გადამწვარი ტყე

მოსაზრება: როგორ თამაშობენ ამერიკელები კლიმატის თემით

66
(განახლებულია 18:04 02.04.2021)
2004 წელს მსოფლიოს ეკრანები რონალდ ემერიჰის ჰოლივუდურმა ბლოკბასტერმა მოიარა, რომლის სახელწოდებაც იყო „დღე ხვალის შემდეგ“.

ვიქტორია ნიკიფოროვა

მასში იყო ყველაფერი, რის გამოც გვიყვარს ფილმი–კატასტროფები: მასობრივი დაღუპვისა და ტიტანური ნგრევების დიდებულად გადაღებული სცენები, ულამაზესი მუსიკა და ფინალში ადამიანის ჰეროიკული გამარჯვება.

„დღე ხვალის შემდეგ“ ახლაც მშვენიერი სანახავია, თუმცა მორალურად მოძველდა და მალე ალბათ „ტოქსიკურადაც“ ჩაითვლება. საქმე ისაა, რომ ფილმში ნაჩვენებია კატასტროფა, რომელიც კაცობრიობას გლობალური გამყინვარების გამო ანადგურებს. სურათი ემყარება წიგნს „მომავალი მსოფლიო სუპერქარიშხალი“ — 30 წლის წინ ასეთი შინაარსის წიგნები უამრავი იყო.  

შემთხვევითი არ არის, რომ გლობალურ დათბობასთან მებრძოლთა რიგები დღეს ბავშვებითა და ახალგაზრდობით ივსება. უფროსი ასაკის ხალხს კარგად ახსოვთ, რომ 1970-90-იანი წლების მთავარი საფრთხობელა სწორედ „გამყინვარების პერიოდი“ იყო. მას ზუსტად ის გამოცემები და ტელეარხები „აჰაიპებდნენ“, რომლებიც დღეს დათბობით გვასინებენ.

თემა ჯერ კიდევ 1960–იანებში წამოიჭრა და ასე რეკლამდებოდა:The New York Times, 1969 წელი: „დაგვრჩა ოცი წელი“.  

The Guardian, 1974: „გამყინვარების პერიოდი დაჩქარებული ტემპით გვიახლოვდება“.  

იწერებოდა, რომ მალე ყველა მარცვლეული კულტურა განადგურდებოდა და ადამიანს საკვები აღარ ექნებოდა, თუმცა მანამდე სასმელი წყალი გაქრებოდა; რომ ვენეცისა და მალდივის კუნძულებს წყალი დაფარავდა, ხოლო ნიუ–იორკი, უძველესი ატლანტიდის მსგავსად, ოკეანის ფსკერზე აღმოჩნებოდა. საბოლოოდ კი, 2000 წლისთვის დედამიწას მთლიანად ყინული დაფარავდა.  

და რას აკეთებდა მეცნიერება? ის პროგრეს უსწრებდა და იმის სულ ახალ და ახალ, უდავო „სამეცნიერო“ მტკიცებულებებს პოულობდა, რომ გლობალური გამყინვარება იქნებოდა სწრაფი და საშინელი: „ყველა დავიხოცებით“.

მეცნიერები წერდნენ მონოგრაფიებს, ატარებდნენ სემინარებსა და მიმართავდნენ ხელისუფლებებს: „ძვირასო ბატონო პრეზიდენტო! — წერდნენ 1972 წელს ბრაუნისუნივერსიტეტის გამოჩენილი სწავლულები პრეზიდენტ ნიქსონს. — ვიცით რა თქვენი წუხილი მთელი მსოფლიოს ბედზე, უნდა გაცნობოთ <…> კლიმატის გლობალური ცვლილებების მაღალი ალბათობის შესახებ ისეთ მასშტაბებში, როგორსაც ცივილური კაცობრიობა აქამდე არ შეხვედრია... გამყინვარება სწრაფად მატულობს...“

და „გლობალური გამყინვარება“ მაშინვე იქცა ცივი ომის იარაღად. სწორედ იმ დროს საბჭოთა კაშირი რეკორდული ტემპებით ავითარებდა ნავთობდარგს და გაზის მოპოვებებს იწყებდა. დასავლელი პარტნიორები ნავთობზე ფასების ზრდით ზარალდებოდნენ, რაც მათ 1973 წელს მოუწყეს არაბულმა ქვეყნებმა.

გამოდიოდა, რომ რუსი კომუნისტები თავისუფლად ქაჩავდნენ ნავთობს ციმბირში, მერე კი მთელ მსოფლიოში ყიდდნენ. ხოლო პრეზიდენტი ნიქსონი იმ დროს ამერიკელებს მკაცრ ეკონომიას ასწავლიდა — ავტომობილების საწვავით  დღეგამოშვებით შევსებას, საათში ას კილომეტრზე დაბალი სიჩქარით მოძრაობას, სახლებში ჰაერი ტემპერატურის არაუმეტეს 18 გრადუსზე შენარჩუნებას და თვითმფრინავებით იშვიათად ფრენას.

გლობალური გამყინვარების შესახებ მითი მარტივად და გასაგებად ასაბუთებდა საბჭოთა კავშირისთვის ბუნებრივი რესურსების წართმევის აუცილებლობას. ეს ხომ უსამართლობა იყო, რომ ზამთრობით რუსების სახლებში თბილოდა, ამერიკელებისა კი — არა.

მოგვიანებით ამ ლეგენდის განტოტებად იქცა „ბირთვული ზამთარი“ — რადიოაქტიური ფერფლით დაფარული პლანეტა, მომაკვდინებელი ღრუბლებით გადაჭიმული ცა, მეგაპოლისების ნანგრევები ზედ მცოცავი მუტანტებით. „ბირთვული ზამთარი“ წარმატებით გამოიყენებოდა საბჭოთა კავშირზე პოლიტიკური ზეწოლისთვის ბირთული იარაღის ცალმხრივად შემცირებისა და ყველა შესაძლებელ დათმობაზე წასვლის საიძულებლად. სად არის ახლა ეს საშინელი ზღაპრები?

2006 წელს — ფილმ „დღე ხვალის შემდეგ“ პრემიერიდან ორი წლის შემდეგ, კანის ფესტივალზე წარმოადგინეს დოკუმენტური ფილმი „უხერხული სიმართლე“. მისი სპონსორი, მთავარი გმირი და სულის ჩამდგმელი გახლდათ ცნობილი ამერიკული პოლიტიკური კლანის წარმომადგენელი — ექს–ვიცეპრეზიდენტი ალბერ გორი. მომდევნო წელს მან ნობელის პრემია მიიღო ამ ფილმისთვის. „სიმართლე“ კი ის იყო, რომ მთელი ჩვენი უბედურება გლობალურ დათბობაშია.

და იგივე The New York Times–მა, The Guardian–მა, CNN–მა და BBC–მ ამერიკული ადმინისტრაციის ახალი დღის წესრიგის გაჟღერება დაიწყო. ადამიანის საქმიანობის შედეგად ატმოსფეროში ნახშირორჟანგი გამოიტყორცნება, რასაც დათბობა მოსდევს. დათბობა კი ცუდია. რატომ? არ იკითხოთ. ისევ აღმოჩნდა, რომ „ყველანი დავიხოცებით“. 2009 წელს ბრიტანეთის პრინცმა ჩარლზმა კაცობრიობას რვა წელი მისცა, ხოლო 2013 წელს The Guardian–ი წერა, რომ არქტიკა ორ წელში დადნებოდა.

 მეცნიერები ერთმანეთს ასწრებდნენ ახალი დღის წესრიგის თაობაზე სემინარებისა და კონფერენციების ჩატარებასა და პრეზიდენტებისადმი მიმართვებს. ამ ყველაფერმა მოიტანა კლიმატის შესახებ კიოტოს პროტოკოლისა და პარიზის შეთანხმების გაფორმება, მიუხედავად იმისა, რომ ბევრი ექსპერტი დღემდე მკვეთრად აკრიტიკებს მითს გლობალური დათბობის შესახებ.

ახალ ამერიკულ მითს, როგორც თავის დროზე გლობალურ გამყინვარებას, წმიდად ეკონომიკური ლოგიკა აქვს. ეს კონკურენტების განადგურების მცდელობაა. რა არის იმაზე მარტივი, რომ რუსული ხორბალი და გაზი „ნახშირბადიანად“ დამარკირდეს და ბაზრიდან გაიდევნოს, რათა ისინი თავიანთი პროდუქციით ჩაანაცვლონ.

ეროვნულ ხელისუფლებებთან პრეტენზია მსოფლიოს ყველა ხალხებს ყველას აქვთ. ეს მილიარდერების საყვარელი საქმეცაა, რომლებიც ამ ბოლო დროს არაადეკვატურობის მაღალ დონეს ავლენენ.

მაგალითად, ილონ მასკი ვარაუდობს, რომ რამდენიმე წლის შემდეგ ენა — როგორც ურთიერთობის საშუალება, აღარ იარსებებს. მილიარდერი–მორმონი ტრევორ მილტონი ახალი საწვავის სახით აქტიურად აპიარებს წყალბადს — ერთ–ერთ ყველაზე ფეთქებადსაშიშ გაზს სამყაროსი. ბილ გეიტსი ეგზოტიკურ პროექტებს აფინანსებს გლობალურ დათბობასთან ბრძოლისთვის. მისი ერთ–ერთი ინიციატივის თანახმად, ჰაერში ათასობით თვითმფრინავი უნდა აფრინდეს ტონობით ცარცის გასაფანტად, რომელიც მზეს დაფარავს და დედამიწაზე აცივდება. მართალია, აღარაფერი აღარ გაიზრდება და საკვებიც აღარ გვექნება, მაგრამ სამაგიეროდ დათბობა შეჩერდება. ხუმრობა არ გეგონოთ — ესა და მსგავსი პროექტები სერიოზულად განიხილება ჰარვარდის უნივერსიტეტში.

ახლა მილიარდერების წამოწყებები უბრალოდ სასაცილოდ გამოიყურება, მაგრამ რა მოხდება, თუ ეს ხალხი მართლაც მოვა მსოფლიო ხელისუფლებაში?

კარგი იქნება, თუ ამას აპრილში დაგეგმილი კლიმატური სამიტის წინ გაიხსენებენ. ამერიკელებს სეუძლიათ, ნებისმიერი იდეა აქციონ მასობრივი განადგურების იარაღად — მათ შორის, ბუნების დაცვის კეთილი იდეაც.

რედაქცია შესაძლოა არ ეთანხმებოდეს ავტორის მოსაზრებებს!

66
ამერიკელი სამხედროები ავღანეთში

მოსაზრება: ამერიკელების ავღანეთიდან გაყვანას თალიბები ხელმძღვანელობენ

41
(განახლებულია 18:03 17.04.2021)
ტერორისტული ორგანიზაცია „თალიბანი“ აშშ-ს ავღანეთიდან ჯარების გაყვანის ხისტ პირობებს კარნახობს და ვაშინგტონს მრავალპოლარული მსოფლიოს რეალობაში აბრუნებს.

თეთრმა სახლმა 13 აპრილს გამოაცხადა, რომ 11 სექტემბრისთვის ავღანეთიდან ჯარებს გაიყვანს. თალიბებმა ულტიმატუმის ფორმით მოითხოვეს აშშ ჯარების 1 მაისამდე გაყვანა (დოჰაში 2020 წლის 29 თებერვალს ხელმოწერილი შეთანხმებით). თალიბანმა დაჟინებით მოუწოდა „ამერიკასა და ყველა ოკუპანტ ქვეყანას, შეწყვიტონ გაჭიანურებული ომის გამართლება და დაუყოვნებლივ გავიდნენ ავღანეთიდან“. შემდეგ ტექსტში ღია მუქარები მოდიოდა.

აშშ-ის ადმინისტრაციამ ოპერატიულად დაასახელა 1 მაისი ჯარების გაყვანის თარიღად. ნატოს მოკავშირეებმაც იმავე დღეს მიიღეს მისია „მტკიცე მხარდაჭერის“ ძალების გაყვანის გადაწყვეტილება. ამასთან სახის შენარჩუნებაც სცადეს.

აშშ-ის პრეზიდენტმა ჯო ბაიდენმა ოთხშაბათს განაცხადა, რომ ამერიკელი სამხედროების ავღანეთში ყოფნა ვერ დაეხმარება მყარი მთავრობის ჩამოყალიბებას. თავდაცვის მინისტრმა ლლოიდ ოსტინმა აღნიშნა, რომ ჯარებმა თავიანთი ამოცანა შეასრულეს ავღანეთში და „შესაძლებელი გახადეს პროგრესი ეკონომიკაში, სამოქალაქო საზოგადეობასა და პოლიტიკაში“.

უღირდათ კი პენტაგონსა და მის მოკავშირეებს ასობით მილიარდი დოლარის დახარჯვა და ათასობით ჯარისკაცის დაკარგვა ისლამურ რესპუბლიკაში, რომ მერე ასე უსახელოდ დაეტოვებინათ ბრძოლის ველი და მთელი უბედური ქვეყანა თალიბებისთვის? კითხვა რიტორიკულია.

ძალის საპირველმაისო დემონსტრაცია

CIA-ს დირექტორმა უილიამ ბერნსმა 14 აპრილს განაცხადა, რომ ჯარების გაყვანა მნიშვნელოვან რისკებთანაა დაკავშირებული, და ავღანეთში „ისლამური სახელმწიფოსა“ და „ალ-ქაიდას“ გავლენის აღდგენა ივარაუდა ამერიკული ჯარების გაყვანის შემდეგ. აშშ-ის ექს-მრჩეველი ეროვნული უსაფრთხოების საკითხებში ჯონ ბოლტონი დარწმუნებულია, რომ ჯარების ახლა გამოყვანა იგივეა, რაც „თალიბანისთვის“ ხელისუფლების გადაცემა.

ამის პარალელურად თალიბები საომარი მოქმედებების აღდგენას აპირებენ, ანუ „ჯიჰადის“ მოწყობას უცხოური ჯარებისთვის, თუ აშშ და ნატო თავდაპირველად შეთანხმებულ თარიღამდე - 1 მაისამდე არ გაიყვანენ ჯარებს. „თალიბანის“ პოზიცია მანამდე ზიბიულა მოჯაჰედმა გაახმოვანა: „ბაიდენმა თქვა, რომ მაისისთვის ჯარების გაყვანა ძნელია, მაგრამ ჩვენი პოზიცია ისაა, რომ დოჰაში დადებული ხელშეკრულება უნდა შესრულდეს, ვინაიდან მისი რეალიზაცია აშშ-სა და ავღანეთს შორის არსებული პრობლემის გადაჭრის ერთადერთი მეთოდია“.

ლოგისტიკის თვალსაზრისით, სატრანსპორტო თვითმფრინავებით 3-5 ათასი სამხედროს გადასროლისთვის 14 თვე სრულიად საკმარისია. აშკარაა, რომ აშშ-სა და ნატოს ჯარების გაყვანას თალიბებთან პერმანენტული ბრძოლები აფერხებს და ასევე „მოსწავლეების“ უუნარობა, შეათანხმონ ავღანეთის მოქმედ ხელისუფლებასთან მომავალ სახელმწიფო აპარატში სახელისუფლებო უფლებამოსილებების გადანაწილება.

ეროვნული შერიგების უზენაესმა საბჭომ მოახერხა, ერთ პროგრამაში გაეერთიანებინა ოცზე მეტი წინადადება, მათ შორის, პრეზიდენტ აშრაფ განის სამშვიდობო გეგმა. მაგრამ „თალიბანმა“ 14 აპრილს უარი თქვა ავღანეთის მომავალზე მოლაპარაკებებში მონაწილეობაზე. . თალიბების შეიარაღებული ფორმირებები აშშ-სა და ნატოს ჯარებისა და ტექნიკის სრულ გაყვანას ელოდებიან, რათა სხამთავრობო ძალებზე სრული გამარჯვება მოიპოვინ. ავღანეთი ხილულ პერსპექტივაში შეიძლება „ისლამურ ემირატად“ მოგვევლინოს.

 

ავღანეთში ოცწლიანი ომის შედეგებითა და თალიბებთან სამარცხვინო ზავის დადების შემდეგ ამერიკელები ფრთხილად უნდა ყოფლიყვნენ იარაღის ჟღარუნთან და მოკრძალებულად უნდა მოქცეულიყვნენ საერთაშორისო საქმეებში. მაგრამ ისტორიამ მათ არაფერი ასწავლა. და ახლა კვლავ რუსეთია დამნაშავე.

აშშ-ის დაზვერვა ვარაუდობს, რომ რუსი კოლეგები ფინანსურად ეხმარებოდნენ „თალიბანს“ ამერიკელ და კოალიციის სამხედროებზე იერიშის მიტანაში 2019 წელს და უფრო ადრეც. ეს მონაცემები ვერანაირ კრიტიკას ვერ უძლებს და მიუწვდომელია შემოწმებისთვის. რუსეთი უარყოფს ამ ბრალდებებს.

ძალისხმევების გადატანა

ლლოიდ ოსტინს მიაჩნია, რომ რამდენიმე ათასი ამერიკელი სამხედრო ავღანეთიდან გაყვანა ძალისხმევების „გადაფოკუსირების“, „მომავალი მოწინააღმდეგეების“, რუსეთისა და ჩინეთის შეკავების ან დამარცხების შესაძლებლობას გააჩენს, რომლებიც „მსოფლიო წესრიგის შეცვლას“ აპირებენ.

ამერიკული „გადაფოკუსირების“ შემდეგ ავღანეტსა და ცენტრალური აზიის მოსაზღვრე ქვეყნებს სრულიად დამოუკიდებლად მოუწევთ აგრესიულ სამხედრო-რელიგიურ მოძრაობასთან თანაარსებობის პრობლემის გადაჭრა. ქვეყანაში თალიბების ხელისუფლებისას ქალები ვერ იღებდნენ განათლებას, ცოლქმრულ ღალატში დამნაშავეებს ქალაქების მოედნებზე სჯიდნენ სიკვდილით, ქურდებს ხელებს აჭრიდნენ, ტელევიზია, მუსიკა, კინო და თეატრი აკრძალული იყო.

ფაქტი ჯიუტია. ავღანეთის ეროვნული უსაფრთხოების სამმართველომ 12 აპრილს გამოაცხადა, რომ აშშ-სა და „თალიბანის“ შეთანხმებამ დოჰაში სტაბილიზაცია ვერ მოიტანა - 2020 წლის 29 თებერვლიდან თალიბების თავდასხმების რაოდენობა ქვეყანაში 24%-ით გაიზარდა.

„თალიბანი“ არ ცვლის ტაქტიკას, არ ამძირებს ძალადობის დონეს ქვეყანაში, არ წყვეტს სამოკავშირეო და პარტნიორულ ურთიერთობებს „ალ-ქაიდასთან“.

რედაქცია შესაძლოა არ ეთანხმებოდეს ავტორის მოსაზრებებს!

41
ჯარისკაცი სამხედრო სწავლებაზე

მოსაზრება: „ნატოს ხელი“ რა ხდება რუსეთის საზღვრებთან

71
(განახლებულია 21:17 16.04.2021)
ყირიმის საჰაერო საზღვრების დაზვერვა, ნატოს ხომალდები შავ ზღვაში, მასშტაბური სწავლებებისთვის სამზადისი და საიდუმლო ტვირთები, რომლებიც აშშ–ს უკრაინაში გადააქვს

ანდრეი კოცი

ბოლო დღეებში ჩრდილოატლანტიკური ალიანსი მკვეთრად გააქტიურდა აღმოსავლეთ ევროპაში. არავინ ფარავს, რომ ეს კიევის მიერ დონბასის შეხების ხაზზე ტექნიკისა და ქვედანაყოფების გადასროლისა და ასევე რუსეთის ჯარების გადაადგილებაზე პასუხად ხდება.

დრონები ფრონტის თავზე

დონბასში მორიგი გამწვავების დაწყებასთან ერთად ნატოს ქვეყნების ავიაცია იქ უფრო ხშირად ჩნდება. შეხების ხაზის თავზე პრაქტიკულად გამუდმებით მოძრაობს მზვერავი დრონები RQ-4 Global Hawk, რომლებიც დონეცკისა და ლუგანსკის არმიების თავდაცვისთვის სამზადისს აკვირდებიან. რაღა თქმა უნდა, დრონებით გადაღებული ფოტოები დაუყოვნებლივ ეგზავნება კიევის სამხედრო სარდლობას.

უკრაინის შეიარაღებულმა ძალებმა თავადაც გააქტიურეს დაზვერვა — ამბოხებულებმა თურქეთში შეძენილი მოიერიშე უპილოტო საფრენი აპარატი Bayraktar TB2–ები შენიშნეს. მათ სახმელეთო სამიზნეებზე შეტევა არ მიუტანიათ: აშკარაა, დრონების ოპერატორები ჯერ სამხედრო მოქმედებების პოტენციურ თეატრს სწავლობენ.

უკრაინის შეიარაღებულ ძალებს ამ ტიპის ექვსი დრონი აქვს. დამატებითი უპილოტოების შეძენაზე კონტრაქტს, როგორც უკრაინული მედია იუწყება, კიევმა ანკარასთან ცოტა ხნის წინ თურქეთში პრეზიდენტ ვლადიმირ ზელენსკის ვიზიტისას მოაწერა.

გარდა ამისა, დასავლეთის ავიაცია პრაქტიკულად ყოველდღიურად ატარებს ყირიმის სანაპიროს მონიტორინგს. შავი ზღვის ნეიტრალური წყლების თავზე ბრიტანული და ამერიკული რადიოელექტრონული დაზვერვის Boeing RC135W და Lockheed P-3COrion–ი კურსირებენ, ასევე ნავსაწინააღმდეგო P-8APoseidon–იც. მათი მთავარი ამოცანა — ეს შავი ზღვის ფლოტის ხომალდების მოქმედებების თვალყური და ნახევარკუნძულზე განთავსებული საჯარისო ჯგუფის ჰაერსაწინაღმდეგო სისტემების პოზიციების აღმოჩენაა.

იდუმალი ტვირთები

ნატო რეგიონში სამხედრო–საზღვაო ყოფნას აძლიერებს. აპრილის ბოლომდე შავ ზღვაში აშშ–ის სამხედრო–საზღვაო ძალების ორი სარაკეტო ესკადრონული ნაღმმზიდი უნდა შევიდეს. პენტაგონის ოფიციალური ვერსიით, ხომალდების გადასროლა „რუტინული ხასიათისაა“. მაგრამ კრემლმა მკვეთრად ირეაგირა და ეს გასაკვირი არც არის — ეს ნაღმმზიდები 50–ზე მეტი ფრთოსანი რაკეტა „ტომაგავკებითაა“ აღჭურვილი.

„რაც შეეხება შეერთებული შტატების აქტიურობას, შავ ზღვაში ხომალდების გავლის ჩათვლით, ეს რეგულარულად ხდება, — განაცხადა რუსეთის საგარეო საქმეთა მინისტრმა სერგეი ლავროვმა. — ახლა ეს განსაკუთრებით აგრესიულად კეთდება, ახლავს აგრესიული რიტორიკა, ისმება კითხვები, რას აკეთებს რუსეთის ფედერაცია უკრაინასთან საზღვარზეო. პასუხი ძალიან მარტივია: ჩვენ იქ ვცხოვრობთ, ეს ჩვენი ქვეყანაა. აი შეერთებული შტატები კი რას აკეთებს თავისი ხომალდებით, სამხედრო მოსამსახურეებით იქ, რომლებიც გამუდებით აწყობენ რარაც ღონისძიებებსნატოს ხაზით უკრაინაში, თავიანთი ტერიტორიიდან ათასობით კილომეტრის დაშორებით? — ეს კითხვა ჯერჯერობით უპასუხოდ რჩება“.

პასუხი არ ჩანს არც სხვა საინტერესო კითხვაზეც: რა ტვირთები შეაქვს უკრაინაში აშშ–ის სამხედრო ავიაციის თვითმფრინავებს? სპეციალისტებმა ინტერნეტ–სერვის FlightRadar–ის ჩვენებას მიაქციეს ყურადღება: ამერიკული C-17–ები და C-130–ები, რომლებიც აშშ–დან, გერმანიიდან და ბალტიისპირეთის ქვეყნებიდან აფრინდნენ, ბორისპოლის აეროპორტში სხდებიან, ტვირთებს ტოვებენ და უკან ბრუნდებიან.

სამხედრო ექსპერტ ალექსეი ლეონკოვის აზრით, ვაშინგტონს უკრაინაში რადიოელექტრონული ბრძოლის კომპლექსები გადააქვს, რაც უკრაინის შეიარაღებული ძალების ახლო ხანში შეტევას შეიძლება მოასწავებდეს. მაგალითად მან აშშ–ის შეიარაღებული ძალების ტაქტიკა მოიყვანა ოპერაციიდან „ქარიშხალი უდაბნოში“, როდესაც კონფლიქტის პირველივე დღეს ამერიკელებმა სრულად „დააბრმავეს“ სადამ ჰუსეინის არმია. ამ ვერსიის სასარგებლოდ მეტყველებს არაღიარებული დონეცკის ხელმძღვანელობის ამასწინანდელი განცხადება, რომ უკრაინელებმა ეუთოს დრონების მისიის GPS–გადამცემებისა და მართვის არხების ჩახშობა დაიწყეს, რათა რეგიონში სამხედრო ტექნიკის მასთაბური შეტანა დაფარონ.

თუმცა გულხელდაკრეფილი ჯდომას არც რუსეთი აპირებს.

„თუ რაიმე გამწვავება მოხდება, ჩვენ, რა თქმა უნდა, ყველაფერს გავაკეთებთ, რომ გარანტირებულად უზრუნველვყოთ საკუთარი უსაფრთხოება და ჩვენი მოქალაქეების უსაფრთხოება, სადაც უნდა იყვნენ ისინი, — განაცხადა საგარეო საქმეთა მინისტრის მოადგილე სერგეი რიაბკოვმა. — მსგავსი ჰიპოთეტური გამწვავების შედეგებზე პასუხისმგებლობა სრულად დაეკისრება კიევსა და მის დასავლელ კურატორებს. ჩვენ ასევე ვაფრთხილებთ აშშ–ს, რომ უჯობთ, თავი შორს დაიჭირონ ყირიმისგან, ჩვენი შავი ზღვის სანაპიროსგან. ეს ისევ მათთვის სჯობს“.

სწავლებისთვის სამზადისი

დასავლეთის ქვეყნების ჯარების რუსეთის საზღვრებთან გააქტიურების კიდევ ერთი მიზეზი — ეს ნატოს სამზადისია უმსხვილესი სამხედრო სწავლებების, Defender Europe 2021–ისთვის, რომელიც მაისის შუა რიცხვებში უნდა დაიწყოს.

მანევრების ლეგენდის თანახმად, ნატოს ჯარებმა კალინიგრადის ოლქს უნდა შეუტიონ, დაბლოკონ რუსეთის დასავლეთ ოლქები და „რუსების მასობრივი შეტევა“ მოიგერიონ. გასული წლებისგან განსხვავებით, წელს განსაკუთრებული ყურადღება არა აღმოსავლეთ, არამედ სამხრეთ ევროპას ეთმობა. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო სწავლებები და და „ხმელეთი–ხმელეთის“ ტიპის რაკეტების სროლაცატარდება. ხოლო უნგრეთი ღრმა ზურგის როლს შეასრულებს. მანევრებში უკრაინელი სამხედროებიც მიიღებენ მონაწილეობას.

ამერიკელები ვროპაში მნიშვნელოვან ძალებს გადაისვრიან, მათ შორის, პირველი კავალერიული და 82–ე საჰაერო–სადესანტო დივიზიების ქვედანაყოფებს. ატლანტიკის მიღმა გაიგზავნება ასობით ერთეული სხვადასხვა დანიშნულების ტექნიკა. გარდა ამისა, ფლორიდიდან ჩავა 53–ე ქვეითთა ბრიგადა. გამორიცხული არ არის, რომ შეიარაღების ნაწილი ამერიკელებს ისევ „დაავიწყდეთ“ ევროპაში, როგორც ეს მანამდე არაერთხელ მოხდა. სპეციალისტების აზრით, ამგვარად პენტაგონი წლიდან წლამდე ზრდის რეგიონში საიერიშო შესაძლებლობებს.

ევროპაში აშშ–ის სახმელეთო ჯარების ოფიციალურ საიტზე გამოქვეყნებული პრესრელიზის თანახმად, სწავლებები „აშშ–სა და ნატოელი მოკავშირეებისა და პარტნიორების სტრატეგიული და ოპერატიული მზადყოფნისა და ურთიერთქმედების ამაღლებისკენაა მიმართული“. ხაზი ესმება, რომ მანევრები არ წარმოადგენს საფრთხეს მესამე ქვეყნებისთვის. მაგრამ Defender Europe 2021–ის ანტირუსული დღის წესრიგი აშკარაა. როგორც სამმხრივი საკონტაქტო ჯგუფის უკრაინის სპიკერმა განაცხადა, მანევრების აზრი იმაშია, რომ დამუშავდეს ომი რუსეთთან ბალტიის ზღვიდან შავ ზღვამდე ტერიტორიაზე.

გასაკვირი არ არის, რომ პასუხად რუსეთი და ბელარუსი მანევრ „დასავლეთი 2021–ს“ ჩაატარებენ სექტემბერში. როგორც მანადე აცხადებდა ბელარუსის თავდაცვის მინისტრი ვიქტორ ხრენინი, „ერთობლივი სწავლებები ერთობლივი მოქმედებების ახალი მეთოდების აპრობაციას გახდის შესაძლებელს“.

ჯერჯერობით კი, რუსეთის თავდაცვის მინისტრ სერგეი შოიგუს თქმით, ქვეყნის დასავლეთ საზღვრებზე ორი არმია და საჰაერო–სადესანტო ჯარების სამი შენაერთია გადასროლილი საბრძოლო მზადყოფნის შემოწმების ფარგლებში.

რედაქცია შესაძლოა არ ეთანხმებოდეს ავტორის მოსაზრებებს!

71
თემები:
რუსეთი დღეს
გელათი

სააგენტო გელათის ტერიტორიაზე აღმოჩენილ ობიექტებთან დაკავშირებით განცხადებას ავრცელებს

0
(განახლებულია 15:11 19.04.2021)
კულტურული მემკვიდრეობის დაცვის სააგენტო სამონასტრო კომპლექსის ტერიტორიაზე აღმოჩენილი არტეფაქტების შენახვისას გულგრილობაში დაადანაშაულეს

თბილისი, 19 აპრილი — Sputnik. საქართველოს კულტურული მემკვიდრეობის დაცვის ეროვნულმა სააგენტომ სიცრუე უწოდა გავრცელებულ ინფორმაციას, თითქოსდა გელათის სამონასტრო კომპლექსის ტერიტორიაზე არქეოლოგიური კვლევისას აღმოჩენილი არტეფაქტების მუზეუმში გადატანა დაფინანსების უქონლობის გამო ვერ მოხერხდა.

გუშინ რამდენიმე მედია–საშუალებამ გაავრცელა ინფორმაცია, თითქოსდა  სამონასტრო კომპლექსის ტერიტორიაზე 2019 წელს ჩატარებული არქეოლოგიური გათხრებისას აღმოჩენილი ისტორიული ობიექტები სათანადო წესით არ შეინახეს. ჟურნალისტების განმარტებით, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. 

წმინდა გიორგის ტაძრის მიმდებარედ ჩატარებული გათხრებისას ანტიკური ხანის, ადრეული შუასაუკუნეების, დავით აღმაშენებლის ეპოქისა და გვიანი შუასაუკუნეების არქიტექტურული ნაგებობები და არტეფაქტები დაფიქსირდა.  ეს არის ახალი წელთაღრიცხვის II-III საუკუნეების  დროინდელი ქვევრსამარხი, ადრეული შუასაუკუნეების (დაახლ: IX-X ს.ს.) მოზრდილი ქვებითა და დუღაბით ნაშენი დიდი ზომის სწორკუთხა ნაგებობა, რომელიც დავით აღმაშენებლის ეპოქაში სამეურნეო დანიშნულებით გადაკეთდა და განახლდა.

სააგენტოში აცხადებენ, რომ ინფორმაცია იმის შესახებ, თითქოსდა სათანადო წესით ობიექტების კონსერვაცია უსახსრობის გამო ვერ მოხერხდა, სინამდვილეს არ შეესაბამება.

 „პროცესი მოცემული ობიექტის შენარჩუნებისა და შემდგომი შესწავლის მიზნით განხორციელდა. კერძოდ, გელათის სამონასტრო კომპლექსის ტერიტორიის ჩრდილოეთით 2019 წელს არქეოლოგიური კვლევისას გამოვლენილი ობიექტების სამეცნიერო შესწავლასთან ერთად, ნაგებობები აღირიცხა და ფოტოგრაფიულად დაფიქსირდა. აღმოჩენილი არტეფაქტები და კერამიკული მასალა კი ქუთაისის ისტორიულ-არქიტექტურულ მუზეუმ-ნაკრძალის სამუზეუმო ფონდებში 2019 წელსვე განთავსდა“, – ნათქვამია განცხადებაში.

გარდა ამისა, ორგანიზაციაში აღნიშნავენ, რომ არქეოლოგიური კვლევისას აღმოჩენილი ნაგებობები, დროებით ქვიშისა და მიწის ფენით, საერთაშორისოდ მიღებული საკონსერვაციო მეთოდოლოგიით რეკულტივირდა. ამასთან, სააგენტოს განმარტებით, ამავდროულად, განათხარი არეალი ჰიდროლოგიურად გარკვეულ რისკს უქმნიდა წმინდა

0
თემები:
ქართული კულტურული მემკვიდრეობის ძეგლები