ჩრდილოეთის ნაკადი-2-ის მშენებლობა

მოსაზრება: „ჩრდილოეთის ნაკადი-2“ ფინიშს უახლოვდება

28
(განახლებულია 21:52 24.12.2020)
„ჩრდილოეთის ნაკადი-2“-ის სახმელეთო ნაწილი უცხოეთის ტერიტორიაზე უკვე აგებულია, ახლა მილები გერმანიის წყლებში გაჰყავთ, მერე კი დანიის წყლებში ჩადებენ.

ნატალია დემბინსკაია

ანალიტიკოსების აზრით, პროექტი ფინიშს უახლოვდება და ნებისმიერ შემთხვევაში დასრულდება. მაგრამ პრობლემები შეიძლება გაზსადენის ექსპლუატაციაში გაშვების ეტაპზე წარმოიშვას.

ყველაფერი მზადაა

„გაზპრომის“ დირექტორთა საბჭოს ხელმძღვანელის მოადგილემ ელენა ბურმისტროვამ საინვესტიციო ბანკებთან შეხვედრაზე განაცხადა, რომ მილსადენის უცხოური სახმელეთო ნაწილი სრულ მზადყოფნაშია.

ერთწლიანი შესვენების შემდეგ, 11 დეკემბერს გერმანიის ტერიტორიულ წლებში გაზსადენის მშენებლობაზე მუშაობა განახლდა. 15 იანვრიდან მილების გაყვანა დანიის ტერიტორიულ წყლებში გაგრძელდება. ბურმისტროვას თქმით, საზღვაო ნაწილის დასრულების ვადა სხვადასხვა პირობებზე, მათ შორის ამინდზეცაა დამოკიდებული.

მილგამყვან ხომალდ „ფორტუნას“ ხომალდები „მურმანი“ და „ბალტიის მკვლევარი“ დაეხმარებიან. ზღვაში 200 მ სიგანის დროებით აკრძალული ზონა შეიქმნება მილების ორივე მხარეს. იქ არ შეიძლება ცურვა, ყვინთვა, ღუზის ჩაშვება თუ თევზჭერა.

ანალიტიკოსები ამბობენ, რომ ახლა მშენებლობის ყველაზე რთული ეტაპი შეიძლება იყოს. ზამთრობით ბალტიის ზღვაზე ძლიერი შტორმები იცის. ამასთან გაზსადენს ამერიკული სანქციებიც ემუქრება.

ცდას არ აკლებენ

ოქტომბერში პროექტზე „ვროპის ენერგეტიკული უსაფრთხოების დაცვის შესახებ“ პაკეტის PEESA-ს მოქმედება გაავრცელეს. შეზღუდვები დაუწესდა კომპანიებს, რომლებიც მომსახურებით, აღჭურვილობითა და ფინანსებით უზრუნველყოფდნენ მილსადენის გაყვანაზე დასაქმებულ ხომალდებს.

ახლა საფრთხის წინაშე ის სადაზღვევო და სასერტიფიკაციო კომპანიები დგანან, რომლებიც რუსეთის კუთვნილ ხომალდებთან თანამშრომლობენ. კონგრესის მიერ უკვე დამტკიცებული სანქციები ჩართულია 2021 წლის თავდაცვის ბიუჯეტში. შედეგად – დამზვევები ვერ გარისკავენ იმ ზარალის ანაზღაურებას, რომელიც მილსადენის მშენებლობის დასრულებაზე მუშაობის პროცესში მიადგება ხომალდებს, ხოლო სასერტიფიკაციო ფირმები ვერ შეძლებენ შეაფასონ შედუღებული მილების საიმედოობა გერმანიისთვის გაზის მიწოდების წინ. თუმცა, როგორც ექსპერტები ამბობენ, ახალი სანქციების საშიშროება ჯერ კიდევ ბოლომდე გასაგები არ არის.

„ერთ მხრივ, კონგრესმა მიიღო ეს კანონი, მეორე მხრივ კი დონალდ ტრამპმა მას ხელი არ მოაწერა და არც ისაა ფაქტი, რომ ჯო ბაიდენი მოაწერს“, — მსჯელობს დამოუკიდებელი ექსპერტი ლეონიდ ხაზანოვი.

გადაწყვეტილება მოინახება

გერმანიაში უკვე განაცხადეს, რომ თუ თეთრი სახლი აღნიშნულ გეგმებს განახორციელებს, მაშინ ბუნდესტაგში საპასუხო ზომები მომზადდება. როგორც გერმანიის ეკონომიკის სამინისტროს შიდა დოკუმენტშია ნათქვამი, ანგელა მერკელის მთავრობა ევროკავშირთან კოორდინირებულ მოქმედებებს განიხილავს.

პროექტის პარტნიორები აღნიშნავენ: რუსეთი ნებისმიერ შემთხვევაში აუვლის გვერდს სანქციებს და გაზსადენის მშენებლობას დაასრულებს.

„მილების გაყვანა განახლდება, გაზსადენი დასრულდება“, — ირწმუნება ავსტრიული ნავთობკომპანია OMV AG-ის მთავარი აღმასრულებელი დირექტორი რაინერ ზელე.

ოქსფორდის ენერგეტიკული კვლევების ინსტიტუტის სპეციალისტებს მიაჩნიათ, რომ „ჩრდილოეთის ნაკადი-2“-ის დასრულება ზაფხულში შეიძლება, გაზის ტრანსპორტირებაზე სერტიფიკატის მიღება კი — მომდევნო ზამთარში. ექსპერტების აზრით, შემდგომი სანქციები, დიდი ალბათობით, დროში გაიწელება, მაგრამ საბოლოოდ რუსეთი „მოძებნის ნებისმიერი წინააღმდეგობის დაძლევის გზას“, ამერიკელებმა კი „უნდა გაიგონ, რომ პროექტს ვერ შეაჩერებენ“.

მსგავს პროგნოზებს აკეთებენ რუსი ექსპერტებიც.

„ჩრდილოეთის ნაკადი-2“-ის საწინააღმდეგო ამჟამად მოქმედი სანქციები „გაზპრომისთვის“ კოღოს კბენას ჰგავს. ასეთივე წარმატებით ვაშინგტონს შეეძლო ეცადა, რომ ბუნებრივი გაზის მოპოვება აეკრძალა ჩვენთვის. ჯო ბაიდენმა კიდეც რომ მოაწეროს ხელი კანონპროექტს, „გაზპრომი“, თავის პარტნიორებთან ერთად, მაინც მიიყვანს საქმეს ლოგიკურ დასასრულამდე და გადაქაჩვას შეუდგება. ჩემი აზრით, მილების გაყვანა აპრილი–მაისისთვის დასრულდება“, — ამბობს ლეონიდ ხაზანოვი.

ექპლუატაციაში გაშვება

სპეციალისტები ხაზს უსვამენ: ყველაფერი, რაც ღრმაწყლოვან უბნებზე მშენებლობას შეეხება, უკვე აკრძალულია. ამიტომ „გაზპრომი“ პირდაპირ მოქმედებს და გაჩერებას არ აპირებს. ინტრიგა იმაშია, „ფორტუნა“ მხოლოდ დანიის წყალმარჩხ უბნებზე იმუშავებს თუ ღრმაწყლოვან უბნებზეც. ამაზეა დამოკიდებული მშენებლობის ტემპებიცა და აუცილებელი ხომალდების რაოდენობაც.

„გაზპრომი“ ცდილობს მინიმუმამდე დაიყვანოს სანქციების შედეგები, ცვლის რა მესაკუთრეთა ჯაჭვს. მშენებლობაში მონაწილე ყველა ხომალდმა უკვე შეიცვალა მფლობელი... ამ ნაბიჯის აზრი ისაა, რომ ეს საკუთრება შორს გასწიონ. „გაზპრომს“ ხომალდები არაფრის დამავალდებულებელ კანტორებში შეჰყავს, მიაჩნია რა, რომ სათავო კომპანიის სტრუქტურები არ დაზარალდება“, — განმარტავს ექსპერტი იგორ იუშკოვი.

თუმცა, მისი თქმით, თუ გაზსადენის შენებლობის დასრულებასთან დაკავშირებით ყველაფერი გარკვეულია, მისი ექსპლუატაციაში გაშვების ეტაპზე შეიძლება სირთულეები წამოიჭრას. საქმე ისაა, რომ ახალი სანქციები, რომლებიც აშშ-ის 2021 წლის თავდაცვით ბიუჯეტშია ჩაკერებული, გაზსადენის მოსახურებასა და მის ექსპლუატაციასაც ეხება. და აქ ბევრია დამოკიდებული ევროპელებზე: გასცემენ თუ არა უფლებას გადაქაჩვის დაწყებაზე და გაზის გამოყენებაზე.

რედაქცია შესაძლოა არ ეთანხმებოდეს ავტორის მოსაზრებებს

28
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

175
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

175
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

1342
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

1342
თემები:
რუსეთი დღეს
ნაზალური სპრეი

სპრეი Genoxyn-ი: თურქმა მეცნიერებმა COVID-19-ის ერთ წუთში მკვლელი პრეპარატი შექმნეს

0
(განახლებულია 13:07 27.01.2021)
მანამდე ცნობილი გახდა, რომ თურქმა მკვლევარებმა კორონავირუსზე ტესტირების უსწრაფეს მეთოდს მიაგნეს, რომელიც ნანოტექნოლოგიებს ეფუძნება და ვირუსს 10 წამში იცნობს

თბილისი, 27 იანვარი — Sputnik. თურქმა მეცნიერებმა შექმნეს ნაზალური სპრეი, რომელიც, მათი მტკიცებით, ერთ წუთში ანადგურებს კორონავირუსს, წერს გაზეთი Daily Sabah–ი.

​სპრეი Genoxyn–ი ულუდაგის უნივერსიტეტის მიკრობიოლოგიის კათედრის მეცნიერებმა — პროფესორმა შეჰიმე გულსუნ თემელმა, დოქტორებმა — აჰმეთ იუმით სანაბჯიმ და გიუნეით ოზაკინმა შეიმუშავეს.

სანაბჯის თქმით, კვლევები ჯერ კიდევ პანდემიამდე დაიწყო.

„მანამდე ჩვენ დავადგინეთ, რომ პრეპარატს ანტიბაქტერიული თვისება ახასიათებს, ხოლო პანდემიის დაწყების შემდეგ დავფიქრდით, შეგვეძლო თუ არა COVID-19–ის წინააღმდეგ ბრძოლას წავდგომოდით. ჩვენმა კვლევებმა აჩვენა, რომ სპრეი ვირუსს კლავს პირისა და ცხვირის ქსოვილებზე, რაც მის გავრცელებასა და გამრავლებას უშლის ხელს“, — განმარტა დოქტორმა.

პროფესორ გულსუნ თემელის თქმით, სპრეი ვურისს ერთ წუთში ანადგურებს და ამასთან არ აზიანებს ლორწოვანა გარსებზე ეპითელურ უჯრედებს.

„უფრო მეტიც, ჩვენ დავადგინეთ, რომ ის სამკურნალო მოქმედებას ახდენს ამ უჯრედებზე. შესაბამისად, მისი გამოყენება უსაფრთხოა“, — თქვა მეცნიერმა.

თურქი მიკრობილოგების განმარტებით, მას შემდეგ, რაც პრეპარატი ნანოტექნოლოგიების მეშვეობით დახვეწეს და სრულყოფილი გახადეს, მისი ეფექტურობაც უფრო სტაბილური გახდა და მან გარკვეულ მოლეკულებზე ხანგრძლივი ზემოქმედება გამოავლინა.

მეცნიერები ირწმუნებიან, რომ  სპრეი Genoxyn–ი მაღალეფექტურია არა მხოლოდ СОVID-19–ის, არამედ სხვადასხვა ბაქტერიებისა და სოკოების წინააღმდეგაც.

 

0
თემები:
მსოფლიო და მეცნიერება