ნავთობის ტანკერები

მოსაზრება: ჩინეთმა აშშ ნავთობგადამუშავებაში დაჯაბნა რას მიიღებს ამით რუსეთი

36
(განახლებულია 21:51 02.12.2020)
ოფიციალური პეკინი ფსონს ბენზინსა და დიზელის საწვავზე დებს და ნავთობის გადამუშავების სიმძლავრეებს ზრდის.

ირინა ბადმაევა

უკვე მომავალ წელს ჩინეთი ამ მაჩვენებლით აშშ-ს გადაუსწრებს. მაღალია ალბათობა იმისა, რომ ამერიკელები მთლიანი შიდა პროდუქტის მოცულობითაც ჩამორჩნენ. თუმცა, როგორც ანალიტიკოსები აღნიშნავენ, ჩინელებს შესაძლოა პანდემიის მეორე ტალღამ შეუშალოს ხელი.

ლიდერის ცვლა

ჩინეთის სახელმწიფო სტატისტიკური ბიუროს მონაცემებით, ოქტომბერში ნავთობგადამუშავება ქვეყანაში 2,5%-ით გაიზარდა და ისტორიულ რეკორდს — დღე-ღამეში 14,09 მლნ ბარელს მიაღწია. აშშ-ში კი ეს მაჩვენებელი სექტემბერში მხოლოდ 13,5 მლნ იყო.

და ჩინელები გაჩერებას არ აპირებენ. მომდევნო წლის ბოლოსთვის ორი ახალი ნავთობგადამამუშავებელი ქარხანა ამოქმედდება, რის შესახებაც საერთაშორისო ენერგეტიკული სააგენტოს ნოემბრის მოხსენებაშია ნათქვამი. არადა, ვარაუდობდნენ, რომ ეს 2023 წელზე ადრე არ მოხდებოდა.

შენდება კიდევ ოთხი ქარხანა, რომელთა საერთო სიმძლავრე დღეში 1,2 მლნ ბარელი იქნება. ამდენი მუშავდება, მაგალითად, მთელ დიდ ბრიტანეთში.

ჩინეთი უკვე რამდენიმე ათწლეულია ცდილობს დააკმაყოფილოს ბენზინსა და დიზელის საწვავზე მზარდი მოთხოვნა. ძალისხმევას ამაოდ არ ჩაუვლია.

„2000 წლიდან ქვეყანამ ნავთობპროდუქტების წარმოება სამჯერ გაზარდა. 2025 წლისთვის ნავთობგადამუშავება 20 მლნ ბარელს მიაღწევს დღე-ღამეში“, — აღნიშნა საინფორმაციო ანალიტიკური ცენტრ „ტელე-ტრეიდის“ მთავარმა ეკონომისტმა მარკ გოიჰმანმა.

მისი აზრით, აშშ-ს მოუწევს დათმოს ლიდერის პოზიცია 2021 წელს, რომელსაც მე-19 საუკუნიდან ინარჩუნებდა.

ამერიკელები ხურავენ ნავთობგადამამუშავებელ ქარხნებს დაბალი მარჟინალობის გამო, რომელმაც ნავთობის ფასების დაცემის კვლადაკვალ დაიწია. წარმავალ წელს შავმა ოქრომ არაერთხელ განაახლა მინიმუმი. მაგალითად, 18 მარტს Brent-ის მარკის ნავთობი 15%-ით გაიაფდა 2003 წლის შემდეგ და ერთი ბარელი 24,52 დოლარი ღირდა.

შემცირდა საწვავზე მსოფლიო მოთხოვნაც. ამიტომ ნავთობგადამუშავება რეკორდულ 1,7 მლნ ბარელამდე დაეცა. თანაც აქედან ლომის წილი სწორედ ამერიკულ ნავთობგადამამუშავებელ ქარხნებზე მოდიოდა.

მწვანე ენერგეტიკა: ვინ მოიგებს და ვინ წააგებს

ჩინეთის წარმატების კიდევ ერთი მიზეზი კორონავირუსთან ეფექტური ბრძოლაა, მიაჩნია „ალორ ბროკერის“ მთავარ ანალიტიკოსს ალექსეი ანტონოვს. ჩინეთის ეკონომიკა აღდგენის პროცესშია და მდგრადობას იჩენს, ხოლო ევროპასა და აშშ-ში დაცემას განაგრძობს.

შემთხვევითი არ არის, რომ ჩინელები არა მარტო ნავთობგადამუშავებაში, არამედ მეტალურგიაშიც ლიდერობენ.

ეკონომისტის თქმით, იგივე ტენდენცია შეინიშნება ინდოეთში და ახლო აღმოსავლეთშიც. ეს იწვევს მთელი რიგი მოძველებული სიმძლავრეების დახურვას აზიის რეგიონშიც კი, მაგალითად, სინგაპურში.

გარდა ამისა, აშშ და ევროპა თანდათან უარს ამბობენ ნახშირწყალბადებზე ენერგიის ალტერნატიული წყაროების სასარგებლოდ. ჩინეთი კი არ არის „შებორკილი“ მკაცრი ეკოლოგიური ვალდებულებებით.

ნავთობზე დამოკიდებული რუსეთისთვის „მწვანე“ სცენარი კომპანიების დიდ ხარჯებსა და ბიუჯეტში შემოსავლების კლებას მოასწავებს.

მარკ გოიჰმანის აზრით, რუსეთი სერიოზულად უნდა დაფიქრდეს ხაზინის სხვა წყაროებიდან შევსებაზე, რათა 15–20 წლის შემდეგ ნავთობშემოსავლები ჩაანაცვლოს.

პანდემია: აზიური სცენარი

მაგრამ ყველაფერს აქვს დასასრული. დიდია ალბათობა იმისა, რომ უკვე 2025 წლისთვის ჩინეთში საწარმოო სიმძლავრეების ზრდა მოთხოვნას გადააჭარბებს. ჩინეთის ნავთობისა და გაზის კორპორაცია CNPC-ს მონაცემებით, ხუთი წლის შემდეგ ქვეყანაში ნავთობპროდუქტების სიჭარბეა მოსალოდნელი დღე-ღამეში 1,4 მლნ ბარელის ოდენობით.

„ახლა შტატებთან დაძაბული ურთიერთობების პირობებში ჩინელ მენავთობეებს ამოძრავებთ სურვილი, შური იძიონ შიდა ვაჭრობაში შეზღუდვებზე. და ასე აწიონ სახელმწიფოს პრესტიჟი“, — ვარაუდობს ალექსეი ანტონოვი.

ამიტომ სამი–ხუთი წლის ტენდენციების მონაცემებზე დაკვირვებით შეიძლება ვივარაუდოთ, რომ ლიდერი შეიცვლება არა მარტო ნავთობგადამუშავების სფეროში, არამედ მთავარი ეკონომიკური მაჩვენებლის — მთლიანი შიდა პროდუქტის მოცულობის კუთხითაც.

„პანდემიამდე ჩინეთს ხუთი წელი აკლდა საიმისოდ, რომ ამერიკული ეკონომიკისთვის გადაესწრო. ახლა, კორონავირუსის გავრცელებასთან უფრო ეფექტური ბრძოლის წყალობით, ჩინელებს შეუძლიათ წინ უფრო ადრე გაიჭრნენ“, — ვარაუდობს ექსპერტი ანტონ გრინშტეინი.

სხვა საკითხია, მზადაა თუ არა აშშ პოზიციების დასათმობად. ამერიკული ისტებლიშმენტი შეეცადა პრობლემა ეკონომიკურად და დიპლომატიურად გადაეჭრა, აღნიშნავს ანალიტიკოსი. მაგრამ არ გამოვიდა. და ახლა პრეზიდენტ–ბიზნესმენის ნაცვლად პრეზიდენტი–პოლიტიკოსი მოდის.

გარდა ამისა, ნავთობპროდუქტებზე მოთხოვნის მკვეთრი ზრდა ჩინეთში ეპიდემიოლოგიური ვითარების გაუმჯობესებასაც უკავშირდება. მაგრამ აზიაში მეორე ტალღა არ გამოირიცხება. დაავადების აფეთქებები უკვე დაფიქსირდა ინდონეზიაში, იაპონიაში, სამხრეთ კორეაში. ამას შეუძლია კარდინალურად შეცვალოს ძალთა გადანაწილება აშშ-სა და ჩინეთს შორის.

რედაქცია შესაძლოა არ ეთანხმებოდეს ავტორის მოსაზრებებს

36
ამერიკული სამხდრო ხომალდი ბათუმის პორტში

მოსაზრება: ვის უმიზნებს იარაღს აშშ-ის სამხედრო ფლოტი

13
(განახლებულია 22:27 18.01.2021)
აშშ-ის სამხედრო–საზღვაო ძალების შტაბის მეთაურმა, ადმირალმა მაიკლ გილდეიმ უახლოესი ათწლეულის „სანავიგაციო გეგმა“ წარმოადგინა. დოკუმენტში მთავარი ისაა, რომ ამერიკული ფლოტი დომინანტი უნდა იყოს მსოფლიო ოკეანეში.

ნიკოლაი პროტოპოპოვი

გლობალური კონტროლის მიზანი — ეს ამერიკელების მშვიდი და მაძღარი ცხოვრებაა სამშობლოში. თუმცა ტექსტში მკაფიოდ იკვეთება სხვა ქვეყნების მიმართ ღია აგრესიაც.

მსოფლიო კონკურენტები

დოკუმენტის ავტორების თქმით, ამერიკული ფლოტი ჩართულია გრძელვადიან კონკურენციაში, რომელიც ამერიკელების უშიშროებასა და ცხოვრების სტილს საფრთხეს უქმნის. სამხედრო–საზღვაო ძალების სარდლობამ არ უნდა დაკარგოს არც ერთი წუთი, რათა ძალთა ბალანსი შეინარჩუნოს არა მარტო უახლოეს ათწლეულში, არამედ მთელი XXI საუკუნის განმავლობაში.

გლობალური სიმშვიდის „მთავარი დამრღვევები“ — ეს რუსეთი და ჩინეთია. ამერიკელი ადმირალების აზრით, სწორედ ეს ქვეყნები უთხრიან ძირს თავისუფლებას ზღვაზე, რასაც დიდი ხნის განმავლობაში მოჰქონდა სარგებელი მთელი მსოფლიოსთვის.

მოსკოვი და პეკინი ცდილობენ „უსამართლოდ გააკონტროლონ“ საზღვაო რესურსებზე წვდომა ტერიტორიული წყლების მიღმა, „აშინებენ მეზობლებს“ და „ძალით ახვევენ თავს მათ საკუთარ პრეტენზიებს“, ამასთან „შორი მოქმედების რაკეტების მიზანში ჰყავთ ამოღებული უმნიშვნელოვანესი საზღვაო გზები“.

ამერიკელებს კატეგორიულად არ მოსწონთ, რომ რუსეთი თანამედროვე სარაკეტო ხომალდებსა და წყალქვეშა ნავებს, ჰიპერბგერით რაკეტებსა და ტაქტიკურ ბირთვულ იარაღს ქმნის. პენტაგონში ირწმუნებიან, რომ რუსული ფლოტი მთელ მსოფლიოში აძლიერებს აქტივობას და თავის ძალებს სულ უფრო და უფრო ახლოს განათავსებს შეერთებული შტატების სანაპიროებთან. ამიტომაც „რუსეთი აუცილებლად საიმედოდ უნდა გაკონტროლდეს“.

შეშფოთებას იწვევს სწრაფად განვითარებადი ჩინური ფლოტიც, რომელიც, ამერიკელი ანალიტიკოსების აზრით, დღეისათვის უდიდესია მსოფლიოში. მათი თქმით, პეკინი ვაშინგტონისა და მისი მოკავშირეებისთვის ყველაზე გრძელვადიან და მწვავე საფრთხედ ყალიბდება.  

იმავდროულად აღინიშნება, რომ აშშ საზღვაო ზესახელმწიფოა და მისი უსაფრთხოება და კეთილდღეობა ზღვაზე უპირატესობის შენარჩუნებაზეა დამოკიდებული, რისთვისაც სამხედრო–საზღვაო ძლიერების „მსოფლიო ოკეანის თითოეულ კუთხეზე“ გავრცელებაა აუცილებელი. ამერიკელები განაგრძობენ ცურვასა და ფრენას ყველგან, სადაც ამის საშუალებას საერთაშორისო სამართალი იძლევა. ამასთან ისინი განათავსებენ ძალებს მსოფლიოს სხვადასხვა რეგიონებში, რათა კონკურენტების “გადაჭარბებული საზღვაო ამბიციები“ მოთოკონ და მათი საბრძოლო შესაძლებლობების ნიველირება მოახდინონ.

ფლოტის გაძლიერება

ბალისტიკური რაკეტებით აღჭურვილი ატომური წყალქვეშა ნავები „აშშ-ს ბირთვული თავდასხმებისგან იცავს“, ხოლო სპეციალური ოპერაციების ძალები „მზად არიან, პასუხი გასცენ ყველაზე ძლიერ მოწინააღმდეგეს“. ადმირალები ირწმუნებიან, რომ სამხედრო–საზღვაო ძალებს აქვთ უნარი, დესანტი ნებისმიერ სანაპიროზე გადასხან სახმელეთო ძალების მხარდასაჭერად.

მნიშვნელოვან როლს ზღვაზე დაპირისპირებაში უახლოეს წლებში აშშ ხელოვნურ ინტელექტს ანიჭებს. ასეთმა სისტემებმა უკვე დაადასტურა ეფექტურობა და უპირატესობა ბრძოლაში, ამიტომაც ფლოტში ის მასობრივად დაინერგება.

უპილოტო საზღვაო პლატფორმებიც „სასიცოცხლოდ მნიშვნელოვანია“. ეს დაზვერვაში უპირატესობას იძლევა და ზრდის ფლოტის საიერიშო შესაძლებლობებს. ათწლეულის ბოლოსთვის სამხედრო–საზღვაო ძალების პირად შემადგენლობას უნდა შეეძლოს თავდაჯერებით იმუშაოს რობოტიზებულ აპარატებთან.

აშშ-ის სამხედრო–საზღვაო ძალებში მიაჩნიათ, რომ ყველა მონიშნული გეგმის ხორცშესასხმელად ფლოტი უნდა გაძლიერდეს და გაფართოვდეს. საჭიროა მეტი ატომური წყალქვეშა ნავი და წყალზედა ხომალდი, რომლებსაც მაღალი საიერიშო შესაძლებლობები ექნებათ. ამასთან ახალი ხომალდები კომპაქტურები უნდა იყოს.

პენტაგონი კვლავინდებურად საზღვაო ძალების სიამაყედ მიიჩნევს ავიამზიდებს, რომლებიც ძალის დემონსტრირების უმთავრესი ინსტრუმენტია.

„ციფრი“ და ლაზერი

აშშ-ის სამხედრო–საზღვაო ძალების სარდლობა მიიჩნევს, რომ მარტო ტექნიკით ფონს გასვლა შეუძლებელია. აუცილებელია პირადი შემადგენლობის საგულდაგულოდ გაწვრთნა. ადმირალების აზრით, „მეზღვაურებს მხოლოდ საფრთხეზე სწრაფად რეაგირება კი არ უნდა ეხერხებოდეთ, არამედ ინსტიქტურადაც უნდა შეძლონ მოწინააღმდეგის მოქმედებების წინასწარ ამოცნობა ამა თუ იმ ქვეყნის მოქალქეთა მენტალიტეტის ღრმა ცოდნის საფუძველზე“.

მოსალოდნელი კონფლიქტების სცენარი სწავლებებზე დამუშავდება მთელ პლანეტაზე — უკიდურესი ჩრდილოეთიდან წყნარი ოკეანის დასავლეთ ნაწილამდე.

საინფორმაციო და ციფრული ტექნოლოგიები აშშ-ის სამხედრო–საზღვაო ძალების სტრატეგიაში ცენტრალურ ადგილს იკავებს. მათ გარეშე ახლა საბრძოლო მოქმედებების წარმოება შეუძლებელია. „ციფრი“ ყველაფერს წყვეტს – იძლევა საზღვაო და სახმელეთო ბრძოლის სწრაფად და ეფექტურად წარმოების შესაძლებლობას.

საზღვაო ძალებში მიაჩნიათ, რომ „აშშ-ის მოწინააღმდეგეების ფლოტის თავდაცვის გარღვევის იმედი რაკეტების კოლოსალური რაოდენობით“ აქვთ. ამიტომ პენტაგონი აღმოჩენის არაერთ სტაციონარულ და მობილურ სისტემას აამოქმედებს, სუბმარინებისა და საზღვაო დრონების რადარებს, გააძლიერებს ხომალდებისა და თვითმფრინავების თავდაცვით შესაძლებლობებს. ამასთან ახლო ბრძოლაში, ჩვეულებრივთან ერთად, ენერგეტიკული იარაღის გამოყენებაც იგეგმება.

13
Су-25

მოსაზრება: ევროკავშირის სანქციები ბელარუსში და სამხედრო თვითმფრინავების რემონტი

49
(განახლებულია 19:09 15.01.2021)
პირდაპირი მატერიალური სარგებელი ნატოს ზოგიერთ მოკავშირეს აიძულებს, უგულებელყოს ევროპული ფასეულობები.

ბულგარეთის სამხედრო–საჰაერო ძალები თებერვალში ბელარუსში მოდერნიზებულ ბოლო, მერვე მოიერიშე Су-25-ს მიიღებს. მიიღებს და მომსახურების საფასურს გადაუხდის ქვეყანას, რომელიც ევროკავშირის სამი ახალი სანქციის „წნეხის ქვეშაა“. ეს პარადოქსი ჭარბ ყურადღებას იმსახურებს.

ბულგარეთის სამხედრო-საჰაერო ძალების პირველი მოიერიშე Су-25-ის კაპიტალური რემონტი და მოდერნიზაცია ბელარუსის ბარანოვიჩის 558-ე ავიასარემონტო ქარხანაში 2020 წლის სექტემბერში დასრულდა – ქვეყანაში მასობრივი საპროტესტო აქციების ფონზე. თეორიულად, ის ერთადერთი უნდა ყოფილიყო. თუ ევროპელი პარტნიორები ბოლომდე პრინციპულები არიან თავიანთ სასანქციო პოლიტიკაში, მაშინ ნატოს ქვეყნებმა არ უნდა გადაიხადონ ბელარუსული საწარმოების მომსახურების საფასური.

მაგალითი შეიძლება იყოს ბალტიისპირეთის ზოგი ქვეყანა, რომლებიც „მეზობლის ჯიბრით“ თბომავლების სათადარიგო ნაწილების გარეშე დარჩნენ. მაგრამ ბულგარეთის მასმედიამ განაცხადა, რომ თებერვალში ქვეყნის სამხედრო-საჰაერო ძალები ბოლო ორ Су-25-ს მიიღებს ბარანოვიჩის ქარხნიდან. უფრო მეტიც, სოფიაში განზრახული აქვთ, ბელორუსიაში კიდევ ექვსი Су-25 გაარემონტონ. საიდან ესოდენი არაპრინციპულობა?

ბულგარეთის სამხედრო-საჰაერო ძალების სარდლობის გათვლებით, ბელარუსში კაპიტალური რემონტის შემდეგ „საბჭოთა“ მოიერიშეები 2028 წლამდე იქნება ექსპლუატაციაში, ანუ მომდევნო რემონტამდე ან ახალი „ნატოური“ გამანადგურებლის - F-16V Block70-ის შეძენამდე. მაგრამ ამ უკანასკნელის შემთხვევაში ყველაფერი კარგად ვერ არის.

მანამდე ბულგარეთის პრეზიდენტმა რუმენ რადევმა აკრძალა 1,256 მლრდ დოლარის ღირებულების კონტრაქტის განხორციელება რვა ერთეული F-16 Block 70/72-ის შესყიდვაზე – თითქოს შეთანხმებაში მკაფიოდ არ იყო გაწერილი სასერვისო გარანტიები.

ვფიქრობ, გამოცდილი სამხედრო მფრინავი და ქვეყნის სამხედრო-საჰაერო ძალების ყოფილი მთავარსარდალი უბრალოდ დაეჭვდა, ღირდა თუ არა 157 მლნ დოლარის გადახდა მეოთხე თაობის ერთ თვითმფრინავში მაშინ, როცა მეხუთე თაობის F-35 ზოგ მოკავშირეს ლამის ორჯერ იაფად მიჰყიდეს? თითქმის იმავდროულად შეერთებულმა შტატებმა ტაივანს (ნატოს არაწევრი ქვეყანა) მნიშვნელოვნად იაფად – 121 მლნ დოლარად დაუთმო ახალი გამანადგურებელი F-16 Block 70. ბულგარეთი მდიდარი ქვეყანა არ არის. აშკარაა, არსებულ მძიმე საფინანსო-ეკონომიკურ ვითარებაში ბულგარეთის სამხედრო-საჰაერო ძალების მოიერიშე Су-25-ებს კიდევ ბევრი წლის განმავლობაში მოუწევთ სამსახური. რაშიც ბელარუსი ახლა ძალიან ეხმარება ნატოს ბალკანელ პარტნიორს.

სასაცილო ფული – სერიოზული შედეგი

ბულგარეთის მთავრობამ ჯერ კიდევ 2018 წლის ნოემბერში მოიწონა რვა Су-25-ის მოდერნიზაცია 43 მლნ ევროდ, მაგრამ ბელარუსულ ავიაქარხანაში კიდევ დიდხანს ვერ დაიწყეს რემონტი ევროკავშირის „ძველი“ სანქციების გამო. თუმცა კაპრემონტი მაინც მოხერხდა. სანქციებისთვის გვერდის ასავლელად ბულგარეთის პარლამენტმა შესწორებები შეიტანა ეროვნულ კანონმდებლობაში. ფული უფრო მნიშვნელოვანია, ვიდრე ევროპული სოლიდარობის პრინციპები.

ბარანოვიჩის ავიასარემონტო ქარხანამ ბულგარეთიდან პირველი Су-25 2019 წლის 28 აგვისტოს მიიღო. ყველა სამუშაო ოპერატიულად და მაღალხარისხოვნად შესრულდა. სამი განახლებული მანქანა „ბეზმერის“ ავიაბაზაზე 2020 წლის ოქტომბერში, სამი კი დეკემბერში დაბრუნდა. 14 თვითმფრინავისგან შემდგარი პარტიის რემონტი 73,665 მლნ ევროს შეადგენს, ანუ ბევრად ნაკლებს, ვიდრე ერთი F-16 Block 70-ის ღირებულებაა. თანაც დახარჯული თანხა შთამბეჭდავ შედეგს უზრუნველყოფს.

ბულგარეთის შეიარაღებული ძალების გენერალური შტაბის მეთაური, ადმირალი ემილ ეფტიმოვი და სამხედრო-საჰაერო ძალების მთავარსარდალი, გენერალ-მაიორი დიმიტარ პეტროვი 2020 წლის ბოლოს პირადად გაეცნენ მოდერნიზებული Су-25-ების შესაძლებლობებს „ბეზმერის“ ავიაბაზაზე. და აღფრთოვანდნენ. ბელარუსულ საწარმოში სრულად განახლდა გამანადგურებლის სანავიგაციო სისტემა, გაფართოვდა სარაკეტო შეიარაღების გამოყენების შესაძლებლობები, გაიზარდა სახმელეთო სამიზნეების განადგურების სიზუსტე და მანძილი, კავშირის სისტემა. მოდერნიზებული Су-25-ის ბრძოლისუნარიანობა და ეფექტურობა მნიშვნელოვნად გაიზარდა. ავიაბაზის მეთაურ მილენ დიმიტროვს ბრიფინგზე შემთხვევით არ უთქვამს: „რემონტის შემდეგ Су-25 სულ სხვა გახდა – თანამედროვე და ახალ თვითმფრინავად იქცა“.

მაღალი რეპუტაცია და უმადურობა

ბულგარული მოიერიშეების მოდერნიზაციისთვის ბელარუსის 558-ე ავიასარემონტო ქარხანა შემთხვევით არ შერჩეულა – ის ფართოდაა ცნობილი მომსახურების ხარისხით. და ბელორუსმა სპეციალისტებმა კიდევ ერთხელ დაადასტურეს მაღალი რეპუტაცია.

ბელარუსის მიერ ყველა ვალდებულებისა და საერთაშორისო კანონმდებლობის კორექტულად შესრულების ფონზე ევროკავშირის ქვეყნების საგარეო საქმეთა მინისტრები შეთანხმდნენ, სანქციები დაეწესებინათ „ლუკაშენკოს რეჟიმის დამფინანსებელი“ კომპანიებისთვის. შეზღუდვები შეეხო ბელარუსის რამდენიმე თავდაცვით საწარმოსაც: МЗКТ-ს, 140-ე სარემონტო ქარხანას, ელექტრომექანიკურ ქარხანა „აგატს“, „ბელტექექსპორტს“.

ქვეყნის უდიდესი საწარმოები სახელმწიფოს საკუთრებაა, ამიტომ სანქციების ყველა პაკეტი სწორედ ბელარუსის წინააღმდეგაა მიმართული – როგორც ჰიბრიდული იარაღი ბრძოლის ველზე.

რედაქცია შესაძლოა არ ეთანხმებოდეს ავტორის მოსაზრებებს

49
ქეთა თოფურია მეუღლესთან ერთად

„გილოცავ შვილის დაბადებას!“ - ქეთა თოფურიამ მეორე ბავშვი გააჩინა? - ფოტო

0
(განახლებულია 13:00 19.01.2021)
2 დღეა ქეთა თოფურიას გარშემო ხმაური არ ჩერდება. „ფოლოვერები“ მას მეორე შვილის დაბადებას ულოცავენ. რუსეთში მოღვაწე ქართველი მომღერალი მეორე შვილის დაბადებას მალავს?

ქეთას მიერ გამოქვეყნებული უახლესი ფოტოს კომენტარებში „ბუმი“ ატყდა. მომღერალს მეორე შვილის დაბადებას მისი „ფოლოვერები“ ულოცავენ. გულშემატკივრების მეორე ნახევარი კი - საპირისპიროს ამტკიცებენ. ახალგაზრდა შემსრულებელი ფეხმძიმობას დიდი ხნის მანძილზე მალავდა. რომ არა თაყვანისმცემლების ეჭვები, ამ დრომდე უცნობი იქნებოდა მისი ცხოვრების ეს სასიამოვნო სიახლე. გულშემატკივრების აქტიურობის შემდეგ, ქეთამ ახალი ვიდეო კლიპით გაუზიარა „ფოლოვერებს“ ფეხმძიმობის შესახებ. მან ახალი სიმღერა ჩაწერა, რომელზეც წამოზრდილი მუცელი კარგად უჩანს.

რუსეთში მოღვაწე ქართველ შემსრულებელზე მუდამ საუბრობენ. მისი ცხოვრების სტილისა და პოპულარული პარტნიორების გამო ქეთა ტაბლოიდების ერთ-ერთი ფავორიტია. ქეთა თოფურია რუსი და ქართველი ჟურნალისტების გამორჩეული რესპონდენტია. სხვადასხვა ინტერნეტ-გამოცემებსა და ტელეგადაცემებში ქეთა თოფურია უამრავ ნახვას რამდენიმე საათში აგროვებს. რეიტინგული ვარსკვლავი სითამამით გამოირჩევა და რუსული ესტრადა A'Studio-სთან ერთად არაერთხელ დაიპყრო. რუსეთში გამგზავრების შემდეგ მომღერალმა აღიარება მალევე მოიპოვა, თავბრუდამხვევი კარიერაც სწორედ ამ დღიდან იწყება.

ქეთა მეორე შვილს, სავარაუდოდ, თებერვლისკენ გააჩენს. „ფოლოვერების“ აჟიოტაჟი მის უახლეს ფოტოს მოჰყვა, რომელზეც ქეთას წამოზრდილი მუცელი არ უჩანს. მომღერალმა ძველი ფოტო გამოაქვეყნა, რომელზეც შეუდარებლად გამოიყურება. აღნიშნული „სელფი“ ერთ-ერთი კონცერტის პერიოდშია გადაღებული. აქ ქეთა კულისებში ისვენებს, სანამ საკუთარ მსმენელს შეხვდება.

თოფურიას პირადი ცხოვრება სკანდალებითაა აღსავსე. მისი ახალი რჩეული დიპლომატი ლევ დენგოვია. ქეთამ რუსულ გადაცემაში თქვა, რომ ახლანდელი რჩეული მინსკში გაიცნო. თოფურია რამდენიმე თვეა რჩეულ მამაკაცთან ერთად ცხოვრობს, მოგზაურობს და უბრალოდ ცხოვრებით ტკბება. წყვილმა რამდენიმე კვირის წინ მოკრძალებული ქორწილიც გადაიხადა. ქეთას სოციალური ქსელი ერთობლივი ფოტო-ვიდეოებით არის მოცული. უსიმპათიურესი ბიზნესმენი ქალბატონებში დიდ აჟიოტაჟს იწვევს.

0
თემები:
სელებრითების ცხოვრება