ნავთობისა და გაზის პლატფორმა ზღვაში

საუდის არაბეთმა და რუსეთმა ნავთობის ექსპერტები გაანაწყენეს

60
(განახლებულია 14:52 11.02.2020)
ვენაში „ნავთობის ალიანსის“ ოპეკი+ ფორმატით შეხვედრის წინ იმ თეორიის მხარდამჭერებს, რომლის თანახმადაც რუსეთში ყველაფერი ცუდადაა და კიდევ უფრო გაუარესდება, ჯერ კიდევ ჰქონდათ შემორჩენილი რაღაცის იმედი.

ივან დანილოვი

ეს იმედები უკავშირდებოდა იმას, რომ სპარსეთის ყურის ქვეყნებში — და, უპირველეს ყოვლისა, საუდის არაბეთში — შიდაპოლიტიკური, გეოპოლიტიკური და ფინანსური კონიუნქტურის შეცვლა შეასუსტებდა ალიანსის გავლენას ნავთობის ბაზარზე.

ამ იმედების მხარდამჭერი არგუმენტების სახით მოჰყავდათ რამდენიმე ფაქტორი. ზოგ მათგანზე დასავლელი ოპონენტები ღიად უთითებდნენ, დანარჩენზე კი — კულუარულად. პირველ რიგში, დასავლური მასმედია, რომელსაც მრავალი ფინანსური ანალიტიკოსი შეუერთდა, აქტიურად შეუდგა თეზისის გავრცელებას, რომ საუდის არაბეთის სახელმწიფო ნავთობკომპანია Saudi Aramco-ს მიერ პირველადი აქციების ბირჟაზე გამოტანის შემდეგ ერ-რიადს უნდა გასჩენოდა ოპეკის წევრი სახელმწიფოებისგან, მათ შორის, რუსეთისგან გამოცალკევების სერიოზული სტიმული, რათა გაეფართოებინა დამოუკიდებლად ნავთობის მოპოვება, გაეძვირებინა კომპანიის აქციები და, შესაბამისად, გაეზარდა თავისი საბაზრო კაპიტალიზაცია.

ამგვარი ლოგიკის ტიპური მაგალითის სახით შეიძლება „ბლუმბერგის“ მასალიდან ციტატის მოშველიება - „ბირჟაზე Aramco-ს აქციების გამოტანა საუდის არაბეთს აძლევს სტიმულს იმისა, რომ ამოქაჩოს უფრო მეტი ნავთობი“.

„ახლა, როდესაც Saudi Aramco, ბოლოს და ბოლოს, ჩამოყალიბდება კომპანიად, რომელიც ვაჭრობს ბირჟაზე, მას მოუწევს მოქმედება როგორც საჯარო კომპანიას. ეს ნიშნავს, რომ სახელმწიფო ნავთობის გიგანტის აქციების ფასი ხელმძღვანელებისა და აქციონერებისათვის მთავარი ფაქტორი გახდება. ...ახლა (როცა მთელი ყურადღება მიპყრობილია) აქციის ფასისა და ფულადი ნაკადის ოპტიმიზაციისკენ, მონარქიას შეუძლია ფულის შოვნა აქციების მომავალი გაყიდვების წყალობით, Aramco-ს კი აქვს საფუძველი, გაზარდოს შემოსავალი და ნახოს მოგება უახლოეს მომავალში. ამის საუკეთესო ხერხი – ნავთობის მოპოვების გაზრდაა. ესაა ოპეკის დე ფაქტო ლიდერი და ჩვენ უნდა ველოდოთ, რომ ახალი სტიმული გავლენას იქონიებს მის არჩევანზე“, – დაჟინებით აცხადებდა ამერიკული ფინანსური სექტორის რუპორი.

თუ ვითარებას ცინიკურად შევაფასებთ და ამერიკელ ჟურნალისტებზე ცუდად ვიფიქრებთ, ისინი შეიძლება ტოქსიკურ სტერეოტიპებში დავადანაშაულოთ. მხოლოდ ასე შეიძლება ავხსნათ მათი სურვილი – საუდის არაბეთის ხელმძღვანელობა იმდენად არაკომპეტენტური აღმოჩნდეს, რომ გრძელვადიანი შემოსავლის პერსპექტივას ხანმოკლე ფინანსური მოგება ამჯობინოს.

გასათვალისწინებელია კიდევ ერთი მნიშვნელოვანი მომენტი. Aramco-ს აქციების გამოტანის მცდელობა იყო ლონდონისა და ნიუ-იორკის ბირჟებზე, მაგრამ საბოლოო ჯამში სანქციების, საუდის აქტივების დაპატიმრების რისკის, ამერიკელი კანონმდებლების მხრიდან საუდის საწინააღმდეგო სანქციებისა და სხვა პოლიტიკური სირთულეების გამო აქციები საუდის არაბეთის ბირჟაზე აღმოჩნდა. ვაჭრობაში კი მონაწილეობა ძირითადად მიიღეს ადგილობრივმა მოქალაქეებმა, სპარსეთის ყურისა და სამხრეთ-აღმოსავლეთი აზიის საინვესტიციო ფონდებმა. 

ამერიკელი და ბრიტანელი ინვესტორები თამაშგარე აღმოჩნდნენ. დასავლური მასმედია კი – „მწვანე სიგიჟისა“ და კლიმატის შენარჩუნებისათვის ბრძოლის ტალღაზე – აქტიურად მუშაობდა იმაზე, რომ დასავლეთის ფული არ მოხვედრილიყო არაბულ კომპანიაში. ამ ფონზე უცნაური იქნებოდა, რომ ერ-რიადს ნავთობის ალიანსის (ოპეკი + რუსეთის) სამომავლო საქმიანობის დაგეგმვისას თავისი მტრების ლოგიკით ეხელმძღვანელა.

მეორე იმედი ეფუძნებოდა ოპეკი+ ალიანსის საქმიანობაში დიპლომატიური უთანხმოების, სკანდალებისა და სირთულეების გაჩენას. იგი უკავშირდებოდა საუდის არაბეთში მინისტრის შეცვლას, რომელიც ნავთობის სფეროსა და რუსეთთან მოლაპარაკებებს კურირებდა. რუსეთის პარტნიორ ქვეყნებში ყველა პოლიტიკური ცვლილება დასავლეთის ექსპერტთა და ჟურნალისტთა გარკვეულ სპექტრს ყოველთვის უღვიძებს იმედს, რომ ახალი ხელმძღვანელები, ბოლოს და ბოლოს, დაინახავენ, რომ რუსეთთან მეგობრობა და თანამშრომლობა არ არის საჭირო. პრაქტიკაში, როგორც წესი, პირიქით ხდება, რაც მეტად აოცებს და აწბილებს იმათ, ვინ მიჩვეულია ცხოვრებას „ინფორმაციულ ბუშტში“, რომელშიც რუსეთი „იღუპება“, მისი ეკონომიკა „გაცამტვერებულია“ და ქვეყანა „დიპლომატიურ იზოლაციაშია მოქცეული“.  

ავტორიტეტული ფინანსური გამოცემა The Wall Street Journal აქვეყნებს თავისი წყაროების შთაბეჭდილებებს იმასთან დაკავშირებით, თუ როგორ ჩაიარა რუსეთისა და საუდის არაბეთის დიალოგმა ვენის შეხვედრაზე: „მომდევნო დღეს პრინცმა აბდულ-აზიზ იბნ სალმანმა შეწყვიტა შეხვედრა ათი ქვეყნის მწარმოებლებთან, რომლებიც არ არიან ოპეკის წევრები, რათა შეხვედროდა თავის რუს კოლეგას ალექსანდრ ნოვაკს“. წყაროს თქმით, შეხვედრიდან ორივე მხარე კმაყოფილი გამოვიდა.  

მოლაპარაკების შედეგები რუსეთისთვის ერთმნიშვნელოვნად პოზიტიურად შეიძლება მივიჩნიოთ. ალიანსის გადაწყვეტილება, შეემცირებინათ მოპოვება კიდევ 500 ათასი ბარელით დღე-ღამეში, ბევრი ანალიტიკოსისთვის სიურპრიზი, თუმცა ლოგიკური აღმოჩნდა: საჭიროა ნავთობის ფასის შენარჩუნება 2020 წლის ნავთობისთვის ტრადიციულად რთულ – პირველ კვარტალში. “რაც შეეხება რუსეთს, მისი კვოტა პირველ კვარტალში იქნება 300 ათასი ბარელი (დღე-ღამეში)“, – აღნიშნა ალექსანდრ ნოვაკმა ჟურნალისტებთან საუბრისას.  

იმათი ბოლო იმედი, ვისაც ძალიან უნდა ბარელი ნავთობის ფასმა 20 დოლარი შეადგინოს, შედეგად კი დატკბეს რუსეთის ექსპორტისთვის თანმდევი ეკონომიკური პრობლემებით, მდგომარეობდა თეზისში: ყველაფერს, რის შემცირებასაც შეძლებს ალიანსი – ოპეკი + რუსეთი – მოიპოვებენ ამერიკული კომპანიები, რომლებიც რუსეთსა და ოპეკს ჩამოართმევენ ბაზრის წილს და ჩამოაქცევენ ნავთობის ფასს.

ერთი მხრივ, ისმის კითხვა: თუ ფიქალური ნავთობის მოპოვება უპრობლემოდ მიმდინარეობს, რატომ კოტრდებიან ფიქალური ნავთობის კომპანიები ერთიმეორის მიყოლებით, მათი აქციებისა და ობლიგაციების ფასები კი ეცემა, თუმცა ამის პარალელურად ამერიკის დანარჩენი საფონდო ბაზარი ელვის სისწრაფით იზრდება და რეკორდებს ამყარებს?! მეორე მხრივ, შეიძლება მოვუსმინოთ თვით ამ ფიქალური ნავთობზე მომუშავე კომპანიების მენეჯერებსა და აქციონერებს, რომლებიც ტეხასში - „ფიქალური რევოლუციის“ ეპიცენტრში იმყოფებიან.

კანადური ფინანსური ტელეარხი BNN Bloomberg იუწყება: „ტეხასელი მენავთობეები, რომლებიც ჯერ კიდევ ახალი საბადოების გამოუკვლეველ რაიონებში მუშაობენ, სკეპტიკოსების მოსაზრებებზე ამბობენ, რომ გლობალური ანალიტიკოსები ბოლომდე ვერ აცნობიერებენ, რამდენად სერიოზულია (ფიქალური ნავთობმოპოვების) დარგის ზრდის შენელება. საერთაშორისო ენერგეტიკული სააგენტო პარიზში და ენერგეტიკული ინფორმაციის სამმართველო ვაშინგტონში აშშ-ში მომავალ წელს მოპოვების სტაბილური ზრდის პროგნოზს აკეთებენ, მიუხედავად ადგილებზე არსებული არასახარბიელო რეალობისა.

საერთაშორისო ენერგეტიკული სააგენტო ელოდება დღეში 900 000 ბარელით მატებას, მაშინ, როცა, ოპეკის პროგნოზით, მატება 1 მილიონს მიაღწევს, რაც პრაქტიკულად მიმდინარე წლის ზრდის მაჩვენებლის გამეორება იქნება. ეს პროგნოზი არ შეესაბამება ტეხასში არსებულ ატმოსფეროს, რომელზეც აშშ-ში ნავთობის მოპოვების მთლიანი მოცულობის დაახლოებით ნახევარი მოდის. მრეწველები დაფინანსების უკმარისობას განიცდიან, მარაგი შემცირებულია... ეს კი, წინა პერიოდთან შედარებით, პოტენციურად უფრო ხანგრძლივ ვარდნაზე მიანიშნებს.

დასკვნის სახით შეიძლება ითქვას: სავსებით დასაშვებია, რომ მომავალ წელს საუდის არაბეთისა და რუსეთის ენერგეტიკის მინისტრებს, რომლებიც მომავალში არაერთხელ შეხვდებიან ერთმანეთს ვენაში, ოპეკი+ ალიანსის შტაბ-ბინაში, გაუჩნდებათ დამატებითი საფუძველი კმაყოფილების გამოსახატავად, ხოლო რუსეთისა და საუდის არაბეთის თანამშრომლობის მოძულეებს – ახალი საბაბი გასაწბილებლად.

60
თემები:
მსოფლიო დღეს (2164)
დიდი ბრიტანეთისა და აშშ-ს დროშები მასაუსეტში, საელჩოს წინ

მოსაზრება: აშშ და ბრიტანეთი ყველაზე ღირებულის გადარჩენას ცდილობენ

9
(განახლებულია 20:10 21.10.2020)
აშშ-ისა და დიდი ბრიტანეთის მიერ სამხრეთ კორეისა და იაპონიის ოლიმპიადებზე კიბერშეტევაში რუსეთის დადანაშაულებამ ქვეყანაში რამდენადმე დაბნეული რეაქციები გამოიწვია.

ირინა ალქსნისი

დაბნეულობის მიზეზი მარტივია: მორიგი დაუსაბუთებელი ინსინუაციები მოსკოვის აბსურდული დანაშაულის შესახებ მსოფლიოსა და სპორტის წინააღმდეგ უაზრობად გამოიყურება როგორც ანტირუსული განწყობის გაძლიერების, ისე რუსეთის „დასასჯელად“ ზომების მიღების თვალსაზრისით.   

ერთი მხრივ, რუსოფობიული კამპანიის კუთხით დასავლეთს ყველაფერი კარგად აქვს. ალექსეი ნავალნის ინციდენტი ჯერ კიდევ არ არის ბოლომდე გამოყენებული და თითქოს ახალი სიცრუის ამუშავება აუცილებელი არ იყო, თანაც ასეთ მაღალ, საგარეო უწყებებისა და საკვანძო სპეცსამსახურების ხელმძღვანელთა დონეზე. მეორე მხრივ კი, წინა გამოცდილებამ, რუსი ბლოგერის ისტორიის ჩათვლით, აჩვენა, რომ მოსკოვის მიმართ რაიმე სერიოზული და მტკივნეული ზომების მიღებას შეიძლება არც ველოდოთ.

ამავდროულად ვაშინგტონისა და ლონდონის სინქრონული გამოსვლა საერთო მიზნების არსებობაზე მეტყველებს.

მაგრამ რაზე შეიძლება იყოს კონკრეტულად საუბარი?

ამოცანის პასუხი ალბათ უფრო ტოკიოსა და სეულის რეაქციებში უნდა ვეძებოთ. იაპონიის მთავრობამ უარი თქვა კომენტარზე და ტაიმ-აუტი აიღო „შესაბამისი ინფორმაციის“ შესაგროვებლად. სამხრეთ კორეის მთავრობამ ასევე დუმილი არჩია.

როგორც ყველაფრიდან ჩანს, ორივე ქვეყნის ოფიციალური პირები და სპეცსამსახურები არ იყვნენ წინასწარ ინფორმირებული ამერიკულ–ბრიტანული ოპერაციის თაობაზე და ახლა იძულებული არიან, სასწრაფოდ გაერკვნენ ვითარებაში და საბოლოოდ მაქსიმალურად ფრთხილი პოზიცია დაიკავონ, როგორც ეს იაპონიის ოლიმპიურმა კომიტეტმა გააკეთა, განაცხადა რა, რომ კიბერშეტევა არ უგრძვნია.

ასე რომ, დიდი ალბათობით, ახალი ანტირუსული კამპანიის მთავარი მიზანი, როგორი უცნაურიც არ უნდა იყოს, რუსეთი კი არა, დანარჩენი მსოფლიოა — პირველ რიგში კი თავად დასავლეთი. რუსოფობიული დღის წესრიგი კი აქ უბრალოდ მოხერხებული ჩვეული ინსტრუმენტის სახით გამოიყენება.

ინფორმაციულ–პროპაგანდისტული დომინირება აშშ-ის ჰეგემონიის უმნიშვნელოვანესი ნაწილია. დიდი ბრიტანეთი კი ტრადიციულად მისი მეწყვილეა ამ საკითხში, ვინაიდან, როგორც მიღებულია, სწორედ ატლანტიკის ორივე მხარეს ყველაზე გავლენიანი ინგლისურენოვანი მედიასაშუალებების ერთობლიობას ეწოდება გლობალური მედიამეინსტრიმი. ორი ქვეყნის განსაკუთრებული სიახლოვე კი პოლიტიკურ–სპეცსამსახურულ სფეროში კარგა ხანია ცნობილია.

შეერთებული შტატების ზედერჟავული ძლიერების ეტაპობრივი დეგრადაცია და გაერთიანებული სამეფოს კულისებსმიღმა გავლენის მკაფიო შესუსტება საერთაშორისო არენაზე ბოლო წლებში ყოველდღიურ რეალობად იქცა. მაგრამ ეს პროცესები უმთავრესად ეკონომიკურ, ბიუროკრატიულ და ზოგ პოლიტიკურ მექანიზმს შეეხება.

იმავდროულად არსებობს სფეროები, რომლებშიც ორი „დერჟავის“ ბატონობა აქამდე უდავოა. როგორც ნატოში ამერიკული არმიის პირველობაა ეჭვმიუტანელი, ისე კონტინენტური ევროპის არც ერთ მედიასაშუალებას არ შეუძლია გაეჯიბროს გავლენაში ბრიტანულ Times-სა თუ ამერიკულ CNN-ს. რომ აღარაფერი ვთქვათ იმაზე, რომ სწორედ ოკეანის გაღმა მდებარეობს საზოგადოებრივი აზრის მანიპულირების ინსტრუმენტების ისეთი მძლავრი ცენტრები, როგორებიცაა Twitter-ი და Facebook-ი.

ვაშინგტონის ხისტი პოლიტიკა RT-სა თუ წარმოშობით ჩინური TikTok-ის წინააღმდეგ ადასტურებს, რომ იქ შესანიშნავად აცნობიერებენ ამგვარი სტურქტურების მნიშვნელობას. თუმცა იმას, რომ გეოპოლიტიკურ ოპონენტებს მედიაგავლენის საკუთარი ძალიან სერიოზული რესურსები აქვთ, შტატები მაინც შეეგუა და უბრალოდ ზომებს იღებს მათი მუშაობის შესაკავებლად თავის ტერიტორიაზე.

ამერიკულ–ბრიტანული სპეცსამსახურული და პროპაგანდისტული ტანდემისთვის უფრო მგრძნობიარე თავად დასავლეთის შიგნით კონკურენტის გამოჩენა იქნებოდა. არადა, სწორედ ეს ხდება — და ნავალნის საქმე მათთვის უკიდურესად უსიამოვნო და არასასურველი პროცესების დასტურია.

ბლოგერის გარშემო ატეხილი სკანდალი რუსეთიდან შეიძლება მოყირჭებულ თემად ჩანდეს, მაგრამ რეალურად ის თავისებურად უნიკალურია, ვინაიდან მთლიანად ბერლინის შემოქმედებაა.

გერმანიამ ისარგებლა სტანდარტული რუსოფობიული დღის წესრიგით, რომელიც მან „უფროს პარტნიორებს“ აართვა და დამოუკიდებელ თამაშში გამოიყენა. გერმანელები აკონტროლებენ ნავალნის. ის ამბობს იმას, რაც მათ სჭირდებათ: დაწყებული „ჩრდილოეთის ნაკადი 2“-ის დაცვით და დასრულებული ამერიკელების „ჩხვლეტით“, რომლებმაც განსაკუთრებული მხარდაჭერა არ აღმოუჩინეს. მსოფლიოსთვის ახალი ამბების მთავარი წყარო რამდენიმე დღის განმავლობაში გერმანული გამოცემები იყო, ხოლო ინგლისურენოვანი მედია იძულებული იყო ციტირება მოეხდინა იქიდან.

ამ კონტექსტში რუსეთის სახელმწიფო სადაზვერვო სამსახურის ჰაკერების ისტორია, რომლებიც ოლიმპიადებს უტევდნენ, სრულიად განსაკუთრებულ აზრს იძენს. ამერიკელები და ბრიტანელები ფაქტობრივად ამის დახმარებით ცდილობენ საბოლოოდ გადარეცხონ ახალი ამბებიდან ნავალნის თემა, ვინაიდან ეს არსებითად მათი კონკურენტების პროექტია. გარდა ამისა, ვაშინგტონისა და ლონდონისთვის მნიშვნელოვანია კონტროლის დაბრუნება გლობალურ მედიაპოლიტიკურ სივრცეზე, რომელიც გარკვეული დროით ევროპამ დაიქვემდებარა გერმანიის მეთაურობით. საამისოდ კი იმაზე უკეთესი მეთოდის მოფიქრება, ვიდრე ერთი რუსული თემის მეორით ჩანაცვლებაა, უბრალოდ ვერ მოიფიქრეს.

რედაქცია შესაძლოა არ ეთანხმებოდეს ავტორის მოსაზრებებს

9
თემები:
რუსეთი დღეს
აშშ-ს სამხედრო ტექნიკა

„აუცილებელია ვეცადოთ“: ამერიკანისტის მოსაზრება СНВ-3-ის გახანგრძლივების შესახებ

24
(განახლებულია 18:37 20.10.2020)
რუსეთში მიაჩნიათ, რომ მსოფლიოსთვის „სტაბილურობისა და უსაფრთხოების ამ ქვაკუთხედის“, შეთანხმება СНВ-3-ის წართმევას შეიძლება მეტად დამღუპველი შედეგები მოჰყვეს.

თბილისი, 20 ოქტომბერი — Sputnik. კრემლში კომენტარი გააკეთეს აშშ-ის განცხადებაზე, რომელიც სტრატეგიული შემტევი შეიარაღების შემცირების შესახებ შეთანხმებას (СНВ-3) შეეხებოდა და აღნიშნეს, რომ ვაშინგტონთან კონტაქტი სტრატეგიული სტაბილურობის საკითხებზე კვლავაც გრძელდება. რადიო Sputnik-ის ეთერში ამერიკანისტმა კონსტანტინ ბლოხინმა გამოთქვა მოსაზრება, როგორ უფრო მარტივი იქნება მოლაპარაკების წარმოება.

მოსკოვს იმედი აქვს, რომ ვაშინგტონთან კონტაქტი სტრატეგიული სტაბილურობის საკითხებზე გაგრძელდება, მიუხედავად იმისა, რომ ამერიკულმა მხარემ უარი თქვა რუსეთის პრეზიდენტის ვლადიმირ პუტინის წინადადებაზე – ერთი წლით გახანგრძლივდეს СНВ-3 ყოველგვარი წინაპირობების გარეშე, განაცხადა პრეზიდენტის პრეს-მდივანმა დმიტრი პესკოვმა.

რუსეთის წინადადებაზე უარის შესახებ მანამდე თეთრმა სახლმა გაავრცელა ინფორმაცია.

„ჩვენ იმედი გვაქვს, რომ ამერიკულ მხარესთან კონტაქტები ნებისმიერ შემთხვევაში გაგრძელდება. მთლიანობაში, როგორც ეს უკვე თქვა პრეზიდენტმა, შეთანხმების გახანგრძლივება ჩვენ დროის მოგების საშუალებას მოგვცემდა, ამ 12 თვის მოგების შანსს მოგვცემდა სუბსტანციური და სერიოზული მოლაპარაკებებისთვის შეიარაღებაზე კონტროლის საკითხებზე“, — აღნიშნა პესკოვმა.

მან ხაზი გაუსვა, რომ მსოფლიოსთვის „სტაბილურობისა და უსაფრთხოების ამ ქვაკუთხედის“ წართმევას შეიძლება მეტად დამღუპველი შედეგები მოჰყვეს.

„ამიტომ, რაღა თქმა უნდა, ჩვენ მაინც ვარჩევდით, ამერიკელი პარტნიორებისგან მოგვესმინა, რომ ისინი მზად არიან ამ დოკუმენტის გასახანგრძლივებლად“, — აღნიშნა რუსეთის პრეზიდენტის პრეს-მდივანმა.

მისი თქმით, ჯერჯერობით მოსალოდნელი პროგრესი არ შეინიშნება. თუმცა ასეთი ვითარება არ ნიშნავს იმას, რომ „საჭიროა კონტაქტების სრულად შეწყვეტა“.

რადიო Sputnik-ის ეთერში რუსეთის მეცნიერებათა აკადემიის უშიშროების პრობლემების კვლევის ცენტრის მეცნიერ-თანამშრომელმა, ამერიკანისტმა, პოლიტოლოგმა კონსტანტინ ბლოხინმა გამოთქვა მოსაზრება, რომ შეთანხმების ბედი ბევრადაა დამოკიდებული იმაზე, თუ ვინ გაიმარჯვებს აშშ-ის საპრეზიდენტო არჩევნებში.

„რესპუბლიკური პარტიის წარმომადგენელ დონალდ ტრამპს, ჯერ ერთი, სძულს ჩინეთი და СНВ-3-ს ჩინეთთან აბამს. და მეორეც: ტრადიციულად რესპუბლიკური პარტია ცდილობს ჩაშალოს კონტროლი შეიარაღებაზე. შეგახსენებთ, რომ ჯორჯ ბუში–უმცროსის ადმინისტრაციის დროს ამერიკელები გავიდნენ რაკეტსაწინააღმდეგო შეთანხმებიდან, თავად ტრამპი გავიდა საშუალო და მცირე სიშორის რაკეტებისა და ასევე „ღია ცის“ შესახებ შეთანხმებებიდან. თუ არჩევნებში ის გაიმარჯვებს, მაშინ СНВ-3-დან გასვლის ალბათობა საკმაოდ მაღალია“, — მიაჩნია ბლოხინს.

ხოლო თუ დემოკრატების კანდიდატი ჯო ბაიდენი გაიმარჯვებს, ამერიკანისტის აზრით, შეთანხმების გახანგრძლივების შანსები რჩება.

„დემოკრატიული პარტია, ტრადიციულად, იმის მომხრეა, რომ რუსებთან სტრატეგიული სტაბილურობის შესახებ მოილაპარაკოს. შეგახსენებთ, რომ სწორედ [დემოკრატი] ობამას ადმინისტრაციამ და [დმიტრი] მედვედევმა გაახანგრძლივეს ეს შეთანხმება. თუმცა, ვინც უნდა გაიმარჯვოს [აშშ-ის საპრეზიდენტო არჩევნებში], რამდენიმე თვეში ახალი შეთანხმების გაფორმება პრაქტიკულად შეუძლებელია. ამიტომ აუცილებელია მცდელობა, რომ უკვე არსებული შეთანხმება გახანგრძლივდეს, რათა ერთი წლის განმავლობაში ახალი გაფორმდეს. ეს ყველაზე საინტერესო იდეაა“, — აღნიშმა ამერიკანისტმა.

შეთანხმება СНВ-3, რომელსაც ხელი 2010 წელს მოეწერა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე. მის თანახმად, თითოეულმა მხარემ თავისი ბირთვული არსენალი აუცილებლად უნდა შეამციროს იმგვარად, რომ შეიარაღების ჯამური რაოდენობა არ აღემატებოდეს 700 კონტინენტთაშორის ბალისტიკურ რაკეტას, წყალქვეშა ნავების ბალისტიკურ რაკეტებსა და მძიმე ბომბდამშენებს, 1500 ქობინს („ბოეგოლოვკა“) და 800 განთავსებულ და განუთავსებელ გამშვებ მოწყობილობას.

გარდა ამისა, შეთანხმება ავალდებულებს მოსკოვსა და ვაშინგტონს, გაცვალონ ინფორმაცია ქობინების რაოდენობასა და მათ მატარებლებზე წელიწადში ორჯერ.

2018 წლის 5 თებერვალი იყო უკიდურესი ვადა, რა დროისთვისაც რუსეთსა და შეერთებულ შტატებს СНВ-3-ის შეთანხმებაზე საკონტროლო მაჩვენებლებისთვის უნდა მიეღწიათ. შეთანხმებას ვადა 2021 წლის თებერვალში გასდის. ვაშინგტონი სხვადასხვა პირობებით მოითხოვს მოლაპარაკებებში პეკინის ჩართვას ახალი სამმხრივი ბირთვული შეთანხმების შესამუშავებლად. ჩინეთი ამ იდეას უარყოფს.

 

24
თემები:
რუსეთი დღეს
დოლარები

თავდასხმა ბანკზე ზუგდიდში: მძევლის განცხადებით, თავდამსხმელს თანხა გადაეცა

44
(განახლებულია 22:55 21.10.2020)
ტელეკომპანია „რუსთავი2“-ის ინფორმაციით, თავდამსხმელი სამ მძევალთან ერთად, სავარაუდოდ, იმ ადგილისკენ გაემართა, სადაც ვერტმფრენი დაეშვა, მანამდე კი თავდამსხმელმა სამის გარდა ყველა მძევალი გამოუშვა.

თბილისი, 21 ოქტომბერი - Sputnik. ზუგდიდში „საქართველოს ბანკის“ ფილიალში მძევლად აყვანილმა ერთ-ერთმა პირმა გაავრცელა ინფორმაცია, რომ თავდამსხმელს პოლიციამ თანხა გადასცა და სამის გარდა ყველა მძევალი თავისუფალია.

ეს პირი სწორედ ის მძევალია, რომელიც თავდამსხმელის მითითებით ტელეკომპანია „მთავარ არხს“ დაუკავშირდა და თავდამსხმელის მოთხოვნები პირდაპირ ეთერში გაახმოვანა. 

როგორც ცნობილია, თავდამსხმელი ნახევარმილიონ დოლარს და ვერტმფრენს მოითხოვდა.

ტელეკომპანია „რუსთავი2“-ის ინფორმაციით, თავდამსხმელი სამ მძევალთან ერთად, სავარაუდოდ, იმ ადგილისკენ გაემართა, სადაც ვერტმფრენი დაეშვა, მანამდე კი თავდამსხმელმა სამის გარდა ყველა მძევალი გამოუშვა. სავარაუდოდ, სწორედ დარჩენილ სამ მძევალთან ერთად დატოვა ბოროტმოქმედმა ბანკის შენობა და სავარაუდოდ, ვერტმფრენისკენ გაემართა.

ტელეკომპანია „ტვ პირველის“ ინფორმაციით, მძევლებთან ერთად მას ასევე სამხარეო სამმართველოს უფროსი ავთო გალდავა გაჰყვა.

ზუგდიდში უცნობ შეიარაღებულ პირს „საქართველოს ბანკის“ ფილიალში მძევლები ჰყავდა აყვანილი. იგი ხელისუფლებისგან ნახევარ მილიონ დოლარსა და ვერტმფრენს ითხოვდა. მოთხოვნების შეუსრულებლობის შემთხვევაში დამნაშავე მძევლების დახოცვით იმუქრებოდა.

შემთხვევის ადგილზე მობილიზებული იყო საპატრულო პოლიციისა და სპეციალური დანიშნულების რაზმები. სპეცოპერაცია ზუგდიდის ცენტრში ცოტა ხნის წინ დასრულდა. პოლიციამ მიმდებარე ტერიტორიიდან ადამიანების ევაკუაცია განახორციელა.

შსს-მ განცხადება გაავრცელა და აღნიშნა, რომ მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო. უწყების ცნობით, ბანკში შეიარაღებული პირის შეჭრის შესახებ შეტყობინება შინაგან საქმეთა სამინისტროში დაახლოებით 14:21 საათზე შევიდა. პოლიციის თანამშრომლებმა მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია და დაიწყო დამნაშავის გაუვნებელყოფის ოპერაცია.

44
თემები:
ზუგდიდში შეიარაღებულმა პირმა 19 ადამიანი მძევლად აიყვანა