თავისუფლების სტატუა პირბადით

მოსაზრება: ამერიკას ვაქცინისთვის ფული არ ეყო

50
(განახლებულია 19:47 12.10.2020)
შეერთებულმა შტატებმა, კონტრდაზვერვისა და უსაფრთხოების ეროვნული ცენტრის (NCSC) დირექტორის უილიამ ევანინის სახით, უქმეებზე რუსეთი, ჩინეთი და ირანი დაადანაშაულა, რომ ისინი ცდილობენ ხელი შეუშალონ ამერიკას COVID-19-ის ვაქცინის მიღებაში.

ირინა ალქსნისი

ამერიკელი მზვერავის განცხადება დროში დაემთხვა დონალდ ტრამპის განცხადებას, რომელშიც მან აღიარა, რომ კორონავირუსის საწინააღმდეგო ვაქცინა აშშ-ში მხოლოდ საპრეზიდენტო არჩევნების შემდეგ გამოჩნდება. თუმცა ეს გარე კონკურენტების მზაკვრული ინტრიგებით კი არ ახსნა, არამედ შიდა პოლიტიკური უთანხმოებებით.

მიმაჩნია, რომ [ვაქცინა] არჩევნებამდე უნდა იყოს, მაგრამ ამაში პოლიტიკა ერევა... ის არჩევნების შემდეგ იქნება“, — თქვა პრეზიდენტმა.

კომპენსაციის სახით პრეზიდენტმა ამერიკელებს COVID-19-ის სამკურნალოდ ის პრეპარატები შესთავაზა, რომლებითაც თავად მკურნალობდა — თანაც უფასოდ. აშშ-ისა და მისი ჯანდაცვის სისტემისთვის, რომელიც განვითარებული მსოფლიოს საზომებით აბსურდულია და უამრავ მოქალაქეს არ მიუწვდება მასზე ხელი, ეს მართლაც მძლავრი ინიციატივაა.

მიუხედავად ამისა, ტრამპის ბოლო განცხადება ნამდვილად შეიძლება აღიქმებოდეს კომპენსაციის ფორმად, მათ შორის, PR-აზრითაც, ვინაიდან ვაქცინის გამოჩენა არჩევნებამდე ტრამპის წინასაარჩევნო კამპანიის მნიშვნელოვანი ნაწილი იყო.

თეთრმა სახლმა პრეპარატის შექმნაზე დაახლოებით 12 მლრდ დოლარი გამოყო, რომელიც შესაბამისი პროფილის სამამულო და უცხოურ ორგანიზაციებზე გადანაწილდა. მაგალითად, ამერიკულმა ბიოტექნოლოგიურმა კომპანია Novavax-მა 1,6 მლრდ დოლარი მიიღო.

თუმცა ამერიკის ადმინისტრაცია უმთავრეს იმედებს მაინც ბრიტანულ–შვედურ ფარმაკოლოგიურ კომპანია AstraZeneca-სა და ოქსფორდის უნივერსიტეტის ერთობლივ პროექტზე ამყარებდა. მათვე უკავშირდება ყველაზე დიდი იმედგაცრუებაც, ვინაიდან პრეპარატის უსაფრთხოების მიმართ სერიოზული კითხვები წამოიჭრა.

ვაქცინა „ეპივაკკორონა“
photo: press-service of Russian Federal Service for Surveillance on Consumer Rights Protection and Human Wellbeing (Rospotrebnadzor)

რუსეთისთვის მთელი ეს ამერიკული ფარმაცევტული პერიპეტიები პირველ რიგში საინტერესოა იმ ხარისხით, რა ხარისხითაც შეიძლება ის რუსეთს უკავშირდებოდეს. როგორც ცნობილია, აშშ, დიდი ბრიტანეთი და კანადა ჯერ კიდევ ზაფხულში სდებდნენ ბრალს მოსკოვს კიბერშეტევაში, რომლის მიზანიც ვაქცინის შესახებ ინფორმაციის მოპარვა იყო. ახლა კი, ევანინის გამოსვლით თუ ვიმსჯელებთ, კონცეფცია შეიცვალა და წინა პლანზე რუსული პრეს-სამსახურების საბოტაჟი გამოვიდა იქ მიმდინარე სამუშაოების წარმატებისთვის ხელის შესაშლელად.

და, საერთოდ, დიდი ალბათობით, არანაირი ვაქცინა რუსებს არც აქვთო, ესეც განაცხადა NCSC-ს დირექტორმა. ამერიკულ კონტრდაზვერვას, მისი უფროსობის ნერვული უჯრედების შენარჩუნების მიზნით, ალბათ, ჯობს არ შევატყობინოთ, რომ რუსეთი რამდენიმე დღეში ცენტრ „ვექტორის“ უკვე მეორე პრაპარატს დაარეგისტრირებს.

მაგრამ თუ მთელ ამ ისტორიას გლობალური თვალსაზრისით შევხედავთ, ის კიდევ უფრო ჭკუის სასწავლია, ვიდრე ვაშინგტონის ჩვევა, ნებისმიერი ჩავარდნა მოსკოვის ხრიკებს გადააბრალოს.

მსოფლიო სავაქცინო რბოლაში გამარჯვება მნიშვნელოვანი იყო ვაშინგტონისთვის არა მარტო როგორც დონალდ ტრამპის წინასაარჩევნო კამპანიის ნაწილი, არამედ როგორც შეერთებული შტატების ურყევი ჰეგემონიის სიმბოლო მსოფლიოში — მტკიცებულება იმისა, რომ ამერიკა ყველაზე განვითარებული, ყველაზე ტექნოლოგიური და მეცნიერულად დაწინაურებული ქვეყანაა პლანეტაზე.

ფინანასური ფაქტორი ტრადიციულად თამაშობდა მნიშვნელოვან როლს აშშ-ის, როგორც გლობალური ლიდერის სტატუსში. ხოლო პლანეტის მთავარი საბეჭდი დაზგის ფლობა დღემდე რჩება მათი გაბატონებული მდგომარეობის ქვაკუთხედად.

ზედმეტად უხვი დაფინანსება, რომელიც ვაშინგტონმა ვაქცინის შექმნისთვის გამოუყო კომპანიებს მთელ მსოფლიოში, ორჯერ, სამჯერ და ათჯერ მეტიც შეიძლებოდა ყოფილიყო. ბოლოს და ბოლოს, ამერიკელებს შეუძლიათ თავს ამის უფლება მისცენ.

ერთი მხრივ, ეს შთამბეჭდავია, მეორე მხრივ — ხაზს უსვამს წარუმატებლობის მასშტაბებს. იმიტომ რომ ვერც 50 და ვერც 100 მილიარდი დოლარი ამ შემთხვევაში ვერაფერს შეცვლიდა: ზოგი ამოცანა უბრალოდ არ ექვემდებარება გადაჭრას ფულის საშუალებით.

ბოლო წლებში აშშ რეგულარულად ამჩნევს, რომ ღალატობთ ჩვეული ინსტრუმენტები, რომლებიც მათ მსოფლიო დომინირებას უზრუნველყოფენ. კონტროლიდან გამოდიან საგარეო პოლიტიკური უმცროსი პარტნიორები და საერთაშორისო ორგანიზაციები, რომლებსაც ამერიკელები საკუთარ „ვოტჩინებად“ მიიჩნევენ. ეფექტურობას კარგავს „უხერხულებთან“ მუშაობის დახვეწილი ტექნოლოგიები — ამის მაგალითია ფერადი რევოლუციები.

და, აი, ახლა ეს მორიგი სიგნალია, რომ არ ვთქვათ, ნაბათი, შემხსენებელი იმისა, რომ არც დოლარია ყოვლისშემძლე.

რედაქცია შესაძლოა არ ეთანხმებოდეს ავტორის მოსაზრებებს

50
ლონდონი, ტაუერის ხიდი

მოსაზრება: ლონდონში დაადასტურეს, რომ რუსეთის წინააღმდეგ ბინძური ომი მიმდინარეობს

2
(განახლებულია 17:19 29.10.2020)
დიდი ბრიტანეთი  ღიად გამოტყდა, რომ საინფორმაციო და კიბერომს აწარმოებს რუსეთის წინააღმდეგ.  ეს ფაქტი თავისთავად არავისთვის ყოფილა სენსაცია, ვინაიდან ამაზე ილუზია არც არავის ჰქონია

ვლადიმირ კორნილოვი

მაგრამ ლორდ მარკ სედვილის აღიარება მაღალჩინოსანი მოღვაწის ბაგეთაგან გაჟღერებული პირველი საჯარო მტკიცებულებაა იმისა, რომ ოფიციალური ლონდონი დივერსიას აწყობს რუსეთის წინააღმდეგ.

ამასთან სედვილი ნამდვილად არის შესაბამისი ოპერაციების საქმის კურსში, ვინაიდან ჯერ კიდევ ცოტა ხნის წინ პრემიერ–მინისტრის მრჩეველი იყო ეროვნულიუსაფრთხოების საკითხებში და იმავდროულად უაითჰოლის ყველა ბიუროკრატიულ აპარატსაც ხელმძღვანელობდა. გარდა ამისა, გაზეთმა The Times–მა არცთუ უსაფუძვლოდ ივარაუდა, რომ გარდა ოფიციალური დიპლომატიური კარიერისა, სედვილი ასევე იყო МI-6–ის ოფიცერი.

მაინც რა აღიარა ექს–ჩინოსანმა, რომელიც მიმდინარე წლის ბოლომდე ლორდთა პალატაში ადგილის დასაკავებლად ემზადება? მან თქვა, რომ ბრიტანეთი რუსეთს დარტყმებს აყენებს კიბერსივრცეში.

„ის ფაქტი, რომ თქვენ ვერ ხედავთ, როგორც ვიყენებთ ჩვენ ამას, არ ნიშნავს იმას, რომ ჩვენ არ ვაკეთებთ ამას“, — გულახდილად განაცხადა სედვილმა. გარდა ამისა, მან ასევე აღნიშნა, რომ „ბრიტანეთმა საიდუმლო შეტევების სერია ჩაატარა რუსეთის ლიდერებისა და მათი ინტერესების წინააღმდეგ“, და დაამატა, რომ ლონდონი რუსი ოლიგარქების ქონებასა და ანგარიშებზე ნადირობს.

ამ უკანასკნელისთვის რუსეთი მადლობასაც კი იტყვის. ვლადიმირ პუტინმა არაერთხელ გააფრთხილა რუსი ბიზნესმენები მოვლენების ამგვარად განვითარების შესახებ და მოუწოდა მათ, „შეინახონ კაპიტალი იქ, სადაც არის კიდეც ნაშოვნი“. ასე რომ მსგავსი განცხადებები და მოქმედებები დასავლური სპაცსამსახურების მხრიდან მხოლოდ უბიძგებს რუსულ ბიზნესს, დაუჯერონ ტავიანთი პრეზიდენტის მოწოდებას.

აი კიბერშეტევებსა და რუსეთის მიმართ ძირგამომთხრელს კამპანიებს რაც შეეხება, ლორდმა სედვილმა აშკარად იეშმაკა, როდესაც განაცხადა, რომ ლონდონმა ეს საქმიანობა მხოლოდ მას შემდეგ დაიწყო, რაც სოლსბერიში სკრიპალები მოწამლეს — „საპასუხი დარტყმის მისაყენებლად“. აბა რა, ყველამ ეგრევე დაიჯერა, რომ მანამდე МI-6 რუსეთისკენ არც კი იხედებოდა.

შეგახსენებთ, რომ სკრიპალებმა თავი შეუძლოდ 2018 წლის 4 მარტს იგრძნეს, როლო ბრიტანული სპეცსამსახურების ბინძური საქმიანობა ამ მოვლენებამდე კარგა ხნით ადრე არაერთხელ დაფიქსირდა რუსეთში. ბრიტანული კომპანია Strategic Communications Laboratory–ს (SCL Group) საქმიანობის გახსენებაც საკმარისია, რომელიც ფსიქოლოგიურ და საინფორმაციო ომზე სპეციალიზდებოდა. ის არასდროს მალავდა, რომ სადეზინფორმაციო კამპანიებში ბრიტანეთის, აშშ–სა და ნატოს სამხედრო და სადაზვერვო სტრუქტურების მენარდის როლს ასრულებდა. თანაც ამით 1990–იანი წლებიდან იყო დაკავებული.

SCL–ის მუშაობის ბინძურ მეთოდებს 2018 წლის მარტშივე აეხადა ფარდა მისი შვილობილი სტრუქტურის, Cambridge Analytica–ს გარშემო ატეხილი სკანდალისას. ისიც იმიტომ, რომ დასავლური ისტებლიშმენტი ფირმას აშშ–ის საარჩევნო კამპანიაში დონალდ ტრამპის მხარეზე საქმიანობის გამო აუმხედრდა. თორემ აქამდეც არავინ დააკარებდა თითს.

მაშინ ამ სტრუქტურის წარმომადგენლებმა (რეალურად ისინი ჩანერგილი ჟურნალისტები იყვნენ) გაამხილეს, რომ სოციალურ ქსელებში ფეიკ–აკაუნტების შექმნაზე, ინტერნეტით დეზინფორმაციის გავრცელებაზე, აუდიტორიის ტარგეტირებაზე  სპეციალიზდებოდნენ. ანუ გამოტყდნენ, რომ დიდი ხანია, საინფორმაციო ომით იყვნენ დაკავებულები.

ჯერ კიდევ 2015 წელს ნატომ SCL „რუსული მიმართულებით“ სამუშაოდ დაიქირავა. თავის პორტფოლიოში კომპანია არ მალავდა, რომ კიევში „ნარინჯისფერი რევოლუციის“ უზრუნველსაყოფად იყო დაქირავებული 2004 წელს.

და ეს ყველაფერი სოლსბერის ინციდენტამდე ხდებოდა. ხოლო ლორდმა სედვილმა, რომელიც უსაფრთხოების საკითხებში მრჩევლის პოსტზე მუშაობდა, თქმა არ უნდა, რომ ეს ყველაფერი იცის. უბრალოდ მიამიტურად ვარაუდობს, რომ ჯენტლმენებს ჯერ ისევ სიტყვაზე ენდობიან.

ყველას მშვენივრად ესმის, რომ ჩვენს დროში კიბერიარაღი და კიბერთვალთვალი ყველგან გამოიყენება. ტანაც არა მარტო მოწინააღმდეგეების, არამედ მოკავშირეების მიმართაც. ჯერ მარტო ანგელა მერკელის მრავალწლიანი სატელეფონო მოსმენები რად ღირს, რასაც ამერიკული სპეცსამსახურები ახორციელებდნენ. სასაცილოა ვივარაუდოთ, რომ ისინი სკრიპალებამდე არც კი ცდილობდნენ რუსეთის თვალთვალს.

ზოგი დასავლური სპეცსამსახური თავს იწონებს კიდეც იმით, როგორ „უსმენენ რუსებს“. ასე მაგალითად, ჰოლანდიური მედია სიხარულით ყვება, რომ იქაურმა სპეცსამსახურმა AIVD–მა 2014 წლის ზაფხულში, რუსეთის სახელმწიფო დაწესებულებების „გატეხვის“ რუტინული ოპერაციების ფარგლებში“, მოსკოვის რომელიღაც უნივერსიტეტის ქსელში შეაღწიეს და გამუდმებით უთვალთვალებდნენ მას, რისი წყალობითაც თითქოს ჰაკერული ქსელი Cozy Bear–ი გაშიფრეს.

ახლა კი ბრიტანელი ლორდები ცდილობენ დაგვარწმუნონ, რომ მათი მცდელობა, შეეღწიათ კრემლის შიდა ქსელში (რაზეც წერს კიდეც The Times–ი სედვილის ინტერვიუს კომენტირებისას) — ეს მხოლოდ სოლსბერიში სკრიპალების მოწამვლაზე პასუხი იყო.

ახლად გამომცხვარი ლორდი ტრაბახობს, რომ სწორედ ამ პასუხის ფარ გლებში ლონდონმა „გაანადგურა მთელი რუსული სადაზვერვო ქსელი გაერთიანებულ სამეფოებში“. საინტერესოა, საიდან მოდის ასეთი „სამოწინავეო“ სენსაციები ბრიტანულ პრესაში იმის შესახებ, რომ „პუტინის შპიონები დედოფლისთვის თვალთვალს ცდილობენ?“

თუ გაზეთ The Sunday Express–ს დავუჯერებთ, რუსეთის სახელმწიფო სადაზვერვო სამმართველოს (ГРУ) ჰაკერები ცდილობდნენ ინფორმაცია მიეღოთ ელიზაბეტ II–ის საიდუმლო ლაბორატორიაში ვიზიტზე. დასანანია, რომ გაზეთმა არ განმარტა, რაში სჭირდებოდათ „პუტინის შპიონებს“ (რომელთა ქსელიც ბრიტანეთში უკვე თითქოს გაანადგურეს) 94 წლის დედოფლის გრაფიკის ცოდნა, ან რა შეიძლებოდა შეეტყოთ იქიდან?

ის ხომ არა, როგორი კაბა ეცვა ლაბორატორიაში ყოფნისას? იქნებ სერიოზულად იმედოვნებდნენ, რომ უკვდავების ელექსირის რეცეპტს მიაგნებდნენ იმ ლაბორატორიაში? მაგრამ ასეთ კითხვებს ბრიტანული პრესა არ სვამს, როდესაც საქმე რუსეთის წინააღმდეგ უსაფუძვლო ბრალდებებს ეხება.

რა თქმა უნდა, ყველას მშვენივრად მოეხსენებოდა, რომ დასავლური სპეცსამსახურები უკვე დიდი ხანია ეწევიან ბინძურ ომს უსეთის წინააღმდეგ — დეზინფორმაციის, კიბერშეტევის, შპიონაჟისა და ღია დივერსიების გამოყენებით. ისიც ესმოდათ, რომ ბრიტანელები ამ ომში დიდ როლს ასრულებდნენ. მაგრამ ამ კამპანიის მონაწილეები აქამდე გამუდმებით უარყოფდნენ ამ ფაქტს და ირწმუნებოდნენ, რომ რუსეთის ბრალდებები მათ წინააღმდეგ პარანოით იყო გამოწვეული, რომელიც „პუტინის რელიგიაა რუსეთში“. მადლობა ლორდ სედვილს გადაჭარბებული გულახდილობისთვის. ახლა მოსკოვმა იცის, ვისაც უნდა დაეყრდნოს, როცა საქმე მორიგ ანტირუსულ პროვოკაციაზე მიდგება. რუსეთს შეეძლება ივარაუდოს, ვინ დგას მორიგი ფეიკისა და მორიგი „იდუმალი  მოწამვლის“ უკან.

რედაქცია შესაძლოა არ ეთანხმებოდეს ავტორის მოსაზრებებს!

2
თემები:
რუსეთი დღეს
ქალი პროდუქტებით ქუჩაში

რატომ ვაჭრობს საქართველო ნაკლებს და გაძვირდება თუ არა პური

45
(განახლებულია 14:38 29.10.2020)
ეკონომისტების შეფასებით, საგარეო ვაჭრობის შემცირების ძირითადი მიზეზი ახალი კორონავირუსის პანდემია და ის ეკონომიკური პრობლემებია, რაც ამ ვირუსის გავრცელებამ შექმნა როგორც საქართველოში, ასევე მის ძირითად სავაჭრო პარტნიორებთან მსოფლიოში.

ნატა პატარაია

საქართველოს სტატისტიკის ეროვნული სამსახურის „საქსტატის“ მონაცემებით, 2020 წლის დასაწყისიდან საგარეო სავაჭრო ბრუნვა, გასული წლის იანვარი–სექტემბერთან შედარებით, 14,9%-ით შემცირდა და 8,1 მილიარდ დოლარზე მეტი შეადგინა. 9 თვეში ექსპორტზე 2,4 მლრდ დოლარზე მეტი ღირებულების ქართული პროდუქცია გავიდა, რაც 12,1%-ით ნაკლებია გასული წლის ანალოგიურ პერიოდთან შედარებით. ხოლო იმპორტმა 5,7 მლრდ დოლარზე მეტი შეადგინა, რაც გასული წლის იანვარი–სექტემბრის პერიოდთან შედარებით 15,9%-ით ნაკლებია.

ქვეყანაში იმპორტის შემცირება მოთხოვნის კლებამ გამოიწვია, რაც, თავის მხრივ, მოსახლეობის მსყიდველობითი უნარის შემცირებით არის განპირობებული, აღნიშნა ეკონომისტმა ნიკა შენგელიამ „Sputnik-საქართველოსთან“ საუბრისას.

„კორონავირუსის პანდემიის გამო დაწესებული შეზღუდვების შედეგად დაზარალდა როგორც ბიზნესი, ასევე მოსახლეობა, გაიზარდა უმუშევრობა, თვითდასაქმებული მოსახლეობის დიდ ნაწილს შეუმცირდა შემოსავალი, რასაც დაემატა ეროვნული ვალუტის გაუფასურებაც, გაძვირდა პირველადი მოხმარების პროდუქტი. ყოველივე ამან ნეგატიურად იმოქმედა მოსახლეობის მსყიდველობითუნარიანობაზე და, შესაბამისად, შეამცირა ბაზარზე მოთხოვნაც“, – აღნიშნა ნიკა შენგელიამ.
ნიკა შენგელია
ნიკა შენგელია

ეკონომიკის ექსპერტი ფიქრობს, რომ იმპორტის მოცულობის შემცირებამ საშუალოვადიან პერსპექტივაში შეიძლება ბაზარზე გარკვეული პროდუქტების დეფიციტიც კი გამოიწვიოს, თუმცა მხოლოდ რამდენიმე კვირით.

რაც შეეხება გაძვირებული დოლარით შეძენილი იმპორტირებული პროდუქციის ღირებულებას, ეკონომისტის აზრით, გარკვეულ ჯგუფებზე ფასების ზრდა კიდევ არის მოსალოდნელი.

„თებერვლიდან ველოდებით ფასების მატებას პურზე, ხორცზე და რძის პროდუქტებზე, რადგან ხორბალზე, სიმინდზე და სოიოზე სასაქონლო ბირჟებზე ფასი რეკორდულად მატულობს“ – განაცხადა ნიკა შენგელიამ.

რაც შეეხება ექსპორტისგან მიღებულ ნაკლებ შემოსავალს, ეკონომისტი მიიჩნევს, რომ ქვეყანაში 9 თვეში შემოსული ნაკლები დოლარი ლარის კურსზე მოცემულ შემთხვევაში ზეგავლენას ვერ მოახდენს.  

„მოკლევადიან პერიოდში ეროვნულ ვალუტაზე იმოქმედებს პოლიტიკური სტაბილურობის ფაქტორი, ანუ დიდი მნიშვნელობა აქვს – არჩევნების ჩატარების შემდეგ როგორი ვითარება იქნება საქართველოში“, – აღნიშნა ნიკა შენგელიამ.

მისი თქმით, შექმნილ ვითარებაში სახელმწიფომ „კორონა ეკონომიკის“ პირობებში ეკონომიკის რეცესიიდან გამოსაყვანად უნდა შეიმუშაოს განვითარების სტრატეგია და მიჰყვეს მას. 

„მხოლოდ ტურისტული სექტორზე ფიქრი შედეგებს ვერ მოიტანს. ეკონომიკის თითქმის ყველა სექტორს უნდა მიექცეს ყურადღება. ვინაიდან ჯერჯერობით ქართული ეკონომიკის გრძელვადიანი განვითარების სტრატეგია არ არის წარმოდგენილი, მანამდე მცირე და საშუალო მეწარმეობის დასახმარებლად შემოშავებული პროექტები უნდა განხორციელდეს“, – განაცხადა შენგელიამ.

ეკონომისტ რატი აბულაძის აზრით კი, საგარეო ვაჭრობა მთელ მსოფლიოში შემცირდა და შეიძლება ითქვას, რომ ბევრ ქვეყანაში ეს ტენდენცია უფრო მასშტაბურიცაა, ვიდრე საქართველოში.

რატი აბულაძე
რატი აბულაძე

„სამწუხაროდ, საერთაშორისო ვაჭრობის ნეგატიურ მაჩვენებელს ქმნის შესუსტებული ეკონომიკური აქტივობა, დასუსტებული ბიზნესი, შემცირებული შემოსავლები, დაკლებული სარგებელი და გაზრდილი უმუშევრობა“, – აღნიშნა რატი აბულაძემ „Sputnik–საქართველოსთან“ საუბრისას.

მისი თქმით, მეწარმეები, რომლებიც აწვდიდნენ პროდუქციას გლობალურ ბაზრებს, ეპიდემიის გამო შეეჯახნენ ბაზრებთან წვდომის პრობლემებს, მოთხოვნის სტრუქტურის ცვლილებას, მიწოდების ქსელში წარმოქმნილ შეფერხებებს,  სასაზღვრო და სავაჭრო შეზღუდვებს. დასაქმებულ პირთა ვირუსით ინფიცირების მასშტაბურობის გამო საფრთხის წინაშე დადგა ხელშეკრულებით გათვალისწინებული მოთხოვნების შესრულება და დაგეგმილ ვადებში მუშაობაც.

„უნდა აღინიშნოს, რომ რეგიონული კონფლიქტების, პოლიტიკური კონფრონტაციების, პანდემიისა და ჯანდაცვის სექტორში არსებული გამოწვევების ფონზე ბიზნესი, კონკურენცია და ბაზრის მოცვა სულ უფრო რთული გახდა“, – აღნიშნა რატი აბულაძემ.

მისი აზრით, შექმნილ ვითარებაში საქართველო პირველ რიგში უნდა გაუფრთხილდეს უმსხვილესი სავაჭრო პარტნიორ ქვეყნებთან არსებულ ურთიერთობებს. საქართველოს საგარეო სავაჭრო აქტივობის აღდგენა კი დამოკიდებულია ხელისუფლების მხრიდან ბიზნესის ხელშეწყობაზე, ახალ სავაჭრო სქემებზე, აქტიურ ბიზნეს-პოლიტიკაზე და აგრესიული საგარეო ეკონომიკური პოლიტიკის გატარებაზე.

სტატისტიკის ეროვნული სამსახურის ცნობით, საქართველოს ყველაზე დიდი სავაჭრო პარტნიორები 2020 წლის დასაწყისიდან არიან თურქეთი, რუსეთი და ჩინეთი — ამ ქვეყნებთან სავაჭრო ბრუნვამ იანვარი–სექტემბრის პერიოდში 2,5 მილიარდ დოლარს გადააჭარბა, რაც მთლიანი სავაჭრო ბრუნვის 36%-ია.

საქართველოს სავაჭრო პარტნიორების ათეულში ასევე შედიან: აზერბაიჯანი, სომხეთი, უკრაინა, აშშ, გერმანია, ბულგარეთი, იტალია.

 

45