ამერიკული თვითმფრინავი ლვოვის აეროპორტში

„სულ დონბასის გამო“: რას აკეთებს აშშ–ის არმია ევროპაში

66
(განახლებულია 17:25 06.04.2021)
დონბასში კონფლიქტის გამწვავებისა და უკრაინელი პოლიტიკოსების აგრესიული განცხადებების  ფონზე აშშ-მა ევროპაში განთავსებული სამხედო ბაზები „შესაძლო კრიზისის“ დონიდან „პოტენციურად გარდაუვალი კრიზისის“ დონეზე გადაიყვანა.

ნიკოლაი პროტოპოპოვი

ამერიკული გამოცემა New York Times–ი წერს, რომ პენტაგონი ამ ნაბიჯზე უკრაინის სამხრეთ–აღმოსავლეთში საომარი მოქმედებების ესკალაციისა და ასევე რეგიონში მოსკოვის სამხედრო გააქტიურების  გამო წავიდა.

კიევი და „მეთოჯინეები“ 

უკრაინის სამხრეთ–აღმოსავლეთში სამხედრო–პოლიტიკური კოცონის ნაკვერჩხალი სადაცაა ახალი ძალით გაღვივდება. შეშას მასში კიევი ამატებს — მინსკის შეთანხმების ჯიუტი იგნორირებით. დონეცკისა და ლუგანსკის სახალხო რესპუბლიკების წარმოამდგენლები ბოლო რამდენიმე კვირაა, რეგულარულად ავრცელებენ ინფორმაციებს ზავის დარღვევის ათობით ფაქტის შესახებ — უკრაინის სამხედრო ძალები სულ უფრო ხშირად უტევენ არტილერიითა და ნაღმმტყორცნებით დასახლებულ პუნქტებს. იღუპება მშვიდობიანი მოსახლეობა.

თვითგამოცხადებული დონეცკის რესპუბლიკის ხელმძღვანელი დენის პუშილინი მიიჩნევს, რომ ომის თავიდან აცილება, დიდი ალბათობით, ვერ მოხერხდება.

„კიევის ნაბიჯებიდან გამომდინარე, ასეთი შანსი უკიდურესად მცირეა, — განუცხადა მან ტელეკომპანია Россия 24–ს. — დონეცკის სახალხო რესპუბლიკა, ისევე როგორც ლუგანსკისა, აკეთებდა კვლავაც აკეთებს ყველაფერ შესაძლებელს, რათა კონფლიქტი პოლიტიკური მეთოდით გადაიჭრას. სამწუხაროდ, კიევი აბსოლუტურად სხვა მიმართულებაზეა განწყობილი... სიცრუე, მანიპულაცია — ესაა ის, რასაც ახლა უკრაინის მხრიდან ვხედავთ. ასეთ პირობებში პოლიტიკური დარეგულირების შანსი თითქმის ნულის ტოლია“.

კიევიდან პროვოკაციული ქარი მარტო სამხრეთ–აღმოსავლეთით კი არ უბერავს, არამედ დასავლეთითაც. ამ დღეებში პენტაგონის ოფიციალურა წარმომადგენელმა ჯონ კირბიმ აღნიშნა, რომ ვაშინგტონმა იცის „რუსეთის სამხედრო სამზადისის შესახებ უკრაინასთან საზღვარზე“.

კრემლში ხაზს უსვამენ: რუსეთის არმია არ მონაწილეობდა და არ მონაწილეობს საომარ მოქმედებებში უკრაინაში. რუსეთის პრეზიდენტის პრესმდივან დმიტრი პესკოვის თქმით, კონფლიქტი დონბასში — ეს მხოლოდ უკრაინის შიდა კონფლიქტია და არავის მსოფლიოში არ სურს „სამოქალაქო ომის აალება უკრაინის სამხედრო ძალების პროვოკაციული მოქმედებების შედეგად“. 

ანალიტიკური კლუბის, „ვალდაის“ სამხედრო ექსპერტი არტემ კურეევი დარწმუნებულია: უკრაინის პრეზიდენტი ვლადიმირ ზელენსკი ვერ იღებს დამოუკიდებელ გადაწყვეტილებებს და აშშ–ის დაკრულზე ცეკვავს.

„თუ გაიცემა ბრძანება ყირიმზე ან დონბასზე შეტევის შესახებ, კიევი ამას გააკეთებს ისე, რომ უკრაინისთვის მიყენებულ ზარალზე არც იფიქრებს, — განუცხადა კურეევმა РИА Новости–ს. — მით უმეტეს, რომ ზელენსკისაც და ბაიდენსაც ახლა დიდი სამხედრო წარმატება ესაჭიროებათ. დონბასი კი შესანიშნავი ადგილია საამისოდ. საქმე არაღაირებული რესპუბლიკების უნარშია, აირეკლონ თავდასხმა, და ასევე მოსკივის მზადყოფნაში, დაუჭიროს მათ მხარი. თუმცა ვაშინგტონი ნებისმიერ შემთხვევაში ხელსაყრელ მდგომარეობაშია. უკრაინის სამხედრო ძალების მოგერიებული თავდასხმები მას კიდევ ერთხელ მისცემს რუსეთის დემონიზირებისა და აალი სანქციების დაწესების შანსებს, მათ შორის, „ჩრდილოეთის ნაკადი–2–თან“ დაკავშირებით“.

„თავად გაუმკლავდებიან“

უკრაინა და აშშ  ცეცხლზე ნავთის დასხმას განაგრძობენ, ასაღებენ რა რუსული ჯარების სრულიად კანონიერ გადაადგილებას საკუთარ ტერიტორიაზე საომარი მოქმედებებისა და მეზობელ ქვეყანაში შეჭრის სამზადისად. ამით ისინი ვაშინგტონის მხრიდან კიევის გაძლიერებული სამხედრო მხარდაჭერისა და ასევე ამერიკული ჯარების უკრაინაში შესაძლო გადასროლის  გამართლებას ცდილობენ.

აშშ–ის თავდაცვის მინისტრმა ლლოიდ ოსტინმა უკრაინელ კოლეგა ანდრეი ტარანთან საუბრისას დაგმო „რუსული პროვოკაციების ესკალაცია“. პენტაგონმა დაადასტურა მზადყოფნა „რუსული აგრესიის წინააღმდეგ კიევის ხელისუფლების უფრო ეფექტური მხარდაჭერის საქმეში“. ვაშინგტონში გაიხსენეს, რომ 2015 წელს უკრაინას ორ მილიარდ დოლარზე მეტი გამოუყვეს სხვადასხვა შეიარაღების შესაძენად და სამხედრო სპეციალისტების მოსამზადებლად. ამერიკელები კიევს შემდგომ მხარდაჭერასაც ჰპირდებიან, ხოლო „რუსული აგრესიის ესკალაციის შემთხვევაში შეერთებული შტატები უკრაინას არ მიატოვებს“.  

„აშშ–მა ნამდვილად განაცხადა, რომ მხარს დაუწერს კიევს რუსეთთან კონფლიქტში. — ამბობს კურეევი. — თუმცა დაპირება ერთგვარად ბუნდოვანია. დიახ, უკრაინას დაეხმარებიან არმიის გაძლიერებაში, საბრძოლო ტექნიკას მიჰყიდიან. მაგრამ დონბასში კონფლიქტის კვლავ გაღვივების შემთხვევაში, იქნებიან თუ არა იქ ამერიკელი სამხედრო სპეციალისტები და სამხედრო ნაწილები? ასეთი სცენარი — ეს უკვე ლამის მესამე მსოფლიო ომია“.

ექსპერტს არ სჯერა, რომ პენტაგონი ამაზე წავა. ვაშინგტონში მიაჩნიათ, რომ უკრაინის სამხედრო ძალები ბოლო შვიდი წლის განმავლობაში საკმაოდ მოძლიერდა.

„სხვა საქმეა, რომ კონფლიქტიე ესკალაციაში ბრალს ერთმნიშვნელოვნად რუსეთს დასდებენ, რაც სასტიკი სანქციების ახალ ტალღას გამოიწვევს. იმის გარკვევას, ვინ გაისროლა პირველმა, ვაშინგტონი და ბრიუსელი არ დაიწყებენ, იქ უკვე ყველაფერი გადაწყვეტილი აქვთ. საქმე მხოლოდ ისაა, რას მიაღწევს უკრაინული არმია და როგორ ირეაგირებენ მოსკოვში. ევროპაში ნატოს ჯარების მზაობის მაღალი დონე კი — ეს არის სიგნალი კიევისთვის, მოსკოვზე თავისებური ზეწოლისა“.

ინტერნეტში ახლა ხშირად ქვეყნდება ვიდეორგოლები რუსული სამხედრო ტექნიკის გადაადგილების შესახებ, რომლებიც მათ შორის ყირიმსა და როსტოვის ოლქშიცაა გადაღებული. მაგრამ ეს „გადასროლები“ მხოლოდ და მხოლოდ შეიარაღებული ძალების ყოველდღიური საქმიანობა და გეგმიური მანევრებია.

მაგალითად, 2 აპრილს შავი ზღვის ფლოტმა ყირიმსა და კრასნოდარის მხარეში დისლოცირებული ძალების საკონტროლო შემოწმება დაიწყო. ტაქტიკური სწავლებების ფარგლებში, სახმელეთო ჯარების ქვედანაყოფის სახომალდე დაჯგუფებები, ავიაცია და ჰაერსაწინააღმდეგო სისტემები შეტევისა და თავდაცვის ამოცანებს დახვეწენ.

აშკარაა, რომ ასეთი  მასშტაბის მანევრები ჯარების მუდმივ გადაადგილებას მოითხოვს, მათ შორის საერთო სარგებლობის გზებზე. კოლონებისთვის მობილური ტელეფონებით გადაღებულ ვიდეობს აშშ და უკრაინა რუსეთის სამხედრო აქტიურობის ზრდის „მორიგ მტკიცებულებებად“ აფასებენ.

დირე თვალში

ამის პარალელურად კი ვაშინგტონიცა და კიევიც ტრადიციულად დუმან საკუთარ მოქედებებზე. ასე უკომენტაროდ დარჩა ინფორმაცია ევროპიდან უკრაინისკენ საჰაერო ხიდის გააქტიურების შესახებ ინფორმაცია. ზედიზედ რამდენიმე დღის განმავლობასი სამხედრო–სატრანსპორტო თვითმფრინავები რაღაც ტვირთებს ეზიდებოდნენ სამხედრო ბაზებიდან.

იმ შემთხვევაშიც კი, თუ ეს მორიგი სამხედრო სწავლებებისთვის მზადებაა, სავარაუდო მოწინააღმდეგე მათში მკაფიოდაა მონიშნული: რუსეთი. ნატო ბლო 25 წლის განმავლობაში ყველაზე დიდი მავერებისთვის, Defender Europe 2021–სთვის ემზადება. მასში მონაწილეობას 20 ათასზე მეტი ამერიკელი და სხვა ქვეყნების 17 ათასი სამხედრო მიიღებს. იგეგმება შემტევი და თავდაცვითი ოპერაციების დამუშავება აღმოსავლეთ ევროპაში, ბალტიისპირეთში, ბალკანებზე, ბალტიისა და შავი ზღვების აკვატორიებში.

სწავლებებში ჩართული იქნება უკრაინაც — როგორც ქვეყანა, რომელმაც ცოტა ხნის წინ მიიღო „ნატოს გაფართოებული შესაძლებლობების პარტნიორის“ სტატუსი. „ევროპის მცველის“ ანტირუსული მიმართულება კიევშიც დაადასტურეს. დონბასის საკითხებში სამმხრივი სალონტაქტო ჯგუფის უკრაინელმა წარმომადგენელმა ალექსეი არესტოვიჩმა განაცხადა, რომ ალიანსს სწავლებები „რუსეთთან ომის დასამუშავებლად“ ესაჭიროება.

სამხედრო მეცნიერებათა დოქტორ კონსტან ტინ სივკოვის აზრით, ნატოს მანევრები ევროპაში  სხვა არაფერია, თუ არა დამატებითი ძალების გადასროლის საბაბი, ხოლო საბრძოლო მზადყოფნის დონე „პოტენციურად გარდაუვალი კრიზისი“ ამას მხოლოდ ადასტურებს.

თუმცა РИА Новости–ს მიერ გამოკითხული ექსპერტები თანხმდებიან, რომ რუსეთისა და ალიანსის წევრი ქვეყნების ჩართულობით სრულმასშტაბიანი ომის საფრთხე უკრაინის გამო  მცირეა. ნატოში ყველაზე „ცხელ თავებსაც“ კი კარგად ესმით, რომ ასეთი ავანტიურა ყველასთვის ცუდად დამთავრდება.

რედაქცია შესაძლოა არ ეთანხმებოდეს ავტორის მოსაზრებებს!

66
თემები:
რუსეთი დღეს (818)
ამერიკელი სამხედროები ავღანეთში

მოსაზრება: ამერიკელების ავღანეთიდან გაყვანას თალიბები ხელმძღვანელობენ

22
(განახლებულია 18:03 17.04.2021)
ტერორისტული ორგანიზაცია „თალიბანი“ აშშ-ს ავღანეთიდან ჯარების გაყვანის ხისტ პირობებს კარნახობს და ვაშინგტონს მრავალპოლარული მსოფლიოს რეალობაში აბრუნებს.

თეთრმა სახლმა 13 აპრილს გამოაცხადა, რომ 11 სექტემბრისთვის ავღანეთიდან ჯარებს გაიყვანს. თალიბებმა ულტიმატუმის ფორმით მოითხოვეს აშშ ჯარების 1 მაისამდე გაყვანა (დოჰაში 2020 წლის 29 თებერვალს ხელმოწერილი შეთანხმებით). თალიბანმა დაჟინებით მოუწოდა „ამერიკასა და ყველა ოკუპანტ ქვეყანას, შეწყვიტონ გაჭიანურებული ომის გამართლება და დაუყოვნებლივ გავიდნენ ავღანეთიდან“. შემდეგ ტექსტში ღია მუქარები მოდიოდა.

აშშ-ის ადმინისტრაციამ ოპერატიულად დაასახელა 1 მაისი ჯარების გაყვანის თარიღად. ნატოს მოკავშირეებმაც იმავე დღეს მიიღეს მისია „მტკიცე მხარდაჭერის“ ძალების გაყვანის გადაწყვეტილება. ამასთან სახის შენარჩუნებაც სცადეს.

აშშ-ის პრეზიდენტმა ჯო ბაიდენმა ოთხშაბათს განაცხადა, რომ ამერიკელი სამხედროების ავღანეთში ყოფნა ვერ დაეხმარება მყარი მთავრობის ჩამოყალიბებას. თავდაცვის მინისტრმა ლლოიდ ოსტინმა აღნიშნა, რომ ჯარებმა თავიანთი ამოცანა შეასრულეს ავღანეთში და „შესაძლებელი გახადეს პროგრესი ეკონომიკაში, სამოქალაქო საზოგადეობასა და პოლიტიკაში“.

უღირდათ კი პენტაგონსა და მის მოკავშირეებს ასობით მილიარდი დოლარის დახარჯვა და ათასობით ჯარისკაცის დაკარგვა ისლამურ რესპუბლიკაში, რომ მერე ასე უსახელოდ დაეტოვებინათ ბრძოლის ველი და მთელი უბედური ქვეყანა თალიბებისთვის? კითხვა რიტორიკულია.

ძალის საპირველმაისო დემონსტრაცია

CIA-ს დირექტორმა უილიამ ბერნსმა 14 აპრილს განაცხადა, რომ ჯარების გაყვანა მნიშვნელოვან რისკებთანაა დაკავშირებული, და ავღანეთში „ისლამური სახელმწიფოსა“ და „ალ-ქაიდას“ გავლენის აღდგენა ივარაუდა ამერიკული ჯარების გაყვანის შემდეგ. აშშ-ის ექს-მრჩეველი ეროვნული უსაფრთხოების საკითხებში ჯონ ბოლტონი დარწმუნებულია, რომ ჯარების ახლა გამოყვანა იგივეა, რაც „თალიბანისთვის“ ხელისუფლების გადაცემა.

ამის პარალელურად თალიბები საომარი მოქმედებების აღდგენას აპირებენ, ანუ „ჯიჰადის“ მოწყობას უცხოური ჯარებისთვის, თუ აშშ და ნატო თავდაპირველად შეთანხმებულ თარიღამდე - 1 მაისამდე არ გაიყვანენ ჯარებს. „თალიბანის“ პოზიცია მანამდე ზიბიულა მოჯაჰედმა გაახმოვანა: „ბაიდენმა თქვა, რომ მაისისთვის ჯარების გაყვანა ძნელია, მაგრამ ჩვენი პოზიცია ისაა, რომ დოჰაში დადებული ხელშეკრულება უნდა შესრულდეს, ვინაიდან მისი რეალიზაცია აშშ-სა და ავღანეთს შორის არსებული პრობლემის გადაჭრის ერთადერთი მეთოდია“.

ლოგისტიკის თვალსაზრისით, სატრანსპორტო თვითმფრინავებით 3-5 ათასი სამხედროს გადასროლისთვის 14 თვე სრულიად საკმარისია. აშკარაა, რომ აშშ-სა და ნატოს ჯარების გაყვანას თალიბებთან პერმანენტული ბრძოლები აფერხებს და ასევე „მოსწავლეების“ უუნარობა, შეათანხმონ ავღანეთის მოქმედ ხელისუფლებასთან მომავალ სახელმწიფო აპარატში სახელისუფლებო უფლებამოსილებების გადანაწილება.

ეროვნული შერიგების უზენაესმა საბჭომ მოახერხა, ერთ პროგრამაში გაეერთიანებინა ოცზე მეტი წინადადება, მათ შორის, პრეზიდენტ აშრაფ განის სამშვიდობო გეგმა. მაგრამ „თალიბანმა“ 14 აპრილს უარი თქვა ავღანეთის მომავალზე მოლაპარაკებებში მონაწილეობაზე. . თალიბების შეიარაღებული ფორმირებები აშშ-სა და ნატოს ჯარებისა და ტექნიკის სრულ გაყვანას ელოდებიან, რათა სხამთავრობო ძალებზე სრული გამარჯვება მოიპოვინ. ავღანეთი ხილულ პერსპექტივაში შეიძლება „ისლამურ ემირატად“ მოგვევლინოს.

 

ავღანეთში ოცწლიანი ომის შედეგებითა და თალიბებთან სამარცხვინო ზავის დადების შემდეგ ამერიკელები ფრთხილად უნდა ყოფლიყვნენ იარაღის ჟღარუნთან და მოკრძალებულად უნდა მოქცეულიყვნენ საერთაშორისო საქმეებში. მაგრამ ისტორიამ მათ არაფერი ასწავლა. და ახლა კვლავ რუსეთია დამნაშავე.

აშშ-ის დაზვერვა ვარაუდობს, რომ რუსი კოლეგები ფინანსურად ეხმარებოდნენ „თალიბანს“ ამერიკელ და კოალიციის სამხედროებზე იერიშის მიტანაში 2019 წელს და უფრო ადრეც. ეს მონაცემები ვერანაირ კრიტიკას ვერ უძლებს და მიუწვდომელია შემოწმებისთვის. რუსეთი უარყოფს ამ ბრალდებებს.

ძალისხმევების გადატანა

ლლოიდ ოსტინს მიაჩნია, რომ რამდენიმე ათასი ამერიკელი სამხედრო ავღანეთიდან გაყვანა ძალისხმევების „გადაფოკუსირების“, „მომავალი მოწინააღმდეგეების“, რუსეთისა და ჩინეთის შეკავების ან დამარცხების შესაძლებლობას გააჩენს, რომლებიც „მსოფლიო წესრიგის შეცვლას“ აპირებენ.

ამერიკული „გადაფოკუსირების“ შემდეგ ავღანეტსა და ცენტრალური აზიის მოსაზღვრე ქვეყნებს სრულიად დამოუკიდებლად მოუწევთ აგრესიულ სამხედრო-რელიგიურ მოძრაობასთან თანაარსებობის პრობლემის გადაჭრა. ქვეყანაში თალიბების ხელისუფლებისას ქალები ვერ იღებდნენ განათლებას, ცოლქმრულ ღალატში დამნაშავეებს ქალაქების მოედნებზე სჯიდნენ სიკვდილით, ქურდებს ხელებს აჭრიდნენ, ტელევიზია, მუსიკა, კინო და თეატრი აკრძალული იყო.

ფაქტი ჯიუტია. ავღანეთის ეროვნული უსაფრთხოების სამმართველომ 12 აპრილს გამოაცხადა, რომ აშშ-სა და „თალიბანის“ შეთანხმებამ დოჰაში სტაბილიზაცია ვერ მოიტანა - 2020 წლის 29 თებერვლიდან თალიბების თავდასხმების რაოდენობა ქვეყანაში 24%-ით გაიზარდა.

„თალიბანი“ არ ცვლის ტაქტიკას, არ ამძირებს ძალადობის დონეს ქვეყანაში, არ წყვეტს სამოკავშირეო და პარტნიორულ ურთიერთობებს „ალ-ქაიდასთან“.

რედაქცია შესაძლოა არ ეთანხმებოდეს ავტორის მოსაზრებებს!

22
ჯარისკაცი სამხედრო სწავლებაზე

მოსაზრება: „ნატოს ხელი“ რა ხდება რუსეთის საზღვრებთან

49
(განახლებულია 21:17 16.04.2021)
ყირიმის საჰაერო საზღვრების დაზვერვა, ნატოს ხომალდები შავ ზღვაში, მასშტაბური სწავლებებისთვის სამზადისი და საიდუმლო ტვირთები, რომლებიც აშშ–ს უკრაინაში გადააქვს

ანდრეი კოცი

ბოლო დღეებში ჩრდილოატლანტიკური ალიანსი მკვეთრად გააქტიურდა აღმოსავლეთ ევროპაში. არავინ ფარავს, რომ ეს კიევის მიერ დონბასის შეხების ხაზზე ტექნიკისა და ქვედანაყოფების გადასროლისა და ასევე რუსეთის ჯარების გადაადგილებაზე პასუხად ხდება.

დრონები ფრონტის თავზე

დონბასში მორიგი გამწვავების დაწყებასთან ერთად ნატოს ქვეყნების ავიაცია იქ უფრო ხშირად ჩნდება. შეხების ხაზის თავზე პრაქტიკულად გამუდმებით მოძრაობს მზვერავი დრონები RQ-4 Global Hawk, რომლებიც დონეცკისა და ლუგანსკის არმიების თავდაცვისთვის სამზადისს აკვირდებიან. რაღა თქმა უნდა, დრონებით გადაღებული ფოტოები დაუყოვნებლივ ეგზავნება კიევის სამხედრო სარდლობას.

უკრაინის შეიარაღებულმა ძალებმა თავადაც გააქტიურეს დაზვერვა — ამბოხებულებმა თურქეთში შეძენილი მოიერიშე უპილოტო საფრენი აპარატი Bayraktar TB2–ები შენიშნეს. მათ სახმელეთო სამიზნეებზე შეტევა არ მიუტანიათ: აშკარაა, დრონების ოპერატორები ჯერ სამხედრო მოქმედებების პოტენციურ თეატრს სწავლობენ.

უკრაინის შეიარაღებულ ძალებს ამ ტიპის ექვსი დრონი აქვს. დამატებითი უპილოტოების შეძენაზე კონტრაქტს, როგორც უკრაინული მედია იუწყება, კიევმა ანკარასთან ცოტა ხნის წინ თურქეთში პრეზიდენტ ვლადიმირ ზელენსკის ვიზიტისას მოაწერა.

გარდა ამისა, დასავლეთის ავიაცია პრაქტიკულად ყოველდღიურად ატარებს ყირიმის სანაპიროს მონიტორინგს. შავი ზღვის ნეიტრალური წყლების თავზე ბრიტანული და ამერიკული რადიოელექტრონული დაზვერვის Boeing RC135W და Lockheed P-3COrion–ი კურსირებენ, ასევე ნავსაწინააღმდეგო P-8APoseidon–იც. მათი მთავარი ამოცანა — ეს შავი ზღვის ფლოტის ხომალდების მოქმედებების თვალყური და ნახევარკუნძულზე განთავსებული საჯარისო ჯგუფის ჰაერსაწინაღმდეგო სისტემების პოზიციების აღმოჩენაა.

იდუმალი ტვირთები

ნატო რეგიონში სამხედრო–საზღვაო ყოფნას აძლიერებს. აპრილის ბოლომდე შავ ზღვაში აშშ–ის სამხედრო–საზღვაო ძალების ორი სარაკეტო ესკადრონული ნაღმმზიდი უნდა შევიდეს. პენტაგონის ოფიციალური ვერსიით, ხომალდების გადასროლა „რუტინული ხასიათისაა“. მაგრამ კრემლმა მკვეთრად ირეაგირა და ეს გასაკვირი არც არის — ეს ნაღმმზიდები 50–ზე მეტი ფრთოსანი რაკეტა „ტომაგავკებითაა“ აღჭურვილი.

„რაც შეეხება შეერთებული შტატების აქტიურობას, შავ ზღვაში ხომალდების გავლის ჩათვლით, ეს რეგულარულად ხდება, — განაცხადა რუსეთის საგარეო საქმეთა მინისტრმა სერგეი ლავროვმა. — ახლა ეს განსაკუთრებით აგრესიულად კეთდება, ახლავს აგრესიული რიტორიკა, ისმება კითხვები, რას აკეთებს რუსეთის ფედერაცია უკრაინასთან საზღვარზეო. პასუხი ძალიან მარტივია: ჩვენ იქ ვცხოვრობთ, ეს ჩვენი ქვეყანაა. აი შეერთებული შტატები კი რას აკეთებს თავისი ხომალდებით, სამხედრო მოსამსახურეებით იქ, რომლებიც გამუდებით აწყობენ რარაც ღონისძიებებსნატოს ხაზით უკრაინაში, თავიანთი ტერიტორიიდან ათასობით კილომეტრის დაშორებით? — ეს კითხვა ჯერჯერობით უპასუხოდ რჩება“.

პასუხი არ ჩანს არც სხვა საინტერესო კითხვაზეც: რა ტვირთები შეაქვს უკრაინაში აშშ–ის სამხედრო ავიაციის თვითმფრინავებს? სპეციალისტებმა ინტერნეტ–სერვის FlightRadar–ის ჩვენებას მიაქციეს ყურადღება: ამერიკული C-17–ები და C-130–ები, რომლებიც აშშ–დან, გერმანიიდან და ბალტიისპირეთის ქვეყნებიდან აფრინდნენ, ბორისპოლის აეროპორტში სხდებიან, ტვირთებს ტოვებენ და უკან ბრუნდებიან.

სამხედრო ექსპერტ ალექსეი ლეონკოვის აზრით, ვაშინგტონს უკრაინაში რადიოელექტრონული ბრძოლის კომპლექსები გადააქვს, რაც უკრაინის შეიარაღებული ძალების ახლო ხანში შეტევას შეიძლება მოასწავებდეს. მაგალითად მან აშშ–ის შეიარაღებული ძალების ტაქტიკა მოიყვანა ოპერაციიდან „ქარიშხალი უდაბნოში“, როდესაც კონფლიქტის პირველივე დღეს ამერიკელებმა სრულად „დააბრმავეს“ სადამ ჰუსეინის არმია. ამ ვერსიის სასარგებლოდ მეტყველებს არაღიარებული დონეცკის ხელმძღვანელობის ამასწინანდელი განცხადება, რომ უკრაინელებმა ეუთოს დრონების მისიის GPS–გადამცემებისა და მართვის არხების ჩახშობა დაიწყეს, რათა რეგიონში სამხედრო ტექნიკის მასთაბური შეტანა დაფარონ.

თუმცა გულხელდაკრეფილი ჯდომას არც რუსეთი აპირებს.

„თუ რაიმე გამწვავება მოხდება, ჩვენ, რა თქმა უნდა, ყველაფერს გავაკეთებთ, რომ გარანტირებულად უზრუნველვყოთ საკუთარი უსაფრთხოება და ჩვენი მოქალაქეების უსაფრთხოება, სადაც უნდა იყვნენ ისინი, — განაცხადა საგარეო საქმეთა მინისტრის მოადგილე სერგეი რიაბკოვმა. — მსგავსი ჰიპოთეტური გამწვავების შედეგებზე პასუხისმგებლობა სრულად დაეკისრება კიევსა და მის დასავლელ კურატორებს. ჩვენ ასევე ვაფრთხილებთ აშშ–ს, რომ უჯობთ, თავი შორს დაიჭირონ ყირიმისგან, ჩვენი შავი ზღვის სანაპიროსგან. ეს ისევ მათთვის სჯობს“.

სწავლებისთვის სამზადისი

დასავლეთის ქვეყნების ჯარების რუსეთის საზღვრებთან გააქტიურების კიდევ ერთი მიზეზი — ეს ნატოს სამზადისია უმსხვილესი სამხედრო სწავლებების, Defender Europe 2021–ისთვის, რომელიც მაისის შუა რიცხვებში უნდა დაიწყოს.

მანევრების ლეგენდის თანახმად, ნატოს ჯარებმა კალინიგრადის ოლქს უნდა შეუტიონ, დაბლოკონ რუსეთის დასავლეთ ოლქები და „რუსების მასობრივი შეტევა“ მოიგერიონ. გასული წლებისგან განსხვავებით, წელს განსაკუთრებული ყურადღება არა აღმოსავლეთ, არამედ სამხრეთ ევროპას ეთმობა. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო სწავლებები და და „ხმელეთი–ხმელეთის“ ტიპის რაკეტების სროლაცატარდება. ხოლო უნგრეთი ღრმა ზურგის როლს შეასრულებს. მანევრებში უკრაინელი სამხედროებიც მიიღებენ მონაწილეობას.

ამერიკელები ვროპაში მნიშვნელოვან ძალებს გადაისვრიან, მათ შორის, პირველი კავალერიული და 82–ე საჰაერო–სადესანტო დივიზიების ქვედანაყოფებს. ატლანტიკის მიღმა გაიგზავნება ასობით ერთეული სხვადასხვა დანიშნულების ტექნიკა. გარდა ამისა, ფლორიდიდან ჩავა 53–ე ქვეითთა ბრიგადა. გამორიცხული არ არის, რომ შეიარაღების ნაწილი ამერიკელებს ისევ „დაავიწყდეთ“ ევროპაში, როგორც ეს მანამდე არაერთხელ მოხდა. სპეციალისტების აზრით, ამგვარად პენტაგონი წლიდან წლამდე ზრდის რეგიონში საიერიშო შესაძლებლობებს.

ევროპაში აშშ–ის სახმელეთო ჯარების ოფიციალურ საიტზე გამოქვეყნებული პრესრელიზის თანახმად, სწავლებები „აშშ–სა და ნატოელი მოკავშირეებისა და პარტნიორების სტრატეგიული და ოპერატიული მზადყოფნისა და ურთიერთქმედების ამაღლებისკენაა მიმართული“. ხაზი ესმება, რომ მანევრები არ წარმოადგენს საფრთხეს მესამე ქვეყნებისთვის. მაგრამ Defender Europe 2021–ის ანტირუსული დღის წესრიგი აშკარაა. როგორც სამმხრივი საკონტაქტო ჯგუფის უკრაინის სპიკერმა განაცხადა, მანევრების აზრი იმაშია, რომ დამუშავდეს ომი რუსეთთან ბალტიის ზღვიდან შავ ზღვამდე ტერიტორიაზე.

გასაკვირი არ არის, რომ პასუხად რუსეთი და ბელარუსი მანევრ „დასავლეთი 2021–ს“ ჩაატარებენ სექტემბერში. როგორც მანადე აცხადებდა ბელარუსის თავდაცვის მინისტრი ვიქტორ ხრენინი, „ერთობლივი სწავლებები ერთობლივი მოქმედებების ახალი მეთოდების აპრობაციას გახდის შესაძლებელს“.

ჯერჯერობით კი, რუსეთის თავდაცვის მინისტრ სერგეი შოიგუს თქმით, ქვეყნის დასავლეთ საზღვრებზე ორი არმია და საჰაერო–სადესანტო ჯარების სამი შენაერთია გადასროლილი საბრძოლო მზადყოფნის შემოწმების ფარგლებში.

რედაქცია შესაძლოა არ ეთანხმებოდეს ავტორის მოსაზრებებს!

49
თემები:
რუსეთი დღეს (818)
კამალა ჰარისი

აშშ-ის ვიცე-პრეზიდენტის მკვლელობის მუქარის ბრალდებით ფლორიდაში 39 წლის ექთანი დააკავეს

0
(განახლებულია 11:30 18.04.2021)
ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

თბილისი, 18 აპრილი - Sputnik. აშშ-ის ფედერალურმა ხელისუფლებამ ვიცე-პრეზიდენტ კამალა ჰარისის მკვლელობის მუქარის ბრალდებით ფლორიდის მკვიდრი ქალი დააკავა, იუწყება გამოცემა USA Today.

სამართალდამცველებმა 39 წლის ექთანი ნივიან პეტი ფელპსი (Niviane Petit Phelps) ხუთშაბათს დააკავეს. არსებული ინფორმაციით, ბრალდებული „შეგნებულად და განზრახ იმუქრებოდა აშშ-ის ვიცე-პრეზიდენტის მოკვლით და სხეულის დაზიანების მიყენებით“.

საიდუმლო სამსახურის მონაცემებით, ბრალდებულმა მეუღლეს, რომელიც ციხეში პატიმრობას იხდის, რამდენიმე ვიდეო გაუგზავნა, სადაც გამოხატავდა რისხვას 2020 წლის არჩევნების შედეგების გამო, ასევე იარაღის ტარების ნებართვას მოითხოვდა. სასამართლოს ხელთ არსებული დოკუმენტებით, ფელპსმა ჩაწერა ხუთი ვიდეორგოლი, სადაც ჰარისის მოკვლით იმუქრებოდა და კონკრეტულ თარიღს ასახელებდა. აღნიშნულია, რომ ქალის მუქარას ამყარებდა მისი რწმენა, თითქოს ჰარისი „სინამდვილეში შავკანიანი არაა“.

სამედიცინო დაწესებულების ადმინისტრაციამ, რომელშიც ფელპსი 20 წლის განმავლობაში მუშაობდა, განაცხადა, რომ მას დაითხოვენ.

ქალის ადვოკატის თქმით, მისი დაცვის ქვეშ მყოფი ვიცე-პრეზიდენტისთვის „რეალურ საფრთხეს არ წარმოადგენდა“ და თავის აღშფოთებას მხოლოდ ქმართან ურთიერთობაში ავლენდა.

0