ნიკოლოზ გამყრელიძე

„გამოჯანმრთელებულებს შორის გამყრელიძეა“ ამირან გამყრელიძის შვილი მიმართვას ავრცელებს

36938
(განახლებულია 17:49 23.03.2020)
ამირან გამყრელიძის შვილს კორონავირუსი 7 მარტს დაუდგინდა, მას ვირუსი იტალიიდან ჩამოსული თანამშრომლისგან გადაედო. თვითიზოლაციაში იმყოფებოდა მისი ცოლ-შვილიც.

თბილისი, 23 მარტი – Sputnik. სამედიცინო კორპორაცია „ევექსის” მმართველი „საქართველოს ჯანდაცვის ჯგუფის” (GHG) დირექტორი ნიკოლოზ გამყრელიძე ერთ-ერთია იმ დაავადებულთაგან, რომელიც კორონავირუსისგან განიკურნა. ინფორმაცია ჟურნალისტმა გოდერძი შარაშიამ სოციალურ ქსელში გაავრცელა. მოგვიანებით პოსტი თავად ნიკოლოზ გამყრელიძემაც დაწერა.

„გაუფრთხილებლობით შეიძლება უბრალოდ მოვკლათ სხვა ადამიანი და ეს ადამიანი შეიძლება ჩვენი ძალიან ახლობელიც აღმოჩნდეს (ეს არ არის გადაჭარბებულად ნათქვამი). ძალიან გთხოვთ, გავითვალისწინოთ ის რეკომენდაციები, რასაც ეპიდემიოლოგები გვაძლევენ, და ყველაზე მნიშვნელოვანი მათ შორის – სოციალური დისტანცირება", – წერს ნიკოლოზ გამყრელიძე.
მოგვიანებით გამყრელიძემ კიდევ ერთი განცხადება გაავრცელა, სადაც წერს, რომ ჯერჯერობით, გამოჯანმრთელებულთა სიაში თავად არაა. სოციალური ქსელიდან განცხადება ჟურნალისტმა გოდერძი შარაშიამაც წაშალა.

დაავადებათა კონტროლის ცენტრის დირექტორის ამირან გამყრელიძის შვილს ნიკოლოზ გამყრელიძეს კორონავირუსი დაუდგინეს. ამის შესახებ თავად ნიკოლოზ გამყრელიძემ „ფეისბუქზე“ 7 მარტს დაწერა.

ამ დროისთვის საქართველოში დადასტურებულია კორონავირუსის 54 შემთხვევა. მათ შორის გამოჯანმრთელებულია – 5. კარანტინის რეჟიმში იმყოფება 3320, ხოლო სტაციონარებში მეთვალყურეობის ქვეშ – 235. მარნეულისა და ბოლნისის მუნიციპალიტეტები კორონავირუსით გამოწვეული მდგომარეობის გამო დღეიდან მკაცრ საკარანტინო რეჟიმზე გადავიდა.

36938
თემები:
კორონავირუსმა საქართველომდეც მოაღწია: ბოლო ცნობები (852)
გუდაური

გუდაურში წყალმომარაგების პრობლემა აღმოიფხვრება  

4
(განახლებულია 17:07 02.12.2020)
პროექტების განხორციელების შედეგად, საკურორტო ზონა წყლისა და წყალარინების გამართული ინფრასტრუქტურითა  და 24-საათიანი, უწყვეტი წყალმომარაგებით იქნება უზრუნველყოფილი.

თბილისი, 2 დეკემბერი - Sputnik. დაბა გუდაურში წყლისა და წყალარინების ინფრასტრუქტურის მოწყობა აქტიურად მიმდინარეობს, ნათქვამია  „საქართველოს გაერთიანებული წყალმომარაგების კომპანიის“ Facebook-გვერდზე გავრცელებულ განცხადებაში.

კომპანიის დირექტორი გიგა მანდარია გუდაურში მიმდინარე პროექტებს ადგილზე გაეცნო და არსებული ვითარება შეაფასა.

უწყების ცნობით,  ამ დროისთვის გუდაურში როგორც საერთაშორისო, ასევე ადგილობრივი ბიუჯეტით დაფინანსებული რამდენიმე პროექტი მიმდინარეობს.

კერძოდ, პროექტებით გათვალისწინებულია წყალმომარაგებისა და წყალარინების სისტემისა და წყალარინების გამწმენდი ნაგებობების მშენებლობა, რომელიც ექსპლუატაციაში შესვლის შემდეგ ჩამდინარე წყლების წმენდას სრული ბიოლოგიური ციკლის დაცვით განახორციელებს. ასევე აშენდება რეზერვუარი, 34 კილომეტრამდე საკანალიზაციო და 3 კილომეტრამდე წყალმომარაგების ქსელი.

დასრულების ეტაპზეა სათავე ნაგებობებისა და ჭაბურღილების მოწყობა.

კომპანიის ინფორმაციით, სამუშაოების შედეგად გუდაურის მოსახლეობა და იქ ჩასული დამსვენებლები 24-საათიანი, უწყვეტი წყალმომარაგებითა და წყალარინების გამართული ინფრასტრუქტურით იქნებიან უზრუნველყოფილნი. თანამედროვე სტანდარტების შესაბამისი წყალარინების გამწმენდი ნაგებობები მნიშვნელოვნად შეამცირებს ეკოლოგიური დაბინძურების რისკებს რეგიონში.

დაბა გუდაურის წყალმომარაგების პროექტების   ჯამური ღირებულება დაახლოებით 40 მლნ. ლარს შეადგენს.

მიმდინარე წლის დასაწყისში ზამთრის ორ კურორტზე – გუდაურსა და ბაკურიანში წყალმომარაგების პრობლემა წარმოიშვა. კურორტებზე აღნიშნული პრობლემის აღმოსაფხვრელად რამდენიმე დღის განმავლობაში ინტენსიური სამუშაოები ტარდებოდა. როგორც მაშინ განმარტეს, გუდაურსა და ბაკურიანში წყლის პრობლემა თოვლის არარსებობით იყო გამოწვეული, რადგან დაიცალა რეზერვუარები, რომლებიც თოვლით ივსება.

4
კახა კალაძე

კალაძე: მოხდება მეტრო „ვარკეთილის“ მოდერნიზაცია

23
(განახლებულია 16:14 02.12.2020)
დედაქალაქის მერის განცხადებით, რეაბილიტაციის შემდეგ მეტრო „ვარკეთილი“ ქალაქში ერთ-ერთი საუკეთესო  იქნება.

 

თბილისი, 2 დეკემბერი - Sputnik. მოვუწოდებ დიზაინერებს, დარგის სპეციალისტებს ჩაერთონ მეტროსადგურ „ვარკეთილის“ დიზაინის პროექტის შექმნაში, განაცხადა თბილისის მერმა კახა კალკაძემ დედაქალაქის მთავრობის დღევანდელ სხდომაზე. 

როგორც კალაძემ განაცხადა, ტენდერში გამარჯვებული კომპანიის მიერ წარმოდგენილი დიზაინის რამდენიმე ვარიანტი მუნიციპალიტეტის მოთხოვნებს არ შეესაბამებოდა.

როგორც მერმა აღნიშნა,  რეაბილიტაციის შემდეგ მეტრო „ვარკეთილი“ ქალაქში ერთ-ერთი საუკეთესო  იქნება.

მეტროსადგურ „ვარკეთილში“ 2018 წლის იანვარში უბედური შემთხვევა მოხდა –  შეკიდული ჭერი ჩამოინგრა, შედეგად კი 14 ადამიანი დაშავდა. მას შემდეგ  დედაქალაქის მერია მეტროსადგურის მოდერნიზაციას გეგმავს.

ამჟამად თბილისის მეტროპოლიტენი ორ ხაზზე - ახმეტელი-ვარკეთილის და საბურთალოს ხაზებზე 23 სადგურს ითვლის. მეტროს ხაზების საერთო სიგრძეა 57 კილომეტრი. აქედან პირველი ხაზისა 40 კილომეტრია, ხოლო მეორე ხაზის – 17.

23
თემები:
თბილისის მერია