მეტრო

საზოგადოებრივ ტრანსპორტში შეიძლება მგზავრთა რაოდენობაზე ლიმიტი დაწესდეს

207
(განახლებულია 18:56 22.05.2020)
მთავრობას არ სურს გარისკვა, ამიტომაც არ ჩქარობს საზოგადოებრივი ტრანსპორტის მუშაობაზე დაწესებული შეზღუდვის გაუქმებას.

თბილისი, 22 მაისი — Sputnik. საქართველოში საზოგადოებრივ ტრანსპორტში მგზავრთა რაოდენობაზე შეიძლება ლიმიტი დაწესდეს, განაცხადა ჯანდაცვის მინისტრმა ეკატერინე ტიკარაძემ ბრიფინგზე.

მისი სიტყვებით, მთავრობა მუშაობს რეკომენდაციებზე, რომელთა გათვალისწინებაც საზოგადოებრივი ტრანსპორტის მუშაობისას უნდა მოხდეს – გარკვეული სტანდარტები ცნობილი მომდევნო კვირაში გახდება.

„შეიძლება დაწესდეს ლიმიტი და ამ შემთხვევაში მნიშვნელოვანია მძღოლის ინდივიდუალური დაცვა“, – განაცხადა ტიკარაძემ.

მისი განმარტებით, მთავრობა ითვალისწინებს იმ ფაქტსაც, რომ მას შემდეგ, რაც საზოგადოებრივი ტრანსპორტი ამუშავდება, სოციალური დისტანციის დაცვა რთული იქნება. 

„სწორედ ამის გათვალისწინებით მნიშვნელოვანია ძალიან დეტალური მუშაობა იმისთვის, რომ მომავალში გარკვეული რისკები არ წარმოიშვას, რის გამოც მთავრობა შეიძლება კვლავ იძულებული გახდეს საგანგებო მდგომარეობა შემოიღოს და ჩვენ მოგვიწევს იმ სტატუსთან დაბრუნება, რომელიც მარტში გვქონდა“, – აღნიშნა ტიკარაძემ.

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ პაატა იმნაძემ, თავის მხრივ, ბრიფინგზე განაცხადა, რომ საზოგადოებრივ ტრანსპორტში პირბადის ტარება სავალდებულო იქნება.

„მესმის, რომ ახლა ზაფხულია, ადამიანებს ყველაფერი მობეზრდათ, ბევრი დისკომფორტი იყო. ამ დისკომფორტის ნაწილი მოიხსნება, თუმცა, სამწუხაროდ, ნაწილი დარჩება. და ჩვენ ამასთან შეგუება მოგვიწევს ტრანსპორტშიც. ტრანსპორტში პირბადის ტარება სავალდებულო გახდება“, – განაცხადა იმნაძემ.

მისი სიტყვებით, ჯერ ადრეა პანდემიის დასრულების გამოცხადება.

საზოგადოებრივი ტრანსპორტის მუშაობა ერთ-ერთი ყველაზე აქტუალური საკითხია, რომელიც მოსახლეობას აწუხებს. დღეისათვის ტაქსი – თბილისში გადაადგილების ერთადერთი საშუალებაა.

კორონავირუსის გავრცელების პრევენციის მიზნით საქართველოში 21 მარტიდან საგანგებო მდგომარეობა გამოცხადდა. 31 მარტიდან საყოველთაო კარანტინი და კომენდანტის საათი დაწესდა, ასევე მუშაობა შეაჩერა საზოგადოებრივმა ტრანსპორტმა და მეტრომ. 18 მარტიდან კი თბილისში სამარშრუტო ტაქსების მოძრაობა აიკრძალა.

ბოლო დღე-ღამეში საქართველოში კორონავირუსის ორი ახალი შემთხვევა გამოვლინდა და, stopcov.ge-ს განახლებული მონაცემებით, 723-ს მიაღწია. გამოჯამრთელებულია 495, გარდაცვლილია 12. კარანტინში იმყოფება 3 259 ადამიანი, სტაციონარებში მეთვალყურეობის ქვეშ 323. უცხოეთიდან სამკურნალოდ საქართველოში სამი თანამემამულეა გადმოყვანილი.

საქართველოში კორონავირუსის პირველი შემთხვევა 26 თებერვალს გამოვლინდა.

207
თემები:
COVID-19 საქართველოში (1155)
მაია ბარათაშვილი

ქართველი ჯაზ-მომღერალი ონლაინ-კონცერტს გამართავს

55
წელს მომღერალი აღნიშნავს ორ დიდ იუბილეს - დაბადებიდან 50 წლის და მუსიკალური მოღვაწეობის 30 წლის იუბილეს

თბილისი, 7 ივლისი — Sputnik. ცნობილი ქართველი ჯაზ-მომღერალი მაია ბარათაშვილი გამართავს ონლაინ-კონცერტს სამშაბათს, 7 ივლისს - მაყურებელი შემსრულებელს იხილავს პირდაპირ ეთერში სტუდია Lenø Records-ის Facebook-გვერდზე.

მაია, რომელიც წელს აღნიშნავს ორ დიდ იუბილეს - დაბადებიდან 50 წლის და მუსიკალური მოღვაწეობის 30 წლის იუბილეს, ვირტუალურ სცენაზე თავის ბენდთან ერთად წარდგება. ესენი არიან პიანისტი გიორგი რაქვიაშვილი, გიორგი სამსონაძე - ბასი/კონტრაბასი, ჯორჯ მელი - აღიარებული დრამერი/არანჟირებების ავტორი/შემსრულებელი.

მაია ბარათაშვილმა ჯაზის შესრულება 1996 წლიდან დაიწყო. მას შემდეგ მსოფლიოს მასშტაბით მონაწილებს სხვადასხვა საერთაშორისო ჯაზ-ფესტივალებში.

იგი სცენაზე არაერთი ცნობილი მუსიკოსის გვერდით მდგარა, მათ შორისაა ცნობილი ჯაზ-მომღერალი და კომპოზიტორი ჯორჯ დიუკი. 1998 წლიდან ბარათაშვილი თბილისის მერიასთან არსებული საესტრადო ორკესტრის სოლისტია. მას არაერთი სოლო-ალბომი აქვს გამოშვებული, მათ შორის, ცნობილი A First Footer, „მაია ბარათაშვილი და იგორ ბრილი“, „სიყვარულის შესახებ და არა მარტო“ და ა.შ.

55
თემები:
საქართველო და კულტურა
სასწრაფო დახმარების ბრიგადა

ავარია კახეთში: ერთი ადამიანი დაიღუპა, ორი დაშავდა

74
(განახლებულია 23:17 07.07.2020)
ქვემო მაჩხაანიდან ბოდბისხევის მიმართულებით მოძრავი ავტომობილი ელექტროგადამცემი ხაზის ბოძს შეეჯახა.

თბილისი, 7 ივლისი — Sputnik. სიღნაღის მუნიციპალიტეტში ავტოავარიის შედეგად ახალგაზრდა მამაკაცი დაიღუპა.

პირველი არხის ინფორმაციით, ქვემო მაჩხაანიდან ბოდბისხევის მიმართულებით მოძრავი ავტომობილი ელექტროგადამცემი ხაზის ბოძს შეეჯახა.

ახალგაზრდა მამაკაცი ადგილზე გარდაიცვალა, კიდევ ორი წნორში „არქიმედეს“ კლინიკაში გადაიყვანეს. დაშავებულებს სამედიცინო გამოკვლევები უტარდებათ.

შემთხვევის ადგილზე სამართალდამცველები და ექსპერტ-კრიმინალისტები მუშაობენ.

74
თემები:
შემთხვევები საქართველოში
ნახევარმთვარე

როგორ მოქმედებებს ახალმთვარეობა ზოდიაქოს ნიშნებზე

0
(განახლებულია 12:40 07.07.2020)
ახალმთვარეობა ცხოვრებაში ახალი ეტაპის სიმბოლოა. როგორ მოქმედებს ის ზოდიაქოს ნიშნებზე, ვინ უნდა იყოს უფრო ფრთხილად და ვისთვის კი ეს ძალზე ხელსაყრელი დროა - ამის შესახებ გაეცანით ჩვენს სტატიას

მთვარე დედამიწასთან ყველაზე ახლოს მყოფი პლანეტაა, ამიტომ ის სხვა პლანეტებზე უფრო ძლიერ გავლენას ახდენს ადამიანებზე.

მთვარის ოთხი ძირითადი ფაზა არსებობს - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ ახალმთვარეობის გავლენას ზოდიაქოს ნიშნებზე.

ვერძი

ახალმთვარეობის დადგომისთანავე ვერძებს ძველისგან, დრომოჭმულისგან გათავისუფლების სურვილი უჩნდებათ. სერიოზული ცვლილებების დაჩქარება არ ღირს, მაგრამ, მაგალითად, ძველი ნივთების გადაყრა, ტელეფონის გაწმენდა არასაჭირო კონტაქტებისგან, ვისთანაც დიდი ხანია, ურთიერთობა აღარ გაქვთ, ძალიან წაგადგებათ.

კურო

ახალმთვარეობას ნებისმიერ შემთხვევაში მოაქვს ცვლილებები, მაგრამ პრობლემა ისაა, რომ კონსერვატიულ კუროებს ის მაინცდამაინც არ გიყვართ. ამასთან, ახალმთვარეობას თქვენთვის ენერგიის ძლიერი მუხტის მოცემა შეუძლია, რათა პრიორიტეტებს გადახედოთ. ასე რომ, ეცადეთ, მთლიანად დაიმუხტოთ ამ დღის ენერგიით. ამაში დაგეხმარებათ სეირნობა, მედიტაცია ან საყვარელი ჰობი.

როგორ უნდა გავაძლიეროთ ჩვენი ენერგეტიკა ზოდიაქოს ნიშნის მიხედვით>>

ტყუპი

ტყუპებისთვის, რომლებიც ისედაც ენერგიას „აფრქვევენ", დამატებითი, ახალმთვარეობის ნაკადი უკვე შეიძლება ზედმეტი აღმოჩნდეს. აქედან გამომდინარე, ამ პერიოდში არ მიიღოთ ნაჩქარევი გადაწყვეტილებები. სჯობს, ყურადღება შემდგომი თვის დაგეგმვაზე გაამახვილოთ.

კირჩხიბი

როგორც შემოქმედებითი პიროვნებები, კირჩხიბები მუდამ მოხარული ხართ, რომ მოსინჯოთ რამე ახალი. ახალმთვარეობა ამისთვის საუკეთესო პერიოდია. მთვარის ეს ფაზა, შესაძლოა, დაგეხმაროთ ცხოვრების უკეთესობისკენ შეცვლაში თვითგამოხატვის საშუალებით.

ლომი

ახალმთვარეობის პერიოდში ლომებს ყურადღების ცენტრში ყოფნის სურვილი გიმძაფრდებათ. ამიტომ თამამად შეხვდით მეგობრებს, წადით პაემანზე, გაიცანით ადამიანები. ეს ბევრ საინტერესო მომენტს გპირდებათ.

ზოდიაქოს რომელ ნიშნებს აქვთ ძლიერი ენერგეტიკა>>

ქალწული

ქალწულები შესანიშნავი ორგანიზატორები ხართ, ხოლო ახალმთვარეობისას ეს უნარი მრავალგზის ძლიერდება. აქედან გამომდინარე, მთვარის ეს ფაზა შესანიშნავი დროა იმისთვის, რომ დაუბრუნდეთ გადადებულ პროექტებს, საქმეებს, გადაწყვიტოთ, ღირს თუ არა მათი რეალიზება და თუ საჭიროდ ჩათვლით, რომ ღირს, მაშინ შეუდგეთ კიდეც მოქმედებებს.

სასწორი

სასწორების ნაკლი ისაა, რომ გადაწყვეტილების მიღება გიჭირთ. მაგრამ ახალმთვარეობის მაღალი ენერგია თითქოს „გაცოცხლებთ" და აუცილებელ ძალას გაძლევთ. ამიტომ ამ დღეებში კარგი იქნება, თუ მიხედავთ გრძელვადიან გეგმებს და ადამიანებთან კომუნიკაციას. ყველა საკითხი წარმატებით გადაიჭრება.

მორიელი

ჯიუტი მორიელებისთვის ახალმთვარეობა კარგი დროა იმისთვის, რომ დაფიქრდეთ საკუთარ საქციელზე და გულისყური მიმართოთ იმაზე, რომ რაღაც შეცვალოთ თქვენს თავში. ეს დღეები კიდევ იმისთვისაა კარგი, რომ ძველი წყენები დაივიწყოთ.

ყველაზე, ყველაზე... ზოდიაქოს ნიშნების ძლიერი მხარეები>>

მშვილდოსანი

მშვილდოსანი ის ნიშანია, რომელსაც მუდამ სწამს მომავლის და ცვლილებების არ ეშინია. ახალმთვარეობის ცინცხალი ენერგია გაძლევთ სტიმულს, რომ გაარღვიოთ ჩაკეტილი წრე, ცხოვრების რა სფეროსაც არ უნდა ეხებოდეს და სცადოთ რამე ახალი.

თხის რქა

რამდენადაც თხის რქებს არ გიყვართ დროისა და ენერგიის ტყუილუბრალოდ დახარჯვა, ეს მშვენიერი დროა იმისთვის, რომ საკუთარ ცხოვრებას გვერდიდან შეხედოთ და გათავისუფლდეთ იმ ყველაფრისგან, რასაც სარგებლობა არ მოაქვს.

მერწყული

მერწყულებში ახალმთვარეობისას განსაკუთრებით ძლიერდება სურვილი, რომ იყოთ ორიგინალური და სხვებისგან განსხვავდებოდეთ. უბრალოდ, საჭიროა ამ ყველაფრის სწორ კალაპოტში მიმართვა. მაგალითად, ძველი ჩვევებისგან გათავისუფლება, რომლებიც არაფერში აღარ გჭირდებათ და ცხოვრებაში ახალი, პროდუქტიული უნარების ჩართვა.

როგორ გავწმინდოთ სახლი ნეგატიური ენერგიისგან - სასარგებლო რჩევები>>

თევზები

ახალმთვარეობის ენერგია გაიძულებთ, დაფიქრდეთ იმაზე, თუ რა გიშლით ხელს საკუთარი მიზნების მიღწევაში. მთავარი კი ისაა, რომ ეს პერიოდი სტიმულს გაძლევთ, დაბრკოლებებისგან უმტკივნეულოდ გათავისუფლდეთ.

0