ნავთობსაქაჩი

ფიქალური კოლაფსი: ნავთობმოპოვების ჩამოშლაში აშშ რეკორდსმენი გახდება

79
(განახლებულია 22:11 18.06.2020)
აშშ ნავთობმოპოვების რეკორდული ჩამოშლის ზღვარზეა. გაზისა და ნავთობის საბურღი დანადგარების რაოდენობა მინიმუმამდე დაეცა, წარმოება განუხრელად მცირდება. კომპანიები მასობრივად აცხადებენ გაკოტრების შესახებ და მუშობას აჩერებენ.

ნატალია დემბინსკაია

ივნისში ნავთობკოტირებების ჩამოშლის მსხვერპლი გახდა კიდევ ერთი უმსხვილესი ფიქალური მწარმოებელი — Extraction Oil & Gas. პროგნოზების მიხედვით, მარტო მიმდინარე წელს ასზე მეტი კომპანია გაკოტრდება. ანალიტიკოსები ფიქალური დარგის კრახს პროგნოზირებენ, თუ ნავთობის ფასები კრიზისამდელ მაჩვენებელს არ დაუბრუნდება.    

მოპოვების დაცემა

2019 წელს ამერიკელები ლიდერები გახდნენ ნავთობმოპოვებაში, გადაასწრეს რა რუსეთსა და საუდის არაბეთს — ამაში მათ ფიქალური ნავთობი დაეხმარა. პირველად ბოლო 70 წლის განმავლობაში აშშ შავი ოქროს ნეტო–ექსპორტიორი გახდა.

„ნავთობმრეწველობას სიურპრიზების შემოთავაზება შეუძლია — ფიქალურმა რევოლუციამ თავდაყირა დააყენა ნავთობის ფასები, წარმოება და სავაჭრო ნაკადები“, — განაცხადა მაშინ პრეზიდენტ ჯორჯ ბუში–უმცროსის მრჩეველმა ენერგეტიკის საკითხებში და კონსალტინგური კომპანია Rapidan Energy-ს ხელმძღვანელმა ბობ მაკენლიმ.

ივარაუდებოდა, რომ პრობლემები 2021 წელს შეიქმნებოდა, მაგრამ კორონავირუსის პანდემიამ შემოგვიტია. დაეცა მოთხოვნა ენერგომატარებლებზე, ჩამოიშალა ნავთობის კოტირებები. პირველ რიგში ვალებში ჩაფლული და ინვესტიციების ნაკლებობით შეწუხებული მეფიქალეები დაზარალდნენ. სწორედ ამიტომ გახდნენ ისინი რუსეთსა და საუდის არაბეთს შორის ფასების ომის მთავარი მსხვერპლი. ვაშინგტონში მიაჩნიათ, რომ ეს მოსკოვმა ჩამოშალა ბაზარი — ამერიკელი მწარმოებლების შესავიწროებლად.

მოპოვება აშშ–ში უკვე რამდენიმე თვეა, მცირდება, დაეცა პიკური 13,1–დან 11,1 მილიონ ბარელამდე დღეში. აშშ–ის ენერგეტიკული ინფორმაციის სამმართველოს (EIA) ივნისის ანგარიში შემდგომ შემცირებაზე მეტყველებს. EIA–ს პროგნოზით, ნავთობის წარმოება აშშ–ის შვიდ ყველაზე პროდუქტიულ ფიქალურ აუზში 7,632 მლნ ბარელამდე დაეცემა დღე–ღამეში.

წლის ბოლოს სწორედ აშშ შეიტანს ყველაზე დიდ წვლილს ნავთობის მსოფლიო მიწოდების შემცირებაში, ნათქვამია EIA–ს ანგარიშში.

გაკოტრების ტალღა

Haynes & Boone–ს მონაცემებით, იანვრიდან გაკოტრების პროცედურა ნავთობისა და გაზის 36–მა კომპანიამ წამოიწყო, რომელთა საერთო დავალიანება 25,2 მლრდ დოლარს შეადგენს.

მათ შორისაა ერთ–ერთი ყველაზე მსხვილი მეფიქალე California Resources-ი და ფიქალური დარგის პიონერი Chesapeake Enеrgy.

„პიკზე Chesapeake იმაზე მეტ ამერიკულ გაზს ქაჩავდა, ვიდრე სხვა ნებისმიერი, გარდა Exxon–ისა, ხოლო მისი საბაზრო ღირებულება 38 მლრდ დოლარს აღწევდა. Сhesapeake–მ შექმნა თავისებური მოდელი ფიქალური მოპოვებისა, რომელიც ახლა ირღვევა“, — წერს Bloomberg–ი.

ივნისში კიდევ ერთი მსხვილი ფიქალური მწარმოებელი — Extraction Oil & Gas ვერ გაუმკლავდა პროცენტის გადახდას ვალზე და სასამართლოს მიმართა, რათა გაკოტრების პროცედურა წამოეწყო.

როგორც Financial Times–ი აღნიშნავს, Extraction–ის მდგომარეობა მნიშვნელოვნად გაუარესდა, როცა მისი ფულადი ნაკადი დაეცა და ბანკებმა საკრედიტო ხაზები შეუმცირეს. Rystad Energy–ს ანალიტიკოსების პროგნოზით, წელს დაახლოებით 140 ამერიკული ნავთობისა და გაზის კომპანია გამოაცხადებს გაკოტრებას. აშშ–ში ფიქალური მოპოვება შეიძლება დღე–ღამეში 5 მლნ ბარელზე დაბლა დაეცეს. შედეგად, როგორც ამას ShaleProfile Analytics–ი პროგნოზირებს, აშშ ფიქალური დარგის მესამედს მოისაკლისებს.

წარმოების ადრინდელ მოცულობებზე დაბრუნება, პანდემიით გამოწვეული მოთხოვნის დაცემის პირობებში, შეუძლებელია.

„დიდი ალბათობით, წლები გავა, სანამ მეფიქალეები ისევ მიაღწევენ ძველ დონეს, თუ საერთოდ მოხდა ეს ოდესმე“, — აღნიშნავს The Wall Street Journal–ი.

დალასის ფედერალური სარეზერვო ბანკის კვლევის თანახმად, შედარებით „იაფი“ ფიქალური აუზის, Permian–ისთვისაც კი რენტაბელობისთვის საშუალო ფასი 49 დოლარს უნდა უტოლდებოდეს ერთ ბარელზე. როგორც ბანკი აღნიშნავს, ბარელზე 40 დოლარის პირობებში მწარმოებლების მხოლოდ 15% თუ გადარჩება.

მაგრამ მეფიქალეების გადამრჩენელი გაძვირება მოსალოდნელი არ არის. EIA–ს პროგნოზით, Brent–ის მარკის ნავთობის ფასი 2020 წელს 34,13 დოლარს შეადგენს, 2021 წელს — 45,62 დოლარს, ხოლო ტეხასურ WTI–ის ფასი წელს 30,10 დოლარს არ ასცდება, მომავალ წელს კი — 43,31 დოლარს.

როგორც ავსტრალიის ანალიტიკური ცენტრი „ეკონომიკისა მშვიდობის ინსტიტუტი“ აცხადებს, თუ ნავთობის ფასები პანდემიამდელ ნიშნულს არ გაუტოლდება, აშშ–ის ფიქალური ინდუსტრია ჩამოიშლება.

 

79
გაზეთები

მოსაზრება: რატომ კარგავს დასავლური მედია პოზიციებს

86
(განახლებულია 20:17 08.07.2020)
საერთაშორისო საინფორმაციო საგენტო Россия сегодня-მ წარმოადგინა კვლევა „რვაფეხა 2.0. კორონავირუსი რუსეთში“, რომელიც რუსეთის სახეს ეძღვნება დასავლურ (და არა მარტო) მასმედიაში.

ირინა ალქსნისი

ამჯერად მკვლევართა ყურადღების ცენტრში პანდემია მოხვდა, მაგრამ მოცული აღმოჩნდა არა მარტო „დიდი შვიდეულის“ ტოპ–მასმედია, არამედ ჩინეთისაც, სადაც იფეთქა კიდეც დაავადებამ.

მთლიანობაში „რვაფეხა 2.0“-ს განსაკუთრებული სიურპრიზები არ შემოუთავაზებია: COVID-19 დასავლურ მასმედიას ანტირუსული პროპაგანდის კიდევ ერთ საინფორმაციო საბაბად ჰქონდა გამოყენებული.

ამაში უპირობოდ ლიდერობენ ამერიკელები — ხუთ ყველაზე მნიშვნელოვან ამერიკულ მედიასაშუალებაში პუბლიკაციების 58%-ს ნეგატიური ტონალობა ჰქონდა. მას მოსდევს გერამული მედია, სადაც ამ მაჩვენებელმა 44% შეადგინა, შემდეგ კანადა — 41%-ით და ბრიტანეთი — 38%-ით.

იმავდროულად, „შვიდიანის“ დანარჩენ სამ ქვეყანას რუსეთის მიმართ ნეგატივის შესამჩნევად დაბალი დონე აქვს: იაპონიას – 33%, იტალიას — 28%, ხოლო საფრანგეთს – სულაც 21%.

თუმცა პოზიტივის მხრივ ვითარება არც ისე სახარბიელოა — სულ რაღაც ერთიდან ხუთ პროცენტამდე. გამონაკლისი მხოლოდ იტალიაა, სადაც რუსეთსა და კორონავირუსს მთელი ცხრა პროცენტი დადებითი გამოხმაურება ჰქონდა. იოლი მისახვედრია, რომ ეპიდემიასთან ბრძოლაში რუსეთის მიერ იტალიელებისთვის გაწეული დახმარება იყო სწორედ იმის მიზეზი, რომ მასმედიაში უფრო მეტი რაოდენობის სამადლობელი წერილები იბეჭდებოდა.

მაგრამ ამ ციფრებში საინტერესო მაინც სულ სხვა ასპექტია: ისინი ხილულად წარმოაჩენს მიმდინარე მომენტის ყველაზე აქტუალურ გეოპოლიტიკურ ტრენდებს. ერთი მხრივ, ანგლოსაქსები ანტირუსული შეტევების პიკზე რჩებიან, არიან რა მისი მამოძრავებელი ძალა, მაგრამ, მეორე მხრივ, ისინი აშკარად კარგავენ უახლოესი მოკავშირეების მხარდაჭერასაც კი, რომლებიც ცდილობენ დაიჭირონ უფრო ნეიტრალური მიდგომა და არ გადააჭარბონ რუსოფობიაში, რაც სრულიად ლოგიკურია: დრო შეიცვალა და ახლა უკვე აღარ არის 2014 წელი.

იმავდროულად ციფრები წარმოაჩენს, რამდენად რთულ მდგომარეობაშია გერმანია — უპირველესად, საკუთარი თავისთვის. გერმანული წამყვანი მედიის აქტიური ანტირუსული პოზიცია აშკარად ეწინააღმდეგება სახელმწიფოს პოლიტიკურ ხაზს, სადაც ბერლინი არა მარტო იცავს მოსკოვთან ერთობლივ პროექტებს, არამედ თანმიმდევრულადაც თავისუფლდება აშშ-სგან ნახევრად საოკუპაციო დამოკიდებულებისგან. თუმცა მედიასფეროში ხილულად რჩება საკვანძო გამოცემების მკაცრი დაქვემდებარება და უსიტყვო ლოიალობა არა ეროვნული ინტერესების, არამედ ვაშინგტონელი სიუზერენის მიმართ.

რაც შეეხება კონკრეტულ თემებს, რომლებიც ანტრუსულ–კოვიდურ პროპაგანდაში იყო გამოყენებული, ისინი არ გამოირჩეოდა ორიგინალობით და, ასე თუ ისე, დადის ორ კარგად ცნობილ ლეიტმოტივამდე: რუსეთი იღუპება როგორც არასდროს, მაგრამ ასევე წარმოადგენს დიდ საფრთხეს მსოფლიოსთვის.

კერძოდ ეს გამოჩნდა ქვეყნის ზოგადი ვითარების, ჯანდაცვის ეროვნული სისტემის, რუსეთის ხელისუფლების ქმედების კრიტიკაში COVID-19-თან ბრძოლაში და წინასწარმეტყველებებში, რომ ყველაფერი ბეწვზე ჰკიდია და ნგრევა ყოველ წუთსაა მოსალოდნელი.

რაც შეეხება დანარჩენი პლანეტისთვის საფრთხეს, არც ამაში მოუგონიათ რაიმე ახალი. მთავარი ბრალდება — მოსკოვის მიერ პანდემიასთან დაკავშირებით გატარებული დეზინფორმაციაა.

რა თქმა უნდა, ჩინურ მედიაში პრობლემის გაშუქება ბევრად განსხვავდება და საქმე არც იმ პოზიტიურ 20%-შია და არც ნეგატივის არარსებობაში. მთავარ თავისებურებად კორონავირუსთან ბრძოლაზე დაწერილი პუბლიკაციების რაოდენობაა. მარტიდან ივნისამდე პერიოდში ჩინეთის ტოპ–5 მედიარესურსში 1200-ზე მეტი სტატია გამოქვეყნდა რუსეთის ბრძოლაზე ეპიდემიასთან. შედარებისთვის: ანალოგიურ პერიოდში ტექსტების მინიმალური რაოდენობა ჰქონდა კანადას — 238 ერთეული, ხოლო დანარჩენი ექვსი ქვეყნის მაჩვენებლები 371-დან (იტალია) 470-მდე (იაპონია) მერყეობდა, ამერიკელები კი თავიანთი 428 სტატიით სულაც მეხუთე ადგილზე არიან საერთო სიაში.

გამოდის, რომ სამ თვეში ჩინურმა მედიამ თემაზე „კორონავირუსი რუსეთში“ თითქმის სამჯერ მეტი მასალა გამოაქვეყნა, ვიდრე თითქოსდა პლანეტის ყველაზე მძლავრმა ამერიკულმა მედიამ. ამასთან უნდა შეგახსენოთ, რომ ჩინური პულიკაციების 80%-ს ნეიტრალურ–საინფორმაციო ხასიათი ჰქონდა.

შეცდომა იქნებოდა, რომ მსგავსი კოლოსალური განსხვავება ჩინეთის განსაკუთრებული ყურადღებისა და ინტერესისთვის მიგვეწერა რუსეთის მიმართ. ყველაფერი ბევრად მარტივად და ბანალურადაა: საქმე წამყვანი ჩინური მედიასაშუალებების უფრო დაძაბულ მუშაობასა და უფრო მაღალ ეფექტურობაშია. ფაქტობრივად ამას ადასტურებს დასავლური შიშები ინფორმაციული ლიდერობის დაკარგვის თაობაზე.

ოდესღაც დასავლეთმა შექმნა მასმედიის საშუალებები მათი თანამედროვე გაგებით, და უპირობო ლიდერად და სანიმუშო მაგალითად იქცა დანარჩენებისთვის. სიტყვის თავისუფლება და ინფორმაციის გავრცელება იდეოლოგიური და გეოპოლიტიკური მეტოქეების წინააღმდეგ ბრძოლაში ერთ-ერთ მთავარ კოზირად იქცა — და წარმატებულადაც იყო გამოყენებული. მაგრამ პირდაპირ ახლა ამ აქამდე შეურყეველი სისტემის მზარდ კრიზისს ვხედავთ.

დასავლურ მედიასაშუალებებს სულ უფრო უჭირთ კონკურენციის გაწევა „არათავისუფალი სამყაროს“ მედიისთვის — იქნება ეს ჩინეთი თუ რუსეთი. შეგიძლიათ რამდენიც გსურთ იმდენი იცინოთ ამერიკელი და ევროპელი პოლიტიკოსების მიერ დათესილ პანიკაზე „კრემლის მედიასაცეცების“ შესახებ, მაგრამ RT და Sputnik-ი სულ უფრო ხშირად იღებენ დიდ გამოუხმაურებებს სოციალურ ქსელებში, ვიდრე ევროპის ყველაზე ცნობილი და გავლენიანი საინფორმაციო რესურსები.

დასავლური მედია სულ უფრო ცუდად ართმევს თავს თავის მთავარ ფუნქციას — მაქსიმალურად ფართო და მრავალფეროვანი ახალი ამბების აკუმულირებასა და მიტანას მკითხველამდე. ეს ეხება მასალის შინაარსსაც და მიწოდებასაც.

დიახ, დასავლეთი ჯერ ისევ ინარჩუნებს „ყველაზე თავისუფალი, პატიოსანი და პროფესიული პრესის“ იარლიყს, მაგრამ ერთ დღესაც ეს ასე შეიძლება აღარ იყოს.

რედაქცია შესაძლოა არ ეთანხმებოდეს ავტორის მოსაზრებებს

86
ქრისტოფერ კოლუმბის უთავო ძეგლი ააშშ-ში

„გასაკეთებელია დაუყოვნებლივ“: რის გამო დასჯის აშშ რუსეთს

214
(განახლებულია 19:04 03.07.2020)
გასული დღის მთავარ მოვლენად მოწინავე სამყაროში აშშ-ის კონგრესის სპიკერის ნენსი პელოსის განცხადება იქცა რუსეთის წინააღმდეგ სასწრაფოდ ახალი სანქციების შემოღების შესახებ. და კიდევ დღე-ღამეში კორონავირუსით ამერიკელების ინფიცირების რეკორდული მაჩვენებლები.

ვიქტორ მარახოვსკი

პელოსის განცხადება „ამერიკელების წინააღმდეგ რუსეთსა და თალიბებს შორის შეთქმულების“ შესახებ უგუნურ განცხადებას მოჰყვა. ეს ისტორია ამერიკული სპეცსამსახურების მიერ წყაროებისგან მიღებული ინფორმაცია კი არ არის, არამედ ვიღაც ანალიტიკოსების მიერ „თალიბების დაკითხვის შედეგად მიღებული დასკვნაა“ იმის თაობაზე, რომ ვიღაცამ რუსეთში რატომღაც ამერიკელი ჯარისკაცების მოკვლისთვის თალიბებისთვის ფულის გადახდა გადაწყვიტა, რომლებიც ისედაც მრავალი წლის განმავლობაში ხოცავენ ამერიკელ სამხედროებს.

ამ დასკვნამ, პენტაგონისა და ეროვნული უსაფრთხოების საკითხებში მრჩევლის ო’ბრაიენის განცხადებით, დადასტურება ვერ ჰპოვა, რის გამოც ის არც კი მოუხსენებიათ აშშ-ის პრეზიდენტისთვის.

მაგრამ ფოკუსი ისაა, რომ დღევანდელი ამერიკა აღარ ცხოვრობს ნორმალური სახელმწიფოს ფუნქციონირების ჩვეულებრივი კანონებით (ვაშინგტონში ახლა ბევრი „აუხსნელი“ მოვლენა ხდება, როგორც ეს კორექტულად აღწერა დმიტრი პესკოვმა). ის ჰაიპების მომაკვდინებელი შიდა ბრძოლების კანონებით ცხოვრობს და მათი ფორმულირება შეიძლება როგორც „არანაირი კანონები“.

ამიტომ ბირთვული ზესახელმწიფოს წარმომადგენელთა პალატის ხელმძღვანელი, სახელმწიფოს ერთ-ერთი პირველი პირი, რომელიც თავის იდეოლოგიად მართლმსაჯულებასა და სამართლიანობას აღიარებს, დაუდასტურებელი „ოპერატიული ინფორმაციის“ გაჩენაზე ერთმნიშვნელოვანი და პოლიტიკური დასკვნით რეაგირებს: საჭიროა სანქციების დაუყოვნებლად შემოღება სხვა ბირთვული ზესახელმწიფოს წინააღმდეგ.

ხოლო მედიასაშუალებები, რომლებმაც საზოგადოებაში ეს ინფორმაცია ისე შეაგდეს, რომ მისი ნამდვილობის დასადასტურებლად თავი არ შეუწუხებიათ, უკვე ამხელენ ქვეყნის მოქმედ პრეზიდენტს იმაში, რომ „მას არ უყვარს რუსეთის შესახებ მოხსენებები“. და ამით, ასე ვთქვათ, ახალ ქეისზე ამუშავებენ მანამდე არაერთხელ ჩავარდნილ თეზისს „ტრამპი რუსეთის შპიონია“.

რაც შეეხება დღის მეორე ახალ ამბავს იმის შესახებ, რომ COVID-19-ის დღიური შემთხვევები აშშ-ში პლუს 50 ათასამდე გაიზარდა, გასაოგნებელია, როგორ ამუშავებენ ამას ამერიკული მედიასაშუალებები.

აი, მაგალითად, რას წერს ავტორიტეტული გამოცემა Huffington Post:

„ბოლო აფეთქების ზოგი მიზეზის პოვნა მაისის ბოლოს, ხსოვნის დღემდეა შესაძლებელი“;

CNN: „ტრამპის ანტიპირბადური ჯვაროსნული ლაშქრობა მის დასაკბენად დაბრუნდა“;

The New York Times: „გამოკითხვები აჩვენებს, რომ ბევრი ამერიკელი მამაკაცი პირბადის ტარებას სისუსტის ნიშნად მიიჩნევს. პრეზიდენტ ტრამპის უარი პირბადის ტარებაზე მიუთითებს, რომ მასაც ეს საქმე სისუსტედ მიაჩნია“.

თუ მოგეჩვენათ, რომ ამ მაგალითებში რაღაცაა მხედველობიდან გამოტოვებული, არა, მართლა მოგეჩვენათ. მათში სრული ტაბუ აქვს დადებული იმას, რომ მაისის ბოლოდან დღემდე მთელ ამერიკაში მრავალათასიან ბრბოებად დადიან პროგრესული და სწორი მოძრაობა Black Lives Matter-ის წარმომადგენლები, რომლებიც ღრმად სოციალიზებულ ქმედებებს სჩადიან: ძარცვავენ მაღაზიებს, ცეცხლს უკიდებენ შენობებს, ხოცავენ ადამიანებს, მუხლს იყრიან და ფეხებს ბანენ უმცირესობებს.

ასობით ათასმა, თუ არა მილიონობით ამერიკელმა დაივიწყა სიფრთხილე და ისე იქცევა, თითქოს არანაირი კორონავირუსი არ არსებობდეს. ყველა გარეშე დამკვირვებელი აღნიშნავდა, რომ ამას დაავადების ჯოჯოხეთური აფეთქება მოჰყვებოდა, მაგრამ როცა აფეთქება მოხდა, აღმოჩნდა, რომ მასზე ლაპარაკი უბრალოდ არ შეიძლება.

ამიტომ პროგრესული ანალიტიკოსები აგინებენ ხალხის ტოქსიკურ სიმამაცეს, ტრამპის უპასუხისმგებლობასა და მაისის ხსოვნის დღეს, მაგრამ ჯიუტად არ სურთ დაინახონ ზედაპირზე მოტივტივე აშკარა მიზეზი.

რა უნდა აღინიშნოს აქ. არსებობს საფუძველი იმის სავარაუდოდ, რომ ეს ორი მაგალითი ერთი მოვლენის სიმპტომებია — მაშტაბურისა და საშიშის. მოკლედ ამას „ემოციური უსაფრთხოების იდეოლოგია“ შეიძლება ეწოდოს. ამ იდეოლოგიის თანახმად, არსებობის უფლება აქვს მხოლოდ იმ ლოგიკასა და ფაქტებს, რომლებიც მიზნობრივი აუდიტორიის ემოციურ კომფორტს არ დაარღვევს და მისი შეხედულებების წინააღმდეგი არ იქნება.   

მიზნობრივი აუდიტორიისთვის ხომ არანაირი მნიშვნელობა არ აქვს, რამდენად იდიოტურია სიცრუე „რუსული ფული ამერიკული სკალპებისთვის“. არც ისაა მნიშვნელოვანი, რეალურად რის გამო მოხდა კორონავირუსის ახალი აფეთქება ამერიკაში.

საქმე გვაქვს ოკამას სამართებლის რაღაც საშინელ ემო-ვარიაციასთან, რომლის თანახმადაც, ამა თუ იმ მოვლენის ჭეშმარიტი განმარტების ძიება არაფერშია საჭირო, თუ უკვე არსებობს ემოციურად სწორი და მისაღები განმარტება.

ამიტომ „ნებისმიერ რთულ ვითარებაში დაადანაშაულე რუსეთი და ტრამპი“.

რა თქმა უნდა, ეს არაფერში წაადგება ამერიკის წინაშე მდგარი პრობლემების გადაჭრას: დაკარგულ ლიდერობასა და პანდემიასთან გამკლავების უუნარობას.

სამაგიეროდ ეს დააკმაყოფილებს პროგრესულ ძალებს ამერიკული საზოგადოების შიგნით და პრეზიდენტის მოწინააღმდეგებს საშუალებას მისცემს, მოიშორონ იგი.

და ეს ყველაფერი ხდება ქვეყანაში, რომელსაც აქამდე გვისახელებენ მაგალითად.

214
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 10 ივლისს

0
(განახლებულია 08:24 10.07.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 10 ივლისი — Sputnik. სააქციო საზოგადოება „თელასი" იუწყება, რომ 10 ივლისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

მთაწმინდის რაიონი

10:00 საათიდან 18:00 საათამდე შეზღუდვა შეეხება: სოფელი ტაბახმელას, წავკისის და შინდისის მაცხოვრებლებს.

ვაკის რაიონი

10:00 საათიდან 18:00 საათამდე შეზღუდვა შეეხება: დაბა წყნეთის, სოფელი ახალდაბას, აბაშიძის, რიგის, თაქთაქიშვილის და ფალიაშვილის ქუჩების მაცხოვრებლებს.

15:00 საათიდან 16:00 საათამდე შეზღუდვა შეეხება: ილია ჭავჭავაძის გამზირის მაცხოვრებლებს.

კრწანისის რაიონი

10:00 საათიდან 18:00 საათამდე შეზღუდვა შეეხება: პურის მოედნის, ღვინის ჩიხის, კოტე აბხაზის, ლესელიძის, ტყავის, იერუსალიმის, გრიგოლ ხანძთელის, თუმანიანის, თორეთის და აბოვიანის ქუჩების მაცხოვრებლებს.

11:00 საათიდან 15:00 საათამდე შეზღუდვა შეეხება: კოტე აბხაზის, დიუმას, პუშკინის და კალისტრატე ცინცაძის ქუჩების მაცხოვრებლებს.

ისნის რაიონი

11:00 საათიდან 17:00 საათამდე შეზღუდვა შეეხება: ჩოლოყაშვილის მოედნის, ჩოლოყაშვილის I კვატრტლის, ბერი გაბრიელ სალოსის გამზირის, არტურ ლაისტის და მეგობრობის ქუჩების მაცხოვრებლებს.

11:00 საათიდან 14:00 საათამდე შეზღუდვა შეეხება: ვაზისუბნის დასახლების, სამგორის დასახლების, წულუკიძის და ლაღიძის ქუჩების მაცხოვრებლებს.

დიდუბის რაიონი

10:00 საათიდან 18:00 საათამდე შეზღუდვა შეეხება: აკაკი წერეთლის გამზირის, მტკვრის მარცხენა სანაპიროს, კარალეთის, ბოხუას, ლუბლიანას და ჭიაურელის ქუჩების მაცხოვრებლებს.

სამგორის რაიონი

10:00 საათიდან 18:00 საათამდე შეზღუდვა შეეხება: კახეთის გზატკეცილის, ლილოს დასახლების I, II, IV, V კვარტლების, ლილოს დასახლების, მეფრინველეობის ფაბრიკის დასახლების, ორხევის დასახლების, ალექსეევკის დასახლების, ლოჭინის დასახლების, საქსოფმშენის დასახლების, საქსოფმანქანის დასახლების, საქნავთობის დასახლების, აეროდრომის დასახლების, ლიზა ნაკაშიძე-ბოლქვაძის, ზაქარია მხარგრძელის, ჭირნახულის, ფრანგულიანის, ღლონტის, ორახელიძის, იუმაშევის და გოკიელის ქუჩების მაცხოვრებლებს.

საბურთალოს რაიონი

10:00 საათიდან 17:00 საათამდე შეზღუდვა შეეხება: პეტრიწის ქუჩის მაცხოვრებლებს.

ჩუღურეთის რაიონი

10:00 საათიდან 16:00 საათამდე შეზღუდვა შეეხება: ვაგზლის მოედნის, თამარ მეფის გამზირის, თევდორე მღვდლის და აბასთუმნის ქუჩების მაცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს