USS Seawolf

მოსაზრება: რატომ გადაჰყავს აშშ-ს წყალქვეშა ნავები რუსეთის ნაპირებთან

98
(განახლებულია 19:51 02.09.2020)
მაღალი დონის გასაიდუმლოება, მოიერიშე შეიარაღება და ფართო დაზვერვითი შესაძლებლობები — პენტაგონმა რუსეთის ჩრდილოეთ საზღვრებისკენ საიდუმლო წყალქვეშა ნავი USS Seawolf გაგზავნა.

ნიკოლაი პროტოპოპოვი

მათი მიზანი – თვალყურის დევნებაა რუსული ატომური სუბმარინების მარშრუტისთვის. სამხედრო ექსპერტები დარწმუნებული არიან, რომ ეს არის სიგნალი მოსკოვისთვის.

„ზღვის მგლის“ აღლუმი

ნორვეგიაში USS Seawolf-ის ჩასვლის თაობაზე ამერიკელებმა ყველას გასაგონად გამოაცხადეს. პენტაგონის ერთ–ერთი ყველაზე საიდუმლო სუბმარინის ფოტოები უწყების გვერდსა და სოციალურ ქსელებში გამოქვეყნდა, ხოლო აშშ–ის წყალქვეშა ძალების სარდალმა, ვიცე–ადმირალმა დერილ კლოდმა ამაყად აღნიშნა, რომ Seawolf–ის გადასვლა ამერიკელი წყალქვეშა ძალების მოქმედებათა გლობალურ ხასიათს წარმოაჩენს და ხაზს უსვამს, რომ მათ მსოფლიო ოკეანის ნებისმიერ წერტილში შეუძლიათ ამოცანის შესრულება.

კონტრ–ადმირალ ანტონი კარულოს თქმით, USS Seawolf–ის ნორვეგიაში ბაზირება ზრდის აშშ–ის ისედაც დიდ შესაძლებლობებს წყალქვეშა ომის წარმოებაზე და ადასტურებს ვაშინგტონის მტკიცე გადაწყვეტილებას, უზრუნველყოს საზღვაო უსაფრთხოება ჩრდილოეთში.

ამ დროისათვის აშშ–ის სამხედრო–საზღვაო ძალებში Seawolf–ის კლასის სამი სუბმარინა შედის. ისინი ჯერ კიდევ 1980 წელს შეიქმნა მოწინააღმდეგის მიერ სრულად კონტროლირებად რაიონებში მოქმედებებისთვის. ეს უკიდურესად ჩუმი ატომური წყალქვეშა ნავია, რომელიც „თანაკლასელებისგან“ ზემაღალი ფარულობით გამოირჩევა. ამასთან მის ბორტზე განთავსებულია მძლავრი გემსაწინააღმდეგო და ნავსაწინააღდეგო შეიარაღება — ტორპედოები, ნაღმები, რაკეტები „ჯარპუნი“ და „ტომაჰავკი“.

წყალმტყორცნი ძრავები ასმეტრიან სუბმარინებს საათში 35 კვანძის სიჩქარით ამოძრავებს. ამასთან, 20 კვანძამდე სიჩქარისას ისინი პრაქტიკულად უხმაუროდ დაცურავენ. იგეგმებოდა, რომ აშშ ოცდაათამდე ასეთ ხომალდს ააგებდა, მაგრამ სამით შემოიფარგლა: ცივი ომის დასრულების შემდეგ ათობით ასეთი რთული და ძვირადღირებული ხომალდი ამერიკულ ფლოტს უბრალოდ აღარ დასჭირდა.

პენტაგონი აზუსტებს, რომ Seawolf აშშ–ის მეორე ფლოტის პასუხისმგებლობის ზონაში ბანგორის სამხედრო–საზღვაო ბაზიდან (ვაშინგტონის შტატი) ჩავიდა. ატომური სუბმარინი ჯერჯერობით ნორვეგიის ტრიომსში რჩება — რუსული წყალქვეშა რაკეტმზიდების მარშრუტის უშუალო სიახლოვეს.

შეგახსენებთ: აშშ–ის მეორე ფლოტი სულ რამდენიმე წლის წინ ააღორძინეს. ცივი ომის წლებში ეს იყო ყველაზე მსხვილი გაერთიანება ამერიკულ სამხედრო–საზღვაო ძალებში. ფლოტი პასუხს აგებდა ატლანტიკის ოკეანისა და ასევე წყნარი და ჩრდილოეთ ყინულოვანი ოკეანეების ნაწილის აკვატორიაზე. ფლოტის გემებმა და წყალქვეშა ნავებმა რამდენიმე მსხვილ ოპერაციაში მიიღეს მონაწილეობა. მაგალითად, კუბის ბლოკადაში 1960–იანების დასაწყისში. ფლოტი 2011 წელს დაშალეს ბიუჯეტის ეკონომიის მიზნით, მაგრამ შვიდი წლის შემდეგ ისევ აღადგინეს „ჩრდილოეთში რუსული სამხედრო–საზღვაო ფლოტის შესაკავებლად“.

„იმას, რასაც ამერიკელები აკეთებენ, შეიძლება დროშის დემონსტრაცია ეწოდოს, — განაცხადა რუსეთის სამხედრო–საზღვაო ფლოტის პირველი რანგის კაპიტანმა იგორ კუდრინმა. — ტრიომსეს არასდროს იყენებდნენ ატომური წყალქვეშა ნავების მუდმივი ბაზირებისთვის. იქ მხოლოდ რემონტი ტარდებოდა და ეკიპაჟი ისვენებდა. შემდეგში Seawolf, ბუნებრივია, რუსეთის ჩრდილოეთის ფლოტის პასუხისმგებლობის ზონისკენ გაემართება — ბარენცის ზღვაში. ხომალდი ყინულქვეშ გაივლის — აგვისტო შესაფერისი დროა ამგვარი ცურვისთვის“.

კიდევ ერთი სიგნალი რუსეთს

რუსეთის ჩრდილოეთის ფლოტის ექს–სარდალი ვიაჩესლავ პოპოვი ყურადღებას ამახვილებს „დროშის დემონსტრაციის“ სამხედრო–პოლიტიკურ ასპექტზე.

„აშშ–ს სურს აჩვენოს, რომ არქტიკული თეატრი მხოლოდ რუსეთის სამხედრო–საზღვაო ძალების მიერ არ კონტროლდება. ვაშინგტონი აპირებს დააფიქსიროს რეგიონში თავისი სამხედრო ყოფნა. ამერიკელები ეწეოდნენ, ეწევიან და კიდევაც გასწევენ აქ დაზვერვით მისიებსაც. თუმცა რუსი მეზღვაურები, რა თქმა უნდა, თვალს მიადევნებენ მათ გადაადგილებას“, — აღნიშნა ადმირალმა.

აღსანიშნავია, რომ „ზღვის მგლის“ ნორვეგიაში ჩასვლისთანავე ექვსმა სტრატეგიულმა ბომბდამშენმა B-52 Stratofortress, რომლებსაც ბირთვული იარაღის ზიდვა შეუძლიათ, მონაწილეობა მიიღო ნორვეგიის სამხედრო–საჰაერო ძალების სწავლებაში. უფრო მეტიც, „მფრინავი ციხე-სიმაგრეების“ ესკადრილიამ ნატოს წევრი 30 ქვეყნის საჰაერო სივრცე გადაკვეთა ევროპასა და ჩრდილოეთ ამერიკაში. აშშ–ის ევროპული სარდლობის განცხადებაში ნათქვამია, რომ ასეთი შემოფრენა უნიკალურია ბომბდამშენების ოპერატიული ჯგუფის რეგულარული მისიების ფარგლებში. მისია „სამოკავშირეო ცა“ მიმართულია ნატოს ფარგლებში სოლიდარობის დემონსტრაციისკენ, საბრძოლო მზადყოფნის დონის გაზრდისა და ერთობლივი ოპერატიული უერთიერთქმედების გაძლიერებისკენ.

თვითმფრინავები ორ გუნდად დაიყო. ოთხი „სტრატეგისგან“ შემდგარი პირველი ჯგუფის მარშრუტი ევროპის თავზე გადიოდა. დანარჩენები ამავე დროს აშშ–სა და კანადის თავზე დაფრინავდნენ. ამასთან „ციხე-სიმაგრეებს“ ნატოს წევრი ქვეყნების გამანადგურებლები მიაცილებდნენ და ცაშივე ამარაგებდნენ საწვავით.

ავიაციის ესოდენ მასშტაბური და საჩვენებელი სწავლებები, ექსპერტების აზრით, ასევე შეიძლება განიხილებოდეს როგორც რუსეთისთვის გაგზავნილი სიგნალი.

საპასუხო რეაქცია

ამასობაში მოსკოვი განზე არ რჩება და ოკეანისგაღმელ კოლეგებს თავის სიგნალებს უგზავნის. მაგალითად, გასულ კვირაში დასავლურ მედიაში ხმაური ატყდა ალასკის მახლობლად ნეიტრალურ წყლებში რუსული ატომური წყალქვეშა ნავის ამოცურვასთან დაკავშირებით. ამერიკელებმა გადაწყვიტეს, რომ ავარია მოხდა და მაშინვე დახმარება შესთავაზეს. მაგრამ რუსეთის თავდაცვის სამინისტრომ ყველა დაამშვიდა, რომ ატომური კრეისერი „ომსკი“ საშტატო რეჟიმში ამოცურდა — მსხვილმასშტაბიანი სწავლება „ოკეანის ფარი 2020“-ის ფარგლებში.

როგორც გაირკვა, წყნარი ოკეანის ფლოტის ხომალდები ბერინგის ზღვის აკვატორიაში სარაკეტო სროლებს ახორციელებდნენ, მათ შორის ატომური წყალქვეშა ნავი „ომსკიც“.

რუსეთის თავდაცვის სამინისტრომ ვიდეორგოლიც გამოაქვეყნა, რომელშიც ასახულია, როგორ ემზადებოდა „ომსკის“ ეკიპაჟი სროლებისთვის, როგორ ყვინთავს ის წყალში, ისმის უკუათვლა და რაკეტის გაშვების ბრძანება.

„ჩვენები გამუდმებით იჭერენ ნატოს თვითმფრინავებს საჰაერო საზღვრების ახლოს. ეს ნორმალური ფუნქციონირებაა. ბოლო დროს ბალტიკისა და შავი ზღვის თავზე ასეთი უამრავი შემთხვევა იყო. ვაჩვენებთ, რომ არც ჩვენ გვძინავს და ვართ იქ, სადაც ვართ“, — განმარტა რუსეთის სამხედრო–საზღვაო ფლოტის მთავარი შტაბის ყოფილმა მეთაურმა ვიქტორ კრავჩენკომ.

სწავლება „ზღვის ფარი“ ბალტიის ზღვიდან წყნარ ოკეანამდე აკვატორიაში მიმდინარეობს. მასში ათობით საბრძოლო გემი, წყალქვეშა ნავი, საზღვაო ავიაცია და სანაპირო დაცვაა ჩართული. ყველაფერი ბალტიის ზღვაში დაიწყო, სადაც მეზღვაურებმა ნავ- და ჰაერსაწინააღმდეგო თავდაცვის მოქმედებები დაამუშავეს, გემებმა კი ტორპედული და საარტილერიო სროლები განახორციელეს.

ამ დღეებში სწავლების შემდგომი ეტაპი დაიწყო წყნარი ოკეანის ფლოტში — 50–ზე მეტი გემი და ორმოცამდე თვითმფრინავი და ვერტმფრენი ათობით სასწავლო–საბრძოლო ამოცანას ასრულებს.

რედაქცია შესაძლოა არ ეთანხმებოდეს ავტორის მოსაზრებებს

98
ალექსანდრ ლუკაშენკოს ინაუგურაცია

მოსაზრება: პოლონეთმა თვითონ უნდა მოაგვაროს ურთიერთობა ბელარუსთან

54
(განახლებულია 19:32 25.09.2020)
დასავლეთის რეაქცია ბელარუსის პრეზიდენტ ალექსანდრ ლუკაშენკოს ინაუგურაციაზე პროგნოზირებულად ნეგატიური აღმოჩნდა.

ირინა ალქსნისი

ჯერ სახელმწიფო დეპარტამენტის წარმომადგენელმა განაცხადა, რომ აშშ-ს ალექსანდრ ლუკაშენკო არ მიაჩნია ქვეყნის კანონიერად არჩეულ პრეზიდენტად, ვინაიდან „გამოცხადებული შედეგები ცრუ იყო და არ ასახავდა ლეგიტიმურობას“.

მერე კი ევროკავშირის დიპლომატიის მეთაურის ჟოზეფ ბორელის სპეციალური განცხადება გავრცელდა, რომელშიც ალექსანდრ ლუკაშენკოს მანდატი „ყოველგვარ ლეგიტიმურობას მოკლებულად“ იყო მოხსენიებული. ასევე აღინიშებოდა, რომ ინაუგურაცია (დოკუმენტში ეს სიტყვა ყველგან ბრჭყალებში იყო ჩასმული) რესპუბლიკის „მოსახლეობის მნიშვნელოვანი ნაწილის ნებას ეწინააღმდეგება“, რაც „მრავალრიცხოვან, უპრეცედენტო და მშვიდობიან პროტესტებში“ გამოიხატება.

ბორელის განცხადებამ ღვარძლის ფრქვევის ფართო შესაძლებლობები გააჩინა. მაგალითად, წინასწარ თავდაჯერებით შეიძლება გაკეთდეს პროგნოზი, რომ აშშ-ში საპრეზიდენტო არჩევნების შედეგები — რა შედეგითაც უნდა დასრულდეს ის — წინააღმდეგობაში იქნება ამერიკელების ნახევრის ნებასთან, ვინაიდან ქვეყანა პრაქტიკულად შუაზეა გახლეჩილი. თანაც არც პროტესტების დეფიციტი შეინიშნება იქ უკვე რამდენიმე თვეა. ასე რომ, წარმოდგენილი დოკუმენტი უკვე ახლავე შეიძლება შევუტრიალოთ ოკეანისგაღმა რეალობებს.

თავის მხრივ, ფორმულირება „დემოკრატიული ლეგიტიმურობა“ მიანიშნებს, რომ, ბრიუსელის აზრით, არსებობს მისი სხვა სახეობებიც — და მათ თანახმად, ალექსანდრ ლუკაშენკო ძალიანაც ლეგიტიმურია.

ამ უკანასკნელით აიხსნება კიდეც დასავლეთის ორ სკამზე ჯიუტად ჯდომა, ვინაიდან მთელი ეს ხისტი რიტორიკა პრაქტიკაში მინსკისადმი ღიად სუსტ, შეთანხმებით პოზიციას შეესაბამება.

სანქციები — ნამდვილად მგრძნობიარე სანქციები — ბელარუსის წინააღმდეგ არ დაწესებულა. უფრო უარესიც: ამ საკითხის ირგვლივ თავად ევროკავშირს შორის წამოიჭრა ახალი გარჩევები, ვინაიდან კვრიპროსი იმავდროულად თურქეთის წინააღმდეგ რესტრიქციების უზრუნველყოფას მოითხოვს და ამ საფუძველზე პროცესს ბლოკავს.

დასავლელი ელჩები ქვეყნიდან არ გაუწვევიათ. ის კი არა, ამერიკელები სრული სვლით აღადგენენ დიპლომატიურ ურთიერთობებს ქვეყანასთან მრავალწლიანი გაცივების შემდეგ. ორიოდე დღის წინ აშშ-ის სენატის საერთაშორისო საქმეთა კომიტეტმა ახალი ელჩის კანდიდატურა დაამტკიცა. არადა, უკვე 12 წელია, რაც ორივე სახელმწიფოში საელჩოებს დროებითი რწმუნებულები განაგებენ — მას შემდეგ, რაც ვაშინგტონმა 2008 წელს სანქციები დაუწესა ბელარუსულ კომპანიებს, ორივე ქვეყანამ გაიწვია ელჩები.

ამ ფონზე ყველაზე ხისტი რიტორიკული გამონათქვამიც კი სისუსტის გამოვლინებასა და მომხდარზე გავლენის მოხდენის უუნარობას ჰგავს, რაც, სხვათა შორის, რეალობას შეესაბამება. აქ კი მართლაც უნდა მივაგოთ დასავლეთს სათანადოდ, რომელმაც მთავარის გაცნობიერება დაიწყო — აღიაროს შესაძლებლობების ზღვარი.

ეჭვგარეშეა, რომ ბელარუსის არჩევნებზე მსგავსი რეაქცია ვენესუელის ძალიან მტკივნეული გაკვეთილის შედეგიცაა. უკვე წელიწად-ნახევარი გავიდა მას შემდეგ, რაც 50-ზე მეტმა (ძირითადად დასავლურმა) ქვეყანამ ხუან გუაიდო ვენესუელის კანონიერ პრეზიდენტად აღიარა. ეს კია, რომ ამ გადაწყვეტილებას რეალობაზე არანაირი გავლენა არ მოუხდენია — ქვეყნის ხელმძღვანელი დღემდე ნიკოლას მადუროა.

და თუ აშშ-სა და ევროპას შეუძლიათ თავს უფლება მისცენ, იგნორირება გაუკეთონ პატარა ლათინურამერიკულ ქვეყანას, თითქოს არაფერი განსაკუთრებული არ მომხდარა და იქ არანაირი მარცხი არ განუცდიათ, ანალოგიური ფოკუსის ჩატარება ევროპის ცენტრში მდებარე სახელმწიფოში ბევრად რთულია. აღარაფერს ვიტვით იმაზე, რომ ბელარუსი მნიშვნელოვან საერთაშორისო პროცესებშია ჩართული, დონბასის დარეგულირების ჩათვლით. ასე რომ, მოქმედება ბევრად აწონილ-დაწონილადაა საჭირო — გადაწყვეტილებებისა და მათი შედეგების გათვლით.

კიდევ ერთი მნიშვნელოვანი გარემოება, რომელიც დასავლეთის ენთუზიაზმს ანელებს მინსკის საწინააღმდეგო ნაბიჯების საკითხში, ისაა, რომ იქ მომხდარი უპირველესად პოლონური პროექტია. სწორედ ვარშავა დგას მეზობლად მიმდინარე პროტესტების უკან, ის უზრუნველყოფს ბელარუსი ოპოზიციური ლიდერების პოლიტიკურ და მედიურ თანხლებას. თუმცა შედეგი მხოლოდ ნეგატიური კუთხითაა შთამბეჭდავი: მარტო „პრეზიდენტ სვეტას“ (სწორედ ასე prezident.sveta ჰქვია სვეტლანა ტიხანოვსკაიას „ინსტაგრამს“) ფენომენი შეიძლება იყო იმის ნიმუში, როგორ არ უნდა მოიქცე წმინდად პოლიტტექნოლოგიური თვალსაზრისით.

პოლონეთი ჩხუბში ჩაერია, მაგრამ ვითარების გარდასატეხად ძალა აშკარად არ ჰყოფნის. იქით კიდევ მინსკმა დაიწყო „ხურდის დაბრუნება“ — კერძოდ, მასმედია ბელარუსში პოლონური საქონლის შეტანასთან დაკავშირებით პრობლემებზე წერს. მოკლედ, ჩვეულებრივი პოლონური „ფოცხზე ფეხის დადგმაა“.

არაფერია გასაკვირი იმაში, რომ ახლა პოლონელებს ძალიან სურდეთ სამოთხეში სხვის ზურგზე შესვლა: რომ დასავლეთ ევროპამ და შეერთებულმა შტატებმა საქმეში მძიმე პოლიტიკური არტილერია ჩართონ, როგორღაც ლუკაშენკოს ჩამოგდება მოახერხონ, ხოლო ვარშავა გეოპოლიტიკურ ნაღებს მოხდიდა მის მიერვე წამოწყებულ „დვიჟუხას“.

მაგრამ შეუძლებელია, რომ ასეთი მოტივაცია აშკარა არ იყოს ბერლინის, პარიზის, ბრიუსელისა თუ ვაშინგტონისთვის. და კიდევ, ნაკლებსავარაუდოა, რომ იქ ენთუზიაზმით ეკიდებოდნენ პოლონური სურვილების ასრულებისთვის ხელშეწყობას.

ეს კი იმას ნიშნავს, რომ დასავლეთი შემდეგშიც ხისტი რიტორიკის მონიშნული გზით წავა მინსკის წინააღმდეგ, აარიდებს რა თავს რეალურ კონფრონტაციას, ვინაიდან მას იოტისოდენი სურვილიც არ აქვს, ჩაერიოს კიდევ ერთ მარცხისთვის განწირულ გეოპოლიტიკურ თამაშში. ისედაც ბევრია ასეთი ბოლო წლებში.

რედაქცია შესაძლოა არ ეთანხმებოდეს ავტორის მოსაზრებებს

54
დონალდ ტრამპი

პოლიტოლოგი: ტრამპს ნავალნის საქმეში ჩარევა არ სურს

98
(განახლებულია 16:59 25.09.2020)
ახალი კანონპროექტი ამერიკის ხელისუფლებისგან მოითხოვს, ანგარიში წარუდგინოს კონგრესს იმის შესახებ, რა ინფორმაციას ფლობენ რუსეთის პრეზიდენტ ვლადიმირ პუტინისა და მისი გარემოცვის ფინანსებზე.

თბილისი, 25 სექტემბერი – Sputnik. ამერიკელი სენატორების ჯგუფმა ალექსეი ნავალნის ინციდენტთან დაკავშირებით კანონპროექტი შეიტანა რუსეთის წინააღმდეგ სანქციების დაწესების თაობაზე, ნათქვამია რესპუბლიკელი სენატორის მარკო რუბიოს საიტზე.

დოკუმენტი იმ რუსი ოფიციალური პირების წინააღმდეგ შეზღუდვების დაწესებას ითვალისწინებს, რომლებიც, მისი ავტორების აზრით, „ღიად არღვევენ საერთაშორისო სამართლს“ და ჩართული არიან ნავალნის „მოწამვლის“ საქმეში.

კანონპროექტი ამერიკის ხელისუფლებისგან მოითხოვს, ანგარიში წარუდგინოს კონგრესს იმის შესახებ, რა ინფორმაციას ფლობენ რუსეთის პრეზიდენტ ვლადიმირ პუტინისა და მისი გარემოცვის ფინანსებზე. გარდა ამისა, კანონპროექტი ავალდებულებს თეთრ სახლს, პასუხი გასცეს კითხვას, დაარღვია თუ არა მათი აზრით რუსეთმა აშშ-ის კანონები, რომლებიც ქიმიური და ბიოლოგიური იარაღის გამოყენებას კრძალავს.

გარდა მარკო რუბიოსი, დოკუმენტს მხარი დაუჭირეს რესპუბლიკელმა სენატორმა მიტ რომნიმ და ასევე დემოკრატებმა კრის კუნსმა, ბემ კარდინმა და კრის ვან ჰოლენმა.

იმისათვის, რომ კანონპროექტი მიიღონ, ის სენატმა და წარმომადგენელთა პალატამ უნდა დაამტკიცოს, შემდეგ კი პრეზიდენტმა მოაწეროს ხელი.

რადიო Sputnik-ის ეთერში პოლიტოლოგმა ვლადიმირ მოჟეგოვმა სენატორების ინიციატივაზე კომენტარი გააკეთა.

„ეს წმინდად საჯარო საქმეა. რა ანგარიშები შეიძლება იყოს? ეს სრულიად წარმოუდგენელი რამაა. ეს არის წინასაარჩევნო ისტერიის გამწვავების რიტორიკა. და კიდევ: ნავალნის საქმე — ეს უფრო დემოკრატების დღის წესრიგია. რესპუბლიკელები უხალისოდ ეწერებოდნენ ამაში და, მგონია, ამას მხარს არც მომავალში დაუჭერენ. ყოველ შემთხვევაში, ტრამპი ძალიან ფრთხილობს და დისტანცირდება ამ ყველაფრისგან. და პომპეოც ამბობდა, რომ რეაგირება საჭიროა მაშინ, როგორც კი მომხდარზე ყველა ფაქტი ცნობილი იქნება, რომ ჯერჯერობით მაინცდამაინც გასაგები არ არის, რა ხდება“, — აღნიშნა ვლადიმირ მოჟეგოვმა.

მისი აზრით, ამერიკელები გერმანელებისგან ნავალნის თაობაზე ინფორმაციის მიღებას შეძლებდნენ, მაგრამ ასეთი მოთხოვნა მათგან არ ყოფილა.

„ეს იქნებოდა რაღაც საფუძველი სანქციებისთვის, მაგრამ ასეთი მოთხოვნები არ ყოფილა. ამიტომ მეჩვენება, რომ ეს უბრალოდ ჰაერის შერხევაა... ეს რაღაც ბნელი ისტორიაა, ამიტომ ტრამპს არ სურს მასში ჩარევა — დემოკრატების აფიორაა, რომელშიც უბრალოდ არ სურს ჩაძირვა. ვფიქრობ, დემოკრატები ამ დღის წესრიგს გაძლიერებულად გააპიარებენ, ხოლო ტრამპი რამდენადმე გვერდზე იდგება ამისგან“, — მიაჩნია პოლიტოლოგს.

ალექსეი ნავალნი ომსკში 20 აგვისტოს გადაიყვანეს საავადმყოფოში მას შემდეგ, რაც ის შეუძლოდ გახდა თვითმფრინავში. ექიმებმა მას ნივთიერებათა ცვლის დარღვევა დაუდგინეს, რაც, მათი აზრით, სისხლში შაქრის დონის მკვეთრმა ვარდნამ გამოიწვია. ნავალნის სისხლსა და შარდში შხამის კვალი ომსკში არ აღმოუჩენიათ.

მოგვიანებით ალექსეი ნავალნი გერმანიაში გადაიყვანეს. სექტემბრის დასაწყისში გერმანიის მთავრობამ განაცხადა, რომ რუსი ბლოგერი საბრძოლო ნივთიერებათა ჯგუფის სუბსტანცია „ნოვიჩოკით“ იყო მოწამლული. მოსკოვმა ბერლინის ლაბორატორიიდან ანალიზების შესახებ უფრო დეტალური ინფორმაცია გამოითხოვა, მაგრამ პასუხი არ მიუღია.

ამასთან, რუსეთის ინფორმაციით, გერმანიის დაზვერვა BND-ს 1990-იანი წლებიდან ჰქონდა წვდომა „ნოვიჩოკზე“. გარდა ამისა, ნივთიერებას ოცამდე ქვეყანაც სწავლობდა, მათ შორის დიდი ბრიტანეთი, აშშ, შვედეთი, ჩეხეთი. ხოლო რუსეთმა, პრეზიდენტის 1992 წლის ბრძანებულების თანახმად, შეაჩერა ქიმიური იარაღის სფეროში სამუშაოები და 2017 წელს მსგავსი ნივთიერებების მთელი მარაგი გაანადგურა — რაც ქიმიური იარაღის აკრძალვის ორგანიზაციამ (OPCW) დაადასტურა.

98
თემები:
რუსეთი დღეს
მიკროფონი

მარინა ენდელაძე: კორონავირუსით ორი პაციენტი აჭარაში, ერთი კი თბილისში გარდაიცვალა

0
(განახლებულია 14:04 28.09.2020)
თბილისის ინფექციური საავადმყოფოს ბოქსირებული განყოფილების ხელმძღვანელი, მარინა ენდელაძე საუბრობს საქართველოში გამოვლენილ კორონავირუსის ახალ შემთხვევებსა და ინფიცირებულების ჯანმრთელობის მდგომარეობაზე.
მარინა ენდელაძე: კორონავირუსით ორი პაციენტი აჭარაში, ერთი კი თბილისში გარდაიცვალა
„აჭარაში გამოვლინდა შემთხვევების 72 პროცენტი, რაც არის 175 შემთხვევა, იმერეთში -9 პროცენტი - 38 ახალი შემთხვევა, თბილისში 7 პროცენტი - 32 შემთხვევა, გურიაში – 16 შემთხვევა, სამეგრელო ზემო-სვანეთში -14, სამცხე ჯავახეშთი – 11, ქვემო ქართლში – შვიდი, კახეთში – ოთხი. გარდაიცვალა სამი პაციენტი, აქედან ორი აჭარაში 65 წლის და 70 წლის მამაკაცები, რომელთაც ჰქონდათ თანმხლები დაავადებები, ერთს ჰქონდა შაქრიანი დიაბეტი, მეორეს ინსულტი, ორმხრივი მწვავე პნევმონია, სუნთქვის უკმარისობა და ა.შ. მათი მდგომარეობიდან გამოყვანა ვერ მოხერხდა. თბილისში გარდაიცვალა ერთი ქალბატონი 57 წლის, რომელსაც ჰქონდა ასევე თანმხლები დაავადებები და განვითარდა მწვავე რესპირატორული დისტრეს სინდრომი“, – განაცხადა მარინა ენდელაძემ.

მარინა ენდელაძის განმარტებით, მკურნალობის ეტაპზე მყოფი 3 ათას 500-მდე პაციენტიდან 25-ის მდგომარეობა კრიტიკულია, მათგან 22 მართვით სუნთქვაზე იმყოფება.

0