Georgian Airways–ის თვითმფრინავი

Georgian Airways–ი დროებით რამდენიმე რეისს აუქმებს

143
(განახლებულია 21:40 11.11.2019)
ავიაკომპანია Georgian Airways ფრენებს 1993 წლის სექტემბრიდან ახორციელებს. კომპანიას 2004 წლის 1-ელ ოქტომბრამდე „აირზენა - საქართველოს ავიახაზები” ეწოდებოდა.

თბილისი, 11 ნოემბერი - Sputnik. ავიაკომპანია Georgian Airways რამდენიმე მიმართულებით ფრენებს დროებით აუქმებს, იუწყება საზოგადოებრივი მაუწყებლის პირველი არხი.  

სამოქალაქო ავიაციის სააგენტოს ცნობით, თბილისი-ბარსელონის მიმართულებით ფრენები უქმდება 2019 წლის 20 ნოემბრიდან 2019 წლის 18 დეკემბრამდე და 2020 წლის 12 იანვრიდან 2020 წლის 4 მარტამდე.

თბილისი-ბოლონიის მიმართულებით ფრენები უქმდება  2019 წლის 8 ნოემბრიდან 2019 წლის 18 დეკემბრამდე და 2020 წლის 10 იანვრიდან 2020 წლის 4მარტამდე.

თბილისი-ბრიუსელის რეისები უქმდება 2019 წლის 21 ნოემბრიდან ამავე წლის 12 დეკემბრამდე და 2020 წლის 16 იანვრიდან 2020 წლის 5 მარტამდე.

თბილისი-ლონდონის მიმართულებით ფრენები უქმდება 2019 წლის 23 ნოემბრიდან ამავე წლის 7 დეკემბრამდე და 2020 წლის 15 იანვრიდან 2020 წლის 11 მარტამდე.

ბარსელონის, ბოლონიის, ბრიუსელისა და ლონდონის მიმართულებით ფრენები, მითითებული თარიღების შუალედში, განრიგის მიხედვით შესრულდება.

ამასთან, თბილისი-პრაღის მიმართულებით ფრენები უქმდება 2019 წლის 19 ნოემბრიდან 2019 წლის 10 დეკმებრამდე.

თბილისი-ბერლინის ფრენები უქმდება 6 და 16 დეკემბერს, ხოლო 2020 წლის 17 იანვრიდან 2020 წლის 6 მარტამდე გაუქმდება ფრენები ყოველ პარასკევს და ამ პერიოდის განმავლობაში ფრენები შესრულდება მხოლოდ ერთი სიხშირით.

ფრენები  თბილისიდან კიევის მიმართულებით 6 ნოემბრიდან 18 დეკემბრამდე უქმდება ოთხშაბათობით და ამ პერიოდის განმავლობაში ფრენები შესრულდება კვირაში ორჯერ.

ავიაკომპანია Georgian Airways ფრენებს 1993 წლის სექტემბრიდან ახორციელებს. კომპანიას 2004 წლის 1-ელ ოქტომბრამდე „აირზენა - საქართველოს ავიახაზები” ეწოდებოდა.

143
თემები:
ავიამიმოსვლა საქართველოში (235)
ატამი

ატმისა და ვაშლატამას მზარდი ექსპორტი: გამოქვეყნდა სამი თვის მონაცემები

2
ატმის ექსპორტის ხელშეწყობის მიზნით საჭირო დოკუმენტაციის მომზადება და გაცემა „ერთი ფანჯრის” პრინციპით ხორციელდება. პროცესში ჩართული არიან ფიტოსანიტარიული და საბაჟო სამსახურები

თბილისი, 26 ივლისი – Sputnik. მიმდინარე წლის 1 მაისიდან 25 ივლისის ჩათვლით საქართველოდან 16.9 მლნ აშშ დოლარის 18.9 ათასი ტონა ატამი და ვაშლატამაა ექსპორტირებული, იუწყება გარემოს დაცვისა და სოფლის მეურნეობის სამინისტრო.

გასული წლის ანალოგიურ პერიოდთან შედარებით, სეზონის დაწყებიდან ატმისა და ვაშლატამას ექსპორტის მოცულობა 6.3 ათასი ტონით, ხოლო ღირებულება - 5.9 მლნ აშშ დოლარით გაიზარდა.

ექსპორტი ძირითადად განხორციელდა რუსეთსა (11,935 ტონა) და სომხეთში (5,872 ტონა), ასევე მცირე რაოდენობით აზერბაიჯანში (269 ტონა), უკრაინაში (493 ტონა) ბელარუსში (99 ტონა), ყაზახეთში (95 ტონა), მოლდოვასა (116 ტონა) და სლოვენიაში (38 ტონა).

ატმის მოსავლის რეალიზაციის ხელშეწყობის მიზნით მთელი სეზონის განმავლობაში სპეციალური სამუშაო ჯგუფი მუშაობს, რომელიც უზრუნველყოფს პროდუქციის ექსპორტისთვის საჭირო დოკუმენტაციის მომზადებასა და გაცემას „ერთი ფანჯრის" პრინციპით.

წელს ატმის მოსავლის დაბინავების პროცესში, შარშანდელი 23-ის ნაცვლად, 36 სამაცივრე მეურნეობაა ჩართული. სამაცივრე მეურნეობებში ატმის ჩაბარების ფასი 1 ლარიდან 1,4 ლარამდეა, ხოლო ვაშლატამასი – 1,8 ლარამდე.

2020 წლის სეზონზე საქართველოდან ექსპორტზე 23,4 ათას ტონაზე მეტი ატამი გავიდა, აქედან მოსავლის საერთო რაოდენობის 80%-ზე მეტი რუსეთში. პროდუქციის ექსპორტი ასევე ხორციელდებოდა უკრაინაში, ყაზახეთში, ერაყში, ირანში, ბელარუსში, მოლდოვასა და კატარში.

2
კვლევები საწურბლიაში

საწურბლიას მღვიმის ნიადაგში ადამიანის, მგლისა და ბიზონის გენი იპოვეს

19
Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას აღწერს.

თბილისი, 26 ივლისი – Sputnik. საწურბლიას მღვიმის (წყალტუბოს მუნიციპალიტეტი) ნიადაგში აღმოჩენილია ადამიანის, მგლისა და ბიზონის გენი, ნათქვამია საქართველოს ეროვნული მუზეუმის განცხადებაში.

სამეცნიერო ჟურნალში Current Biology გამოქვეყნდა სტატია, რომელიც საქართველოს, ავსტრიის, ბრიტანეთის, დანიის, ირლანდიის, ისრაელის სამეცნიერო ინსტიტუციების მიერ ჩატარებულ ერთობლივ კვლევებს ეყრდნობა. სტატიაში აღწერილია საწურბლიას მღვიმეში 25 ათასი წლის წინანდელი ადამიანისა და ძუძუმწოვრების ბირთვული და მიტოქონდრიალური დნმ-ი.

კვლევა ეყრდნობა 2012-2017 წლებში საქართველოს ეროვნული მუზეუმის მასალის ანალიზების შედეგებს, რომელიც  წყალტუბოს ქვის ხანის შემსწავლელი საერთაშორისო ექსპედიციის მიერ არის მოპოვებული. მეცნიერთა საერთაშორისო ჯგუფმა გამოიყენა ინოვაციური მეთოდი და შეძლო სეკვენირების შედეგად გამოეყო გარემოს დნმ-ით მდიდარი მასალა.

Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას.

როგორც განცხადებაშია აღნიშნული, ამ ახალმა მეთოდმა დაამტკიცა, რომ ძვლოვანი მასალის არ არსებობის შემთხვევაშიც კი შესაძლებელია გარემოს გენომის მიღება. ანალიზით დამტკიცდა, რომ SAT29 ნიმუში წარმოადგენს ადამიანის იმ გამქრალ გენს, რომელმაც დიდი როლი შეასრულა დღევანდელი დასავლეთ ევროპის მოსახლეობის გენეტიკაში.

შედეგების გადასამოწმებლად მეცნიერებმა აღნიშნული მასალა შეადარეს ძუძუანას მღვიმეში აღმოჩენილი ადამიანის ძვლოვან მასალას და დაასკვნეს, რომ ამ ორ ინდივიდს ერთნაირი გენეტიკური მახასიათებელი აქვს. აღნიშნული კვლევით კიდევ ერთხელ დამტკიცდა, რომ ევრაზიის კონტინენტზე, უკანასკნელი გამყინვარების შემდგომ პერიოდში, ძირითადი მოსახლეობა სამხრეთ კავკასიის გენის მატარებელია.

კვლევამ გამოავლინა გადაშენებული კავკასიური მგლის და ძაღლის მემკვიდრეობითი ხაზი, ასევე ევროპული ბიზონის გენი, რომლის მემკვიდრეა თანამედროვე სახეობა. მიღებული შედეგები ახალ მონაცემებს იძლევა გვიან პლეისტოცენის (ზედაპალეოლითური) ძუძუმწოვართა სამი სახეობის გენეტიკის ისტორიაში და აღწერს ნიადაგში დნმ-ის სეკვენირების shotgun მეთოდის გამოყენების შედეგებს, რომელიც იძლევა ჩვენი წინაპრის შესახებ უფრო ფართო ინფორმაციას და მის ფილოგენეტიკური კავშირების დადგენის შესაძლებლობას.

აღინიშნა, რომ სამხრეთ კავკასიამ, რომელიც კაცობრიობის კულტურათა გზაჯვარედინადაა მიჩნეული, კიდევ ერთხელ დაადასტურა თავისი გეოგრაფიული, კულტურული და ისტორიული გავლენა ძველი მსოფლიოს ისტორიაში.

 

19