თანამგზავრი Azerspace-2

ქართული ტელეარხები აზერბაიჯანული თანამგზავრით იმაუწყებლებენ

62
(განახლებულია 00:02 03.04.2021)
აზერბაიჯანული თანამგზავრული ოპერატორი Azercosmos მაუწყებლობის ქართულ ბაზარზე ლიდერობას უკვე ექვს წელზე მეტია, ინარჩუნებს

თბილისი, 2 აპრილი - Sputnik. ქართული ტელეარხები „რუსთავი 2“, Comedy TV და Marao TV, რომლებიც ქართულ კომპანია „მედია ჰოლდინგში“ შედიან, კომერციულ მაუწყებლობას Azerspace-1–ის მეშვეობით დაიწყებენ, იუწყება Sputnik–აზერბაიჯანი.

შესაბამის ხელშეკრულებას პარტნიორობის შესახებ ხელი მოეწერა Azercosmos–სა და ქართულ კომპანია „მედია ჰოლდინგს“ შორის.

ეს არხები საზოგადოებრივ, ეკონომიკურ, ანალიტიკურ და კულტურულ პროგრამებს გადასცემენ ქართულ ენაზე. Azercosmos–სთან „მედია ჰოლდინგის“ თანამშრომლობის წყალობით ქართველი მაყურებელი სატელევიზიო არხების ყურებას თანამგზავრი Azerspace-1–ის წყალობით შეძლებენ, აღნიშნულია Azercosmos–ის განცხადებაში.

შეთანხმებაზე ხელმოწერის ცერემონიაზე სიტყვით გამოსვლისას „მედია ჰოლდინგის“ ხელმძღვანელმა ზაზა გველესიანმა განაცხადა, რომ ძალიან მოხარულია ამ შეთანხმების გამო, ამ თანამშრომლობის მეშვეობით ქართული არხები ხელმისაწვდომი იქნება ქვეყნის ყველა კუთხეში, ასევე სხვა სახელმწიფოებში მცხოვრები საქართველოს მოქალაქეებისთვის.

Azercosmos–ის რეგიონულმა დირექტორმა იოლჩუ ჰასანოვმა, თავის მხრივ, აღნიშნა, რომ აზერბაიჯანული თანამგზავრული ოპერატორი, უკვე ექვს წელზე მეტია, ინარჩუნებს ლიდერის პოზიციებს მაუწყებლობის ქართულ ბაზარზე. მან იმედი გამოთქვა, რომ ეს თანამშრომლობა მომავალშიც გაგრძელდება.

Azercosmos–ი წამყვანი თანამგზავრული ოპერატორია სამხრეთ კავკასიაში. Azerspace-1 – სატელეკომუნიკაციო თანამგზავრი, რომელსაც Azercosmos–ი მართავს, თავის კლიენტებს ევროპაში, აფრიკაში, ახლო აღმოსავლეთში, კავკასიასა და ცენტრალურ აზიაში საიმედო და ფართოსამაუწყებლო გადაწყვეტილებებს სთავაზობს. თანამგზავრი ორბიტაზე 2013 წლის თებერვალში გაუშვეს.

62
სალომე ზურაბიშვილი და არმენ სარქისიანი

საქართველოს ხვალ ოფიციალური ვიზიტით სომხეთის პრეზიდენტი არმენ სარქისიანი ეწვევა

3
(განახლებულია 15:03 14.04.2021)
ოფიციალური ვიზიტის ფარგლებში სომხეთის პრეზიდენტი საქართველოს პრეზიდენტთან და პარლამენტის თავმჯდომარესთან შეხვედრებს გამართავს.

 

თბილისი, 14 აპრილი - Sputnik. სომხეთის რესპუბლიკის პრეზიდენტი არმენ სარქისიანი  15 აპრილს ოფიციალური ვიზიტით თბილისს ეწვევა, ნათქვამია საქართველოს პრეზიდენტის ადმინისტრაციის მიერ გავრცელებულ განცხადებაში. 

სომხეთის პრეზიდენტისა და მისი მეუღლის, ნუნე სარქისიაის დახვედრის ოფიციალური ცერემონია ხუთშაბათს ორბელიანების სასახლეში გაიმართება.

ოფიციალური ვიზიტის ფარგლებში,  იგეგმება სომხეთის პრეზიდენტისა და საქართველოს პრეზიდენტის პირისპირ და გაფართოებულ ფორმატში შეხვედრები, რის შემდეგაც ორი ქვეყნის პირველი პირები მედიისთვის ერთობლივ განცხადებებს გააკეთებენ.

გარდა ამისა,  სომხეთის პრეზიდენტი საქართველოს პარლამენტის თავმჯდომარეს არჩილ თალაკვაძესაც შეხვდება.

თბილისში ვიზიტის ფარგლებში სარქისიანი სომხურ საკათედრო ტაძარსაც დაათვალიერებს.

საქართველომ და სომხეთმა დიპლომატიური ურთიერთობები 1992 წლის 17 ივლისს დაამყარეს. ქვეყნები ბევრ სფეროში თანამშრომლობენ. ყველაზე ინტენსიურია თანამშრომლობა ვაჭრობის სფეროში. ქვეყნებს თავისუფალი ვაჭრობის რეჟიმი მოქმედებს, ხოლო სომხეთი საქართველოს ძირითადი სავაჭრო პარტნიორთა ათეულში შედის.

3
თემები:
საქართველოს პრეზიდენტი
მართლმსაჯულება

სასამართლომ დავით კოდუას პატიმრობა შეუფარდა

12
(განახლებულია 14:44 14.04.2021)
პროკურატურამ ოჯახის წევრების მიმართ ფიზიკური ძალადობის ფაქტზე ბიზნესმენს  ბრალი 13 აპრილს წარუდგინა.

თბილისი, 14 აპრილი - Sputnik. თბილისის საქალაქო სასამართლომ ბიზნესმენ დავით კოდუას აღკვეთის ღონისძიების სახით პატიმრობა შეუფარდა, იუწყება „პირველი არხი“.

პოლიციამ საქართველოს შსს-ს სპეციალური ოპერატიული დეპარტამენტის ყოფილი ხელმძღვანელის, ერეკლე კოდუას ძმა, ბიზნესმენი დავით კოდუა 12 აპრილს, მეუღლის შეტყობინების საფუძველზე დააკავა. 

სასამართლო სხდომაზე დაცვის მხარე აღკვეთის ღონისძიების ნაცვლად გირაოს შეფარდებას, ბრალდების მხარე კი დაკავებულის პატიმრობას ითხოვდა, რაც მოსამართლემ სრულად გაიზიარა.

როგორც ბრალდებულმა დავით კოდუამ სასამართლო სხდომაზე განაცხადა, ოჯახურ ძალადობას ადგილი არ ჰქონია. მისი თქმით, კონფლიქტი მისმა მეუღლემ დაიწყო, თავად კი კონფლიქტისგან თავის არიდებას ცდილობდა.

„არ მინდოდა კონფლიქტი და გამოვედი. ოთხი შვილის მამა, შვილიშვილის ბაბუა ვარ, ემოციებით დატვირთული ქალი იყო და ეჭვიანობის ნიადაგზე გაუგებრობა მოხდა“, - განაცხადა კოდუამ.

მომხდარზე გამოძიება საქართველოს სსკ-ის 126-ე პრიმა მუხლით მიმდინარეობს, რაც ოჯახში ძალადობას გულისხმობს.

12
თემები:
კრიმინალი საქართველოში