ჩრდილოეთის ნაკადი -2

„აშშ-ის ჯოჯოხეთური სანქციები“: უნდა ეშინოდეს თუ არა რუსეთს

150
(განახლებულია 16:27 13.12.2019)
დასავლეთის მიერ რუსეთისთვის დაწესებული სანქციები პერიოდულად გრძელდება. უქმნის თუ არა აღნიშნული სანქციები საფრთხეს რუსეთს, ექსპერტი ივან დანილოვი საუბრობს

ივან დანილოვი

აშშ-ის საინფორმაციო ველსა და საკანონმდებლო დღის წესრიგში „ჯოჯოხეთური სანქციები“ ბრუნდება. სენატორებისა და კონგრესმენების სამიზნე - რუბლი, რუსეთის სახელმწიფო ფასიანი ქაღალდები, ნავთობკომპანიები და გაზსადენებია. „ბონუსის“ სახით აშშ-ში შესაძლოა ოფიციალურად გამოაცხადონ, რომ რუსეთი „ტერორიზმის სპონსორია“ და შედეგად სანქციები მოაყოლონ. 

იმის გამო, რომ შეერთებული შტატების პარლამენტში რუსეთის წინააღმდეგ მიმართული სანქციების რამდენიმე ინიციატივა განხილვის სხვადასხვა სტადიაზეა, ზოგჯერ რთულია იმის დადგენა, რუსეთის ეკონომიკისა და ფინანსური სექტორის რომელი სეგმენტები შეიძლება აღმოჩნდეს ზეწოლის ქვეშ. მაგრამ თუ სანქციების მთელ „ლანდშაფტს“ გადავავლებთ თვალს, შეიძლება გამოვყოთ ანტირუსული ნაბიჯების სამი პაკეტი. პირველი ასეთი პაკეტი ითვალისწინებს ირიბ სანქციებს „ჩრდილოეთის ნაკადი - 2-ის“ წინააღმდეგ. ამერიკული მასმედიის ინფორმაციით, ეს პაკეტი შეტანილია აშშ-ის 2020 წლის სამხედრო ბიუჯეტში, რომელსაც კონგრესში ოთხშაბათს უყარეს კენჭი.

ამერიკელ კანონმდებლებს მოერიდათ სანქციების დაწესება რუსული გაზის მყიდველების ან კონკრეტულად „გაზპრომის“ წინააღმდეგ და გადაწყვიტეს, შეუტიონ ევროპულ კომპანიებს, რომელთა უნიკალური გემები ამჟამად დანიის ნაპირებთან „ჩრდილოეთის ნაკადი - 2-ის“ მილსადენის გაყვანით არიან დაკავებული. სანქციები იმაზეა გათვლილი, რომ დოლარებში წარმოებული ოპერაციებისა და აშშ-სთან ან ამერიკულ კომპანიებთან თანამშრომლობის ბლოკირების საფრთხე აიძულებს მათ პროექტის დატოვებას, „გაზპრომს“ კი - უკრაინის გავლით რუსული გაზის ტრანზიტის შენარჩუნებას უკრაინისთვის მისაღები პირობებით.

თუმცა „Wall Street Journal“ იუწყება: „გაზპრომის“ წარმომადგენელმა განაცხადა, რომ თუ „Allseas-ი“ (მილსადენების გამყვანი კომპანიის შვეიცარიელი მფლობელი) იძულებული გახდება, პროექტი დატოვოს, „გაზპრომი“ საკუთარი ხომალდებისა და რუსი მენარდეების კუთვნილი ხომალდების მეშვეობით თავად დაასრულებს სამუშაოს“.

სანქციების მეორე პაკეტი, ასევე, „ჩრდილოეთის ნაკადი - 2-ის“ წინააღმდეგაა მიმართული, მაგრამ უკვე არა ირიბად, არამედ პირდაპირ. თუ ამ კანონპროექტს კონგრესსა და სენატშიც დაამტკიცებენ, შემდეგ კი ტრამპი მოაწერს ხელს, სანქციები გავრცელდება რუსული გაზსადენის ე.წ. სპონსორებზე - ევროპულ კომპანიებზე, რომლებიც მის მშენებლობას აფინანსებენ. თუმცა მეტად საეჭვოა, ამ ზომებმა რაიმე ეფექტი გამოიღოს, ვინაიდან გაზსადენის მშენებლობა თითქმის დასრულებულია, აუცილებელი თანხა კი - მოზიდული. 

მეტიც, როდესაც ანალოგიური პროექტი აშშ-ის სენატში 2017 წელს იხილებოდა, ოფიციალურმა ბერლინმა უბრალოდ კი არ დაგმო ის, არამედ „საპასუხო ზომებითაც“ დაიმუქრა. სააგენტო „Reuters“ მაშინ წერდა: „გერმანია აშშ-ს საპასუხო ზომებით დაემუქრა, თუ აშშ-ის მიერ რუსეთის წინააღმდეგ შემოთავაზებული ახალი სანქციები გერმანული ფირმების დასჯას გამოიწვევდა... გერმანიის ეკონომიკის მინისტრმა ბრიჯიტ ციპრისმა განაცხადა, რომ ბერლინს მოუწევდა კონტრზომების მოფიქრება, თუ ტრამპი გეგმას მხარს დაუჭერდა“.  

დღეს არ არსებობს საფუძველი ვარაუდისა, რომ გერმანიის ხელისუფლების პოზიცია შეიცვალა.

სანქციების მესამე პაკეტი - სწორედ ის „ჯოჯოხეთური სანქციებია“, რომლებზე საუბარიც ასე სიამოვნებთ აშშ-ის რესპუბლიკური პარტიის რუსოფობ წარმომადგენლებს. შესაბამისი კანონპროექტის ოფიციალური სახელწოდებაა - „კრემლის აგრესიისგან ამერიკული უსაფრთხოების დაცვის შესახებ“ (DASKA ). ის შეიძლება უახლოეს ერთ კვირაში განიხილონ. „Reuters“ კანონპროექტის მიზნებზე წერს: „შემოთავაზებული სანქციები მიმართულია: რუსული ბანკების წინააღმდეგ, რომლებიც მხარს უჭერენ საზღვარგარეთ არჩევნებში ჩარევის მცდელობას; რუსეთის კიბერსექტორის წინააღმდეგ; ახალი სახელმწიფო ვალის წინააღმდეგ; იმ პირთა წინააღმდეგ, რომლებიც (რუსეთის პრეზიდენტ ვლადიმერ პუტინის) სახელით პირდაპირ ან ირიბად ხელს უწყობენ უკანონო და კორუფციულ საქმიანობას“. კანონპროექტი ითვალისწინებს ასევე არაერთ მკაცრ ზომას რუსეთის ნავთობისა და გაზის სექტორების წინააღმდეგ, რომელზეც რუსეთის სახაზინო შემოსავლების დაახლოებით 40% მოდის“. 

აუცილებლად უნდა აღინიშნოს, რომ ამერიკელი კანონმდებლების თვალსაზრისით, ყველა ზემოთ ჩამოთვლილი ზომა - თურმე რუსეთისგან თავდაცვაა. ცნობილი ხუმრობის პერიფრაზს თუ მოვიშველიებთ - „რუსეთი ნატოს საფრთხეს უქმნის მის ბაზებთან თავისი ტერიტორიის მიახლოებით“. შეიძლება ითქვას, რომ კონგრესმენები და სენატორები ნებისმიერ ნავთობის საბადოს, რომელიც აშშ-ს არ ეკუთვნის, გულწრფელად აღიქვამენ, როგორც პირად შეურაცხყოფას, სამყაროს სამართლიანობის პრინციპის დარღვევას და საფრთხეს ნაციონალური უსაფრთხოებისთვის. რუსეთის წინააღმდეგ იმავე მეთოდების გამოყენება, რომელთა დახმარებითაც აშშ „ნავთობის პრობლემებს“ სხვა ქვეყნებში (მაგალითად, სირიაში) აგვარებს, შეუძლებელია რუსეთის არმიის, ფლოტისა და ბირთვული ტრიადის გამო. ამიტომ უწევთ სენატორებსა და კონგრესმენებს სანქციების სახით შემოვლითი გზების ძიება.

თუმცა ამერიკელი პოლიტიკოსებისა და ექსპერტების უფრო მძაფრ ემოციებს იწვევს არა რუსეთის ნავთობის სექტორის წინააღმდეგ, არამედ რუსეთის სახელმწიფო ვალის წინააღმდეგ მიმართული სანქციები. ამ „ჯოჯოხეთური სანქციების“ მხარდამჭერები იმედოვნებენ, რომ რუსული სახელმწიფო ფასიანი ქაღალდების გამოყენებით წარმოებული ოპერაციების აკრძალვა სავალუტო ბაზარზე რუბლზე მოთხოვნილებას შეამცირებს, ეს ზეწოლა კი რუსული ვალუტის კურსს შეასუსტებს.

პანიკა ფინანსურ ბაზრებზე და სირთულეები სავალუტო კურსთან დაკავშირებით, ალბათ, ის ინსტრუმენტებია, რომელთა დახმარებითაც, სანქციების ავტორების აზრით, რუსული ეკონომიკისა და საზოგადოების გატეხვას შეძლებენ. ამ თეორიას რამდენიმე სუსტი წერტილი აქვს. მათგან მთავარია: რუსეთი - არ არის „მესამე სამყაროს“ ტიპური ქვეყანა, რომლისთვისაც გარეშე დაფინანსების შეწყვეტა სახელმწიფო ფასიან ქაღალდებში  ინვესტიციების ბლოკირების გზით კატასტროფის ტოლფასი იქნება. საერთაშორისო ბაზრებზე კერძო სექტორის საგარეო დაფინანსების ბლოკირებასთან დაკავშირებული პრობლემების უმრავლესობა რუსეთმა ჯერ კიდევ 2014-2016 წლებში გამოიარა, ხოლო გარეშე სესხებზე სახელმწიფოს დამოკიდებულების პრობლემა ჯერ კიდევ 2000-იან წლებში მოაგვარა.

ეს არ ნიშნავს, რომ „ჯოჯოხეთური სანქციები“ არავითარ ზეგავლენას არ მოახდენს რუსეთის ფინანსურ და სავალუტო ბაზრებზე. ეფექტი იქნება. მაგრამ შეერთებული შტატების მოლოდინი, რომ რუსეთი ეკონომიკურ ჯოჯოხეთში ჩაეფლობა, ნამდვილად არ გამართლდება. მეტიც, „ჯოჯოხეთური სანქციების“ იდეა მოძველებულია. ის ძალიან მოსწონს სენატორებისა და კონგრესმენების ერთ კონკრეტულ კატეგორიას, კერძოდ, იმ რუსოფობებს, რომლებსაც ფინანსების არაფერი გაეგებათ. 

აშშ-ის ფინანსთა მინისტრი სტივენ მნუჩინი მათ შორის არ არის. მასაც არ უყვარს რუსეთი, მაგრამ იგი ფინანსისტია და უკვე ორი წელია, არ იყენებს სანქციების დაწესების უფლებას და აქტიურად უშლის ხელს პარლამენტარებს ისეთი კანონების მიღებაში, რომლებიც ასეთ სანქციებს დააწესებდა. უნდა აღინიშნოს, რომ „ჯოჯოხეთური სანქციების“ შემოღების ერთ-ერთი მცდელობის დროს მნუჩინიმ სენატორებსა და კონგრესმენებს მისწერა წერილი, რომელშიც თავის პოზიციას განმარტავდა.

მისი არგუმენტები არ მოეწონებათ იმათ, ვინც დღემდე ფიქრობს, რომ შეერთებულ შტატებს შეუძლია უკანონოდ მოქმედება და რომ რუსეთის საწინააღმდეგო ფინანსური სანქციები - მხოლოდ მითიური ამერიკული კეთილშობილების საკითხია.

როგორც აშშ-ის ფინანსთა მინისტრი ამბობს, თუ ასეთ სანქციებს ევროკავშირიც არ დააწესებს (ევროკავშირს კი ფიქრიც არ უნდა მსგავს სანქციებზე), ვაშინგტონს მოუწევს არა მხოლოდ საპასუხო დარტყმის მოგერიება რუსეთის მხრიდან, არამედ იმასთან შეგუებაც, რომ ინვესტორები - ანუ რუსული ფასიანი ქაღალდების უცხოელი მყიდველები - ამერიკული ბანკებიდან და საინვესტიციო ფონდებიდან გადავლენ ევროპულ, იაპონურ ან ოფშორულ ფინანსურ სტრუქტურებში, რათა რუსულ აქტივებზე წვდომა შეინარჩუნონ.  

მეტიც, რუსული აქტივები ახლა უფრო მიმზიდველია საერთაშორისო ინვესტორებისთვის, ვიდრე 2018 წელს, რადგან მხოლოდ განვითარებად ბაზრებზე (განსაკუთრებით, რუსეთში) დაბანდებით შეუძლიათ ევროპელ ინვესტორებს სარფიანი გარიგებების დადება. ასე რომ „ჯოჯოხეთური სანქციები“ რუსეთს ხანმოკლე დისკომფორტს შეუქმნის, აშშ-ის ფინანსურ სექტორს კი ფულსა და კლიენტებს დააკარგვინებს.

კანონმდებლებმა, შესაძლოა, „ჯოჯოხეთური სანქციები“ და „ჩრდილოეთის ნაკადი - 2-ის“ საწინააღმდეგო ზომები მართლაც მიიღონ. თუმცა ამერიკელ ჩინოვნიკებსაც კი ეპარებათ ეჭვი მათ ეფექტურობაში. ბოლო ხუთი წელია, მსგავსი ოდიოზური წინადადებები კონგრესისა და სენატის კულუარებს გარეთ ვერ აღწევს და ეს უმიზეზოდ არ ხდება.

მაგრამ თუ ამერიკელი კანონმდებლები მაინც გადაწყვეტენ ამერიკული ფინანსური სექტორის დაზარალებას და ევროკავშირისთვის დამატებითი იმპულსის მიცემას, გათავისუფლდნენ ფინანსებისა და ენერგეტიკის სფეროში ზედმეტი ამერიკული მეურვეობისგან, ამის გამო აღელვება არ ღირს. 

150
თემები:
რუსეთი დღეს (603)
რუსული ვაქცინა

მოსაზრება: დიდი პოლიტიკის პატარა გეშეფტი

226
(განახლებულია 23:41 18.09.2020)
რუსეთის ლიდერობა კორონავირუსის ვაქცინის შექმნაში დასავლეთისთვის უბრალოდ უსიმოვნო სიურპრიზი კი არ გამოდგა, არამედ აღმაშფოთებელი გამოწვევა ― როგორც პოლიტიკური, ისე ფინანსური მოსაზრებებით.

ირინა ალქსნისი

ერთი მხრივ, ჩამორჩენილ ღრმად არადემოკრატიულ რუსეთს უბრალოდ არ აქვს მსგავსი გარღვევების უფლება რთულ სამეცნიერო და ტექნოლოგიურ მოწინავე სფეროებში.

მეორე მხრივ, ფსონზე იმდენად ასტრონომიული თანხა დევს, რომ მარტო იმაზე ფიქრიც კი, რომ მან შესაძლოა დასავლურ ფარმაცევტულ კონცერნებს გვერდი აუაროს, იქ მჟავიანობის აწევას იწვევს. თუნდაც ინდოეთისთვის 100 მილიონი დოზა ვაქცინის მიწოდების თაობაზე მოლაპარაკებები რად ღირს.

არაფერია გასაკვირი იმაში, რომ რუსეთი თავისი მეცნიერების მუშაობის დისკრედიტაციის მრავალრიცხოვან მცდელობებს წააწყდა: დიდი პოლიტიკა, დიდი ფული.

მაგრამ ზვიგენების გვერდით ყოველთვის მოიძებნება ადგილი პაწაწინა თევზებისთვის, რომლებიც რეგულარულად იღებენ ნასუფრალს.

სწორედ ასეთი ამბავი დაიწყო მას შემდეგ, რაც ერთ-ერთ უძველეს და გავლენიან სამეცნიერო ჟურნალ The Lancet-ში „სპუტნიკ-V"-ს გამოცდის შედეგებზე პუბლიკაცია გამოქვეყნდა. სტატიას ელვისებურად მოჰყვა კრიტიკა.

ხმამაღალ ახალ ამბად იქცა მსოფლიო მასმედიით გავრცელებული ღია წერილი, რომელშიც ამერიკის ტემპლის უნივერსიტეტის ბიოლოგიის პროფესორმა ენრიკო ბუჩიმ შიში გამოთქვა „რუსი მეცნიერების მიერ დაშვებული სავარაუდო შეცდომების“ გამო. მას 25-მდე დასავლელმა მეცნიერმა დაუჭირა მხარი.

The Lancet-მა რუს სწავლულებს მათთვის პასუხის გაცემა შესთავაზა, რაც გაკეთდა კიდეც. გამალეის ცენტრმა გამოცემას სრულფორმატიანი კლინიკური პროტოკოლი მიაწოდა რუსული ვაქცინის კვლევაზე. რუსეთის პირდაპირი ინვესტიციების ფონდის პრეზიდენტმა კირილ დმიტრიევმა გამოაქვეყნა მასალა, რომელშიც გაშლილად უპასუხა კრიტიკოსების ძირითად პრეტენზიებს და იმავდროულად ურჩია მათ, "საკუთარ თვალში მოეძებნათ დირე".

ამ შემთხვევაში პრობლემა მდგომარეობს არა მარტო წმიდა სამეცნიერო მატერიებში, რომლებზე კონცენტრაციაც მოახდინეს რუსმა მკვლევარებმა.  

საქმე ისაა, რომ თავად სკანდალური წერილის ავტორია მეტად შესამჩნევი პიროვნება. „ბი-ბი-სის“ მასალაში ენრიკო ბუჩი „ცრუ მეცნიერებასთან ცნობილ მებრძოლადაა“ მოხსენიებული. თუმცა უფრო მართებული იქნებოდა, მის დასახასიათებლად „მეცნიერ-ბიზნესმენი“ გამოყენებულიყო.

2016 წელს ბუჩიმ დააარსა კომპანია Resis Srl, რომელიც სამეცნიერო ნაშრომების ვერიფიკაციაზე, მათი კორექტულობისა და კეთილსინდისიერების შემოწმებაზე სპეციალიზდება.

ეს საკმაოდ მოდური თემაა თანამედროვე მეცნიერებაში. ბოლო წლებში ძალიან ხშირად იჭერენ მკვლევარებს შეცდომებზე, მათ შორის, საკმაოდ უხეშზე. საუბარი მაინცდამაინც თაღლითობაზე ან ბოროტად გამოყენებაზე არ არის, ხშირად ადგილი აქვს უბრალოდ პატიოსან შეცდომას, რაც მხილების შემდეგ მაინც ურტყამს მეცნიერისა თუ მთელი სამეცნიერო ინსტიტუტების რეპუტაციას.

სწორედ ამგვარი პრობლემებისთვის თავის ასარიდებლად ავტორები და კვლევითი სტრუქტურები ხშირად მიმართავენ საკუთარი ტექსტების დამოუკიდებელ აუდიტს მათი პუბლიკაციის წინ. კერძოდ, ბუჩის კომპანია ამგვარი საქმისთვის დაიქირავა გერმანიის ფრიც ლიპმანის ინსტიტუტმა, რომლის გარშემოც ცოტა ხნის წინ ხმამაღალი სკანდალი აგორდა გამოქვეყნებულ მასალებში უგვანო შეცდომებისთვის. ამ ისტორიის შესახებ დაწვრილებით წერდა ერთი წლის წინ ჟურნალი Nature.

2019 წელს იგივე Nature-ში გამოქვეყნდა მასალა, რომელიც ბუჩის თანაავტორობით გამოსული სამეცნიერო ნაშრომის კეთილსინდისიერებას ეხებოდა. იქ პატიოსნად იყო მითითებული, რომ ენრიკო ბუჩის ინტერესთა კონფლიქტი ჰქონდა.

მარტივად რომ ვთქვათ, როდესაც კომერციული კომპანიის მფლობელი საჯაროდ გამოდის და საუბრობს საქმიანობაზე, რომელშიც ის სპეციალიზდება, ეს არსებითად მისი ფირმის რეკლამა ხდება. მაგრამ, რაღა თქმა უნდა, როცა საუბარია რუსული ვაქცინის „მხილებაზე“, მაშინ ამგვარი დეტალები სრულიად არ არის მნიშვნელოვანი.

დასავლეთმა ბუჩის ღია წერილი იმისთვის გამოიყენა, რომ კიდევ ერთი დარტყმა მიეყენებინა რუსული მიღწევისთვის იმ იმედით, რომ ჩაეშალა ან თუნდაც შეესუსტებინა მისი ლიდერობა. ხოლო თავად პროფესორმა ისეთი პიარი მიიღო, რომელზეც ვერც კი იოცნებებდა სხვა შემთხვევაში.

ეჭვი არ არის, რომ ეს მას ახალ და ძალიან მიმზიდველ კომერციულ კონტრაქტებს მოუტანს. მაგრამ ამას არანაირი კავშირი არ აქვს არც მედიცინასთან და არც ასობით ათასი ადამიანის სიცოცხლის გადარჩენასთან მთელ მსოფლიოში.

რედაქცია შესაძლოა არ ეთანხმებოდეს ავტორის მოსაზრებებს

226
ალექსეი ბავალნი მოსკოვში გამართულ მიტინგზე

მოსაზრება: გერმანია ალექსეი ნავალნის გაჩუმებას აიძულებს

71
(განახლებულია 19:58 16.09.2020)
ალექსეი ნავალნიმ სოციალურ ქსელებში ჰოსპიტალიზაციის შემდგომი პირველი ფოტო გამოაქვეყნა და დაწერა, რომ ჯანმრთელობის პრობლემები, ზოგადი პოზიტიური დინამიკის ფონზე, მაინც აქვს.

ირინა ალქსნისი

ხოლო ორშაბათს გამართულ პრესკონფერენციაზე გერმანიის საგარეო საქმეთა მინისტრმა ჰაიკო მაასმა მოითხოვა, შეეწყვიტათ ბლოგერის „ნოვიჩოკით“ მოწამვლის შესახებ გაკეთებული დასკვნების კრიტიკა, ვინაიდან საფრანგეთსა და შვედეთში არსებულმა რომელიღაც დამოუკიდებელმა ლაბორატორიებმა ბუნდესვერის სპეციალისტების დასკვნები დაადასტურეს. ეს ლაბორატორიები „რომელიღაც“ იმიტომაა, რომ მათი ინფორმაციები ასევე გასაიდუმლოებულია.

საეჭვოა, რომ საგარეო უწყების ხელძძღვანელს სურვილი შეუსრულდეს. სამაგიეროდ ბევრად დამაჯერებელია სრულიად საპირისპირო შედეგი, ვინაიდან გერმანიის ხელისუფლებას თავად ალექსეი ნავალნიმ გამოსდო კვანტი.

გამოცემა New York Times-მა, გერმანიის უსაფრთხოების ორგანოების მაღალჩინოსანზე დაყრდნობით, გაავრცელა ინფორმაცია, რომ გამოჯანმრთელების შემდეგ ნავალნი რუსეთში დაბრუნებას აპირებს „მოღვაწეობის გასაგრძელებლად“.

თუ გაზეთის ინსაიდი სიმართლეს შეესაბამება, მაშინ ნავალნის მართლაც სასიხარულოდ აქვს საქმე, ვინაიდან ასეთი სურვილი არაორაზროვნად მოწმობს მისი კოგნიტიური ფუნქციების შენარჩუნებაზე, რაც, ექიმების კომენტარებით თუ ვიმსჯელეთ, ბლოგერის მძიმე მდგომარეობიდან გამომდინარე, სულაც არ იყო გარანტირებული.

ბოლო ორი ათწლეულის განმავლობაში რუსეთი კარის გაჯახუნებით არაერთმა ისეთმა ადამიანმა დატოვა, რომლებიც მანამდე შესამჩნევი საზოგადოებრივ–პოლიტიკური ფიგურები იყვნენ. შედეგი კი ყოველთვის ერთნაირი დგებოდა: ისინი ელვისებურად კარგავდნენ საზოგადოებრივ წონას, ითქვიფებოდნენ რა ემიგრანტების საერთო მასაში, რომლებიც არავის აინტერებდა. და კრემლთან უკომპრომისო მებრძოლების მდგომარეობასთან ერთად ისინი ამ სტატუსთან დაკავშირებულ ფინანსურ შესაძლებლობებსაც კარგავდნენ — რუს ოპოზიციონერებს შორის ხოდორკოვსკის მსგავსი მართლაც მდიდარი ადამიანები ცოტანი არიან.  

შედეგად – ყველაფერი ის, რა მათ რჩებათ, სოციალურ ქსელებში ღვარძლის ფრქვევაა პრაღაში, რიგასა თუ ლონდონში არსებული მათი პატარა ბინებიდან. ხოლო კიდევ უფრო სამწუხარო შემთხვევაში სულაც ახალი ქვეყნის „სადამსჯელო ფსიქიატრიის“ დოლაბებში შეიძლება აღმოჩნდე, როგორც ეს პიოტრ პავლენსკის დაემართა.

სხვათა შორის, შეცდომებზე ისწავლეს. თემა „სამუდამოდ ვტოვებ რუსეთს, დაე, უჩემოდ დაიღუპოს“ სულ უფრო იშვიათად და ჩუმად ისმის ყოველ მომდევნო წელს.

აი, ალექსეი ნავალნისთვის კი მსგავსი შედეგი განსაკუთრებით საწყენი იქნებოდა. გარდა იმისა, რომ ის რუსეთის ყველაზე ცნობილ ოპოზიციონერად იქცა, მან ასევე ძალიან ეფექტური სისტემა ააწყო თავისი მომხრეებისგან ფინანსების „ამოსაქაჩად“. ბოლო წლების განმავლობაში სწორედ ეს უზრუნველყოფდა მისთვის უამრავ სასიამოვნო ბონუსსა და ცხოვრების მეტად მაღალ დონეს — დაწყებული ძვირაღირებულ უცხოურ კურორტებზე ოჯახთან ერთად დასვენებით, დასრულებული ქალიშვილის სტენფორდის უნივერსიტეტში სწავლით.

არაფერია გასაკვირი იმაში, რომ ბლოგერს იოტისოდენი სურვილიც არ აქვს, მიატოვოს „ოფლისღვრით მოპოვებული“ და მეორე სკრიპალად იქცეს, რომელიც თითქოს ბრიტანეთის სპეცსამსახურებმა სამყაროს დასასრულს მდებარე ყრუ კუთხეში გაგზავნეს, ნაცვლად უძველეს სოლსბერიში მყუდრო ცხოვრებისა — და ეს ყველაფერი ГРУ-ს მკვლელებისგან სასწაულებრივი გადარჩენის შესახებ ლეგენდის განსამტკიცებლად.

სწორედ აქ იჩენს თავს პრინციპული განსხვავება ალექსეი ნავალნისა და დასავლეთის მიერ დახატულ სურათს შორის მისი ავადმყოფობის შესახებ. გერმანელების მიერ დასმული დიაგნოზი დაუშვებელს ხდის მის დაბრუნებას სამშობლოში, გამომდინარე უსაფრთხოებიდან. მაგრამ ის ფაქტი, რომ ბლოგერი ჯიუტად მოიწევს უკან, პირდაპირ დრაკონის ხახაში, რომელმაც ის ვითომ ლამის მოკლა, იმას ნიშნავს, რომ რუსეთის ხელისუფლების მიერ „ნოვიჩოკით“ მოწამვლისა და მისი სიცოცხლისთვის საფრთხის არსებობისა უბრალოდ არ სჯერა.

უფრო უარესიც: სამშობლოში ნავალნი ეპიკრიზით უნდა დაბრუნდეს. ხოლო გერმანული მხარე, როგორც ცნობილია, უარს ამბობს მოსკოვისთვის ნებისმიერი ინფორმაციის მიწოდებაზე, რომელიც ნავალნის დიაგნოზს დაადასტურებდა. რუსეთის გენპროკურატურამ მორიგი მოთხოვნა გაუგზავნა გერმანელ კოლეგებს, რათა ბლოგერის ავადმყოფობის მთელი ისტორიის შემოწმება ჩაეტარებინა, მაგრამ ბერლინის ხელშეწყობის იმედად ყოფნა გამორიცხულია. სამაგიეროდ კლინიკა „შარიტედან“ მიღებულმა ამონაწერმა, რომელსაც ბლოგერი თან ჩამოიტანს, შესაძლოა უამრავი საინტერესო ინფორმაცია მისცეს რუსეთის კომპეტენტურ ორგანოებს.

მოკლედ, ნავალნის სურვილი, აუცილებლად დაბრუნდეს რუსეთში, გერმანელებს მეტად უსიამოვნო მდგომარეობაში აყენებს, ვინაიდან ეს მათ იმ ბოდვის გროვის საბოლოო ჩამოშლით ემუქრება, რომელიც მათ ამ კვირებში ააგეს. 

სხვათა შორის, ბრიტანელებს ეს მომენტი ბევრად დახვეწილად ჰქონდათ დამუშავებული. გარდა იმისა, რომ სკრიპალების მოწამვლის შოუ შთაბეჭდილებას ახდენდა თავისი მასშტაბურობითა და დეტალირების დახვეწილობით — სახლების ნგრევის ჩათვლით, „მსხვერპლიც“ ძალიან გონივრულად იყო შერჩეული: ყველასთვის უინტერესო და არასაჭირო ყოფილი შპიონი, რომელიც ზუსტად იმას გააკეთებდა, რასაც კურატორები ეტყოდნენ. მაგრამ საჩვენებელი მომენტი ისაა, რომ ლონდონმაც კი არ გარისკა სკრიპალისთვის მოქმედების მინიმალური თავისუფლება მიეცა — არც ერთხელ არ დაალაპარაკა ჟურნალისტებსა და დიპლომატებს.

ალექსეი ნავალნის დათანხმება კი, ოჯახთან ერთად ნებაყოფლობით მიატოვოს რუსეთის მთავარი ოპოზიციონერის ტკბილი ცხოვრება, შესაძლოა გერმანელებისთვის უკიდურესად არატრივიალური ამოცანა გამოდგეს.

ბლოგერისთვის ცუდი ახალი ამბავი ისაა, რომ მისი დაბრუნება რუსეთში იმდენად უსიამოვნო შედეგებით ემუქრება მთელი ამ ალიაქოთის მომწყობ ბერლინს, რომ იქ ამ პრობლემის მოსაგვარებლად შეიძლება ისეთ მეთოდებსაც კი მიმართონ, რომლებიც სიტყვების „დათანხმება“ და „ნებაყოფლობით“ გამოყენებას არ ითვალისწინებს.

რედაქცია შესაძლოა არ ეთანხმებოდეს ავტორის მოსაზრებებს

71
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 21 სექტემბერს

0
(განახლებულია 19:46 20.09.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 21 სექტემბერი — Sputnik. სააქციო საზოგადოება „თელასი" იუწყება, რომ 21 სექტემბერს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

ნაძალადევის რაიონი

10:30 საათიდან 18:00 საათამდე შეზღუდვა შეეხება: ზღვისუბნის დასახლების X კვარტლის, ანაპის 414-ე დივიზიის და შატილის ქუჩების მოსახლეობას.

გლდანის რაიონი

11:00 საათიდან 16:00 საათამდე შეზღუდვა შეეხება: მუხიანის IVბ მიკრორაიონის მოსახლეობას.

საბურთალოს რაიონი

12:00 საათიდან 14:00 საათამდე შეზღუდვა შეეხება: პეკინის გამზირის (ნაწილობრივ) მოსახლეობას.

ვაკის რაიონი

10:00 საათიდან 12:00 საათამდე შეზღუდვა შეეხება: არაყიშვილის ქუჩის (ნაწილობრივ) მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

0
თემები:
თბილისი დღეს