არეულობა აშშ-ში

„როგორც ჩანს, რუსები იყვნენ“ მაგიური ვერსიის მედიური პროპაგანდისტი

149
(განახლებულია 20:30 01.06.2020)
როგორც CNN იუწყება, რუსეთის აგენტების მონაწილეობა სრულიად ამერიკის რბევაში „სავსებით დასაშვებია“. გუშინ, როდესაც არხმა გაუშვა სიუჟეტი, რომელშიც ერთ-ერთი ექსპერტი არეულობაში „რუსი აგენტების“ მონაწილეობას ვარაუდობდა, მას დონალდ ტრამპმა პირადად დასცინა „ტვიტერში“.

ვიქტორ მარახოვსკი

შეგახსენებთ, რომ აშშ-ის პრეზიდენტს ერთ-ერთ ყველაზე გავლენიან ამერიკულ ტელეარხთან იმაზე ცუდი ურთიერთობა აქვს, ვიდრე ირანს ისრაელთან. და კიდევ: 2016 წელს CNN-მა ყველაფერი გააკეთა იმისთვის, რომ ტრამპი პრეზიდენტი არ გამხდარიყო, შემდეგ კი ძალ-ღონე არ დაიშურა „რაშაგეიტის“ ვერსიის გასამყარებლად. ტრამპი, თავის მხრივ, CNN-ს მოიხსენიებს, როგორც Fake news CNN-ს, არ მალავს თავის სიძულვილს არხის მიმართ და სიხარულს მისი რეიტინგის ვარდნის გამო.

სხვათა შორის, აშშ-ის პრეზიდენტს სიამოვნება მიანიჭა სიახლემ იმის შესახებ, რომ დარბევის მონაწილეები ქალაქ ატლანტაში თავს დაესხნენ CNN-ის შტაბ-ბინას, ჩაუმსხვრიეს შუშები და შეძლებისდაგვარად დაამახინჯეს შენობა. ტრამპმა ეს ამბავი „ტვიტერზე“ კვლავ ირონიულად შეაფასა: მომიტინგეებმა დაარბიეს არხი, რომელიც მხარს უჭერს და ამართლებს მათ ქმედებებს.   

ახლა კი ყველაზე საინტერესო: საქმე ისაა, რომ დღეს CNN-ს დაბადების დღე აქვს – მას ორმოცი წელი შეუსრულდა.

არხის განვლილი გზა და მისი დღევანდელი სახე თვალნათლივ გვიამბობს აშშ-ის მსოფლიო ლიდერობის ისტორიას.

ორმოცი წლის წინ ახალგაზრდა და თავხედმა ტედ ტერნერმა დააფუძნა ისტორიაში პირველი ოცდაოთხსაათიანი ახალი ამბების მომწოდებელი ქსელი. ეს საინფორმაციო ბიზნესში დიდი გარღვევა და რევოლუცია იყო. თუ გნებავთ, პირველი გაელვება იმ ონლაინისა, რომელშიც დღეს გვიწევს ცხოვრება.

მაშინ, 1980-ში ეს გარღვევა შესამჩნევი იყო, მაგრამ მას განსაკუთრებულ მნიშვნელობას არ ანიჭებდნენ – უბრალოდ იმიტომ, რომ დასავლური, კერძოდ კი, ამერიკული რევოლუციები მეცნიერებასა თუ ბიზნესში, პოლიტიკასა თუ სოციალურ ტექნოლოგიებში მაშინ შესაშური სისწრაფით ენაცვლებოდნენ ერთმანეთს. ტერნერმა დააფუძნა ოცდაოთხსაათიანი ახალი ამბების არხი, მომდევნო წელს კი NASA-მ კოსმოსში გაუშვა მრავალჯერადი კოსმოსური ხომალდი რვაკაციანი ეკიპაჟით, მაშინვე IBM-მა წამოიწყო პირველი სერიული პერსონალური კომპიუტერის გაყიდვა, რიგში კი იდგა უკვე მასობრივი მობილური, რომელსაც კვალდაკვალ მიჰყვა მომავლის ხელისუფალი – ინტერნეტი.

თავად აშშ მაშინ XX საუკუნის სულის უდავო გამომხატველი იყო – ახალგაზრდა, მაგრამ უკვე მოწიფული (ამერიკელის საშუალო ასაკი 1980-იანებში 30 წელი იყო), რომელსაც მრავლად ჰყავდა არა მხოლოდ იმპორტირებული, არამედ საკუთარი გენიოსები, ჯერ კიდევ უმეტესწილად კლასიკური განათლებით, ლიბერალური, ტექნოკრატიული და ამასთან ღრმად მორწმუნე, გამომგონებელი და მტაცებელი. 

CNN რეალობაზე ამ მტაცებელი ამერიკის ზეგავლენის უმძლავრეს ინსტრუმენტად იქცა – და თავისი ძალა მან დაარსებიდან მეთერთმეტე წელს გამოავლინა, როდესაც მთელი პლანეტა მონუსხული უყურებდა უდიდეს შოუს სახელწოდებით „ომი ყურეში“. დედამიწის მოსახლეობის თვალწინ ზეტექნოლოგიურმა ამერიკულმა თვითმფრინავებმა ქაღალდის ფიგურასავით „დაჭმუჭნეს“ ევრაზიის ერთ-ერთი ყველაზე ძლევამოსილი არმიის წინააღმდეგობა. შოუმ, რომელიც მაშინ მსოფლიომ იხილა, დედამიწის მოსახლეობის მთელ თაობას ჩაუნერგა რწმენა იმისა, რომ აშშ არის დაუმარცხებელი და შეუჩერებელი ძალა, რომელმაც დანარჩენი კაცობრიობისგან ერთგვარი ხარისხობრივი ნახტომი შეასრულა; რომ დანარჩენი მსოფლიო განწირულია აშშ-ის კუდში დევნისთვის; რომ არავინ უნდა გააღიზიანოს აშშ; რომ ყველამ უნდა დაუჯეროს და მისი მოწყალების იმედი იქონიოს.

როდესაც ერაყის სამხედრო სიძლიერის კვალდაკვალ დედამიწის რუკიდან გაქრა საბჭოთა კავშირი, მისმა ნამსხვრევებმა კი აშშ-ის ერთგულება შეჰფიცეს – ეს გარკვეულწილად ამერიკული XX საუკუნის „ჰეფი ენდი“ იყო. ამ გამარჯვების ერთ-ერთ უდავო გმირს, ტედ ტერნერს სრული ბედნიერებისთვის მხოლოდ ისღა დარჩენოდა, რომ ცოლად მოეყვანა ჰოლივუდის ვარსკვლავი ჯეინ ფონდა და მზის ჩასვლას მასთან ერთად შეხვედროდა. რაც ტერნერმა გააკეთა კიდეც.

...მაგრამ მთელი ირონია ისაა, რომ რეალობაში არანაირი „ჰეფი ენდები“ არ არსებობს. რეალობაში არ იწერება ფინალური ტიტრები, ნებისმიერი გამარჯვება და ტრიუმფი დროებითია, რის შემდეგაც ყოველთვის ახალი თავი იწყება.

აშშ-ს კი, რომელმაც XX საუკუნეში მსოფლიოზე გაიმარჯვა, შეიძლება ითქვას, სწორედ „ჰეფი ენდის“ სინდრომი შეეყარა. ანუ მან რეალურად დაიჯერა, რომ კაცობრიობის ისტორიაში დაიწერა ტიტრები და „სიკველი“ არ არის მოსალოდნელი. 

საჩვენებელი ფაქტია: სსრკ-ის დაშლისთანავე ამერიკულმა სახელმწიფო ორგანიზაციებმა მკვეთრად შეუცვალეს პროფილი „რუსეთის საკითხთა სპეციალისტებს“ – რა საჭიროა იმის სპეციალისტი, რაც უკვე აღარ არსებობს და არც არასდროს იარსებებს?

თუმცა, თავად ამერიკული დიპლომატიაც, ვეტერანების შეფასებებით, რაღაც უცნაურ გამარჯვების პიკში მოექცა: კომპრომისებისა და მანიპულაციების მაძიებლების ნაცვლად აშშ-ის დიპლომატიურმა სკოლებმა დაიწყეს „მაღალანაზღაურებადი ფელდეგერების მომზადება, რომლებიც არიგებდნენ ბრძანებებს“ და მიაჩნდათ, რომ თუ ვინმე არ ემორჩილებოდა ამერიკულ ზეწოლას, ეს ზეწოლა უნდა გაეძლიერებინათ.

ამერიკული „რეალობის პულტი“, რომლის დეტალებიც იყვნენ CNN-იც, ჰოლივუდიც, „ფერადი ტექნოლოგიებიც“ და უკვე ახალ საუკუნეში Facebook და Twitter, ასევე ხსენებულ სინდრომს ემსხვერპლა. წინასწარ ცრუ ბრალდებებითა და წარმატებული „ტვიტერ-რევოლუციების“ სერიით რამდენიმე ქვეყნის დასჯის შემდეგ, როგორც ჩანს, ბევრი საბოლოოდ დარწმუნდა: არ არსებობს სხვა რეალობა, გარდა იმისა, რომელსაც აუდიტორიის ტვინში მასობრივად ნერგავენ სპეციალურად გაწვრთნილი ტექნოლოგიური ადამიანები – ფეისბუქის, აშშ-ის საელჩოსა და ამერიკული გამანადგურებლების მხარდაჭერით.

თუმცა რეალობამ ცხადყო, რომ ის კვლავაც არსებობს და, ზეწოლის მიუხედავად, იპოვის შურისძიების მეთოდს.

„CNN-ის სამყაროსთვის“ აპოკალიფსი მოხდა ჯერ კიდევ 2016 წელს, როდესაც ამერიკულ მედიასფეროში ტოტალური დომინირების მიუხედავად (დაახლოებით 15% 85%-ის წინააღმდეგ, კლინტონის სასარგებლოდ), არჩევნებში ტრამპმა გაიმარჯვა.

იმისათვის, რასაც ტრადიციულად უწოდებენ ამერიკულ „სიღრმულ სახელმწიფოს“, ეს იყო არასასურველი კანდიდატის გამარჯვებაზე მეტი. ეს იყო დარტყმა „ჰეფი ენდის ეპოქის“ იდეურ საძირკველზე, მართული რეალობის იდეაზე, CNN-ის და The New York Times-ის დაუმარცხებელი კავშირის დოგმაზე. 

შესაძლოა სწორედ იმიტომ, რომ „სიღრმული სახელმწიფო“, პრინციპში, არ აღმოჩნდა მზად, უარი ეთქვა პულტით რეალობის მართვაზე და ჩაებღაუჭა ვერსიას რუსების მიერ ამერიკელების მისტიკური გათვალვის შესახებ – „ამ რუსებმა მოგვპარეს ამერიკული პულტი და ამიტომ წავაგეთ“.

ამ მაგიური ვერსიის მედიური პროპაგანდისტი სწორედ CNN გახდა. იგი აქტიურად მონაწილეობდა იმაში, რასაც ბოლო დრომდე „აშშ-ში ცივ სამოქალაქო ომად“ მოვიხსენიებდით, ახლა კი აღარ ვიცით, შეიძლება თუ არა, ცივი ვუწოდოთ.

...ახლა, ვიდრე აშშ-ის ოცდაათი დიდი ქალაქი საპროტესტო ტალღამ მოიცვა, დედამიწაზე კი გმირულად გაისმის პირველი კერძო კოსმოსური ხომალდის გაშვების მოწოდებები, შეგვიძლია ვცადოთ იმის წარმოდგენა, როგორ განვითარდება „მედიური“ და ნამდვილი რეალობის ურთიერთობა მსოფლიო ექს-ჰეგემონის ტერიტორიაზე.

ფოკუსი ის გახლავთ, რომ ნამდვილი „სამყაროს დასასრული“ არ არსებობს, ისევე, როგორც ნამდვილი „ჰეფი ენდი“. არ არის აუცილებელი აპოკალიფსი სასიკვდილო იყოს. იქნებ ეს უბრალოდ მსოფლიო პოლიტიკური და ეკონომიკური და, ალბათ, ძალისმიერი ლიდერობის დაკარგვა იყოს. ეს მხოლოდ და მხოლოდ ქვეყნის წარუმატებელი ნაწილების ჩაფლობაა ერთგვარ „მესამე სამყაროში“ (აშშ-ში ამჟამად 40 მლნ უმუშევარია და, როგორც ამბობენ, ეს ზედა ზღვარი არ არის) – მთელი თავისი სოციალური შედეგებით. ესაა საზოგადოების განხეთქილება და ქვეყნის დაყოფა ღარიბ პოსტაპოკალიფსურ ტერიტორიებად და მდიდარ იზოლირებულ კუნძულებად, საიდანაც, შესაძლოა, კიდევ უფრო დიზაინერული რაკეტები გაუშვან. სადღაც მთელი ქალაქები გადავლენ სოიოს ალაფზე, სადღაც კი უზარმაზარი ბიუჯეტის მქონე თავბრუდამხვევ სრულყოფილ ბლოკბასტერებს გადაიღებენ.

უბრალოდ აღარ იარსებებს ის ამერიკა, რომელმაც ოდესღაც „სფეის შატლი“ გაუშვა და რომელიც, შესაძლოა, ჯერ კიდევ ახსოვს CNN-ის დამფუძნებელს, 81 წლის ტერნერს.

თუმცა ფაქტი არ არის, რომ ახსოვს: ჯერ კიდევ რამდენიმე წლის წინ მან აღიარა, რომ დემენცია აწუხებს.

რედაქცია შესაძლოა არ ეთანხმებოდეს ავტორის მოსაზრებებს

149
საპროტესტო აქცია ზუგდიდში

ხელისუფლება და ოპოზიცია მესამე ძალის მოლოდინში

112
(განახლებულია 18:18 21.01.2021)
ხელისუფლება საგაზაფხულო სესიაზე პარლამენტის 100 კაცამდე შევსებას ელოდება, ოპოზიციის ნაწილი კი, როგორც ირკვევა, ელოდება, როდის დაიმშევა ხალხი და გამოვა ქუჩაში. მისი რადიკალური ფრთა არ მალავს, რომ საგაზაფხულოდ აქციებისთვის ემზადება.

როგორც ჩანს, არც ხელისუფლების ოცნებას უწერია ასრულება და არც რადიკალური ოპოზიციის. ხელისუფლების იმიტომ, რომ საგაზაფხულო სესიამდე 10 დღით ადრე 54 ოპოზიციონერი მყარად დგას იმ აზრზე, რომ პარლამენტში არ შევა. ოპოზიციას კი, რომელსაც საგაზაფხულოდ გრძელვადიანი და მრავალრიცხოვანი აქციების მოწყობა სურს, ავტორიტეტი ისედაც არ გაზრდია 2012 წლის შემდეგ და ახლა სულ შემოეხა ტანზე დარჩენილი რეიტინგი ამდენ ლანძღვა-გინებასა და გარჩევებში, და რისი იმედი აქვს, ძნელი სათქმელია.

პარალელურად არსებობს იდეა მესამე ძალის შექმნასა და გაძლიერებაზე ადგილობრივი და შემდეგ საპარლამენტო არჩევნებისათვის. როგორც ჩანს, სწორედ ამ ძალას გულისხმობს ექსპერტი გია ხუხაშვილი, რომელიც თანამოაზრეებთან ერთად პოლიტიკაში ერთჯერადად დაბრუნებას არ გამორიცხავს.

საქმე ისაა, რომ ე.წ. მესამე, დასავლური ძალა, დიდი მცდელობის მიუხედავად, მამუკა ხაზარაძის გარშემო ვერ ჩამოყალობდა. ეს არცაა გასაკვირი, რადგან საქართველოში ბანკირები დიდად არ უყვართ და მათ მხოლოდ ჩრდილიდან შეუძლიათ ქვეყნის მართვაში მონაწილეობა და ფულის კეთება. მიუხედავად „ლელოს“ კარგი სტარტისა, მათ დასაწყისი უკეთესი ჰქონდათ, ვიდრე რეალური შედეგი. არავინ ელოდა, რომ ეს გაერთიანება 10 პროცენტსაც კი ვერ აიღებდა.

ამიტომ გამორიცხული არ არის, რომ გაზაფხულზე ახალი პროდასავლური გაერთიანება გამოიკვეთოს ექს-პრეზიდენტ მარგველაშვილის, პარლამენტის ყოფილი თავმჯდომარის უსუფაშვილის, ექსპერტ გია ხუხაშვილისა და მათი თანამოაზრეების მონაწილეობით. მიუხედავად იმისა, რომ ჯერჯერობით არ ჩანს არც გმირი ბაზალეთის ტბის ძირიდან და არც მათი დამფინანსებელი, სავარაუდოდ, ისინი შეეცდებიან რესურსი დასავლეთის რომელიმე ადმინისტრაციაში მოძებნონ, რადგან არა მხოლოდ აშშ, არამედ ევროპაც უდიდესი ცვლილებების წინაშე დგას – 16-წლიანი მმართველობის შემდეგ პოსტიდან თვით მსოფლიოს ყველაზე გავლენიანი ქალი ანგელა მერკელი მიდის, რამაც შეუძლებელია, ცვლილებები არ გამოიწვიოს საქართველოს კიდევ ერთი სტრატეგიული პარტნიორის, გერმანიის საგარეო პოლიტიკაში.

პარალელურად ცნობილი ხდება, რომ ქართულ პოლიტიკურ სპექტრში მოსვლას გეგმავს ლევან ვასაძე, ყოფილ დეპუტატ დიმიტრი ლორთქიფანიძესთან ერთად, რომელიც, ალბათ, „პატრიოტებს“ უფრო წაართმევს ხმებს, ვიდრე ლიბერალურ ძალებს.

მოკლედ, ასეა თუ ისე, ქართულ პოლიტიკაში, ისევე, როგორც საზოგადოებრივ ცხოვრებაში, სერიოზული იდოლოგიურ-საკადრო კრიზისია და ძალთა ახალი კალეიდესკოპის დალაგება დროსა და რესურსებს მოითხოვს.

112
ნატოს სწავლება „საიმედო პარტნიორი 2020“

მოსაზრება: საქართველო და ნატო რას აძლევს და რას იღებს იგი

6
(განახლებულია 20:27 21.01.2021)
შეერთებული შტატების ახალი ადმინისტრაციის სიგნალები ანტირუსული დღის წესრიგის განვითარებასა და რუსეთის გარშემო პრობლემების „ცეცხლოვანი წლის“ შეკვრის სურვილზე მეტყველებს.

კორექტივები შედის რუსეთის შეკავების გეგმებში. საამისოდ გამოყენებულები იქნებიან ყოფილი საბჭოთა რესპუბლიკებიც.

საქართველოს პრეზიდენტი სალომე ზურაბიშვილი 20 იანვარს ბრიუსელში გაფრინდა, სადაც ევროკავშირისა და ნატოს ლიდერებთან ოფიციალური შეხვედრები იგეგმება. ამ მნიშვნელოვანი მივლინების წინა დღეს ნატოს გენერალურმა მდივანმა იენს სტოლტენბერგმა ისე ისაუბრა საქართველოს ნატოში შესვლის თაობაზე, როგორც თითქმის გადაწყვეტილ საქმეზე:

„საქართველოს სურს, გახდეს ნატოს წევრი და რუსეთი ამას ხელს ვერ შეუშლის. გახდება თუ არა საქართველო ნატის წევრი - ეს მხოლოდ საქართველოსა და ჩრდილოატლანტიკური ალიანსის გადასაწყვეტია, ვინაიდან ყველაფერი დანარჩენი იქნება სუვერენული სახელმწიფოს სუვერენული უფლებების დარღვევა. რუსეთის გადასაწყვეტი არ არის, როგორ მოიქცევა საქართველო“.

სალომე ზურაბიშვილმა ჯერ კიდევ 2018 წელს განსაზღვრა თავისი პრეზიდენტობის პრიორიტეტებად საქართველოს შესვლა ევროკავშირსა და ნატოში. ამასთან მან აღნიშნა, რომ საქართველომ „დაბომბა თავისი მოსახლეობა, რისი უფლებაც არცერთ პრეზიდენტს არ აქვს“. პრეზიდენტობის დასაწყისში, მანამდე საფრანგეთის მოქალაქე ზურაბიშვილი, შეიძლება ნაკლებ ინფორმირებული და წინააღმდეგობრივი ყოფილიყო, მაგრამ უკვე ორი წელი გავიდა. დადგა დრო საქართველოსთვის აწონილდაწონილი და საბედისწერო გადაწყვეტილებების მიღებისა.

გაჭიანურებული დიალოგი

22 იანვარს საქართველოს ლიდერი ნატო-საქართველოს კომისიის სხდომაში მიიღებს მონაწილეობას. აქ აუცილებლად უნდა გავიხსენოთ მრავალწლიანი რთული გზა. 2001 წელს პარლამენტმა მიიღო დადგენილება ქვეყნის ჩრდილოატლანტიკურ ალიანსში შესვლის პროცესის დაწყების შესახებ. გავიდა 19 წელი, საქართველო კი კვლავ „ინტენსიური დიალოგის“ სტადიაზეა. ნატოში შესვლამდე რჩება „მოქმედების გეგმა“, რომელიც უფრო მეტად ჰორიზონტის ხაზს მოგვაგონებს - ხილულსა და მიუღწეველს - საქართველოსადმი ნატოს წევრი ევროპული სახელმწიფოების სკეპტიკური განწყობის გამო. ეს შემაშფოთებელი ტენდენციაა გენერალური კურსისთვის. რაღაც ისე არ წავიდა.

ალიანსი ოფიციალურად მიიჩნევს რუსეთს თავის მთავარ სამხედრო საფრთხედ - დღეს და პერსპექტივაში 2030 წლამდე (მეორე ადგილზეა ჩინეთი, მესამეზე - საერთაშორისო ტერორიზმი“. ნატო თავისი სტრატეგიული კონცეფციის განახლებისთვის ემზადება, რომელშიც რუსეთი და ჩინეთი პირდაპირ დასახელდებიან დასავლეთის მტრებად. ამასთან დასავლელი სტრატეგები ტრადიციულად ანიჭებენ უპირატესობას რუსეთთან სხვისი ხელით ბრძოლას. ნატოში შესვლა ქართველ ხალხს უსაფრთხოებას კი არ აღუთქვამს, არამედ რეგიონში სამხედრო-პოლიტიკური დაძაბულობის, აფხაზეთისა და ცხინვალის რეგიონის მიმართულებით შეიარაღებული კონფლიქტების ალბათობის ზრდას. მეორე მხრივ, იოლი წარმოსაგენია ვაშინგტონის რეაქცია სუვერენული მექსიკის ან კანადის შესვლაზე ისეთ ორგანიზაციაში, როგორიცაა კოლექტიური უსაფრთხოების შეთანხმების ორგანიზაცია.

რუსეთის პოზიციის გაუთვალისწინებლობა ნატოს გაფართოებაზე პოსტსაბჭოთა სივრცეში შეუძლებელია. თუ ალიანს რაიმე უფლება აქვს თავისი თავდაცვის მოწინავე ხაზის განთავსებაზე ავღანეთში, ერაყში, ლიბიაში, მაშინ რუსეთშაც აქვს ასეთივე უფლება - და ის უკვე რეალიზებულია სირიაში.

რუსეთთან განსაკუთრებული ურთიერთობების ჭრილში ნატოს მნიშვნელოვანი მოკავშირე თურქეთი აბსოლუტურად არ არის დაინტერესებული კონფლიქტების ესკალაციაში შავი ზღვის რეგიონში. ანკარისთვის უფრო მოსახერხებელია, გეგმაზომიერად დაიმორჩილოს თბილისი ეკონომიკური მეთოდებით, ვიდრე საქართველოსთვის სასიცოცხლო სივრცე და ნატოში ახალი სტატუსი მოიპოვოს ბრძოლით.

სახარჯო მასალა

საქართველოს რეალური საფრთხეები მხოლოდ ჩრდილოატლანტიკური ალიანსის მხრიდან ელის. უფროსი პარტნიორების უმცროსებისადმი ცინიკური და დაუდევარი დამოკიდებულების მაგალითებისთვის შორს წასვლა საჭირო არ არის.

აშშ-ს გეგმიურად გამოჰყავს თავისი ჯარები ავღანეთიდან, ხოლო ქართული 32-ე ბატალიონი 870-ზე მეტი სამხედრო შეამდგენლობით, იანვრის დასაწყისში როტაციის წესით გაემგზავრა ისლამურ რესპუბლიკაში – ავიაბაზა ბაგრამის დასაცავად, ნატოს არასაბრძოლო მისია „მტკიცე მხარდაჭერის“ ფარგლებში. თუ ამერიკელები ქვეყნიდან გადიან, რომელშიც თალიბები სათავეში მოდიან, მაშ, ვის დაუჭერენ მხარს ქართველი ჯარისკაცები ექვსი თვის განმავლობაში? აშკარაა, ისინი საკუთარი სიცოცხლის რისკის ფასად ეფარებიან მოკავშირეების გასვლას.

ნატოს კიდევ ერთი სახიფათო თავისებურება - ეს უმცროსი პარტნიორებისთვის მათი ბიუჯეტისთვის მაქსიმალურად ძვირადღირებული ამერიკული იარაღის თავს მოხვევაა. ეს ალიანსის საპროგრამო პრიორიტეტია უახლოესი 10 წლისთვის. და თბილისი ყოველწლიურად იძენს დიდი რაოდენობით იარაღს - ტანკსაწინააღმდეგო ყუმბარმტყორცნებს, ჰაერსაწინააღმდეგო თავდაცვის სისტემებს და ა.შ.

როგორც უკვე ითქვა ზემოთ, ქართველი ჯარისკაცები მრავალი წელია, რაც პენტაგონის ინტერესებს იცავენ ავღანეთში. მადლიერების ნიშნად კი ისმის მხოლო მომნუსხველი სიტყვები საქართველოს ისტორიული როლის შესახებ მსოფლიო პოლიტიკაში, საერთო ფასეულობებისა და ალიანსის მიერ რესპუბლიკის ტერიტორიული მთლიანობისა და სუვერენიტეტის მხარდაჭერის შესახებ...

რედაქცია შესაძლოა არ ეთანხმებოდეს ავტორის მოსაზრებებს!

6
ბანგურიანი

დღის ასტროპროგნოზი ზოდიაქოს ნიშნებისთვის: 22 იანვარი

0
(განახლებულია 13:11 21.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 22 იანვარია, პარასკევი. მზარდი მთვარე კუროს ნიშანშია. ამ დღეს პლანეტა ვენერა მფარველობს.

იღბლიანი დღეა, აქტიურობისა და მკაფიო აზრების დრო. თუმცა, თვალი მიადევნეთ, რომ თქვენი თავდაჯერებულობა ზედმეტ სიამაყესა და ამპარტავნებაში არ გადაიზარდოს. დღე ხელსაყრელია ახალი წამოწყებებისთვის. ასევე ურიგო პერიოდი არაა ჯანმრთელობის თვალსაზრისით, მაგრამ ყურადღება მაინც გმართებთ – იგივე ზედმეტმა თავდაჯერებულობამ, შესაძლოა, სარისკო ნაბიჯებისკენ გიბიძგოთ და ჯანმრთელობის პრობლემები შეიქმნათ.

ზოდიაქოს რომელ ნიშნებს ელოდება მატერიალური კეთილდღეობა 2021 წელს>>

ვერძი: დღეს თქვენში წინა პლანზე გამოვა ისეთი თვისებები, როგორიცაა სიმტკიცე, მიზანსწრაფულობა და გამჭრიახობა. ამის წყალობით რთულ საქმეებსაც კი იოლად გაუმკლავდებით. არაა გამორიცხული, რომ ჩახლართული პრობლემიდან გამოსავალი იპოვოთ. თქვენი გეგმა მკაფიო იქნება, ხოლო მოქმედებები – ეფექტური. ეს მხოლოდ თქვენ საქმიანობას არ ეხება – პარასკევს ირგვლივ მყოფებსაც დაეხმარებით, ვინც ამის თხოვნით მოგმართავთ.

კურო: დღეს უზარმაზარი, პრაქტიკულად, უკიდეგანო პოტენციალით დასაჩუქრდებით. მთავარია, მომენტი ხელიდან არ გაუშვათ და ყველა მოცემული შესაძლებლობა გამოიყენოთ. ვარსკვლავები მოგიწოდებენ, სახლში არ დასხდეთ და ეცადოთ, მოვლენების ცენტრში აღმოჩნდეთ. თუ ასე მოიქცევით, ბევრი რამის მიღწევას შეძლებთ, გექნებათ შესაძლებლოა, რომ ცხოვრება უკეთესობისკენ შეცვალოთ. თუ ასე არ მოიქცევით, როგორც ამბობენ, „არ მინდა“ მიზეზია, ხოლო „არ შემიძლია“ – საბაბი.

ტყუპი: ასტროლოგები გირჩევენ, ეს დღე სიჩუმეში გაატაროთ. დროა, მოწყდეთ მოვლენებს, ღათა ამ ყველაფერს გარედან შეხედოთ. ამისთვის საკმარისია, მოერიდოთ აქტიურ ურთიერთობებს და ქვეცნობიერის ხმას მოუსმინოთ. აუჩქარებელი ფიქრი, აბაზანა მოდუნებისთვის, არომატული სანთლები, ან, სულაც, უსაქმოდ წამოწოლა დივანზე დაგეხმარებათ, რომ საკუთარ თავს ჩაუღმავდეთ და იპოვოთ პასუხები იმ კითხვებზე, რომლებიც გაღელვებთ.

კირჩხიბი: შესანიშნავი დღეა. თქვენი გრძნობები გაწონასოწრებული და ჰარმონიული იქნება იქნება როგორც სამყაროსთან, ისე საკუთარ თავთან. ამას თქვენ გვერდით მყოფი ადამიანებიც იგრძნობენ. პოზიტიური ემოციების წყალობით ადვილად მოიპოვებთ ადამიანების სიმპათიას, მათ მხარდაჭერას. იდეალური დღეა ახალი ნაცნობობის, ურთიერთობების, რომანტიკის, მოგზაურობის, შემოქმედებისთვის. გაატარეთ დრო თქვენთვის ძვირფასი ადამიანის გვერდით – გელოდებათ დიდი სიხარული, სიყვარული და წრფელი გული.

ლომი: შესანიშნავი დღეა კარიერის საკითხების ან სხვა ამბიციური მიზნების გადაწყვეტისთვის. იქნებით ორგანიზებული, გაძლიერდება ნებისყოფა და მიზნისკენ სვლის უნარი. ვარსკვლავები ამბობენ, რომ თუ ენერგიას სწორ კალაპოტში მიმართავს, უზარმაზარი ნაბიჯის გადადგმას შეძლებთ წინ. ერთადერთი „მაგრამ“ ისაა, რომ ყველაფერში გარშემომყოფებზე დაყრდნობა არ ღირს – პასუხისმგებლობისა და დისციპლინის თვალსაზრისით, თქვენგან გასნხვავებით, ისინი ძალიან მოიკოჭლებენ.

ქალწული: დღეს გაქვთ შანსი, რომ დარწმუნდეთ ამ ანდაზის ჭეშმარიტებაში – „ზოგი ჭირი მარგებელია“. დიდი ალბათობაა, რომ ერთი შეხედვით არახელსაყრელი გარემოება თქვენ სასარგებლოდ შემობრუნდეს. ასე რომ არ ღირს ბედზე წუწუნი და ნაჩქარევი დასკვნების გამოტანა – პარასკევს არცთუ პოზიტიური მოვლენის უკან შეიძლება სასიამოვნო სიურპრიზი იმალებოდეს.

სასწორი: დღეს უზარმაზარი შესაძლებლობები გელოდებათ, რომლებიც არ იქნება დამოკიდებული გზაზე გაჩენილ დაბრკოლებებზე. განწყობა საბრძოლო გექნებათ და ბარიერები და რთული ამოცანები თქვენს აზარტს კიდევ უფრო გაახელებს. იგივე შეეხება მეტოქეებს – პარასკევს ისინი მეტ სტიმულს მოგცემენ და ხარის წინ აფრიალებული წითელი ქსოვილის ფუნქციას შეასრულებენ. ასე რომ, არ შეუშინდეთ დაბრკოლებებს – სწორედ ისინი მოგცემთ ბრძოლისა და გამარჯვების ბიძგს.

მორიელი: დღეს ცხოვრების ნებისმიერ სფეროში, შესაძლოა, საკმაოდ მაცდური წინადადება მიიღოთ, მაგრამ სანამ დათანხმდებით, ასტროლოგები კარგად დაფიქრებას გირჩევენ. შესაძლოა, წინადადება მართლაც მომგებიანი იყოს, მაგრამ ასევე არაა გამორიცხული, რომ სარისკოც აღმოჩნდეს. ამის გამოსარკვევად ჯერ შეაგროვეთ რაც შეიძლება მეტი ინფორმაცია და მხოლოდ ამის შემდეგ მიიღეთ გადაწყვეტილება. ხომ გაგიგიათ, ყველაფერი ოქრო არაა, რაც ბრწყინავს.

მშვილდოსანი: ასტროლოგები გაფრთხილებენ, რომ დღეს საქმეებისადმი ზედმეტად სერიოზული დამოკიდებულება არ ღირს. ეს განსაკუთრებით ყოფით საკითხებს, რუტინულ სამუშაოსა და წვრილმანებს ეხება. პარასკევს თქვენი განწყობა იმგვარი იქნება, რომ ნებისმიერ არასწორად გაკეთებულ საქმეს თქვენი სულიერი წონასწორობის დარღვევა შეუძლია. მცირეოდენი შეცდომის გამო ნერვიულობა ნამდვილად არ ღირს. სხვათა შორის, ამის გამოსწორება სულაც არ იქნება რთული: საკმარისია, საკუთარ თავს გარედან შეხედოთ და თან იუმორიც არ დაივიწყოთ.

თხის რქა: დღეს ბედმა, შესაძლოა, სასიამოვნო სიურპრიზი მოგიმზადოთ. არ არის გამორიცხული დაწინაურება სამსახურში, საჩუქრის მიღება, დაუგეგმავი თანხის შემოსვლა. ერთადერთი პრობლემა გარშემომყოფებთან ურთიერთობებში შეიძლება შეიქმნას, თუ მხოლოდ საკუთარ თავზე და წარმატებებზე იფიქრებთ. შესაძლოა, მიზნის მიღწევისას ვინმეს გზა გადაუღობოთ, ან ვინმეს თქვენი მიღწევების ძალიან შეშურდეს. ასეა თუ ისე, დღეს მეტი მოკრძალება გმართებთ, ეცადეთ, სხვის გრძნობებს არ შეეხოთ.

მერწყული: ემოციებითა და სულიერი კავშირებით დატვირთული დღეა. დაუთმეთ რაც შეიძლება მეტი დრო საყვარელ ადამიანს, მეგობრებს, ნათესავებს. ეს მძლავრი პოზიტიური ენერგიით დაგმუხტავთ. თუ ახლობელ ადამიანთან სერიოზული საუბარი გსურთ, პარასკევი სწორედ რომ შესაფერისი დღეა ამისთვის. სჯობს, არ გადადოთ და დაელაპარაკოთ მას. თქვენი ნათქვამი სწორად იქნება გაგებული.

თევზები: საქმიანობაში უზარმაზარი აქტიურობის ჩვენება შეგიძლიათ, თუმცა ექსპერტები გირჩევენ, ნაჩქარევი გადაწყვეტილება არ მიიღოთ და არაფერი მოიმოქმედოთ, სანამ კარგად არ მოიფიქრებთ. ამ დროს კი თქვენი განწყობა პირიქითაა – რაღაც ძალა ჯერ მოქმედებისა და შემდეგ დაფიქრებისკენ გიბიძგებთ. ეს, რა თქმა უნდა, საქმეებზე კარგად არ აისახება. აქედან გამომდინარე, სჯობს, ემოციებს არ აჰყვეთ და იმოქმედოთ წესით – ასჯერ გაზომე და ერთხელ გაჭერი.

0