქონდა. საქმე ისაა, რომ სპოტზე ფასები იქ აზიურს გაუთანაბრდა.

„რაც შეეხება მაისს, ჩვენ 8,6 მლრდ კუბურ ფუტამდე დაკლებას ველოდებით დღე-ღამეში, შემდეგ კი — ცხრა მილიარდზე ზემოთ მატებას ზაფხულის თვეებში ევროპასა და აზიაში პიკური მოთხოვნების დასაკმაყოფილებლად“, — დააზუსტეს უწყებაში.

საერთაშორისო ენერგეტიკულ სააგენტოში დაუშვეს, რომ 2024 წლისთვის ამერიკელები შეძლებენ ლიდერები გახდნენ ამ სეგმენტში. მათი გამოთვლებით, აშშ-ში, ავსტრალიასა და რუსეთში ბუნებრივი აირის გათხევადების სიმძლავრეების ერთობლიობა ამ დროისათვის მსოფლიო ექსპორტის 90%-ს მიაღწევს. თუმცა ლიდერობის თემაზე შეიძლება ვიკამათოთ.

აზიური ბაზრის დაპყრობას აშშ-ს ალბათ უმსხვილესი მოთამაშე, კატარი არ დაანებებს. 2020 წელს ახლოაღმოსავლურმა სახელმწიფომ 77,6 მლნ ტონა გათხევადებული გაზი გაიტანა ექსპორტზე. ეს საერთო მიწოდებების 26,5%-ია. უკვე 2024 წლისთვის მოპოვებების წლიური მოცულობა სპარსეთის ყურის ამ პაწია მონარქიაში შესაძლოა თითქმის ორჯერ გაიზარდოს. თებერვალში დოჰაში საბოლოო საინვესტიციო გადაწყვეტილება მიიღეს ჩრდილოეთ საბადოს აღმოსავლეთ ნაწილის დამუშავების შესახებ. ეს უმსხვილესი პროექტია.

კატარს ფეხდაფეხ მისდევს ავსტრალია — 26%-ით. მესამე და მეოთხე ადგილებზე აშშ (14,7) და რუსეთი (10) არიან. ამასთან 2019 წელს რუსებმა ევროპასა და აზიაში ექსპორტზე უფრო მეტი გათხევადებული აირი გაიტანეს, ვიდრე ამერიკელებმა. უახლოეს წლებში, როგორც მოსალოდნელია, კონკურენცია გამწვავდება, და მოსკოვს კიდევ აქვს შანსები, გამარჯვებული გამოვიდეს. მთელი საქმე უზარმაზარ არქტიკულ მარაგებშია.

არქტიკა პრიორიტეტში

ჩრდილოეთ ყინულოვანი ოკეანის ნავთობისა და გაზის რესურსების გეგმაზომიერი ათვისება რუსეთის ხელისუფლების პრიორიტეტში უკვე 15 წელია. მარტში მინისტრთა კაბინეტმა გათხევადებული გაზის წარმოების განვითარების გრძელვადიანი პროგრამა დაამტკიცა. ეს წყაროების დივერსიფიკაციისკენაა მიმართული, უპირველესად, არქტიკული შელფისა და შორეული აღმოსავლეთის აქტიური გამოყენებისკენ. იგეგმება, რომ ამ პერიოდში გათხევადებული გაზის საწარმოო სიმძლავრეები სამჯერ გაიზრდება.

თუ აშშ ერთ-ერთი უმსხვილესი ექსპორტიორი გახდა ფიქალური მოპოვებების ხარჯზე, რუსეთს არქტიკა დაეხმარება, წერს ამერიკული გამოცემა OilPrice, რომელიც ნავთობ−გაზის ანალიტიკითაა დაკავებული. რეგიონში უზარმაზარი მარაგებია — 35,7 მლრდ კუბური მეტრი ბუნებრივი გაზი და 2,3 მლრდ ტონა ნავთობი და კონდენსატი.

ყურადღების ცენტრშია პროექტები „ნოვათეკა“: „იამალი LNG“ და „არქტიკ LNG-2“. მეორე, რომლის ღირებულებაც 21 მილიარდი დოლარია, 2023 წელს ამოქმედდება, რათა 2026-სთვის წელიწადში 20 მლნ ტონაზე გავიდეს.

მარტის ბოლოსთვის პროექტი დაახლოებით 39%-ით იყო ინვესტირებული. წელს კიდევ ექვსი მილიარდი ჩაიდება — ადრინდელზე ორჯერ მეტი. ინვესტორებს შორის არიან: ფრანგული Total, ჩინური CNPC და CNOOC და იაპონური კონსორციუმი Mitsui & Co და JOGMEC.

„არქტიკ LNG-2“ სამი ხაზის მშენებლობას ითვალისწინებს ბუნებრივი გაზის გასათხევადებლად, რომელთაგან თითოეულის სიმძლავრე 6,6 მლნ ტონა იქნება წელიწადში და ასევე სტაბილური გაზის კონდენსატის საწარმოებლად — წელიწადში 1,6 მლნ ტონის ოდენობით. სარესურსო ბაზა — ეს გიდანის ნახევარკუნძულზე (იამალ-ნენთა ავტონომიური ოკრუგი) საბადოა.
პირველი ხაზის გაშვება 2023 წლისთვის იგეგმება, მეორისა და მესამისა — 2024 და 2026 წლებში.

როგორც OilPrice აღნიშნავს, საბადოების წარმატებული დამუშავების შემთხვევაში „ნოვატეკი“ ბაზარს დაახლოებით 100 მილიონ ტონა გათხევადებულ გაზს შესთავაზებს წელიწადში. ასეთ მოცულობას კომპანია 2030 წლის შემდეგ მიაღწევს. ამასთან მოპოვებული რესურსების თვითღირებულება ზალიან დაბალი იქნება.

ენერგეტიკის მინისტრ ალექსანდრ ნოვაკის შეფასებით, რუსეთი 2025 წლისთვის 68 მლნ ტონაზე მეტი გათხევადებული გაზის წარმოებას შეძლებს წელიწადში და მსოფლიო ბაზარზე წილს 25%-მდე გაზრდის.

მძლავრი დარტყმა

OilPrice-ის ანალიტიკოსები ვარაუდობენ, რომ რუსეთი მძლავრ დარტყმას ამზადებს ევროპაში ამერიკულ პოზიციებზე და შეუძლია სულაც განდევნოს იქიდან კონკურენტი. მოსკოვი შეტევაზე ორი ფრონტზე გადავა: ევროპელებისთვის ხელსაყრელია არა მარტო რუსული მილსადენის გაზი, არამედ გათხევადებულიც.

„ხანგრძლივ პერსპექტივაში სწორედ რუსული გათხევადებული გაზია მიმზიდველი ევროკავშირის მომხმარებლებისთვის ორი მიზეზით: მიწოდება უფრო სწრაფია, ვიდრე აშშ-დან, და უფრო იაფი. ლიეტუვა, რომელიც ენერგეტიკულ დამოუკიდებლობას უჭერს მხარს, ტყუილად არ იძენს გათხევადებულ აირს ჩვენგან. უბრალოდ სხვა გზა არ რჩება: ნორვეგიას სხვა კლიენტებიც ჰყავს, ოკეანის გაღმიდან გათხევადებული გაზის მიწოდება კი ძვირია“, — აღნიშნავს ლეონიდ ხაზანოვი, დამოუკიდებელი ექსპერტი.

მისი თქმით, ამასთან ამერიკელი მიმწოდებლებისთვის პრიორიტეტში არიან ჩინეთი და იაპონია — იქ ფასები უფრო მაღალია. ევროპაში კი მზად არ არიან ამდენის გადასახდელად და იქ გაყიდვები, როგორც წესი, მხოლოს მოთხოვნების სეზონური ზრდის პერიოდში იმატებს.

„ამიტომ რუსულ გათხევადებულ გაზს შეუძლია ოკეანისგაღმური ევროპის ბაზრის დიდი ნაწილიდან განდევნოს, დაუტოვოს რა კონკურენტებს სამოწყალოდ ესპანეთი და პორტუგალია, თუმცა ამერიკული გასაღებების ზრდის საფუძველი არც იქ არ არსებობს: 2019 წელს „ნოვატეკმა“ ხელი მოაწერა Repsol-თან 15 წლიან შეთანხმებას წელიწადში მილიონი ტონა გათხევადებული აირის მიწოდებაზე“, — ამბობს ხაზანოვი.   

ობიექტური რისკები

მსოფლიო ბაზარზე გათხევადებული გაზის სიჭარბის გათვალისწინებით, არსებობს ობიექტური რისკებიც, მინიმუმ 2025 წლამდე და მაღალი ფასების კონკურენციის გაძლიერების ცდა რთულია.

„არქტიკ LNG-2“ 2023 წელს იღებს სტარტს და ამ მომენტისთის გლობალური წარმოება 650 მლრდ კუბომეტრამდე გაიზრდება წელიწადში. მომხმარებლები უფრო მეტ შესაძლებლობებს მიიღებენ ფასების დასაწევად“, — ამბობს ექსპერტი ნიკოლაი ნეპლიუევი.

ამიტომ, მისი აზრით, „არქტიკ LNG-2“-ს არ აწყენდა დაზღვევა გრძელვადიანი კონტრაქტების სახით, რომლებიც საერთაშორისო ბაზარზე გაყიდვებში დაეხმარებოდა.

ნეპლიევის თქმით, თუ მოპოვებასა და ექსპორტში კონკურენციაზე ვისაუბრებთ, აქ რუსეთის ბუნებრივი მოწინააღმდეგე აშშ-ია. მიუხედავად მარტის საექსპორტო რეკორდებისა, ბაზრიდან სხვა მომწოდებლების სრულად განდევნა ამერიკელებს არ გამოუვათ.

ექსპერტები იმავდროულად სვამენ კითხვას: ისე ხომ არ გამოვა, რომ რუსეთის გათხევადებული გაზი კონკურენციას გაუწევს მისსავე მილსადენის გაზს. „კრემლმა პრაქტიკული მიდგომა არჩია და პრიორიტეტი გათხევადებული გაზის სექტორის სწრაფ ზრდასა და განვითარებას მიანიჭა“, — ვარაუდობენ მოხსენების ავტორები.

ექსპერტები მიდიან დასკვნამდე, რომ რუსული გათხევადებული გაზის ექსპორტი საკმარისადაა დივერსიფიცირებული. უდიდესი ნაწილი აზია−წყნარი ოკეანის რეგიონზე მიდის, მნიშვნელოვანი წილი — ევროპის ქვეყნებზე, სადაც „როგორც წესი, არ შედის მილსადენის გაზი“.

უფრო მეტიც, მაშინაც კი, როცა რუსული გათხევადებული გაზი „გაზპრომის“ გასაღების ძირითად ბაზრებს — საფრანგეთს, ბელგიასა და ნიდერლანდებს აღწევს, ის, ყველაფრიდან ჩანს, რომ „არ ახდენს იმ საწვავზე მოთხოვნის კანიბალიზაციას, რომელიც მილსადენით შედის“ — მოთხოვნები ხომ წლიდან წლამდე იზრდება.

რედაქცია შესაძლოა არ ეთანხმებოდეს ავტორის მოსაზრებებს

12
კიბერთავდასხმა

„რუსეთის პოზიციების წარმატება“: ექსპერტი ბაიდენის განცხადებაზე კიბერუსაფრთხოების შესახებ

49
(განახლებულია 19:13 14.05.2021)
აშშ-ის პრეზიდენტ ჯო ბაიდენის განცხადებით, კიბერუსაფრთხოების საკითხებთან დაკავშირებით რუსეთთან „პირდაპირი კავშირი აქვს“.

პოლიტოლოგმა ალექსეი ზუდინმა რადიო Sputnik-ის ეთერში ისაუბრა, თუ რატომ იმსახურებს ბაიდენის განცხადება განსაკუთრებულ ყურადღებას.

აშშ-ის პრეზიდენტმა ჯო ბაიდენმა თეთრ სახლში სიტყვით გამოსვლისას განაცხადა, რომ რუსეთის მთავრობას კავშირი არ აქვს აშშ-ის მილსადენების უმსხვილეს ოპერატორზე – კომპანია Colonial Pipeline-ზე განხორციელებულ კიბერშეტევასთან. თუმცა, ჰაკერები, შესაძლოა, რუსეთის ტერიტორიაზე იმყოფებოდნენ, დასძინა მან.

„ჩვენ არ ვფიქრობთ, რომ რუსეთის მთავრობა თავდასხმის მონაწილე იყო, მაგრამ საფუძვლიანი მიზეზები გვაქვს ვივარაუდოთ, რომ დამნაშავეები რუსეთში ცხოვრობენ. ჩვენ პირდაპირი კავშირი გვაქვს რუსეთთან იმ ზომების თაობაზე, რომლებიც აუცილებლად უნდა გატარდეს გამომძალველი ქსელების წინააღმდეგ და ვისწრაფოდეთ ნაბიჯებისკენ, რათა მათ მოქმედების შესაძლებლობა შევუზღუდოთ“, – აღნიშნა ბაიდენმა. 

Colonial Pipeline-ზე, სავარაუდოდ, ჰაკერული ჯგუფი DarkSide-ის მხრიდან კიბერთავდასხმა განხორციელდა. ჰაკერების ქმედებამ შეაფერხა მილსადენის მუშაობა და გამოიწვია ბენზინის საბითუმო ფასის ზრდა აშშ-ში.

მილსადენის სისტემა ხუთშაბათს, ღამით გადაიტვირთა, თუმცა მისი მუშაობის განახლებას დრო დასჭირდება, აღნიშნა აშშ-ის პრეზიდენტმა.

პოლიტოლოგმა ალექსეი ზუდინმა ყურადღება გაამახვილა იმაზე, რომ ბაიდენმა რუსეთთან კიბერუსაფრთხოების საკითხების განხილვის გეგმებზე ისაუბრა.

„ეს სწორედ ის საკითხებია, რომელთა განხილვასაც აშშ-ს რუსეთის მხარე სთავაზობდა, აშშ კი ჯიუტად აცხადებდა უარს, საკითხი განხილვის საგნად ექცია. ეს მომენტი ჩემთვის განსაკუთრებული მნიშვნელობისაა. ადრე არაფერი გამიგია იმაზე, რომ (აშშ-ის მხრიდან) მსგავსი წინადადება გამოთქმულიყო“, – აღნიშნა ალექსეი ზუდინმა რადიო Sputnik-ის ეთერში.

მისი სიტყვებით, ეს შეიძლება რუსეთის პოზიციის წარმატებად განვიხილოთ.

„მნიშვნელოვანია, რომ პირველად გაიჟღერა მოლაპარაკების თემამ კიბერუსაფრთხოებაზე, რომელსაც აშშ ადრე თანმიმდევრულად არიდებდა თავს. ამაში კი შეიძლება რუსეთის მტკიცე პოზიციის წარმატების დანახვა, რომელიც დიდი ხანია ასეთი მოლაპარაკების წინადადებით გამოდიოდა“, – აღნიშნა ალექსეი ზუდინმა.

49
ლეპტოპი

„წამიერი ყვირილი გავიგონე და არ ჩანდა ბავშვი...“ - 8 წლის გოგო საკანალიზაციო ჭაში ჩავარდა

0
(განახლებულია 13:41 18.05.2021)
სასოწარკვეთილი დედა სოციალურ ქსელში საშინელ ინფორმაციას ავრცელებს. ნახეთ რა შეემთხვა ძაღლების გასასეირნებლად წასულ დედა-შვილს

8 წლის გოგო ღია საკანალიზაციო ჭაში ჩავარდა, რის შედეგადაც ხელისა და ფეხის არეში ტრავმა მიიღო. შემთხვევა თბილისში მოხდა. ინფორმაციას და ფოტომასალას თავად გოგონას დედა ავრცელებს სოციალურ ქსელში.

როგორც დედა წერს, მან და მისმა გოგონამ ძაღლები ჩაიყვანეს სასეირნოდ, სეირნობისას კი ის ძაღლებს გაეკიდა, უცებ ყვირილი მოესმა და შვილი გაქრა. „მოვკვდი, ათასმა ფიქრმა გამიარა თავში. როგორ ჩაეკიდა სიღრმეში ბავშვი და რას ახლაც ვერ ვხვდები ძლივს ამოვიყვანე. ახლაც თვალებში მაქვს 7-8 მეტრის სიღრმეზე სიბნელე და წყლის ჩხრიალი თუ როგორი დინებით მიდიოდა. ღმერთს მადლობა რომ ბავშვი მოეკიდა რაღაცას. არ ვიცი ახლაც ვერ ვიხსენებ თუ რა და როგორ მოხდა წამებში მხოლოდ ჩუმი ყვირილი და ის ბნელი სიღრმე და წყლის ხმა ჩამესმის“, - წერს ქალი.

მისი თქმით, ბავშვს სულ დალურჯებული აქვს კიდურები, რომელსაც გადაიტანს, თუმცა იმ შოკს არა, რაც გადაიტანეს.

„დავრეკე მერიაში დავრეკე დასუფთავებაში, არსაიდან არანაირი გამოხმაურება. ძლივს ავწიე ის იმსიმძიმე თავსახური და ნახევრამდე მივაჩოჩე და ნახევრად დავაფარე იქვე ხალხმა დაფარა შემდეგ და უცებ ამოვედი სახლში ბავშვისათვის რომ მიმეხედა. ძალიან მაინტერესებს, ვისაც ეს სფერო ეხება, რატომ არ აკონტროლებენ? რატომ არის საკანალიზაციო ჭები ღია, იქ სადაც ბავშვები სეირნობენ რატომ? ძაღლი, კატა არ დაიარება?“ – წერს მოზარდის დედა.
0