იოგურტის საუზმე

იოგურტი უზმოზე კუჭს აზიანებს: გასტროენტეროლოგი გვაფრთხილებს

106
(განახლებულია 21:07 06.11.2019)
პრაქტიკოსი გასტროენტეროლოგი საუზმეზე იოგურტის რეგულარული მიღების მავნებლობაზე საუბრობს და განმარტავს, რატომაა ის მავნებელი დილაობით.

თბილისი, 6 ნოემბერი – Sputnik. იოგურტით საუზმე ძალიან ცუდი არჩევანია და ის არა მარტო უსარგებლო, მავნებელიც კია ჯანმრთელობისთვის, აცხადებს პრაქტიკოსი გასტროენტეროლოგი ლეილა ბოლატჩიევა.

მედიკოსის თქმით, უზმოზე მირთმეული იოგურტი სწრაფად გამოიდევნება კუჭიდან, რასაც საზიანო ეფექტი აქვს. 

„იოგურტი კუჭს მიღებიდან უკვე 15-20 წუთის შემდეგ ტოვებს. ამ დროს კი კუჭი მუშაობასა და საჭმლის გადამამუშავებელი ფერმენტებისა და ქლორწყალბადმჟავის სინთეზირებას განაგრძობს. ანუ, იოგურტით რეგულარულად საუზმობით რისკავთ შეიძინოთ გარკვეული პრობლემები კუჭთან დაკავშირებით“, – განმარტავს გასტროენტეროლოგი.  

რაც შეეხება კვებებს შორის იოგურტის მიღებას, ბოლატჩიევას თქმით, ამას არანაირი საზიანო ეფექტი არ აქვს. 

მედიკოსი აღნიშნავს, რომ ოპტიმალურ საუზმედ, ყველა პარამეტრით, იყო და კვლავაც რჩება შვრიის ფაფა.

მისი თქმით, შვრიის ფაფა დიდხანს ჩერდება კუჭში და იცავს მას ფერმენტებისა და მჟავისგან. ედება რა კუჭის კედლებს, შვრია არა მარტო იცავს მას, არამედ შიმშილის გრძნობის მალე გაჩენასაც ეწინააღმდეგება.

106
თემები:
მსოფლიო და მეცნიერება (392)
სასტუმრო რუსთავში

რამდენი დაიხარჯა საკარანტინო ზონებზე

11
(განახლებულია 10:27 05.06.2020)
პანდემიასთან ბრძოლი პერიოდში მთელ ქვეყანაში 84 სასტუმრო საკარანტინო ზონად გადაიქცა, სადაც ორკვირიანი იზოლაცია 19 ათასმა ადამიანმა გაიარა

თბილისი, 5 ივნისი – Sputnik. საქართველოს მთავრობამ კორონავირუსის პანდემიასთან ბრძოლის პერიოდში მხოლოდ საკარანტინო ზონების მოწყობაზე 32,5 მლნ ლარი დახარჯა.

39 დღე კარანტინში: თეთრწყაროში შეზღუდვები მოიხსნა>>

როგორც გაწეული მუშაობის შესახებ მთავრობის ანგარიშშია ნათქვამი, საკარანტინო ზონები შეიქმნა იმ მიზნით, რომ შეემცირებინათ რისკები მოსახლეობის ჯანმრთელობისთვის და შეეკავებინათ ინფექციის გავრცელება. საკარანტინო ზონები წარმოადგენდა დროებითი იზოლაციის ადგილს იმ მოქალაქეებისთვის, რომლებსაც საეჭვო სიმპტომები ჰქონდათ. სასტუმროების, როგორც საკარანტინო ზონების დაჯავშნა 2020 წლის 10 მარტს დაიწყო – მანამ, სანამ ქვეყანაში საგანგებო მდგომარეობა გამოცხადდებოდა.  

22 მაისის მდგომარეობით, საკარანტინო ზონებში ქვეყნის მთელ ტერიტორიაზე შედიოდა 84 სასტუმრო, ნომრების საერთო რაოდენობა 6 500–ს სჭარბობდა. სავალდებულო კარანტინი ამ ზონებში 19 002–მა ადამიანმა გაიარა.

„უნდა აღინიშნოს, რომ საკარანტინო ზონების პროექტის არსებობით ხელი შეეწყო არა მხოლოდ COVID–19-თან ეფექტიან ბრძოლას, არამედ ისეთი სფეროების წარმომადგენლების ფინანსურ მხარდაჭერას, როგორიცაა: სატრანსპორტო სერვისი, ქეითერინგი (სარესტორნო მომსახურება ადგილზე – რედ.) და საკვები პროდუქტების დისტრიბუცია, ადგილობრივი სოფლის მეურნეობის პროდუქტების წარმოება და სხვ.“, – ნათქვამია მთავრობის ანგარიშში.

ანგარიში მთავრობის მიერ გაწეული მუშაობის შესახებ პანდემიის პერიოდში უკვე გადაეგზავნა პარლამენტს.

11
თემები:
COVID-19 საქართველოში
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 5 ივნისს

20
(განახლებულია 09:54 05.06.2020)
გადაუდებელი სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 5 ივნისი — Sputnik. სააქციო საზოგადოება „თელასი" იუწყება, რომ 5 ივნისს გადაუდებელი სარემონტო სამუშაოების გამო დედაქალაქის სხვადასხვა უბანში ელექტროენერგიის მიწოდება დროებით შეიზღუდება.

საბურთალოს რაიონი

10:00 საათიდან 18:00 საათამდე შეზღუდვა შეეხება: სოფელი ზურგოვანის, სოფელი დიღმის, პეტრიწის და დემეტრე თავდადებულის ქუჩების მაცხოვრებლებს.

10:00 საათიდან 17:00 საათამდე შეზღუდვა შეეხება: ყაზბეგის გამზირის (ნაწილობრივ), შმიდტის, საირმის და ბურძგლას ქუჩების მაცხოვრებლებს.

10:00 საათიდან 13:00 საათამდე შეზღუდვა შეეხება: ფარსადანის ქუჩის მაცხოვრებლებს.

12:00 საათიდან 13:00 საათამდე შეზღუდვა შეეხება: ვაჟა-ფშაველას გამზირის (ნაწილობრივ), ქავთარაძის, თამარაშვილის და ჩხეიძის ქუჩების მაცხოვრებლებს.

ჩუღურეთის რაიონი

11:00 საათიდან 14:00 საათამდე შეზღუდვა შეეხება: აღმაშენებლის გამზირის (ნაწილობრივ) მაცხოვრებლებს.

გლდანის რაიონი

11:00 საათიდან 16:00 საათამდე შეზღუდვა შეეხება: გლდანის I მიკრორაიონის, ალეკო გობრონიძის, ხევძმარის, შეშელიძის, ვეკუას, ბაღნარის, ანდრონიკაშვილის და მანაგაძის ქუჩების მაცხოვრებლებს.

12:00 საათიდან 17:00 საათამდე შეზღუდვა შეეხება: მეტრო „ახმეტელი“-ს მომდებარე ტერიტორიის, ხევძმარის, შეშელიძის, ბრომშტეინის და შენგელიას ქუჩების მაცხოვრებლებს.

ისნის რაიონი

11:00 საათიდან 16:00 საათამდე შეზღუდვა შეეხება: ვაზისუბნის IV მიკრორაიონის, სულაქველიძის და ალუბლების ქუჩების მაცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

20
თემები:
თბილისი დღეს