პოლონელი ტურისტი, რომელიც თბილისში 5 ივლისს დაჭრეს

თბილისში დაჭრილი პოლონელი ტურისტი სამშობლოში დაბრუნდა

87
(განახლებულია 15:50 20.07.2021)
როგორც თვითმხილველები აცხადებენ, პოლონელი ტურისტი ლგბტ-თემის წარმომადგენელი ეგონათ, ამიტომ დაესხნენ თავს და ცივი იარაღით დაჭრეს. ტურისტს ალადაშვილის კლინიკაში გადაუდებელი ოპერაცია ჩაუტარდა.

თბილისი, 20 ივლისი – Sputnik. პოლონელი ტურისტი იაცეკ კოლანკიევიჩი, რომელიც თბილისში 5 ივლისს დაჭრეს, სამშობლოში დაბრუნდა.

იაცეკ კოლანკიევიჩი, ტურიზმის ეროვნული ადმინისტრაციის ორგანიზებით, სარეაბილიტაციო კურსს ბორჯომში, სასტუმრო „ლიკანში“ გადიოდა და დღეს სამშობლოში გაემგზავრა. გავრცელებული ინფორმაციით, ის თავს კარგად გრძნობს.

როგორც კოლანკიევიჩმა აღნიშნა, ის საქართველოში დაბრუნებას, ტურისტული ადგილების დათვალიერებას და გადაღებას ისევ გეგმავს. ტურისტი საქართველოს სხვადასხვა კუთხის შესახებ ვიდეობლოგს ამზადებს, რომელსაც სოციალური ქსელებით პოლონელ ხელმომწერებს გაუზიარებს.

პოლონეთის მოქალაქეს თავს 5 ივლისს დაესხნენ, როდესაც თბილისში ლგბტ–საზოგადოების წინააღმდეგ კონტრაქცია იმართებოდა. ხეთაგუროვის ქუჩაზე მომხდარი ინციდენტის თვითმხილველები ამბობენ, რომ თავდასხმის მიზეზი, შესაძლოა, ტურისტის საყურე გახდა, რამაც გააღიზიანა თავდამსხმელი. პოლონეთის მოქალაქის მკვლელობის მცდელობაში ბრალდებული მამაკაცი პოლიციამ მალევე დააკავა. მას უკვე პატიმრობა შეეფარდა. მას ბრალდება წარედგინა მკვლელობის მცდელობის მუხლით ხულიგნური ქვენა გრძნობით, რაც 13-დან 17 წლამდე პატიმრობას ითვალისწინებს. გამოძიების ვერსიით, დაკავებულს ფსიქიკური ჯანმრთელობის პრობლემები აქვს. ამის დასადგენად ფსიქიატრიული ექსპერტიზაა დანიშნული.

87
თემები:
შემთხვევები საქართველოში (2234)
სეისმოგრაფი

საქართველოში მიწისძვრა მოხდა კვლავ სოფელ სამებასთან

17
მიწისძვრის ეპიცენტრი დმანისის მუნიციპალიტეტში, სოფელ სამებასთან ახლოს, ცხრა კილომეტრ სიღრმეში მდებარეობდა

თბილისი, 1 აგვისტო – Sputnik. დმანისიდან 24 კილომეტრში, სოფელ სამებასთან 3,1 მაგნიტუდის მიწისძვრა დაფიქსირდა, იუწყება სეისმური მონიტორინგის ეროვნული ცენტრი.

სეისმოლოგი: გახშირებული მიწისძვრები საქართველოში საყურადღებოა>>

მიწისქვეშა ბიძგები თბილისის დროით 21:09 საათზე დაფიქსირდა. ეპიცენტრი 9 კმ სიღრმეში მდებარეობდა.

ივნისსა და ივლისში სეისმოლოგებმა ამ ტერიტორიაზე 3,0–4,0 მაგნიტუდის ორ ათეულამდე მიწისძვრა დააფიქსირეს.

17
თემები:
შემთხვევები საქართველოში (2234)
იაკობ ქაჯაია კუბელ აკოსტა ფერნანდესთან ორთაბრძოლაში

ვინ იასპარეზებს საქართველოდან 2 აგვისტოს ტოკიოს ოლიმპიადაზე

14
(განახლებულია 20:25 01.08.2021)
ტოკიოს ოლიმპიადაზე მეათე დღეს საქართველოს ორი სპორტსმენი წარადგენს – ბერძნულ–რომაულის ტილით მოჭიდავეები იაკობ ქაჯაია და გიორგი მელია

იაკობ ქაჯაია, ბერძნულ–რომაული ჭიდაობა (–130 კგ)

Борец Якоб Каджая
© AP Photo / Anvar Ilyasov
იაკობ ქაჯაია

ქაჯაიამ წარმატებით გამართა ორთაბრძოლები და თავის წონით კატეგორიაში ფინალში გავიდა. ტურნირის რეგლამენტით, მედლები სპორტსმენების გამოსვლის დაწყებიდან მეორე დღეს თამაშდება.

ქართველი მოჭიდავე ოქროსთვის მოქმედ ოლიმპიურ ჩემპიონს, კუბელ მიხაინ ლოპეს ნუნიესს შეეჭიდება.

27 წლის იაკობ ქაჯაიასთვის ტოკიოს თამაშები კარიერაში მეორეა. რიო–დე–ჟანეიროს ოლიმპიადაზე მან მეშვიდე ადგილი დაიკავა. მას შემდეგ ხუთი წელი გავიდა და მას თავისუფლად შეუძლია, ოლიმპიური ჩემპიონის წოდებაზე ჰქონდეს პრეტენზია.

გიორგი მელია, ბერძნულ–რომაული ჭიდაობა (–97 კგ)

ტოკიოს ოლიმპიადა 24 წლის გიორგი მელიასთვის სადებიუტოა. იუნიორთა და ახალგაზრდებს შორის ქართველი მოჭიდავე სერიოზულ შედეგებს აჩვენებდა. 2016 წელს ის მსოფლიო ჩემპიონი გახდა იუნიორთა შორის, ხოლო 23 წლამდელთა კატეგორიაში მსოფლიო ჩემპიონატებზე კვარცხლბეკზე ორჯერ ავიდა – 2018 წელს ბრინჯაო მიიღო და 2019 წელს – ვერცხლი.

Георгий Мелия – греко-римская борьба
გიორგი მელია

მოზრდილთა კატეგორიაში მას ჯერჯერობით სატრაბახო შედეგები არა აქვს. ევროპის ჩემპიონატებზე მე–10 და მე–17 ადგილები დაიკავა, ხოლო 2019 წლის მსოფლიო ჩემპიონატზე – მეხუთე.

ამ დროისთვის საქართველოს ნაკრებს ერთი ოქროს, სამი ვერცხლისა და ერთი ბრინჯაოს მედალი აქვს.

14
თემები:
საქართველო ტოკიოს ოლიმპიადაზე