ვლადიმირ პუტინი

„უდასავლეთო სამყარო“: ვინ ეხმარება პუტინს დასავლეთის დაშლაში

76
(განახლებულია 17:33 13.02.2020)
გამოქვეყნდა მოხსენება მიუნხენის უსაფრთხოების კონფერენციასთან დაკავშირებით, რომელიც ბავარიის დედაქალაქში 14 თებერვალს დაიწყება.

ვიქტორ მარახოვსკი

ვინაიდან რუსეთს მასში ცალკე თავი ეძღვნება, გასაგებია, რომ რუსეთში მას ყველაზე ყურადღებით წაიკითხავენ. თუმცა მოხსენების ცენტრალური თემა — ეს დასავლეთია. უფრო სწორად, მისი გაქრობა და ვინ არის ამაში დამნაშავე.

ამ კითხვაზე პასუხის გაცემამდე მოკლედ ვთქვათ პრობლემის არსზე.

მოხსენების სათაურია „უდასავლეთობა“ (Westlessness) და პირველად ესოდენ პირდაპირ, ევრო-ამერიკელი ექსპერტების მიერ უხალისოდ მიღებულ რეალობას ეძღვნება. კერძოდ კი იმას, რომ მსოფლიო სულ უფრო მეტად აძევებს დასავლეთს და თავხედურად ცხოვრობს მის გარეშე. რაც კიდევ უფრო ცუდია, თავად დასავლეთი ასევე „ხდება სულ უფრო ნაკლებ დასავლური“. და ეს ყველაფერი ძალიან ცუდია, იმიტომ რომ არასტაბულორობას, მოულოდნელობას, დემოკრატიული ფასეულობებიდან გადახვევასა და სხვა აურაცხელ უბედურებას ბადებს. 

ავტორები მისტირიან მსოფლიოს, რომელიც დასავლეთის კეთილისმყოფლური დაბომბვების გარეშე რჩება. „სირიაში ასადის რეჟიმი და რუსეთის ძალები წინასწარგანზრახულად ცხრილავენ საავადმყოფოებსა და სკოლებს, ხოლო სამხედრო დანაშაულები ყოველდღიურ საქმიანობად იქცა... ცოტა ხნის წინ ჩინეთმა, ირანმა და რუსეთმა პირველი ერთობლივი სამხედრო-საზღვაო სწავლებები ჩაატარეს ინდოეთის ოკეანესა და ომანის ყურეში... ლიბიაში თურქეთი და რუსეთი სულ უფრო მტკიცედ მოქმედებენ და ხმელთაშუა ზღვის მეორე ნაპირზე არსებული არასტაბილურობა სულ უფრო მეტ გავლენას ახდენს ევროპაზე... “ და ასე შემდეგ. ყველაფერი ეს მძიმეწონიანი აფორიზმებითა და ასევე მძიმე კალამბურებითაა გაფორმებული.

მოხსენებაში აშშ-ის შესახებ თავს ჰქვია „გავუძლებთ ცალ-ცალკე?“ — რაც ამერიკაში პოპულარულ ლოზუნგს მოგვაგონებს: „ერთად გავუძლებთ, ცალ-ცალკე — დავიღუპებით“.

თავს ჩინეთის შესახებ ჰქვია „ჟინიანი სახელმწიფო), თავს რუსეთის შესახებ — „პუტიომკინის სახელმწიფო“, ევროპის შესახებ — „ევროვიზიის კონკურსი“, ხმელთაშუა ზღვის რეგიონზე — „ხმელთაშუა ზღვის კოშმარი“ და ასე შემდეგ.

რაც შეეხება რუსეთს, აქ მოხსენება ეყრდნობა კონცეფციას, რომელიც დასავლელი ექსპერტების კოლექტიურ თავში დაიბადა ბოლო ხუთწლეულში. ეს კონცეფცია, ზუსტად რომ ვთქვათ, სასოწარკვეთამ დაბადა. იმიტომ რომ, ერთი მხრივ, ყველა ექსპერტმა მტკიცედ იცოდა, რომ რუსეთი სუსტია და უმნიშვნელო, რომ ის დაფლეთილია სანქციებით და სადაცაა, დაიშლება. მეორე მხრივ — ყველა ხედავს, რომ დაფლეთილი რუსეთი  ჯიუტად სუნთქავს და ვითარდება კიდეც, არც იშლება, არ ინთქმება ქაოსში და უფრო მეტიც, სალიკვიდაციოდ განწირული სახელმწიფოების დასაცავადაც კი მიძვრება— და გამოსდის კიდეც.

საჭირო იყო სასწრაფო კომპრომისი, რათა კონცეფცია რამენაირად მორგებოდა რეალობას. საბოლოოს, წარმოიშვა რუსეთის ახალი ხედვა. 

სადღაც 2018 წლიდან რუსეთი — ეს, რა თქმა უნდა, ძალიან სუსტი ქვეყანაა უამრავი საშინელი პრობლემით, რომელთაგან თითოეული ღრღნის მას და შეუძლია ჩაკლას. მაგრამ ამ ძალიან სუსტ რუსეთს სათავეში ძალიან იღბლიანი და ეშმაკი ტაქტიკოსი პუტინი უდგას,  რომელიც პერიოდულად ახერხებს გამარჯვებების პოტიომკინური ფასადის შექმნას.

მიუხედავად იმისა, რომ კრემლის საგარეო პოლიტიკაში არაფერი იცვლება, რუსეთი ისევ მიიღეს PACE-ში, ნატოს წევრმა თურქეთმა რუსული С-400-ები შეიძინა, ხოლო მოსკოვმა ახლო აღმოსავლეთში გავლენა განიმტკიცა... მაგრამ ყველაზე მთავარი: მასთან პოლიტიკური „არშიყი“ დაიწყო საფრანგეთის პრეზიდენტმა მაკრონმა, რომელმაც ევროპელებს მოუწოდა, „გადაეხედათ რუსეთთან ურთიერთობების საფუძვლები“ (სხვათა შორის, სასაცილოა, რომ რუსეთის ყველაზე მნიშვნელოვან წარმატებად მოხსენებაში „დანიშნულია“ საფრანგეთის პრეზიდენტის გამოსვლა...)

მაგრამ ჩვენი მოჩვენებითი გამარჯვებების ფასადს მიღმა, რა თქმა უნდა, ჩვენი სისუსტეები იმალება. ჩამოვთვალოთ: 

  1. 2019 წელს მოსკოვში ბოლო რვა წლის განმავლობაში უმსხვილესი დემონსტრაციები გაიმართა პუტინის წინააღმდეგ, ხოლო სექტემბერში სახელმწიფო დუმის არჩევნებზე პროკლემლურმა კანდიდატებმა სერიოზული დარტყმა მიიღეს.
  2. გამოკითხვების თანახმად, გაიზარდა იმ ახალგაზრდების რაოდენობა, რომლებიც წასვლაზე ფიქრობენ.
  3. გამოკითხვის თანახმად, შემცირდა იმ ახალგაზრდების რაოდენობა, ვინც პრეზიდენტს ენდობა. ახლა მათი რაოდენობა მხოლოდ 55%-ია.
  4. რუსეთისა და ჩინეთის პარტნიორობა არ არის თანაბარუფლებიანი — ჩინეთის მზარდი გავლენის გათვალისწინებით შორეულ აღმოსავლეთზე.

მორჩა. ადვილი დასანახია, რომ პუტინის რეჟიმის ამ საშინელმა პრობლემებმა მიუნხენის მოხსენებაში დასავლურ მედიაში გამოქვეყნებულ მასალებთან ერთად გადაინაცვლა, რომლებიც ერთი და იგივე მოსაწყენი სქემით იბეჭდება. 

„რუსული ცხოვრების“ დღის წესრიგსა და „ტრაქტოვკას“ მათ სთავაზობს რუსი სტიპენდიანტების პაწაწინა კლუბი, რომელიც შედგება სამკუთხედისგან: უმაღლესი ეკონომიკური სკოლა-მოსკოვის კარნეგის ცენტრი-ნავალნის „ტუსოვკა“. ისინი არიან როგორც ინფომიზეზების ჩამწოდებლები, ისე ექსპერტები და ხშირად მთავარი გმირებიც.

შედეგი: 2020 წლის გაზაფხული კარს მოგვადგა, რუსეთში მთავრობა შეიცვალა, მიმდინარეობს ეროვნული პროექტები, მზადდება საკონსტიტუციო ცვლილებები — ნავალნის „ტუსოვკა“ კი ჯერ ისევ ღელავს გასული აგვისტოს მოსკოვურ საპროტესო სელფის გამო. და დაღლილად აზიარებს გათელილ მემს „ჩინეთი იპყრობს ციმბირს“. 

ასე რომ, ყველაზე საინტერესო მიუნხენის მოხსენებაში ჩვენ არ გვეხება. ყველაზე საინტერესო — ეს იმ „უდასავლეთობის“ მიზეზებია, რომელზეც ტექსტის ავტორები წუხან.

თავად გაგება იმისა, რომ დასავლეთი არსებობს, ორადაა გაყოფილი. თანაც შეურიგებლად. ერთნი, „მემარჯვენე ქრისტიანი პოპულისტები“ ფიქრობენ, რომ დასავლეთი — ეს რელიგიური, კულტურული და ეროვნული ტრადიციების ერთობლიობაა. სხვების, ანუ ლიბერალების აზრით,  დასავლეთი არის ყველაფერი, რაც ლიბერალური დემოკრატიის პრინციპებს უჭერს მხარს.

და მემარჯვენე პოპულისტებს მიაჩნიათ, რომ დასავლეთი უცხოტომელების, უცხო რწმენისა და პრინციპულად განსხვავებული კულტურული მატრიცების მქონეთა შეყვანით ნადგურდება. შეყვანით კი ისინი „ადამიანურ დემპინგზე“ გამდიდრებულ ლიბერალურ ელიტას შეჰყავს.

ლიბერალებს კი მიაჩნიათ, რომ დასავლეთს სწორედაც რომ მემარჯვენე პოპულისტები ანადგურებენ, რომლებიც ისწრაფვიან, დაამსგავსონ ის ველურ, არალიბერალურ, ქსენოფობიურ და რელიგიურ-ობსკურანტულ გარე სამყაროს.

პუტინის რუსეთი, რა თქმა უნდა, ყველაფერს აკეთებს, რაც შეუძლია, მაგრამ ის მაინც ვერაფერს მიაღწევდა თავად დასავლელი ხელშემწყობების გარეშე.  

... რაც მინდოდა აღმენიშნა: ორივე მხარე მართალია.

იმ აზრით, რო დასავლეთი — როგორც ცივილიზაციური და პოლიტიკური რაობა — ეს, რა თქმა უნდა, ქრისტიანული ნაციონალური კულტურების მთელი შეკვრაა, რომლებმაც საუკუნეთა განმავლობაში გამოიმუშავეს პრობლემების გადაჭრისა და სამყაროს ცვილების გადაჭრის გზები.   

მაგრამ დასავლეთი — ეს, რა თქმა უნდა, არის იქ შექმნილი ლიბერალური იდეოლოგიაც, ელიტური უმრავლესობით გაყოფილი და ამ ელიტების სამსახურში მდგარი ერთგული ინსტრუმენტი ათწლეულების განმავლობაში.

და ახლა დასავლეთის ეს ორი, სრულიად ორგანული შემადგენელი ნაწილი წინააღმდეგობაშია. იმიტომ რომ ლიბერალიზმი, რომელიც უპირატესობას ინდივიდს ანიჭებს, შეუძლებელია, არ ცდილობდეს რელიგიის, ტრადიციისა და უბრალო დემოკრატიის მოგუდვასაც კი, რომელიც ინდივიდებს უმრავლესობის ნებით თრგუნავს. ხოლო ტრადიცია და დემოკრატია შეუძლებელია, არ ცდილობდეს ლიბერალიზმის ჩახშობას, რომელიც უმცირესობებს პოლიტიკურ პრივილეგიებს ურიგებს.

მაგრამ რაც უნდა გვაკვირვებდეს — ეს ისაა, რომ დაპირისპირებულ მხარეებს არანაირად არ სურთ, დააკვირდნენ ერთმანეთს და აღიარონ: „დიახ, ესეც ჩვენ ვართ, ესეც დასავლეთია“. პირიქით, უფრო და უფრო მეტი გააფთრებით ცდილობენ დაფლითონ ბრიტანული დროშა. თუმცა აშკარაა, რომ ეს მათ ასუსტებს.

ასე რომ, ისღა დაგვრჩენია, ორივე მხარეს წარმატება ვუსურვოთ. როგორც უნდა უცნაურად გაისმას, „უდასავლეთო მსოფლიო“ ბევრად ნაკლებად სისხლიანი და უსაფრთხო ადგილია, ვიდრე ის, რომელშიც დასავლეთი იყო და აქტიურად მოქმედებდა.

P.S. რედაქცია შესაძლოა არ ეთანხმებოდეს ავტორის მოსაზრებებს!

 

76
დროშები ოცნების ოფისთან

NDI-სა და „ქართული ოცნების“ ომი დასრულდა კვლევითმა ორგანიზაციამ მისი წარმატება აღიარა

133
(განახლებულია 16:28 26.01.2021)
ხელისუფლებისა და ამერიკული არასამთავრობო ორგანიზაციის მრავალწლიანი დავა, როგორც ჩანს, დასრულდა. გუშინ გამოქვეყნებული მონაცემებით, საქართველოს ხელისუფლებას იმდენად კარგი შედეგები აქვს, რომ საეჭვოა, რომელიმე სახელისუფლებო პოლიტიკოსმა NDI გააკრიტიკოს.

არადა, ეს ტრადიციად იყო დამკვიდრებული ბოლო წლების საქართველოში. ახლა კი, NDI-ს კვლევის მიხედვით, მთავრობის საქმიანობას გამოკითხულთა 50% დადებითად ფასებს, 38% – ცუდად, გიორგი გახარიას გამოკითხულთა 46% დადებითად აფასებს, 17% – ცუდად.

აშშ-ის ეროვნული დემოკრატიული ინსტიტუტის (NDI) დეკემბრის თვეში ჩატარებული კვლევის მიხედვით, კითხვაზე, რომელი პარტია დგას თქვენს შეხედულებებთან ყველაზე ახლოს, გამოკითხულთა 31%-ის აზრით, ასეთია „ქართული ოცნება". 5%-ის აზრით – „ერთიანი ნაციონალური მოძრაობა". რაც შეეხება სხვა პარტიებს ("პატრიოტთა ალიანსი", "სტრატეგია აღმაშენებელი", "გირჩი", "ევროპული საქართველო", "ლელო", "ლეიბორისტული პარტია"), ჯამურად გამოკითხულთა 9%-ის შეხედულებებთანაა ახლოს. ამასთან, ამავე კითხვაზე გამოკითხულთა 24%-მა პასუხისგან თავი შეიკავა, 25%-მა კი არც ერთი პარტია არ დაასახელა.

როგორც ირკვევა, ბოლო ერთ წელიწადში შემცირებულია იმ გამოკითხულთა რაოდენობა, ვინც მათ პოზიციასთან ახლოს მდგომ პარტიად ოპოზიციურ ძალას ასახელებდა. კერძოდ, NDI-ს მიერ 2020 წლის იანვარში ჩატარებული კვლევის შედეგების მიხედვით, იგივე კითხვაზე – რომელი პარტია დგას თქვენს შეხედულებებთან ყველაზე ახლოს – პასუხები ასე ნაწილდებოდა: მოსახლეობის 19% თვლიდა, რომ მათ შეხედულებებთან ყველაზე ახლოს მდგარი პარტია „ქართული ოცნება“ იყო, 14%-ს კითხვაზე პასუხის გაცემა არ სურდა, ხოლო მოსახლეობის 13%-სთვის ყველაზე ახლოს მდგომი პარტია „ნაციონალურ მოძრაობა” იყო.

„ნაციონალური მოძრაობის“ რეიტინგი ისტორიულ მინიმუმზეა, ამბობს მამუკა მდინარაძე. თუმცა არც პარლამენტის ნდობაა ისტორიულ მაქსიმუმზე ამ კვლევის მიხედვით. საქმე ისაა, რომ მთავრობის ნდობის ზრდის პარალელურად პარლამენტის, როგორც ინსტიტუციის რეიტინგი მეტად შემცირებულია. მის საქმიანობას კარგად მხოლოდ გამოკითხულთა 15% აფასებს, 80% კი ამბობს, რომ კარგი იქნებოდა, თუ პარლამენტის საქმიანობაში ოპოზიცია ჩაერთვებოდა.

თუმცა ამ კვლევას ეჭვის თვალით უყურებს მთავარი ოპოზიციური არხის მთავარი წამყვანი ნიკა გვარამია: „NDI-ს სატელეფონო კვლევები არაფერს გვაჩვენებს, გარდა იმისა, როგორი შეშინებულია ხალხი უზურპატორი რეჟიმით. ყველაზე მძიმე პერიოდში - „ოცნების“ ყველაზე მაღალი რეიტინგი - ეს რომ სტატისტიკური, ლოგიკური და პოლიტიკური აბსურდია, ამას ვინც ვერ ხვდება, სერიოზული პრობლემები აქვს, ან მკაფიო მიზანმიმართულობა“, – წერს ნიკა გვარამია ფეისბუქ-სტატუსში.

თუმცა „ნაციონალურ მოძრაობაში“, ალბათ, ჯობს გააანალიზონ, რამ გამოიწვია მათი რეიტინგის ასეთი კატასტროფული დაცემა, ან NDI-ს შედეგები არ აღიარონ, როგორც ამას ადრე „ქართული ოცნება“ აკეთებდა.

კიდევ ერთი საინტერესო შეფასება კვლევის შედეგებს ექსპერტმა გია ხუხაშვილმა მისცა. ის ფიქრობს, რომ მთავრობას „გახარია ქაჩავს“.

„ჩემის აზრით, კვლევის შედეგები კანონზომიერია. ოპოზიცია არ წარმოადგენს არანაირ პოზიტიურ დღის წესრიგს იმ პრობლემებთან დაკავშირებით... მაშინ, როდესაც მთავრობა რაღაცას მაინც ფაფხურობს ამ პრობლემებთან დაკავშირებით. კერძოდ გახარია, რომელიც "ჭაობის კაბინეტს" მთლიანად ქაჩავს. ის ობიექტურად ყველა ოპოზიციურ ლიდერზე ბევრად უფრო ადეკვატურად გამოიყურება. ასევე კანონზომიერია პარლამენტის გაკოტრება, ანუ სრული უფუნქციობა და დელეგიტიმაცია“, – წერს ხუხაშვილი.

საერთო ჯამში, ეს კვლევა ბევრ რამეზეა – კორონაზე, ნატოზე, ჩვენს წარმოდგენებსა და ღირებულებებზე. ირკვევა, რომ ნატოში 80%-ს უნდა, ამასთან, იმავე გამოკითხულთა 41% ვაქცინას არ გაიკეთებს...

შიშის ფაქტორი ისეთ ქვეყანაში, როგორიც საქართველოა, ყოველთვის არსებობს, მაგრამ არც ამით თავის დაიმედებაა კარგი. ავტორიტეტული ძალა, რომელიც ამ ეტაპზე „ქართულ ოცნებას“ დაამარცხებს, ამ კვლევებშიც არ ჩანს, ხოლო მომავალში რა იქნება, ეს ძნელი სათქმელია.

ოპოზიციას ახლა ახალი, გაუსვრელი ძალა და დიდი ფინანსები სჭირდება, რათა თავისი სიტყვა თქვას, და ეს კვლევის გარეშეც კარგად ჩანს.

 

133
აშშ-ის სამხედრო ტექნიკა და დროშა

მოსაზრება: რა ჩაიფიქრეს ნატოში რუსეთის მოწყვლად ადგილზე დასარტყმელად

1336
სამხედრო კონტინგენტის ზრდა, საჯარისო ინფრასტრუქტურის შემდგომი საერთაშორისო კონსოლიდაციის აგება - 2021 წელს ნატო რუსეთის დასავლეთ საზღვრებზე ზეწოლას გააძლიერებს.

ანდრეი კოცი
მაის-ივნისში ალიანსი ცივი ომის შემდეგ ყველაზე დიდ მანევრებს, Defender Europe 2021-ს ჩაატარებს. ამაზე პასუხი იქნება რუსეთისა და ბელარუსის არანაკლებ მასშტაბური ერთობლივი წვრთნები „დასავლეთი-2021“, რომელიც სექტემბრისთვისაა დანიშნული. რით შეიძლება დასრულდეს ეს ყოველივე?

ბრძოლის ველი — ევროპა

Defender Europe 2021-ზე, როგორც წარსულში, დამუშავდება თავდაცვითი და შემტევი მოქმედებები აღმოსავლეთ ევროპასა და ბალტიისპირეთში. სწავლების ლეგენდის თანახმად, ნატოს ჯარებს კალინინგრადის ოლქზე შეტევა, რუსეთის დასავლეთ ოლქების ბლოკირება და ასევე „რუსების მასირებული შეტევის“ მოგერიება მოუწევთ.

გასული წლებისგან განსხვავებით, 2021 წელს განსაკუთრებული ყურადღება დაეთმობა არა აღმოსავლეთ, არამედ სამხრეთ ევროპას. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო თავდაცვის სწავლებები და „ხმელეთი-ხმელეთი“ ტიპის რაკეტებით სროლები ჩატარდება, ხოლო უნგრეთი „ომის“ ღრმა ზურგი გახდება.

ამერიკელები ევროპაში მნიშვნელოვან ძალებს გადაისვრიან, მათ შორის პირველი კავალერიული და 82-ე საჰაერო-სადესანტო დივიზიების ქვედანაყოფებს. ატლანტიკის გავლით გადაიტყორცნება სხვადასხვა დანიშნულების ასობით ერთეულ სამხედრო ტექანიკას. გარდა ამისა, ფლორიდის შტატიდან ადგილზე ჩავა 53-ე ქვეითი ბრიგადა. გამორიცხული არ არის, რომ სწავლების შემდეგ შეიარაღების ნაწილი ამერიკელებს კვლავ „დაავიწყდეთ“ ევროპაში, როგორც ეს არაერთხელ იყო. სპეციალისტების აზრით, პენტაგონი ამგვარად ზრდის რეგიონში საიერიშო შესაძლებლობებს წლიდან წლამდე.

Defender Europe 2021-ზე პასუხად რუსეთი და ბელარუსი სექტემბერში მანევრებს ჩაატარებენ სახელწოდებით „დასავლეთი 2021“. როგორც ბელარუსის თავდაცვის მინისტრმა ვიკტორ ხრენინმა განაცხადა, „ერთობლივი სწავლებები შესაძლებელს გახდის... შეფასდეს შეიარაღებისა და ტექნიკის ახალი და მოდერნიზებული ნიმუშები“.

მინსკში ხაზი გაუსვეს, რომ სტრატეგიული მანევრები „მტკიცე მოკავშირულ ურთიერთობებსა და ბელარუსისა და რუსეთის თვადაცვითი უწყებების შეხედულებათა ერთიანობას ასახავს მოკავშირე სახელმწიფოს სამხედრო უსაფრთხოების უზრუნველსაყოფად“.

ძალის ჩვენება

არცერთ მხარეს არ გამოუყენებია ჩვეული დიპლომატიური ფორმულირებები იმის შესახებ, რომ მანევრები არ არის მიმართული რომელიმე სახელმწიფოსა თუ ბლოკის წინააღმდეგ. ნატოს ძალების კალინინგრადის იერიშის დამუშავება და რუსი სამხედროების მომზადება ქალაქში ბრძოლებისთვის, ნათლად მეტყველებს იმაზე, თუ ვინ ვისთან აპირებს ბრძოლას. რა თქმა უნდა, სრულმასშტაბიანი შეიარაღებული კონფლიქტის შანსი მცირეა, მაგრამ სრულიად რეალური.

სპეციალისტების აზრით, ნატოს ქმედებებზე 2021 წელს პირდაპირ გავლენას მოახდენს აშშ-ში პრეზიდენტის შეცვლა. დონალდ ტრამპის პრეზიდენტობის ოთხი წლის განმავლობაში ნატოს ერთიანობა შესამჩნევად შესუსტდა. თეთრი სახლის პატრონი არ მალავდა, რომ პირველ რიგში ამერიკის ინტერესებს იცავდა და ალიანსიდან გასვლასაც არ გამორიცხავდა. ასეთი რიტორიკა ევროპაში ძლიერ შეშფოთებას იწვევდა და კვალვ წამოიჭრა ევროკავშირის არმიის შექმნის საკითხი. ახალი პრეზიდენტი, აშკარაა, რომ შეეცდებაზ, ყველაფერი გამოასწოროს.

ფულის გამომუშავება

ექსპერტებს მიაჩნიათ, რომ რეალურად ნატოს არ აქვს აშკარა აგრესიული გეგმები რუსეთის მიმართ. ხოლო ალიანსის შემდგომი გაფართოება ამერიკელებისთვის - ეს ფულის შოვნისა და ევროპის კიდევ მეტად მიბმის მეთოდია. ვაშინგტონი ტრამპამდელ ეპოქას დაუბრუნდება და ევროპის საქმეებში ჩარევას გააძლიერებს.

„მეჩვენება, რომ 2021-ში ნატო წარმოაჩენს, როგორ ყალიბდება სამხედრო ორგანიზაციიდან რაღაც გლობალურ კორპორაციად, — განმარტავს პოლიტოლოგ-ამერიკანისტი სერგეი სუდაკოვი. — ალიანსის საკვანძ პრობლემა შველებურად აქტუალურია — ეს ფინანსირებაა. ვინც იხდის, მუსიკასაც ის უკვეთავს. ბიუჯეტის ორ მესამედს აშშ უზრუნველყოფს და ეს არავისთვის არ არის საიდუმლო. ჩვენ შესანიშნავად ვიცით, რომ ხარჯებმა უკვე გადააჭარბა ტრილიონ დოლარს — უპირველესად სწორედ ვაშინგტონის წყალობით. ევროპული სახელმწიფოები აშშ-იდან მოწოდებების იმედად არიან — მშრალი საკვების ჩათვლით. ამას უზრუნველყოფს კოლოსალური ამერიკული თავდაცვითი ბიუჯეტი — კორპორაციები, რომლებიც ნატოს ინტერესებში მოქმედებენ, უზარმაზარ თანხებს შოულობენ“.

ექსპერტი შენიშნავს, რომ ალიანსის მოღვაწეობა უკვე დღეს გამოიყურება, როგორც ფულის ერთი ჯიბიდან მეორეში გადატანა. ვაშინგტონი ნატოს თანხებს გამოუყოფს, მოკავშირეები ამ ფულით ამერიკულ ტექნიაკსა და შეიარაღებას ყიდულობენ და წრე იკეტება.

ბაიდენის პირობებში ევროპა აშშ-სთვის სამხედრო პროდუქციის გასაღების ერთ-ერთ ძირითად ბაზრად დარჩება. გამოდის, რომ ოკეანის გაღმიდან ანტირუსული რიტორიკის გაძლიერებას უნდა ველოდოთ. მაგრამ სპეციალისტთა უმეტესობა დარწმუნებულია: ვაშინგტონი და ბრიუსელი არ წავლენ მსოფლიოში სიმძლავრით მეორე არმიის ნამდვილ გამოცდაზე.

რედაქცია შესაძლოა არ ეთანხმებოდეს ავტორის მოსაზრებებს!

1336
თემები:
რუსეთი დღეს
ყვავილი ზამთარში

დღის ასტროპროგნოზი ზოდიაქოს ნიშნებისთვის: 27 იანვარი

0
(განახლებულია 12:08 26.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 27 იანვარია, ოთხშაბათი. მზარდი მთვარე კირჩხიბის ნიშანშია. ამ დღეს პლანეტა მერკური მფარველობს.

დღეს მგზნებარე ვნებებისა და განცდების დღეა. ემოციურ ფონზე მოსალოდნელია ცვალებადი განწყობა, სპონტანური მოქმედებები და გრძნობები, ექსცენტრულობა. ადამიანებს მწვავე რეაგირება ექნებათ ირგვლივ განვითარებულ მოვლენებზე. ყოველივე ამის გათვალისწინებით ექსპერტები გირჩევენ, არ შეეხოთ სხვების გრძნობებსა და ინტერესებს – ეს, შესაძლოა, სავალალოდ დასრულდეს. ამ დღეს პლუსიც აქვს – მომატებული ამბიციურობა და პატივმოყვარეობა სამუშაოზე, კარიერასა და სიყვარულში წარმატებების მიღწევას შეუწყობს ხელს.

2021 წლის მთავარი მიმოხილვა: როგორი იქნება ხარის წელიწადი აღმოსავლური ჰოროსკოპის მიხედვით>>

ვერძი: ექსპერტები გირჩევენ, რაც შეიძლება შორს დაიჭიროთ თავი ჭორებისა და ინტრიგებისგან, რომ ამაში ჩათრეული არ აღმოჩნდეთ. რაც არ უნდა ბობოქარი მოვლენები განვითარდეს ირგვლივ, განზე უნდა დარჩეთ, შეინარჩუნოთ ნეიტრალიტეტი და მხოლოდ საკუთარი საქმე გააკეთოთ. გარშემომყოფები თქვენ გარეშეც მოაგვარებენ სიტუაციას, მაგრამ თუ თავს ვერ შეიკავებთ და ვინმეს მხარეს დაიჭერთ, საბოლოოდ ეს სანანებელი გაგიხდებათ – ამან თქვენს რეპუტაციაზე დამღუპველად შეიძლება იმოქმედოს.

კურო: სასურველი შედეგის მისაღწევად დღეს მხოლოდ „შემოვლითი“ გზებით უნდა ისარგებლოთ. გარშემომყოფებთან პირდაპირი საუბრის მცდელობა არაფერს მოიტანს, ხოლო „პარტიზანული“ მეთოდები კი, როგორიცაა, მაგალითად, მინიშნებები, საკმაოდ ეფექტური აღმოჩნდება. ასე რომ, თუ საკუთარი იდეის წამოწევა გინდათ, ამისთვის საუკეთესო საშუალება იქნება მოხერხებულობა, საჭირო ადამიანის დარწმუნება ამ იდეაში ისე, რომ მან იფიქროს, თითქოს თვითონ მოუვიდა ეს აზრი თავში.

ტყუპი: მოემზადეთ იმისთვის, რომ დღეს მოულოდნელად საკმაოდ მაცდური წინადადება შეიძლება მიიღოთ. ეს, შესაძლოა, თქვენს შემოსავლებს, მუშაობას ან პირად ცხოვრებას ეხებოდეს. თუმცა, სანამ დათანხმდებით, ყველაფერი კარგად უნდა აწონ–დაწონოთ. როდესაც დეტალებს ჩაუღრმავდებით და კარგად გათვლით, მომგებიანია თუ არა ეს წინადადება თქვენთვის, მხოლოდ მაშინ შეძლებთ სწორი გადაწყვეტილების მიღებას.

კირჩხიბი: დღეს ნამდვილ სუპერმენად იგრძნობთ თავს. ვარსკვლავები მოგანიჭებენ უსაზღვრო ენერგიას, აივსებით აზარტით, ვერ იგრძნობთ დაღლილობას და ამ ყველაფრის წყალობით მთების გადადგმა შეგიძლიათ. განსაკუთრებით კარგი იქნება, თუ რაღაც გადაუჭრელი საკითხები გაქვთ „მარაგში“ – დღეს შესანიშნავი შანსია ყველაზე უიმედო ჩანაფიქრის განხორციელებისთვისაც კი. და მაინც, როდესაც „მთების გადადგმას“ დაიწყებთ, ზედმეტიც არ მოგივიდეთ – ზომიერება მაინც კარგი რამაა.

ლომი: გარშემომყოფები რამე საკითხისადმი მოულოდნელი მიდგომით შეიძლება გააკვირვოთ. არაა გამორიცხული, რომ პრობლემის, რომელზეც ბევრი ადამიანი ამაოდ იმტვრევდა თავს, გადაჭრის ძალზე დახვეწილი მეთოდი წარმოადგინოთ. დღეს არასტანდარტული აზროვნება გახასიათებთ და ამის წყალობით ბევრ ამოცანას სხვა კუთხით შეხედავთ. ეს განსაკუთრებით შესამჩნევი იქნება შემოქმედების სფეროებში მოღვაწე ლომებისთვის – შთაგონების მოზღვავებას იგრძნობთ.

ქალწული: დღეს განსაკუთრებულად დამოუკიდებლად იგრძნობთ თავს. ნებისმიერი მცდელობა ირგვლივ მყოფთა მხრიდან, რომ რჩევა მოგცენ ან გმართონ, პირად შეურცხყოფად იქნება თქვენი მხრიდან აღქმული. ასეთი პოზიცია, ერთი მხრივ, შესაძლოა, თქვენთვის გარშემომყოფებთან კონფლიქტებით შემობრუნდეს. მეორე მხრივ კი, დამოუკიდებლები ვერ მიიღებთ ვერანაირ ჩარჩოს, საზღვარს და ეს საქმეებზე შეიძლება პოზიტიურად აისახოს. იქ, სადაც სხვა ჩიხში მოექცევა, თქვენ არაორდინარულ გადაწყვეტილებას შესთავაზებთ.

სასწორი: დღეს რაღაც მოვლენამ შეიძლება გაგანაწყოთ და კალაპოტიდანაც კი ამოგაგდოთ. მაგრამ სასოწარკვეთილებაში ჩავარდნა არ ღირს. ეს ნორმალურია – საქმეებში ხან ყველაფერი კარგად გამოდის და ხან – არა. ირგვლივ მყოფების იმედზე ყოფნაც ყოველთვის არ ღირს. დღეს უნდა გახსოვდეთ, რომ ერთადერთი ადამიანი, რომელსაც ანგარიში უნდა ჩააბაროთ და ვისი იმედიც უნდა გქონდეთ, ეს თვითონ თქვენ ხართ. ასეთ შემთხვევაში იმედგაცრუებაც ნაკლები გექნებათ.

მორიელი: დღეს დილიდან ლიდერის პოზიციაზე იგრძნობთ თავს. და საქმე ის კი არაა, რომ სხვებზე მბრძანებლობა მოგინდებათ, არამედ მთავარია ის, რომ გარშემომყოფები თქვენ სიტყვას დაუგდებენ ყურს. თქვენი ნათქვამი ძალზე დამაჯერებელი იქნება და ამის წყალობით დიდი ძალისხმევის გარეშე მიიპყრობთ ყურადღებას, დააინტერესებთ ადამიანებს და დაარწმუნებთ საკუთარ სიმართლეში. სწორედ ეს უნდა გააკეთოთ დღეს – წარმოადგინოთ თქვენი იდეები, პროექტები ხოლო ყოფით საკითხებზე დროის დახარჯვა მართლაც გაუმართლებელი იქნება.

მშვილდოსანი: დღეს გარშემომყოფები, თითქოს შეთანხმებულად, თქვენი მოთმინების გამოცდას მოაწყობენ, რომელიც ისედაც უკვე სავსეა. გასაკვირი არცაა, რომ რაღაც მომენტში მოთმინების ფიალა გაივსოს და „აფეთქდეს“ ეს რომ არ მოხდეს, ვარსკვლავები გირჩევენ, „ორთქლი ნელ–ნელა გამოუშვათ“ და არ დაელოდოთ მის ავსებას. სჯობს, მაგალითად, მთელი დღე იბუზღუნოთ, ვიდრე მრისხანება მთელი დღე აგროვოთ და მერე ერთიანად ამოხეთქოთ – მოაწყოთ გრანდიოზული სკანდალი.

თხის რქა: დღეს არაერთი სიურპრიზი შეიძლება გელოდებოდეთ. არა გამორიცხული, რომ ამის წყალობით რაღაც–რაღაცებს სრულიად სხვა კუთხით შეხედოთ. საქმეებში, შესაძლოა, ახალი ფაქტები გამოჩნდეს, არ გარშემომყოფებიდან ერთ–ერთმა აბსოლუტურად სხვა მხრიდან აჩვენოს თავი. ეს, რა თქმა უნდა, საქმეებისგან მოგწყვეტთ, მაგრამ ახალ შთაბეჭდილებებს მიიღებთ.

მერწყული: დღეს რისკავთ, რომ რომელიღაც საინტერესო იდეა საფუძველშივე ამოძირკვოთ. ამაში დამნაშავე თქვენი მოუთმენლობა იქნება გადაწყვეტილების მიღებისა და სურვილის არქონა, რომ დეტალებს ჩაუღრმავდეთ. მერე რომ სანანებელი არ გაგიხდეთ, გახსნილი უნდა იყოთ ნებისმიერი ახალი აზრის, პროექტისა და იდეისთვის. ბოლოს და ბოლოს, მათზე უარის თქმას ყოველთვის მოასწრებთ.

თევზები: დღეს საშუალება მოგეცემათ, რომ თქვენი ორგანიზატორული უნარები წარმოაჩინოთ, თუნდაც ეს ნიჭი „ღრმა ძილის მდგომარეობაში“ იყოს. გარშემომყოფებისთვის დავალების მიცემა, მოვალეობების გადანაწილება, ენთუზიაზმით დამუხტვა – ეს ყველაფერი დღეს თქვენთვის ძალზე იოლია. თუნდაც სხვების ხელმძღვანელობის საშუალება არ გქონდეთ, სულ მცირე, საკუთარი თავის შესანიშნავად ორგანიზებას მაინც მოახერხებთ.

0