პარლამენტის შენობა ქუთაისში

ვინ მოხვდება „ქართული ოცნების“ საარჩევნო სიაში და ვინ დატოვებს პარლამენტს ვადაზე ადრე

530
(განახლებულია 15:55 09.10.2019)
სანამ ოპოზიცია ერთმანეთს ებრძვის და სააკაშვილი და ბოკერია არკვევენ, რომელია რომის პაპზე უფრო დიდი კათოლიკე, პარლამენტში სერიოზული ცვლილებები ხდება.

შემთხვევითი არაა, რომ ბოლო პერიოდში უკვე უმრავლესობის სამმა წევრმა დატოვა საკანონმდებლო ორგანო და რამდენიმე, თურმე, კიდევ რიგში დგას.

შოთა შალელაშვილი, ზაქარია ქუცნაშვილი და ვანო ზარდიაშვილი რეკორდულად მცირე დროში წავიდნენ პარლამენტიდან. იმუნიტეტი შეუჩერდა ნიკა მელიასაც. ცნობილი ჟურნალისტი ელისო კილაძე ავრცელებს ინფორმაციას, რომ მალე პარლამენტი, შესაძლოა, მამუკა მდინარაძემ და სოფო კილაძემაც დატოვონ.

ამ ამბავს ჟურნალისტი ირაკლი კობახიძის კადრების „ჩაჩოჩებით“ ხსნის, მაგრამ გასაოცარი ისაა, მაშინ ანრი ოხანაშვილი და დავით მათიკაშვილი ვისი კადრები არიან?

პრემიერმა გახარიამ არც ის დამალა, რომ მთავრობა არჩევნებისათვის მუდმივად ემზადება.

რა თქმა უნდა, გასაკვირი არაა, რომ არჩევნებამდე ერთი წლით ადრე მთავრობა „საარჩევნოს“ შთაბეჭდილებას ტოვებდეს, მაგრამ თუ გაფრენილ ფასებს და ლარს არაფერი ეშველა, ზარდიაშვილზე უფრო სერიოზული ფიგურების გაწირვა გახდება საჭირო.

„ოცნების“ საარჩევნო სიის კონტურები უკვე ჩანს.

ექსპერტი ვახტანგ ძაბირაძე ვარაუდობს, რომ სიას თავად ბიძინა ივანიშვილი ჩაუდგება სათავეში. ძნელი დასაჯერებელია, რომ მას საქართველოს ფეხდაფეხ მოვლისა და საარჩევნო კამპანიის ჩატარების სურვილი ჰქონდეს, თუმცა ვნახოთ, რა საჭიროება იქნება 2020-ის არჩევნების წინ.

„ქართული ოცნების“ ყველაზე რეიტინგული ფიგურა კახი კალაძე უკვე დაკავებულია, ის დედაქალაქის მერის ფუნქციებს ასრულებს, მაგრამ თუ საჭირო გახდა, სიაში მასაც ჩასვამენ.

ერთ-ერთი ვერსიით, საარჩევნო სიის სათავეში გიორგი გახარია განიხილება საკუთარი კადრებით, მეორე ვერსიით კი პარლამენტის მომავალი თავმჯდომარე ირაკლი ღარიბაშვილი.

ხალხთან აქტიური შეხვედრები უკვე დაიწყეს თეა წულუკიანმა და მაია ცქიტიშვილმა, რომლებიც ასევე პირველ ხუთეულში მოიაზრებიან. წულუკიანს არც დაუმალავს ხაზარაძისათვის – ჩემ გამომცხვარ ჭვიშტარს ვერ ეღირსები, მანამდე არჩევნები მაქვს მოსაგებიო.

სიაში მოხვდება ჯანდაცვის ახალი მინისტრი ეკატერინე ტიკარაძე და ასევე ძველი, მაგრამ რეიტინგული დავით სერგეენკო. სხვათა შორის, იყო დრო, მას პარლამენტის მომავალ თავმჯდომარედაც განიხილავდნენ.

საპატიო ათეულში უნდა ველოდოთ სოზარ სუბარს და პარტიის პოლიტსაბჭოს კიდევ ერთ წევრს დიმიტრი სამხარაძეს.

სიაში არა, მაგრამ საპატიო თანამდებობაზე გაუშვებენ ირაკლი კობახიძეს, რომელსაც, დაბალი რეიტინგის მიუხედავად, ივანიშვილის ნდობა და სიყვარული არ დაუკარგავს.

მიუხედავად იმისა, რომ ქართული პოლიტიკა ჯერ „ქართული ოცნებისა“ და „ნაციონალების“ ძალთა გადანაწილების ნარატივს ვერ გასცდა, არაპოპულარული სახეების დამალვის დრო უკვე მოვიდა.

ამასობაში ექსპერტები ე.წ. ნულოვანი ბარიერის პირობებში პარლამენტში 6-7 პარტიის მოხვედრას ელოდებიან.

„ქართული ოცნებისა“ და „ნაციონალური მოძრაობის“ გარდა ხმებს „პატრიოტთა ალიანსი“, „ევროპელი დემოკრატები“, „ლეიბორისტები“, „გირჩი“ და „შენების მოძრაობაც“ მიიღებენ.

ექსპერტ გია ხუხაშვილის აზრით, 30 პროცენტამდე ხმების მიღების შანსი აქვს ხაზარაძესაც, გააჩნია, როგორ იმუშავებს.

თუმცა ეს რიცხვი ძალიან გაბერილი ჩანს იმ ფონზე, რომ ამ არჩევნებში ასეთი დიდი უპირატესობით ვერც ერთი პარტია ვერ მოიწონებს თავს. თავისი მომხრეები ჰყავს ირაკლი ოქრუაშვილსაც...

მოკლედ, გაძვირებული პურისა და ტაქსის რა მოგახსენოთ და ახალი წლიდან სანახაობა თავზე საყრელად გვექნება.

 

რედაქცია შესაძლოა არ ეთანხმებოდეს ავტორის მოსაზრებას!

 

530
ქრისტოფერ კოლუმბის უთავო ძეგლი ააშშ-ში

„გასაკეთებელია დაუყოვნებლივ“: რის გამო დასჯის აშშ რუსეთს

145
(განახლებულია 19:04 03.07.2020)
გასული დღის მთავარ მოვლენად მოწინავე სამყაროში აშშ-ის კონგრესის სპიკერის ნენსი პელოსის განცხადება იქცა რუსეთის წინააღმდეგ სასწრაფოდ ახალი სანქციების შემოღების შესახებ. და კიდევ დღე-ღამეში კორონავირუსით ამერიკელების ინფიცირების რეკორდული მაჩვენებლები.

ვიქტორ მარახოვსკი

პელოსის განცხადება „ამერიკელების წინააღმდეგ რუსეთსა და თალიბებს შორის შეთქმულების“ შესახებ უგუნურ განცხადებას მოჰყვა. ეს ისტორია ამერიკული სპეცსამსახურების მიერ წყაროებისგან მიღებული ინფორმაცია კი არ არის, არამედ ვიღაც ანალიტიკოსების მიერ „თალიბების დაკითხვის შედეგად მიღებული დასკვნაა“ იმის თაობაზე, რომ ვიღაცამ რუსეთში რატომღაც ამერიკელი ჯარისკაცების მოკვლისთვის თალიბებისთვის ფულის გადახდა გადაწყვიტა, რომლებიც ისედაც მრავალი წლის განმავლობაში ხოცავენ ამერიკელ სამხედროებს.

ამ დასკვნამ, პენტაგონისა და ეროვნული უსაფრთხოების საკითხებში მრჩევლის ო’ბრაიენის განცხადებით, დადასტურება ვერ ჰპოვა, რის გამოც ის არც კი მოუხსენებიათ აშშ-ის პრეზიდენტისთვის.

მაგრამ ფოკუსი ისაა, რომ დღევანდელი ამერიკა აღარ ცხოვრობს ნორმალური სახელმწიფოს ფუნქციონირების ჩვეულებრივი კანონებით (ვაშინგტონში ახლა ბევრი „აუხსნელი“ მოვლენა ხდება, როგორც ეს კორექტულად აღწერა დმიტრი პესკოვმა). ის ჰაიპების მომაკვდინებელი შიდა ბრძოლების კანონებით ცხოვრობს და მათი ფორმულირება შეიძლება როგორც „არანაირი კანონები“.

ამიტომ ბირთვული ზესახელმწიფოს წარმომადგენელთა პალატის ხელმძღვანელი, სახელმწიფოს ერთ-ერთი პირველი პირი, რომელიც თავის იდეოლოგიად მართლმსაჯულებასა და სამართლიანობას აღიარებს, დაუდასტურებელი „ოპერატიული ინფორმაციის“ გაჩენაზე ერთმნიშვნელოვანი და პოლიტიკური დასკვნით რეაგირებს: საჭიროა სანქციების დაუყოვნებლად შემოღება სხვა ბირთვული ზესახელმწიფოს წინააღმდეგ.

ხოლო მედიასაშუალებები, რომლებმაც საზოგადოებაში ეს ინფორმაცია ისე შეაგდეს, რომ მისი ნამდვილობის დასადასტურებლად თავი არ შეუწუხებიათ, უკვე ამხელენ ქვეყნის მოქმედ პრეზიდენტს იმაში, რომ „მას არ უყვარს რუსეთის შესახებ მოხსენებები“. და ამით, ასე ვთქვათ, ახალ ქეისზე ამუშავებენ მანამდე არაერთხელ ჩავარდნილ თეზისს „ტრამპი რუსეთის შპიონია“.

რაც შეეხება დღის მეორე ახალ ამბავს იმის შესახებ, რომ COVID-19-ის დღიური შემთხვევები აშშ-ში პლუს 50 ათასამდე გაიზარდა, გასაოგნებელია, როგორ ამუშავებენ ამას ამერიკული მედიასაშუალებები.

აი, მაგალითად, რას წერს ავტორიტეტული გამოცემა Huffington Post:

„ბოლო აფეთქების ზოგი მიზეზის პოვნა მაისის ბოლოს, ხსოვნის დღემდეა შესაძლებელი“;

CNN: „ტრამპის ანტიპირბადური ჯვაროსნული ლაშქრობა მის დასაკბენად დაბრუნდა“;

The New York Times: „გამოკითხვები აჩვენებს, რომ ბევრი ამერიკელი მამაკაცი პირბადის ტარებას სისუსტის ნიშნად მიიჩნევს. პრეზიდენტ ტრამპის უარი პირბადის ტარებაზე მიუთითებს, რომ მასაც ეს საქმე სისუსტედ მიაჩნია“.

თუ მოგეჩვენათ, რომ ამ მაგალითებში რაღაცაა მხედველობიდან გამოტოვებული, არა, მართლა მოგეჩვენათ. მათში სრული ტაბუ აქვს დადებული იმას, რომ მაისის ბოლოდან დღემდე მთელ ამერიკაში მრავალათასიან ბრბოებად დადიან პროგრესული და სწორი მოძრაობა Black Lives Matter-ის წარმომადგენლები, რომლებიც ღრმად სოციალიზებულ ქმედებებს სჩადიან: ძარცვავენ მაღაზიებს, ცეცხლს უკიდებენ შენობებს, ხოცავენ ადამიანებს, მუხლს იყრიან და ფეხებს ბანენ უმცირესობებს.

ასობით ათასმა, თუ არა მილიონობით ამერიკელმა დაივიწყა სიფრთხილე და ისე იქცევა, თითქოს არანაირი კორონავირუსი არ არსებობდეს. ყველა გარეშე დამკვირვებელი აღნიშნავდა, რომ ამას დაავადების ჯოჯოხეთური აფეთქება მოჰყვებოდა, მაგრამ როცა აფეთქება მოხდა, აღმოჩნდა, რომ მასზე ლაპარაკი უბრალოდ არ შეიძლება.

ამიტომ პროგრესული ანალიტიკოსები აგინებენ ხალხის ტოქსიკურ სიმამაცეს, ტრამპის უპასუხისმგებლობასა და მაისის ხსოვნის დღეს, მაგრამ ჯიუტად არ სურთ დაინახონ ზედაპირზე მოტივტივე აშკარა მიზეზი.

რა უნდა აღინიშნოს აქ. არსებობს საფუძველი იმის სავარაუდოდ, რომ ეს ორი მაგალითი ერთი მოვლენის სიმპტომებია — მაშტაბურისა და საშიშის. მოკლედ ამას „ემოციური უსაფრთხოების იდეოლოგია“ შეიძლება ეწოდოს. ამ იდეოლოგიის თანახმად, არსებობის უფლება აქვს მხოლოდ იმ ლოგიკასა და ფაქტებს, რომლებიც მიზნობრივი აუდიტორიის ემოციურ კომფორტს არ დაარღვევს და მისი შეხედულებების წინააღმდეგი არ იქნება.   

მიზნობრივი აუდიტორიისთვის ხომ არანაირი მნიშვნელობა არ აქვს, რამდენად იდიოტურია სიცრუე „რუსული ფული ამერიკული სკალპებისთვის“. არც ისაა მნიშვნელოვანი, რეალურად რის გამო მოხდა კორონავირუსის ახალი აფეთქება ამერიკაში.

საქმე გვაქვს ოკამას სამართებლის რაღაც საშინელ ემო-ვარიაციასთან, რომლის თანახმადაც, ამა თუ იმ მოვლენის ჭეშმარიტი განმარტების ძიება არაფერშია საჭირო, თუ უკვე არსებობს ემოციურად სწორი და მისაღები განმარტება.

ამიტომ „ნებისმიერ რთულ ვითარებაში დაადანაშაულე რუსეთი და ტრამპი“.

რა თქმა უნდა, ეს არაფერში წაადგება ამერიკის წინაშე მდგარი პრობლემების გადაჭრას: დაკარგულ ლიდერობასა და პანდემიასთან გამკლავების უუნარობას.

სამაგიეროდ ეს დააკმაყოფილებს პროგრესულ ძალებს ამერიკული საზოგადოების შიგნით და პრეზიდენტის მოწინააღმდეგებს საშუალებას მისცემს, მოიშორონ იგი.

და ეს ყველაფერი ხდება ქვეყანაში, რომელსაც აქამდე გვისახელებენ მაგალითად.

145
Tancul rusesc T-90MS

მოსაზრება: რატომ ირჩევს ეგვიპტე 500 ერთეულ Т-90МС ტანკს

76
(განახლებულია 20:13 01.07.2020)
რუსეთს შეიარაღების მსოფლიო ბაზრის თითქმის მესამედი უკავია და მნიშვნელოვან უპირატესობას ინარჩუნებს: ხარისხიანი პროდუქცია ადეკვატურ ფასად.

ეგვიპტის ტრანსპორტის მინისტრმა, გენერალ-მაიორმა ქამელ ალ-ვაზირმა 26 ივნისს განაცხადა, რომ რუსეთთან გააფორმა ხელშეკრულება ეგვიპტური არმიისთვის 400-500 ერთეული Т-90МС ტანკის მიწოდებაზე: „Т-90МС-ს წარმოება ეგვიპტეს შესაძლებლობას მისცემს, შეიძინოს ტანკებისა და ჯავშანტექნიკის შექმნის ტექნოლოგიები და გაამდიდროს ამერიკულ მხარესთან М1А1 Abrams ტანკების ერთობლივი წარმოების უკვე არსებული გამოცდილება“. ალ-ვაზირმა ხაზგასმით აღნიშნა, რომ ეს გარიგება მნიშვნელოვნად გაზრდის ეგვიპტის სამხედრო პოტენციალს და მას Т-90МС ტანკების უმსხვილეს ოპერატორად აქცევს.

კონტრაქტის შესახებ ცნობები საინფორმაციო ველში 2017 წლიდან გამოჩნდა. როგორც ჩანს, მხარეთა შორის მოლაპარაკებები მიმდინარეობდა ყველა დეტალზე და გარკვეული დრო მოითხოვა. ამას წინათ მოსკოვმა და კაირომ ხელი მოაწერეს შეთანხმებების პაკეტს 3,5 მლრდ დოლარის ღირებულების შეიარაღებისა და სამხედრო ტექნიკის მიწოდებაზე. ამას მოჰყვა კიდევ რამდენიმე კონტრაქტი მსხვილი შეიარაღების თაობაზე. ეგვიპტე, ტრადიციულად, რუსული შეიარაღების მსხვილი იმპორტიორია.

კაირო ფლობს მძლავრ სატანკო ჯარებს: 4000-ზე მეტ მანქანას – 30-ზე მეტ Т-80У ტანკს, 1100 ერთეულ М1А1 Abrams-ს, დაახლოებით 200 ერთეულ Т-62-ს, 800-ზე მეტ Т-54/55-ს და 260 ერთეულ Рамзес II-ს, 300 ძველ ამერიკულ M60A1-სა და 850 M60A3-ს. რასაკვირველია, 500 უახლეს რუსულ Т-90МС-ს შეუძლია ტექნოლოგიური რევოლუცია მოახდინოს არაბული რესპუბლიკის სატანკო ჯარში. ინფორმაციამ კონტრაქტის შესახებ უკვე შეაფიქრიანა ისრაელის თავდაცვის სამინისტრო.

შეთანხმება ითვალისწინებს რუსული ტექნოლოგიის გადაცემასა და საბრძოლო მანქანების ერთობლივი წარმოების წამოწყებას ეგვიპტის ტერიტორიაზე. ინტრიგა ისაა, რომ 1992 წლიდან ეგვიპტელები თავიანთი ჯარისთვის აგროვებენ M1A1 Abrams ტანკებს კომპანია General Dynamics-თან კონტრაქტის საფუძველზე. ეგვიპტური „აბრამსები“ ავთენტურ ამერიკულზე ძვირი აღმოჩნდა. დიდია ალბათობა, რომ Т-90МС-ს აწყობა უფრო რენტაბელური იქნება, რადგან რუსული ჯავშანტექნიკის ფასი მსოფლიო ბაზარზე საგრძნობლად, ორჯერ-სამჯერ ნაკლებია დასავლურ ანალოგებზე. მაგალითად, სალიცენზიო კონტრაქტი ინდოეთთან 1000 ერთეული Т-90С ტანკის წარმოებაზე შეფასებული იყო 2,5 მილიარდ დოლარად (2,5 მილიონი ერთი ცალი). ბოლო დრომდე ამერიკული ტანკის საშუალო სტატისტიკური ღირებულება 12 მილიონ დოლარს აღემატებოდა.

საბრძოლო მახასიათებლები

ბევრი Т-90-ს უახლესი Т-14 „არმატას“ ღირსეულ კონკურენტად მიიჩნევს (ამ ორ მოდელს ბევრი საერთო აქვს: შეიარაღების, აქტიური დაცვის, კავშირისა და საბრძოლო ინფორმაციის მიღების სისტემები). ინდოეთში ფიქრობენ, რომ „ეფექტურობით Т-90С-ს შეიძლება ვუწოდოთ ბირთვული იარაღის შემდეგ რიგით მეორე შემაკავებელი ფაქტორი“. სირიის სამთავრობო ჯარისთვის გადაცემულმა საბაზო მოდიფიკაციის Т-90А ტანკებმა კარგი შედეგი აჩვენა ბრძოლის ველზე გამოცდისას.

Т-90МС-ს საექსპორტო ვერსია ფლობს ახალ საბრძოლო განყოფილებას 125 მმ-იანი 2А46М-5 ყუმბარმტყორცნით და დისტანციურად მართული ტყვიამფრქვევებით, ცეცხლსასროლი მართვის სისტემით „კალინა“. რუსულ ტანკს გააჩნია ავტომატიზაციის მაღალი ხარისხი, აღჭურვილია ლაზერული დამიზნების სისტემით. დღისით მიზნის აღმოჩენის სიშორე 5 კმ-ს აღწევს. ამავე მანძილზე შეუძლია Т-90 ტანკს მოწინააღმდეგისთვის ცეცხლის გახსნა მართული რაკეტებით მთავარი იარაღის 125 მმ-იანი კალიბრის ლულიდან. ჯავშანგამტანი კუმულატიური საბრძოლო მასალით სროლისას მაქსიმალური სამიზნე მანძილი 4 კმ-ს შეადგენს, მსხვრევადი-ფუგასური საბრძოლო მასალით ბალისტიკური ტრაექტორიით – 10 კმ-მდე. იარაღის ავტომატური დამტენი საშუალებას იძლევა, შეამციროს ეპიკაჟი სამ კაცამდე (დასავლურ ტანკებში იარაღის დასატენად ეკიპაჟის მეოთხე წევრს იყენებენ).

კორპუსისა და გუმბათის ფრონტალური მრავალშრიანი ჯავშანი 850 მმ-იანი ჯავშნიანი ფოლადის ეკვივალენტურია. ტრადიციული ჯავშნის გარდა, მანქანა აღჭურვილია დინამიკური დაცვის კომპლექსით – „რელიქტით“. საბრძოლო მასალის დეტონაციის გამოსარიცხად (40 ჭურვი) საბრძოლო პირობებში ავტომატური დამტენი დაჯავშნილია და საბრძოლო მასალა გადანაწილებულია ოპტიმალურად. Т-90МС-ს აქვს უფრო მძლავრი ძრავა (1130 ცხენის ძალის) და დამატებითი ენერგოაგრეგატი გაჩერებული მანქანის ელექტრომომარაგებისთვის, ასევე ყველაზე დაბალი სილუეტი ძირითად თანამედროვე ტანკებს შორის. ტანკი, თავისი საბრძოლო კომპლექტით, 48 ტონას იწონის. მაქსიმალური სიჩქარე 70 კმ/სთ-ია, სვლის მარაგი – 500 კმ.

გადაუჭარბებლად – ტექნიკა „კოსმოსურია“. ნავიგაციას უზრუნველყოფს ორიენტირების კომბინირებული სისტემა თანამგზავრული ნავიგაციის აპარატურით, რომელსაც ელექტრონული კარტოგრაფიული და ობიექტებს შორის კავშირის რეჟიმები გააჩნია. მონაცემთა უსაფრთხო გადაცემისათვის გამოიყენება დაშიფვრის აპარატურა.

აღსანიშნავია, რომ რუსეთი თავის ტანკისტებს არ ივიწყებს. ამას წინათ გამოცემა Military Watch-მა გამოაქვეყნა სტატია, სადაც აღნიშნა: „რუსეთის შეიარაღებულმა ძალებმა აპრილში ევროპაში მიიღეს რევოლუციური Т-90М ტანკების პირველი ნაწილები. ეს მანქანები Т-90-თან შედარებით მნიშვნელოვნადაა მოდერნიზებული. მანქანაში ინტეგრირებულია ტყვიამფრქვევი 2А82-1М და რამდენიმე მოწინავე ტექნოლოგია, რომელიც შემუშავებულია გაცილებით უფრო მძიმე, მომდევნო თაობის T-14 „არმატა“ ტანკისთვის. იარაღი და ცეცხლის მართვის სისტემა „კალინა“ Т-14-სთვის შექმნილი სპეციალური ჭურვების ფართო სპექტრის გამოყენების საშუალებას იძლევა. რუსული არმია უახლოეს მომავალში რამდენიმე ასეული Т-90М ტანკის მიღებას იმედოვნებს და, როგორც აცხადებენ, ძველი Т-90 ტანკებიც ანალოგიურ სტანდარტამდე იქნება მოდერნიზებული იმავე ახალი ტექნოლოგიების გამოყენებით“.

დიდი კონკურენცია

რუსეთმა შეძლო ახალი ტანკების ბაზარზე აღიარებული ლიდერი გამხდარიყო, რადგან შეინარჩუნა და გაზარდა წარსულის მიღწევები. „საბჭოთა კლასიკის“ – Т-72-ის ბაზაზე შექმნილი ტანკი Т-90 უზარმაზარი ტექნოლოგიური ნახტომია მომავალში და მხოლოდ ამიტომ არის მასზე ასეთი დიდი მოთხოვნა და ამიტომ იყიდება ყველაზე კარგად XXI საუკუნეში.

უახლესი Т-90МС გამოფენაზე Russian Expo Arms 2011 წელს წარადგინეს. მას შემდეგ გამოშვებულია 2000 ერთეულზე მეტი სხვადასხვა მოდიფიკაციის Т-90, რომელთა დიდი ნაწილი, 1500 ერთეული საექსპორტოა. მრავალი ასობით მანქანა დაჯავშნილია წლებით ადრე. კონტრაქტები გაფორმებულია ერაყთან (73 მანქანა), ვიეტნამთან (64 მანქანა), კუვეიტთან (146 მანქანა), ინდოეთთან (464 მანქანა). უახლოეს წლებში რუსეთის ქარხანა ექსპორტზე გაგზავნის სულ მცირე 2500 Т-90МС-ს. შეძენილი მანქანების მნიშვნელოვანი რაოდენობა ათწლეულებით განსაზღვრავს საბრძოლო მასალების, სათადარიგო ნაწილების, შეკეთებისა და მოდერნიზების მომავალ მოცულობას. კომერციული წარმატების მიღწევაში როლი ითამაშა სანაქებო საბრძოლო მახასიათებლებმა და ფასისა და ხარისხის ოპტიმალურმა თანაფარდობამ. Т-90МС-ს საექსპორტო ღირებულება 4 მლნ დოლარს აღწევს, დასავლური ანალოგები არანაკლებ 6 მლნ დოლარი ღირს.

ერაყის, სირიისა და სხვა ქვეყნების საომარმა კონფლიქტებმა გამოავლინა ამერიკული და გერმანული ჯავშანტექნიკის სისუსტე, რომელთაც ადრე ექსპერტები რუსულ ანალოგებთან შედარებით უპირატესობას ანიჭებდნენ. მაგალითად, ამერიკული Abrams-ის ტანკები იემენში, საუდის არაბეთის ჯარის შემადგენლობაში, ასანთის ღერებივით იწვოდა. ჰუსიტმა მეამბოხეებმა გაანადგურეს საუდის არაბეთის არანაკლებ 20 ერთეული M1A2S Abarms. შედეგად – ერ-რიადი დღეს რუსული Т-90МС-ს შეძენის შესაძლებლობას განიხილავს.

გერმანული ტანკი Leopard 2 ასევე ითვლებოდა მსოფლიოში საუკეთესოდ, ვიდრე სირიაში თურქეთის ჯარის შემადგენლობაში არ აღმოჩნდა. ეს იყო სრული კრახი: ბრძოლის ველზე დარჩა მოგლეჯილი „ციფრული გუმბათები“ და ნაფლეთებად ქცეული კორპუსები. „ისლამური სახელმწიფოს“ ბოევიკებმა პატარა ქალაქ ელ-ბაბისთვის ბრძოლისას 10 ერთეული Leopard 2A4 გაანადგურეს. სხვათა შორის, საბჭოთა წარმოების „ფაგოტისა“ და „კონკურსის“ მეშვეობით.

მსოფლიოს წამყვანი ქვეყნების ჯავშანსატანკო ტექნოლოგიების ბრძოლა გრძელდება.

რედაქცია შესაძლოა არ ეთანხმებოდეს ავტორის მოსაზრებებს

76
მცხეთის ბლოკპოსტი

შაქარაშვილის დაღუპვის საქმე: პოლიციამ ტრაგიკული წვეულების მასპინძელი გოგონა გამოკითხა

0
(განახლებულია 19:08 05.07.2020)
გოგონას ადვოკატმა განაცხადა, რომ მისი დაცვის ქვეშ მყოფი სოციალურ ქსელში მუქარებს იღებს და ზეწოლას განიცდის

თბილისი, 5 ივლისი — Sputnik. მცხეთის პოლიციაში გამოკითხეს ანა გაბეჩავა, რომლის დაბადების დღეზე მოხდა ის სისხლიანი გარჩევა, რომელიც, გამოძიების ვერსიით, 19 წლის ფეხბურთელის, გიორგი შაქარაშვილის გარდაცვალების მიზეზი გახდა.

„მის განცხადებასთან დაკავშირებით, მისი უფლებების დარღვევასთან დაკავშირებით ვართ გამოკითხვაზე მოსული. ხორციელდება მასზე ბულინგი“, - განაცხადა გოგონას ადვოკატმა ლიკა ბითაძემ პირველი არხის ეთერში.

ბითაძეს არ დაუკონკრეტებია, ვისგან მომდინარეობს ზეწოლა მისი დაცვის ქვეშ მყოფის მისამართით. თავად გაბეჩავამ პრესასთან ურთიერთობაზე უარი განაცხადა.

19 წლის ფეხბურთელი გიორგი შაქარაშვილი ოთხდღიანი ძებნის შემდეგ მდინარე არაგვში 22 ივნისს გარდაცვლილი იპოვეს.

28 ივნისს მცხეთის სასამართლომ შაქარაშვილის საქმეზე დაკავებულ 17 ახალგაზრდას პატიმრობა შეუფარდა. პროცესი დახურულ კარს მიღმა მიმდინარეობდა, რადგან ბრალდებულებს შორის რამდენიმე არასრულწლოვანია. საქმეზე წინასწარი მოსმენა 31 ივლისს არის ჩანიშნული.

გამოძიების ვერსიით, 18 ივნისს თბილისის საფეხბურთო კლუბ „საბურთალოს“ 19 წლის აღსაზრდელი გიორგი შაქარაშვილი მეგობართან ერთად მცხეთაში დაქირავებულ სახლში წვეულებაზე იმყოფებოდა, სადაც სტუმრებს შორის კონფლიქტი მოხდა. ურთიერთობების გარკვევა გაგრძელდა ტრასაზე, სადაც კონფლიქტის მონაწილეთა ნაწილმა თბილისიდან „დახმარება“ გამოიძახა.

ბევრ კითხვას ექსპერტიზა უპასუხებს – გომელაური 19 წლის ფეხბურთელის დაღუპვის საქმეზე >>

მოწმეები ამტკიცებენ, რომ გიორგიმ გარჩევის ადგილი დატოვა და მდინარისკენ გაიქცა, შემდეგ კი მისი კვალი იკარგება.

ასევე ცნობილია, რომ მცხეთა-თბილისის ტრასაზე, ჩხუბის ადგილზე 15-20 წუთის სხვაობით ორი ავტომობილი მივიდა. ავტომობილების მგზავრებსა და ახალგაზრდების ჯგუფს შორის, რომელთა შორის იყო გიორგი შაქარაშვილი, ორი ჩხუბი მოხდა. ამის შემდეგ შაქარაშვილი არავის არ უნახავს.

0
თემები:
გახმაურებული სასამართლო პროცესები