ამერიკული დოლარი

სავალუტო ფონდმა მოიფიქრა, როგორ გადაარჩინოს მსოფლიო: რუსეთს ეს სიღატაკით ემუქრება

99
(განახლებულია 21:58 19.10.2020)
საერთაშორისო სავალუტო ფონდის ხელმძღვანელის განცხადებებით თუ ვიმსჯელებთ, უმსხვილეს ზეეროვნულ საფინანსო ორგანიზაციას 1944 წელში დაბრუნება, ან, სულ ცოტა, 1944-ის გამეორება სურს Covid-19-ის პანდემიის საბაბით.

ივან დანილოვი

ხმამაღალი სიტყვების მიღმა, რომლებიც მსოფლიოსთვის ეპიდემიის ეკონომიკური და ჰუმანიტარული შედეგების აღმოფხვრაში დახმარების აუცილებლობას ეხება, დიდი ალბათობით, რაღაც უფრო მეტი იმალება; ხოლო საფინანსო სტრუქტურის ლიდერების ჰუმანისტური მოსაზრებები, რომელთა რეპუტაციაც განვითარებადი ქვეყნებისთვის დამსახურებულადაა წასული ღრმა მინუსებში, მხოლოდ უკიდურესად მიამიტმა ადამიანმა შეიძლება ირწმუნოს.

ამერიკელები ნამდვილად ქებას იმსახურებენ: არც ერთ მცდელობას იმ ქვეყნებისა, რომლებიც არ შედიან G7-ის ელიტურ–ნეოკოლონიალურ კლუბში, ჩამოერთმიათ კონტროლი საერთაშორისო სავალუტო ფონდისთვის, ჯერჯერობით წარმატება არ მოჰყოლია — მიუხედავად იმისა, რომ გარკვეული მიღწევები მაინც დაფიქსირდა ჩინეთის გავლენის (ან რუსეთისაც კი) გაზრდის საკითხში ორგანიზაციის შიგნით გადაწყვეტილებების მიღებისას. თუმცა, მთლიანობაში, განვითარებადი ქვეყნების მთავარი კრედიტორი, ანუ არსებითად პლანეტის „მთავარი შეილოკი“ ჯერ კიდევ ორიენტირდება „გლობალიზმის“ სწორედ იმ ვერსიაზე, რომელსაც არავითარ შემთხვევაში არ შეიძლება ეწოდოს სამართლიანი.

თუ COVID-19-ის ეპიდემიის დასაწყისში დასავლური მედიასაშუალებები და ექსპერტები გლობალიზმის ამ ვერსიის სიცოცხლისუნარიანობაზე დარდობდნენ და დეგლობალიზაციისა ეშინოდათ, ახლა „გლობალური შეილოკი“ ადასტურებს, რომ მას კიდევ ერთი ბრეტონ–ვუდის კონფერენცია ესაჭიროება, ანუ გლობალიზაციის მოქმედი სქემა ეპიდემიის მთავარი მსხვერპლი გახდა და სანამ გვამი არ გაცივებულა, მსოფლიოს ახალი ვერსია უნდა მიეწოდოს — გაუმჯობესებული იმიჯით.

ოფიციალურ მიმართვაში, რომელიც ფორმალურად ფონდში ანდორის შესვლას ეძღვნებოდა, სსფ-ის განმკარგულებელმა დირექტორმა კრისტალინა გეორგიევამ განაცხადა, რომ დადგა ისტორიული მომენტი:

„იმ დროს, როდესაც ჩვენ მოუთმენლად ველოდებით შესაძლებლობას, მივესალმოთ ანდორას ჩვენი 190-ე წევრის რანგში, სსფ-ის მუშაობა არის თანამშრომლობისა და სოლიდარობის ღირებულებათა დასტური, რაზეც იგება კაცობრიობის ძმობა. დღეს ჩვენ წინაშე დგება ახალი ბრეტონ–ვუდის მომენტი. პანდემია, რომელმაც მილიონზე მეტი სიცოცხლე იმსხვერპლა. ეკონომიკური კატასტროფა, რომელიც მსოფლიო ეკონომიკას 4,4%-ით შეამცირებს ამ წელს და წარმოებას 11 ტრილიონი დოლარით დაასუსტებს მომდევნო წლისთვის. და კვლავ ჩვენ წინაშე დგას ორი მასშტაბური ამოცანა: ვებრძოლოთ კრიზისს დღეს და ვაშენოთ უკეთესი ხვალ“.

გლობალურ ეკონომიკურ კრიზისთან დღეს ბრძოლის აუცილებლობაზე თეზისი საკამათო არ არის, აი, იმაზე კი, რომ მთელი კაცობრიობისთვის „უკეთეს ხვალ–ს“ სსფ ააგებს, კამათი შეიძლება და საჭიროცაა, მით უმეტეს, რომ 1944 წლის ბრეტონ–ვუდის კონფერენციაზე აპელირება რაღაც კარგად და დამარწმუნებლად მარტო ვაშინგტონელი ჩინოვნიკისთვის გამოიყურება.

უნდა შეგახსენოთ ერთი აპოკრიფული ეპიზოდი იმ კონფერენციიდან, რომელზეც 44 სხვადასხვა ქვეყნის წარმომადგენელმა სსფ-ის წესდებას მოაწერა ხელი. კონფერენციაზე მიწვეულმა საბჭოთა დიპლომატებმა დატოვეს ის მას შემდეგ, რაც ახლად შობილი გლობალური კრედიტორი ფონდის მიერ შემოთავაზებულ წესებს გაეცნენ, და ორგანიზატორებს განუცხადეს, რომ მიღებული სტრუქტურა უბრალოდ „უოლ–სტრიტის ფილიალი“ იქნებოდა. მათი პროგნოზი სრულად ახდა, თანაც ისეთ ფორმებში, რომ ამის წარმოდგენა საბჭოთა მომლაპარაკებლებს არც კი შეეძლოთ.

არსებობს საფუძვლიანი ეჭვი იმისა, რომ „ბრეტონ–ვუდსი 2.0“ იგივე პრინციპების შესაბამისად იმოქმედებს. მაგალითად, სსფ-ის დირექტორ–განმკარგულებელი ეპიდემიისა და ეკონომიკური კატასტროფის ფონზე, რომელიც განვითარებად ქვეყნებს ტანჯავს, რატომღაც ძალიანაა შეშფოთებული იმ ვალების ტრანსპარენტულობით, რომლებიც ამ ქვეყნებს უკვე აქვთ დაგროვილი. იმისათვის რომ შფოთვის რეალური მიზეზი გავიგოთ, მცირე ისტორიული ექსკურსია საჭირო. აი, რას გვთავაზობს სსფ ახლა:

„ჩვენ უნდა ვიმოძრავოთ ვალის უფრო მეტი გამჭვირვალობისკენ და კრედიტების კოორდინაციის გაძლიერებისკენ. ჩვენ გვამხნევებს „დიდი ოცეულის“ დისკუსიები „სუვერენული ვალის საერთო საფუძვლების რეგულირების“ თაობაზე და ასევე ჩვენი მოწოდება სუვერენული ვალის დარეგულირების არქიტექტურის გაუმჯობესებისკენ — კერძო სექტორის მონაწილეობის ჩათვლით. ჩვენ წევრ ქვეყნებთან ერთად ვუჭერთ მხარს მათ პოლიტიკას“.

თითქოს ეს არის „ყველაფერ კარგისთვის მხარდაჭერა და ყველაფერი ცუდისთვის წინააღმდეგობის გაწევა“, მაგრამ როგორც ამერიკელი დიპლომატების მიერ წარმოთქმული ფრაზა „წესებზე დამყარებული მსოფლიო წესრიგის დაცვა“ ნიშნავს იმას, რომ „რუსეთმა ყირიმი უნდა დააბრუნოს“, ისე ამ შემთხვევაში ფორმულირება „ვალის გამჭვირვალობა“ მართლა გამჭვირვალობას კი არ ნიშნავს, არამედ ჩინეთს ეხება. თებერვალში იაპონური ეკონომიკური გამოცემა Quartz განვითარებად ქვეყნებში ჩინური გავლენის წინააღმდეგ სსფ-ისა და მსოფლიო ბანკის ბრძოლის თაობაზე წერდა.

[სსფ და მსოფლიო ბანკი] ასევე შეშფოთებული არიან ჩინეთის გავლენით, რომელიც, მიუხედავად იმისა, რომ არ არის მსხვილი კრედიტორი, აფრიკის ქვეყნებში კაპიტალის განსაკუთრებულად გავლენიან წყაროდ იქცა, რომლებსაც მცირე შანსები აქვთ სუსტი ეკონომიკური პარამეტრების გამო. <...> ჩინეთი მათ დაფინანსების მოხერხებულ პაკეტს სთავაზობს. <...> მსოფლიო ბანკის პრეზიდენტ დევიდ მალპასის თქმით, პრობლემა გამჭვირვალობის არარსებობაშია. <...> მისი თქმით, „ჩინურმა სტურქტურებმა დაკრედიტების მოცულობა გაზარდეს, რაც, გარკვეული აზრით, კარგია. ჩვენ გვსურს მეტი კრედიტები გავცეთ განვითარებად ქვეყნებზე, მაგრამ <...> ხშირად მათ კონტრაქტებში შედის პუნქტი გაუთქმელობის შესახებ, რომელიც უკრძალავს მსოფლიო ბანკს თუ კერძო სექტორს, ნახოს – როგორია შეთანხმების პირობები“.

ანუ სსფ-ს სურს, რომ საკითხი, თუ ვის აპატიებს ჩინეთი ვალებს, გადაწყვიტოს არა თავად ჩინეთმა ორმხრივი შეთანხმებით, არამედ გადაწყდეს რაღაც მრავალმხრივი ფორმატის ფარგლებში სსფ-ისა და დასავლეთის ქვეყნების მონაწილეობით. ეს არ ჰგავს ახალ მსოფლიო ძმობას, ეს უფრო ჰგავს სურვილს, ნებისმიერ ფასად დაიცვას განვითარებადი ქვეყნების დაკრედიტების არსებული და შინაარსობრივად ნეოკოლონიალური სქემა, რასაც პეკინი ძალიან უშლის ხელს. უფრო მეტიც: იგივე მოსაზრებებიდან გამომდინარე, რატომ არ უნდა მოსთხოვოს რუსეთს იმ სამი მილიარდი დოლარის „პატიება“, რომელიც უკრაინას მართებს ევრობრენდების მიხედვით? რუსეთის დადანაშაულება ტრანსპარენტულობისა და კორონავირუსით ძლიერ დაზარალებული ქვეყნისთვის დახმარების სურვილის   

არარსებობაში — აბსოლუტურად ვაშინგტონური ფონდის სტილში იქნება.

კიდევ ერთი პრინციპი, რომელზეც აპირებს სსფ ნათელი გლობალური მომავლის აგებას, არის პირდაპირი მუქარა რუსეთის ეკონომიკური უსაფრთხოებისა და ბიუჯეტის მიმართ:

„ჩვენ განსაკუთრებულ ყურადღებას ვაქცევთ კლიმატის ცვლილებას, რამდენადაც მას გადამწყვეტი მნიშვნეობა აქვს მაკროდონეზე და ქმნის სერიოზულ საფრთხეებს ზრდისა და აყვავებისთვის. ეს ასევე კრიტიკულია ადამიანებისა და პლანეტისთვის.

<...> ჩვენი კვლევები აჩვენებს, რომ მწვანე ინვესტიციებისა და ნახშირბადზე უფრო მაღალი ფასების სწორი შერწყმით ჩვენ შევძლებთ მივაღწიოთ ნულოვან გამონაბოლქვს 2050 წლისთვის და დახმარება გავწიოთ ახალი სამუშაო ადგილების შექმნაში. ჩვენ გვაქვს ისტორიული შესაძლებლობა, ავაშენოთ უფრო ეკოლოგიური მსოფლიო უფრო მდიდარი სამუშაო ადგილებით. დაბალი საპროცენტო განაკვეთების პირობებში სწორი ინვესტიციები დღეს ოთხმაგ დივიდენდებს მოიტანს ხვალ“.

პრაქტიკაზე კი ეს, აი, რას ნიშნავს: დასავლეთის ქვეყნები, რომლებსაც 150 წლის განმავლობაში ჰქონდთ შესაძლებლობა, დამტკბარიყვნენ მკვეთრი ტექნოლოგიური პროცესის შედეგებით, შეიძლება ნახშირწყალბადების მასიური გამოყენების წყალობით, კვლავ მდიდრებად დარჩნენ. დანარჩენი სამყარო კი გამუდმებული სიღატაკის მსხვერპლი იქნება „კლიმატის დაცვის“ ალმის ქვეშ, რაც არსებითად იაფი ელექტროენერგიის, ხელმისაწვდომი ბენზინის, ზამთარში ხელმისაწვდომი გათბობისა და ელექტროენერგიით უხარვეზოდ მომარაგების აკრძალვას ნიშნავს.

ერთადერთი სამუშაო ადგილები, რომლებსაც მწვანე ენერგეტიკა შექმნის — საერთაშორისო ჩინოვნიკების, ეკოაქტივისტების სამუშაო ადგილები იქნება.

„ნახშირწყალბადზე მაღალი ფასები“, რაზეც სსფ-ის შეფი საუბრობს, ეს სწორედ იმ „ნახშირწყალბადების ტარიფის“ წინამორბედია, რომლის შემოღებითაც პერიოდულად ემუქრება ევროკავშირი რუსეთს იმის სამაგიეროდ, რომ მას ჰყოფნის თავხედობა, ჰქონდეს საკუთარი იაფი გაზი და იაფი ნავთობი.

რუსეთის წინააღმდეგ ნახშირწყალბადების ტარიფის დაწესების შემთხვევაში რუსი ექსპორტიორები ათობით მილიარდ დოლარს დაკარგავენ წელიწადში, სამაგიეროდ გრეტა ტუნბერგის ფანატები და მწვანე ეკონომიკის მომხრეები ბედნიერები იქნებიან.

რედაქცია შესაძლოა არ ეთანხმებოდეს ავტორის მოსაზრებებს

99
თემები:
რუსეთი დღეს (708)
ამერიკული სამხდრო ხომალდი ბათუმის პორტში

მოსაზრება: ვის უმიზნებს იარაღს აშშ-ის სამხედრო ფლოტი

15
(განახლებულია 22:27 18.01.2021)
აშშ-ის სამხედრო–საზღვაო ძალების შტაბის მეთაურმა, ადმირალმა მაიკლ გილდეიმ უახლოესი ათწლეულის „სანავიგაციო გეგმა“ წარმოადგინა. დოკუმენტში მთავარი ისაა, რომ ამერიკული ფლოტი დომინანტი უნდა იყოს მსოფლიო ოკეანეში.

ნიკოლაი პროტოპოპოვი

გლობალური კონტროლის მიზანი — ეს ამერიკელების მშვიდი და მაძღარი ცხოვრებაა სამშობლოში. თუმცა ტექსტში მკაფიოდ იკვეთება სხვა ქვეყნების მიმართ ღია აგრესიაც.

მსოფლიო კონკურენტები

დოკუმენტის ავტორების თქმით, ამერიკული ფლოტი ჩართულია გრძელვადიან კონკურენციაში, რომელიც ამერიკელების უშიშროებასა და ცხოვრების სტილს საფრთხეს უქმნის. სამხედრო–საზღვაო ძალების სარდლობამ არ უნდა დაკარგოს არც ერთი წუთი, რათა ძალთა ბალანსი შეინარჩუნოს არა მარტო უახლოეს ათწლეულში, არამედ მთელი XXI საუკუნის განმავლობაში.

გლობალური სიმშვიდის „მთავარი დამრღვევები“ — ეს რუსეთი და ჩინეთია. ამერიკელი ადმირალების აზრით, სწორედ ეს ქვეყნები უთხრიან ძირს თავისუფლებას ზღვაზე, რასაც დიდი ხნის განმავლობაში მოჰქონდა სარგებელი მთელი მსოფლიოსთვის.

მოსკოვი და პეკინი ცდილობენ „უსამართლოდ გააკონტროლონ“ საზღვაო რესურსებზე წვდომა ტერიტორიული წყლების მიღმა, „აშინებენ მეზობლებს“ და „ძალით ახვევენ თავს მათ საკუთარ პრეტენზიებს“, ამასთან „შორი მოქმედების რაკეტების მიზანში ჰყავთ ამოღებული უმნიშვნელოვანესი საზღვაო გზები“.

ამერიკელებს კატეგორიულად არ მოსწონთ, რომ რუსეთი თანამედროვე სარაკეტო ხომალდებსა და წყალქვეშა ნავებს, ჰიპერბგერით რაკეტებსა და ტაქტიკურ ბირთვულ იარაღს ქმნის. პენტაგონში ირწმუნებიან, რომ რუსული ფლოტი მთელ მსოფლიოში აძლიერებს აქტივობას და თავის ძალებს სულ უფრო და უფრო ახლოს განათავსებს შეერთებული შტატების სანაპიროებთან. ამიტომაც „რუსეთი აუცილებლად საიმედოდ უნდა გაკონტროლდეს“.

შეშფოთებას იწვევს სწრაფად განვითარებადი ჩინური ფლოტიც, რომელიც, ამერიკელი ანალიტიკოსების აზრით, დღეისათვის უდიდესია მსოფლიოში. მათი თქმით, პეკინი ვაშინგტონისა და მისი მოკავშირეებისთვის ყველაზე გრძელვადიან და მწვავე საფრთხედ ყალიბდება.  

იმავდროულად აღინიშნება, რომ აშშ საზღვაო ზესახელმწიფოა და მისი უსაფრთხოება და კეთილდღეობა ზღვაზე უპირატესობის შენარჩუნებაზეა დამოკიდებული, რისთვისაც სამხედრო–საზღვაო ძლიერების „მსოფლიო ოკეანის თითოეულ კუთხეზე“ გავრცელებაა აუცილებელი. ამერიკელები განაგრძობენ ცურვასა და ფრენას ყველგან, სადაც ამის საშუალებას საერთაშორისო სამართალი იძლევა. ამასთან ისინი განათავსებენ ძალებს მსოფლიოს სხვადასხვა რეგიონებში, რათა კონკურენტების “გადაჭარბებული საზღვაო ამბიციები“ მოთოკონ და მათი საბრძოლო შესაძლებლობების ნიველირება მოახდინონ.

ფლოტის გაძლიერება

ბალისტიკური რაკეტებით აღჭურვილი ატომური წყალქვეშა ნავები „აშშ-ს ბირთვული თავდასხმებისგან იცავს“, ხოლო სპეციალური ოპერაციების ძალები „მზად არიან, პასუხი გასცენ ყველაზე ძლიერ მოწინააღმდეგეს“. ადმირალები ირწმუნებიან, რომ სამხედრო–საზღვაო ძალებს აქვთ უნარი, დესანტი ნებისმიერ სანაპიროზე გადასხან სახმელეთო ძალების მხარდასაჭერად.

მნიშვნელოვან როლს ზღვაზე დაპირისპირებაში უახლოეს წლებში აშშ ხელოვნურ ინტელექტს ანიჭებს. ასეთმა სისტემებმა უკვე დაადასტურა ეფექტურობა და უპირატესობა ბრძოლაში, ამიტომაც ფლოტში ის მასობრივად დაინერგება.

უპილოტო საზღვაო პლატფორმებიც „სასიცოცხლოდ მნიშვნელოვანია“. ეს დაზვერვაში უპირატესობას იძლევა და ზრდის ფლოტის საიერიშო შესაძლებლობებს. ათწლეულის ბოლოსთვის სამხედრო–საზღვაო ძალების პირად შემადგენლობას უნდა შეეძლოს თავდაჯერებით იმუშაოს რობოტიზებულ აპარატებთან.

აშშ-ის სამხედრო–საზღვაო ძალებში მიაჩნიათ, რომ ყველა მონიშნული გეგმის ხორცშესასხმელად ფლოტი უნდა გაძლიერდეს და გაფართოვდეს. საჭიროა მეტი ატომური წყალქვეშა ნავი და წყალზედა ხომალდი, რომლებსაც მაღალი საიერიშო შესაძლებლობები ექნებათ. ამასთან ახალი ხომალდები კომპაქტურები უნდა იყოს.

პენტაგონი კვლავინდებურად საზღვაო ძალების სიამაყედ მიიჩნევს ავიამზიდებს, რომლებიც ძალის დემონსტრირების უმთავრესი ინსტრუმენტია.

„ციფრი“ და ლაზერი

აშშ-ის სამხედრო–საზღვაო ძალების სარდლობა მიიჩნევს, რომ მარტო ტექნიკით ფონს გასვლა შეუძლებელია. აუცილებელია პირადი შემადგენლობის საგულდაგულოდ გაწვრთნა. ადმირალების აზრით, „მეზღვაურებს მხოლოდ საფრთხეზე სწრაფად რეაგირება კი არ უნდა ეხერხებოდეთ, არამედ ინსტიქტურადაც უნდა შეძლონ მოწინააღმდეგის მოქმედებების წინასწარ ამოცნობა ამა თუ იმ ქვეყნის მოქალქეთა მენტალიტეტის ღრმა ცოდნის საფუძველზე“.

მოსალოდნელი კონფლიქტების სცენარი სწავლებებზე დამუშავდება მთელ პლანეტაზე — უკიდურესი ჩრდილოეთიდან წყნარი ოკეანის დასავლეთ ნაწილამდე.

საინფორმაციო და ციფრული ტექნოლოგიები აშშ-ის სამხედრო–საზღვაო ძალების სტრატეგიაში ცენტრალურ ადგილს იკავებს. მათ გარეშე ახლა საბრძოლო მოქმედებების წარმოება შეუძლებელია. „ციფრი“ ყველაფერს წყვეტს – იძლევა საზღვაო და სახმელეთო ბრძოლის სწრაფად და ეფექტურად წარმოების შესაძლებლობას.

საზღვაო ძალებში მიაჩნიათ, რომ „აშშ-ის მოწინააღმდეგეების ფლოტის თავდაცვის გარღვევის იმედი რაკეტების კოლოსალური რაოდენობით“ აქვთ. ამიტომ პენტაგონი აღმოჩენის არაერთ სტაციონარულ და მობილურ სისტემას აამოქმედებს, სუბმარინებისა და საზღვაო დრონების რადარებს, გააძლიერებს ხომალდებისა და თვითმფრინავების თავდაცვით შესაძლებლობებს. ამასთან ახლო ბრძოლაში, ჩვეულებრივთან ერთად, ენერგეტიკული იარაღის გამოყენებაც იგეგმება.

15
Су-25

მოსაზრება: ევროკავშირის სანქციები ბელარუსში და სამხედრო თვითმფრინავების რემონტი

49
(განახლებულია 19:09 15.01.2021)
პირდაპირი მატერიალური სარგებელი ნატოს ზოგიერთ მოკავშირეს აიძულებს, უგულებელყოს ევროპული ფასეულობები.

ბულგარეთის სამხედრო–საჰაერო ძალები თებერვალში ბელარუსში მოდერნიზებულ ბოლო, მერვე მოიერიშე Су-25-ს მიიღებს. მიიღებს და მომსახურების საფასურს გადაუხდის ქვეყანას, რომელიც ევროკავშირის სამი ახალი სანქციის „წნეხის ქვეშაა“. ეს პარადოქსი ჭარბ ყურადღებას იმსახურებს.

ბულგარეთის სამხედრო-საჰაერო ძალების პირველი მოიერიშე Су-25-ის კაპიტალური რემონტი და მოდერნიზაცია ბელარუსის ბარანოვიჩის 558-ე ავიასარემონტო ქარხანაში 2020 წლის სექტემბერში დასრულდა – ქვეყანაში მასობრივი საპროტესტო აქციების ფონზე. თეორიულად, ის ერთადერთი უნდა ყოფილიყო. თუ ევროპელი პარტნიორები ბოლომდე პრინციპულები არიან თავიანთ სასანქციო პოლიტიკაში, მაშინ ნატოს ქვეყნებმა არ უნდა გადაიხადონ ბელარუსული საწარმოების მომსახურების საფასური.

მაგალითი შეიძლება იყოს ბალტიისპირეთის ზოგი ქვეყანა, რომლებიც „მეზობლის ჯიბრით“ თბომავლების სათადარიგო ნაწილების გარეშე დარჩნენ. მაგრამ ბულგარეთის მასმედიამ განაცხადა, რომ თებერვალში ქვეყნის სამხედრო-საჰაერო ძალები ბოლო ორ Су-25-ს მიიღებს ბარანოვიჩის ქარხნიდან. უფრო მეტიც, სოფიაში განზრახული აქვთ, ბელორუსიაში კიდევ ექვსი Су-25 გაარემონტონ. საიდან ესოდენი არაპრინციპულობა?

ბულგარეთის სამხედრო-საჰაერო ძალების სარდლობის გათვლებით, ბელარუსში კაპიტალური რემონტის შემდეგ „საბჭოთა“ მოიერიშეები 2028 წლამდე იქნება ექსპლუატაციაში, ანუ მომდევნო რემონტამდე ან ახალი „ნატოური“ გამანადგურებლის - F-16V Block70-ის შეძენამდე. მაგრამ ამ უკანასკნელის შემთხვევაში ყველაფერი კარგად ვერ არის.

მანამდე ბულგარეთის პრეზიდენტმა რუმენ რადევმა აკრძალა 1,256 მლრდ დოლარის ღირებულების კონტრაქტის განხორციელება რვა ერთეული F-16 Block 70/72-ის შესყიდვაზე – თითქოს შეთანხმებაში მკაფიოდ არ იყო გაწერილი სასერვისო გარანტიები.

ვფიქრობ, გამოცდილი სამხედრო მფრინავი და ქვეყნის სამხედრო-საჰაერო ძალების ყოფილი მთავარსარდალი უბრალოდ დაეჭვდა, ღირდა თუ არა 157 მლნ დოლარის გადახდა მეოთხე თაობის ერთ თვითმფრინავში მაშინ, როცა მეხუთე თაობის F-35 ზოგ მოკავშირეს ლამის ორჯერ იაფად მიჰყიდეს? თითქმის იმავდროულად შეერთებულმა შტატებმა ტაივანს (ნატოს არაწევრი ქვეყანა) მნიშვნელოვნად იაფად – 121 მლნ დოლარად დაუთმო ახალი გამანადგურებელი F-16 Block 70. ბულგარეთი მდიდარი ქვეყანა არ არის. აშკარაა, არსებულ მძიმე საფინანსო-ეკონომიკურ ვითარებაში ბულგარეთის სამხედრო-საჰაერო ძალების მოიერიშე Су-25-ებს კიდევ ბევრი წლის განმავლობაში მოუწევთ სამსახური. რაშიც ბელარუსი ახლა ძალიან ეხმარება ნატოს ბალკანელ პარტნიორს.

სასაცილო ფული – სერიოზული შედეგი

ბულგარეთის მთავრობამ ჯერ კიდევ 2018 წლის ნოემბერში მოიწონა რვა Су-25-ის მოდერნიზაცია 43 მლნ ევროდ, მაგრამ ბელარუსულ ავიაქარხანაში კიდევ დიდხანს ვერ დაიწყეს რემონტი ევროკავშირის „ძველი“ სანქციების გამო. თუმცა კაპრემონტი მაინც მოხერხდა. სანქციებისთვის გვერდის ასავლელად ბულგარეთის პარლამენტმა შესწორებები შეიტანა ეროვნულ კანონმდებლობაში. ფული უფრო მნიშვნელოვანია, ვიდრე ევროპული სოლიდარობის პრინციპები.

ბარანოვიჩის ავიასარემონტო ქარხანამ ბულგარეთიდან პირველი Су-25 2019 წლის 28 აგვისტოს მიიღო. ყველა სამუშაო ოპერატიულად და მაღალხარისხოვნად შესრულდა. სამი განახლებული მანქანა „ბეზმერის“ ავიაბაზაზე 2020 წლის ოქტომბერში, სამი კი დეკემბერში დაბრუნდა. 14 თვითმფრინავისგან შემდგარი პარტიის რემონტი 73,665 მლნ ევროს შეადგენს, ანუ ბევრად ნაკლებს, ვიდრე ერთი F-16 Block 70-ის ღირებულებაა. თანაც დახარჯული თანხა შთამბეჭდავ შედეგს უზრუნველყოფს.

ბულგარეთის შეიარაღებული ძალების გენერალური შტაბის მეთაური, ადმირალი ემილ ეფტიმოვი და სამხედრო-საჰაერო ძალების მთავარსარდალი, გენერალ-მაიორი დიმიტარ პეტროვი 2020 წლის ბოლოს პირადად გაეცნენ მოდერნიზებული Су-25-ების შესაძლებლობებს „ბეზმერის“ ავიაბაზაზე. და აღფრთოვანდნენ. ბელარუსულ საწარმოში სრულად განახლდა გამანადგურებლის სანავიგაციო სისტემა, გაფართოვდა სარაკეტო შეიარაღების გამოყენების შესაძლებლობები, გაიზარდა სახმელეთო სამიზნეების განადგურების სიზუსტე და მანძილი, კავშირის სისტემა. მოდერნიზებული Су-25-ის ბრძოლისუნარიანობა და ეფექტურობა მნიშვნელოვნად გაიზარდა. ავიაბაზის მეთაურ მილენ დიმიტროვს ბრიფინგზე შემთხვევით არ უთქვამს: „რემონტის შემდეგ Су-25 სულ სხვა გახდა – თანამედროვე და ახალ თვითმფრინავად იქცა“.

მაღალი რეპუტაცია და უმადურობა

ბულგარული მოიერიშეების მოდერნიზაციისთვის ბელარუსის 558-ე ავიასარემონტო ქარხანა შემთხვევით არ შერჩეულა – ის ფართოდაა ცნობილი მომსახურების ხარისხით. და ბელორუსმა სპეციალისტებმა კიდევ ერთხელ დაადასტურეს მაღალი რეპუტაცია.

ბელარუსის მიერ ყველა ვალდებულებისა და საერთაშორისო კანონმდებლობის კორექტულად შესრულების ფონზე ევროკავშირის ქვეყნების საგარეო საქმეთა მინისტრები შეთანხმდნენ, სანქციები დაეწესებინათ „ლუკაშენკოს რეჟიმის დამფინანსებელი“ კომპანიებისთვის. შეზღუდვები შეეხო ბელარუსის რამდენიმე თავდაცვით საწარმოსაც: МЗКТ-ს, 140-ე სარემონტო ქარხანას, ელექტრომექანიკურ ქარხანა „აგატს“, „ბელტექექსპორტს“.

ქვეყნის უდიდესი საწარმოები სახელმწიფოს საკუთრებაა, ამიტომ სანქციების ყველა პაკეტი სწორედ ბელარუსის წინააღმდეგაა მიმართული – როგორც ჰიბრიდული იარაღი ბრძოლის ველზე.

რედაქცია შესაძლოა არ ეთანხმებოდეს ავტორის მოსაზრებებს

49
4G  ქსელის ანძები

5G-ს გავლენა კორონავირუსის გავრცელებაზე: ქვეყნდება უახლესი კვლევა

0
(განახლებულია 12:54 19.01.2021)
5G ქსელებთან დაკავშირებიული ერთ-ერთი მოსაზრების თანახმად, ეს არის გამოსხივების წყარო, რომელიც ადამიანების იმუნურ სისტემას ასუსტებს და მოწყვლადს ხდის ინფექციური დაავადებების მიმართ

თბილისი, 19 იანვარი — Sputnik. კავშირი მეხუთე თაობის (5G) საკომუნიკაციო ქსელების განთავსებასა და კორონავირუსით ინფიცირებას შორის შეთხზულია და რეალობას არ შეესაბამება, წერს РИА Новости საერთაშორისო კონსალტინგური კომპანია Deloitte-ს კვლევაზე დაყრდნობით.

„თეორია, რომ თითქოს 5G ტექნოლოგია COVID-19-ის გადადებას უწყობს ხელს, უბრალოდ უგუნურებაა, რადგან ეს შეუძლებელია. COVID-19 არის ვირუსი, რომელიც ვრცელდება ჰაერ-წვეთოვანი გზით და გადადის ადამიანიდან ადამიანზე. ვირუსს არ შეუძლია გავრცელდეს რადიოტალღებით“, — ნათქვამია კვლევაში.

ანალიტიკოსები აღნიშნავენ, ასევე მცდარია 5G-სთან დაკავშირებული დეზინფორმაციის ის ვერსიაც, რომ თითქოს 5G არის გამოსხივების წყარო, რომელიც ასუსტებს ადამიანების იმუნურ სისტემას, რაც მათ მეტად მოწყვლადს ხდის ინფექციური დაავადებების მიმართ.

ამასთან კვლევის ავტორები პროგნოზირებენ, რომ COVID-19-ის შემთხვევებზე 5G-ის გავლენასთან დაკავშირებული ცრუ თეორიები 2021 წელში ისეთივე გავრცელებული იქნება, როგორც ეს 2020 წელს იყო.

აღსანიშნავია, რომ მანამდე აშშ-ის აერონავტიკის რადიოტექნიკური კომისიის (RTCA) სპეციალისტებმა გამოაქვეყნეს ანგარიში, რომლის თანახმადაც 5G ანძების მუშაობას გარკვეულ სიხშირეებზე შეუძლია ხარვეზები შეუქმნას ლაინერების სიმაღლის მზომ რადარებს, რასაც შეუძლია გავლენა მოახდინოს როგორც აშშ-ის, ისე მთელი მსოფლიოს ავიაციაზე და არაერთი ავიაკატასტროფა გამოიწვიოს მრავალრიცხოვანი მსხვერპლით.

0
თემები:
საერთაშორისო პანორამა