კაზინო

ტურიზმიდან დანაშაულამდე სათამაშო ბიზნესის ორი მხარე საქართველოში

178
(განახლებულია 13:59 19.10.2019)
საქართველოში  ყოველი მეხუთე ადამიანი ლუდომანია – ასეთია „დედები აზარტული თამაშების წინააღმდეგ“ ორგანიზაციის მონაცემები

საქართველოში აზარტული თამაშების რეკლამის წინააღმდეგ ახალი კამპანია დაიწყო. „დაიცავი შენი შვილი“ – ამ სახელწოდების პროექტის პრეზენტაცია თბილისში, პარლამენტის შენობის წინ გაიმართა. კამპანიის ინიციატორი საქართველოს იუსტიციის უმაღლესი საბჭოს წევრი ანა დოლიძეა, რომელიც ამავდროულად აქტიურად იბრძვის ქვეყანაში დამოუკიდებელი სასამართლო სისტემისთვის. 

აზარტული თამაშები – საქართველოში ერთ–ერთი წამყვანი ინდუსტრიაა. ამ სექტორიდან შემოსავალი ბანკებიდან მიღებულ შემოსავალსაც კი აჭარბებს. საქართველოში ძნელად მოიძებნება ოჯახი, რომლის წევრი, ნათესავი ან ახლობელი მაინც არ სტუმრობდეს სამორინეს, ტოტალიზატორს ან  ონლაინ არ თამაშობდეს აზარტულ თამაშებს.

„ჩვენ ვაერთიანებთ ძალას აზარტული თამაშების წინააღმდეგ საბრძოლველად და ვაცხადებთ კამპანიას. ვიცი, რომ ძალიან ბევრი ადამიანია საქართველოში, ვისაც ეს საკითხი აწუხებს“, – განაცხადა დოლიძემ.

მან ჯანდაცვის, განათლების, ახალგაზრდობისა და სპორტის საპარლამენტო კომიტეტებს მოუწოდა, გამართონ საჯარო დისკუსია ამ თემაზე, შეკრიბონ ფსიქოლოგები, ფსიქიატრები, აღმასრულებელი და საკანონმდებლო ხელისუფლების წარმომადგენლები და გამონახონ გზები პრობლემის გადასაჭრელად.

ერთ–ერთი წამყვანი დარგი

აზარტული თამაშებით დაკავებული ორგანიზაციების ბრუნვა ბოლო ათ წელიწადში თითქმის ორასჯერ გაიზარდა. 2018 წელს წინა წელთან შედარებით ბრუნვის ორჯერ ზრდა დაფიქსირდა. საქართველოს სტატისტიკის ეროვნული სამსახურის მონაცემებით, მან 10 მილიარდ ლარს გადააჭარბა. შედარებისთვის, საქართველოში 2018 წელს სამშენებლო სფეროში ბრუნვამ 7,2 მილიარდი ლარი შეადგინა, სამრეწველო სფეროში კი – 13,5 მილიარდი ლარი.

არაოფიციალური მონაცემებით, სახელმწიფო ბიუჯეტში სათამაშო ბიზნესიდან 350 მილიონი ლარი ირიცხება. 

აზარტული ბიზნესი ტურიზმის ზრდის პარალელურად ფართოვდება. კაზინოების კლიენტების დიდი ნაწილი უცხოელები არიან. საიდუმლოს არავისთვის წარმოადგენს, რომ ბევრი შეძლებული ტურისტი, მათ შორის, ისრაელიდან, აზერბაიჯანიდან, ირანიდან, საქართველოში სწორედ იმისთვის ჩამოდის, რომ სამორინეში ითამაშოს, რადგან მათ მშობლიურ ქვეყნებში აზარტული თამაშები კანონითაა აკრძალული.

ამ შემთხვევაში უმუშევრობის ოფიციალური სტატისტიკაც შეიძლება მოვიშველიოთ – 2009 წელს ის შეადგენდა 18,3%–ს, 2018 წელს კი 12,7%–მდე შემცირდა.

მოწინააღმდეგეები გაერთიანდნენ

კამპანიას „დაიცავი შენი შვილი“ შეუერთდნენ „ჯანმრთელობის ხელშეწყობისა და განათლების ფონდის“ დირექტორი გიორგი ბახტურიძე; ასევე ორგანიზაციების – „დედები აზარტული თამაშების წინააღმდეგ“, „ახალგაზრდები აზარტული თამაშების წინააღმდეგ“ წარმომადგენლები და რიგითი მოქალაქეები.

 „ახლა სასწრაფოდ და აუცილებლად უნდა დავიცვათ ბავშვები და ახალგაზრდობა ამ საშინელებისგან. ყველასთვის კარგადაა ცნობილი, რომ ნებისმიერი ადამიანი, რომელიც პირად ნომერს აიღებს, შეძლებს ამ ბიზნესში დარეგისტრირებას და ამაზე ყველა თვალს ხუჭავს. გვაქვს კონკრეტული მოთხოვნები: ეს არის რეკლამის, პოპულარიზაციის და სპონსორობის სრული აკრძალვა, ასევე ონლაინთამაშების ჩახსნა, ასაკის გაზრდა მინიმუმ 25 წლამდე და მომდევნო ეტაპზე ამ ბიზნესის გადატანა, მაქსიმუმ ორ რეგიონში“, – განაცხადა გიორგი ბახტურიძემ ჟურნალისტებთან. 

ამჟამად კაზინოში შესვლა ეკრძალებათ 21 წლამდე ახალგაზრდებს, სათამაშო აპარატების სალონებში კი – 18 წლამდე მოზარდებს. მაგრამ ეს ახალგაზრდებს ვერ აჩერებს და ისინი ონლაინ აზარტული თამაშების გვერდებზე შესვლას მაინც ახერხებენ.

ანა დოლიძის იდეა საქართველოს პარლამენტის დამოუკიდებელმა დეპუტატმა ლევან გოგიჩაიშვილმაც მოიწონა.

როგორც მან აღნიშნა, შესაძლოა, შეიქმნას ერთიანი ფრონტი იმ რეალობის წინააღმდეგ, რომელიც ქვეყანაში მრავალი მიმართულებით არსებობს. აღსანიშნავია, რომ თავის დროზე დეპუტატი სათამაშო ბიზნესში კანონმდებლობის გამკაცრების ერთ–ერთი ინიციატორი იყო.

კანონპროექტი ჩავარდა იმის გამო, რომ მისი ავტორები და პარლამენტის დეპუტატთა უმრავლესობა ვერ შეთანხმდა აზარტული თამაშების რეკლამის განთავსების რადიუსზე რელიგიური, საბავშვო, სასწავლო თუ სამედიცინო, კულტურული და სპორტული დაწესებულებებისგან.

ცოტაოდენი ციფრებზე

 „დედები აზარტული თამაშების წინააღმდეგ“ არასამთავრობო ორგანიზაციის წევრი თამარ ჯაფარიძე ამტკიცებს, რომ საქართველოში 700 ათასი ლუდომანი ანუ ყოველი მეხუთე მცხოვრები მოთამაშეა.

ოფიციალური სტატისტიკა არ არსებობს, მაგრამ თუ არასამთავრობო ორგანიზაციის კვლევას დავუჯერებთ, აზარტულ თამაშებს თამაშობს 14 წლის მოზარდების 28%, 16 წლის მოზარდების 58%, 17 წლის მოზარდების 90%. კაზინოებსა და სათამაშო აპარატების სალონებში შესვლაზე ასაკობრივი ცენზის გამო ზემოხსენებული კატეგორია ონლაინ კაზინოების მომხმარებელია.

 „აზარტულ თამაშებს არც ასაკი აქვს, არც სქესი. თამაშს იწყებენ 12 წლიდან. ასი მოთამაშიდან 12 ქალია“, – განუცხადა ჯაფარიძემ „Sputnik–საქართველოს“.

მისი თქმით, არასამთავრობო ორგანიზაციამ მოახერხა მსჯავრდებულების შესახებ მონაცემების მოპოვებაც. გლდანის საპატიმროში მსჯავრდებულთა 2/3 სასჯელს იხდის დანაშაულისთვის, რომელიც ჩადენილია თამაშდამოკიდებულებასთან დაკავშირებული პრობლემების ნიადაგზე. ზოგს ვალები ჰქონდა გასასტუმრებელი, ზოგს თამაშის გაგრძელება სურდა, ამიტომაც ქურდობდა, ზოგ შემთხვევაში კი კლავდა კიდეც.

 „მოთამაშეების რაოდენობა ყოველ წუთს მატულობს და საჭიროა სასწრაფოდ მოქმედება, რათა ჩვენი მოზარდები გადავარჩინოთ და ისინი ამ ჭაობიდან ამოვათრიოთ. ნებისმიერი აზარტული თამაში დამღუპველია, არა აქვს მნიშვნელობა, მოზარდი იქნება ეს თუ სრულწლოვანი ადამიანი. საჭიროა რეკლამის მაქსიმალურად აკრძალვა“, – განაცხადა ჯაფარიძემ.

როგორც მან აღნიშნა, ჯანდაცვის მსოფლიო ორგანიზაციამ ლუდომანია მძიმე დაავადებად აღიარა.

 

178
პროტესტი აშშ-ში

ამერიკული ქრონიკები: ბავშვებს პოლიციის შიშს ასწავლიან

32
(განახლებულია 19:13 05.06.2020)
შეერთებულ შტატებში გარკვეული ძალები ცდილობენ, ნორჩი თაობის გონებაში პოლიციისადმი სიძულვილი ჩანერგონ, მიაჩნია პოლიტიკურ მიმომხილველს

ირინა ალქსნისი

ჯორჯ ფლოიდის მკვლელობის გამო მზარდი პროტესტების ფონზე, როცა ამერიკაში პოლიციელების მხრიდან რასიზმის გამოვლინებას ებრძვიან, ხოლო ლონდონში დემონსტრანტები ბრიტანეთის პრემიერის რეზიდენციაზე შეტევის მიტანას ცდილობენ, დასავლეთში თითქმის შემჩნევლად დაეცა ურყევი საზოგადოებრივი წესების მორიგი ბასტიონი: არ დაუშვან ნორჩი თაობის მწვავე პოლიტიკურ კონფლიქტებში ჩართვა.

გადამწყვეტი ნაბიჯი ამჯერად ბიზნესმა გადადგა. 

პოპულარულმა საბავშვო ტელეარხმა Nickelodeon–მა მაუწყებლობა შეწყვიტა და 8 წუთისა და 46 წამის განმავლობაში (ოფიციალური ცნობით, სწორედ ამდენ ხანს ებჯინებოდა  ფლოიდს კისერზე პოლიციელი) შავ ეკრანზე, ადამიანის სუნთქვის ტაქტში, პულსირებდა ფრაზა: „ვერ ვსუნთქავ“. რგოლი ბოლოს გამოჩნდა სამოქალაქო უფლებების დამცველ ერთ–ერთ ორგანიზაციასთან შეერთების მოწოდება.

საპროტესატო მოძრაობაში ასევე ჩაერთო კორპორაცია Lego. კომპანიამ უარი თქვა საკუთარი ნაკრებების რეკლამირებაზე, რომლებშიც შედის საპოლიციო და სახანძრო უბნების შენობები, საპატრულო ავტომობილები, პოლისმენებისა და დამნაშავეების ფიგურები, ასევე სამართალდამცავ თემატიკასთან ასოცირებული სხვა ელემენტები.

ცოტა არ იყოს, შემაძრწუნებელი ექსპერიმენტი, რომელსაც დასავლეთი უწყობს საკუთარ ახალგაზრდა თაობას, უკვე არავის აკვირვებს. ჩვეულებრივად იქცა ბავშვების ტვინში ლიბერალური პოლიტკორექტულობის იდეოლოგიის ჩანერგვა ყველაზე რადიკალური ფორმებით, იქნება ეს  ზოოპარკში ჟირაფის სახალხოდ მოკვდინება თუ სამედიცინო პროცედურები სქესობრივი მომწიფების შეფერხების კუთხით თავისუფალი გენდერული იდენტიფიკაციის პოლიტიკის ფარგლებში.

ყველაფერი ეს — განხეთქილების მნიშვნელოვანი ნაწილია, რომელიც სულ უფრო ყოფს დასავლურ საზოგადოებას. მაგრამ აქამდე ბავშვებს პოლიტიკური შემადგენელი პირდაპირ არ ეხებოდა.

ლიბერალებსა და კონსერვატორებს შეეძლოთ ხისტად დაპირისპირებოდნენ ნორჩ თაობაზე გავლენის მოპოვებისთვის ბრძოლაში, მაგრამ ორივე მხარისთვის მნიშვნელოვანი იყო, რომ ბავშვები კანონმორჩილ მოქალაქეებად გაზრილიყვნენ. 

სწორედ ამ ლოგიკამ მისცა თავის დროზე აშშ–ს საშუალება, შეექმნა მოქალაქეთა  პოლიტიკური და პატრიოტული აღზრდის შთამბეჭდავად ეფექტური სისტემა. მასში მრავალი წლის განმავლობაში გონივრულად იყო ყურადღება აქცენტირებული ამერიკის ღირსებებსა და მიღწევებზე,  ფორმირდებოდა ეროვნული ერთიანობა.

პოლიციური სისასტიკე, მათ შორის, ფატალური შედეგებით, ასევე სხვა კანონდარღვევები იმ ადამიანების მხრიდან, რომლებსაც მისი დაცვა ევალებათ, ყველგან ხდება. მაგრამ სამართალდამცველი ინსტიტუტები სახელმწიფოს საყრდენი და  უმნიშვნელოვანესი ელემენტია, ასე რომ, ჩვეულებრივ ვითარებაში არცერთი ამერიკელი პოლიტიკოსი, არცერთი საზოგადოებრივ–პოლიტიკური ძალა არ მისცემდა თავს უფლებას, მთელი პოლიციისთვის მოეცხო ჩირქი. მსგავს შემთხვევებში ტრადიციულად ხაზი ესმება, რომ ერთი ან რამდენიმე ინციდენტის მიხედვით მთელ სისტემაზე მსჯელობა არ შეიძლება. ეს წესი მთელ მსოფლიოში მუშაობს და არა მხოლოდ შეერთებულ შტატებში.

მიღებულია, რომ ბავშვები დაცულები უნდა იყვნენ რეალობის ბნელი მხარეებისგან, უნდა ჩაენერგოთ  პოზოტიური წარმოდგენები წესრიგის დაცვის სტრუქტურების შესახებ — იქნება ეს რუსული „ჩემი მილიცია მე მიცავს“, თუ ამერიკული „მსაურება და დაცვა“. ასაკის მატების კვალდაკვალ, მათ კიდევ ექნებათ საშუალება გააცნობიერონ, რომ  ცხოვრებაში ყველაფერი ისე არ არის, როგორც სინამდვილის „გამპრიალებელ“ დეტექტივებში.

Nickelodeon–ისა და Lego–ს ქმედებები იმაზე მოწმობს, რომ ამ საკითხშიც კარდინალური ცვლილებები ხდება.

ტელეარხის თითქმის ცხრა წუთიანი  რგოლი არ ამახვილებს ბავშვების ყურადღებას რასიზმის პრობლემაზე. სინამდვილეში ეს შემაშინებელი და პირქუში ვიდეო პატარა მაყურებელში ბადებს მარტივ აზრს: „ამერიკული პოლიცია ხალხს ხოცავს“ — და ამით შიშს უჩენენ სამართალდამცავი ორგანოებისადმი.

ხოლო მიზანმიმართულად ფორმირებული ბავშვური შიშიდან სიძულვილამდე და გა ნადგურებისკენ სწრაფვამდე ერთი ხელის გაწვდენა რჩება უფრო მოზრდილ ასაკში.

მაგრმ სახელმწიფო სიცოცხლის უუნაროა იმ სტრუქტურების გარეშე, რომლებიც წესრიგისა და თავად სახელმწიფოს დაცვის სადარაჯოზე დგანან. მოქალაქეთა აღზრდისათვის თანმიმდევრული და მასშტაბური ძალისხმევები, უარყონ სახელმწიფოს მექანიზმის უმნიშვნელოვანესი ნაწილი, მომავალში უამრავი სიურპრიზის გარანტიას იძლევა.

აშშ–ში ამჟამინდელი პოლიტიკური დაპირისპირება საფრთხის შემცველია ზოგადად ამერიკული სისტემისთვის, ვინაიდან მისი მონაწილეები აქტიურად ამბობენ უარს საბაზო წესების დაცვაზე, რომლებზეც ის დგას და რომელთა წყალობითაც გადაიტანა უამრავი მძიმე კრიზისი. ტრამპთან ბრძოლაში მისი მოწინააღმდეგეები სულ უფრო ხშირად აყენებენ დარტყმას თავად სახელმწიფოს. ხოლო ის ფაქტი, რომ გლობალური მედიარესურსების მფლობელები ახალი თაობების აღზრდას იწყებენ, ადასტურებს, რამდენად გარღმავებულია იქ მდგომარეობა.

ამერიკა მზადაა, დადგეს თვითსიძულვილისა და თვითგანადგურების რელსებზე რუსეთისათვის კარგად ცნობილი ლოგიკით: „მიუღებელი პრეზიდენტი — მანკიერი სახელმწიფო მექანიზმები — წყეული სახელმწიფო, რომელიც უნდა განადგურდეს — განწირული სახელმწიფო“. გარკვეული პოლიტიკური ძალები იმდენი ხანია საგულდაგულოდ ცდილობენ ამგვარი წარმოდგენები თავს მოგვახვიონ, რომ საზოგადოებას უკვე იმუნიტეტი გამოუმუშავდა.

ახლა საქმე ისაა, შეძლებს კი შეერთებული შტატები შეჩერებას. თუ  ნორჩ ამერიკელებში პოლიციისადმი შიშისა და სიძულვილის აღზრდა გაგრძელდება, ამის შანსები მცირეა.

P.S. რედაქცია შესაძლოა არ ეთანხმებოდეს ავტორის მოსაზრებებს!

 

32
არეულობა აშშ-ში

მოსაზრება: აშშ-ში რასიზმის წინააღმდეგ ბრძოლა მაროდიორებთან ბრძოლაში გადაიზარდა

83
(განახლებულია 21:27 04.06.2020)
მასობრივი ქაოსი, ძარცვა და ხანძრის გაჩენა მინეაპოლისის მცხოვრები აფროამერიკელის ჯორჯ ფლოიდის გარდაცვალების შემდეგ დაიწყო და არ წყდება.

სოფია მელნიჩუკი

პოლიციელების მიერ უხეში, სასტიკი დაკავების გამო დაიღუპა 46 წლის ამერიკელი. კომენდანტის საათი შტატების ნახევარშია დაწესებული, მაგრამ ადგილობრივი ხელისუფლება ხშირად პრაქტიკულად უმოქმედოა. პოლიციის ძალა უკვე არასაკმარისია, პრეზიდენტი დონალდ ტრამპი აპირებს რეგულარული არმიის ჩართვას ვანდალიზმისა და მაროდიორობის დასასრულებლად. რით არის საშიში ეს ნაბიჯი პრეზიდენტისთვის? 

ისევ კანონი და ისევ წესრიგი. ამერიკელები ელოდებოდნენ დონალდ ტრამპის მიმართვას ერისადმი. მაგრამ პრეზიდენტმა ეს პროცესი დააყოვნა და მხოლოდ 2 ივნისს გამოვიდა სიტყვით, მაშინ, როცა ვაშინგტონში უკვე ყველგან მაღაზიის ვიტრინებს ამსხვრევდნენ.

„ჩვენ შეძრულნი ვართ ჯორჯ ფლოიდის გარდაცვალებით. მაგრამ ჩვენ არ შეგვიძლია გამძვინვარებულ ბრბოს უფლება მივცეთ, მშვიდობიანი პროტესტი ჩაძიროს. მთავარი დაზარალებულები კანონმორჩილი მოქალაქეები და მოსახლეობის ღარიბი ფენაა. მე ვიბრძოლებ იმისათვის, რომ დავიცვა ისინი“, – განაცხადა მან.  

„მე ვარ კანონისა და წესრიგის პრეზიდენტი“, — ხაზი გაუსვა ტრამპმა. უნდა ითქვას, რომ ეს ლოზუნგი ამერიკაში კარგად ნაცნობია.

1968 წელს ქვეყანა, ასევე მშფოთვარე დროში, საპრეზიდენტო არჩევნებისთვის ემზადებოდა. იყო მასობრივი დემონსტრაციები ვიეტნამის ომის წინააღმდეგ, ქალთა და რასობრივ უმცირესობათა მხარდასაჭერად იმართებოდა აქციები. მას შემდეგ, რაც შავკანიანთა უფლებების ცნობილი დამცველი მარტინ ლუთერ კინგი-უმცროსი მოკლეს, შემდეგ კი სენატორი რობერტ კენედი, რომელზეც დიდ იმედებს ამყარებდნენ, რიჩარდ ნიქსონი არჩევნებში მივიდა ლოზუნგით „კანონი და წესრიგი“. 

„თქვენ უნდა მიიღოთ ის ფაქტი, რომ ყველა პრობლემა ნამდვილად შავებშია“, — განმარტა მაშინ თეთრი სახლის ადმინისტრაციის უფროსმა ჰარი ჰოლდემანმა. მას შემდეგ „კანონი და წესრიგი“ შავკანიანი ამერიკელებისთვის პოლიციის თვითნებობასთან, დესპოტიზმთან ასოცირდება.

ამჟამინდელ ძარცვა-გლეჯას ტრამპმა შინაგანი ტერორიზმი უწოდა. ერისადმი მიმართვის დროს პრეზიდენტმა მცირე ბიზნესის მფლობელები ახსენა, რომლებიც იძულებული არიან უყურონ, თუ როგორ „ინგრევა მათი ოცნებები“ მეამბოხეთა ხელით. ქუჩის მაროდიორობის ვიდეომტკიცებულებებით გაივსო ინტერნეტი. აჯანყებულები ამსხვრევენ მაღაზიის ვიტრინებს, გამოაქვთ საქონელი, ხატავენ კედლებს, კარსა და ფანჯრებს. მაგალითად, სანტა-მონიკაში Vans-ის სპორტული ტანსაცმლის მაღაზიიდან პრაქტიკულად ყველაფერი მოიპარეს. როდესაც ტელეარხ Fox 11-ის ჟურნალისტები გამვლელებს ეკითხებოდნენ, თუ საიდან ჰქონდათ ფეხსაცმელების ყუთები, ისინი პასუხს მშვიდად არიდებდნენ თავს. ამ დროს გვერდით არც ერთი პოლიციელი არ ყოფილა.  

მსგავსი რამ მთელ ქვეყანაში ხდება. ხელისუფლების მოწოდება ვანდალიზმის შეჩერების შესახებ უშედეგოა. საკუთრებას მშვიდობიანი მომიტინგეები და თვით ბიზნესის მფლობელები იცავენ.

იმავე სანტა-მონიკაში ერთ-ერთი მაღაზიის კართან დადგა გოგონა ბანერით „შეწყვიტეთ ძალადობა“. შეეცადნენ მისთვის ხელის კვრას, შესასვლელთან კვამლის ბომბიც კი გადააგდეს, მაგრამ გოგონა არ შეშინდა. მალე მას შავკანიანი მოქალაქე შეუერთდა ლოზუნგით „ჩვენ ვაპროტესტებთ და არ ვმაროდიორობთ“. ეს ახალგაზრდა ადამიანები სპეციალურად მივიდნენ ქალაქის ცენტრში, რათა ხელი შეეშალათ მეამბოხეებისთვის, რომლებიც მშვიდობიანი მომიტინგეების კომპრომეტირებას ეწეოდნენ. 

სან-დიეგოს შემთხვევამ კი მაიძულა რუსული მაფიის შესახებ ხუმრობები გამეხსენებინა. იქ ყოფილი სსრკ-ის ქვეყნებიდან ჩასული ადამიანები რესტორან „პუშკინს“ იცავდნენ. დაწესებულების მფლობელმა აიკ გაზარიანმა „რია ნოვოსტის“ კორესპონდენტთან აღიარა, რომ სწრაფად გააცნობიერა ის, რომ თვითონ უნდა ემოქმედა.

„ბევრი მეგობარი მყავს, რომლებიც, როგორც მე, რესპუბლიკური აზროვნების მომხრეები არიან (განსხვავებით მომიტინგეებისგან — რედ. შენიშ.). როდესაც კვირას მივხვდი, რომ უსიამოვნებები იყო მოსალოდნელი, ყველას დავურეკე და ნახევარი საათის შემდეგ ისინი რესტორანთან შეიკრიბნენ. 12 ადამიანი, პისტოლეტებითა და იარაღით ხელში. იარაღი ლეგალურია, ვიცით მასთან მოქცევა. და საკუთარ შენობაში, თავდაცვის მიზნით, რა თქმა უნდა, ჩვენ გვაქვს მისი გამოყენების უფლება“, — განმარტა გაზარიანმა. მათ იხსნეს არა მარტო ეს რესტორანი, არამედ მეზობლად მდებარე რამდენიმე დაწესებულება, მათ რიცხვში განსაკუთრებით დაუცველი ალკომარკეტი, რომელიც ხანდაზმულ ერაყელ ემიგრანტს ეკუთვნოდა. 

ქვეყნის მეორე მხარეს, ნიუ-იორკის ბრუკლინში მოქალაქეები უერთდებიან პატრულს, რათა სანამ პოლიცია უმოქმედოა, წესრიგი დაიცვან. „ჩვენ აქ მხოლოდ თავდაცვის მიზნით ვართ. პატივს ვცემთ რასიზმის წინააღმდეგ ბრძოლასა და პროტესტის უფლებას. მაგრამ არავის აქვს უფლება გაანადგუროს ის ადგილი, სადაც ჩვენ ოჯახებთან ერთად ვცხოვრობთ. სირცხვილი ნიუ-იორკის მერს, რომ არ გვიცავს“, — ამბობენ პატრულის ორგანიზატორები აიზეკ ბოლტიანსკი და დევიდ ბროდსკი.

სიბრაზის, რისხვის უფლება. ბევრი უკმაყოფილოა ადგილობრივი ხელისუფლების უმოქმედობით. ნიუ-იორკის მერს ბილ დე ბლაზიოს მაროდიორობის ხელშეწყობაში ადანაშაულებენ. მისი ქალიშვილი ახლახან ქუჩის შეტაკებების მსვლელობის დროს დააკავეს. შტატის გუბერნატორ ენდრიუ კუომოსაც ჰკიცხავენ, თუმცა ბოლო დრომდე ის კორონავირუსის ეპიდემიის წინააღმდეგ ბრძოლის გმირად აღიქმებოდა. 

ორშაბათს დე ბლაზიომ თქვა, რომ სამხედროების ჩართვა სახიფათოა და რომ ეს სიტუაციას უფრო გააუარესებს. „როდესაც შეიარაღებული ძალები შედიან საცხოვრებელ რაიონებში, კარგი არაფერი ხდება“, — დარწმუნებულია მერი. ყველაფრის მიუხედავად, ქუჩებში პოლიციელების რიცხვი ორჯერ გაზარდეს — ოთხიდან რვა ათასამდე. ქალაქში კომენდანტის საათი გამოცხადდა. 

სხვა რეგიონების ხელმძღვანელები, ძირითადად დემოკრატები, არ ჩქარობენ ეროვნული გვარდიის ჩართვას. დე ბლაზიოს არგუმენტებს ორეგონის გუბერნატორი ქეით ბრაუნი, ილინოისის — ჯეი რობერტ პრიცკერი, ნევადის — სტივ სისოლაკი და მიჩიგანის — გრეტჩენ უიტმერი იმეორებენ. ვაშინგტონის შტატის მეთაურმა ჯეი ინსლიმ სამხედრო დანაყოფები მზადყოფნაში მოიყვანა, თუმცა მათი ქალაქებში განლაგება ჯერ არ დაუწყია. 

ამავდროულად, ტრამპი დაიმუქრა, რომ სამხედროებს ქუჩაში თვითონ გაიყვანს. პრეზიდენტი, მართალია, თვითონ არის მთავარსარდალი, მაგრამ მას არ შეუძლია თავისი შეხედულებისამებრ ფედერალური შეიარაღებული ძალები შტატების ტერიტორიაზე გამოიყენოს. თუმცა, თუ ის გამოიყენებს 1807 წლის აჯანყების შესახებ კანონს, ეროვნული გვარდია მის ბრძანებას გუბერნატორების გვერდის ავლით შეასრულებს. ბოლოს ასე ჯორჯ ბუში-უფროსი 1992 წელში ლოს-ანჯელესში გამართული საპროტესტო აქციების დროს მოიქცა. ეს აქციები ოთხი თეთრკანიანი პოლიციელის მიერ შავკანიანი მოქალაქის უმოწყალოდ ცემის შემდეგ დაიწყო.

ამასთან, გუბერნატორების სურვილი, რომ მომიტინგეებთან ურთიერთობა არ გაამწვავონ, პოლიტიკურ ხასიათს ატარებს, თვლის პოლიტოლოგი-ამერიკანისტი დიმიტრი დრობნიცკი. 

„დემოკრატების მთავარი ამოცანაა, არ დაუშვან ტრამპის მეორე ვადით არჩევა. სანამ არ იყო პროტესტები, შეიძლებოდა ადამიანების კარანტინში გაჩერება. ახლა მათ სიბრაზის უფლება მიეცათ“, — ამბობს ის „რია ნოვოსტისთან“ საუბრისას. — „უნდა ვაიძულოთ ტრამპი, რომ ცუდად გამოიყურებოდეს, რადგან, დემოკრატების რიტორიკის თანახმად, ის რასისტია და საზოგადოებაში სიძულვილის ატმოსფერო დანერგა. თუ ამდენი დღის დარბევის შემდეგ პრეზიდენტი ნაციონალური გვარდიის დახმარებით მდგომარეობას გააკონტროლებს, ის პოლიტიკურ ქულებს მოიპოვებს, და შემდეგ მნიშვნელობა არ ექნება, რას იტყვიან დემოკრატები. „ტრამპო, მოდი და წესრიგი დაამყარე“, — აი, ვის მისცემენ ხმას მერყევ შტატებში“, — ამბობს ექსპერტი.

ის ხაზგასმით აღნიშნავს, რომ ქვეყანაში რასობრივი დისკრიმინაციის მდგომარეობა ნამდვილად შემზარავია. პროტესტების განხილვის დროს ამის დავიწყება შეუძლებელია.

დემოკრატებს არა მხოლოდ ტრამპის არაეფექტურობის დემონსტრირება სურთ, არამედ ცდილობენ არ შეაშინონ ამომრჩევლები უმცირესობებიდან, ამბობს დიმიტრი სუსლოვი.

„მათ საშინლად ეშინიათ არათეთრკანიან მოსახლეობაში მხარდაჭერის დაკარგვისა, სწორედ აფროამერიკელები არიან არჩევნებში ჯო ბაიდენის ერთ-ერთი ძირითადი საყრდენი“, — გვახსენებს ექსპერტი.

ამასთანავე, ორივე მხარეს თამაში ჯარიმის ზღვარზე მიჰყავს, ამბობს თანამოსაუბრე. „დემოკრატები ტრამპის დისკრედიტაციას ცდილობენ, ზომიერი და ცვალებადი ელექტორატის შეშინებით რისკავენ. ტრამპი კი მკაცრ ზომებს იღებს, რამაც შეიძლება კიდევ უფრო დიდი ძალადობა და სიკვდილი გამოიწვიოს“, — განმარტავს ის.

ამერიკული საზოგადოება უკვე უკიდურესად გაყოფილია. საპროტესტო აქციებმა მხოლოდ წინააღმდეგობათა სიღრმეს გაუსვა ხაზი.

უბრალო ხალხი აღშფოთებულია პოლიციის თვითნებობით, მაროდიორობით, დემოკრატები და რესპუბლიკელები კი ძველებურად ვერ თანხმდებიან. ძნელი სათქმელია, რა როლი ითამაშა ჯორჯ ბუში-უფროსის პოლიტიკურ კარიერაში აჯანყების კანონმა, მაგრამ 1992 წლის არჩევნები მან წააგო. ტრამპმა, აშკარაა, არჩევანი სიმკაცრეზე გააკეთა. და თუ ეს როგორ შემოუბრუნდება, უახლოესი მომავალი გვიჩვენებს.

რედაქცია შესაძლოა არ ეთანხმებოდეს ავტორის მოსაზრებებს

83
კახა კალაძე

თბილისის მერს ნერვებმა უმტყუნა: შეხლა-შემოხლა სკვერის გახსნაზე

0
(განახლებულია 14:37 06.06.2020)
კალაძემ მომხდარს ყოფილი მმართველი პარტიის მხრიდან წარუმატებელი პროვოკაცია უწოდა, ხოლო მის აქტივისტებს - თაღლითები

თბილისი, 6 ივნისი - Sputnik. თბილისის მერს, კახა კალაძეს და მის დაწვის წევრებს ვარკეთილში სკვერის გახსნაზე დახვდნენ აქტივისტები, რომლებიც ე.წ. ანას ბაღში კორპუსის მშენებლობას აპროტესტებენ, საქმე ფიზიკურ დაპირისპირებამდე მივიდა.

ინციდენტი გუშინ მოხდა. კალაძე ესაუბრებოდა მოსახლეობას, რა დროსაც მას მიუახლოვდა ორი სამოქალაქო აქტივისტი, რომლებმაც მას მერიის მუშაობასთან დაკავშირებით პრეტენზიები წაუყენეს.

ამან კალაძის გაღიზიანება გამოიწვია, მან ვერ შეძლო ემოციების შეკავება და მასსა და მის დაცვას და აქტივისტებს შორის ხანმოკლე შეხლა-შემოხლა მოხდა. შედეგად ერთ-ერთ აქტივისტს მაისურა დაეხა.

თავად კალაძემ მომხდარს ყოფილი მმართველი პარტია „ერთიანი ნაციონალური მოძრაობის“ წარუმატებელი პროვოკაცია უწოდა.

„არანაირ ძალადობას ადგილი არ ჰქონია, როგორც გუშინ ვთქვი. ძალიან კარგად ვიცი, რა ჩანს კადრებში, თქვენც და მეც მაქვს ორი თვალი, შესაბამისად, ყველანი ძალიან კარგად ვხედავთ, არანაირ ფიზიკურ ძალადობას არ ჰქონია ადგილი. იყო ორი პროვოკატორი, რომელსაც ჰქონდა მცდელობა, არეულობა შემოეტანა და ჩაეშალა მნიშვნელოვანი ღონისძიება, რაც იყო ახალი სარეკრეაციო ზონის პროექტის დასრულების, თუმცა მათ ეს არ გამოუვიდათ. მათ არ მიეცათ პროვოკაციის მოწყობის შესაძლებლობა და ეს ადამიანები გაყვანილ იქნა ტერიტორიიდან“, - განუცხადა ჟურნალისტებს კალაძემ.

მოძრაობა „შეცვალეს“ წევრი დიმიტრი ბიძინაშვილი აცხადებს, რომ კახა კვეკვესკირი, რომელსაც ინციდენტის დროს მაისური დაეხა, პოლიციაში გამოკითხვაზე იმყოფებოდა.

ლეიბორისტული პარტიის წევრი, ლაშა ჩხარტიშვილი, რომელიც გუშინ ინციდენტის ადგილას იმყოფებოდა, ამბობს, რომ კახა კალაძის გარდა, მერიის სხვა თანამშრომლებიც ძალადობდნენ. ჩხარტიშვილი მაღალჩინოსნების წინააღმდეგ სარჩელის შეტანას ორშაბათს გეგმავს.

ამასთან დაკავშირებით კახა კალაძემ განაცხადა, რომ  ეს მათი უფლებაა.

„შინაგან საქმეთა სამინისტრო თუ ჩათვლის, რომ იქ იყო რაიმე ძალადობრივი ქმედება ან ვინმეს ფიზიკურად გაუსწორდნენ, რა თქმა უნდა, გამოძიება უნდა დაიწყოს, თუმცა მსგავსი ფაქტი არ ყოფილა. სავარაუდოდ, მან შემოიხია მაისური, არ გამოუვიდა პროვოკაცია და მინდა, საჩუქრად გადავცე ამ პიროვნებას მაისური, რომელიც გამოადგება. აი, ეს არის მაისური, საკმაოდ საინტერესოა”, - განაცხადა კალაძემ.

ვარკეთილში ადგილობრივი მოსახლეობა უკვე ერთი წლის განმავლობაში აპროტესტებს მრავალსართულიანი კორპუსის მშენებლობას ანას ბაღის ტერიტორიაზე და სკვერის მოწყობას მოითხოვს.

0
თემები:
შემთხვევები საქართველოში