გერჰარდ შრედერი

მოსაზრება: რატომ შეახსენა გერჰარდ შრედერმა გერმანელებს რუსეთთან ომები

178
(განახლებულია 22:35 11.02.2021)
„საკუთარი ისტორიიდან ვიცით, რომ ყოველთვის, როცა რუსეთთან კარგი ურთიერთობები გვქონდა, ამ კონტინენტზე მშვიდობა იყო. როცა სხვაგვარად ხდებოდა — მშვიდობაც არ იყო“, — ეს ფრაზა გერმანიის ყოფილ კანცლერს გერჰარდ შრედერს ეკუთვნის.

პიოტრ აკოპოვი

აღნიშნული განცხადება შრედერმა (რომელიც ამჟამად Nord Stream AG-ის აქციონერთა კომიტეტის თავმჯდომარეა)  სამშაბათს ­— ვლადიმირ პუტინის მიუნხენში გამოსვლის მე-14 წლისთავზე გააკეთა. ეს უბრალო დამთხვევაა, თუმცა სიმბოლური კია. მით უმეტეს, რომ იმავე დღეს ბრიუსელში ევროპარლამენტის დეპუტატებმა ევროპული დიპლომატიის მეთაურს ჟოზეპ ბორელს საყვედური უთხრეს მოსკოვში „უდროო“ ვიზიტის გამო. მას ძირითადად აღმოსავლეთ ევროპელები ჰკიცხავდნენ, თუმცა ის არსებითად იმას იცავდა, რის შენარჩუნებასაც შრედერი ცდილობს. ბორელი ევროპისთვის ისტორიულ არჩევანზე საუბრობდა:

„ჩვენ რუსეთთან ურთიერთობაში ისტორიულ გზაჯვარედინზე ვდგავართ. არჩევანი, რომელსაც გავაკეთებთ, ამ საუკუნეში ძალთა საერთაშორისო დინამიკას განსაზღვრავს. საით იმოძრავებს ევროკავშირი — უფრო კოოპერაციული თუ უფრო პოლარიზებული მოდელისკენ რუსეთთან ურთიერთობებში, რას დაეყრდნობა — ღია თუ დახურულ საზოგადოებებს“.

ევროპარლამენტის დეპუტატებს, რომლებსაც ბორელი მიმართავდა, შეუძლიათ მოდუნდნენ: არჩევანის გაკეთება მათ არ მოუწევთ. ევროკავშირის პოლიტიკა გერმანიის ხმაზეა დამოკიდებული (და ნაწილობრივ — ფრანგულზე), ამიტომ რუსეთისთვის პირველ რიგში იმას აქვს მნიშვნელობა, რას ამბობენ ბერლინში.

იქ კი არცთუ სახუმარო ბრძოლა მიდის — წელს გერმანიას ხელისუფლების ცვლის გადატანა მოუწევს. მერკელი მიდის და ამით მარტო მისი ეპოქა არ მთავრდება. ის დროც მთავრდება, როცა არჩევანის გაჭიანურება შეიძლებოდა. სწორედ ამიტომაა ფსონები ესოდენ მაღალი.

როგორც მერკელის წინამორბედს, შრედერს ესმის, რაზეა საუბარი. სწორედ ამიტომ, იცავს რა რუსეთთან ურთიერთობებს, ყველაზე პირდაპირ არგუმენტებს იყენებს: ომსა და მშვიდობაზე საუბრობს. ის ყველა ევროპელს მიმართავს, თუმცა უპირველესად გერმანელებს, გერმანულ ელიტას. გსურთ გერმანიის გარშემო ერთიანი ევროპის აგება? მაშინ გაიხსენეთ გერმანიის ისტორია და ყველა ეჭვი გაგეფანტებათ იმასთან დაკავშირებით, როგორი ურთიერთობებია საჭირო რუსეთთან.

შრედერს კიდევ უფრო მარტივად შეეძლო ეთქვა: ბოლო საუკუნე-ნახევარში სამიდან ორ გაერთიანებას გერმანია რუსეთს უნდა უმადლოდეს. დიახ, გერმანელებს გასულ თვეში არ აღუნიშნავთ მეორე რეიხის დაარსებიდან 150 წლისთავი, მაგრამ ოტო ბისმარკის გეგმები გერმანული მიწების გაერთიანების თაობაზე არასდროს განხორციელდებოდა, თუ რუსეთის იმპერია წინააღმდეგ წავიდოდა.

ოთხი ათეული წლის შემდეგ გერმანელები და რუსები პირველ მსოფლიო ომში მიუსიეს ერთმანეთს, რაც ორივე იმპერიისთვის კრახით დასრულდა.

გერმანული მიწების შემდეგი გაერთიანება ჰიტლერის დროს მოხდა და ამის შედეგად იქცა რეიხის აგრესია აღმოსავლეთისკენ, რუსეთზე თავდასხმა, რაც გერმანიისთვის კატასტროფულად დამთავრდა — ის გამარჯვებულებმა დაინაწილეს.

მისი დასავლეთი ნაწილი ატლანტიკური კავშირებით შეკრეს და ერთიან დასავლეთ ევროპაში ჩართვას შეუდგნენ. მაგრამ მაშინ გერმანულ ელიტას ჭკუაც ეყო და ძალაც, რომ მოსკოვთან ურთიერთობები დაელაგებინა.

დიახ, გერმანიის მესამე გაერთიანება სსრკ-ის დაშლის შედეგად მოხდა, მაგრამ ესეც რუსეთის ინიციატივით იყო — ატლანტისტების სურვილის მიუხედავად, რომლებსაც გერმანიის ფედრაციული რესპუბლიკის ზედმეტად გაძლიერება, მისი რუსეთისკენ შებრუნება და ნატოდან გასვლა აშინებდათ.   

ანუ ნებისმიერ გერმანელს, რომლისთვისაც მნიშვნელოვანია გერმანიის ეროვნული ინტერესები, არ შეიძლება არ ესმოდეს, რას ნიშნავს მისი ქვეყნისთვის რუსეთთან ურთიერთობები. მაშ, რაღატომ უწევს შრედერს თითქოს აშკარა მოცემულობის განმარტება?

იმიტომ რომ ბევრ გერმანელს უბრალოდ არ გააჩნია ეროვნული ცნობიერება — არიან რა ანგლოსაქსების მიერ გერმანიისთვის შექმნილი იდეოლოგიური კატეხიზისით აღზრდილები, მათ ეროვნულ ინტერესებზე ფიქრისაც კი ეშინიათ. გერმანია ხომ ასე დამნაშავეა ყველას წინაშე, გერმანელების სხვებზე მაღლა დაყენება არ შეიძლება, არ შეიძლება საკუთარი უფლებების დაცვა. მაქსიმუმი, რაც შეიძლება — ეს საერთო ევროპული ინტერესების დაცვაა. მაგრამ იმას, თუ რა არის „ევროპული“, სწორი, ატლანტიკური სულით სპეციალურად აღზრდილი და გამოყვანილი ხალხი განსაზღვრავს. გასაკვირი არ არის, რომ რუსეთს სამყაროს ამ სურათში საშიში, არაპროგნოზირებადი, აგრესიული მეზობლის როლი აქვს გამოყოფილი, რომელთანაც რაღაც საქმეების კეთება კია შესაძლებელი, მაგრამ რომლისგანაც გამუდმებით უნდა ელოდე რაღაც პრობლემებსა და უსიამოვნებებს.

ამას დიდი ხნის განმავლობაში ასწავლიდნენ, განსაკუთრებით გერმანულ ელიტას. ამასთან მასებზე პროპაგანდის ზემოქმედება წლიდან წლამდე ნაკლებ ეფექტური ხდება — მაგალითად, თუ გამოკითხვებს გადავხედავთ, ვნახავთ, რომ რუსეთთან კარგ ურთიერთობებს ლამის უკვე იმაზე მეტი ადამიანი უჭერს მხარს, ვიდრე აშშ-თან ურთიერთობების მხარდამჭერები არიან. აშშ-ით იმედგაცრუება უკვე ბევრი წელია, რაც გრძელდება, ტრამპის პერიოდში კი უფრო გაძლიერდა. თანაც ამაში თავისი წვლილი სწორედ ატლანტისტებმა შეიტანეს, აშშ-ზე მკაცრი ორიენტაციის მომხრეებმა. ისინი, როგორც მათი ამერიკელი კოლეგები, იძულებული იყვნენ, მთელი ოთხი წლის განმავლობაში მთელი ძალით ელანძღათ ტრამპი, რომელმაც ერთიანი დასავლეთისა და ატლანტიკური სოლიდარობის იდეას უღალატა.

ახლა ტრამპი კი მოიშორეს, მაგრამ ერთიანი დასავლეთი უკვე აღარ შეწებდება. გერმანელების დიდ ნაწილს აღარ სჯერა ამერიკასთან კავშირის პერსპექტივისა. არც მისთვის მხარის დაჭერა სურთ ჩინეთთან კონფლიქტში, არც მათ მაგივრად აპირებენ ცეცხლიდან ნაკვერჩხლის ამოღებას და არც რუსეთთან დაპირისპირებას არ აპირებენ. ანუ ხალხი მზადაა დამოუკიდებლობისთვის, მაგრამ რა ხდება ელიტების შემთხვევაში?

კი, ისინი სიტყვიერად სულ უფრო ხშირად, თუმცა აკურატულად, ამბობენ, რომ აუცილებელია პასუხისმგებლობის საკუთარ თავზე აღება — ბუნებრივია, იმის დათქმით, რომ საუბარია ევროპასა და ყველა ევროპელზე. მაგრამ თავს (და ვერც სხვებს) ვერ მოიტყუებ — ყველაფერი გერმანელებზეა დამოკიდებული.

გერმანია მართლაც ისტორიული არჩევანის წინაშე დგას: უკვე დროა, ატლანტიკური ფერფლი ჩამოიფერთხოს (ნატოდან გასვლა არ იგულისხმება, დამოუკიდებელი გეოპოლიტიკური აზროვნების დაბრუნებაზეა ლაპარაკი) და თავის თავზე აიღოს პასუხისმგებლობა საკუთარი და ევროპის მომავალზე.

არჩევანზე უარის თქმა, დროის გაწელვა, ლავირების გაგრძელება აღარ გამოვა. ეს იმიტომ, რომ სწორედ ახლა გერმანიას კვლავ მოსთხოვენ თავიდან დაიფიცოს ატლანტიკური პროექტისადმი ერთგულებაზე — ანუ ჩაერთოს ატლანტიკურ თამაშში, დაადასტუროს რუსეთის შეკავების კურსისადმი ერთგულება. გერანულ ელიტებს ეს კატეგორიულად არ სურთ (მათ დიდ ნაწილს) — მათ შორის იმიტომაც, რომ თავიანთი ამომრჩევლების განწყობა ესმით. ამიტომ სექტემბრის არჩევნებამდე გერმანული ელიტებისთვის ჭეშმარიტების მომენტი დადგება.

ახლა კანცლერის პოსტზე ორივე კანდიდატი — ეს გერმანიის ორი უდიდესი მიწების პრემიერ–მინისტრები არიან: არმან ლაშეტი ჩრდილოეთ რეინ–ვესტფალიიდან და მარკუს ზედერი ბავარიიდან. რომელ მათგანს წარადგენს პოლიტიკური გაერთიანება გერმანიის ქრისტიან–დემოკრატიული კავშირი/ქრისტიან სოციალური კავშირი ბავარიაში კანცლერის პოსტზე, ჯერჯერობით გაურკვეველია. მაგრამ პრინციპული ის იქნება, კიდევ რომელი პარტია შევა მმართველ კოალიციაში. ამაზე იქნება დამოკიდებული ახალი გერმანული კაბინეტის დამოუკიდებლობის დონე.

თავისთავად ლაშეტიცა და ზედერიც ევროპასა და მსოფლიოში გერმანიის ინტერესების დასაცავად არიან მომართულები, მაგრამ კოალიციური პარტნიორების ხარჯზე მათი ხელების თავისუფლება შესაძლოა შესამჩნევად შეზღუდული იყოს.

თუმცა, როგორიც უნდა იყოს გერმანიის მმართველი ახალი კოალიციის შემადგენლობა, სწორედ მას მოუწევს ისტორიული გადაწყვეტილების მიღება რუსეთთან მომავალი ურთიერთობების შესახებ — და მასზე იქნება დამოკიდებული გერმანიის (და, შესაბამისად, ევროპის) ბედი უახლოესი ათწლეულების განმავლობაში. რუსეთის გარეშე, მით უმეტეს, რუსეთთან დაპირისპირებით, გერმანია ვერ შეძლებს ევროპის გაერთიანებას, ხოლო ევროინტეგრაციისგან უკუქცევას უზარმაზარი პრობლემები მოჰყვება თავად გერმანიისთვის.

რედაქცია შესაძლოა არ ეთანხმებოდეს ავტორის მოსაზრებებს

178
საპროტესტო აქცია პარლამენტთან

რას მოუტანს პოლიტიკური დესტაბილიზაცია საქართველოს ეკონომიკას

46
(განახლებულია 10:22 28.02.2021)
როგორ იმოქმედებს  საქართველოში ბოლო დროს განვითარებული პოლიტიკური მოვლენები ქვეყნის ეკონომიკაზე - სპეციალისტებს ამაზე განსხვავებული მოსაზრებები აქვთ

ქვეყანაში პოლიტიკური დესტაბილიზაცია საფრთხეს პირველ რიგში ლარის სტაბილურიბას და ინვესტიციების შემოდინებას შეუქმნის, განუცხადა ეკონომისტმა ნიკა შენგელიამ Sputnik საქართველოს.

ოპოზიციამ ორი კვირის განმავლობაში თბილისში საპროტესტო აქციებისა და პიკეტების მოწყობა დააანონსა. პროტესტის მიზეზი 23 თებერვალს „ერთიანი ნაციონალური მოძრაობის“ თავმჯდომარის ნიკა მელიას დაკავებაა. აქციაზე მოითხოვენ მელიასა და სხვა პოლიტპატიმრების გათავისუფლებას და ასევე ვადამდელი საპარლამენტო არჩევნების ჩატარებას.

ნიკა მელიამ უარი განაცხადა გირაოს გადახდაზე, რომელიც მას 2019 წელს თბილისში არეულობების საქმეზე შეუფარდეს, რადგან ეს უკანონობად მიაჩნია. თბილისის საქალაქო სასამართლომ მას პატიმრობა შეუფარდა. ოპოზიციონერი ლიდერის დაკავებამ დიდი საერთაშორისო რეზონანსი გამოიწვია.

„ბოლო რამდენიმე დღეა ქვეყნის  ეკონომიკაზე უკვე ნეგატიურად მოქმედებს ის პოლიტიკური ფონი, რომელიც ქვეყანაში ნიკა მელიას დაპატიმრების შედეგად შეიქმნა. ეს დაძაბულობა თუ დროზე არ განიმუხტა, მარტო ეროვნული ვალუტის კურსის დევალვაციასთან არ გვექნება საქმე - საფრთხე შეექმნება ქვეყანაში ინვესტიციების შემოდინაბასაც“- ამბობს ნიკა შენგელია. 

ეკონომისტის პროგნოზით, პირდაპირი უცხოური ინვესტციების  მაჩვენებლის გაუარესებას წინა წელთან შედარებით უკვე  მიმდინარე წლის პირველ კვერტალში უნდა ველოდოთ.

„თუ შექმნილი სიტუაცია თვეზე მეტი გაგრძელდა, გაჩნდება მაღალი ალბათობა იმისა, რომ ისეთმა საერთაშორისო სარეიტინგო კომპანიებმა როგორიცაა „Fitch“-ი და  Moody’s ქვეყნის საკრედიტო რეიტინგი გაგვიუარესოს. ეს კი უკვე სერიოზულ ზიანს მიაყენებს ქვეყანას და რა თქმა უნდა მის მოსახლეობასაც“ - თვლის შენგელია.  

ეკონომისტის თქმით, უკვე ვხედავთ საერთაშორისო პარტნიორი და მეგობარი ქვეყნებიდან წამოსულ კრიტიკას საქართველოს ხელისუფლების მისამართით, ეს კი შეიძლება ნეგატიურად აისახოს იმ ფინანსური დახმარების მოცულობაზე, რომლებსაც საქართველო  საერთაშორისო ორგანიზაციებისგან და  დასავლელი პარტნიორებისგან ღებულობს.

„იმ პირობებში როდესაც მთელ მსოფლიოში პანდემია ბობოქრობს და  ჯერჯერობით მსოფლიო ქვეყნების ეკონომიკებს ისევ  ავტონომიურ რეჟიმში უწევთ ცხოვრება, დახმარების გარეშე არსებობა საქართველოს გაუჭირდება“- მიაჩნია ეკონომიკის ექსპერტს.

ნიკა შენგელია
photo: courtesy of Nika Shengelia
ნიკა შენგელია

ეკონომისტმა აღნიშნა, რომ გავრცელებული ინფორმაციით, ხელისუფლება მიმდინარე წელს კვლავ აპირებს სესხის აღებას რათა დაფაროს 500 მილიონიანი ევრობონდების დავალიანება, რომელიც 2008 წელს იქნა აღებული, გარდა ამისა ქვეყანას საბიუჯეტო შემოსავლებში კლება აქვს და ნაწილი ამ სესხებისა ხარჯვით ნაწილს უნდა მოხმარდეს.

„ამ  პრობლემების დაძლევაში ქვეყანას როგორც ვიცი საერთაშორისო თანამეგობრობის დახმარების იმედი აქვს, ამიტომ თუ მთავრობა პოლიტიკური სიტუაციის განმუხტვის მათეულ რეკომენდაციებს არ გაითვალისწინებს სანქციებიც არ დააყოვნებს, შესაბამისად გართულდება მოსახლეობისთვის ცხოვრებაც, რადგან  სესხებს და გრანტებს ვერ მივიღებთ ან უკეთეს შემთვევაში მივიღებთ უმნიშვნელოს“- ამბობს შენგელია.

მისი თქმით, მისასალმებელია ახალი პრემიერის ირაკლი ღარიბაშვილის განცხადება ქვეყანაში კორონავირუსის პანდემიის გამო დაწესებული შეზღუდვების ნაწილობრივად შემსუბუქების თაობაზე.

„იმედი მაქვს რომ მარტის ბოლოდან ეკონომიკა დაიწყებს ამოქოქვას თუნდაც ნელი ტემპებით. თუმცა აქვე მინდა ავღნიშნო ,რომ  კომენდანტის საათის უცვლელად დატოვება კვლავ ზღუდავს იმ სექტორების სრულად ამუშავებას სადაც შეზღუდები მოიხსნა“-აღნიშნა შენგელიამ.

ნიკა შენგელიას  პროგნოზით  2021 წლის პირველ კვარტალში ეკონომიკის ზრდა კვლავ უარყოფითი იქნება -4,9 %  ის გარშემო, ხოლო იმ შემთხვევაში თუ წლის განმავლობაში ახალი შეზღუდვები და ლოქდაუნები არ დაწესდა,  ეკონომიკის  2% იან ზრდაა მოსალოდნელი.

რატი აბულაძე
რატი აბულაძე

ეკონომისტი რატი აბულაძე კი მიიჩნევს, რომ ქართული ეკონომიკისთვის ძირითადი გამოწვევა არა პროტესტი ან პანდემიაა, არამედ მართვის დაბალი სტანდარტი, რეფორმების და ცვლილებების ქრონიკული საჭირობა.

„სამწუხაროდ, დღევანდელი პროცესებიც არ ემსახურება ეკონომიკური პრობლემების გადაჭრას, არამედ ის პარტიულ კონფლიქტებს კვებას, ნულოვანი შედეგებით“, -  განაცხადა აბულაძემ.

შედეგად, საქართველოს გარდამავალი ეკონომიკის ზრდის პროგნოზირებადი მოცემულობაც მცირეა.

ეკონომისტის შეფასებით, საქართველოს ეკონომიკა საჭიროებს სტრუქტურულ ცვლილებებს, იმისათვის, რომ ქვეყანაში ჩამოყალიბდეს ეკონომიკურად პროდუქტიული საზოგადოება და ახალი ბიზნეს კლასი.

რაც შეეხება კორონავირუსის გავრცელების პრევენციის მიზნით შემოღებული შეზღუდვების შემსუბუქებას, ეს სასიცოცხლოდ მნიშვნელოვანი იყო, რადგან კომპანიებსა და საზოგადოებას, შეზღუდვების რეჟიმში ყოფნის რესურსი ამოეწურა, იმ ფონზე, როდესაც ეპიდემიოლოგიური ვითარება გაურკვეველია.

კორონავირუსის პანდემიამ საქართველოს ეკონომიკას უზარმაზარი ზარალი მიაყენა და ეს, ფაქტობრივად, ყველა სფეროს შეეხო. ბევრი ადამიანი დარჩა უმუშევარი. ბიზნესი სტაგნაციაშია და ვინც შეინარჩუნა სამუშაო, ყოველდღიურად იბრძვის გადარჩენისთვის. სიტუაციას მოქმედი შეზღუდვებიც აღრმავებს. ბიზნეს–სექტორის წარმომადგენლები აქტიურად მოითხოვენ შეზღუდვების მოხსნას, რათა ეკონომიკა ნელ–ნელა გამოცოცხლდეს.

საქართველოში „კომენდანტის საათი“ 2020 წლის 9 ნოემბრიდან მოქმედებს. თავიდან მოქალაქეების გადაადგილება იკრძალებოდა 22:00–05:00 საათამდე პერიოდში, თუმცა, ეპიდვითარების გაუარესების გამო, დრო ერთი საათით გაიზარდა  და  აღნიშნული შეზღუდვა 28 ნოემბრიდან 21:00 საათიდან 05:00 საათამდე პერიოდში მოქმედებს.

ნატა პატარაია


46
ნიკა მელია

ნიკა მელიას გათავისუფლების ხუთი გზა

139
(განახლებულია 15:32 27.02.2021)
„ერთიანი ნაციონალური მოძრაობის“ თავმჯდომარე ნიკა მელია უკვე რამდენიმე დღეა პატიმრობაში იმყოფება. გუშინ პროკურატურამ მას ისევ შესთავაზა გირაოს გადახდის სანაცვლოდ გათავისუფლება.

პარტიის თავმჯდომარის დაკავებას მყისვე მოჰყვა საერთაშორისო გამოხმაურებები. ბუნებრივია, ხელისუფლებას ბეწვის ხიდზე უწევდა გავლა, რომ არ დარღვეულიყო ბალანსი სამართალსა და პოლიტიკურ მიზანშეწონილობას შორის.

რადგან პროკურატურაც უკვე აღკვეთის ღონისძიების შეცვლაზე ალაპარაკდა, იურისტები მსჯელობენ, რა გზით შეიძლება დააღწიოს თავი ნიკა მელიამ პატიმრობას.

ვერსია N1

გადაიხადოს გირაოს თანხა და მშვიდად დაელოდოს გამოძიებისა და სასამართლო პროცესის დასრულებას. როგორც ჩანს, მელია ამის გაკეთებას არ აპირებს, სხვა შემთხვევაში მას გირაოს თანხის შეგროვება არ გაუჭირდებოდა. ასე რომ, ეს ვერსია არსებობს სამართლებრივად, მაგრამ რეალობაში მისი განხორციელება ახლა უკვე ძნელი წარმოსადგენია.

ვერსია N2

ნიკა მელიას საქმის გასაჩივრება საკონსტიტუციო სასამართლოში – ვინაიდან სააპელაციო სასამართლომ უკვე უარი თქვა სარჩელის მიღებაზე, არის ვარიანტი, ადვოკატებმა მელიასთვის იმუნიტეტის მოხსნის და პატიმრობის საკითხი საკონსტიტუციო სასამართლოში გაასაჩივრონ. ამ ვერსიის ნაკლი ისაა, რომ საკონსტიტუციო სასამართლოს გადაწყვეტილებები, როგორც წესი, დროში იწელება და მელიას მინიმუმ 1 წელი მაინც დასჭირდება ლოდინი.

ვერსია N3

სტრასბურგის სასამართლო – ცნობილია, რომ სტრასბურგიც დიდი ხნის შემდეგ იხილავს საქმეებს, მაგრამ მას სხვა მექანიზმებიც აქვს. ძნელი სათქმელია, რამდენად მყისიერი იქნება საერთაშორისო საზოგადოების რეაქცია, თუმცა იურისტთა წრეებში არ გამორიცხავენ, რომ სტრასბურგის სასამართლომ მელიას დაუყოვნებლივ გათავისუფლება მოითხოვოს 39-ე მუხლის საფუძველზე, თუ, რაღა თქმა უნდა, ნიკა მელიას ადვოკატებმა მას მიმართეს.

იურისტი ლია მუხაშავრია აცხადებს, რომ მელიას გათავისუფლებისა და მისი დაცვის ყველაზე ეფექტური გზა სწორედ სტრასბურგზე გადის. საქმე ისაა, რომ სტრასბურგის სასამართლოს თავმჯდომარეს, დაკავებულის ან მისი ადვოკატის მიმართვის შემთხვევაში, შეუძლია საქართველოს იუსტიციის მინისტრსა და ქვეყნის პირველ პირს მიმართოს და 24 საათის განმავლობაში მოითხოვოს დაპატიმრებული პირის გათავისუფლება. თუ ასეთი რამ მოხდა, სავარაუდოდ, საქართველოს ხელისუფლება ევროსაბჭოს დაეთანხმება, თუმცა უმრავლესობის წევრები ღიად აცხადებდნენ, რომ მელიას გამოწვევაზე სათანადო პასუხი გაეცა და საერთაშორისო რეაქციები გათვლილი ჰქონდათ.

ვერსია N4

მელიას გათავისუფლების კიდევ ერთი მექანიზმი პრეზიდენტ სალომე ზურაბიშვილის ხელშია. ცნობილია, რომ ის შეხვდა კიდეც საქართველოს ახალ პრემიერ-მინისტრ ირაკლი ღარიბაშვილს და ამ თემაზეც ესაუბრა. ბუნებრივია, ზურაბიშვილი ამ გადაწყვეტილებას მმართველ გუნდთან შეთანხმების გარეშე არ მიიღებს. მეორე მხრივ, ამისთვის მელიას თანხმობაცაა საჭირო, ან მისი ოჯახისა და ადვოკატის მიმართვა საქართველოს პრეზიდენტისადმი.

ვერსია N5

ნიკა მელიას მეხუთე გზა ისაა, რომ იჯდეს ციხეში და მოიხადოს სასჯელი. თუმცა, ვფიქრობთ, მას მაინც ვადაზე ადრე მოუწევს საპატიმროს დატოვება და ბევრი რამ იმაზეა დამოკიდებული, რამდენად მიაღწევენ კომპრომისს ხელისუფლება და ოპოზიცია მოლაპარაკების შემდეგ რაუნდზე. საკმარისია გავიხსენოთ, რომ სწორედ ამ გზით ითქვა უარი გიგი უგულავასა და ირაკლი ოქრუაშვილის პატიმრობაზე და ისინი სალომე ზურაბიშვილის გადაწყვეტილებით გათავისუფლდნენ შემდგომი სამართლებრივი ნაბიჯებისგან. ასეა თუ ისე, კომპრომისი და ურთიერთმიტევება ყოველთვის უკეთეს შედეგებს გვაძლევს, ვიდრე დაპირისპირება, როგორც კაცობრიობის ისტორია გვკარნახობს.

 

139
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

0
(განახლებულია 13:28 28.02.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

0