დონალდ ტრამპი პლაკატზე

მოსაზრება: კრემლის მზაკვრული გეგმა ეს ტრამპის გადარჩენაა

107
(განახლებულია 20:05 03.09.2020)
აშშ-ში არეულობაზე პასუხს აგებს დონალდ ტრამპი და... რუსეთი. დიახ, მალე სწორედ ასე იქნება — გადასინჯა რა აშშ-ის პრეზიდენტთან ბრძოლის ყველა მეთოდი, იმისათვის, რომ ის ხელახლა არ აირჩიონ პრეზიდენტად, „ვაშინგტონური ჭაობი“ საწყისს დაუბრუნდა: ყველაფერში რუსები არიან დამნაშავე.

პიოტრ აკოპოვი

ისინი დაეხმარნენ დონალდ ტრამპს 2016-ში და ეხმარებიან ახლაც — თანაც ამჯერად ფსონი შიშისა და სიძულვილის გაღვივებაზე დადეს არა სოციალურ ქსელებში, არამედ ამერიკის ქალაქების ქუჩებში. გასაკვირი არ არის: „პოგრომი“ ხომ რუსული სიტყვაა! მაგრამ ეს როგორ? ჯერ კიდევ ცოტა ხნის წინ ხომ ამერიკული მასმედია ირწმუნებოდა, რომ პროტესტები ძირითად მშვიდობიანი და სწორია, ანუ მიმართულია რასიზმისა და პოლიციური ძალადობის წინააღმდეგ, რომლის განსახიერებაც არის დონალდ ტრამპი. და სახალხო მრისხანება ძალიან დაეხმარება ამომრჩევლების მობილიზებას, რომლებიც სულმოუთქმელად ელოდებიან ნოემბერს, რათა ბაიდენს მისცენ ხმა და გააძევონ არამზადა და რუსების მოყვანილი კაცი თეთრი სახლიდან. ახლა კი რა გამოდის — რომ სწორ პროტესტებს არასწორი რუსები აღვივებენ?

გამოდის, რომ ასეა — და მიუხედავად იმისა, რომ ჯო ბაიდენი ამას ჯერჯერობით არ აცხადებს, კონგრესის გამოჩენილი დემოკრატები უკვე იწყებენ ამაზე საუბარს. მაგალითად, ადამ შიფი, წარმომადგენელთა პალატის დაზვერვის კომიტეტის თავი, ტრამპის „რუსული კავშირების“ მთავარი გამომძიებელი და იმპიჩმენტის მცდელობის ერთ-ერთი ორგანიზატორი. აი, რა უთხრა მან CNN-ს ამ დღეებში:

„ — რუსებმა Black Lives Matter-ის ექსპლუატაცია ოთხი წლის წინ მოახდინეს, ისინი ქსელში საკუთარ პროვოკაციულ ინსცენირებებს აქვეყნებდნენ, რათა ხალხში რასობრივი ნიშნით განხეთქილება შეეტანათ. და ჩვენ უნდა...

— და ახლა რას აკეთებენ ისინი?

— ისინი ისევ ყველაფერს აკეთებენ, რაც მათ ძალებშია – სოციალურ ქსელებში, თავიანთ მედიასაშუალებებში და არა მარტო, რათა ეს განხეთქილება გაზარდონ“.

ანუ რუსებს განხეთქილება შეაქვთ ამრიკაში არა მარტო თავისი მედიით, არამედ ამერიკულ სოცქსელებშიც და „არა მარტო“ — ანუ ამერიკის ქალაქების ქუჩებშიც? ამ ბოდვისთვის პასუხგაუცემლობა არაფრით არ შეეძლო ამერიკული მედიასაშუალებების მთავარ ტრამპისტს, Fox News-ის ტელეწამყვან ტაკერ კარლსონს:

„თქვენ ფეიკური ახალი ამბებით გკვებავდნენ მტრული სახელმწიფოს აგენტები, რომელიც, ყველაფერთან ერთად, ფარულად აკონტროლებს „ფეისბუქს“! ყველაფერი მართალია, ქალბატონებო და ბატონებო, რუსეთმა მოაწყო ფსევდოარეულობები და დაადანაშაულა ბაიდენი! ეს მთვარეზე გადასვლის ამბავს ჰგავს, ოღონდ უფრო მზაკვრულია. <...> „ეს რუსული ინსცენირებაა! სერიოზულად? მინდა ვიფიქრო, რომ 2020 წლის ზაფხულის ბოლოს ადამიანები ამაზე გაიცინებენ. ეს თავისებურად სახალისოა. მეორე მხრივ კი, გამოჩენილი დემოკრატების უზარმაზარმა რაოდენობამ Twitter–ზე დაიჯერა ეს პირველად, ასე რომ, ამჯერადაც, ვინ იცის, იქნებ ისევ დაიჯერონ.

მაგრამ ადამ შიფს სათანადოდ უნდა მივუზღათ: ის თანმიმდევრული მაინცაა. თუმცა აშკარაა, რომ ის სრულიად შეშლილია და უკიდურესად ესაჭიროება სტაციონარული მკურნალობა. ეს ადამიანი ცუდადაა. მაგრამ ის მხოლოდ ერთი კაცია ამ დიდ პარტიაში. რას იტყვით დემოკრატიული პარტიის ყველა დანარჩენ ხელმძღვანელზე? ისინი შეშლილები არ არიან, სულაც არა. ისინი უბრალოდ მატყუარები ბრძანდებიან“.

დემოკრატების ლიდერების სიცრუით ვერავის გააკვირვებ, მაგრამ ახლა ისინი წარმოაჩენენ მათთვისაც კი უნიკალურ უნარს, ჰაერში შეაბრუნონ ფირფიტა. ისინი სულ ახლახან უარყოფდნენ ძარცვა-გლეჯისა და ნგრევის ფაქტს და პროტესტების სამართიანობაზე საუბრობდნენ, ახლა კი იძულებული არიან აღიარონ მასობრივი არეულობა და ძალადობა. ტრამპი მიმდინარე მოვლენებს საშინაო ტერორიზმს უწოდებს, ხოლო დემოკრატები რუსეთზე მიანიშნებენ. ხომ გასაგებია: კარგი ადამიანები საპროტესტოდ გამოვიდნენ, მაგრამ მათ ცუდი „პოგრომშჩიკები“ შეერივნენ, რომლებიც „რუსული პროპაგანდის“ მსხვერპლი არიან. და ეს ყველაფერი მუშაობს არა ტრამპის დამარცხებაზე, არამედ მის გამარჯვებაზე. აი, ასეთია პუტინის ეშმაკური გეგმა.

სიგიჟეა? არა, უბრალოდ სასოწარკვეთაა. საქმე ისაა, რომ ჯერ კიდევ ამ გაზაფხულის დასაწყისში იყო გასაგები, რომ ტრამპი არჩევნებში ტრიუმფალური გამარჯვებისკენ მიდიოდა — ვერც იმპიჩმენტის მცდელობამ და ვერც მისდამი სიძულვილის გაღვივებამ (რითიც ლამის ყველა ამერიკული მედიასაშუალება იყო დაკავებული მისი გაპრეზიდენტების დღიდან) ვერანაირი შედეგი ვერ მოიტანა (გარდა მოსალოდნელის საპირისპირო შედეგისა). მაგრამ მალე აშშ-მდე კორონავირუსმა მიაღწია, დაიწყო ეკონომიკის ვარდნა, ხოლო ზაფხულში — „რასობრივი“ მღელვარება, და დემოკრატებმა გადაწყვიტეს, რომ ახლა კი გამოუვიდოდათ ტრამპის მიხრჩობა.

მაგრამ ვერც ეკონომიკურმა პრობლემებმა, ვერც მასობრივმა არეულობებმა ვერ მოცელეს პრეზიდენტი, პირიქით, რაც უფრო დიდხანს გრძელდება „პოგრომები“, მით უფრო ბევრ ქულას იწერს ტრამპი. ის იმეორებს, რომ ამერიკას სჭირდება „კანონი და წესრიგი“, და ამას სულ უფრო მეტი ამერიკელი ეთანხმება. წესით, დემოკრატებს (სწორედ მათ მიერ კონტროლირებად შტატებსა და ქალაქებში ხდება არეულობების ძირითადი ნაწილი) უკვე დიდი ხნის წინ თავად უნდა დაეწყოთ წესრიგის დამყარება საკუთარ ტერიტორიებზე, რათა ტრამპის რეიტინგზე მუშაობა შეეწყვიტათ, მაგრამ ამის გაკეთების საშუალენას მათ წინასაარჩევნო რბოლა არ აძლევს. ტრამპი ხომ მაშინვე იტყვის – ხომ გეუბნებოდით, რომ ბუნტის დასრულება აუცილებელია–მეთქი, როგორც იქნა, დამიჯერეთო. ანუ დემოკრატებს სრული ცუგცვანგი აქვთ: რაც უნდა გააკეთონ ამის შემდეგ — მხარს დაუჭერენ პროტესტებს თუ აღიარებენ მათ ძალადობრივ ხასიათს — მათი მდგომარეობა მხოლოდ გაუარესდება.

ყველაფრიდან ჩანს, რომ არჩეულია „პოგრომების“ ფრთხილი აღიარების ტაქტიკა, თუმცა ამასთან ერთად გადაწყვეტილია, რომ ყველაფერი ტრამპსა და რუსეთს დააბრალონ. ორი ერთში, ანუ „რუსი ტრამპი“.

„ჩვენ ვნახთ შეტყობინება იმის თაობაზე, რომ რუსულმა ძალებმა სირიაში ამერიკელ ჯარისკაცებს შეუტიეს და დააშავეს ისინი. ერთი სიტყვა მაინც თუ გაიგონეთ ტრამპისგან? თითი მაინც თუ გაანძრია? მანამდე აშშ-ის არც ერთ პრეზიდენტს არ უთამაშია ესოდენ მორჩილი როლი რუსეთის ლიდერების წინაშე. ეს არა მარტო საშიში, არამედ დამამაცირებელიცაა“, — ასე ამბობს ჯო ბაიდენი.

და იქვე ტრამპის რუსებზე დამოკიდებულების მაგალითად აბსოლუტურად ცრუ ისტორია მოჰყავს, რომ „რუსები თალიბებს ფულს უხდიან ამერიკელი ჯარისკაცების დახოცვაში“.

აი ბაიდენის შტაბის ამ დროისათვის ბოლო განცხადება:

„პრეზიდენტ ტრამპს იმედი აქვს, რომ ვლადიმირ პუტინი კიდევ ერთხელ დაუჭერს მის კანდიდატურას მხარს და დაეხმარება მის მიერ ჩადენილი საშინელი შეცდომების დამალვაში, რათა სწორედ ის აღმოჩნდეს ჩვენი ქვეყნის სათავეში. და მას არ უნდა, რომ ამერიკელმა ხალხმა იცოდეს, თუ რა ნაბიჯებს დგამს ვლადიმირ პუტინი ტრამპის დასახმარებლად, რათა ის ხელახლა გახდეს პრეზიდენტი, და რაოდენ მნიშვნელოვანია პუტინისთვის ჩარევა — დონალდ ტრამპის საგარეო პოლიტიკა ხომ საჩუქარია კრემლისთვის“.

ეს ამერიკელების დამამცირებელი გამაოგნებელი განცხადება იყო რეაქცია აშშ-ის ეროვნული დაზვერვის დირექტორის ჯონ რეტკლიფის გადაწყვეტილებაზე, შეწყდეს წარმომადგენელთა პალატის დაზვერვის კომიტეტის წევრებისთვის ზეპირი ბრიფინგების მოწყობა, რომლებიც საპრეზიდენტო არჩევნებზე უსაფრთხოების უზრუნველყოფას ეხება. ახლა მათ ინფორმაციას მხოლოდ წერილობით მიაწვდიან. რაღა თქმა უნდა, იმისთვის, რომ დაიმალოს ტრამპისთვის პუტინის მიერ დახმარების გაწევა — როგორც ამას ბაიდენი ირწმუნება. მაგრამ, რეტკლიფის თქმით, მიზეზი რეალურად ძალიან მარტივია: საიდუმლო ინფორმაციის გჟონვა, თანაც მისი ხასიათის დამამახინჯებელი გაჟონვა:

ერთ-ერთი ასეთი ბრიფინგის დასრულებიდან რამდენიმე წუთში კონგრესის მთელი რიგი წევრები სხვადასხვა მედიასაშუალებების წინაშე წარდგნენ და საიდუმლო ინფორმაცია გაამჟღავნეს პოლიტიკური მიზნებით, <...> რათა შეექმნათ ცრუ სურათი იმისა, თითქოს რუსეთი უფრო მეტ საშიშროებას უქადის ეროვნულ უსაფრთხოებას, ვიდრე ჩინეთი. <...> არ მინდა რუსეთის დაკნინება – ის მართლაც წარმოადგენს სერიოზულ საფრთხეს ჩვენი ეროვნული უსაფრთხოებისთვის, მაგრამ ჩინეთის მხრიდან მომავალი საშიშროება არსებითად ბევრად სერიოზულია. სხვაგვარად – მოლაპარაკეები უბრალოდ ცდილობენ დაზვერვის პოლიტიზირებას საკუთარი მიზნებით“.

რაზე ილაპარაკა რეტკლიფმა? იმაზე, რომ ადამ შიფის მსგავსი დემოკრატები მასმედიას მარტო იმ ინფორმაციას აწვდიან, რომელიც რუსეთს შეეხება, ჩინეთის შესახებ ინფორმაციას კი იგნორირებას უწევენ. აქ მნიშვნელოვანია არა ის, თუ რამდენად შეიძლება ენდო ამერიკული დაზვერვის მონაცემებს საპრეზიდენტო არჩევნებში ჩარევის შესახებ, ბევრად მეტად საინტერესოა ის, რომ სპეცსამსახურებიც კი ღიად საუბრობენ კონგრესმენების მცდელობაზე — მათი მონაცემებით მანიპულაციების გზით ებრძოლონ ტრამპს.

მეორე მხრივ, ეს, რა თქმა უნდა, დიდი პროგრესია: 2016 წელს თავად ობამას ადმინისტრაცია აიძულებდა სპეცსამსახურებს, შეეთითხნათ „მტკიცებულებები“ პრეზიდენტობის კანდიდატ დონალდ ტრამპის „რუსული კავშირების“ თაობაზე, ეწარმოებინათ თვალთვალი. ახლა კი სახელმწიფოს საბრძოლო მოქმედებების წარმოება მარტო კონგრესისა და მედიასაშუალებების დახმარებით უწევს. მაგრამ კრეატივის დონეზე ამ ცვლილებამ მცირე გავლენა თუ მოახდინა — ისევ ყველაფერში პუტინია დამნაშავე...

მოკლედ, საშინელებაა იმის წარმოდგენა, კიდევ რისი ჩადენა შეუძლიათ ამ რუსებს არჩევნებამდე დარჩენილ ორ თვეში: არ არსებობს ისეთი ნაძირლობა, რომელზეც ისინი არ წავლენ, რათა ტრამპს ხელახლა გაპრეზიდენტებაში დაეხმარონ.

გამორიცხული არ არის, ტრამპზე თავდასხმაც კი მოაწყონ, რათა მერე ამაში დემოკრატები და ბაიდენი დაადანაშაულონ. ან ეგრევე ბაიდენი მოკლან, რათა თავიანთი რჩეული ტრამპი გარანტირებულად დარჩეს თეთრ სახლში. მაგრამ არაფერიც არ გამოუვათ: ყველამ იცის, რომ რუსებს აქვთ საშინელი საწამლავი „ნოვიჩოკი“, რომელიც კი არ კლავს, მარტო კვალს ტოვებს, რომელიც პირდაპირ კრემლში მიდის. ისეთივე მკვეთრ კვალს, როგორსაც ამერიკულ არჩევნებში ტოვებს.

რედაქცია შესაძლოა არ ეთანხმებოდეს ავტორის მოსაზრებებს

107
მილგამყვანი „ფორტუნა“

მოსაზრება: „ჩრდილოეთის ნაკადი-2“ გერმანიისა და აშშ-ის ურთიერთობების ბედს გადაწყვეტს

43
(განახლებულია 21:01 20.01.2021)
საინაუგურაციოდ ჯო ბაიდენმა უსიამოვნო საჩუქარი მიიღო აშშ-ის საკვანძო პარტნიორ გერმანიისგან. ეს პრობლემების საგულდაგულოდ შეფუთული და ბაფთით შეკრული კვინტესენციაა, რომელთანაც ახალ ადმინისტრაციას ექნება საქმე.

ირინა ალქსნისი

შეერთებულმა შტატებმა სანქციები დააწესა რუსული მილგამყვანი ხომალდის, „ფორტუნას“ წინააღმდეგ, რომელიც „ჩრდილოეთის ნაკადი-2-ის“ მშენებლობაში მონაწილეობს. ამასთან, როგორც გერმანული მედია წერს, ბერლინში ამერიკის საელჩომ გერმანიის ხელისუფლებას აცნობა, რომ ახალი შეზღუდვების დაწესება იგეგმება.

გერმანიის ხელისუფლებამ ამაზე პასუხად განაცხადა, რომ „ეს სინანულით მიიღეს მხედველობაში“, ანუ შეშფოთება ფორმალურადაც კი არ გამოითქვა.

მომხდარი სხვა სიმპტომატური ინციდენტის ორგანულ გაგრძელებად იქცა, რომელიც რამდენიმე დღით ადრე მოხდა.

აშშ-ის სახელმწიფო მდივნის ყოფილმა მოადგილემ და ჯო ბაიდენის საგარეო პოლიტიკის მრჩეველმა არჩევნებში ნიკოლას ბერნსმა წამოაყენა იდეა, ერთდროულად გაიყინოს ამერიკის სანქციები გაზსადენის წინააღმდეგ და ასევე შეჩერდეს მისი მშენებლობა, რათა ახალ ადმინისტრაციას, მიეცეს შესაძლებლობა „კონფიდენციალურად და გონივრულად დაელაპარაკოს გერმანიის მთავრობასა და სხვა მონაწილე ქვეყნებს“.

აშკარაა, რომ ბერნსი საკუთარი ინიციატივით კი არ მოქმედებდა, არა,მედ ვაშინგტონის წინადადებას ახმოვანებდა.

მაგრამ გერმანელებმა უბრალოდ უგულებელყვეს ეს წინადადება. ბუნდესტაგის ენერგეტიკის საკითხთა კომიტეტის ხელმძღვანელმა კლაუს ერნსტმა „სრულიად უადგილო“ უწოდა შტატებთან გერმანიის ენერგეტიკულ პოლიტიკაზე მსჯელობა.

მან ხაზი გაუსვა, რომ „ჩრდილოეთის ნაკადი-2-ის“ მშენებლობა ღრმად ევროპული საქმეა, აქვს ყველა აუცილებელი ნებართვა და ამიტომ სწრაფად უნდა დასრულდეს“.

ბოლო ათწლეულის ამერიკული საგარეო პოლიტიკა, რომელშიც ჩავარდნად იქცა დონალდ ტრამპის პრეზიდენტობა და რომლის აღორძინებასაც გეგმავენ დემოკრატები, უფრო ხშირად ხასიათდება როგორც გლობალისტური. ის მოიცავს ორ საკვანძო და ერთნაირად მნიშვნელოვან ელემენტს — პროცედურულ-ინსტიტუციონალურსა და იდეოლოგიურს.
იდეოლოგიაზე პასუხს აგებს ყველაზე ლიბერალურ-მოწინავე იდეათა მოცულობითი კომპლექსი — დაწყებული ლგბტ პროგრესით, დასრულებული ეკოლოგიური მოსაზრებით ხორცის ჭამაზე უარის თქმით. ამასთან ადეპტების რადიკალიზმი სულ უფრო ხისტი ხდება.

ინსტიტუციონალური ნაწილი ასევე კარგად არის ცნობილი საზოგადოებისთვის და ზეეროვნულ ორანიზაციათა, დოკუმენტებისა და პროცედურების სისტემას წარმოადგენს. პოპულარულია მოსაზრება (და არცთუ უსაფუძვლო), რომ ამ სახით აშშ მრავალი წლის განმავლობაში განამტკიცებდა დომინირებას მსოფლიოსთვის მისთვის ხელსაყრელი წესების თავს მოსახვევად და გლობალური ლიდერობის სამუდამოდ დასაფიქსირებლად.

ის, რომ რაღაც ისე არ წავიდა, გასაგები ძალიან გვიან გახდა. სულ უფრო მეტმა ქვეყანამ ისწავლა თამაში და მოგება მათდამი უსამართლო სისტემაში. რუსეთი და მის მიერ მსოფლიო სავაჭრო ორგანიზაციის წესების თავის სასარგებლოდ გამოყენება უფრო თვალსაჩინო მაგალითია, ვიდრე გამონაკლისი. ამას ამტკიცებდა კიდეც ტრამპი მთელი ოთხი წლის განმავლობაში, უყოყმანოდ გამოჰყავდა რა შტატები მრავალრიცხოვანი საერთაშორისო შეთანხმებებიდან და ორგანიზაციებიდან: რეალურად ისინი არც ისე ხელსაყრელია ამერიკისთვის, როგორც მიჩვეულები არიან ფიქრს.

ძნელი არ არის მიხვედრა, რომ აშშ-ის მცირერიცხოვან პრივილეგირებულ პარტნიორებს, რომელთაგან ერთ-ერთი გერმანიაა, მით უმეტეს აქვთ განსაკუთრებული ბონუსები, და როგორც უკვე აშკარა გახდა, ამით კარგად სარგებლობა ეხერხებათ.
სწორედ ამიტომ იყო ბერლინისთვის ასე უხერხული ტრამპი, რომელიც სიმართლეს პირდაპირ ამბობდა, პირდაპირ ჩეხავდა და ანგრევდა გერმანიის მიერ აწყობილ სქემას საკუთარი სუვერენიტეტის თანდათანობით, უხმაუროდ აღდგენისა და ამერიკის თავის ინტერესებში გამოყენების შესახებ.

სწორედ ამიტომ გერმანიის ხელისუფლებამ პირდაპირ ეიფორიით აღიქვა ბაიდენი, როგორც აშშ-ის ახალი პრეზიდენტი: ეს გერმანიისთვის ბევრად კომფორტული ურთიერთობების ფორმატის დაბრუნებას მოასწავებს — რა დროსაც პროპაგანდისტული რიტორიკა და აუჩქარებელი კულუარულ-ლობისტური პოლიტიკური პროცესი სრულად ემთხვევა ერთმანეთს, და ამ ხმაურში წარმატებით შეიძლება გერმანიისთვის ხელსაყრელი დღის წესრიგის წამოწევა.

სწორედ ასე ხდება „ჩრდილოეთის ნაკადი-2-ის“ შემთხვევაში. ბოლო თვეებში არაერთი ნაბიჯი გადაიდგა ოკეანისგაღმური სანქციების ზეწოლისგან „ჩრდილოეთის ნაკადი-2-ის“ მაქსიმალურად დასაცავად. შეიცვალა ხომალდ „ფორტუნას“ მფლობელი. მეკლენბურგ-წინა პომერანიის მიწის პარლამენტმა შექმნა ფონდი, რომელმაც ხელი უნდა შეუწყოს პროექტის ოპერაციულ საქმიანობას.

ყველაზე საინტერესო ისაა, რომ ამ სტრუქტურის დახმარებით გერმანიის ხელისუფლება ერთდროულად ორი კურდღლის მოკვლას ცდილობს: თავად მშენებლობის მხარდაჭერის გარდა, ისინი მის საინფორმაციო-იდეოლოგიურ მხარდაჭერას უზრუნველყოფენ, რამდენადაც ახალ ორგანიზაციას „მეკლენბურგ-წინა პომერანიის კლიმატისა და გარემოს დაცვის ფონდი ეწოდება“, ხოლო ოფიციალურ მიზნად „გერმანიის კლიმატური მიზნების მიღწევაა“ დასახელებული. ამგვარად ეკოლოგიური დღის წესრიგი „ჩაჭერილია“, ვინაიდან სწორედ „მწვანეებს“ იყენებენ ყველაზე აქტიურად „ჩრდილოეთის ნაკადი-2-ის“ ტორპედირებისთვის ქვეყნის შიგნით.

ჯო ბაიდენის გუნდი მეტად რთულ ვითარებაში აღმოჩნდა. მათ არ შეუძლიათ ხმამაღალი სკანდალი მოუწყონ სტრატეგიულ პარტნიორს და რადიკალური ზომები გაატარონ მის წინაარმდეგ, როგორც ამას ტრამპი გააკეთებდა. ეს უბრალოდ ეწინააღმდეგება დასავლური ერთიანობის აღდგენის იმ პროექტს, რომლითაც დემოკრატები ხელისუფლებაში მოვიდნენ. მით უმეტეს, რომ ბერლინი ვაშინგტონს ერთგულ ქვეშევრდომულ აღმაფრენასა და უღრმეს იდეოლოგიურ მოკავშირეობას უმტკიცებს, რაც კიდევ ერთხელ წარმოაჩინეს თავიანთი სინქრონული აღშფოთებით რუსეთში ალექსეი ნავალნის დაკავების გამო.

ჩვეული მეთოდები კი კულუარული „მეჟდუსაბოიჩიკებისა“ და ზეწოლის თანდათანობით გაძლიერების გზით, თვეების განმავლობაში გაწელვით იმუქრება: გერმანელები მეტად გაწაფულები არიან საერთაშორისო-ბიუროკრატიული გაწიე-გამოწიესა და ბიუროკრატიის მოწყობაში. იმ დროისათვის „ჩრდილოეთის ნაკადი-2“ უბრალოდ ბოლომდე აშენდება და ამერიკელებს მუშტების ქნევა დაუგვიანდებათ.

ჯო ბაიდენის პრეზიდენტობის პირველივე დღეებიდან ახალი ადმინისტრაცია იძულებული აღმოჩნდება, არჩევანი გააკეთოს კატეგორიულად მიუღებელ ტრამპიზმსა და იდეოლოგიურად სწორ, მაგრამ კატეგორიულად არაეფექტურ ლიბერალურ გლობალიზმს შორის.

სხვათა შორის, გერმანიას თავისი სირთულეები აქვს. გუშინ „გაზპრომმა“ გააფრთხილა გაზსადენისთვის რისკებზე პოლიტიკური ზეწოლის გამო, რასაც შეიძლება პროექტის შეჩერება ან მისი გაუქმებაც კი მოჰყვეს. ეს გაფრთხილებაა უპირველესად ბერლინისთვის, რომელმაც, დამოუკიდებლობისა და გეოპოლიტიკური გაძლიერებისკენ სწრაფვაში, კარგ იდეად მიიჩნია ანტირუსული კარტის გათამაშება ნავალნის მოწამვლის სახით, და კიდევ ერთხელ დაივიწყა, რა მტკივნეული პასუხის გაცემა იცის რუსეთმა მსგავსისთვის.

რედაქცია შესაძლოა არ ეთანხმებოდეს ავტორის მოსაზრებებს!

43
ამერიკელი სამხედრო Patriot-ის ფონზე

მოსაზრება: რისთვის სჭირდება პენტაგონს კომპაქტური ბირთვული რეაქტორები

12
(განახლებულია 18:56 19.01.2021)
ამერიკელებმა ატომური ენერგეტიკის სამხედრო მიმართულებით განვითარება გადაწყვიტეს. მოქმედმა პრეზიდენტმა ტრამპმა ხელი მოაწერა ბრძანებულებას შეიარაღებული ძალებისა და კოსმოსური კვლევებისთვის მცირე სიმძლავრის ბირთვული რეაქტორების შექმნის შესახებ.

ანდრეი კოცი

პირველად 50 წლის განმავლობაში აშშ ატომურ ენერგიას სამხედრო–საზღვაო ძალებს მიღმაც გამოიყენებს. რაში სჭირდება ვაშინგტონს ახალი კომპაქტური რეაქტორები?

სარეზერვო წყარო

აშშ-ის შეიარაღებულ ძალებში ატომური რეაქტორებით წყალქვეშა ნავები და ავიამზიდებია აღჭურვილი. ამის წყალობით ამერიკული ფლოტის ყველაზე დიდ ვიმპელებს ზღვაში განუსაზღვრელი ვადით შეუძლიათ ყოფნა.

სამხედრო–საზღვაო ძალებში ბირთვულ ენერგიას სხვა ქვეყნებიც იყენებენ. მაგალითად, ფრანგებს ჰყავთ ატომური ავიამზიდი „შარლს დე გოლი“, რუსეთს — მძიმე სარაკეტო კრეისერი „პეტრე დიდი“. მაგრამ ამერიკაში ატომმავლები ბევრად მეტია. და ამერიკელები არ აპირებენ მიღწეულზე გაჩერებას.

„პრეზიდენტ ტრამპის ბრძანებით, თავდაცვის სამინისტრო შეიმუშავებს და განახორციელებს ქვეყანაში სამხედრო ობიექტებზე ენერგეტიკული მოქნილობისა და ეფექტურობის დემონსტრაციის გეგმას მცირე სიმძლავრის ატომური რეაქტორების თვალსაზრისით. ასევე ჩაატარებს მცირე სიმძლავრის მობილური რეაქტორის გამოცდას. ენერგიის მსგავსი წყაროები შეუცვლელია როგორც თავდაცვის სფეროში, ისე შორეული კოსმოსის კვლევის საკითხებში, სადაც მზის ენერგიის გამოყენება შეუძლებელია“, — იუწყება თეთრი სახლის პრეს-სამსახური.

კონკრეტულად რისთვის სჭირდებათ კომპაქტური ბირთვული რეაქტორები, ქვეყნის ხელისუფლება არ აკონკრეტებს. პორტალ defensenews.com-ის ექსპერტებს მიაჩნიათ, რომ საუბარია არმიის ბაზებზე ენერგიის კვების სარეზერვო წყაროებზე. თუ სამხედრო ობიექტზე ელექტრობა გაითიშება, რეაქტორი ენერგიით უზრუნველყოფს კრიტიკულად მნიშვნელოვან აღჭურვილობას.

ბრძანებულების ტექსტის თანახმად, პირველი პროტოტიპის გამოცდა ნახევარი წლის განმავლობაში უნდა მოხერხდეს — სპეციალისტთა ვარაუდით, ნევადის პოლიგონზე, რომელიც ერთ-ერთი ყველაზე დიდია აშშ-ში.

კოსმოსის დაპყრობა

არაკომერციული ორგანიზაცია Secure World Foundation-ის კოსმოსური უსაფრთხოების ექსპერტის ბრაიან უიდენის თქმით, ბირთვული ენერგიის გარეშე შორეული ფრენების განხორციელება შეუძლებელია, მათ შორის, პილოტირებული ფრენებისა მთვარის, მარსისა თუ სხვა პლანეტების მიმართულებით. პერსპექტივაში რეაქტორები საჭირო გახდება პირველი არამიწიერი კოლონიებისთვისაც. ზოგ სპეციალისტს მიაჩნია, რომ ახალი ტექნოლოგიები შეიძლება ამოქმედდეს იარაღის ორბიტულ პლატფორმებზეც. პრინციპში, ეს სცენარი სრულად შეესაბამება აშშ-ის კოსმოსური ჯარების საკმაოდ აგრესიულ დოქტრინას, რომელიც კოსმოსს ბრძოლის პოტენციურ ველად განიხილავს.  

„ჩემი ვარაუდით, ამერიკელებს ეს, პირველ რიგში, კოსმოსური მიზნებისთვის სჭირდებათ, — მიაჩნია სამხედრო ექსპერტ ვიქტორ მურახოვსკის. — ჩვენში სიტყვათშეთანხმება „ატომური რეაქტორი“ სხვადასხვა რამეს მოიაზრებს. პირველი — ეს არის მოწყობილობა, რომელიც ურანის დაყოფის ჯაჭვური რეაქციის საფუძველზე მუშაობს. რუსეთში მსგავსი დანადგარები უკვე შექმნილია „ბურევესტნიკისა“ და „პოსეიდონისთვის“. მეორე — ეს ენერგიის იზოტოპური ბირთვული წყაროებია, რომლებიც გამოიყენება თანამგზავრებზე, რადიოტივტივებსა და მეტეოსადგურებზე. ისინი მეტად არაეფექტურია, თუმცა არ ახლავს ძლიერი ბგერითი ფონი“.

ექსპერტის თქმით, 1950-60-იან წლებში როგორც აშშ, ისე სსრკ ცდილობდნენ კომპაქტური ბირთვული რეაქტორის შექმნას თვითმფრინავებისთვის, მაგრამ ამ პროექტებზე საბოლოოდ უარი ითქვა — ყველაზე დიდ თვითმფრინავსაც კი არ შეეძლო ეკიპაჟის ბიოლოგიური დაცვის სისტემის ზიდვა. ამიტომაც რეაქტორების გამოყენება მხოლოდ დიდი საზღვაო ხომალდებით შემოიფარგლა.

მურახოვსკის თქმით, აქამდე ვერც ერთმა ქვეყანამ ვერ შეძლო, შეექმნა კომპაქტური რეაქტორი დაყოფის რეაქციაზე, რომლის გამოყენებაც პილოტირებად თვითმფრინავებში, მცირე წყალწყვის გემებსა და სახმელეთო სატრანსპორტო საშუალებებში იქნებოდა შესაძლებელი. იმავდროულად ექსპერტს ეჭვი ეპარება, რომ ამერიკელებს რუსული „ბურევესტნიკისა“ და „პოსეიდონის“ გამეორება სურდეთ.

„ეს სისტემები საკმაოდ სპეციფიკურია. ისინი ბირთვული ომის შემთხვევაში ნებისმიერ პირობებში გარანტირებული საპასუხო დარტყმის მიყენებისა და დასავლური რაკეტსაწინააღმდეგო სისტემების ნიველირების მიზნით შეიქმნა. ამერიკელებს უამისოდაც საკმარისად აქვთ მათი მიზნებისთვის შესაფერისი იარაღი“, — ამბობს ექსპერტი.

რადიაციის პრობლემა

ბირთვული ძალისმიერი დანადგარი თავის დროზე საკონტინენტთაშორისო სტრატეგიული ბომბდამშენების Convair B-36-სთვის შეიქმნა, რომლებიც აშშ-ის შეიარაღებაში 1949–1959 წლებში იყო. მფრინავი ლაბორატორია NB-36H-ის ცხვირის ნაწილში 12-ტონიანი დამცავი კაფსულა დააყენეს, ხოლო ერთი მეგავატის სიმძლავრის, 1,2 მ დიამეტრისა და 16 ტონა წონის რეაქტორი — საბომბე ნაკვეთურში. რეაქტორი ფრენის დროს უნდა ამუშავებულიყო და ატმოსფერული ჰაერით გაგრილებულიყო. ექსპერიმენტულმა თვითმფრინავმა 47 გაფრენა შეასრულა, მაგრამ ბირთვულ ძრავს მხოლოდ მცირე დროით რთავდნენ.

თუმცა იდეა საკმაოდ მიმზიდველად გამოიყურებოდა. ასეთი საფრენი აპარატი შეიძლებოდა სტრატეგიულ ბომბდამშენად ან მზვერავად ყოფილიყო გამოყენებული, რომელსაც ჰაერში რამდენიმე დღე-ღამის განმავლობაში გაჩერების უნარი ექნებოდა საწვავის მარაგის შევსების გარეშე. მაგრამ იყო ძალიან ბევრი პრობლემა.

პირველ რიგში კი ის, რომ ნებისმიერი ატომმფრენი არსით „ბინძური ბომბია“, რომელიც შეიძლება საკუთარ ტერიტორიაზევე ჩამოვარდეს; მეორე — ექსპერიმენტული ბორტი ჰაერში რადიოაქტიური ნივთიერებების „შლეიფს“ ტოვებდა; მესამე — ეკიპაჟი ძლიერ დასხივებას იღებდა. საკონტინენტთაშორისო ბალისტიკური რაკეტების განვითარებამ საბოლოოდ მოუსპო ატომმფრენებს ყველა პერსპექტივა.

აშშ-ში ბირთვული რეაქტორის სახმელეთო ტექნიკაზე დაყენებაც სცადეს. 25-ტონიანი ტანკი Chrysler TV-8 არასდროს წარმოებულა მასობრივად — ის მხოლოდ სრული მასშტაბის მაკეტის სახით არსებობდა, რომელიც საშტატო სისტემების მხოლოდ ნაწილით იყო აღჭურვილი. მანქანა მოძრაობაში ორთქლის ძრავას უნდა მოეყვანა, რომლისთვისაც ორთქლს მცირე ზომის ატომური რეაქტორი გამოიმუშავებდა. მაგრამ ამერიკელმა სამხედროებმა კორპორაცია Chrysler-ის მეიარაღეთა ინოვაციური განწყობა ვერ დააფასეს. ტანკი ზედმეტად რთულად შეფასდა, ხოლო მისი საბრძოლო შესაძლებლობები არასაკმარისად ცნეს იმისთვის, რომ ტრადიციულ მანქანებზე უარი ეთქვათ. და 1956 წლის 23 აპრილს პროექტი TV-8 დაიხურა.

რედაქცია შესაძლოა არ ეთანხმებოდეს ავტორის მოსაზრებებს

12
პლიტვიცეს ჩანჩქერი

მერწყული რთული, ორიგინალური, თავისუფლებისმოყვარე ზოგადი დახასიათება

0
(განახლებულია 10:42 20.01.2021)
მერწყული ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლებიც მუდამ ახალი შეგრძნებების ძიებაშია არიან

მერწყულის ნიშნით იბადებიან 21 იანვარი – 19 თებერვლის პერიოდში.

ზოდიაქოს ხუთი ყველაზე კაშკაშა ნიშანი, რომელთა შეყვარება ძალიან ადვილია>>

მერწყული (Aquarius) – ჰაერის სტიქიის ნიშანია, რომელსაც ერთდროულად ორი პლანეტა – ურანი და სატურნი მართავს. ის ზოდიაქოს თანავარსკვლავედის ერთ–ერთი ყველაზე რთული და წინააღმდეგობებით აღსავსე ნიშანია, რომლის წარმომადგენლები მუდამ ახალი შეგრძნებების ძიებაშია არიან. თავად მერწყულის ნიშანშია ჩადებული შინაგანი კონფლიქტი – ისინი მუდმივად ისწრაფვიან თავისუფლებისკენ, ახალი გამოცდილების, ახალი ინფორმაციის მიღებისკენ. ამ ნიშნის წარმომადგენლები იდეური ადამიანები არიან, რომლებიც თავისი იდეალიზმის პრიზმაში ატარებენ ამორალურ საქციელსაც, ან ყველაზე წარმოუდგენელი სექსუალური გამოცდილების ფორმებსაც კი. სხვათა შორის, სწორედ ამ ნიშის წარმომადგენლები ადვილად მეგობრობენ ყოფილ საყვარლებთან, რადგან სექსს ურთიერთობების ბუნებრივად ბაზად მიიჩნევენ.

მერწყულები, ერთი შეხედვით, კეთილი, რბილი და მერყევი ადამიანები ჩანან. ისინი ყოველთვის მზად არიან დახმარებისთვის, დიდად აფასებენ მეგობრობას და ძალიან უყვართ ყოფის, ადამიანის არსებობის საიდუმლოებების შესწავლა – მათი ნატურის ფილოსოფიური შემადგენელი სამყაროზე მათ არასტანდარტულ შეხედულებას განსაზღვრავს. მერწყულები, გამოხატავენ რა სიძულვილს მატერიალური ფასეულობების, პათოსისა და ფუფუნების მიმართ, გულის სიღრმეში ძალზე დამოკიდებული არიან კონფორტსა და ფულზე, თუმცა, მათი ძირითადი იდეოლოგია ეხება ადამიანთა თანასწორობისა და დემოკრატიის იდეას, როგორც უმაღლეს ფასეულობას.

მერწყულები ყოველთვის ორიგინალობისკენ ისწრაფვიან, რომელიც, პირდაპირი მნიშვნელობით, ყველაფერში გამოიხატება – აზროვნების სტილიდან დაწყებული, ცხოვრების სტილამდე დამთავრებული. მათ თავიანთი მიღწევების სახალხოდ ჩვენება არ უყვართ, თუმცა ძალიან უყვართ, როცა მათი ინდივიდუალობა ღირსეულად ფასდება. ამ ნიშნის წარმომადგენლების მთავარი სულიერი პრობლემაა მთელი ინფორმაციის „შესრუტვა“ და ამის აღქმა, როგორც უმაღლესი ფასეულობისა, მაგრამ ამ ინფორმაციას ყოველთვის არა აქვს სათანადო და ღირსეული გამოყენება. ხშირად, ეზოთერულისა და ირაციონალურისადმი მიდრეკილებას მერწყულები მიჰყავს ისეთ პროფესიებთან, როგორიცაა ფოკუსების ოსტატი და მსახიობი. ამას გარდა, ისინი ძალიან კარგად შეიგრძნობენ ხელოვნებას და ხასიათის რომანტიკული წყობით გამოირჩევიან.

ზოდიაქოს ამ სამი ნიშნით ყველაზე ცოტა ადამიანი იბადება>>

მერწყულების სუსტი მხარეებია: ინფანტილიზმი, ჩანაფიქრის ბოლომდე მიყვანის უუნარობა, ნებისმიერი სოციალური ზღუდისა და ჩარჩოს უარყოფის სურვილი, სასოწარკვეთილების დროს და მაშინ, როდესაც ვერ უგებენ, დემონსტრირება იმისა, რომ ისინი უარყოფილნი არიან და სხვებს არ ჰგვანან.

მერწყული მამაკაცი

მამაკაცი მერწყულები ზეპასუხისმგებლიანი ადამიანები არიან, ამავდროლად, არასტანდარტული აზროვნებით გამოირჩევიან. მათ უყვართ გარისკვა, ექსპერიმენტები, გამოირჩევიან იუმორის ორიგინალური გრძნობით.

ურთიერთობებში მერწყული ზედაპირული ჩანს, თუმცა ხანდახან მისი ექსტრავაგანტულობა და რევოლუციონერობა არ გამორიცხავს წყნარი ნავსაყუდელისკენ სწრაფვას. ლამაზი ქალის დაპყრობის ფაქტი ხანდახან მისთვის ფიზიკურ ტკბობაზე მნიშვნელოვანია.

მერწყული მამაკაცი სამუშაოს თავდადებით ეკიდება, სანამ ის მისი თავისუფლების შეზღუდვას არ იწყებს – მერწყული თავს თავდაჯერებულად და კომფორტულად გრძნობს, როდესაც თავს არ ახვევენ პირობითობებსა და სტანდარტულ სქემებს.

ზოდიაქოს ყველაზე გულწრფელი ნიშნები>>

მერწყული ქალი

ქალი მერწყულები უშუალო, კომუნიკაბელური არიან, შეუძლიათ შთაბეჭდილების მოხდენა და სიმყუდროვის ატმოსფეროს შექმნა. კარგად ეხერხებათ მრავაფეროვნების შეტანა ინტიმურ ცხოვრებაში, ძნელია მათი შოკირება უხამსი წინადადებებით ან გამოუვალ სიტუაციაში ჩაყენება – მერწყული ქალები, არიან რა ყოველდღიურობაში მშვიდი და ყურადღებიანი, ძალზე კრეატიულნი არიან ეროტიკული თვალსაზრისით.

ქალი მერწყულები იცვამენ ორიგინალურად და ექსტრავაგანტულად და მოდას ძალზე მწვავედ შეგრძნობენ – ეს მათი ერთ–ერთი ძლიერი მხარეა. მათ უყვართ ხმაურიანი კომპანიები, ყურადღება, განსაკუთრებული ადგილები მოცალეობის ჟამს და იმ ადამიანების გარემოცვაში ყოფნა, ვისთანაც დროს მხიარულად და საინტერესოდ გაატარებენ.

სიყვარულში მერწყული ქალი მთლიანად იხარჯება, თავგანწირვით ხატავს იდეალისტურ სურათს. ამავდროულად, ძალზე მომთხოვნია და გულწრფელობასა და ერთგულებას მოითხოვს. ის ძალზე გულნატკენი რჩება საყვარელი მამაკაცის უყურადღებით მაშინ, როცა თვითონ, თუნდაც ყურებამდე იყოს შეყვარებული, ინტრიგაზე უარს არ ამბობს. მერწყულ ქალებს ბრუტალური, უხეში მამაკაცები არ იზიდავს, ჩვეულებრივ, მათთვის მნიშნელოვანია სულიერი კავშირი საყვარელ ადამიანთან.

2021 წლის ჰოროსკოპი: მერწყული – ფინანსები, სიყვარული, ჯანმრთელობა>>

მერწყულის შეთავსება სხვა ნიშნებთან

მერწყულისთვის საუკეთესო იქნება კავშირი კირჩხიბთან, ტყუპთან და სასწორთან – ამ ნიშნების წარმომადგენლები ურთიერთობებში ასევე აფასებენ დახვეწილობასა და დეტალებს.

რთული, მაგრამ ცეცხლოვანი კავშირია მოსალოდნელი ვერძებთან და თავისივე ნიშნის წარმომადგენლებთან.

ასტროლოგების მოსაზრებით, ცუდია მერწყულის კავშირი მორიელთან და ლომთან, რომელთა საქმიანობა და აქტიურობა რამდენადმე მისტიკურ და იდუმალ მერწყულში გამოძახილს ვერ ჰპოვებს.

მერწყულის ნიშნით დაიბადნენ გამოჩენილი ადამიანები:

ვოლფგანგ ამადეუს მოცარტი, ჩარლზ დიკენსი, ვირჯინია ვულფი, აბრაამ ლინკოლნი, ანტონ ჩეხოვი, ანა პავლოვა, კრისტიან დიორი, პაკო რაბანი, კლარკ გეიბლი, ანჯელა დევისი, იოკო ონო, ჯონ ტრავოლტა, ჯასტინ ტიმბერლეიკი, ეშტონ კატჩერი, ჯენიფერ ენისტონი და სხვა.

0