კახა კალაძე

კახი კალაძე „ქართული ოცნების“ კონკურენტი თუ მაშველი რგოლი?

203
(განახლებულია 17:28 24.10.2019)
ოპოზიცია თბილისის მერის პოლიტიკურ მომავალზე ვერსიებს განიხილავს.

„ქართული ოცნების“ გენერალური მდივანი კახი კალაძე ზუსტად იმ დოზითაა წარმოდგენილი რეგიონებში პარტიულ შეხვედრებზე, რა დოზითაცაა საჭირო. ის თბილისის მერია და, ბუნებრივია, თბილისის პრობლემატიკითაა დაკავებული. ამის შესახებ პარლამენტის ვიცე-სპიკერმა თამარ ჩუგოშვილმა ოფიციალურად მას შემდეგ განაცხადა, რაც მასმედიაში არაერთხელ ითქვა და დაიწერა, რომ კახი კალაძესა და გიორგი გახარიას შორის ურთიერთობა კონკურენციას უფრო წააგავს და, 2016 წლისგან განსხვავებით, 2020 წელს თბილისის მერს პარლამენტში საკუთარი კვოტა აღარ ექნება.

არადა, კახი კალაძე „ქართულ ოცნებაში“ ყველაზე რეიტინგული ფიგურაა და ძნელი დასაჯერებელია, რომ 2021 წლის შემდეგ, როცა მისი მერობის ვადა ამოიწურება, მარეგულირებელი კომისიის თავმჯდომარეობას დათანხმდეს, როგორც დავით ნარმანია. მას უფრო სერიოზული პოლიტიკური და ფინანსური ამბიციები აქვს და რეალური ინვესტიციებიც სამშენებლო ბიზნესში.

მას შემდეგ, რაც ბიძინა ივანიშვილმა რეგიონებში შეხვედრები დაიწყო, მის გვერდით ახალი პოლიტიკური ფიგურები გამოჩნდნენ – „ქართული ოცნების“ აღმასრულებელი მდივანი ირაკლი კობახიძე, ასევე გია ბენაშვილი, დიმიტრი სამხარაძე და თედო ისაკაძე.

ძნელი სათქმელია, რომ რომელიმე მათგანი რეიტინგის თვალსაზრისით რაიმეს შემატებს „ოცნებას“, მაგრამ ნათლად იკვეთება, რომ მომავალ არჩევნებში სწორედ მათი და აღმასრულებელი ხელისუფლების პირველი პირების მეშვეობით აპირებს მმართველი პარტია ფონს გასვლას.

პარალელურად მიმდინარეობს ახალი სახეების შერჩევა–გაპიარების პროცესი. ამ საქმით პარტიაში გამოცდების ეროვნული ცენტრის ყოფილი დირექტორი მაია მიმინოშვილი ყოფილა დაკავებული. საუბარია იმაზეც, რომ მიმინოშვილს, თავის მხრივ, მომავალ პარლამენტში განათლების კომიტეტი ჩააბარონ.

რაც შეეხება თბილისის მერის რეიტინგს და ურთიერთობებს სხვა ლიდერებთან, კახი კალაძემ ამ ბოლო 8 წლის განმავლობაში უამრავ ინტრიგას და ჭორს თვითკონტროლის წყალობით გაუძლო. ნაკლებად სავარაუდოა, რომ ის ბიძინა ივანიშვილს დაუპირისპირდეს და მისგან დამოუკიდებელი პოლიტიკური თამაში მოინდომოს.

ერთ-ერთი ვერსიით, თუ კალაძე დაპირისპირებას გაითამაშებს, მას აქვს რესურსი, რომ „ქართულ ოცნებაზე“ განაწყენებული ძველი აქტივი შემოიკრიბოს და პარლამენტში „ოცნებას“ კოალიციის შექმნა გაუადვილოს, თუმცა ამისათვის დაკავებული პოსტიდან მოუწევს გადადგომა.

სახელისუფლებო წრეებში ეს ვერსია აქტიურად განიხილება და ნიადაგის მოსინჯვაც ხდება – როგორ მიიღებს ამ ვერსიას საზოგადოება. მანამდე კი თბილისის მერს საკმაოდ რთულ სამეურნეო საქმეებთან უწევს გამკლავება. გადათხრილი გზები, გაძვირებული ტაქსები და დაუსრულებელი პარკები კარგ პერსპექტივას არ უქადის მის მაღალ რეიტინგს.

ვნახოთ, რა გადაწყვეტილებას მიიღებენ მმართველი პარტიის ბოსები, ხოლო სად და როგორ ხედავს საკუთარ მომავალ პოლიტიკურ კარიერას კახი კალაძე, ძალიან მალე გახდება ცნობილი.

203
საქართველოს პარლამენტი

როგორ გაიყოფს ოპოზიცია ცოცხალი დათვის ტყავს?

119
(განახლებულია 21:25 23.05.2020)
გახსოვთ, ერთი ქართული ანდაზაა, ცოცხალი დათვის ტყავის გაყოფის თაობაზე? თუ გასულ კვირას ოპოზიციის სიხარულსა და იწილო-ბიწილოს დააკვირდებოდით, შეუძლებელია, ეს ამბავი არ გაგხსენებოდათ.

აქაოდა, ელჩების ძალისხმევით ოქრუაშვილისა და უგულავას ციხიდან გათავისუფლებას მივაღწიეთო, კორონობიის გამო ლეიბორისტების ბაღშიც შეიკრიბნენ და ხელებიც გამარჯვების ნიშნად აღმართეს. ამავე დროს ოპოზიციამ დაანონსა, 20 ივნისს დიდ პირბადეებიან აქციას გავმართავთო. მანამდე კი საკონსულტაციოდ მუშა რეჟიმში გადაინაცვლეს. ერთადერთი ძალა, რომელიც არ კეკლუცობს და აცხადებს, ჩემს თამაშს ვთამაშობო, „ლელოა“. მათ ბარიერის გადალახვის პრობლემა წესით, საპარლამენტო არჩევნებზე არ უნდა ჰქონდეთ. ასევე მაჟორიტარების ნაწილში „ლელო“ ფიქრობს, რომ გაცილებით მეტი რესურსი აქვს და 30 იქნება თუ 72 ოლქი, საკუთარი მაჟორიტარობის კანდიდატები ეყოლება. საერთოდ, ეს არჩევნები რომ არნახულად რთული იქნება და განსაკუთრებული დატვირთვა მაჟორიტარებსა და ფინანსურ რესურსზე მოვა, ამას არავინ უარყოფს. შესაბამისად, ყველა პარტია ეცდება, საკუთარი ინტერესები მაქსიმალურად დაიცვას.

სასიამოვნო, მაგრამ ცოტა სასაცილოა პრემიერობის კანდიდატების დასახელება. ზოგადად, ამომრჩეველმა ზუსტად უნდა იცოდეს, თუ პარტიას ხმას მისცემს, რა პროგრამას და ვის სთავაზობს ის თანამდებობებზე, მაგრამ ქართული რეალობისათვის ჯერ ეს ცოტა ნაადრევიც აღმოჩნდა და - უცნაურიც. კაბინეტი ჯერ არ ვიცით, მაგრამ პრემიერად კი გიორგი ვაშაძე უმცროსი შემოთავაზებული გვყავს. არავინ უარყოფს, რომ ის უდავოდ ნიჭიერი ახალგაზრდაა, მაგრამ რამდენად დამოუკიდებელი და რეალისტურია მისი გეგმები და რამდენად არ „გადაირევა“ არჩევის შემთხვევაში წინა პრეზიდენტივით, ჯერ არავინ იცის. ოპოზიცია ასევე გიგა ბოკერიას, გრიგოლ ვაშაძისა და სხვათა კანდიდატურებსაც განიხილავს.

როგორც ჩანს, ამ არჩევნებზე ძალთა ისეთი გადანაწილება, როგორიცაა ყველა მინუს ერთი, არ გვექნება და არც ოპოზიციაში იქნება დიდი ერთსულოვნება, რასაც ძალიანაც წარმატებით წაახალისებს მმართველი პარტია.

ისეთი გამოცდილი პოლიტიკოსიც კი, როგორიც ზვიად ძიძიგურია, ამბობს, რომ 2020-ის არჩევნები იქნება ყველაზე რთული, რაც საქართველოს დამოუკიდებლობის წლებში ჰქონია.

როგორც ჩანს, დიდი იქნება საერთაშორისო ინტერესიც და თუ კორონამ არ შეგვიშალა ხელი, დამკვირვებლებიც ბლომად ჩამოვლენ.

დღევანდელი მდგომარებით ისე ჩანს, რომ საკონსტიტუციო ცვლილებების მიღებას ხელი არაფერმა უნდა შეუშალოს. გიორგი რურუას პოლიტპატიმრობა ცალკე განხილვის საგანია, მაგრამ მაჰათმა განდიც რომ იყოს, ნამდვილად არაა ეს ის თემა, რის გამოც წვალებით მიღწეული და თითქმის პროპორციულთან მიახლოებული საარჩევნო კოდექსი უნდა გაიცვალოს. სავარაუდოა, რომ ამ თემაზე დიპლომატები „ნაცებსა” და „ევრონაცებსაც“ „ტკბილად” დაელაპარაკებიან, რადგან ეს სისტემა, რომელიც 1 პროცენტიან პარტიებსაც კი აძლევს პარლამენტში მოხვედრის შანსს, ყველაზე მეტად, მმართველი პარტიის შემდეგ, მათ არ აძლევთ ხელს, რადგან ამ შემთხვევაში მრავალფეროვნება ჩნდება და მათი ხმებიც შესაბამისად, იქსაქსება.

როგორც ჩანს, ოპოზიცია 20 ივნისის აქციის ორგანიზებასა და კონსულტაციებში „მოკლავს” დროს უკეთეს მომავლამდე. და თუ საერთო პრემიერზე ვერა, იმედია, მაჟორიტარობის კანდიდატებზე მაინც შეთანხმდებიან. ყველაზე რთული და საინტერესოსი რა მოგახსენოთ და ოქტომბრის არჩევნები რომ პირბადეების ფონზე ჩაივლის, დღესაც აშკარაა. წამზომი კი უკვე ჩართულია და თუ პარტიას და მის ლიდერს მხოლოდ პარლამენტში მოხვედრა და ტრიბუნის შოვნა არ დაუსახავს მიზნად, უახლოეს მომავალში თავდადებულ შრომას უნდა შეუდგნენ.

 

რედაქცია შესაძლოა არ ეთანხმებოდეს ავტორის მოსაზრებას!

119
რატი აბულაძე

რა კავშირშია საგარეო ვაჭრობის შემცირებული მაჩვენებელი მოსახლეობის ჯიბესთან

112
(განახლებულია 19:08 21.05.2020)
ახალი კორონავირუსის პანდემიამ საქართველოს ეკონომიკის თითქმის ყველა სექტორი დააზარალა და ამ მხრივ გამონაკლისი არც საგარეო ვაჭრობა აღმოჩნდა.

2020 წლის პირველ ოთხ თვეში საგარეო სავაჭრო ბრუნვა გასულ წელთან შედარებით 11,8%-ით შემცირდა  და დაახლოებით 3,5 მილიარდი დოლარი შეადგინა. რატომ არის  საგარეო ვაჭრობის შემცირებული მაჩვენებელი ასე მნიშვნელოვანი ქვეყნის ეკონომიკისთვის და როგორ აისახება ის  თითოეული მოქალაქის  ჯიბეზე, Sputnik საქართველოსთან ეკონომიკის დოქტორმა რატი აბულაძემ ისაუბრა.

- თქვენი აზრით რამ განაპირობა საგარეო ვაჭრობის მაჩვენებლის შემცირება?

- ვფიქრობ, ამის მიზეზი გახდა ეპიდემიოლოგიური ვითარებით გამოწვეული საყოველთაო კარანტინი, თითოეულ ქვეყანაში გამოცხადებული შეზღუდვები, შეფერხებები გადაზიდვებში, მსყიდველობითუნარიანობის დაცემა.

covid-19 მიერ გამოწვეული კრიზისის გამო მკვეთრად შემცირდა მოთხოვნა, შეფერხდა ლოგისტიკა, შემცირდა წარმოება,  გაჩერდა საინვესტიციო აქტივობა, დაეცა საერთაშორისო ვაჭრობის ტემპი, შეფერხდა მოქალაქეების გადაადგილება და სამომხმარებლო აქტივობა.

ყოველთვის, როდესაც კრიზისი იწყება (სხვადასხვა გარემოებებიდან გამომდინარე), მოსახლეობა ძირითადად იძენს მხოლოდ აუცილებელ პროდუქტს : საკვებს, სასმელსა და სამედიცინო პროდუქტებს.  დანარჩენი სახის პროდუქტის მოხმარება მკვეთრად იკლებს. მცირდება მაგალითად,  ტანსაცმლით, ფეხსაცმლით, ელექტროტექნიკით, ავეჯით და  მანქანებით ვაჭრობა.

საქართველოში, მოსახლეობის ძირითადი ნაწილის შემოსავლები  ისედაც მხოლოდ საკვებს, კომუნალურებისა და ბანკის გადასახდებს სწვდება. ამიტომ  შექმნილ ვითარებაში მოსახლეობის მსყიდველობითუნარიანობის ზრდას და ეკონომიკურად წელში გამართვას მთავრობის ხელშეწყობა სჭირდება.

- როგორ  აისახება საგარეო ვაჭრობის კლება მოსახლეობის იმ ნაწილზეც, რომელთა საქმიანობაც  ვაჭრობის სფეროსთან არ არის დაკავშირებული? 

- საგარეო ვაჭრობის შემცირება პრაქტიკულად ყველა სეგმენტს შეეხება. საერთაშორისო სავაჭრო ნაკადების შემცირება გამოიწვევს ეკონომიკური აქტივობის დაცემას. თუ საერთაშორისო ვაჭრობა არ იქნა, გამოწვევების წინაშე დადგება, როგორც  ბიზნეს სექტორი, ისე მოქალაქეები  და მთავრობა.

ბიზნეს სექტორი თუ პროდუქტს ვერ გაყიდის, იძულებული გახდება შეამციროს წარმოება და  გაანთავისუფლოს თანამშრომლები. ვაჭრობის დაცემის გამო, კომპანია გადასახადებს ვეღარ გადაიხდის და არც თანხა შევა ბიუჯეტში. ექსპორტის შემცირების გამო, ქვეყანაში არც უცხოური ვალუტა შემოვა და სავალუტო სექტორიც გამოწვევების წინაშე აღმოჩნდება, რაც თავის თავად იმოქმედებს ლარის კურსზეც, ბიზნეს სექტორი აღარ ისარგებლებს საბანკო-საკრედიტო პროდუქტებით, რაც თავის მხრივ უარყოფითად აისახება ფინანსურ სექტორზეც.

აქვე ისიც ხაზგასასმელია, რომ სავაჭრო და საწარმოო აქტივობის დაცემა იწვევს, როგორც ბიზნეს სექტორის ისე მოქალაქეების უკმაყოფილების ზრდას. ეს კი მნიშვნელოვანი გამოწვევების წინაშე აყენებს სახელმწიფო პოლიტიკური თანამდებობის პირებს.

აღსანიშნავია, რომ კრიზისის პერიოდში იზრდება მოქალაქეების ლეგიტიმური მოთხოვნები  პოლიტიკური და მმართველობითი გარემოს, ეკონომიკური პროგრამების, ანტიკრიზისული გეგმების, განვითარების სტრატეგიების, პრევენციის ღონისძიებების, მმართველობითი უნარების, პოლიტიკის როლისა და ეფექტიანობის მიმართულებით.

- როგორია თქვენი სამომავლო პროგნოზი, რას უნდა ველოდოთ?

- საერთაშორისო კვლევები ცხადყოფს, რომ გლობალური სავაჭრო კრახის შედეგად 2020 წელს ვაჭრობის შემცირება იქნება 9%-32%-ის დიაპაზონში, კრიზისის სიღრმიდან გამომდინარე. აღსანიშნია ვაჭრობის დაცემის დიდი მასშტაბები  რეგიონულ დონეზე. კვლევის შედეგებით, ევროკავშირის 27 ქვეყნის ექსპორტის შემცირება გადააჭარბებს 285 მლრდ ევროს, ხოლო იმპორტის დაცემის მასშტაბი აღემატება 245 მლრდ ევროს.

შემცირების ტენდენციით იქნება წარმოდგენილი საქართველოს საგარეო სავაჭრო გარემოც. მიმდინარე წლის 4 თვეში, საგარეო ვაჭრობის ბრუნვა წინა წელთან შედარებით უკვე შემცირდა 11.8%-ით. სადაც ექსპორტი შემცირდა 11.9%-ით, ხოლო იმპორტი - 11.8%-ით.

ახალი კორონავირუსის ეპიდემიის ჩაცხრობის მიუხედავად, საერთაშორისო ვაჭრობის დაცემა და შეფერხებები მხოლოდ დასაწყისია. მართალია ნელ-ნელა ცოცხლდება გლობალური ბაზარი,  მაგრამ  ჩვენი მოქალაქეების მსყიდველობითუნარიანობის გამოცოცხლება ოჯახისა და ქვეყნის ეკონომიკურ პროფილზეა დამოკიდებული. კრიზისის გავლენის შედეგად, ქართული ოჯახების ეკონომიკური პროფილი კი აჩვენებს:  დაცარიელებულ საფულეს, გამოცარიელებულ რეზერვებს,  მთავრობის შერჩევითი დახმარების მოლოდინს,  პოლიტიკურ ცვლილებებზე დამოკიდებულებას და მღელვარებას.

- რა უნდა გააკეთოს მთავრობამ შექმნილ ვითარებაში?

მთავრობა პასუხისმგებელია თითოეული კომპანიის და თითოეული მოქალაქის ეკონომიკურ ბედზე. ამიტომ, ვალდებულია იცოდეს თითოეული კომპანიის პრობლემები, მათთან ერთად შემუშავებული ჰქონდეს პრობლემების გადაჭრის გეგმა და თითოეულ კომპანიას დახმარება გაუწიოს გლობალური ბაზრების შესაძლებლობების მორგებაში. რადგან  სახელმწიფო ინსტიტუტების შესაძლებლობები უფრო მეტია, ვიდრე სამოქალაქო და ბიზნეს სექტორის შესაძლებლობებია. 

საკმარისი არ არის მხოლოდ საერთაშორისო ვაჭრობის სურვილი ან მარკეტინგული კამპანიები. სავაჭრო  და სამომხმარებლო აქტივობის აღდგენას სჭირდება არ მხოლოდ ფინანსური დახმარება, არამედ  პოლიტიკური ნება და მუშა ეკონომიკური პროგრამები. გარდა ამისა, საერთაშორისო ბაზრების ათვისებაში, პოლიტიკა უნდა გახდეს გლობალური ბიზნეს აქტივობის ძირითადი ლოკომოტივი. პრაქტიკულად, საგარეო ვაჭრობის ზრდას გლობალური პოლიტიკის წარმოება სჭირდება.  გლობალური პოლიტიკის შექმნაზე კი  დამოკიდებულია საქართველოს საექსპორტო პოტენციალის ზრდა.

 

ნატა პატარაია

 

112
ჰაიდი კლუმი

სახის დასაბანად უიაფეს შამპუნს ვიყენებ: ყოფილი სუპერმოდელი საიდუმლოს ამხელს

0
(განახლებულია 13:25 25.05.2020)
46 წლის მოდელი და ოთხი შვილის დედა, ყოფილი სუპერმოდელი, სახის კანის მოსავლელად უმარტივეს და უიაფეს ხერხს მიმართავს

თბილისი, 25 მაისი — Sputnik. გერმანელმა მსახიობმა და ყოფილმა სუპერმოდელმა ჰაიდი კლუმმა The Sun–ს თავისი ახალგაზრდობის საიდუმლო გაუმხილა. 

ოთხი შვილის დედა გამოტყდა, რომ კანის მოსავლელად მარტივ მეთოდს მიმართავს — სახეს ყოველდღე კონკრეტული ფირმის იაფი და ხელმისაწვდომი საბავშვო შამპუნით იბანს.

„მე მას სახის დასაბანად იმიტომ ვიყენებ, რომ ეს საშუალება სუპერფაქიზი და ამასთან ძალიან ეფექტურია“, — განმარტა მოდელმა.

46 წლის კლუმის თქმით, საბავშვო შამპუნი კარგად არბილებს კანს და არ აზიანებს კანს თვალების გარშემო.

გარდა ამისა, ახალგაზრდობის შესანარჩუნებლად მოდელი ყოველ დილით მიირთმევს ხილის კოქტეილს და კმაყოფილდება მსუბუქი მაკიაჟით — ძირითადად, წამწამების ტუშითა და „რუმიანით“.

 

0
თემები:
მსოფლიო დღეს