ხედი თეთრ სახლზე

მოსაზრება: „შავი სქემა“, ანუ ვინ არის ამერიკის შიდა მტერი

98
(განახლებულია 19:55 30.07.2020)
უკვე ხვალ აშშ-ის დემოკრატიული პარტიის კონვენტზე (რომელიც ონლაინ–ფორმატში ჩატარდება) ამერიკის ყოფილმა ვიცე-პრეზიდენტმა ჯო ბაიდენმა შესაძლოა ერთპიროვნულად აირჩიოს შეერთებული შტატების მომავალი პრეზიდენტი.

ვიქტორ მარახოვსკი

უფრო სწორად, პრეზიდენტი ქალი.

აი, რატომ მოხდება ეს: ბაიდენი ამ დროისათვის უსწრებს თავის ოპონენტს, აშშ-ის მოქმედ პრეზიდენტ დონალდ ტრამპს — სხვადასხვა გამოკითხვებით, ორი, ოთხი და ათი პროცენტითაც კი.

გამოკითხული ამერიკელების უმეტესობა საკმაოდ რეგულარულად უწერს ტრამპს ორიანს და ბაიდენის პრეზიდენტობა (თუ 77 წლის კანდიდატი, რომელიც საეჭვოდ იშვიათად ჩნდება საჯაროდ ინტერნეტითა და ტელევიზიებითაც კი, და რომელიც პერიოდულად „იხლართება“ სიტყვებში — რის გამოც ბევრი ლაპარაკობს მის ქმედუნარიანობაზე, შემთხვევითა თუ მართლაც არ გამოავლენს არჩევნებამდე სრულ პროფგამოუსადეგარობას) თითქოს გარანტირებულად გამოიყურება.

„თითქოს გარანტირებულად“ კი იმიტომ, რომ ჰილარი კლინტონის პრეზიდენტობაც გარანტირებული იყო, მაგრამ რეალობამ თავისი გამაოგნებელი კორექტივები შეიტანა.

ასე რომ: თუ/როცა ჯო ბაიდენი ფიცს დადებს, ის უკვე 78 წლისა იქნება, რითიც ის ყველაზე ხანდაზმული პრეზიდენტი გახდება აშშ-ის ისტორიაში და წინა რეკორდსმენს, 70 წლის ტრამპს თითქმის ათწლეულით გაუსწრებს. ანუ ის ოვალურ კაბინეტს იმ ასაკში დაიკავებს, რა ასაკშიც ამერიკის პრეზიდენტების უმეტესობა (45-დან 36) უკვე გარდაცვლილი იყო. დემოკრატების კანდიდატის ქცევებში ზემოთ ნახსენები უცნაურობების გათვალისწინებით, ყველას ესმის, რომ ამ უმრავლესობის რიგებს ის შესაძლოა პირდაპირ მოვალეობების შესრულების დროს შეუერთდეს.

ასეთი ტრაგიკული უსიამოვნების შემთხვევაში აშშ-ის პრეზიდენტი (არა უბრალოდ მოვალეობის შემსრულებელი, არამედ ნამდვილი, ასპროცენტიანი პრეზიდენტი) გახდება ვიცე-პრეზიდენტი — ბაიდენის ოთხწლიანი ვადის ბოლომდე. და უმსხვილესი დასავლური ბირთვული დერჟავა 2025 წლამდე ნამდვილი, თუმცა არა ხალხის მიერ არჩეული პრეზიდენტის მმართველობაში აღმოჩნდება.

აი, სწორედ ამ ადამიანის დასახელებას აპირებს ბაიდენი უახლოეს დღეებში.

წინასწარ ცნობილია ერთი: ეს ქალი იქნება — ასეთი პირობა დადო დემოკრატების კანდიდატმა ჯერ კიდევ გაზაფხულზე. კითხვა, კონკრეტულად რომელი ქალი იქნება ეს, კონვენტის წინ უმთავრეს საკითხად იქცა ამერიკულ პოლიტიკაში.

ყველაზე პოპულარულ დასახელებულ კანდიდატებს შორის არიან: სენატორი ელიზაბეტ უორენი (რომელმაც პარტიის შიდა კამპანიისას თავისი ხმები ბაიდენს დაუთმო წლის დასაწყისში), გრეთჰენ უიტმერი — მიჩიგანის შტატის 48 წლის გუბერნატორი, ნახევრად ტაივანელი ჩინელი სენატორი ტემი დაკვორტი — ერაყის ომის ვეტერანი, სადაც მან ორივე ფეხი დაკარგა, კონგრესვუმენი ველ დემინგსი — აფროამერიკელი ყოფილი პოლიციელი, კარენ ბასი — აფროამერიკელი და ნარკოტიკებთან მებრძოლი, სიუზან რაისი — ბარაკ ობამას ექს–მრჩეველი ეროვნული უსაფრთხოების საკითხებში, ასევე აფროამერიკელი, კამალა ჰარისი — კალიფორნიის ყოფილი გენერალური პროკურორი, ნახევრად ინდიელი და ნახევრად აფროამერიკელი. აღსანიშნავია, რომ სწორედ ეს ორი უკანასკნელი მიიჩნევა ფავორიტებად.

ვიცე-პრეზიდენტობის კანდიდატების რასობრივ კუთვნილებასა და ერთგან ფიზიკურ მდგომარეობასაც ხაზი იმის გამო გავუსვით, რომ მთელი ეს რასობრივი და „ინვალიდური“ თავისებურებები ამერიკელ ანალიტიკოსებს სრული სერიოზულობით მიაჩნიათ მნიშვნელოვნად.

უპირატესობა აფროამერიკელებს აქვთ — იმიტომ რომ დემოკრატიული პარტიის 2016 წლის წარუმატებლობის ერთ-ერთ ფაქტორად ის მიიჩნევა, რომ მაშინ ჰილარი კლინტონსა და მის ვიცე-პრეზიდენტობის ასევე თეთრკანიან კანდიდატს შავკანიანთა მხარდაჭერა არ ჰქონდათ. არადა, ისინი ქვეყნის მოსახლეობის 13%-ს შეადგენენ. ამიტომ ისინი ახლა აუცილებლად უნდა მოხიბლონ შავკანიანი ვიცე- ან სრულფასოვანი პრეზიდენტით.

ზოგი მედიასაშუალება, მაგალითად, Boston Globe პირდაპირ წერს, ბაიდენმა ვიცე-პრეზიდენტად შავკანიანი ქალი უნდა აირჩიოსო.

სავარაუდოდ, შავკანიანი ქალი რესპუბლიკელებისა და ტრამპის რასისტული არსის აგრესიული მამხილებლის ფუნქციას შეასრულებს, ხოლო ბაიდენი მშვიდობიანად იჟღურტულებს იმაზე, რომ მისი და ობამას პერიოდში საზოგადოებაში ასეთი პოლარიზაცია არ ყოფილა, და რომ მისი მისია — ეს ქვეყნის გაერთიანებაა.

მაგრამ, აი, რა არის საინტერესო:

არსებობს მოსაზრება, რომ ასეთი ტანდემი ქვეყნის გაერთიანებას ტრამპზე მეტად ვერ მოახერხებს. შესაძლოა, უფრო ცუდადაც კი გაართვას თავი. და, აი, რატომ.

ცოტა ხნის წინ კონეკტიკუტის უნივერსიტეტის პროფესორმა პიოტრ ტურჩინმა აშშ-ში არასტაბილურობის ერთ-ერთ ძირითად ფაქტორად ელიტების ჭარბწარმოება დაასახელა.

ეს ჭარბწარმოება — უკიდურესად ვერაგი შედეგია ისეთი თითქოსდა პოზიტიური რამისა, როგორიცაა მდიდარი ადამიანების პროცენტის ზრდა.

ჩვენ მიჩვეულები ვართ ვიფიქროთ, თითქოს ყველაზე ცუდი — ეს მდიდრებსა და ღარიბებს შორის უფსკრულის გაღრმავებაა. მაგრამ, როგორც ჩანს, ბოროტება „დადებით“ ცვლილებებშიც იმალება.

ჩვენ უკვე ვწერდით, რომ აშშ-ის საშუალო კლასი, რომელიც 1970 წელს მოსახლეობის 62%-ს შეადგენდა, ახლა ნახევრად მდიდრებისკენ მიგრირებს, ნახევრად — ღარიბებისკენ. სახასიათო კი ისაა, რომ ის, ვინც საშუალო კლასი ბოლო ათწლეულში დატოვა, კი არ ღარიბდებოდა, პირიქით, ელიტაში გადადიოდა.

უფრო მეტიც, ზემდიდრების რაოდენობაც კი გაიზარდა: აშშ-ის ყველაზე მდიდარი მცხოვრებლების პირობითი „ბრილიანტის პროცენტი“ უკვე ორზე მეტს შეადგენს. იმ ოჯახების რაოდენობა, რომელთა ქონება ათ მილიონ დოლარზე მეტს შეადგენს 1995 წლის ფასებით, 1983–2010 წლებში ხუთჯერ გაიზარდა (ახლა კიდევ უფრო მეტია). მილიონერების რიცხვი ახლა ამერიკაში თითქმის 19 მილიონს აღწევს (ეს მთელი რუმინეთია, ან ყაზახეთი), დეციმილიონერებისა — ნახევარი მილიონი, მილიარდერი კი 650-ია.

ეს თითქოს კარგი უნდა იყოს.

მაგრამ არის ერთი ნიუანსი. როცა ადამიანები მდიდრდებიან, მათ ბუნებრივად უჩნდებათ ხელისუფლებაზე პრეტენზია. ისინი საკუთარ ეკონომიკურ ძალას გრძნობენ და მისი პოლიტიკურში კონვერტირების სურვილი ეუფლებათ. მათ ებადებათ პრეტენზია ქალაქებზე, შტატებზე, კონგრესზე და თეთრ სახლზე.

მაგრამ ხელისუფლებაში ადგილების რაოდენობა არ გაზრდილა. კონგრესში მხოლოდ 450 ადგილია და ყველა მილიარდერს ვერ დაიტევს.

ელიტებში ასეთი „ჭყლეტვის“ გამო მათ შორის ყველანაირი სოლიდარობა ქრება და საშინელი შეჯახება იწყება.

არ გეგონოთ, რომ ამაში მარტო მდიდრები მონაწილეობენ.

საქმე ისაა, რომ როცა დანარჩენებმა, ანუ ყველაზე საშუალო კლასმა და ღარიბებმა იგრძნეს, რომ ფული, ძალა და კეთილდღეობა მათგან სადღაც ზემოთ მიექანებოდა, მათაც დაიწყეს ბრძოლა სოციალური ლიფტებისთვის, რათა მდიდრებისა და დიდებულების ბრწყინვალე სამყაროში მოხვედრილიყვნენ.

შედეგად, ბოლო წლებში აშშ-ში მოსახლეობის ზრდაზე უფრო სწრაფად დაიწყო იურისტების, პოლიტოლოგებისა და „საზოგადოებრივ მეცნიერებათა სპეციალისტების“ რაოდენობის ზრდა. ანუ ისეთი სპეციალობებისა, რომლებიც შემდეგ თეორიულად უნდა კონვერტირებულიყო პოლიტიკურ კარიერაში.

მაგარამ ადამიანების უმეტესობამ არა მარტო პოლიტიკური კარიერის მოწყობა ვერ მოახერხა, არამედ წარმატებასაც კი ვერ მიაღწია.

ისინი გაბოროტებულები, განაწყენებულები და რესენტიმენტებით აღსავსენი არიან და, პრინციპში, წინააღმდეგი არ არიან, რომ ახლანდელი ამერიკა ცეცხლის ალში გაეხვეს. იმიტომ რომ ვისთვის კრიზისია, ვისთვის კიდევ — შანსი.

და ეს ადამიანები, ცალკეულად შესაძლოა მართლაც პატრიოტები, ერთად ქვეყნის მთავარ მტრებს წარმოადგენენ.

ყურადღება, კითხვა: რით შეუძლია ამ ხალხის დამშვიდება ან მათი გულის მოგება „ბაბუა ჯოს“ ან შავკანიან რკინის ლედის? მიზნობრივი აუდიტორიის წინაშე რეალური ძლევამოსილებისკენ გარღვევის იმიტაციით, რა დროსაც ერთ ან ორ უმაღლეს ჩინოვნიკს სქესი და კანის ფერი შეეცვლება? რა, განა ეს რამენაირად გადაჭრის ელიტარების შიდა კონკურენციას? ხელისუფლება ხომ რეზინის არ არის?

ჰო, მართლა, ხელისუფლებაზე: არ ღირს ვიფიქროთ, რომ სხვადასხვა ქვეყანაში ელიტები ერთმანეთისგან დიდად განსხვავდებიან. რუსეთის მაგალითზე ვხედავთ, როგორ რეგულარულად იწყებს ხოლმე თანამემამულე ბოიარების ნაწილი არეულობანას თამაშს, და ამას მანამ აკეთებენ, სანამ, ფიგურალურად რომ ვთქვათ, მეტყევე არ გამოჩნდება ხოლმე.

სწორედ ამიტომ არსებობს საფუძველი იმედისა, რომ აშშ-ის ამჟამინდელი და შემდგომი ბედი — როგორც პლანეტის ერთ-ერთი უმნიშვნელოვანესი დერჟავისა (თანაც, ყველაზე ხილულისა — ამერიკა, თავისი მედიური სიმძლავრის წყალობით, მუდმივად ჩართული ტელევიზორივით დაგვცქერის ციდან), ჩვენი ელიტებისთვისაც ჭკუის სასწავლ გაკვეთილად გამოდგება. და ამით მოწინავე ამერიკული გამოცდილებისგან გვიხსნის.

რედაქცია შესაძლოა არ ეთანხმებოდეს ავტორის მოსაზრებებს

98
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

136
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

136
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

1336
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

1336
თემები:
რუსეთი დღეს
ყვავილი ზამთარში

დღის ასტროპროგნოზი ზოდიაქოს ნიშნებისთვის: 27 იანვარი

0
(განახლებულია 12:08 26.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 27 იანვარია, ოთხშაბათი. მზარდი მთვარე კირჩხიბის ნიშანშია. ამ დღეს პლანეტა მერკური მფარველობს.

დღეს მგზნებარე ვნებებისა და განცდების დღეა. ემოციურ ფონზე მოსალოდნელია ცვალებადი განწყობა, სპონტანური მოქმედებები და გრძნობები, ექსცენტრულობა. ადამიანებს მწვავე რეაგირება ექნებათ ირგვლივ განვითარებულ მოვლენებზე. ყოველივე ამის გათვალისწინებით ექსპერტები გირჩევენ, არ შეეხოთ სხვების გრძნობებსა და ინტერესებს – ეს, შესაძლოა, სავალალოდ დასრულდეს. ამ დღეს პლუსიც აქვს – მომატებული ამბიციურობა და პატივმოყვარეობა სამუშაოზე, კარიერასა და სიყვარულში წარმატებების მიღწევას შეუწყობს ხელს.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ექსპერტები გირჩევენ, რაც შეიძლება შორს დაიჭიროთ თავი ჭორებისა და ინტრიგებისგან, რომ ამაში ჩათრეული არ აღმოჩნდეთ. რაც არ უნდა ბობოქარი მოვლენები განვითარდეს ირგვლივ, განზე უნდა დარჩეთ, შეინარჩუნოთ ნეიტრალიტეტი და მხოლოდ საკუთარი საქმე გააკეთოთ. გარშემომყოფები თქვენ გარეშეც მოაგვარებენ სიტუაციას, მაგრამ თუ თავს ვერ შეიკავებთ და ვინმეს მხარეს დაიჭერთ, საბოლოოდ ეს სანანებელი გაგიხდებათ – ამან თქვენს რეპუტაციაზე დამღუპველად შეიძლება იმოქმედოს.

კურო: სასურველი შედეგის მისაღწევად დღეს მხოლოდ „შემოვლითი“ გზებით უნდა ისარგებლოთ. გარშემომყოფებთან პირდაპირი საუბრის მცდელობა არაფერს მოიტანს, ხოლო „პარტიზანული“ მეთოდები კი, როგორიცაა, მაგალითად, მინიშნებები, საკმაოდ ეფექტური აღმოჩნდება. ასე რომ, თუ საკუთარი იდეის წამოწევა გინდათ, ამისთვის საუკეთესო საშუალება იქნება მოხერხებულობა, საჭირო ადამიანის დარწმუნება ამ იდეაში ისე, რომ მან იფიქროს, თითქოს თვითონ მოუვიდა ეს აზრი თავში.

ტყუპი: მოემზადეთ იმისთვის, რომ დღეს მოულოდნელად საკმაოდ მაცდური წინადადება შეიძლება მიიღოთ. ეს, შესაძლოა, თქვენს შემოსავლებს, მუშაობას ან პირად ცხოვრებას ეხებოდეს. თუმცა, სანამ დათანხმდებით, ყველაფერი კარგად უნდა აწონ–დაწონოთ. როდესაც დეტალებს ჩაუღრმავდებით და კარგად გათვლით, მომგებიანია თუ არა ეს წინადადება თქვენთვის, მხოლოდ მაშინ შეძლებთ სწორი გადაწყვეტილების მიღებას.

კირჩხიბი: დღეს ნამდვილ სუპერმენად იგრძნობთ თავს. ვარსკვლავები მოგანიჭებენ უსაზღვრო ენერგიას, აივსებით აზარტით, ვერ იგრძნობთ დაღლილობას და ამ ყველაფრის წყალობით მთების გადადგმა შეგიძლიათ. განსაკუთრებით კარგი იქნება, თუ რაღაც გადაუჭრელი საკითხები გაქვთ „მარაგში“ – დღეს შესანიშნავი შანსია ყველაზე უიმედო ჩანაფიქრის განხორციელებისთვისაც კი. და მაინც, როდესაც „მთების გადადგმას“ დაიწყებთ, ზედმეტიც არ მოგივიდეთ – ზომიერება მაინც კარგი რამაა.

ლომი: გარშემომყოფები რამე საკითხისადმი მოულოდნელი მიდგომით შეიძლება გააკვირვოთ. არაა გამორიცხული, რომ პრობლემის, რომელზეც ბევრი ადამიანი ამაოდ იმტვრევდა თავს, გადაჭრის ძალზე დახვეწილი მეთოდი წარმოადგინოთ. დღეს არასტანდარტული აზროვნება გახასიათებთ და ამის წყალობით ბევრ ამოცანას სხვა კუთხით შეხედავთ. ეს განსაკუთრებით შესამჩნევი იქნება შემოქმედების სფეროებში მოღვაწე ლომებისთვის – შთაგონების მოზღვავებას იგრძნობთ.

ქალწული: დღეს განსაკუთრებულად დამოუკიდებლად იგრძნობთ თავს. ნებისმიერი მცდელობა ირგვლივ მყოფთა მხრიდან, რომ რჩევა მოგცენ ან გმართონ, პირად შეურცხყოფად იქნება თქვენი მხრიდან აღქმული. ასეთი პოზიცია, ერთი მხრივ, შესაძლოა, თქვენთვის გარშემომყოფებთან კონფლიქტებით შემობრუნდეს. მეორე მხრივ კი, დამოუკიდებლები ვერ მიიღებთ ვერანაირ ჩარჩოს, საზღვარს და ეს საქმეებზე შეიძლება პოზიტიურად აისახოს. იქ, სადაც სხვა ჩიხში მოექცევა, თქვენ არაორდინარულ გადაწყვეტილებას შესთავაზებთ.

სასწორი: დღეს რაღაც მოვლენამ შეიძლება გაგანაწყოთ და კალაპოტიდანაც კი ამოგაგდოთ. მაგრამ სასოწარკვეთილებაში ჩავარდნა არ ღირს. ეს ნორმალურია – საქმეებში ხან ყველაფერი კარგად გამოდის და ხან – არა. ირგვლივ მყოფების იმედზე ყოფნაც ყოველთვის არ ღირს. დღეს უნდა გახსოვდეთ, რომ ერთადერთი ადამიანი, რომელსაც ანგარიში უნდა ჩააბაროთ და ვისი იმედიც უნდა გქონდეთ, ეს თვითონ თქვენ ხართ. ასეთ შემთხვევაში იმედგაცრუებაც ნაკლები გექნებათ.

მორიელი: დღეს დილიდან ლიდერის პოზიციაზე იგრძნობთ თავს. და საქმე ის კი არაა, რომ სხვებზე მბრძანებლობა მოგინდებათ, არამედ მთავარია ის, რომ გარშემომყოფები თქვენ სიტყვას დაუგდებენ ყურს. თქვენი ნათქვამი ძალზე დამაჯერებელი იქნება და ამის წყალობით დიდი ძალისხმევის გარეშე მიიპყრობთ ყურადღებას, დააინტერესებთ ადამიანებს და დაარწმუნებთ საკუთარ სიმართლეში. სწორედ ეს უნდა გააკეთოთ დღეს – წარმოადგინოთ თქვენი იდეები, პროექტები ხოლო ყოფით საკითხებზე დროის დახარჯვა მართლაც გაუმართლებელი იქნება.

მშვილდოსანი: დღეს გარშემომყოფები, თითქოს შეთანხმებულად, თქვენი მოთმინების გამოცდას მოაწყობენ, რომელიც ისედაც უკვე სავსეა. გასაკვირი არცაა, რომ რაღაც მომენტში მოთმინების ფიალა გაივსოს და „აფეთქდეს“ ეს რომ არ მოხდეს, ვარსკვლავები გირჩევენ, „ორთქლი ნელ–ნელა გამოუშვათ“ და არ დაელოდოთ მის ავსებას. სჯობს, მაგალითად, მთელი დღე იბუზღუნოთ, ვიდრე მრისხანება მთელი დღე აგროვოთ და მერე ერთიანად ამოხეთქოთ – მოაწყოთ გრანდიოზული სკანდალი.

თხის რქა: დღეს არაერთი სიურპრიზი შეიძლება გელოდებოდეთ. არა გამორიცხული, რომ ამის წყალობით რაღაც–რაღაცებს სრულიად სხვა კუთხით შეხედოთ. საქმეებში, შესაძლოა, ახალი ფაქტები გამოჩნდეს, არ გარშემომყოფებიდან ერთ–ერთმა აბსოლუტურად სხვა მხრიდან აჩვენოს თავი. ეს, რა თქმა უნდა, საქმეებისგან მოგწყვეტთ, მაგრამ ახალ შთაბეჭდილებებს მიიღებთ.

მერწყული: დღეს რისკავთ, რომ რომელიღაც საინტერესო იდეა საფუძველშივე ამოძირკვოთ. ამაში დამნაშავე თქვენი მოუთმენლობა იქნება გადაწყვეტილების მიღებისა და სურვილის არქონა, რომ დეტალებს ჩაუღრმავდეთ. მერე რომ სანანებელი არ გაგიხდეთ, გახსნილი უნდა იყოთ ნებისმიერი ახალი აზრის, პროექტისა და იდეისთვის. ბოლოს და ბოლოს, მათზე უარის თქმას ყოველთვის მოასწრებთ.

თევზები: დღეს საშუალება მოგეცემათ, რომ თქვენი ორგანიზატორული უნარები წარმოაჩინოთ, თუნდაც ეს ნიჭი „ღრმა ძილის მდგომარეობაში“ იყოს. გარშემომყოფებისთვის დავალების მიცემა, მოვალეობების გადანაწილება, ენთუზიაზმით დამუხტვა – ეს ყველაფერი დღეს თქვენთვის ძალზე იოლია. თუნდაც სხვების ხელმძღვანელობის საშუალება არ გქონდეთ, სულ მცირე, საკუთარი თავის შესანიშნავად ორგანიზებას მაინც მოახერხებთ.

0