მოხალისეები მოხუცებს და სოციალურად დაუცველებს ეხმარებიან

როგორია ცხოვრება ერთმეტრიანი დაშორებით, ანუ როგორ შევიცვალეთ შენ, მე, ჩვენ...

496
(განახლებულია 20:26 25.03.2020)
ნათქვამია, დედამიწას სიყვარული ატრიალებსო. თუ ეს მართალია, რაც დღეს საქართველოში ხდება, დედამიწას მხოლოდ ის სიყვარული და სიკეთე ეყოფა უსასრულოდ რომ იტრიალოს...

მე დღეს სახლში ვარ! სახლში ჯდომით თუ სამყაროს გადავარჩენდით, ოდესმე იფიქრებდით?!

ჰო და ზოგს ესეც ერთულება...

არადა, იქ, ზემოთ, ან სულაც ქვემოთ, ვიღაცამ გადაწყვიტა კიდევ ერთხელ გამოეცადა ადამიანობის კოეფიციენტი და დღეს სამყარო ერთ პლატფორმაზე დაპაუზდა... ტესტების შედეგები ერთნაირია: დადებითი, დადებითი, დადებითი...

გავიგეთ, რომ ბრძოლისთვის წამალი არ არსებობს, თუმცა ესეც ცოტაა და იმ წუთიდან მნიშვნელობა აღარ აქვს, როგორები ვიყავით აქამდე. აღარ არსებობს „შენ“, „მე“, „ის“... დღეიდან ერთი ცხოვრება გვაქვს, ოღონდ ერთი მეტრის დაშორებით.

ამ გაზაფხულზე ყველა ცდილობს საკუთარი იარაღი იპოვოს და ისე ებრძოლოს უჩინარ მტერს.

გაერთიანდნენ ექიმები, ჟურნალისტები, პოლიციელები, დეპუტატები, ბიზნესმენები, კომპანიები, რესტორნები, რიგითი მოქალაქეები, პოლიტიკური პარტიები, მთავრობა და კიდევ ბევრი, ბევრი სხვა.

ადვილია, როცა კარგად ხარ და ბედნიერი ხარ, მაგ დროს სიკეთის კეთება. რთულია კრიტიკულ სიტუაციაში ღირებულის და მნიშვნელოვანის შექმნა.

ხალხი ამბობს, დედამიწას სიყვარული ატრიალებსო. თუ ეს სიტყვები მართალია, მაშინ დავწერ, რომ რაც დღეს საქართველოშია, დედამიწას მხოლოდ ის სიყვარული და სიკეთე ეყოფა იმისთვის, რომ უსასრულოდ იტრიალოს...

ამ ქვეყანაში სიკეთე ვირუსზე სწრაფად ვრცელდება!

ჯერ კიდევ საახალწლო სუფრასთან ვიყავით, როცა კულუარებში, ინტერნეტში და ტელევიზიებში ჩვენთვის უცნობი სიტყვა და უცნობი მტერი გაჟღერდა იქ, სადღაც შორს, პლანეტის მეორე ბოლოში, როცა ადამიანები აქამდე უცნობი დაავადებით ავადდებოდნენ… დაავადება კი ჭორივით ვრცელდებოდა... ყველა ვაცნობიერებდით, რომ ქვეყანაში ამ წუთიდან აღარაფერი იქნებოდა ისე, როგორც აქამდე. შემდეგ იყო სიუჟეტები და სცენარები... არც ერთი სიუჟეტი ქართველებზე არ იყო მორგებული...

ის, რაც შემდეგ საქართველოში მოხდა, არც ერთ სცენარში არ განიხილებოდა... სულ რამდენიმე დღე დასჭირდა ამ სიკეთით შეშლილ ერს რეალობის გასაცნობიერებლად... თანდათან გაუფერულდა ყველა ის განსხვავება, რაც ერთმანეთს აშორებდათ და მოხდა ის, რაც მოხდა... ძალიან ბევრი ადამიანი აღარ ავსებდა საკუთარ მაცივრებს… აღარ ავსებდა და აცარიელებდა! აცარიელებდა და შავი დღისთვის გადადებულ ლუკმა პურს, რამდენიმე ლარს და საკუთარ ენერგიას უნაწილებდა უცხოებს.

დღეს რომ გამარჯვება ერთიანობაშია, ეს ჩვენ ყველაზე კარგად გამოგვდისო, გავიხსენეთ და დაიწყო…

შეიქმნა პლატფორმა და გააერთიანა რიგითი მოქალაქეები. სოციალურ ქსელში გამოჩნდა „ოთხი მარიამი“. „წითელმა ჯვარმა“ მოხალისეების გადამზადება დაიწყო. „დედების ფონდი“ მზადაა სახლში მიაწოდოს საკვები. კომპანიებმა საკუთარი პროდუქცია გაიღეს, ბანკებმა – თავისი. არც შინაური ცხოველები დავიწყებიათ და დარიგდა ასობით ტომარა საკვები. სავაჭრო ცენტრებთან დადგნენ მიკროავტობუსები და დაიწყო შეჭირვებული ხანდაზმულებისთვის საყოფაცხოვრებო ნივთების, მედიკამენტებისა და პროდუქტების შეგროვება.

დაიწყო და აღარ მორჩება, სანამ არ დამთავრდება...

რამდენი გინდა რომ ჩამოთვალო!..

ყველა ცდილობს საკუთარი იარაღი იპოვოს და ისე ებრძოლოს უჩინარ მტერს.

ქართველი ერი ბედნიერია, რადგან ჩვენ შორის ყოველთვის იყვნენ გმირები. ჩვენს გმირებს კი მადლიერების ნიშნად საქართველომ ტაში დაუკრა. სამწუხაროდ, მაშინაც კი, როცა გული გულობს, მათთვის ცოტა რამ შეგვიძლია გავაკეთოთ, მაგრამ ახლა სახლში დარჩენა ის მცირედია, რაც დღეს ყველაზე ხმამაღალი ტაში და დახმარებაა.

#დარჩისახლში კუკუდამალობანას თამაში ან მორიგი გამოწვევა არ არის. დარჩი სახლში უდრის დარჩი სიცოცხლესთან, დარჩი ოჯახთან, დარჩი ადამიანთან.

სახლიდან ერთად გავალთ – დარაბებს მიღმა. იქ არ ვიცი წელიწადის რა დრო დაგვხვდება, მაგრამ ამას მნიშვნელობა აღარ ექნება… ჩვენ ისევ ვიპოვით ერთმანეთს და დავეხმარებით. ამაში დარწმუნებული ვარ. ახლა აჩვენებს ცხოვრება, ვის რა უპირატესობა აქვს.

საქართველომ ახალი კუთხით წარმოაჩინა თავი. ყოველთვის ვგრძნობდი, რომ ქართველები ძალიან ფრთხილი ხალხია, მაგრამ რეალურად ამას პირველად ვხედავ. საკუთარ ქვეყანას ვეღარ ვცნობ. დღეს გარეთ თბილისის ქუჩები თითქოს უფრო გრძელი და ფართოა – უფრო მეტი სასწრაფოს მანქანა დადის, ვიდრე ადამიანი.

თითქოს სამყარო ერთ პლატფორმაზე დაპაუზდა...

მე ჟურნალისტი ვარ და დღეს სახლში ვარ... დარაბებს მიღმა კი...

 

496
საპროტესტო აქცია მინსკში

მოსაზრება: ბელარუსი ფერად რევოლუციას მარხავს

29
(განახლებულია 19:40 23.10.2020)
ბელარუსული ოპოზიცია იმდენად უიღბლოა, რომ „წლის უიღბლოს“ ნომინაციაში დამარცხების შანსებიც კი აქვს, მიაჩნია პოლიტიკურ მიმომხილველს.

ირინა ალქსნისი  

მის წინააღმდეგ თამაშობენ როგორც მისგან დამოუკიდებელი გარემოებები, ისე მისივე ლიდერები, რომლებიც ისეთ ფეერულ ინიციატივებს აყენებენ, რომ საერთოდ გაუგებარია, როგორ უნდა დაფარცხოს ისინი მძიმე რეპუტაციული და საიმიჯო დანაკარგების გარეშე.

კვირას ალექსანდრ ლუკაშენკოსთვის თითქმის ორი კვირის წინ სვეტლანა ტიხანოვსკაიას მიერ წაყენებელ ულტიმატუმს ვადა გასდის. გამომდინარე იქიდან, რომ ბელარუსის ხელისუფლების მხრიდან მისი მოთხოვნების შესასრულებლად იოტისოდენი მზადყოფნაც კი არ შეინიშნება, „პრეზიდენტ სვეტას“ დაპირების თანახმად, ბელარუსი საერთო ეროვნული ჯანყის ქაოსში უნდა ჩაიძიროს — გზების დაბლოკვითა და სახელმწიფო მაღაზიებში გაყიდვების ჩამოშლით.

მაგრამ მოვლენების ამგვარად განვითარება ყოველდღიურად სულ უფრო ფანტასტიკურად გამოიყურება.

როგორც ჩანს, ამის ეჭვი ოპოზიციის საკოორდინაციო საბჭოშიც გაუჩნდათ, რომელიც ახლა იმითაა შეწუხებული, როგორ დაუძვრეს ვითარებას მცირე დანაკარგებით. მისი ერთ-ერთი წევრი პაველ ლატუშკო აცხადებს, რომ ულტიმატუმის ვადის გასვლის კვალდაკვალ (რომელიც ხელის ერთი აქნევით გარდაიქმნება „სახალხოდ“) ისინი აქტიურობას გააძლიერებენ. ძალიან მოხერხებული ფორმულირებაა — ინტერპრეტაციისთვის ფართო შესაძლებლობებით და ამასთან არანაირი ვალდებულების მიმცემი.

მაგრამ ბელარუსში პროტესტების ყველაზე აშკარა ჩავარდნის მხოლოდ შიდა ფაქტორებთან მიბმა მაინც არ იქნებოდა სწორი, მიუხედავად იმისა, რომ ისინი, რა თქმა უნდა, უმთავრეს როლს ასრულებს.

ბელარუსის ოპოზიციას არ გაუმართლა ხელისუფლების დამხობაში ფერადი რევოლუციის ფენომენის მასშტაბური დისკრედიტაციის მომენტში.

თითქმის 15 წლის განმავლობაში ეს ფენომენი რეალური საფრთხე იყო ბევრი ქვეყნის ხელისუფლებისთვის და იმავდროულად ოპოზიციისთვის სულისჩამდგმელიც. ფერადი რევოლუციები სრულყოფილ და ყოვლისშემძლე იარაღად მიიჩნეოდა არასასურველი მთავრობების შესაცვლელად და რეჟიმების დასამხობად. ეს ცნება ადემორალიზებდა ერთს და სწრაფი გამარჯვების იმედს აძლევდა მეორეს.

მაგრამ ალბათ ყველაზე მთავარი ისაა, რომ ამ სახით ცხოვრების უკეთესობისკენ შეცვლის რეალურ შესაძლებლობაში უამრავი ისეთი ადამიანი იყო დარწმუნებული, რომლებსაც პოლიტიკასთან უშუალო შეხება არ ჰქონდათ.

ფერადი რევოლუცია ხომ უბრალოდ სახელმწიფო გადატრიალება არ არის. ის შეუძლებელია ჩვეულ სიტუაციაში აპოლიტიკური ხალხით სავსე ქუჩების გარეშე, რომლებმაც მკვეთრად დაიჯერეს ხელისუფლების დაუყოვნებლად შეცვლის აუცილებლობა ნათელი მომავლისთვის. სწორედ ამან უბიძგა ასობით ათას ადამიანს კაიროში ტაჰრირის მოედანზე გასვლისკენ 2011-ში და კიევის ევრომაიდანზე 2013-ში.

სხვათა შორის, ბელარუსულ პროტესტებსაც ასევე შეიძლებოდა თავიდან დაეტრაბახათ ფართო მასშტაბებით, მაგრამ ახლა აქციების რაოდენობა განუხრელად ეცემა კვირიდან კვირამდე.

საქმე მარტო ის კი არაა, რომ ადამიანები ამ ღონისძიებებში თავიანთი მონაწილეობის უშედეგობით დაიღალნენ და რომ ლოზუნგს „ლუკაშენკო, წადი“ სულაც არ აღმოაჩნდა მაგიური ძალა „არასწორი“ ეროვნული ლიდერის ძალით განსადევნად. ბელარუსული მოვლენების პარალელურად მსოფლიოს სხვა კუთხეებში მეტად ღირსშესანიშნავი პროცესები ხდება, რომლებიც რესპუბლიკის მოქალაქეებს აიძულებს, უფრო ფხიზლად შეაფასონ საკუთარ სახლში მომხდარი.

არსებობს ყირგიზეთი, რომელიც პირდაპირ ახლა ბოლო 15 წლის განმავლობაში მესამე კრიზისშია ჩაფლული, რომელსაც „ფერად რევოლუციად“ მოიხსენიებენ. ცოტას თუ გაუკეთებია ამ მოვლენის დისკრედიტაციისთვის იმდენი, რამდენიც ამ შუააზიურმა ქვეყანამ გააკეთა, ვინაიდან არც ერთ სახელმწიფო გადატრიალებას, რომელსაც თან ახლდა არეულობა და ანარქია, ყირგიზეთის მოსახლეობისთვის დადებითი შედეგი არ მოჰყოლია.

არსებობს სომხეთი. ნებისმიერი მაიდნისა და მათი სულ უფრო გახშირებული წარუმეტებლობისა, სწორედ 2018 წლის ერევნის მოვლენები გახდა ხავერდის რევოლუციების სანიმუშო მაგალითი. აჯანყებულმა ხალხმა დემოკრატიის, ევროპული მომავლისა და კორუფციასთან ბრძოლის სახელით წარმატებით განდევნა მობეზრებული ხელისუფლება და სახელმწიფოს სათავეში დააყენა ის, ვისიც დაიჯერა. და ახალ ლიდერს უკვე შეუძლია დაიტრაბახოს პირველ წლებში გაკეთებულით. ყოველ შემთხვევაში, უკრაინისა თუ ყირგიზეთის მსგავსი კატასტროფული შედეგების არარსებობა უკვე შეიძლება ჩაითვალოს მნიშვნელოვან მიღწევად ამ დროში.

ტერმინი „ფერადი რევოლუცია“ ქვეცნობიერად გვიჩენს აზრს, რომ მსოფლიო საოცარი, მზიანი, მეგობრული ადგილია, სადაც ადამიანები ძმები არიან და საკმარისია ცალკეული მავნე ძალები მოაშორო სახელმწიფოს სათავიდან, რომ ქვეყანაც ასეთივე აყვავებულ ბაღნარად იქცეს.

ყირგიზეთი და სომხეთი ბელარუსული საზოგადოებისთვის ხილული შეხსენებაა იმისა, რომ მსგავსი წარმოდგენა — ეს ილუზიაა, რომელსაც არაფერი აქვს საერთო რეალობასთან არც საშინაო და არც საგარეო პოლიტიკის კუთხით.

არაფერია გასაკვირი იმაში, რომ ბელარუსში პროტესტები თანმიმდევრულად მოძრაობს გარდაუვალი ჩავარდნისკენ. და ამით რესპუბლიკა თავის ლურსმნებს დააჭედებს ფერადი რევოლუციების შესახებ მსოფლიო მითის კუბოს.

რედაქცია შესაძლოა არ ეთანხმებოდეს ავტორის მოსაზრებებს

29
ტრამპისა და ბაიდენის ტელედებატები

მოსაზრება: ბაიდენის არჩევნებში დამარცხებას რუსეთს ვერ დააბრალებენ

25
(განახლებულია 19:50 22.10.2020)
წინასაარჩევნო კამპანია ამერიკაში ფინიშს უახლოვდება — დღეს დონალდ ტრამპი და ჯო ბაიდენი ბოლოჯერ შეხვდებიან ტელედებატებში.

პიოტრ აკოპოვი

ამასთან, ეს შეხვედრა, პრინციპში, შეიძლება უკანასკნელიც იყოს მათ ცხოვრებაში. აშშ-ში ახლა ვნებათაღელვა იმდენად მძაფრია, რომ ამ ორი ადამიანის კიდევ ოდესმე ერთად წარმოდგენა ძალიან ძნელია. საოცრებაც რომ მოხდეს და ბაიდენმა არჩევნები მოიგოს, ტრამპმა შეიძლება არც კი აღიაროს შედეგები, ან უბრალოდ, სულ ცოტა, ინაუგურაციაზე არ მივიდეს — ყველა ტრადიციის დარღვევით. აი, ბაიდენი კი არაფრის ფასად არ დაესწრება ტრამპის ინაუგურაციას. ასე რომ, ხუთშაბათს მათ ბოლო შესაძლებლობა ექნებათ, უთხრან ერთმანეთს ის, რაც სურთ. და ისინი ამ შესაძლებლობას სრულად გამოიყენებენ.

ტრამპი ბაიდენს მთავარი დანაშაულებრივი ჯგუფის ხელმძღვანელს უწოდებს და ჯოს ჩასმას მოითხოვს ციხეში (ვაჟთან, ჰანტერთან ერთად). ჯო ციხეში არ ჩაჯდება, მაგრამ როცა არჩევნებს წააგებს, მედიასაშუალებები იტყვიან, რომ ის „ოქტომბრის სიურპრიზმა“ მოცელა — ჰანტერის კომპიუტერში ნაპოვნმა და ამ დღეებში გამოქვეყნებულმა კომპრომატმა, რომელიც ყოფილ ვიცე-პრეზიდენტს სიცრუესა და კორუფციაში ამხელს. მაგრამ ბაიდენი ამ მასალების გარეშეც წააგებდა არჩევნებს, უბრალოდ იმიტომ, რომ ტრამპი გამარჯვებისთვისაა განწირული. მაგრამ ეს როგორ, როცა ყველა გამოკითხვა ბაიდენის უპირატესობაზე მეტყველებს? ხომ არ შეიძლება, რომ შედეგები გამოგონილი იყოს?

შეიძლება. იმიტომ რომ ფსონები ისე მაღალია, როგორც არასდროს. და არ არსებობს ისეთი ტყუილი, რომელზეც ტრამპის წინააღმდეგ მოთამაშეები არ წავლენ.

„მე კენჭს ვიყრი არა მარტო მემარცხენე მედიასაშუალებების, არამედ დიდი ტექნოლოგიური კომპანია–გიგანტებისა („ფეისბუქი“, „ტვიტერი“, „გუგლი“) და „ვაშინგტონური ჭაობის“ წინააღმდეგ“, — განაცხადა ტრამპმა ცოტა ხნის წინ. და ამის საუკეთესო დასტურად იქცა ამ სამთავიანი მონსტრის რეაქცია ბაიდენის ოჯახის შესახებ გამოჩენილ კომპრომატზე. „ნიუ-იორკ პოსტის“ პუბლიკაცია უბრალოდ დაბლოკეს — ის არ ჩანდა „გუგლის“ საძიებელში, ხოლო „ფეისბუქმა“ და „ტვიტერმა“ მისი გაზიარების საშუალება მოსპეს. რაღა თქმა უნდა, მედიასაშუალებებიც ცდილობდნენ, უბრალოდ არ შეემჩნიათ სკანდალური პუბლიკაცია, ხოლო პოლიტიკოსების უმეტესობა ისეთ სახეს იღებდა, თითქოს არაფერი სერიოზული არ მომხდარა. ანუ სამივე ძალა სინქრონულად მოქმედებდა, რითიც ტრამპის სიმართლეს ამტკიცებდა. ამასთან მაშინვე გაჟღერდა ბრალდებებიც რუსეთის წინააღდეგ — ხომ გასაგებია, რომ მოსკოვი ისევ ჩაერია ამერიკულ არჩევნებში და ბაიდენზე კომპრომატი შემოაგდოო.

ამაზე საუბრობდნენ არა მარტო კომენტატორები და კონგრესმენები, არამედ სპეცსამსახურების თანამშრომლებიც. ყოფილი თანამშრომლები — ვინაიდან აშშ-ის ეროვნული დაზვერვის დირექტორმა ჯონ რეტკლიფმა განაცხადა, რომ ბაიდენის ნოუთბუქში ნაპოვნი ინფორმაცია „რუსეთის რაიმე დეზინფორმაციული კამპანიის ნაწილი არ არის“. მაგრამ 50-მდე ყოფილმა მზვერავმა (რეტკლიფის წინამორბედ ჯიმ კლეპერის ჩათვლით, რომელიც სიცრუეში ამხილეს) ღია წერილი დაწერეს, გამოცდილება „გვაიძულებს, სერიოზულად დავეჭვდეთ, რომ ამ საქმეში მნიშვნელოვანი როლი რუსეთის მთავრობამ ითამაშაო“:

„აშშ-ში პოლიტიკურ არენაზე გამოჩენილი ელექტრონული წერილები, რომლებიც სავარაუდოდ ვიცე-პრეზიდენტ ბაიდენის ვაჟს ეკუთვნის და რომელთა დიდი ნაწილი იმ პერიოდს განეკუთვნება, როდესაც ის უკრაინულ გაზის კომპანია Burisma-ს ხელმძღვანელობაში მუშაობდა, რუსეთის საინფორმაციო კამპანიის ყველა ნიშანს ატარებს“.

ანუ რუსეთს იმაში კი არ ადანაშუალებენ, რომ მან ბაიდენზე კომპრომატები გააყალბა, არამედ იმაში, რომ მან ისინი გაავრცელა. მაგრამ როგორ, როცა რუდი ჯულიანის (ტრამპის ყოფილი ადვოკატი) თქმით, ჰანტერ ბაიდენის კომპიუტერის მყარი დისკის შემადგენლობა უკვე შვიდი თვის წინ გადაეცა გამოძიების ფედერალურ ბიუროს? ანუ მოსკოვს ეს მასალები „ოქტომბრის სიურპრიზის“ სამზადისში დამალული ჰქონდა? თუ თავად ტრამპის შტაბმა და მისმა მრჩევლებმა გააკეთეს, იმავე ჯულიანის ჩათვლით? უი, არა, ჯულიანი ხომ პუტინზე მუშაობს... და ეს ხუმრობა არ არის: როგორც სენატორმა კრის მერფიმ განაცხადა, „ამჯერად რუსებმა ამერიკელების თავის აგენტებად დამუშავება გადაწყვიტეს. ისინი ცდილობენ განავრცონ თავიანთი პროპაგანდა მეინსტრიმულ მედიაში... და მათ წარმატებას მიაღწიეს. იცოდეთ, რუდი ჯულიანი ახლა არსებითად რუსეთის აგენტია“.

დიახ, რა თქმა უნდა. თუ თავად ტრამპი მუშაობს კრემლზე, მის თანამშრომლებსა და დაახლოებულ პირებზე რაღა ითქმის. სიცილი სიცილად, მაგრამ ვითარების სწორედ ასეთი არაადეკვატური შეფასება და ამერიკელებისთვის „რუსეთის ჩარევის“ მიყიდვის მცდელობა, ბაიდენების ოჯახზე კომპრომატების ისტორიაშიც კი, საუკეთესო დასტურია იმისა, რომ ტრამპმა უკვე გაიმარჯვა. იმიტომ რომ მისი მოწინააღმდეგეები სრულად გამოგონილ სამყაროში ცხოვრობენ, რომელშიც რუსები გავლენას ახდენენ აშშ-ის არჩევნების შედეგებზე, ხოლო ბაიდენისა და ტრამპის რეიტინგებს შორის სხვაობა ორნიშნა რიცხვებით განისაზღვრება. თანაც ეს ყველაფერი ერთდროულად ხდება და ერთმანეთს არანაირად არ ეწინააღმდეგება.

მაგრამ რეალურ სამყაროში ჩვენ სულ სხვა რამეს ვხედავთ: ტრამპის მომხრეთა უზარმაზარ რაოდენობას მის დაუსრულებელ მიტინგებზე მთელი ქვეყნის მასშტაბით, და ენთუზიაზმის არარსებობას ბაიდენის იშვიათ შეხვედრებზე მცირე რაოდენობის მომხრეებით; ტრამპის მხარდაჭერის ზრდას უმცირესობის (მაგალითად, ფერადკანიანებისა და მუსლიმების) წარმომადგენლებს შორის, რომლებიც საერთოდაც არ შეადგენენ ელექტორატს, ტრამპის რუსეთთან კავშირის დაუსაბუთებლობასა და ბაიდენის ოჯახის სიცრუისა და კორუფციონერობის სულ ახალ მტკიცებულებებს. და რაც ყველაზე მთავარია: რეალურ სამყაროში ამერიკელები დიდი ხნის წინ განიხიბლნენ პოლიტიკური ელიტისა და ზეპარტიული „ვაშინგტონური ჭაობისგან“ და სწორედ ამიტომ ტრამპის ერთადერთ სერიოზულ ალტერნატივად არასისტემური სენატორი სანდერსი შეიძლებოდა ყოფილიყო. მაგრამ სწორედ თავისი არასისტემურობის გამო არ დაუშვა ის არჩევნებზე „კოლექტიურმა ბაიდენმა“.

რიგითი ამერიკელები რეალურ სამყაროში ცხოვრობენ და არა პროპაგანდისა, ამიტომ 3 ნოემბრის არჩევნების შედეგი ბედისწერითაა განსაზღვრული. იმ შემთხვევაშიც კი, თუ საჭირო „მერყევ შტატებში“ ხმებს წაიმატებენ პასიური დემოკრატიული ელექტორატის ფოსტით ხმის მიცემაზე მობილიზაციის გზით, ეს იმიტომ, რომ იმ შტატებშიც შეინიშნება იმათი რაოდენობის ზრდა, ვინც რესპუბლიკელებს წინასწარ მისცა ხმა.

გამოგონილი სამყარო 3 ნოემბერს დამარცხდება, თუნდაც ქაოსი მოაწყოს და არ აღიაროს რეალობა. სამთავიან ჰიდრას რევანშის იმედი ექნება და ამაზე იმუშავებს როგორც ამერიკის, ისე გლობალური მასშტაბით. და, აი, იქ უკვე ექნება მას სრული უფლება, დაადანაშაულოს რუსები თავის წარუმატებლობაში.

რედაქცია შესაძლოა არ ეთანხმებოდეს ავტორის მოსაზრებებს

25
თემები:
რუსეთი დღეს
თბილისი

25 ოქტომბერს დაბადებულები ზოდიაქო, დახასიათება, რჩევები

0
(განახლებულია 17:46 24.10.2020)
გაეცანით 25 ოქტომბერს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

23 ოქტომბერი - 2 ნოემბრის პერიოდი

23 ოქტომბერი - 2 ნოემბრის პერიოდი მორიელის ნიშნის პირველ დეკადას განეკუთვნება.

ამ დეკადას მარსი მართავს. ის ამ პერიოდში დაბადებულებს ანიჭებს პატივმოყვარეობას, აგრესიულობასა და ფეთქებად ხასიათს. მათ ცხოვრებაში ერთმანეთზეა გადაჯაჭვული გამარჯვებებისა და მარცხის მონაცვლეობა და მხოლოდ კონკრეტულ ადამიანზეა დამოკიდებული თავისი ჭეშმარიტი გზის არჩევა, თავისი დამოკიდებულება საკუთარი თავისა და გარშემომყოფების მიმართ.

მნიშვნელოვანი წლებია: 15, 30, 45, 60.

ამ პერიოდში დაბადებულთა სიმბოლოა ფრეზია. ეს ადამიანები უდრეკი, უშიშარი არიან, რაც მათ წარმატებების მიღწევაში ეხმარება, მაგრამ სიჯიუტე უარყოფითი თვისებაა, რაც დაბრკოლებებს უქმნის ცხოვრებისეულ გზაზე. ამ პერიოდში დაბადებულებმა უნდა ისწავლონ ტაქტიანობა, მოქნილობა. ასევე ხშირად საკუთარ თავზე იღებენ მეტ პასუხისმგებლობას, ამიტომ ხშირად იღლებიან. პირველი დეკადის მორიელებმა უნდა ისწავლონ ბალანსის დაცვა მუშაობასა და დასვენებას შორის.

25 ოქტომბერს დაბადებულები

25 ოქტომბერს დაბადებულები რთული ხასიათით გამოირჩევიან. არიან ძალზე ნებისყოფიანი, ვნებიანი, ჯიუტი ადამიანები. მათი ახლოს გაცნობა რთულია - გულღია და გულწრფელი ძალიან ახლობელ ადამიანებთანაც კი არ არიან. არიან რა დამოუკიდებელი, თვითკმარი ადამიანები, ხანდახან სასტიკიც კი ჩანან. არიან მტკიცე, საკუთარი პრინციპების, იდეალების, საქმის ერთგული. მათი გადარწმუნება, პრაქტიკულად, შეუძლებელია.

25 ოქტომბერს დაბადებულები ადვილად შედიან კონტაქტში, მაგრამ ახლოს იშვიათად თუ მიუშვებენ ვინმეს. ხშირად ამ ადამიანების ხასიათის ნიუანსები ოჯახის წევრებისთვისაც მათ შორის, მშობლებისთვისაც უცნობია.

25 ოქტომბერს ძლიერი ნებისყოფის მქონე და მიზანსწრაფული მორიელები იბადებიან. აქვთ უნიკალური უნარი, მარცხის შემდეგ აღდგნენ ფერფლიდან. იწყებენ ხელახლა, რათა დაიკმაყოფილონ თავიანთი სურვილები და მიაღწიონ დასახულ მიზნებს. გარშემომყოფთა მოსაზრებები ნაკლებად აღელვებთ, ასევე მოქმედებების შედეგები ახლობელი ადამიანებისთვის.

25 ოქტომბერს დაბადებული მორიელები მატერიალისტები და ცინიკოსები არიან. მაგრამ, ამავდროულად, შეუძლია იყოს ლოიალურიც. მაგრამ ეს იმისთვის სჭირდება, რომ თავისი ჩანაფიქრი აისრულოს.

25 ოქტომბერს დაბადებული დაწყებულ საქმეს არასდროს ტოვებს. არ უყვარს, როცა მის საქმეში ვინმე ერევა. როგორც ხელმძღვანელი, მომთხოვნის, მკაცრი, მაგრამ სამართლიანია.

ჯანმრთელობა

25 ოქტომბერს დაბადებულები ყურადღებას არ აქცევენ თავიანთ პრობლემებს. თუ რამე სტკივათ, ფიქრობენ, რომ თავისით გაივლის. შედეგად, დაავადება რთულდება და შემდეგ უკვე ან აღარ იკურნება, ან მისი მკურნალობა უკვე ძალიან ჭირს. მათ განსაკუთრებული ყურადღება უნდა მიაქციონ დასვენებას. ასევე კვებას, რადგან მათთვის ძალზე სარისკოა ზედმეტი საკვების მიღება.

ვირუსები და ზოდიაქოს ნიშნები: ვის არ აშინებს კორონავირუსიც კი>>

რჩევა:

თქვენთვის ქაოსი სტრესული ფაქტორია, ამიტომ მოერიდეთ უწესრიგობას. თუ სახლში გაქვთ ქაოსი, ეცადეთ, პროფესიონალებს მიანდოთ საქმე.

0