გიგა ბოკერია

ბოკერია ელისაშვილზე: „იყოს კობახიძის სპიკერი“

87
(განახლებულია 20:05 11.12.2020)
ოპოზიციური პარტიების ლიდერთაგან პირველი, ვინც ოპოზიციაში შესაძლო განხეთქილებასა და ბოიკოტის გადაწყვეტილების შეცვლაზე განცხადება გააკეთა, პარტია „მოქალაქეების“ ლიდერი ალეკო ელისაშვილი იყო, ოპოზიციის სხვა ლიდერებმა მისი პოზიცია არ გაიზიარეს.

თბილისი, 11 დეკემბერი – Sputnik. პარტია „მოქალაქეების“ თავმჯდომარემ ალეკო ელისაშვილმა არჩევანი გააკეთა, რომ ოპოზიციაში აღარ იყოს, იყოს კობახიძის სპიკერი, განაცხადა „ევროპული საქართველოს“ ერთ-ერთმა ლიდერმა გიგა ბოკერიამ.

საქართველოს პარლამენტში არჩევნების შედეგად რვა ოპოზიციური პარტია მოხვდა, რომლებმაც არსებული 150-დან 60 ადგილი გადაინაწილეს. ბოლო დრომდე ისინი მმართველი პარტია „ქართული ოცნების“ წინააღმდეგ ერთიანი ფრონტით იბრძოდნენ, პარლამენტში შესვლაზე უარს აცხადებდნენ და რიგგარეშე არჩევნების ჩატარებას ითხოვდნენ. ოპოზიციური პარტიების ლიდერთაგან პირველი, ვინც ოპოზიციაში შესაძლო განხეთქილებასა და ბოიკოტის გადაწყვეტილების შეცვლაზე განცხადება გააკეთა, პარტია „მოქალაქეების“ ლიდერი ალეკო ელისაშვილი გახდა.

მე-10 მოწვევის პარლამენტის პირველი სხდომა ოპოზიციის მხარდამჭერთა აქციების ფონზე გაიხსნა. პარლამენტის სხდომის პარალელურად ოპოზიციური პარტიების წარმომადგენლებმა მოსწავლე ახალგაზრდობის სასახლის ბაღში სადეპუტატო მანდატებზე უარი საჯარო განცხადებაზე ხელმოწერით დააფიქსირეს. ოპოზიციის ერთობლივ მემორანდუმს ხელი არ მოაწერა ოთხმა პარტიამ – „საქართველოს პატრიოტთა ალიანსმა“, „გირჩმა“, „რესპუბლიკურმა პარტიამ“ და „მოქალაქეებმა“.

გიგა ბოკერიას თქმით, ახლა უკვე აღარ აქვს მნიშვნელობა, როგორ მოიქცევა ალეკო ელისაშვილი.

„ვისურვებდი აქამდე არ მიეყვანა საქმე თავისი თავისთვის, მაგრამ კიდევ ერთხელ ვიმეორებ, ამ ტიპის საქციელი ცალკეული პერსონების მხრიდან მათ პოლიტიკურ კარიერას ასრულებს“, – განაცხადა ბოკერიამ.

რაც შეეხება სხვა ოპოზიციურ პარტიებს, გიგა ბოკერიას განცხადებით, „გირჩი“ იმავე პოზიციაზეა – სიების „ჩახსნა“ და გამოსვლა პარლამენტიდან, ვიდრე არ იქნება შეთანხმება მიღწეული. რაც შეხება „რესპუბლიკელებს“, „აქ რაღაც წინააღმდეგობრივი ინფორმაციები ვრცელდება და არ უნდა რამე დააბრალოს“.

„მე არავის შეურაცხყოფას არ ვაყენებ, მაგრამ პოლიტიკური სპექტრის პოზიცია არის მყარი. რამდენიმე ადამიანი თუ ასეთ შეცდომას დაუშვებს, ეს ვერ შეცვლის ამ სურათს და ვერ შეუმსუბუქებს ივანიშვილს რეჟიმს. რაც შეეხება ალეკო ელისაშვილს, მან არჩევანი გააკეთა, რომ ოპოზიციაში აღარ იყოს და კობახიძის სპიკერი იყოს“, – განაცხადა ბოკერიამ.

„თავისუფალი საქართველოს“ ლიდერი კახა კუკავაც მიიჩნევს, რომ ოპოზიციაში განხეთქილება არ არის.

„ალეკო ელისაშვილი გადავულოცეთ ხელისუფლებას, ის აღარ არის ჩვენს რიგებში. აზრთა სხვადასხვაობა შეიძლება იყოს, მაგრამ ეს პარლამენტი რომ არის არალეგიტიმური და ამ პარლამენტში შესვლას არავინ აპირებს, ეს საკითხი დახურულია. ელისაშვილი არის გამონაკლისი და ღმერთმა მშვიდობაში მოახმაროს ბიძინა ივანიშვილს, ივანიშვილს მეტი არც ერთი პარტიის იმედი არ შეიძლება ჰქონდეს“, – აღნიშნა კუკავამ.

31 ოქტომბრის საპარლამენტო არჩევნების შედეგებით, პარტია „მოქალაქეებს“ ორი მანდატი ერგება და ამით პარლამენტში ალეკო ელისაშვილი და ლევან იოსელიანი მოხვდნენ.

რაც შეეხება „რესპუბლიკელებს“, კახა კუკავას თქმით, მათ გააკეთეს განცხადება, რომ როგორც კი მოლაპარაკების პროცესი დაიხურება, „რესპუბლიკელებიც“ შეწყვეტენ დეპუტატის მანდატს და არ შევლენ პარლამენტის შემადგენლობაში.

მეათე მოწვევის პარლამენტის პირველი სხდომა დღეს გაიხსნა. გუშინ კი მმართველ პარტიასა და პარლამენტში შესულ რვა ოპოზიციურ პარტიას შორის მოლაპარაკებთა მეხუთე რაუნდი იყო დაგეგმილი, სადაც შექმნილი პოლიტიკური კრიზისიდან გამოსვლის გზები უნდა განხილულიყო. თუმცა მოლაპარაკებები გადაიდო.

დღევანდელ საპარლამენტო სხდომაზე კი უკვე აირჩიეს პარლამენტის თავმჯდომარე და მისი მოადგილეები. იმის გამო, რომ სხდომას ოპოზიციის არც ერთი წარმომადგენელი არ ესწრებოდა, ორი ვიცე-სპიკერის პოსტი ვაკანტური დარჩა.

87
თემები:
საქართველოს პოლიტიკური ცხოვრება (258)
ევროსაბჭოს საპარლამენტო ასამბლეა

ქართული დელეგაცია ევროსაბჭოს საპარლამენტო ასამბლეის სესიაში მიიღებს მონაწილეობას

8
დღეს სტრასბურგში გაიხსნება ევროსაბჭოს საპარლამენტო ასამბლეის (PACE) ზამთრის სესია, რომელიც მთელ კვირას გასტანს

თბილისი, 25 იანვარი – Sputnik. საქართველოს პარლამენტის მუდმივმოქმედი დელეგაცია 25-29 იანვარს ევროპის საბჭოს საპარლამენტო ასამბლეის ზამთრის სესიაში მიიღებს მონაწილეობას, ნათქვამია საქართველოს პარლამენტის მიერ გავრცელებულ განცხადებაში.

ქართულ დელეგაციას პარლამენტის თავმჯდომარის მოადგილე კახა კუჭავა უხელმძღვანელებს.

უწყების ინფორმაციით, ეს არის საპარლამენტო დელეგაციის პირველი ვიზიტი, რომელიც მეათე მოწვევის პარლამენტის ფარგლებში განხორციელდება.

სესიაზე მსჯელობის მთავარი საგანი გლობალური პანდემია და კოვიდ–19-ის საწინააღმდეგო ვაქცინები იქნება. დელეგატებს სიტყვით მიმართავს ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეიესუსი.

ამასთან, სასესიო და საკომიტეტო მუშაობის პარალელურად, დელეგაციის წევრები გამართავენ მაღალი დონის შეხვედრებს.

„ჩვენთვის ძალიან მნიშვნელოვანი იყო ამ ვიზიტის განხორციელება, რადგან არის ბევრი აქტუალური საკითხი, ანგარიში, რომელიც საქართველოს ეხება. ჩვენ ვაპირებთ, ძალიან აქტიურად მივიღოთ მონაწილეობა ამ განხილვებში“, - განაცხადა კუჭავამ.

მისი ინფორმაციით, ერთ-ერთი მნიშნელოვანი დოკუმენტი, რომელიც პირველივე დღეს იქნება წარმოდგენილი, გახლავთ ევროსაბჭოს სადამკვირვებლო მისიის ანგარიში, რომელიც  2020 წლის 31 ოქტომბრის არჩევნებს შეეხება.

ანგარიშს დღევანდელ სხდომაზე წარადგენს მისიის ხელმძღვანელი, ჰოლანდიელი დეპუტატი ტინი კოქსი.

„ჩვენთვის ასევე მნიშვნელოვანია მონიტორინგის ანგარიში და ის დადებითი შეფასებები, რომელიც წარმოდგენილია საქართველოს მიმართ“, -  განაცხადა კახა კუჭავამ.

სტრასბურგში მყოფი დელეგაციის შემადგენლობაში მმართველი პარტიიდან არიან ირაკლი კობახიძე, მარიამ ქვრივიშვილი, გივი მიქანაძე, თამარ ტალიაშვილი, ირაკლი ჩიქოვანი და გიორგი ხოჯევანიშვილი. დელეგაციის წევრია „ევროპელი სოციალისტების“ წარმომადგენელი ფრიდონ ინჯიაც.

8
თემები:
საქართველოს პარლამენტი
დონალდ ტრამპი

ექს-პრეზიდენტმა ახალი პარტიის დაარსება გადაიფიქრა

11
(განახლებულია 10:27 25.01.2021)
მანამდე გავრცელდა ინფორმაცია, რომ პრეზიდენტი ქვეყანაში ახალი პოლიტიკური ძალის დაარსებას აპირებდა, რაზეც უკვე იმსჯელა კიდეც მომხრეებთან

თბილისი, 25 იანვარი — Sputnik. აშშ–ის ექს–პრეზიდენტმა დონალდ ტრამპმა გადაიფიქრა ქვეყანაში მესამე ძლიერი პოლიტიკური პარტიის შექმნაზე, რომელიც დემოკრატებსაც გაუწევდა კონკურენციას და რესპუბლიკელებსაც, იუწყება ტელეარხი Fox News–ი.

​მანამდე გავრცელდა ინფორმაცია, რომ დონალდ ტრამპმა თავის მომხრეებთან ახალი პარტიის შექმნის იდეა განიხილა, რომლისთვისაც სახელად „პატრიოტული პარტიის“ წოდებას აპირებდა.

ტრამპის შტაბის მრჩევლის, ჯეისონ მილერის თქმით, ყოფილმა პრეზიდენტმა „ნათლად მიანიშნა“, რომ საკუთარ ძალებს რესპუბლიკელების დახმარებისკენ მიმართავს წარმომადგენელთა პალატასა და სენატში 2022 წლის არჩევნებზე.

თავის მხრივ, გაზეთ New York Times–ის კორესპონდენტი მეგი ჰებერმანი საკუთარ Twitter–ზე წერს, რომ ტრამპს იდეა გადააფიქრებინეს.

როგორც პოლიტოლოგები აღნიშნავენ, ახალი პარტიის დაარსებით ტრამპს შეუძლია ზიანი მიაყენოს რესპუბლიკურ პარტიას, რომლის გარკვეულ წევრებთან უთანხმოება ჰქონდა მას შემდეგ, რაც რამდენიმე მათგანმა განაცხადა, რომ პრეზიდენტმა ხალხს 6 იანვრის არეულობისკენ უბიძგა, რა დროსაც ტრამპის მომხრეები კაპიტოლიუმში შეიჭრნენ და შეეცადნენ, ხელი შეეშალათ 3 ნოემბრის საპრეზიდენტო არჩევნების შედეგების დამტკიცებისთვის. აღნიშნული არეულობების შედეგად რამდენიმე ადამიანი დაიღუპა.

11
თემები:
საერთაშორისო პანორამა