ჯარისკაცები

ექსპერტები: რას მოიგებს რუსეთი ნატოში განხეთქილებით და მოიგებს თუ არა?

90
რუსი ექსპერტები საინფორმაციო სააგენტო РИА Новости-სთან ნატოს ლონდონის სამიტსა და ალიანსში შექმნილ ვითარებაზე საუბრობენ

თბილისი, 3 დეკემბერი — Sputnik. ჩრდილოატლანტიკური ალიანსის ლიდერები, რომელსაც, ემანუელ მაკრონის თქმით, „ტვინი მკვდარი აქვს“, სასიცოცხლო პრობლემებზე იმსჯელებენ. არავინ იცის, რამდენად მოხერხდება საზეიმო განწყობის შენარჩუნება ნატოს 70 წლისთავისადმი მიძღვნილ სამიტზე, რომელიც ლონდონის ცენტრიდან 30 კილომეტრის დაშორებით ტარდება, წერს საინფორმაციო სააგენტო РИА Новости, რომელიც ექსპერტებზე დაყრდნობით შეეცადა, გარკვეულიყო ვითარებაში. 

„მკვდარი ტვინი“ 70 წლის იუბილეზე 

ნატოს წევრი ქვეყნების ლიდერები ჰარტფორდშირის საგრაფოს კურორტ The Grove-ს ხუთვარსკვლავიან სასტუმროში იკრიბებიან. მათ განკარგულებაშია საუკეთესო სპა-კომპლექსები, გოლფის მინდვრები და რესტორნები. თუმცა, დიდი ალბათობით, გართობის დრო მათ არ ექნებათ — ბევრი პრობლემაა დაგროვილი და მათი გადაჭრა თუ არა, მსჯელობა მაინც აუცილებელია.

„ევროპა უფსკრულის პირას დგას“, — ამბობდა მანამდე საფრანგეთის ლიდერი ემანუელ მაკრონი. მისი თქმით, დროა ევროკავშირმა საკუთარი თავი აღიქვას არა მარტო როგორც ეკონომიკური, არამედ როგორც გეოპოლიტიკური ძალაც. წინააღმდეგ შემთხვევაში, მან „შესაძლოა კონტროლი დაკარგოს საკუთარ ბედზე“. 

გარდა ამისა, მაკრონი დააეჭვა ნატოს წესდების მეხუთე მუხლმაც, რომლის თანახმადაც „ევროპაში ან ჩრდილოეთ ამერიკაში ერთ ან რამდენიმე მოკავშირე ქვეყანაზე თავდასხმა განიხილება როგორც თავდასხმა მთელ ბლოკზე“. 70 წლის განმავლობაში ეს მუხლი ერთადერთხელ გამოიყენეს — როდესაც 2001 წელს აშშ-ზე ტერორისტული თავდასხმა მოხდა.  

მოკავშირეებმა მაკრონს ცხარე წინააღმდეგობა გაუწიეს და განაცხადეს, რომ ალიანსს სიცოცხლის უნარი არ დაუკარგავს, თუმცა ყველას ესმის, რომ პრობლემები საკმარისი რაოდენობითაა.

„სამიტი საიუბილეოა, მაგრამ ეს ვერ არბილებს სერიოზულ უთანხმოებებს. პირიქით, ისინი კიდევ უფრო გამწვავდა“, — განაცხადა საინფორმაციო სააგენტო РИА Новости-სთან საუბრისას მოსკოვის საერთაშორისო ურთიერთობების უნივერსიტეტის პროფესორმა დმიტრი დანილოვმა.

იუბილეზე წარმოუდგენელი 

ბრიტანული გამოცემა The Economist-ისთვის მიცემულ ინტერვიუში მაკრონმა ევროპის მთავარი ტრანსატლანტიკური პარტნიორი, აშშ გააკრიტიკა. მისი თქმით, ალიანსი მხოლოდ „უკანასკნელი ინსტანციის გარანტის“ წყალობით არსებობს.

საფრანგეთის პრეზიდენტმა გაიხსენა, დონალდ ტრამპმა კინაღამ როგორ ჩაშალა გასულ წელს სამიტი, როცა პარტნიორები თავდაცვის ხარჯებთან დაკავშირებით კრიტიკის ქარცეცხლში გაატარა. მერე კი სულაც ორგანიზაციიდან გასვლით დაიმუქრა.

ამერიკული მედია პენტაგონში არსებულ წყაროზე დაყრდნობით იუწყება, რომ ტრამპი ალიანსის ბიუჯეტში შენატანების 22%-დან 16%-მდე შემცირებას აპირებს, ხოლო დაზოგილ თანხას საქართველოსა და უკრაინის დახმარებაზე მიმართავს — რაც, სხვათა შორის, შეესაბამება ბლოკის ინტერესებს. 

და მაინც, მაკრონის სიტყვებით, ტრამპი აშშ-ის პირველი ლიდერია, რომელიც არ იზიარებს „ევროპული პროექტის“ იდეას; და ეს ყველაფერი მაშინ ხდება, როცა ევროპა ეწინააღმდეგება ჩინეთის აღმასვლას, რუსეთსა და თურქეთში ავტორიტარიზმისკენ შებრუნებასა და შიდა არასტაბილურობას. ეს ხუთი წლის წინ საერთოდ წარმოუდგენელი იყოო, ჩიოდა მაკრონი.

ერთიანობა სულ უფრო ხშირად დგება კითხვის ნიშნის ქვეშ და ალიანსი, როგორც უსაფრთხოების უზრუნველმყოფელი ორგანიზაცია, თანდათან კვდება“, — მიაჩნია პოლიტიკურ მეცნიერებათა დოქტორ ნატალია ერიომინას.

„ერთი მხრივ, ნატო ნარჩუნდება როგორც ყველაზე მსხვილი სამხედრო-პოლიტიკური ორგანიზაცია მსოფლიოში. მაგრამ ორგანიზაციის შიგნით არაერთი სხვადასხვა ინტერესი იკვეთება. სანამ არსებობდა ერთმნიშვნელოვანი საგარეო პოლიტიკური და გეოპოლიტიკური ვითარება, ორი იდეოლოგიური ბანაკის დაპირისპირება,  ალიანსი ერთიანი იყო, არ დგებოდა ფინანსური რესურსების საკითხი, არ იყოფოდა უფლებამოსილება, უპირობო ლიდერი იყო აშშ“, — ამბობს ექსპერტი.

თურქული ფაქტორი

სამიტის ერთ-ერთი ყველაზე მნიშვნელოვანი თემა — ეს თურქეთია. ცეცხლზე ნავთი თურქეთის ლიდერმა რეჯეფ თაიიფ ერდოღანმა დაასხა. მან ელისეს სასახლის პატრონს „შენობით“ მიმართა და ამასთან, ეჭვიც კი შეიტანა პარიზის მნიშვნელობაში ორგანიზაციისთვის.

„არ ვიცი, რა არის ნატოსთვის საფრანგეთი, მაგრამ თურქეთი ალიანსისთვის ძალიან მნიშვნელოვანია. მაკრონმა ნატოს ტვინის გარდაცვალება გამოაცხადა. პატივცემულო მაკრონო, შენ ჯერ საკუთარი ტვინი შეამოწმე, იმიტომ რომ ასეთ სიტყვებს მხოლოდ ისინი ამბობენ, ვისი ტვინიც, შენ მსგავსად, მკვდარია“, — აღნიშნა ერდოღანმა.

როდესაც ნატოსადმი პრეტენზიებს გამოთქვამდა, მაკრონს მხედველობაში ჰქონდა სირიის ჩრდილო-აღმოსავლეთიდან ამერიკული ჯარების გაყვანა და ვაშინგტონის მხრივ მოკავშირე ქურთების ფაქტობრივი მიტოვება. ეს ევროპელ პარტნიორებთან შეთანხმებული არ ყოფილა და თურქული ჯარებისთვის შეტევის მაპროვოცირებლად იქცა სირიის ჩრდილოეთში. 

ანკარამ მოკავშირეების მცდელობაზე პასუხად, წინააღმდეგობა გაეწიათ თურქული არმიის ქმედებებისთვის, განაცხადა, რომ არ დაუჭერს მხარს რუსეთისგან პოლონეთისა და ბალტიის ქვეყნების დაცვის გეგმას მანამ, სანამ თურქეთს ქურთების წინააღმდეგ ოპერაციის ჩატარების უფლებას არ მისცემდნენ. ხოლო რა აღშფოთება მოჰყვა ვაშინგტონში ამერიკული „პატრიოტების“ ნაცვლად რუსული С-400-ის შეძენას, ეს ყველასათვის კარგადაა ცნობილი.

დმიტრი დანილოვის თქმით, თურქეთი ორგანიზაციის შიგნით უთანხმოებების მნიშვნელოვანი კვანძია.

„თურქებმა გამოთქვეს მოსაზრება, რომ ნატომ უნდა შეასრულოს თავისი დანიშნულება და უზრუნველყოს კოლექტიური თავდაცვა — ყველა მოკავშირის უსაფრთხოების გათვალისწინებით და არა მარტო აღმოსავლეთ ფლანგისა“, — ამბობს ის.

ანკარა მზადაა დაბლოკოს ალიანსის ძალისხმევა პოტენციალისა და აღმოსავლეთში ოპერატიული მოღვაწეობის განმტკიცებისთვის.

„ეს ძალიან სერიოზული საკითხია, ვინაიდან ა„ ბევრი პრობლემაა ჩაქსოვილი: რუსეთთან ურთიერთობებიც, ევროპა-აშშ-თურქეთის სამკუთხედიც და, პრინციპში, ნატოს სამხედრო დაგეგმარებაც — იმის გათვალისწინებით, რომ ანკარა შეუცვლელი პარტნიორია“, - განმარტა დანილოვმა და იქვე დაამატა, რომ ჯერჯერობით უცნობია, როგორ შეიძლება ამ კვანძის გაგლეჯა.

ჩინეთი, კოსმოსი და ტერორიზმი

მოსალოდნელია, რომ ჩრდილოატლანტიკური ალიანსის წევრი ქვეყნების ლიდერები კოსმოსურ სივრცეს ახალ ოპერატიულ სფეროდ აღიარებენ. და ეს შეეხება არა მარტო სამხედრო-ტექნიკურ სფეროს. დანილოვის თქმით, კოსმოსური სისტემების უზრუნველმყოფელი ახლაც და მომავალშიც იქნება შეერთებული შტატები. 

ჩინეთის აღმასვლა სტრატეგიული საკითხია, რომელსაც ასევე ვერ დატოვებენ უყურადღებოდ. პეკინის პოზიციების გაძლიერება მსოფლიო არენაზე აღელვებს ნატოს ქვეყნებს. აშშ-მა ჩინეთი უსაფრთხოების მთავარი საშიშროებების სიაში შეიყვანა, ხოლო ევროკავშირმა ჩინეთი სტრატეგიულ და ეკონომიკურ მეტოქედ ცნო.

სამიტის წინ თავი შეგვახსენა საერთაშორისო ტერორიზმმაც. 29 ნოემბერსა ლონდონის ხიდზე, დანით შეიარაღებულმა ექსტრემისტმა კემბრიჯის ორი კურსდამთავრებული მოკლა. 28 წლის მკვლელი ტერორიზმის მუხლით გაასამართლეს, თუმცა ვადამდე გაათავისუფლეს ერთი წლის წინ.

ნატალია ერიომინას თქმით, ასეთი სერიოზულ საფრთხესთან საბრძოლველად გაერთიანებას მოსკოვთან იდეოლოგიური დაპირისპირება უშლის ხელს.

რუსეთი კვლავ საფრთხედ რჩება

„სწორედ რუსეთი უწევს ეფექტურ წინააღმდეგობას ისლამურ რადიკალიზმს, კერძოდ, სირიაში. ნებსით თუ უნებურად, საფრთხის მატარებელ ქვეყანასთან თანამშრომლობა გვიწევს“, — ამბობს ერიომინა, მაგრამ ნატოს იდეოლოგიური ჩარჩოები ამას ძალიან უშლის ხელს.

გარდა ამისა, თავად ბლოკიც უფრო ჭრელი გახდა. „ალიანსში შევიდნენ ყოფილი სოციალისტური ბანაკის ქვეყნები — თავიანთი ისტორიული გამოცდილებით, რაც ბევრ რამე ში წინააღმდეგობაშია დასავლეთ ევროპის იდეოლოგიასთან“, — ამბობს ედრიომინა.

ასეთი სახელმწიფოები ვაშინგტონთან მჭიდრო კავშირებისკენ ისწრაფვიან, ხოლო ევროპელ ლიდერებს პირიქით, მეტი დამოუკიდებლობა სურთ იმაში, რაც უსაფრთხოებას შეეხება.

ამ მოსაზრებას ეთანხმება დმიტრი დანილოვიც.

„იდეოლოგია არ იძლევა საშუალებას, შეიცვალოს აზრი რუსეთის შესახებ როგორც საფრთხეზე, ვინაიდან გადაწყვეტილება უნდა იყოს საერთო, მათ შორის, პრაქტიკული თანამშრომლობის თვალსაზრისითაც“, — ვარაუდობს დანილოვი.

ექსპერტმა გაიხსენა, როგორც მოითხოვდა ამერიკის პრეზიდენტი წინა სამიტზე, რომ ნატო ანტიტერორისტულ კოალიციას შეერთებოდა. ახლა კი საფრანგეთის ლიდერი ამბობს, რომ რუსულ საფრთხეებზე საუბარი გადაჭარბებულია. არსებობს უფრო სერიოზული გამოწვევები — იგივე ტერორიზმთან ბრძოლა. მაკრონის აზრით, ამ შემთხვევაში რუსეთის გარეშე ურთიერთქმედება ფაქტობრივად შეუძლებელია.  

მოსკოვისთვის შექმნილი ვითარება არაერთმნიშვნელოვანია. ერთი მხრივ, წინააღმდეგობების ხელს უწყობს ანტირუსულ ისტერიას, მეორე მხრივ კი — თუ ალიანსს პრობლემები აქვს, ესე იგი, რაღაც მიმართულებებით რუსეთი მსოფლიო პოლიტიკის ძირითადი მოთამაშე ხდება.

 

90
ხალხი ბათუმის ბულვარში

რას ფიქრობს ხალხი? ანუ არჩევნებამდე ორი თვით ადრე

107
(განახლებულია 19:37 04.08.2021)
„ოცნება“ ისევ მოდაშია. მოსახლეობის უდიდესი ნაწილი არჩევნებზე წასვლას აპირებს. საზოგადოების ნახევარზე მეტი ვადამდელი საპარლამენტო არჩევნების მომხრეა. სხვა კიდევ რა იკითხება IRI-ს კვლევის ციფრებს მიღმა...

სამსონ ხონელი

მარიამობის თვის პირველ სამუშაო დღეს საერთაშორისო რესპუბლიკური ინსტიტუტის (IRI) მიერ ჩატარებული საზოგადოებრივი აზრის კვლევის შედეგები გამოქვენდა.

− ახალი და მოულოდნელი რა არის? − სავარაუდოდ, ჩამეძიება მკითხველი. პასუხად მოკლე რეპლიკით შემოვიფარგლები – კარგად დავიწყებული ძველი. თავად განსაჯეთ, მოსახლეობის 64 პროცენტი ქვეყნის მთავარ პრობლემად ეკონომიკურ მდგომარეობასა და უმუშევრობას ასახელებს. სიახლეა? რა თქმა უნდა, არა. გამოკითხულთა 45 პროცენტისთვის მთავარი გამოწვევა მაღალი ფასებია, რესპონდენტთა 22 პროცენტი კი სიღარიბეს უჩივის.

ერთი სიტყვთ, ეს ტენდენცია არახალია, მაგრამ ისიც ფაქტია, რომ ვითარება გასული წლის გაზაფხულიდან მოყოლებული კიდევ უფრო დამძიმდა, რაც ძირითადად COVID-19-ის პანდემიით გამოწვეული გლობალური და ადგილობრივი ეკონომიკური რეცესიის შედეგია. რაკი COVID-19 ვახსენეთ, ურიგო არ იქნება, გადავხედოთ კვლევის იმ ნაწილს, რომელიც COVID-19-ის პანდემიაზე მთავრობის რეაგირებით საზოგადოების კმაყოფილების ხარისხს ასახავს. გამოკითხულთა 13 პროცენტი ძალიან კმაყოფილია, 47 პროცენტი კი ნაწილობრივ კმაყოფილი. რესპონდენტთა 16 პროცენტი მთავრობის რეაგირებით ძალიან უკმაყოფილოა, ხოლო 21 პროცენტი ნაწილობრივ უკმაყოფილო.

არ დავიზარე და ამავე ორგანიზაციის მიერ გასული წლის ივლისში გასაჯაროებული კვლევის შედეგები მოვიძიე. გაირკვა, რომ 12 თვის წინ მოსახლეობა მთავრობის რეაგირებით გაცილებით კმაყოფილი იყო. კერძოდ, მაშინ გამოკითხულთა 41 პროცენტი ძალიან კმაყოფილი იყო, ხოლო 38 პროცენტი – ნაწილობრივ კმაყოფილი, კიდევ 13 პროცენტი – ნაწილობრივ უკმაყოფილო და 7 პროცენტი – ძალიან უკმაყოფილო.

საინტერესოა, რატომ შემცირდა პანდემიაზე მთავრობის რეაგირებით კმაყოფილების ხარისხი? სავარაუდოდ, გადამწყვეტი ფაქტორი ქვეყანაში არსებული ეპიდემიოლოგიური ვითარების სიმწვავე, ანუ ინფიცირებულთა ყოველდღიური რაოდენობა იყო. შეგახსენებთ, გასული წლის გაზაფხულ-ზაფხულში როგორც ქვეყნის შიგნით, ისე მის ფარგლებს გარეთ ანალიტიკური წრეები აღნიშნავდნენ, რომ მთავრობა COVID-19-ის პანდემიით გამოწვეულ პროცესს საკმაოდ ეფექტურად და წარმატებულად მართავდა.

− თვითმმართველობის არჩევნებამდე ორი თვით ადრე საინტერესოა საზოგადოებრივი აზრის კვლევის შედეგების პოლიტიკური ნაწილი – მიმანიშნებს მკითხველი და მართალიც იქნება. მივყვეთ თანმიმდევრულად. როგორია მოსალოდნელი აქტივობა, აპირებს თუ არა ამომრჩეველი საარჩევნო უბანში მისვლას?

კვლევის შედეგებით, მოსახლეობის 89 პროცენტი ადგილობრივი თვითმმართველობის არჩევნებში მონაწილეობას აპირებს. რესპონდენტთა ძალიან მცრე ნაწილი, 3 პროცენტი დიდი ალბათობით არჩევნებზე არ მივა, ხოლო 6 პროცენტი კენჭისყრაში მონაწილეობას არ აპირებს. გამოკითხულთა კიდევ 2 პროცენტი ჯერ კიდევ ფიქრობს, ჩამოყალიბების პროცესშია. თუ კვლევის შედეგებს დავუჯერებთ, მომავალ არჩევნებში მაღალი აქტივობაა მოსალოდნელი.

ამასობაში, მათ, ვინც არჩევნებში მონაწილეობა გადაწყვიტეს, ისიც იციან ვინ არის მათი რჩეული. ყველამ თუ არა, დიდმა ნაწილმა მაინც. კერძოდ, თვითმმართველობის არჩევნები რომ მომდევნო კვირას ტარდებოდეს, ყველაზე მეტი მხარდამჭერი სამ პოლიტიკურ გუნდს: „ქართულ ოცნებას“, „ნაციონალურ მოძრაობასა“ და „საქართველოსთვის“ ეყოლებოდა.

პოლიტიკურ პარტიათა რეიტინგის სათავეში 26 პროცენტით „ქართული ოცნებაა“, ანუ „ოცნება“ ისევ მოდაშია. მომდევნო, ანუ მეორე პოზიცია, რა ხანია, „ნაციონალური მოძრაობის“ ბედისწერად იქცა. ნახელისუფლართა ელექტორალური რესურსი ამჯერად 14 პროცენტია. 9 პროცენტით სამეულშია გიორგი გახარიას პოლიტიკური მოძრაობა "საქართველოსთვის". მეოთხე პოზიცია 3 პროცენტით „ლეიბორისტულ პარტიას“ უკავია. შემდეგ? ნუ მკითხავთ, ორპროცენტიანების არმია მოდის, მათ შორის არიან: „გირჩი − მეტი თავისუფლება“, „ლელო“, „სტრატეგია აღმაშენებელი“, „პატრიოტთა ალიანსი“ და „მოქალაქეები“.

არავინ იფიქროს, რომ რეიტინგული პოლიტიკური პარტიების ჩამონათვალი ჩვენში ამით სრულდება. ერთპროცენტიანებიც მრავლად არიან, კერძოდ, გიგა ბოკერიას „ევროპული საქართველო“, ელენე ხოშტარიას „დროა“, „გირჩი“, ლევან ვასაძის „ერი“ და სხვები. აქვე ისიც უნდა ითქვას, რომ მოსახლეობის 27 პროცენტმა არ იცის რომელი პარტია იქნება მისი რჩეული.

თუ კვლევის შედეგებს უტყუარ მოცემულობად მივიღებთ, მაშინ, შესაძლოა, საფუძველს მოკლებული არც იყოს ოპოზიციის შეფასება, რომ „ქართული ოცნების“ მიერ 19 აპრილის შეთანხმების ცალმხრივად ანულირების მთავარი მიზეზი ამავე შეთანხმებით მმართველი პარტიისთვის დადგენილი ე.წ. 43-პროცენტიანი ბარიერის ვერგადალახვის პერსპექტივაა. დამეთანხმებით, 26 პროცენტსა და 43 პროცენტს შორის საკმაოდ დიდი სხვაობაა. თუმცა, „ქართულ ოცნებაში“ აცხადებენ, რომ საერთაშორისო რესპუბლიკური ინსტიტუტის კვლევის შედეგები ბევრად აცდენილია იმ რეალობას, რომელზეც მმართველი გუნდის შიდაპარტიული კვლევები მიანიშნებს.

კვლევის მომდევნო ეპიზოდი ვადამდელი საპარლამენტო არჩევნების ჩატარების საკითხს უკავშირდება. მოსახლეობის ნახევარზე მეტი ვადამდელი საპარლამენტო არჩევნების ჩატარების მომხრეა. კერძოდ, კითხვაზე, „მხარს უჭერთ თუ ეწინააღმდეგებით ოპოზიციის მოთხოვნას ვადამდელი საპარლამენტო არჩევნების ჩატარების შესახებ“, რესპონდენტთა 29 პროცენტი პასუხობს, რომ ცალსახად მხარს უჭერს, 22 პროცენტი კი მეტ-ნაკლებად უჭერს მხარს. 27 პროცენტი ვადამდელი საპარლამენტო არჩევნების ჩატარების მოთხოვნას სრულად ეწინააღმდეგება, ხოლო ნაწილობრივ – 12 პროცენტი, მოსახლეობის 10 პროცენტს პასუხი არ აქვს. „ქართული ოცნების“ მომხრეების 67 პროცენტი სრულად ან ნაწილობრივ ეწინააღმდეგება ვადამდელი არჩევნების ჩატარებას, ხოლო „ერთიანი ნაციონალური მოძრაობის“ მომხრეების 82 პროცენტი ცალსახად ან მეტ-ნაკლებად მხარს უჭერს ვადამდელი არჩევნების ჩატარებას.

ანალიტიკოსთა ერთი ნაწილის აზრით, კვლევა გამოქვეყნებისთანავე ვეღარ ასახავს არსებულ რეალობას, რადგან საველე სამუშაოები ჩატარებულია 5 ივლისამდე და ასევე „ქართული ოცნების“ მიერ შარლ მიშელის შეთანხმებიდან გასვლამდე. სავარაუდოდ, ამ ერთ თვეში ბევრი რამ შეიცვლებოდა. მიუხედავად ამისა, რამდენიმე ტენდენცია მაინც მკაფიოდ ჩანს. „ქართული ოცნების“ რეიტინგები ბოლო წლებში არასაარჩევნო პერიოდში ჩატარებულ გამოკითხვებში იშვიათად თუ ყოფილა ახლანდელ მაჩვენებლებზე ბევრად მაღალი, თუმცა ფაქტია, გიორგი გახარიას ფაქტორმა აშკარად დააზარალა  მმართველი პარტია.

ანალიტიკოსთა შეფასებით, იქმნება შთაბეჭდილება, რომ „შარლ მიშელის სახელობის პოლიტიკურ პროცესში“ ურთიერთდაპირისპირების, წინააღმდეგობრივი ნაბიჯების და მოსახლეობისთვის გამარჯვებად გამოცხადებული, გაურკვეველი პოლიტიკური შედეგების მქონე შეთანხმების გამო უფრო მეტად ოპოზიცია დაზიანდა, ვიდრე ხელისუფლება. მთელ ამ პროცესში „ნაციონალურმა მოძრაობამ“ შეისრუტა სხვა ოპოზიციური პარტიების რეიტინგები. ე.წ. პროდასავლური ოპოზიციის ბევრი სუსტი პარტია კი ვერანაირად ვერ ახერხებს ვერც ელექტორალური ბაზის გაფართოებას და ვერც საზოგადოების თვალში „ნაციონალური მოძრაობის“ ორბიტიდან მოწყვეტას.

პარადოქსია, რომ ე.წ. პროდასავლური ოპოზიციური პარტიების დიდი უმრავლესობა საუბრობს არჩევნების გზით ხელისუფლების შეცვლის აუცილებლობაზე და საკუთარი რიტორიკითა თუ პოლიტიკური დღის წესრიგით მუშაობს არა მმართველი პარტის ელექტორალური რესურსის შემცირებაზე, არამედ „ნაციონალური მოძრაობის" ამომრჩევლის „დათრევაზე“ და, შესაბამისად, მისი გავლენის შემცირებაზე. ეს ვითარება კი „ქართული ოცნებისთვის“ ძალზე კომფორტულია. „ნაციონალური მოძრაობის“ ანტირეიტინგი კვლავ ძალიან მაღალია, ყოფილ სახელისუფლებო პარტიას უფრო რიტინგის შენარჩუნებაზე მოუწევს ბრძოლა, მით უმეტეს, რომ მისი მომხრეების ნაწილში პარტიის პოლიტიკის არაეფექტურობის და უშედეგობის გამო სულ უფრო იზრდება უკმაყოფილება „ნაციონალური მოძრაობის“ ახლანდელი ლიდერების მიმართ.

დანარჩენი პარტიების უმრავლესობა ჯერჯერობით ვერ ახერხებს საკუთარი ადგილის თუ ამომრჩევლის პოვნას და ხშირად ბაძავს „ნაციონალურ მოძრაობას“ რიტორიკასა და პოლიტიკურ სვლებში, რაც ამცირებს მათ შანსებს – ამომრჩეველმა აღიქვას დამოუკიდებელ პოლიტიკურ მოთამაშედ. და, ბოლოს, როგორც ანალიტიკოსები მიანიშნებენ, ახალი იდეების, ეფექტური პარტიული პოლიტიკის თუ მენჯმენტის, აგრეთვე ავტორიტეტული პოლიტიკური ლიდერების კუთხით ქვეყანაში პოლიტიკური ყამირია...

 

107
კრისტინა ტიმანოვსკაია

მოსაზრება: ტიმანოვსკაიას დემარშის ნამდვილი მიზეზები ტოკიოს ოლიმპიადაზე

28
ბელორუსმა მძლეოსანმა კრისტინა ტიმანოვსკაიამ ტოკიოს ზაფხულის ოლიმპიადაზე ფინალამდე მირბენა ვერცერთ გაცხადებულ დისტანციაზე ვერ შეძლო, სამაგიეროდ მარტივად მოხვდა მსოფლიო მედიასაშუალებების პირველ გვერდებზე.

მაქსიმ ოგნენნი

ახალგაზრდა მორბენლის მონაწილეობით ნამდვილ სპორტულ ტრილერს მძლეოსნობის (და არა მარტო) მოყვარულები მთელ მსოფლიოში ადევნებენ თვალყურს. პოლიტიკა, რომელიც გამუდმებით უარყოფს რაიმე გავლენას ათლეტიკურ სამყაროზე, ვერც ამჯერად დარჩა გვერდზე. რა თქმა უნდა, ვერ ვიტყვით, რომ ის რაღაცნაირად დიდი ხნის განმავლობაში იცდიდა ან თავს იკავებდა, სინდისი აწუხებდა ან თავისი გადაწყვეტილების სისწორეში ეჭვი ეპარებოდა. მაგრამ ვითარების „აღმაშფოთებლობა“ პოლიტიკას გულგრილს ვერ დატოვებდა.

რა მოხდა იქ, იდუმალ იაპონიაში, პანდემიის დროს ისტორიაში ერთადერთ თამაშებზე?  ვინ არის დამნაშავე და რა უნდა გაკეთდეს? მოდით, გავერკვეთ და ჭეშმარიტება მოვძებნოთ. მაგრამ აუცილებელია გვახსოვდეს ანდაზა, რომ ჭეშმარიტება ხმათა უმრავლესობით არ მტკიცდება.

ფაქტები და მხოლოდ ფაქტები

თანამედროვე მსოფლიოში ხშირად დიდი მნიშვნელობა და წონა მონაცემებსა და ფაქტებს კი არ აქვს, არამედ მონაწილე მხარეების რეაქციებს მათზე.  ყველას უნდა ესმოდეს, რომ ნებისმიერი დაინტერესებული პერსონის სუბიექტურ, ემოციურ განცხადებებს არაფერი კავშირი არ აქვს ობიექტურობასთან. ამიტომ, ამ უკვე კლასიკურად ქცეულ ხაფანგში რომ არ მოვხვდეთ, მხოლოდ ფაქტებს დავეყრდნობით.

მაშ ასე: 30 ივლისს ტიმანოვსკაია 100 მეტრზე საკვალიფიკაციო გარბენზე გამოვიდა. ეს მისი პირველი დისტანციაა ორიდან, რომელზეც ტოკიოში უნდა გამოვიდეს. ოლიმპიადაზე ჩასვლისას წვრთნების დროს მიღწეული პირადი რეკორდების წარმოჩენით, კრისტინა მესამე ადგილს ცამეტი მეასედით ჩამორჩება და ნახევარფინალში ვერ გადის.   

როგორც თავად სპორტსმენმა ახსნა თავისი შედეგი, პირველი დისტანცია მას მეორისთვის — 200 მეტრიანისთვის სამზადისად აღიქვა. შეიძლება თუ არა სპორტსმენის დადანაშაულება, რომელიც ოფიციალური სტარტებისადმი არასერიოზულ დამოკიდებულებაში გამოტყდა, თითოეულის გადასაწყვეტია, ჩვენ ამაზე არ ვლაპარაკობთ.

ერთი დღის შემდეგ „სპორტული სოლიდარობის ბელარუსულმა ფონდმა“ გამოაცხადა, რომ ათლეტის ტოკიოდან იძულებით გაყვანას ცდილობენ. ამის მიზეზად ტიმანოვსკაიას მიერ ტრენერთა შტაბის კრიტიკა სახელდება, რომელსაც მისი 400 მეტრიან ესტაფეტაში ჩართვა სურდა. ამის შემდეგ ფონდმა კიდევ ერთი ინფორმაცია გაავრცელა, რომ კრისტინა ევროპისთვის აპირებდა თავშესაფრის თხოვნას.  

სწორედ ამ მომენტიდან მთავრდება ამ მართლაც სამწუხარო ისტორიის მთელი ფაქტობრივი ნაწილი. ტოკიოდან ათასობით კილომეტრით დაშორებული ფონდი არა მარტო საინფორმაციო მიზეზს ქმნის მსოფლიო მედიისთვის, რომლებიც, სიმართლე რომ ვთქვათ, მოწყენილია ხმამაღალი ისტორიების არარსებობის გამო, არამედ ერთი ფრაზით გადაჰყავს მომხდარი წმიდა სპორტული სიბრტყიდან პოლიტიკურში — უფრო მეტიც, საერთაშორისოში. 

ჩვენ ამას კიდევ დავუბრუნდებით. მხარეების რეაქცია ასევე იწვევს არაერთ კითხვას. მანამდე კი მხოლოდ ფაქტებზე, რომლებსაც ვერ გაექცევი, მიუხედავად იმისა, რომ ტიმანოვსკაია კარგად დარბის.

კრისტინა ნამდვილად გამოთქვამდა გაკვირვებას თავის სოციალურ ქსელებში ტრენერთა შტაბის გადაწყვეტილებასთან დაკავშირებით. მაგრამ, რამდენადაც ჩვენ ვიცით, სპორტსმენის საქმე არ არის იმსჯელოს იმათ გადაწყვეტილებაზე, ვინც წვრთნის. ეს პრინციპში დაუშვებელია. თუ შენი მასწავლებლების აზრს ანგარიშს არ უწევ, მაშ, რატომღა ვარჯიშობ მათთან? და განა მათი დამსახურება არ არის, რომ ცხოვრების მთავარ სტარტზე შეგარჩიეს? ეს რიტორიკული კითხვებია.

მოგვიანებით, როდესაც ისტორიამ მსოფლიო მასშტაბი შეიძინა, ტიმანოვსკაიამ სოციალური ქსელებითვე სცადა განემარტა, რომ ის, მიუხედავად ყველაფრისა, რაღა თქმა ინდა, ირბენდა ესტაფეტას, რომ ყველა ძალას მოახმარდა იმას, რომ თავის გუნდს დახმარებოდა. მაშ, რაღატომ ამბობდი თავიდან, რომ უკმაყოფილო ხარ შენი გუნდში შეყვანის გადაწყვეტილებით? რატომ ხსნიდი ამას იმით, რომ ეს რაღაცნაირად შეგიძლიდა ხელს პროფილურ დისტანციებზე გამოსვლაში?

იმისათვის, რომ საბოლოოდ დავხუროთ სპორტსმენის ფიზიკური მდგომარეობისა და პირადი გარბენებისთვის ჰიპოთეტური ზიანის საკითხი, საკმარისია შეჯიბრების განრიგს ჩავხედოთ. კრისტინას 200 მეტრი ორშაბათს, 2 აგვისტოს უნდა ერბინა, ხოლო ესტაფეტა მხოლოდ 5 აგვისტოს საღამოს უნდა შემდგარიყო. ორი სრული დღე ძალების აღსადგენად, რათა საკუთარ გუნდს დახმარებოდა... მაგრამ გოგონამ აღშფოთება გადაწყვიტა.

ხოლო ზოგიერთების პასაჟები იმის შესახებ, რომ ტიმანოვსკაიას 200 მეტრიან დისტანციაზე მედლისთვის ბრძოლის შესაძლებლობა წაართვეს, მიმტევებელი ღიმილის მეტს არაფერს იწვევს. თუ კრისტინას შედეგებს გადავხედავთ წინა შეჯიბრებზე და კვალიფიკაციის შედეგებს შევადარებთ, ნახავთ, რომ ციფრები ტავად მეტყველებნ ყველაფერზე.

მედლებისთვის რომელ რეალურ ბრძოლაზე შეიძლება საუბარი, თუ ტიმანოვსკაიას ყველაზე დიდი მიღწევა — ეს 2019 წლის უნივერსიადაზე გამარჯვებაა. ტიმანოვსკაიას მიერ 200 მეტრზე ოფიციალურად დარეგისტრირებული საუკეთესო რეზულტატის —  22,78 წამის გათვალისწინებით, ის ვერცერთ ნახევარფინალში ვერ დაიკავებდა მეხუთე ადგილზე მაღალ პოზიციას. ანუ ფინალში ვერ გავიდოდა. არაფერი პირადული, მხოლოდ ციფრები.

მწვრთნელების სწორი გადაწყვეტილება

პროგრესული საზოგადოება, როგორც კი მედიასაშუალებებში სათაურები წაიკითხა, მაშინვე აღშფოთდა ფედერაციის გადაწყვეტილებით, ჩამოეშორებინა სპორტსმენი შეჯიბრისთვის მისი ემოციურ-ფსიქოლოგიური მდგომარეობის საფუძველზე.

თუმცა ამაში აღსაშფოთებელი არაფერია. პირველი ფაქტი — თავად ტიმანოვსკაიას მართლაც ემოციური განცხადება სოციალურ ქსელში, მეორე — განცხადების შინაარსი.

სპორტსმენმა განცხადებაში მარტო უკმაყოფილება კი არ გამოთქვა ტრენერთა შტაბის გადაწყვეტილების გამო, არამედ დაადანაშაულა კიდეც  ხელმძღვანელობა ოლიმპიადისთვის არასწორ სამზადისში. არადა კრისტინას უნდა სცოდნოდა, რომ ყველაფერო საერთაშორისო ოლიმპიური კომიტეტის ახალი წესების გამო მოხდა, რომლეთა თანახმად ბელორუს სპორტსმენებს ოლიმპიადის წინ დიდი რაოდენობით დოპინგ-ტესტი უნდა გაევლოთ, რისი გავლაც ვერ მოასწრეს.

თქვენ მხოლოდ წარმოიდგინეთ, როგორ ზის ოტელის ნომერში ბელორუს ტრენერთა შტაბი და პირდაღებული უსმენს თავიანთი სპორტსმენის აღიარებას. ამ შტაბში, უეჭველია, არიან ფსიქოლოგები, რომლებსაც ესმით, რომ სპორტსმენი აშკარად „წაიღო“ და არც თავისი მოგზაურობის სპორტულ შემადგენელზე ფიქრობს და არც რამე სხვაზე. ამიტომ არაფერია გასაკვირი იმაში, რომ ტიმანოვსკაიას შინ დაბრუნება გადაწყდა.

ჭეშმარიტება არასდროსაა წმინდა

ოსკარ უაილდმა ჯერ კიდევ მეცრამეტე საუკუნეში თქვა, რომ ჭეშმარიტება იშვიათად არის არის წმინდა და არასდროსაა ერთმნიშვნელოვანი. ბელორუსი სპორტსმენის ისტორია ამ შეგონების სიბრძნეს ადასტურებს.

დავუბრუნდეთ იმას, რაც შემდეგ იყო. სპორტში მოვიდა პოლიტიკა. ქვეყნების ელჩების განცხადებები, ოლიმპიური კომიტეტის რეაქცია, ბელარუსიდან ტიმანოვსკაიას ოჯახის გამგზავრების თაობაზე ინფორმაცია, სპორტსმენისთვის ვიზის მიცემა, ყველა იმის კომენტარი, ვისაც ივლისის ბოლო დღეებამდე ტიმანოვსკაია საერთოდ არ აინტერესებდა — რა აღარ წავიკითხეთ ამ დღეებში.

სპორტი, რომელიც თავისი არსით პოლიტიკის მიღმა უნდა იდგეს, უნებურად იქცა პოლიტიკური ბატალიების არენად. არ შეიძლება არ აღინიშნოს, რომ საერთაშორისო ოლიმპიურმა კომიტეტმა გადაწყვიტა, რომ არ დაუშვას ტიმანოვსკაია 200 მეტრზე გარბენში. გამოდის, რომ ტრენერთა შტაბის გადაწყვეტილება მართებულად აღიარეს. კრისტინას ემოციურ მდგომარეობას რაღაც დაემართა.

ახლა უკვე ცნობილია, რომ სპორტსმენი პოლონეთში გაემგზავრება, რომლის წინადადებაც სპორტსმენმა მიიღო. ახლა შეიძლება მშვიდად გაანალიზდეს სპორტსმენის პიროვნება და ის მიზეზები, რომლებმას მას ასეთი გადამჭრელი მოქმედებებისკენ უბიძგა.

და რას შეუძლია ყველაზე მეტი თქვას ადამიანის პიროვნებაზე თანამედროვე სამყაროში? რაღა თქმა უნდა, სოციალურ ქსელებს, საიდანაც დაიწყო კიდეც ყველაფერი. და რას ვხედავთ?

ოლიმპიადამდე ორი თვით ადრე კრისტინა ტიმანოვსკაიამ თავის ქმართან ერთად წამოიწყო მარათონი ერთ-ერთ პოპულარულ სოციალურ ქსელში. გარკვეული თანხის სანაცვლოდ, სპორტსმენი ხელმომწერებს თავის ფორმაში მოყვანასა და სწორ კვებაზე გადასვლაში დახმარებას სთავა ზობდა. ფასები სხვადასხვანაირი იყო — ტარიფები ახლაც ხელმისაწვდომია კრისტინას პროფილზე.

მიუხედავად მოკრძალებული 20 ათასზე ცოტა მეტი ხელმომწერისა, ტიმანოვსკაია თამამად სთავაზობს პუბლიკას სხვადასხვა საქონელსა და სერვისებს, რომლებიც ყოველთვის სპორტს არ უკავშირდება.

კრისტინას არავინ კიცხავს იმისთვის, რომ ფულის შოვნის სურვილი აქვს. მაგრამ ჩვენ ოლიმპიურ თამაშებზე ვლაპარაკობთ და მისთვის სწორად მომზადებაზე. ადანაშაულებს რა მწვრთნელებს, ტიმანოვსკაიას აბსოლუტურად ნორმალურად მიაჩნია ის, რომ თავის შინაგან ენერგიას არა მარტო თავისი სპორტული ფორმისკენ, არამედ სხვების დახმარებისკენ მიმართავდა. ვერაფერს იტყვი, მართლაც დიდსულოვნებაა.

მაგრამ ეს სპორტია. ეს ოლიმპიადაა. სპორტსმენები მე დიასაშუალებებთან ურთიერთობაზე ამბობენ უარს, სოციალურ ქსელებში აღარ ჩნდებიან, მთლიანად იძირებიან საკუთარ თავებში, რათა ერთხელაც არენაზე გამოვიდნენ და აჩვენონ, რა შეუძლიათ. მაგრამ, სამწუხაროდ, ყველას სხვადასხვა  შესაძლებლობები და საკუთარი ზღვარი აქვს.

რედაქცია შესაძლოა არ ეთანხმებოდეს ავტორის მოსაზრებებს!

28
ჩინკვე-ტერე, იტალია

დღის ასტროპროგნოზი ზოდიაქოს ნიშნებისთვის: 5 აგვისტო

0
(განახლებულია 17:21 04.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 5 აგვისტოა, ხუთშაბათი. კლებადი მთვარე კირჩხიბის ნიშანშია. ამ დღეს პლანეტა იუპიტერი მფარველობს.

მთვარე კირჩხიბში განგვაწყობს ახლობლებზე ზრუნვის ან სახლში მყუდრო გარემოს შექმნისთვის. საქმიანობის დროს მნიშვნელოვანია ემოციური განწყობა, ურთიერთობებში – თანაგრძნობა, ზრუნვა. კარგი დღეა ახლობლების წრეში დროის გატარებისთვის. მოსალოდნელია სხვადასხვა ამოცანის შეთავსება და ამიტო ყურადღებით ყოფნაა საჭირო დეტალებისადმი.

დღის ასტროპროგნოზი ზოდიაქოს ნიშნებისთვის: 4 აგვისტო>>

ვერძი: ყურადღება უნდა მიაქციოთ საცხოვრებელს ან ოფისს, სამსახურებრივ ან სახლის მოვალეობებს, ოჯახურ ბიზნესს. კარგი იქნება, თუ დღეს მინი–დასუფთავებით და საოჯახო საქმეებით დაიწყებთ. კარგი დღეა სამონტაჟო და სარემონტო სამუშაოებისთვის, ყოფითი საკითხების მოგვარების, კულინარიული და სამკურნალო ექსპრომტებისთვის. თუ რამდენიმე საქმეს ერთდროულად შეეჭიდებით, იფრთხილეთ – არის გაღიზიანებისა და ხარვეზების რისკი.

კურო: დღის დაწყება რამე მცირე ორიგინალური ჩანაფიქრიდან სჯობს – იმის ალბათობა, რომ ყველაფერი გამოგივათ, ძალიან მაღალია. გაქვთ შანსი, რომ მიიღოთ როგორც პრაქტიკული, ისე ესთეტიკური კმაყოფილება. შემოქმედებითი საქმიანობა მოგიტანთ მატერიალურ კეთილდღეობასაც და შეძლებთ ოჯახის, ნათესავების, ახლობლების დახმარებას.

ტყუპი: დღეს არ უნდა დაივიწყოთ სახლისთვის სასარგებლო ნივთების, წვრილმანების შეძენა, რომლებიც ჩვეულებრივზე ხშირად შეგხვდებათ, მათ შორის, თუ სადმე ხართ მივლინებით ან დასასვენებლად წასული. ამასთან, დიდია ცდუნება, რომ რამე ნუგბარით არ გაინებივროთ თავი, გიჭირთ სხვადასხვა სიამოვნებაზე საკუთარი თავისთვის უარის თქმა. ვარსკვლავები გაფრთხილებენ, არ დაივიწყოთ ზომიერების გრძნობა, სხვა შემთხვევაში, ეს თავს გაგახსენებთ დაცარიელებული საფულისა და ზედმეტი კილოგრამების სახით.

კირჩხიბი: დღეს თქვენთვის იღბლიანი ვითარებები შეიქმნება, მაგრამ ყველა ერთმნიშვნელოვანი და კომფორტული არ იქნება. ხანდახან ვარსკვლავები იხუმრებენ, ხოლო თქვენ ძალზე მგრძნობიარენი ხართ და ამაზე მწვავე რეაგირება გექნებათ. გამოსავალი არის – დააფასეთ და ხელიდან არ გაუშვათ მოვლენებისგან სარგებელი, ხოლო ხუმრობებს იუმორით უპასუხეთ. არ შეუშინდეთ ცრუ ჩიხებს, კომპრომისებს, არჩევანს – დღეს ნებისმიერი თავსატეხის გადაჭრის შანსი გაქვთ.

ლომი: დღეს ვარსკვლავები გირჩევენ, დაისვენოთ ინტენსიური ურთიერთობებისგან და საჯარო აქტოირობისგან. არაა საჭირო, რომ იზარმაცოთ და არაფერი გააკეთოთ, მაგრამ ფსიქოლოგიური „გადატვირთვა“ ნამდვილად არ გაწყენთ. სწორედ რომ შესაფერისი მომენტია, შეისვენოთ გზაში, თვითონ აირჩიოთ, სად გირჩევნიათ ყოფნა – სახლში, აგარაკზე თუ ოფისში (რომელსაც მშობლიურ ადგილად მიიჩნევთ). კარგი დღეა სახლის საქმეების გასაკეთებლად და აუცილებელი წვრილმანების შესაძენად.

ქალწული: ეს დღე გაგახარებთ, თუ არ გიყვართ ოფიციოზი, გენატრებათ თავისუფლება, სულიერება, თავგადასავალი. კარგი დროა პიკნიკის, პაემნისთვის. თუ დასვენებას ვერ მოახერხებთ და საქმეები გაქვთ, სჯობს, რამე არასტანდარტული ხერხი მოძებნოთ მუშაობისას, შემოქმედებითად მოეკიდოთ საქმეს. თუ რამე უჩვეულო ამოცანა გექნებათ გადასაწყვეტი, ამაში მეგობრები და ნათესავები დაგეხმარებიან.

სასწორი: დღეს გამოგადგებათ ისეთი თვისებები, როგორიცაა რეალიზმი, დისციპლინა და მიზანსწრაფულობა. სწორედ ისინი დაგეხმარებათ, რომ გამოიყენოთ არსებული რესურსები და არ ჩაერთოთ ენერგოაზარტულ თამაშებში, რომელთა ძალაც ახლა არ შეგწევთ. მგრძნობიარე სასწორები ასე შეძლებთ ზედმეტი სიურპრიზებისა და ემოციური სტრესების თავიდან აცილებას არაერთმნიშვნელოვან სიტუაციებში.

მორიელი: ვარსკვლავები დღეს ნებისმიერ წინააღმდეგობას შეამსუბუქებენ და თქვენს გზას სასიამოვნოდ აქცევენ. შესაძლებელია ყოფითი, ფინანსური ან მორალური შეღავათები. დაბრკოლებები მოჩვენებითი აღმოჩნდება და საბოლოოდ, ვითარებას ერთგვარ შარმს შესძენს. კარგი დღეა რომანტიკის, შემოქმედებითი საქმიანობის, თანამშრომლობისთვის და ა.შ.

მშვილდოსანი: დღეს თქვენი წარმატებები თქვენს განწყობაზეა დამოკიდებული – პოზიტიური ემოციები ნებისმიერ საქმე გაგიადვილებთ, ასევე იმოქმედებს ფიზიკურ მდგომარეობაზე, მიმდინარე მატერიალურ მდგომარეობაზე და სხვ. თუ თქვენი განწყობა პოზიტიური არ იქნება, შეიძლება გახდეთ ძალზე მგრძნობიარე წვრიულმანების მიმართაც კი და კარგად ნაცნობ „თამაშშიც“ წააგოთ.

თხის რქა: ეს დღე დაგეხმარებათ ურთიერთობების ჰარმონიზაციის, ნდობისა და მეგობრობის გამტკიცებაში, პარტნიორობის მოგვარებაში. ამისთვის აჯობებს, თუ თქვენს მოსაზრებებს არავის მოახვევთ თავს, არამედ დაელოდებით სხვის ყურადღებას და ყველაფერზე სწორი რეაგირება გექნებათ. თუ იქნებით დიპლომატიური და მზად, რომ სიტუაციას მოერგოთ, შეძლებთ ბევრი რამის მიღწევას.

მერწყული: დღეს სამსახურებრივი რუტინის, საოჯახო საქმეების ან მკურნალობის დროა. ასევე შეიძლება მცირე რემონტის გაკეთება, მეურნეობის ან წარმოების მოდერნიზაცია. ეს დღე მნიშვნელოვანია არა მხოლოდ ტექნიკური ან ყოფითი დახმარებით, არამედ სულიერი მხარდაჭერითაც. სასურველია თანაგრძნობა გამოუცხადოთ გარშემომყოფებს თუნდაც „სასაცილო“ შემთხვევების დროს.

თევზები: შეგიძლიათ ინტუიციას ენდოთ – უმეტეს შემთხვევებში ის სწორად გიკარნახებთ, როგორ მოიქცეთ. იმედი გქონდეთ თქვენი ალღოსი არაერთმნიშვნელოვანი არჩევნის, გაუგებრობების დროს. ხელსაყრელი დღეა სიყვარულის, დასვენების, შემოქმედებისა და ურთიერთმომგებიანი პარტნიორობისთვის. ყურადღებით ყოფნა მოგიწევთ გარიგებების, ფინანსებთან დაკავშირებული სიტუაციების დროს.

0