რაიხსტაგი ბერლინში

მოსაზრება: რატომაა გერმანია აღმოსავლეთევროპული რევიზიონიზმის წინააღმდეგი

104
(განახლებულია 18:36 08.05.2020)
გერმანიის საგარეო საქმეთა მინსიტრმა ჰაიკო მაასმა ხისტად უპასუხა აღმოსავლეთევროპელ კოლეგებს, რომლებიც მეორე მსოფლიო ომის ისტორიის გადაწერას ცდილობენ

გევორგ მირზაიანი

მაგრამ მას ეს არც რუსეთის სიყვარულით გაუკეთებია და არც ისტორიისა — ბერლინში შიშობენ, რომ აგრესიული ევროსკეპტიკოსები გამოზარდეს. 

ცივილიზაციის ისტორიაში უდიდეს ბოროტებაზე გამარჯვების 75–ე წლითავის აღნიშვნის წინ სხვადასხვა ტიპის აღმოსავლეთ ევროპელი რევიზიონისტები გააქტიურდნენ. ისინი, ვისაც არ სურს აღიაროს საკუთარი ელიტების პასუხისმგებლობა ომის გჩაღებაზე, ან თავი დამარცხებული ნაცისტების იდეურ შთამომავლად მიაჩნია და ისტორიის გადაწერა სურს. პოლონელი აქტივისტები ამბობენ, რომ საბჭოთა კავშირი მსხვერპლი კია არა, მეორე მსოფლიო ომის ინიციატორია. ბალტიისპირელი ინტელექტუალები მოთქვამენ, რომ მათი ქვეყნები ბოროტმა საბჭოთა კავშირმა ოკუპაციაში მოაქცია. და უკრაინელ ნაციონალისტებთან ერთად პატივს მიაგებენ ჰიტლერის თანამებრძოლებს — SS–ის ბატალიონებს, რომლებიც სოფლებს ხალხთან ერთად წვავდნენ. 

გამარჯვებულების შთამომავლები ყველაფერ ამას აღშფოთებით უყურებენ და ერთგვარ უმწეობასაც გრძნობენ, ამ „მოღვაწეების“ გადარწმუნებისა თუ დასჯის საქმეში.

მაგრამ შველა მოვიდა იქიდან, საიდანაც არ ელოდნენ — თავად გერმანიიდან.  საგარეო საქმეთა მინისტრმა ჰაიკო მაასმა სტატია გამოაქვეყნა „შპიგელში“, რომელიც ნაცისტური წარსულისადმი მისი ქვეყნის დამოკიდებულებას ეძღვნება. გარდა გერმანიის ხელმძღვანელობისთვის სტანდარტული მონანიების გაცხადებისა, მაასმა კომენტარი გააკეთა აღმოსავლეთ ევროპელი კოლეგების მცდელობაზე, გადახედონ ისტორიას.

„ისტორიის გადაწერის მცდელობა ბოლო თვეებში ესოდენ სამარცხვინო სახით, ჩვენგან განმარტებებს მოითხოვს — თუმცა არასაჭიროს კი, ისტორიული ფაქტების უცვლელობის გამო. გერმანიამ მარტომ გააჩაღა მეორე მსოფლიო ომი პოლონეთზე თავდასხმით. და მხოლოდ გერმანიას აკისრია პასუხისმგებლობა ჰოლოკოსტის დანაშულებზე. ვინც უნდა იყოს ამ თემაზეეჭვების მთესველი, ის უსამართლობას იჩენს მსხვერპლთა მიმართ და ყოფს  ევროპას“, — განაცხადა მაასმა. 

რას უკავშირდება გულწრფელობის ეს გამოფრქვევა? მით უმეტეს, მას შემდეგ, რაც ბევრმა გერმანელმა დეპუტატმა მორჩილად მისცა ხმა ევროპარლამენტის რეზოლუციას, რომელიც მეორე მსოფლიო ომის დაწყებაში გერმანიასთან ერად საბჭოთა კავშირსაც სდებს ბრალს.

სტატიაში ნაწილობრივ მაასის პირად შეხედულებაა ასახული — მემარცხენე შეხედულებების, სოციალისტი და კათოლიკე ადამიანისა.  თუმცა იმავდროულად მინისტრო თავისი თეზიდებით ზაზს უსვამს გერმანიის ეროვნულ ინტერესებს, რომელშიც უკვე აღარ რჩება ადგილი აღმოსავლეთ ევროპული რევიზიონისმისთვის და ყველაფერ იმისთვის, რაც მის ნიადაგზე იზრდება.

გერმანიისთვის  ნაცისტურ წარსულზე უარის თქმა უბრალოდ თვითგვემა კი არ არის, არამედ ევროკავშირის კონცეფციის  ერთ–ერთი საყრდენია. 

„ჩვენი მხარდაჭერა ძლიერი და ერთიანი ევროპის იდეის, ადამიანის უფლებების — როგორც ადამიანური ღირსების უნივერსალური ფორმის მიმართ, და „განსაკუთრებულ გზაზე“ უარის თქმა — ეს ყველაფერი გერმანიის მიერ მეოცე საუკუნეში ჩადენილი უპრეცედენტო დანაშაულების გააზრებით იკვებება, რამაც ყველაზე შემაძრწუნებელი გამოხატულება  ჰოლოკოსტში ჰქპოვა“, — ნათქვამია ჰაიკო მაასის სტატიაში.

მაასი, რა თქმა უნდა, დაინტერესებულია, რომ გერმანიის პარტნიორებს აზრად არ მოსდიოდეთ IV რეიხის საფრთხე — თუნდაც ეკონომიკურ საფუძველზე წამოყენებული“ , —ამბობს რუსეთის მეცნიერებათა აკადემიის მეცნიერი დმიტრი ოფიცეროვ–ბელსკი.

მაგრამ ჯერ კიდევ ცოტა ხნის წინ ბერლინს არაფერი უშლიდა ხელს, შეგნებულად არ შეემჩნია რევიზიონიზმის ზრდა აღმოსავლეთ ევროპის ქვეყნებში და მხარი დაეჭირა კიდეც ამგვარი განწყობებისთვის — გერმანიაში (ისევე, როგორც მთლიანად დასავლეთში) იმედი ჰქონდათ, რომ „მოთვინიერებულ ნინგებს“  გამოზრდიდნენ მოსკოვზე ზეწოლის მოსახდენად და რუსეთის გავლენის შესაკავებლად.

და გეგმამ იმუშავა — ბალტიისპირეთი საიმედო ანტირუსული საყრდენი გახდა, SS–ის დივიზია „გალიჩინისა“ და ბანდეროველების საკრალიზაციამ კიევი და მოსკოვი დააშორიშორა, ხოლო პოლონეთსა და აღმოსავლეთ ევროპის სხვა ქვეყნებში რეგულარულად მომხდარი ისტორიული სკანდალები რუსეთთან, სერიოზულ დაბრკოლებად იქცა ორმხრივი ურთიერტობების ნორმალიზაციაში.

მაგრამ საქმე ისაა, რომ აღმოსავლეთ ევროპული რევიზიონიზმის ნიადაგზე აღმოსავლეთ ევროპული ნაციონალიზმი ამოპიზარდა — რაც უკვე მარტო რუსეთს არ ემუქრება. ეს მოვლენა ეწინააღმდეგება თავად ევროპული ინტეგრაციის არსს და ასევე მკაფიო ანტიგერმანული აქცენტი აქვს. 

პოლონელები, რა თქმა უნდა, სიხარულით მიიღებენ ბე რლინის მატერიალურ–მორალურ მხარდაჭერას მოსკოვისთვის წინააღმდეგობის გასაწევად, მაგრამ გერმანელებთან მათ იმაზე მეტი ისტორიული პრეტენზიები აქვთ, ვიდრე რუსებთან.

პოლონური, უნგრული და სხვა ნაციონალიზმების ზრდა პირდაპირ ემუქრება ევროკავშირის არსებობას, რომელიც სწორედ ანტინაციონალიზმს ეფუძნება. და ევროკავშირში მომხდარი კრიზისული მოვლენები მხოლოდ აძლიერებს იმის საფრთხეს, რომ რევიზიონიზმზე აღზრდილი აღმოსავლეთ ევროპული ნაციონალიზმი ტროას ცხენი გახდება, რომელიც ევროპას წვრილმანი შიდა განხეთქილების ეპოქაში დააბრუნებს. მისი აყვავება დაშლის ევროკავშირს ქვეყნებად, რომლებიც ისევ კონფლიქტში იქნებიან ერთმანეთთან — მათ შორის, ტერიტორიების გამო.

ამიტომ, როგორც ჩანს, გერმანიის საგარეო საქმეთა სამინისტრო დაფიქრდა იმაზე, რომ დროა დასრულდეს აღმოსავლეთ ევროპის ისტორიული ომები რუსეთთან — სანამ ამ ომებს წარსულიდან მომავალში არ გადაუნაცვლებიათ...

P.S. რედაქცია შესაძლოა არ ეთანხმებოდეს ავტორის მოსაზრებებს!  

 

104
საქართველოს პარლამენტი

როგორ გაიყოფს ოპოზიცია ცოცხალი დათვის ტყავს?

132
(განახლებულია 21:25 23.05.2020)
გახსოვთ, ერთი ქართული ანდაზაა, ცოცხალი დათვის ტყავის გაყოფის თაობაზე? თუ გასულ კვირას ოპოზიციის სიხარულსა და იწილო-ბიწილოს დააკვირდებოდით, შეუძლებელია, ეს ამბავი არ გაგხსენებოდათ.

აქაოდა, ელჩების ძალისხმევით ოქრუაშვილისა და უგულავას ციხიდან გათავისუფლებას მივაღწიეთო, კორონობიის გამო ლეიბორისტების ბაღშიც შეიკრიბნენ და ხელებიც გამარჯვების ნიშნად აღმართეს. ამავე დროს ოპოზიციამ დაანონსა, 20 ივნისს დიდ პირბადეებიან აქციას გავმართავთო. მანამდე კი საკონსულტაციოდ მუშა რეჟიმში გადაინაცვლეს. ერთადერთი ძალა, რომელიც არ კეკლუცობს და აცხადებს, ჩემს თამაშს ვთამაშობო, „ლელოა“. მათ ბარიერის გადალახვის პრობლემა წესით, საპარლამენტო არჩევნებზე არ უნდა ჰქონდეთ. ასევე მაჟორიტარების ნაწილში „ლელო“ ფიქრობს, რომ გაცილებით მეტი რესურსი აქვს და 30 იქნება თუ 72 ოლქი, საკუთარი მაჟორიტარობის კანდიდატები ეყოლება. საერთოდ, ეს არჩევნები რომ არნახულად რთული იქნება და განსაკუთრებული დატვირთვა მაჟორიტარებსა და ფინანსურ რესურსზე მოვა, ამას არავინ უარყოფს. შესაბამისად, ყველა პარტია ეცდება, საკუთარი ინტერესები მაქსიმალურად დაიცვას.

სასიამოვნო, მაგრამ ცოტა სასაცილოა პრემიერობის კანდიდატების დასახელება. ზოგადად, ამომრჩეველმა ზუსტად უნდა იცოდეს, თუ პარტიას ხმას მისცემს, რა პროგრამას და ვის სთავაზობს ის თანამდებობებზე, მაგრამ ქართული რეალობისათვის ჯერ ეს ცოტა ნაადრევიც აღმოჩნდა და - უცნაურიც. კაბინეტი ჯერ არ ვიცით, მაგრამ პრემიერად კი გიორგი ვაშაძე უმცროსი შემოთავაზებული გვყავს. არავინ უარყოფს, რომ ის უდავოდ ნიჭიერი ახალგაზრდაა, მაგრამ რამდენად დამოუკიდებელი და რეალისტურია მისი გეგმები და რამდენად არ „გადაირევა“ არჩევის შემთხვევაში წინა პრეზიდენტივით, ჯერ არავინ იცის. ოპოზიცია ასევე გიგა ბოკერიას, გრიგოლ ვაშაძისა და სხვათა კანდიდატურებსაც განიხილავს.

როგორც ჩანს, ამ არჩევნებზე ძალთა ისეთი გადანაწილება, როგორიცაა ყველა მინუს ერთი, არ გვექნება და არც ოპოზიციაში იქნება დიდი ერთსულოვნება, რასაც ძალიანაც წარმატებით წაახალისებს მმართველი პარტია.

ისეთი გამოცდილი პოლიტიკოსიც კი, როგორიც ზვიად ძიძიგურია, ამბობს, რომ 2020-ის არჩევნები იქნება ყველაზე რთული, რაც საქართველოს დამოუკიდებლობის წლებში ჰქონია.

როგორც ჩანს, დიდი იქნება საერთაშორისო ინტერესიც და თუ კორონამ არ შეგვიშალა ხელი, დამკვირვებლებიც ბლომად ჩამოვლენ.

დღევანდელი მდგომარებით ისე ჩანს, რომ საკონსტიტუციო ცვლილებების მიღებას ხელი არაფერმა უნდა შეუშალოს. გიორგი რურუას პოლიტპატიმრობა ცალკე განხილვის საგანია, მაგრამ მაჰათმა განდიც რომ იყოს, ნამდვილად არაა ეს ის თემა, რის გამოც წვალებით მიღწეული და თითქმის პროპორციულთან მიახლოებული საარჩევნო კოდექსი უნდა გაიცვალოს. სავარაუდოა, რომ ამ თემაზე დიპლომატები „ნაცებსა” და „ევრონაცებსაც“ „ტკბილად” დაელაპარაკებიან, რადგან ეს სისტემა, რომელიც 1 პროცენტიან პარტიებსაც კი აძლევს პარლამენტში მოხვედრის შანსს, ყველაზე მეტად, მმართველი პარტიის შემდეგ, მათ არ აძლევთ ხელს, რადგან ამ შემთხვევაში მრავალფეროვნება ჩნდება და მათი ხმებიც შესაბამისად, იქსაქსება.

როგორც ჩანს, ოპოზიცია 20 ივნისის აქციის ორგანიზებასა და კონსულტაციებში „მოკლავს” დროს უკეთეს მომავლამდე. და თუ საერთო პრემიერზე ვერა, იმედია, მაჟორიტარობის კანდიდატებზე მაინც შეთანხმდებიან. ყველაზე რთული და საინტერესოსი რა მოგახსენოთ და ოქტომბრის არჩევნები რომ პირბადეების ფონზე ჩაივლის, დღესაც აშკარაა. წამზომი კი უკვე ჩართულია და თუ პარტიას და მის ლიდერს მხოლოდ პარლამენტში მოხვედრა და ტრიბუნის შოვნა არ დაუსახავს მიზნად, უახლოეს მომავალში თავდადებულ შრომას უნდა შეუდგნენ.

 

რედაქცია შესაძლოა არ ეთანხმებოდეს ავტორის მოსაზრებას!

132
რატი აბულაძე

რა კავშირშია საგარეო ვაჭრობის შემცირებული მაჩვენებელი მოსახლეობის ჯიბესთან

113
(განახლებულია 19:08 21.05.2020)
ახალი კორონავირუსის პანდემიამ საქართველოს ეკონომიკის თითქმის ყველა სექტორი დააზარალა და ამ მხრივ გამონაკლისი არც საგარეო ვაჭრობა აღმოჩნდა.

2020 წლის პირველ ოთხ თვეში საგარეო სავაჭრო ბრუნვა გასულ წელთან შედარებით 11,8%-ით შემცირდა  და დაახლოებით 3,5 მილიარდი დოლარი შეადგინა. რატომ არის  საგარეო ვაჭრობის შემცირებული მაჩვენებელი ასე მნიშვნელოვანი ქვეყნის ეკონომიკისთვის და როგორ აისახება ის  თითოეული მოქალაქის  ჯიბეზე, Sputnik საქართველოსთან ეკონომიკის დოქტორმა რატი აბულაძემ ისაუბრა.

- თქვენი აზრით რამ განაპირობა საგარეო ვაჭრობის მაჩვენებლის შემცირება?

- ვფიქრობ, ამის მიზეზი გახდა ეპიდემიოლოგიური ვითარებით გამოწვეული საყოველთაო კარანტინი, თითოეულ ქვეყანაში გამოცხადებული შეზღუდვები, შეფერხებები გადაზიდვებში, მსყიდველობითუნარიანობის დაცემა.

covid-19 მიერ გამოწვეული კრიზისის გამო მკვეთრად შემცირდა მოთხოვნა, შეფერხდა ლოგისტიკა, შემცირდა წარმოება,  გაჩერდა საინვესტიციო აქტივობა, დაეცა საერთაშორისო ვაჭრობის ტემპი, შეფერხდა მოქალაქეების გადაადგილება და სამომხმარებლო აქტივობა.

ყოველთვის, როდესაც კრიზისი იწყება (სხვადასხვა გარემოებებიდან გამომდინარე), მოსახლეობა ძირითადად იძენს მხოლოდ აუცილებელ პროდუქტს : საკვებს, სასმელსა და სამედიცინო პროდუქტებს.  დანარჩენი სახის პროდუქტის მოხმარება მკვეთრად იკლებს. მცირდება მაგალითად,  ტანსაცმლით, ფეხსაცმლით, ელექტროტექნიკით, ავეჯით და  მანქანებით ვაჭრობა.

საქართველოში, მოსახლეობის ძირითადი ნაწილის შემოსავლები  ისედაც მხოლოდ საკვებს, კომუნალურებისა და ბანკის გადასახდებს სწვდება. ამიტომ  შექმნილ ვითარებაში მოსახლეობის მსყიდველობითუნარიანობის ზრდას და ეკონომიკურად წელში გამართვას მთავრობის ხელშეწყობა სჭირდება.

- როგორ  აისახება საგარეო ვაჭრობის კლება მოსახლეობის იმ ნაწილზეც, რომელთა საქმიანობაც  ვაჭრობის სფეროსთან არ არის დაკავშირებული? 

- საგარეო ვაჭრობის შემცირება პრაქტიკულად ყველა სეგმენტს შეეხება. საერთაშორისო სავაჭრო ნაკადების შემცირება გამოიწვევს ეკონომიკური აქტივობის დაცემას. თუ საერთაშორისო ვაჭრობა არ იქნა, გამოწვევების წინაშე დადგება, როგორც  ბიზნეს სექტორი, ისე მოქალაქეები  და მთავრობა.

ბიზნეს სექტორი თუ პროდუქტს ვერ გაყიდის, იძულებული გახდება შეამციროს წარმოება და  გაანთავისუფლოს თანამშრომლები. ვაჭრობის დაცემის გამო, კომპანია გადასახადებს ვეღარ გადაიხდის და არც თანხა შევა ბიუჯეტში. ექსპორტის შემცირების გამო, ქვეყანაში არც უცხოური ვალუტა შემოვა და სავალუტო სექტორიც გამოწვევების წინაშე აღმოჩნდება, რაც თავის თავად იმოქმედებს ლარის კურსზეც, ბიზნეს სექტორი აღარ ისარგებლებს საბანკო-საკრედიტო პროდუქტებით, რაც თავის მხრივ უარყოფითად აისახება ფინანსურ სექტორზეც.

აქვე ისიც ხაზგასასმელია, რომ სავაჭრო და საწარმოო აქტივობის დაცემა იწვევს, როგორც ბიზნეს სექტორის ისე მოქალაქეების უკმაყოფილების ზრდას. ეს კი მნიშვნელოვანი გამოწვევების წინაშე აყენებს სახელმწიფო პოლიტიკური თანამდებობის პირებს.

აღსანიშნავია, რომ კრიზისის პერიოდში იზრდება მოქალაქეების ლეგიტიმური მოთხოვნები  პოლიტიკური და მმართველობითი გარემოს, ეკონომიკური პროგრამების, ანტიკრიზისული გეგმების, განვითარების სტრატეგიების, პრევენციის ღონისძიებების, მმართველობითი უნარების, პოლიტიკის როლისა და ეფექტიანობის მიმართულებით.

- როგორია თქვენი სამომავლო პროგნოზი, რას უნდა ველოდოთ?

- საერთაშორისო კვლევები ცხადყოფს, რომ გლობალური სავაჭრო კრახის შედეგად 2020 წელს ვაჭრობის შემცირება იქნება 9%-32%-ის დიაპაზონში, კრიზისის სიღრმიდან გამომდინარე. აღსანიშნია ვაჭრობის დაცემის დიდი მასშტაბები  რეგიონულ დონეზე. კვლევის შედეგებით, ევროკავშირის 27 ქვეყნის ექსპორტის შემცირება გადააჭარბებს 285 მლრდ ევროს, ხოლო იმპორტის დაცემის მასშტაბი აღემატება 245 მლრდ ევროს.

შემცირების ტენდენციით იქნება წარმოდგენილი საქართველოს საგარეო სავაჭრო გარემოც. მიმდინარე წლის 4 თვეში, საგარეო ვაჭრობის ბრუნვა წინა წელთან შედარებით უკვე შემცირდა 11.8%-ით. სადაც ექსპორტი შემცირდა 11.9%-ით, ხოლო იმპორტი - 11.8%-ით.

ახალი კორონავირუსის ეპიდემიის ჩაცხრობის მიუხედავად, საერთაშორისო ვაჭრობის დაცემა და შეფერხებები მხოლოდ დასაწყისია. მართალია ნელ-ნელა ცოცხლდება გლობალური ბაზარი,  მაგრამ  ჩვენი მოქალაქეების მსყიდველობითუნარიანობის გამოცოცხლება ოჯახისა და ქვეყნის ეკონომიკურ პროფილზეა დამოკიდებული. კრიზისის გავლენის შედეგად, ქართული ოჯახების ეკონომიკური პროფილი კი აჩვენებს:  დაცარიელებულ საფულეს, გამოცარიელებულ რეზერვებს,  მთავრობის შერჩევითი დახმარების მოლოდინს,  პოლიტიკურ ცვლილებებზე დამოკიდებულებას და მღელვარებას.

- რა უნდა გააკეთოს მთავრობამ შექმნილ ვითარებაში?

მთავრობა პასუხისმგებელია თითოეული კომპანიის და თითოეული მოქალაქის ეკონომიკურ ბედზე. ამიტომ, ვალდებულია იცოდეს თითოეული კომპანიის პრობლემები, მათთან ერთად შემუშავებული ჰქონდეს პრობლემების გადაჭრის გეგმა და თითოეულ კომპანიას დახმარება გაუწიოს გლობალური ბაზრების შესაძლებლობების მორგებაში. რადგან  სახელმწიფო ინსტიტუტების შესაძლებლობები უფრო მეტია, ვიდრე სამოქალაქო და ბიზნეს სექტორის შესაძლებლობებია. 

საკმარისი არ არის მხოლოდ საერთაშორისო ვაჭრობის სურვილი ან მარკეტინგული კამპანიები. სავაჭრო  და სამომხმარებლო აქტივობის აღდგენას სჭირდება არ მხოლოდ ფინანსური დახმარება, არამედ  პოლიტიკური ნება და მუშა ეკონომიკური პროგრამები. გარდა ამისა, საერთაშორისო ბაზრების ათვისებაში, პოლიტიკა უნდა გახდეს გლობალური ბიზნეს აქტივობის ძირითადი ლოკომოტივი. პრაქტიკულად, საგარეო ვაჭრობის ზრდას გლობალური პოლიტიკის წარმოება სჭირდება.  გლობალური პოლიტიკის შექმნაზე კი  დამოკიდებულია საქართველოს საექსპორტო პოტენციალის ზრდა.

 

ნატა პატარაია

 

113
პოლიცია აჯარიმებს დამრღვევს

თბილისში პარკირების წესების დამრღვევები ჯარიმას არ გადაიხდიან - ვის ეხება ცვლილება

0
(განახლებულია 01:11 26.05.2020)
ყველა საქმეზე მოხდება განხილვის შეწყვეტა და ადმინისტრაციული სახდელისგან – ჯარიმისგან და შესაბამისი საურავისგან გათავისუფლება, რაც ჯამში დაახლოებით 850 000 ლარს შეადგენს.

თბილისი, 26 მაისი - Sputnik. ჯარიმის ან შესაბამისი საურავისგან გათავისუფლდებიან პირები, რომელთაც 2018 წლის 10 აპრილამდე, დედაქალაქის ტერიტორიაზე ავტოტრანსპორტის პარკირების წესების დარღვევისთვის ადმინისტრაციული სამართალდარღვევა ჩაიდინეს, იუწყება საზოგადოებრივი მაუწყებლის პირველი არხი.

შესაბამის კანონმდებლობაში განსახორციელებელი კანონპროექტის ინიციატორები არიან: საპარლამენტო უმრავლესობის წევრები ზაზა გაბუნია, მერაბ ქვარაია, კობა ლურსმანაშვილი, გოგა გულორდავა.

საუბარია „ადმინისტრაციული სახდელისაგან გათავისუფლების შესახებ“ კანონის 125-ე მუხლის მე-8 ნაწილსა და 1252 მუხლზე, რომელიც ამკრძალავი ნიშნის – „გაჩერება აკრძალულია“ და „დგომა აკრძალულია“ მოთხოვნის დაუცველობას, ასევე დგომა-გაჩერების წესებით გათვალისწინებული სხვა მოთხოვნის დაუცველობასა და დედაქალაქის ტერიტორიაზე ავტოტრანსპორტის პარკირების წესების დარღვევას გულისხმობს.

კერძოდ, პროექტში ნათქვამია, რომ ყველა ის პირი გათავისუფლდება ადმინისტრაციული სახდელისგან – ჯარიმის და შესაბამისი საურავისგან, რომლებმაც ადმინისტრაციული სამართალდარღვევა ჩაიდინეს 2018 წლის 10 აპრილამდე და რომელთა მიმართაც ადმინისტრაციული სახდელის დადების შესახებ დადგენილება ამ კანონის ამოქმედებამდე არ აღსრულებულა.

კანონპროექტის ინიციატორები განმარტავენ, რომ დღეის მდგომარეობით, ასეთი მიმდინარე საქმეები არის აღსრულების ეროვნულ ბიუროში, თბილისის მუნიციპალიტეტის მერიასა და სასამართლოებში.

შესაბამისად, ყველა ამ საქმეზე მოხდება განხილვების შეწყვეტა და ადმინისტრაციული სახდელისგან – ჯარიმისგან და შესაბამისი საურავისგან გათავისუფლება, რაც ჯამში დაახლოებით 850 000 ლარს შეადგენს.

კანონპროექტით დაზუსტებულია, რომ ადმინისტრაციული სახდელისგან გათავისუფლება ვრცელდება ადმინისტრაციული სახდელისა და საურავის მხოლოდ აღუსრულებელ ნაწილზე.

0
თემები:
სოციალური სფერო საქართველოში