გრაფიტი კედელზე: მონა ლიზა ნიღბით

მოსაზრება: ევროკავშირის ლიდერებს მსოფლიო მთავრობის ჩამოყალიბება სურთ

26
(განახლებულია 16:17 07.04.2021)
ამ დღეებში გამოქვეყნებული ერთობლივი განცხადება, რომლესაც ხელს ბორის ჯონსონი, ანგელა მერკელი, ემანუელ მაკრონი, ჯანმოს გენდირექტორი და ათობით სხვა სახელმწიფოს ლიდერები აწერენ ხელს, დეტალურ ყურადღებას იმსახურებს.

ვიქტორია ნიკოფოროვა

დააფიქსირეს რა, რომ ეროვნული მთავრობები ვერ გაუმკლავდნენ პანდემიის შედეგებს, მათ კაცობრიობას მსოფლიო მთავრობის დაქვემდებარებაში შეძლებისდაგვარად სწრაფად გადასვლა მოსთხოვეს. ამ მთავრობაში, როგორც ჩანს, ისინი უკვე დღეს იჯავშნიან თბილ ადგილებს.

ფორმალურად  საუბარია მხოლოდ „პანდემიასთან ბრძოლის მსოფლიო შეთანხმებაზე“, მაგრამ კოლექტიური წერილის თანმხლები რემარკებიდან ჩანს, რომ წერილის ავტორების ამბიციები უფრო დიდია. თავად კორონავირუსის პანდემიას  ისინი „მსოფლიო საზოგადოებისთვის უდიდეს გამოწვევად“ აფასებენ 1940–იანი წლების შემდეგ და შემოთავაზებულ შეთანხმებას პირდაპირ ადარებენ 1945 წლის იალტის შეთანხმებას.

ადამიანურად ეს ინიციატივა გასაგებია. ჯონსონი მერკელი და შესაძლოა მაკრონიც, კლასიკური Lame Duck–ები არიან („კოჭლი იხვი“ – ამერიკულ პოლიტიკურ სლენგში აშშ–ის იმ პრეზიდენტების მეტსახელი, რომლებსაც პოსტის დატოვება მალევე მოუხდათ, — რედ.). ფრაუ კანცლერი პოლიტიკურ „მოუსავლეთში“  უკვე დეკემბერში მიდის, მაკრონის პერსპექტივები მომდევნო არჩევნებში მეტად არასახარბიელოდ გამოიყურება, ინგლისელების უმეტესობას კი აღარ სურს ჯონსონის პრემიერ–მინისტრად ხილვა. მაგრამ  თავად მათ კვლავაც უნდათ „საჭის ტრიალი“. 

გაუგებარი სხვა რამაა: რისი შეთავაზება შეუძლიათ ამ „ჩამოყრილ მფრინავებს“ მსოფლიოსთვის? თავიანთი მართვის გამოცდილებისა? მაგრამ საკუთარი ქვეყნების დონეზე ისინი უკიდურესად ცუდად გაუმკლავდნენ საქმეს. უაზრო ლოკდაუნების ჯაჭვმა მცირე და საშუალო ბიზნესები გააკოტრა და პრაქტიკულად ჩაკლა ტურისტული სექტორი. ობამას უკვდავი გამონათქვამი რომ მოვიშველიოთ, ევროპის ეკონომიკა „ნაფლეთებად დაიგლიჯა“.   

ვაქცინაციის ისტორია უსასრულო სკანდალებში გადაიზარდა. უკიდურესობამდე ნევროტიზებული მოსახლეობა რეგულარულად გამოდის ქუჩებში და ძალოვანებს უპირისპირდება. მთავრობები ამის პასუხად კიდევ უფრო „უჭერენ ქანჩებს“, აწესებენ დრაკონულ ჯარიმებს, ატარებენ აშკარა სეგრეგაციას კოვიდ–პასპორტების სახით და მოსხლეობის სიცოცხლის რისკით, ჯიუტად ამბობენ უარს რუსულ ვაქცინაზე.

იმავდროულად, ქვეყნები, რომლებსაც შეურაცხმყოფლად მოიხსენიებდნენ „განვითარებადებად“, წარმატებით უმკლავდებიან ვირუსს — იძენენ რუსულ ვაქცინას და, სარგებლობენ რა ევროპელი პარტნიორების ვარდნით, საკუთარ ეკონომიკებს ააქტიურებენ.

მთელი გასული წელი ეპიკურ მარცხად იქცა ევროპის ლიდერებისთვის. მაგრამ იმის ნაცვლად, რომ ბოდიში მოიხადონ და პენსიებზე გავიდნენ, მოულოდნელად გადაწყვიტეს, მსოფლიო მთავრობაში დაინიშნონ თავები. კონსპიროლოგები ამაზე კი გვაფრთხილებდნენ, მაგრამ ის არ უთქვამთ, რაოდენ უგუნური სახე ექნებოდა ამას.

მსოფლიოს მართვის პრეტენზიის მქონეები ამაყად გვამცნობენ, რომ მათმა ქვეყნებმა ისეთი კრახი განიცადეს, როგორიც მეორე მსოფლიო ომის შემდეგ არ განუცდიათ.  მთელი საქმეკი ისაა, რომ ეს კრახი პირადად მათი ორგანიზებულია — ამას ვერანაირი კორონავირუსი მარტო ვერ გააკეთებდა. შედეგად, მოსახლეობა უმუშევრად დარჩა — პერსპექტივის გარეშე და მხოლოდ მთავრობის სოციალური დახმარების იმედად.

ამ შესანიშნავმა ხელმძღვანელებმა გასული წლის განმავლობაში ფაქტობრივად სამხედრო მოქმედებები წამოიწყეს საკუთარი ხალხების წინააღმდეგ. მილიონობოთ ადამიანი სიღატაკის ზღვარზე აღმოჩნდა. მაგრამ ვისთვის ომია მშობელი და ვისთვის – დედა (რუსული ანდაზა Кому война, кому мать родна, — რედ.). ევროპელმა ლიდერებმა გადაწყვიტეს, რომ შექმნილი ვითარება მა „ახალ იალტაზე“ კარტ–ბლანშს აძლევს.

შემოთავაზებული მსოფლიო მთავრობის მთავარი „ფიშკა“ ისაა, რომ მასში არავინ არავის არ აირჩევს. ამერიკულმა და ინგლისურმა მედიამ უკვე აგვიხსნა, როგორ გაფორმდება ეს ყველაფერი. მაგალითად, ჟურნალი The Week–ი მსოფლიოს სათავეში ერთი ადამიანის ჩაყენებას გვთავაზობს, რომელსაც „იმპერატორის“ ტიტული მიენიჭება.

შესაძლოა იმპერატორის ნაცვლად „პოლიტბიურო“ ჩამოყალიბდეს. მაგრამ ბრიუსელის ბიუროკრატიის არსებობის გამოცდილება გვკარნახობს, რომ ჩვენ აზრს არავინ შეგვეკითხება. უბრალოდ პატივცემული ადამიანები შეიკრიბებიან და ვინც საჭიროა, სადაც საჭიროა, იქ დანიშნავენ.  და ეს მოღვაწეები პოსტებზე როდინობის კვირამდე იქნებიან. არანაირი დემოკრატია და არანაირი არჩევნები.

მსოფლიო მთავრობის პოტენციური წევრები მოქმედების პროგრამაზე დუმილს ამჯობინებენ. მხოლოდ ის განაცხადეს, რომ პანდემიები ახლა ერთმანეთს მოჰყვება. ასე რომ, ვაქცინირების რეჟიმი და კოვიდ–პასპორტები სამუდამოდ დაგვრჩება.

„დიდ გადატვირთვას“ იგივე პატივცემული ადამიანები ლობირებენ, რომლებიც მსოფლიო მთავრობის დანიშვნას გვიპირებენ. ნათელია, რომ ევროპის ომი საკუთარი მოსახლეობის წინააღმედგ ჯერაც არ დასრულებულა. ხელმძღვანელობის გეგმა სამრეწველო წარმოების საბოლოო განადგურებაა. ეს ევროპის ხალხებს მასობრივი უმუშევრობითა და სიღარიბით ემუქრება. სულიერი საზრდოს სახით მხოლოს ტრანსგენდერები და ლგბტ–თემიღა დარჩება. ქრისტიანულს ეკლესიებს დახურავენ, როგორც იდეური ვირუსებისა და ინფექციების სანერგეს.

სრულიად გაუგებარი რჩება ერთი საკითხი იმის შესახებ, როგორ იგეგმება თითქმის რვა მილიარდი ადამიანის გადასვლა მსოფლიო მთავრობის დაქვემდებარებაში. რა სახე ექნება იძულების აპარატს, ვინ განახორციელებს გაულიტერების (ბელადების) ძალოვან მხარდაჭერას ადგილებზე, პარტიზანების დაცვას ტყეებში, ამ ბოხებულების წამებას სპეციალურ ციხებში? ნა ტოს თანამშრომლებით გაზავებული გაეროს ყოფილი სამშვიდობოები? იქნებ გერმანიისა და საფრანგეთია გაერთიანებული არმია, რომლის შექმნაზეც უკვე დიდი ხანია ლაპარაკობენ მაკრონი და მერკელი?

ამ ტრაგიკომიკურ განცხადებაზე ხელისმომწერთა ჩამონათვალი ნატიფ სიამოვნებას გვანიჭებს. უპირველესად უნდა აღინიშნოს, რომ მასში არ არის არც აშშ, არც ჩინეთი, არც რუსეთი, არც ინდოეთი, არც ბრაზილია, არც ნექსიკა, არც კანადა, არც იაპონია. ანუ ჩამონათვალში არ არის გაეროს წევრი დაახლოებით 170 ქვეყანა.

სამაგიეროდ დოკუმენტს ხელს აწერს ჯანმოს გენერალუეი დირექტორი ტედროს ადანომ გებრეიესუსი. ამაში არაფერია გასაკვირი. მისი ორგანიზაცია იმთავით ამაზე იყო მორგებული. ჯანმოს შემქმნელი ბროკ ჩისჰოლმი მსოფლიო მთავრობის იდეის ღიად ფანატიკოსი ადეპტი გახლდათ. არ გასულა ასი წელი და მის იდეას შანსი გაუჩნდა.

მომავალი მსოფლიო მთავრობის წევრებს შორის არიან ისეთი გეოპოლიტიკური ტიტანები, როგორებიცაა: ფიჯი, ალბანეთი, ტრინიდადი და ტობაგო. სიის ბოლოსკენ კი უკრაინაც ჩანს — ვოლოდიმირ ზელენსკის ხელმოწერით.

უნებურად გებადება მოსაზრება, რომ მსოფლიო მთავრობის მთელი ეს ფანტასმაგორია სწორედ უკრაინელებისთვის წამოიწყეს. ევროპისთვის, რომელმაც საკუთარ თავს სიღარიბის განაჩენი გამოუტანა, ასეთი მოკრძალებული ტერიტორიაც კი შესანიშნავ კოლონიად გამოიყურება. იქ შავმიწა ნიადაგიცაა, ვაშლიც, სალაც და იაფი და უპრეტენზიო მუშა–ძალაც. სხვა საქმეა, როგორ შეინარჩუნებენ ამ ტერიტორიას მორჩილებაში.

შვიდი წლის წინ მიამიტ უკრაინელებს ევროპაში გაწევრიანებით იტყუებდნენ. ამ ქიმერის გულისთვის რუსეთის ახლო ნათესავმა მოსახლეობამ თავისი ქვეყანა ცხოვრების აფრიკულ დონემდე დასწია. უკრაინელებს თანდათანობით გაუჩნდათ ეჭვები, რომ სატყუარას ვერასდროს მიაღწევენ.

და უეცრად უკრაინელებს მსოფლიო მთავრობაში დაუძახეს. რუსებს არ ეძახიან, უკრაინელებს კი დაუძახეს. ეს უკვა ახალი და უფრო დიდი სატყუარაა. მის დევნაში სრულიად შესაძლებელია, კიდევ ათი წელი გავიდეს. მერე კი ევროპელი პატივცემული ადამიანები კიდევ რაღაცას მოიგონებენ მათთვის.

რედაქცია შესაძლოა არ ეთანხმებოდეს ავტორის მოსაზრებებს!

26
ამერიკელი სამხედროები ავღანეთში

მოსაზრება: ამერიკელების ავღანეთიდან გაყვანას თალიბები ხელმძღვანელობენ

22
(განახლებულია 18:03 17.04.2021)
ტერორისტული ორგანიზაცია „თალიბანი“ აშშ-ს ავღანეთიდან ჯარების გაყვანის ხისტ პირობებს კარნახობს და ვაშინგტონს მრავალპოლარული მსოფლიოს რეალობაში აბრუნებს.

თეთრმა სახლმა 13 აპრილს გამოაცხადა, რომ 11 სექტემბრისთვის ავღანეთიდან ჯარებს გაიყვანს. თალიბებმა ულტიმატუმის ფორმით მოითხოვეს აშშ ჯარების 1 მაისამდე გაყვანა (დოჰაში 2020 წლის 29 თებერვალს ხელმოწერილი შეთანხმებით). თალიბანმა დაჟინებით მოუწოდა „ამერიკასა და ყველა ოკუპანტ ქვეყანას, შეწყვიტონ გაჭიანურებული ომის გამართლება და დაუყოვნებლივ გავიდნენ ავღანეთიდან“. შემდეგ ტექსტში ღია მუქარები მოდიოდა.

აშშ-ის ადმინისტრაციამ ოპერატიულად დაასახელა 1 მაისი ჯარების გაყვანის თარიღად. ნატოს მოკავშირეებმაც იმავე დღეს მიიღეს მისია „მტკიცე მხარდაჭერის“ ძალების გაყვანის გადაწყვეტილება. ამასთან სახის შენარჩუნებაც სცადეს.

აშშ-ის პრეზიდენტმა ჯო ბაიდენმა ოთხშაბათს განაცხადა, რომ ამერიკელი სამხედროების ავღანეთში ყოფნა ვერ დაეხმარება მყარი მთავრობის ჩამოყალიბებას. თავდაცვის მინისტრმა ლლოიდ ოსტინმა აღნიშნა, რომ ჯარებმა თავიანთი ამოცანა შეასრულეს ავღანეთში და „შესაძლებელი გახადეს პროგრესი ეკონომიკაში, სამოქალაქო საზოგადეობასა და პოლიტიკაში“.

უღირდათ კი პენტაგონსა და მის მოკავშირეებს ასობით მილიარდი დოლარის დახარჯვა და ათასობით ჯარისკაცის დაკარგვა ისლამურ რესპუბლიკაში, რომ მერე ასე უსახელოდ დაეტოვებინათ ბრძოლის ველი და მთელი უბედური ქვეყანა თალიბებისთვის? კითხვა რიტორიკულია.

ძალის საპირველმაისო დემონსტრაცია

CIA-ს დირექტორმა უილიამ ბერნსმა 14 აპრილს განაცხადა, რომ ჯარების გაყვანა მნიშვნელოვან რისკებთანაა დაკავშირებული, და ავღანეთში „ისლამური სახელმწიფოსა“ და „ალ-ქაიდას“ გავლენის აღდგენა ივარაუდა ამერიკული ჯარების გაყვანის შემდეგ. აშშ-ის ექს-მრჩეველი ეროვნული უსაფრთხოების საკითხებში ჯონ ბოლტონი დარწმუნებულია, რომ ჯარების ახლა გამოყვანა იგივეა, რაც „თალიბანისთვის“ ხელისუფლების გადაცემა.

ამის პარალელურად თალიბები საომარი მოქმედებების აღდგენას აპირებენ, ანუ „ჯიჰადის“ მოწყობას უცხოური ჯარებისთვის, თუ აშშ და ნატო თავდაპირველად შეთანხმებულ თარიღამდე - 1 მაისამდე არ გაიყვანენ ჯარებს. „თალიბანის“ პოზიცია მანამდე ზიბიულა მოჯაჰედმა გაახმოვანა: „ბაიდენმა თქვა, რომ მაისისთვის ჯარების გაყვანა ძნელია, მაგრამ ჩვენი პოზიცია ისაა, რომ დოჰაში დადებული ხელშეკრულება უნდა შესრულდეს, ვინაიდან მისი რეალიზაცია აშშ-სა და ავღანეთს შორის არსებული პრობლემის გადაჭრის ერთადერთი მეთოდია“.

ლოგისტიკის თვალსაზრისით, სატრანსპორტო თვითმფრინავებით 3-5 ათასი სამხედროს გადასროლისთვის 14 თვე სრულიად საკმარისია. აშკარაა, რომ აშშ-სა და ნატოს ჯარების გაყვანას თალიბებთან პერმანენტული ბრძოლები აფერხებს და ასევე „მოსწავლეების“ უუნარობა, შეათანხმონ ავღანეთის მოქმედ ხელისუფლებასთან მომავალ სახელმწიფო აპარატში სახელისუფლებო უფლებამოსილებების გადანაწილება.

ეროვნული შერიგების უზენაესმა საბჭომ მოახერხა, ერთ პროგრამაში გაეერთიანებინა ოცზე მეტი წინადადება, მათ შორის, პრეზიდენტ აშრაფ განის სამშვიდობო გეგმა. მაგრამ „თალიბანმა“ 14 აპრილს უარი თქვა ავღანეთის მომავალზე მოლაპარაკებებში მონაწილეობაზე. . თალიბების შეიარაღებული ფორმირებები აშშ-სა და ნატოს ჯარებისა და ტექნიკის სრულ გაყვანას ელოდებიან, რათა სხამთავრობო ძალებზე სრული გამარჯვება მოიპოვინ. ავღანეთი ხილულ პერსპექტივაში შეიძლება „ისლამურ ემირატად“ მოგვევლინოს.

 

ავღანეთში ოცწლიანი ომის შედეგებითა და თალიბებთან სამარცხვინო ზავის დადების შემდეგ ამერიკელები ფრთხილად უნდა ყოფლიყვნენ იარაღის ჟღარუნთან და მოკრძალებულად უნდა მოქცეულიყვნენ საერთაშორისო საქმეებში. მაგრამ ისტორიამ მათ არაფერი ასწავლა. და ახლა კვლავ რუსეთია დამნაშავე.

აშშ-ის დაზვერვა ვარაუდობს, რომ რუსი კოლეგები ფინანსურად ეხმარებოდნენ „თალიბანს“ ამერიკელ და კოალიციის სამხედროებზე იერიშის მიტანაში 2019 წელს და უფრო ადრეც. ეს მონაცემები ვერანაირ კრიტიკას ვერ უძლებს და მიუწვდომელია შემოწმებისთვის. რუსეთი უარყოფს ამ ბრალდებებს.

ძალისხმევების გადატანა

ლლოიდ ოსტინს მიაჩნია, რომ რამდენიმე ათასი ამერიკელი სამხედრო ავღანეთიდან გაყვანა ძალისხმევების „გადაფოკუსირების“, „მომავალი მოწინააღმდეგეების“, რუსეთისა და ჩინეთის შეკავების ან დამარცხების შესაძლებლობას გააჩენს, რომლებიც „მსოფლიო წესრიგის შეცვლას“ აპირებენ.

ამერიკული „გადაფოკუსირების“ შემდეგ ავღანეტსა და ცენტრალური აზიის მოსაზღვრე ქვეყნებს სრულიად დამოუკიდებლად მოუწევთ აგრესიულ სამხედრო-რელიგიურ მოძრაობასთან თანაარსებობის პრობლემის გადაჭრა. ქვეყანაში თალიბების ხელისუფლებისას ქალები ვერ იღებდნენ განათლებას, ცოლქმრულ ღალატში დამნაშავეებს ქალაქების მოედნებზე სჯიდნენ სიკვდილით, ქურდებს ხელებს აჭრიდნენ, ტელევიზია, მუსიკა, კინო და თეატრი აკრძალული იყო.

ფაქტი ჯიუტია. ავღანეთის ეროვნული უსაფრთხოების სამმართველომ 12 აპრილს გამოაცხადა, რომ აშშ-სა და „თალიბანის“ შეთანხმებამ დოჰაში სტაბილიზაცია ვერ მოიტანა - 2020 წლის 29 თებერვლიდან თალიბების თავდასხმების რაოდენობა ქვეყანაში 24%-ით გაიზარდა.

„თალიბანი“ არ ცვლის ტაქტიკას, არ ამძირებს ძალადობის დონეს ქვეყანაში, არ წყვეტს სამოკავშირეო და პარტნიორულ ურთიერთობებს „ალ-ქაიდასთან“.

რედაქცია შესაძლოა არ ეთანხმებოდეს ავტორის მოსაზრებებს!

22
ჯარისკაცი სამხედრო სწავლებაზე

მოსაზრება: „ნატოს ხელი“ რა ხდება რუსეთის საზღვრებთან

49
(განახლებულია 21:17 16.04.2021)
ყირიმის საჰაერო საზღვრების დაზვერვა, ნატოს ხომალდები შავ ზღვაში, მასშტაბური სწავლებებისთვის სამზადისი და საიდუმლო ტვირთები, რომლებიც აშშ–ს უკრაინაში გადააქვს

ანდრეი კოცი

ბოლო დღეებში ჩრდილოატლანტიკური ალიანსი მკვეთრად გააქტიურდა აღმოსავლეთ ევროპაში. არავინ ფარავს, რომ ეს კიევის მიერ დონბასის შეხების ხაზზე ტექნიკისა და ქვედანაყოფების გადასროლისა და ასევე რუსეთის ჯარების გადაადგილებაზე პასუხად ხდება.

დრონები ფრონტის თავზე

დონბასში მორიგი გამწვავების დაწყებასთან ერთად ნატოს ქვეყნების ავიაცია იქ უფრო ხშირად ჩნდება. შეხების ხაზის თავზე პრაქტიკულად გამუდმებით მოძრაობს მზვერავი დრონები RQ-4 Global Hawk, რომლებიც დონეცკისა და ლუგანსკის არმიების თავდაცვისთვის სამზადისს აკვირდებიან. რაღა თქმა უნდა, დრონებით გადაღებული ფოტოები დაუყოვნებლივ ეგზავნება კიევის სამხედრო სარდლობას.

უკრაინის შეიარაღებულმა ძალებმა თავადაც გააქტიურეს დაზვერვა — ამბოხებულებმა თურქეთში შეძენილი მოიერიშე უპილოტო საფრენი აპარატი Bayraktar TB2–ები შენიშნეს. მათ სახმელეთო სამიზნეებზე შეტევა არ მიუტანიათ: აშკარაა, დრონების ოპერატორები ჯერ სამხედრო მოქმედებების პოტენციურ თეატრს სწავლობენ.

უკრაინის შეიარაღებულ ძალებს ამ ტიპის ექვსი დრონი აქვს. დამატებითი უპილოტოების შეძენაზე კონტრაქტს, როგორც უკრაინული მედია იუწყება, კიევმა ანკარასთან ცოტა ხნის წინ თურქეთში პრეზიდენტ ვლადიმირ ზელენსკის ვიზიტისას მოაწერა.

გარდა ამისა, დასავლეთის ავიაცია პრაქტიკულად ყოველდღიურად ატარებს ყირიმის სანაპიროს მონიტორინგს. შავი ზღვის ნეიტრალური წყლების თავზე ბრიტანული და ამერიკული რადიოელექტრონული დაზვერვის Boeing RC135W და Lockheed P-3COrion–ი კურსირებენ, ასევე ნავსაწინააღმდეგო P-8APoseidon–იც. მათი მთავარი ამოცანა — ეს შავი ზღვის ფლოტის ხომალდების მოქმედებების თვალყური და ნახევარკუნძულზე განთავსებული საჯარისო ჯგუფის ჰაერსაწინაღმდეგო სისტემების პოზიციების აღმოჩენაა.

იდუმალი ტვირთები

ნატო რეგიონში სამხედრო–საზღვაო ყოფნას აძლიერებს. აპრილის ბოლომდე შავ ზღვაში აშშ–ის სამხედრო–საზღვაო ძალების ორი სარაკეტო ესკადრონული ნაღმმზიდი უნდა შევიდეს. პენტაგონის ოფიციალური ვერსიით, ხომალდების გადასროლა „რუტინული ხასიათისაა“. მაგრამ კრემლმა მკვეთრად ირეაგირა და ეს გასაკვირი არც არის — ეს ნაღმმზიდები 50–ზე მეტი ფრთოსანი რაკეტა „ტომაგავკებითაა“ აღჭურვილი.

„რაც შეეხება შეერთებული შტატების აქტიურობას, შავ ზღვაში ხომალდების გავლის ჩათვლით, ეს რეგულარულად ხდება, — განაცხადა რუსეთის საგარეო საქმეთა მინისტრმა სერგეი ლავროვმა. — ახლა ეს განსაკუთრებით აგრესიულად კეთდება, ახლავს აგრესიული რიტორიკა, ისმება კითხვები, რას აკეთებს რუსეთის ფედერაცია უკრაინასთან საზღვარზეო. პასუხი ძალიან მარტივია: ჩვენ იქ ვცხოვრობთ, ეს ჩვენი ქვეყანაა. აი შეერთებული შტატები კი რას აკეთებს თავისი ხომალდებით, სამხედრო მოსამსახურეებით იქ, რომლებიც გამუდებით აწყობენ რარაც ღონისძიებებსნატოს ხაზით უკრაინაში, თავიანთი ტერიტორიიდან ათასობით კილომეტრის დაშორებით? — ეს კითხვა ჯერჯერობით უპასუხოდ რჩება“.

პასუხი არ ჩანს არც სხვა საინტერესო კითხვაზეც: რა ტვირთები შეაქვს უკრაინაში აშშ–ის სამხედრო ავიაციის თვითმფრინავებს? სპეციალისტებმა ინტერნეტ–სერვის FlightRadar–ის ჩვენებას მიაქციეს ყურადღება: ამერიკული C-17–ები და C-130–ები, რომლებიც აშშ–დან, გერმანიიდან და ბალტიისპირეთის ქვეყნებიდან აფრინდნენ, ბორისპოლის აეროპორტში სხდებიან, ტვირთებს ტოვებენ და უკან ბრუნდებიან.

სამხედრო ექსპერტ ალექსეი ლეონკოვის აზრით, ვაშინგტონს უკრაინაში რადიოელექტრონული ბრძოლის კომპლექსები გადააქვს, რაც უკრაინის შეიარაღებული ძალების ახლო ხანში შეტევას შეიძლება მოასწავებდეს. მაგალითად მან აშშ–ის შეიარაღებული ძალების ტაქტიკა მოიყვანა ოპერაციიდან „ქარიშხალი უდაბნოში“, როდესაც კონფლიქტის პირველივე დღეს ამერიკელებმა სრულად „დააბრმავეს“ სადამ ჰუსეინის არმია. ამ ვერსიის სასარგებლოდ მეტყველებს არაღიარებული დონეცკის ხელმძღვანელობის ამასწინანდელი განცხადება, რომ უკრაინელებმა ეუთოს დრონების მისიის GPS–გადამცემებისა და მართვის არხების ჩახშობა დაიწყეს, რათა რეგიონში სამხედრო ტექნიკის მასთაბური შეტანა დაფარონ.

თუმცა გულხელდაკრეფილი ჯდომას არც რუსეთი აპირებს.

„თუ რაიმე გამწვავება მოხდება, ჩვენ, რა თქმა უნდა, ყველაფერს გავაკეთებთ, რომ გარანტირებულად უზრუნველვყოთ საკუთარი უსაფრთხოება და ჩვენი მოქალაქეების უსაფრთხოება, სადაც უნდა იყვნენ ისინი, — განაცხადა საგარეო საქმეთა მინისტრის მოადგილე სერგეი რიაბკოვმა. — მსგავსი ჰიპოთეტური გამწვავების შედეგებზე პასუხისმგებლობა სრულად დაეკისრება კიევსა და მის დასავლელ კურატორებს. ჩვენ ასევე ვაფრთხილებთ აშშ–ს, რომ უჯობთ, თავი შორს დაიჭირონ ყირიმისგან, ჩვენი შავი ზღვის სანაპიროსგან. ეს ისევ მათთვის სჯობს“.

სწავლებისთვის სამზადისი

დასავლეთის ქვეყნების ჯარების რუსეთის საზღვრებთან გააქტიურების კიდევ ერთი მიზეზი — ეს ნატოს სამზადისია უმსხვილესი სამხედრო სწავლებების, Defender Europe 2021–ისთვის, რომელიც მაისის შუა რიცხვებში უნდა დაიწყოს.

მანევრების ლეგენდის თანახმად, ნატოს ჯარებმა კალინიგრადის ოლქს უნდა შეუტიონ, დაბლოკონ რუსეთის დასავლეთ ოლქები და „რუსების მასობრივი შეტევა“ მოიგერიონ. გასული წლებისგან განსხვავებით, წელს განსაკუთრებული ყურადღება არა აღმოსავლეთ, არამედ სამხრეთ ევროპას ეთმობა. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო სწავლებები და და „ხმელეთი–ხმელეთის“ ტიპის რაკეტების სროლაცატარდება. ხოლო უნგრეთი ღრმა ზურგის როლს შეასრულებს. მანევრებში უკრაინელი სამხედროებიც მიიღებენ მონაწილეობას.

ამერიკელები ვროპაში მნიშვნელოვან ძალებს გადაისვრიან, მათ შორის, პირველი კავალერიული და 82–ე საჰაერო–სადესანტო დივიზიების ქვედანაყოფებს. ატლანტიკის მიღმა გაიგზავნება ასობით ერთეული სხვადასხვა დანიშნულების ტექნიკა. გარდა ამისა, ფლორიდიდან ჩავა 53–ე ქვეითთა ბრიგადა. გამორიცხული არ არის, რომ შეიარაღების ნაწილი ამერიკელებს ისევ „დაავიწყდეთ“ ევროპაში, როგორც ეს მანამდე არაერთხელ მოხდა. სპეციალისტების აზრით, ამგვარად პენტაგონი წლიდან წლამდე ზრდის რეგიონში საიერიშო შესაძლებლობებს.

ევროპაში აშშ–ის სახმელეთო ჯარების ოფიციალურ საიტზე გამოქვეყნებული პრესრელიზის თანახმად, სწავლებები „აშშ–სა და ნატოელი მოკავშირეებისა და პარტნიორების სტრატეგიული და ოპერატიული მზადყოფნისა და ურთიერთქმედების ამაღლებისკენაა მიმართული“. ხაზი ესმება, რომ მანევრები არ წარმოადგენს საფრთხეს მესამე ქვეყნებისთვის. მაგრამ Defender Europe 2021–ის ანტირუსული დღის წესრიგი აშკარაა. როგორც სამმხრივი საკონტაქტო ჯგუფის უკრაინის სპიკერმა განაცხადა, მანევრების აზრი იმაშია, რომ დამუშავდეს ომი რუსეთთან ბალტიის ზღვიდან შავ ზღვამდე ტერიტორიაზე.

გასაკვირი არ არის, რომ პასუხად რუსეთი და ბელარუსი მანევრ „დასავლეთი 2021–ს“ ჩაატარებენ სექტემბერში. როგორც მანადე აცხადებდა ბელარუსის თავდაცვის მინისტრი ვიქტორ ხრენინი, „ერთობლივი სწავლებები ერთობლივი მოქმედებების ახალი მეთოდების აპრობაციას გახდის შესაძლებელს“.

ჯერჯერობით კი, რუსეთის თავდაცვის მინისტრ სერგეი შოიგუს თქმით, ქვეყნის დასავლეთ საზღვრებზე ორი არმია და საჰაერო–სადესანტო ჯარების სამი შენაერთია გადასროლილი საბრძოლო მზადყოფნის შემოწმების ფარგლებში.

რედაქცია შესაძლოა არ ეთანხმებოდეს ავტორის მოსაზრებებს!

49
თემები:
რუსეთი დღეს
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

0
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

0
თემები:
ქართველი სელებრითები