სპეცოპერაცია

უკრაინაში დაკავებული ტერორისტი ცეზარ ტოხოსაშვილია: ერთობლივი ოპერაცია

162
(განახლებულია 20:35 15.11.2019)
უკრაინის უშიშროების სამსახურის, საქართველოს შინაგან საქმეთა სამინისტროსა და აშშ-ის ცენტრალური სადაზვერვო სამმართველოს (CIA) ერთობლივი ოპერაციის შედეგად დაკავებულია „ისლამური სახელმწიფოს“ ერთ-ერთი ლიდერი.

თბილისი, 15 ნოემბერი — Sputnik. უკრაინის უშიშროების სამსახურმა კიევის ოლქში ტერორისტული ორგანიზაცია „ისლამური სახელმწიფოს“ ერთ-ერთი ხელმძღვანელი, საქართველოს მოქალაქე ალ ბარ შიშანი დააკავა.

„უკრაინის უშიშროების სამსახურის, საქართველოს შინაგან საქმეთა სამინისტროსა და აშშ-ის ცენტრალური სადაზვერვო სამმართველოს (CIA) ერთობლივი ოპერაციის შედეგად დაკავებულია ტერორისტული ორგანიზაცია „ისლამური სახელმწიფოს“ ერთ-ერთი საკვანძო ლიდერი“, — ნათქვამია უკრაინის უშიშროების სამსახურის განცხადებაში.

უწყების ინფორმაციით, დაკავებულია საქართველოს მოქალაქე ალ ბარ შიშანი, იგივე ცეზარ ტოხოსაშვილი, რომელიც 2013 წლიდან სამხედრო ამირას მოადგილე იყო.

გავრცელებული ინფორმაციით, ტერორისტი 2018 წელს უკანონოდ ჩავიდა უკრაინაში ყალბი პასპორტის გამოყენებით, სადაც „ისლამური სახელმწიფოს“ სპეციალური ორგანიზაციების კოორდინირებას განაგრძობდა.

უკრაინის უშიშროების სამსახურის ინფორმაციით, პორტრეტულმა ექსპერტიზამ დაადასტურა, რომ „დაკავებული უცხოელი ნამდვილად არის „ისლამური სახელმწიფოს“ ძებნილი ლიდერი“.

ცეზარ ტოხოსაშვილის დაკავების ფაქტს ადასტურებს საქართველოს უსაფრთხოების სამსახურიც.  

ცეზარ ტოხოსაშვილი ტერორისტული დაჯგუფება "ისლამური სახელმწიფოს" ერთ-ერთი ლიდერის თარხან ბათირაშვილის გარემოცვაში იყო. ის სირიაში 2014 წელს წავიდა. მას შემდეგ უცხოურ მედიაში რამდენჯერმე გავრცელდა ინფორმაცია მისი გარდაცვალების შესახებ, თუმცა, როგორც ჩანს, ტოხოსაშვილი ბოლო დროს უკრაინაში იმყოფებოდა.

 

162
გერმანული ნაგაზი

გერმანულმა ნაგაზმა დედა და ერთი წლის ბავშვი გადაარჩინა

28
(განახლებულია 17:19 06.08.2020)
გერმანულმა ნაგაზმა მაქსმა, რომელმაც სულ ცოტა ხნის წინ დაასრულა წვრთნა, პირველსავე დავალებაზე დედა და ერთი წლის ბავშვი გადაარჩინა

თბილისი, 6 აგვისტო ― Sputnik. პოლიციის ძაღლმა სახელად მაქსმა სამსახურში გასვლის პირველსავე დღეებში დედა და პატარა ბავშვი გადაარჩინა, იუწყება BBC.

​გავრცელებული ინფორმაციით, მიმდინარე წლის თებერვალში, ბრიტანეთში მცხოვრები ოჯახი ორი დღის განმავლობაში ვერ უკავშირდებოდა ერთი წლის ბავშვთან ერთად ავტომობილით სასეირნოდ გასულ ქალს —  მობილური ტელეფონი გამორთული იყო.

საბოლოოდ ოჯახმა პოლიციას მიმართა დახმარებისთვის, რომლებმაც საქმეში პოლიციის კინოლოგები და ძაღლები ჩართეს. მათ შორის იყვნენ პიტერ ლოიდი და მისი ოთხფეხა მეწყვილე — გერმანული ნაგაზი მაქსი, რომლისთვისაც ეს პირველი სერიოზული დავალება იყო — სწავლება და წვრთნა მან სულ ცოტა ხნის წინ დაასრულა.

ირკვევა, რომ კვალი პირველმა მაქსმა აიღო და პოლიციელები მთის ფერდობთან მიიყვანა, სადაც მათ ფრიალო კლდეზე თოვლის ნამქერსა და ქვის ლოდებში გაჭედილი ავტომობილი შენიშნეს.   

სამართალდამცევლებმა მაშინვე გამოიძახეს დამატებითი ძალები — ვერტმფრენი და ასევე სამაშველო ძალები. რამდენიმე საათიანი ოპერაციის შემდეგ მაშველებმა ცოცხლები ამოიყვანეს ავტონობილიდან სიცივისგან გათოშილი და შიმშილით გულშეღონებული დედა–შვილი.

 

28
თემები:
მსოფლიო დღეს
მეამას შენობა

საუკეთესო მსოფლიოში: ქართული „მეამა“ Architizer A+Awards-ის გამარჯვებულია

22
(განახლებულია 16:53 06.08.2020)
არქიტექტორ გიორგი ხმალაძის პროექტმა ონლაინ–კენჭისყრის შედეგებით ველაზე მეტი ხმა მოიპოვა – პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

 

თბილისი, 6 აგვისტო  — Sputnik. ყავის ქართული კომპანია „მეამას“ შენობამ ერთ-ერთი ყველაზე პრესტიჟული საერთაშორისო არქიტექტურული კონკურსი Architizer A+Awards-ის სამ კატეგორიაში გაიმარჯვა და მსოფლიოში საუკეთესო ნაგებობად დასახელდა.

Architizer A+Awards – უდიდესი კონკურსია მსოფლიო არქიტექტურის სფეროში. მისი მიზანია მსოფლიოში წლის საუკეთესო, ყველაზე მნიშვნელოვანი, საინტერესო და გამოჩენილი არქიტექტურული პროექტების პოპულარიზება.

ქართული კომპანიის სათავო ოფისის შენობა ამ საერთაშორისო კონკურსზე იყო წარდგენილი და ფინალში გავიდა. შენობა წარდგენილი იყო სამ ნომინაციაში – საოფისე სივრცე (25 ათას კვადრატულ მეტრზე ნაკლები), ოთხსართულიანი სამუშაო სივრცე და არქიტექტურა და ბეტონი

წარდგენილი ნამუშევრებიდან ჟიურიმ თითოეულ კატეგორიაში ხუთ-ხუთ ფინალისტი შეარჩია. კონკურსანტების მხარდაჭერა მსოფლიოს ნებისმიერი ქვეყნიდან ნებისმიერ მსურველს შეეძლო. გამარჯვებული ონლაინ–კენჭისყრით გამოვლინდა.

"მეამას“ შენობის კონკურენტები ისეთი ცნობილი კომპანიების სამუშაო ადგილები იყო, როგორიცაა Jaguar, TikTok და სხვ.

გამარჯვებული და ასევე ფინალში გასული პროექტები Architizer A+Awards-ის ვებ-გვერდზე განთავსდება. ისინი ასევე წარმოდგენილი იქნებიან ჟურნალში Architizer.com.

თბილისში მდებარე ყავის კომპანიის ოფისის პროექტი ეკუთვნის გიორგი ხმალაძეს კომპანიიდან Khmaladze Architects. პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

გიორგი ხმალაძის პროექტი მოიცავს ყავის მწარმოებელ ფაბრიკას, ოფისებს, სივრცეებს ყავის დაგემოვნებისთვის და ასევე მცირე გამოფენებისთვის. შენობა წარმოადგენს მონოლითურ ბეტონის ფასადს საოცარი გეომეტრიული ფორმებით. შენობას ორიგინალურ იერს სძენს გაზონები სახურავზე.

22
თემები:
საქართველო და კულტურა