F-35 Lightning II

მოსაზრება: რატომ გადადო შეერთებულმა შტატებმა F-35-ის სერიული წარმოება

97
(განახლებულია 16:17 13.01.2021)
ამერიკის შეერთებული შტატების თავდაცვის სამინისტრომ კიდევ ერთხელ გადადო F-35 Lightning II-ის სერიული წარმოების დაწყება.

გამანადგურებელი მზად არ არის გამოცდებისთვის, რომლებიც ჯერ კიდევ ოთხი წლის წინ უნდა ჩაებარებინა. შეერთებულმა შტატებმა აშკარად ზედმეტად შეაფასა თავისი ტექნოლოგიური შესაძლებლობები და 2021 წლის იანვარში „მსოფლიო ისტორიაში ყველაზე მასშტაბური, 1,6 ტრილიონ დოლარად შეფასებული შეიარაღების პროგრამა“ მეხუთე თაობის F-35-ის მცირესერიულ 615 მოდიფიკაციაზე გაიყინა.

აშშ-ის თავდაცვის მინისტრის მოადგილემ ელერდ ლორდმა F-35 Lightning II-ის 2021 წლის მარტისთვის დაგეგმილი სერიული წარმოება გადადო. მთავარი მიზეზი – ტექნიკური პრობლემებია. გამანადგურებელს არაერთი ნაკლი აქვს და ამასთან ვერ დაამტკიცა ეფექტურობა თანამედროვე ჰაერსაწინააღმდეგო სისტემებთან ბრძოლაში.

F-35-ის სხვადასხვა მოდიფიკაციები 2011 წლიდან გამოდის. გამანადგურებელი შეიარაღებაში 2014 წელს შევიდა. დღეისათვის დაგეგმილი 3200-დან აგებულია 600-ზე მეტი „უჩინარი“, მაგრამ პენტაგონის ოფიციალური გადაწყვეტილება F-35-ის სერიულ წარმოებაზე – ეს არის გამანადგურებლის საბრძოლო მზადყოფნის გარანტია, ანუ „ხარისხის ნიშანი“ უცხოელი დამკვეთებისთვის და ამერიკელი გადასახადების გადამხდელებისთვის. არ არის აშშ-ის თავდაცვის სამინისტროს გადაწყვეტილება – არ არის მაღალი საბრძოლო მზადყოფნა, ნამდვილი ხარისხი და მოთხოვნა საზღვარგარეთიდან.

F-35 პერსპექტივები ბუნდოვანია, პენტაგონი გადაწყვეტილების მიღებას რამდენიმე წელია ზედიზედ აყოვნებს. კიდევ რამდენიმე თვე გავა მანამ, სანამ ჯო ბაიდენის ადმინისტრაციის სპეციალისტთა ახალი გუნდი მთელ ინფორმაციას მიიღებს F-35-ის დამოუკიდებელი ტექნიკური ექსპერტიზისა და მისი სერიული წარმოების შესახებ 2046 წლამდე. „უჩინარების“ ექსპლუატაციიდან მოხსნა 2070 წლისთვის იგეგმება. გეგმები ფანტასტიკურია, ხოლო პრაქტიკული ექსპლუატაცია იმედს უცრუებს სპეციალისტებს. F-35 Lightning II ბევრი პარამეტრით ჩამორჩება მეხუთე თაობას. ესენია: ბგერითამდე კრეისერული სიჩქარე, რადარებზე ხილვადობა, მაღალი ავარიულობა. მისი სერტიფიცირება 2023 წლისთვის არის დაგეგმილი, თუმცა ეს მიჯნა შეიძლება კიდევ გადაიწიოს.

ამერიკული ოცნება

F-35 Lightning II-ის საექსპლუატაციო ხარჯები ბევრად მეტია, ვიდრე მეოთხე თაობის გამანადგურებლებისა, რაც სახელმწიფო ჩინოვნიკებს აიძულებს დეჭვდნენ, რამდენად მიზანშეწონილია დიდი რაოდენობით „უჩინარების“ შესყიდვა. მაგრამ ინვესტიციები F-35-ის პროგრამაში იმდენად მნიშვნელოვანია, რომ მისი გაუქმება შეუძლებელია. გარდა აშშ-ისა, ფული ჩადებული აქვს ბელგიას, დიდ ბრიტანეთს, პოლონეთს, იტალიასა და სხვა ქვეყნებს. ამერიკულმა ჟურნალმა Military Watch-მა 3 იანვარს განაცხადა: დასავლეთში მეხუთე თაობის ერთადერთი გამანადგურებელი F-35 „ძალიან შორსაა სრული საბრძოლო მზადყოფნისგან და შეიძლება გამოუსადეგარი აღმოჩნდეს მაღალი ინტენსივობის საბრძოლო მოქმედებებისთვის 2025 წლამდე“.

მანამდე აშშ-ის თავდაცვის სამინისტრომ არაერთხელ თქვა უარი ახალი F-35-ის მიღებაზე ტექნოლოგიური წუნის გამო, რომელიც ორასამდე მანქანაში აღმოაჩინეს. პენტაგონი საკუთარ ანგარიშში აღნიშნავდა, რომ F-35-ების მუშაობის ვადა „შეიძლება სულ 2100 საფრენ საათს შეადგენდეს“. თავდაპირველად გამანადგურებელი 8000 საფრენ საათზე იყო გათვლილი.

მიუხედავად ნაკლებისა, სხვადასხვა მოდიფიკაციის F-35-ები პარადოქსულად იყიდება საზღვარგარეთ და რვა ქვეყანაშია ექსპლუატაციაში შესული. თავის „უჩინრებს“ ელოდებიან დიდი ბრიტანეთის, საბერძნეთის, დანიის, ისრაელის, არაბთა გაერთიანებული საამიროების, კატარის, იაპონიის სამხედრო-საჰაერო ძალები. მარტო ისრაელმა 50 გამანადგურებელი F-35 დაუკვეთა და კიდევ ორი ათეული „უჩინარის“ შეძენა სურს. როგორც ჩანს, მფრინავი ოცნებისთვის კარგად ფრენა აუცილებელი არ არის, თუ კარგად იყიდება.

F-35 Lightning II-ის ხშირი ავარიები ამ მანქანას მძიმე ბედს უქადის მომდევნო წლებში. და თუ უახლესი ამერიკული გამანადგურებელი მშვიდობიანი ექსპლუატაციის პირობებშია ტექნოლოგიურად მოწყვლადი, საომარ მოქმედებებში, მაგალითად, რუსულ Су-27-თან შეხვედრას ცუდად დაამთავრებს.

ამერიკული გამანადგურებლის წუნის რაოდენობა ხუთამდე შეამცირეს, თუმცა ესეც ძალიან ბევრია 80-დან 130-მდე მილიონ დოლარად ღირებული მანქანისთვის.

მანამდე ასევე წარუმატებლად ცნეს მეხუთე თაობის F-22 Raptor-ის შექმნა. ამ მანქანის მთელი პროგრამის სიცოცხლისუნარიანობამ მნიშვნელოვნად ჩამოშალა ძვირადღირებული ტექნიკური მომსახურებაც. აშშ-ის მთავრობის ფინანსური პალატის 2020 წლის 29 ნოემბრის მონაცემებით, აშშ-ის სამხედრო-შეიარაღებული ძალების მთავარი გამანადგურებელი F-22 Raptor უცვლელად რჩებოდა ყველაზე ცუდ თვითმფრინავად საბრძოლო მზადყოფნის კუთხით - ტექნიკური მოსახურებისა და საექსპლუატაციო ხარჯებისადმი უკიდურესად მაღალი მოთხოვნების გამო. თუ მშვიდობიან დროს ამ მანქანების პარკის მხოლოდ დაახლოებით ნახევარია სამუშაო მდგომარეობაში, მაშ რა იქნება ომში?

F-35 Lightning II-ის შემთხვევაში ისტორია იგივე კალაპოტში ვითარდება. აშშ-ის მთავრობის ფინანსურმა პალატამ მანამდე აღნიშნა, რომ F-35-ების ტექნიკური მომსახურება უკეთესის სურვილს აჩენს, ხოლო პენტაგონის შესაძლებლობები F-35-ების რემონტთან დაკავშირებით გრაფიკს ექვსი წლით ჩამორჩება.

რედაქცია შესაძლოა არ ეთანხმებოდეს ავტორის მოსაზრებებს

97
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

117
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

117
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

1329
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

1329
თემები:
რუსეთი დღეს
„ოსკარის“ ქანდაკება

ქართულ დრამას „დასაწყისი“ „ოსკარის“ ნომინაციაზე წარდგენას უწინასწარმეტყველებენ

0
(განახლებულია 16:12 26.01.2021)
მოხვდება თუ არა ქართული ფილმი იეღოვას მოწმეების დევნის შესახებ პრესტიჟული კინოპრემიის ნომინანტებს შორის, 9 თებერვალს გახდება ცნობილი

თბილისი, 26 იანვარი - Sputnik. ავტორიტეტულმა პორტალმა IndieWire ქართველი რეჟისორის დეა კულუმბეგაშვილის ფილმი „დასაწყისი“ იმ 15 საუკეთესო საერთაშორისო კინოსურათს შორის დაასახელა, რომლებიც შეიძლება „ოსკარის“ ნომინანტები გახდნენ.

IndieWire – ესაა ვებ–გვერდი, რომელიც 1996 წელს შეიქმნა და კინოინდუსტრიასა და კინომიმოხილვას ეძღვნება. განსაკუთრებული ყურადღება ვებ–გვერდზე დამოუკიდებელ კინოს ეძღვნება.

IndieWire–ის შერჩეულ ფილმებს შორის მოხვდა სხვადასხვა ქვეყნის კინოსურათები – საბერძნეთის, ჩეხეთის, ნორვეგიის, შვეიცარიისა და სხვ.

დრამა „დასაწყისი“ - საქართველოსა და საფრანგეთის ერთობლივი ნამუშევარია. ფილმი მოგვითხრობს იეღოვას მიმდევართა ერთი ჯგუფის ისტორიას, რომელიც პროვინციულ ქალაქში ექსტრემისტული დაჯგუფების მხრიდან თავდასხმას განიცდის.

მთავარი გმირი იანა ერთ-ერთი იეღოველის მეუღლეა. მისთვის ნაცნობი სამყარო კონფლიქტის შედეგად ნელ-ნელა იმსხვრევა. იანას შინაგანი მღელვარება ძლიერდება, როდესაც იგი საკუთარი სურვილების გაანალიზებას იწყებს.

დეა კულუმბეგაშვილის სრულმეტრაჟიანმა სადებიუტო მხატვრულმა ფილმმა ერთბაშად ოთხი მთავარი ჯილდო დაიმსახურა პრესტიჟულ სან-სებასტიანის საერთაშორისო კინოფესტივალზე, მიიღო ტორონტოს კინოკრიტიკოსთა საერთაშორისო ასოციაციის პრიზი, თავად რეჟისორი კი Special Cannes 2020-ის ჟიურის წევრად გამოცხადდა.

„დასაწყისი” გადაღებულია ლაგოდეხის მუნიციპალიტეტში – ლაგოდეხსა და გარშემო სოფლებში და შექმნილია ეროვნული კინოცენტრის მხარდაჭერით.

ამერიკული „ოსკარის“ პრემიის ნომინანტებს 9 თებერვალს დაასახელებენ.

0
თემები:
საქართველო და კულტურა