კორონავირუსი ლონდონში

დასავლეთი მომწიფდა: COVID-19 ჰიტლერია, ანუ დადგა რუსეთთან კავშირის დრო

42
(განახლებულია 23:22 11.01.2021)
ხდება რაღაც უკიდურესად საინტერესო: დასავლეთი თვალდათვალ ცვლის დამოკიდებულებას COVID-19-ს საწინააღმდეგო რუსული ვაქცინისადმი.

ირინა ალქსნისი

ბოლო დღებში ყველაზე გავლენიან გამოცემებში არაერთი მასალა დაიბეჭდა, რომელთა თანახმად, რუსული ვაქცინა არც ისე ცუდია, და უფრო მეტიც, ის დიდი ალბათობით, ეფექტურიცაა.

და ეს ბევრი თვის შემდეგ, როცა გლობალური მეინსტრიმი თავიდან გადავსებული იყო ისეთი ტიპის ირონიით, როგორიცაა „მოსკოვი საერთოდ ვერაფერს შექმნის“, შემდეგ ის შფოთვამ შეიპყრო რუსული ვაქცინა „სპუტნიკ V-ს" შესაძლო საფრთხეების გამო, ვინაიდან ის უმოკლეს ვადაში შეიქმნა და ფართო მიმოქცევაში გასვლამდე ყველა აუცილებებლი გამოცდა არ გაუვლია. ის ფაქტი, რომ აბსოლუტურად ყველა ვაქცინაზე - მათ შორის, დასავლეთის ლაბორატორიებშიც - დაჩქარებული წესით მიმდინარეობს, იქ, რა თქმა უნდა, არავის აყენებდა უხერხულ მდგომარეობაში.

თუმცა, მოულოდნელად სააგენტო Bloomberg-მა გამოაქვეყნა მასალა, რომელშიც ჟურნალისტმა სემ ფაზელიმ ის მიზეზები ჩამოთვალა, რომელთა გამოც რუსული ვაქცინა ნდობას იმსახურებს.

უფრო შორს წავიდა გაზეთ New York Times-ის მოსკოველი კორესპონდენტი ენდრიუ კრამერი. მან არა მარტო შეაქო რუსული პრეპარატი და „ჭეშმარიტი მიღწევა“ უწოდა მას, არამედ აიცრა კიდეც „სპუტნიკ V-თი“ და ისიც აღნიშნა, რაოდენ შთამბეჭდავია ვაქცინაციის პროცესის ორგანიზება და მისი მისაწვდომობა მოსახლეობისთვის.

ყველაზე გასაოცარი სტატია კი ბრიტანულ ჟურნალ Spectator-ში დაიბეჭდა, რომლის საფუძველიც ვლადიმირ პუტინისა და ანგელა მერკელის სატელეფონო საუბარი გახდა, რომლის დროსაც მათ გერმანიაში რუსული ვაქცინის წარმოების საკითხი განიხილეს. მასალის ავტორმა COVID-19 ჰიტლერს შეადარა და განმარტა, რომ, რახან მაშინ, თითქმის 80 წლის წინ, გაერთიანდნენ ჩერჩილი და რუზველტი სტალინთან საერთო მტრის წინააღმდეგ, არაფერია საშინელი იმაში, რომ ახლაც იმავე გზით წავიდნენ.

რამდენიმე დღის წინ კი აშშ-ში ბრიტანეთის ელჩმა კარენ პირსმა სკანდალური, თუმცა თავისებურად პატიოსანი განცხადება გააკეთა და თქვა, რომ რუსეთი და ჩინეთი არ უნდა გამოვიდნენ გამარჯვებულები პანდემიიდან.

კორონავირუსზე გამარჯვებად შეიძლება მიიჩნეოდეს არა მისი განადგურება ( ეს შეუძლებელია), არამედ ცხოვრების ნორმალიზაცია - მინიმალური შეზღუდვებითა და დახრჩობას გადარჩენილი ჯანდაცვის სისტემებით.

ყველა ქვეყანას საკუთარი გზები აქვს კრონავირუსის ეპიდემიასთან ბრძოლისთვის. ჩინეთმა, როგორც ვიცით, ხისტი, თუმცა წერტილოვანი ზომები გამოიყენა. ორიოდე დღის წინ იქ ერთი კვირით სასტიკ ლოკდაუნში მოაქციეს ორი ქალაქი (18 მლნ მოსახლით) კოვიდის 137 შემთხვევისა და 197 უსიმპტომო ინფიცირებულის გამო. სამაგიეროდ დანარჩენი ქვეყანა შედარებით მშვიდად ცხოვრობა, თავისი თითქმის მილიარდნახევრიანი მოქალაქით.

რუსეთს თავისი ნოუ-ჰაუ აქვს, რომლის შედეგადაც ჯანდაცვის სისტემა დატვირთვას უმკლავდება, ხოლო ვაქცინირებულთა რაოდენობამ უკვე 1,5 მლნს გადააჭარბა. თანაც ბოლო დღეებში ინფიცირების სტატისტიკაც იმედის მომცემია, თუმცა სიხარული მაინც ნაადრევია.

ასეა თუ ისე, დასავლეთში ყველაფერი უფრო ცუდადაა. თუ აშშ-ში შიდაპოლიტიკური მოვლენების ფონზე ეპიდემიასთან ბრძოლამ უკანა პლანზე გადაინაცვლა, ევროპაში ეს ყველაზე მტკივნეული თემაა ამ მომენტისთვის.

ყველაზე მძიმე ვითარებაა დიდ ბრიტანეთში. ინგლისში ხელისუფლებამ მკაცრი ლოკდაუნი შემოიღო. უკეთესი ვითარება არც კონტინენტზეა - შეზღუდვები ფართოვდება და ძლიერდება, ხოლო ხელისუფლება პროგნოზირებს, რომ უახლოესი კვირები ყველაზე რთული იქნება და დამრღვევებს დასჯით ემუქრება.

სხვათა შორის, იქ ვაქცინაცია კი დაიწყო, მაგრამ არსებობს ბევრი საფრთხე. მისი სიჩქარე საკმაოდ დაბალია, ვინაიდან ვაქცინის წარმოება და მიწოდება ფიზიკურად არ იძლევა არსებული მოთხოვნის დაკმაყოფილების საშუალებას. თავად პრეპარატების გარშემო საკმაოდ ნეგატიური საინფორმაციო ფონი ყალიბდება. ვრცელდება ცნობები როგორც ვაქცინირებულთა გარდაცვალების შესახებ, ისე ვაქცინების თავისებურებების შესახებ, რაც თავისთავად ამუხრუჭებს ვაქცინაციის პროცესს. მაგალითად, დასავლეთში ამჟამად ძირითადი ვაქცინა Pfizer/BioNTec-ისგან, მინუს 70 გრადუსზე დაბალ ტემპერატურაზე ინახება (ეს მაშინ, როცა „სპუტნიკ V-ს“ შენახვის მაჩვენებელი მინუს 18 გრადუსია).

კიდევ არსებობს დიდი საზოგადოებრივი დაღლილობა და უკმაყოფილება - და ეს შესაძლოა ყველაზე დიდი პრობლემა იყოს ევროპის ქვეყნების ხელისუფლებებისთვის.

აქ მაჩვენებელი შეიძლება გერმანიის მაგალითი იყოს, რომელიც მთელი გასული წლის განმავლობაში რჩებოდა წარმატებული მუშაობის მაგალითად კრიზისის პირობებში. გერმანიის ჯანდაცვის სისტემამ წარმატებით გაიარა სტრეს-ტესტი, იქ არ შექმნილა ფილტვების ვენტილაციის აპარატებისა და საწოლების დეფიციტი. ამასთან კონტინენტის უძლიერესმა ეკონომიკამ მოახერხა, თავისი მოქალაქეებისთვის სოციალური დახმარების უმძლავრესი პროგრამა აემოქმედებინა.

თითქოს ყველაფერი შესანიშნავადაა, მაგრამ არსებობს ერთი „მაგრამ“: სწორედ გერმანიაში იფეთქა საზოგადოების უძლიერესმა უკმაყოფილებამ სახელმწიფოს კოვიდ-პოლიტიკის გამო. საპროტესტო დემონსტრაციებს წყლის ჭავლითაც კი შლიდნენ.
შედეგად ახლა ფედერალური მთავრობაც, მიწების ხელისუფლებებიცა და პირადად ანგელა მერკელიც ფაქტობრივად პატურ სიტუაციაში არიან. ერთი მხრივ, ისინი იძულებული არიან, შეინარჩუნონ ლოკდაუნი, მეორე მხრივ კი გერმანიის საზოგადოება თანდათან ცოფდება საყოველთაო შეზღუდვების, შინ ჯდომისა და გაფუჭებული შობის გამო. და არანაირი არგუმნეტი, რომ ყველაფერი მათ სასიკეთოდ კეთდება, უბრალოდ აღარ მუშაობს.

მსგავსი განწყობები ძლიერდება სხვა ქვეყნებშიც, რაც ძლიან სახიფათოა.

ბოლო წლებში დასავლეთს არაერთხელ დაუმტკიცეს, რომ საზოგადოებრივი აზრის მათეულ მანიპულაციებს თავისი ზღვარი აქვს. ამასთანა ახასიათებს თვისება, ყველაზე შეუფერებელ მომენტში შეტრიალდეს არაპროგნოზირებადი და უკიდურესად უსიამოვნო შედეგებისკენ. მსოფლიოში მზარდი ტურბულენტობის ფონზე კი სისტემაზე კონტროლი და მისი მართვადობის შენარჩუნება კრიტიკულად მნიშვნელოვანია.

გასაკვირი არ არის, რომ მოსკოვთან თანამშრომლობა ვაქცინების წარმოების საკითხში ევროპისთვის კატეგორიულად მიუღებელი აღარ არის და ამაზე დაფიქრება ღირს.

რედაქცია შესაძლოა არ ეთანხმებოდეს ავტორის მოსაზრებებს!

42
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

145
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

145
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

1339
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

1339
თემები:
რუსეთი დღეს
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 27 იანვარს

0
(განახლებულია 19:22 26.01.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 27 იანვარი – Sputnik. სააქციო საზოგადოება „თელასი" იუწყება, რომ 27 იანვარს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

მთაწმინდის რაიონი

10:00 საათიდან 16:00 საათამდე შეზღუდვა შეეხება: რუსთაველის გამზირის და ბესიკის ქუჩის მოსახლეობას.

ჩუღურეთის რაიონი

10:00 საათიდან 18:00 საათამდე შეზღუდვა შეეხება: გოგი დოლიძის, გოგოლის, ჩუბინაშვილის და კონსტიტუციის ქუჩების მოსახლეობას.

საბურთალოს რაიონი

10:00 საათიდან 18:00 საათამდე შეზღუდვა შეეხება: დიდი დიღმის IV მიკრორაიონის, დემეტრე თავდადებულის და სანდრო მირიანაშვილის ქუჩების მოსახლეობას.

12:00 საათიდან 15:00 საათამდე შეზღუდვა შეეხება: ვაჟა-ფშაველას II კვარტლის და შალვა ნუცუბიძის ქუჩის მოსახლეობას.

სამგორის რაიონი

11:00 საათიდან 17:00 საათამდე შეზღუდვა შეეხება: ვარკეთილის III დასახლების I მიკრორაიონის, ილია სუხიშვილის, მოსტკოვის, ცისკარიშვილის და გუმათჰესის ქუჩების მოსახლეობას.

გლდანის რაიონი

11:00 საათიდან 13:00 საათამდე შეზღუდვა შეეხება: მუხიანის I მიკრორაიონის მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს