მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

პრემიერი გახარია: საქართველო გმობს საზარელ ტერორისტულ აქტს ვენაში

© REUTERS / LISI NIESNERპოლიციის სპეცრაზმი ვენაში ტერორისტული თავდასხმის ადგილზე
პოლიციის სპეცრაზმი ვენაში ტერორისტული თავდასხმის ადგილზე - Sputnik საქართველო
გამოწერა
პრემიერმა მიუსამძიმრა ვენაში ტერაქტის დროს დაღუპულთა ოჯახებს და აღნიშნა, რომ საქართველო ავსტრიელებისა და მთელი მსოფლიოსადმი სოლიდარულია ტერორიზმის წინააღმდეგ ბრძოლაში.

თბილისი, 3 ნოემბერი – Sputnik. საქართველო გმობს ვენაში მომხდარ ტერორისტულ აქტს და უსამძიმრებს მსხვერპლთა ოჯახებს – დაწერა საქართველოს პრემიერ-მინისტრმა გიორგი გახარიამ twitter-ის ბლოგში.

2 ნოემბერს ავსტრიის დედაქალაქში უცნობების ჯგუფმა შეიარაღებული თავდასხმების სერია მოაწყო. თავდასხმის ერთ-ერთი ობიექტი სინაგოგა იყო. ავსტრიის მთავრობამ ვენაში მომხდარს ტერაქტის შეფასება მისცა.

„საქართველო მკაცრად გმობს ვენაში განხორციელებულ საზარელ ტერორისტულ აქტს. ვუსამძიმრებთ ამ საშინელი თავდასხმის მსხვერპლთა ოჯახებს, მეგობრებს და დაშავებულებს სწრაფ გამოჯანმრთელებას ვუსურვებთ. ჩვენ ავსტრიელებისა და მთელი მსოფლიოსადმი სოლიდარულები ვართ ტერორიზმის წინააღმდეგ ბრძოლაში“, – დაწერა გიორგი გახარიამ.

ტერაქტის შემდეგ ავსტრიაში უსაფრთხოების ზომები გაძლიერდა: თვითმხილველის ვიდეო>>

როგორც ცნობილია, დაშავებულია 15 ადამიანი, რომელთაგან შვიდი მძიმედაა დაჭრილი და საავადმყოფოშია მოთავსებული. ბოლო ცნობით, დაღუპულია ოთხი ადამიანი.

ავსტრიის ხელისუფლებამ მომხდარის შემდეგ ქვეყნის მთელ ტერიტორიაზე, ასევე საზღვრებზე და, განსაკუთრებით, დედაქალაქ ვენაში უსაფრთხოების ზომები გააძლიერა.

ყველა ახალი ამბავი
0