ტატიშვილისთვის US Open–ის ძირითად ბადეში მოხვედრა ონდრაშკოვაზე გამარჯვებით არის შესაძლებელი

1
(განახლებულია 16:48 15.05.2015)
ქართველმა ჩოგბურთელმა ანა ტატიშვილმა მეორე გამარჯვებას მიაღწია დაწყებით საკვალიფიკაციო რაუნდში აშშ–ის ღია პირველობაზე. მან მძიმე ბრძოლაში დაამარცხა 30 ნომრად განთესილი გამოცდილი გერმანელი ანა–ლენა გროენფელდი.

თბილისი, 27 აგვისტო. „ახალი ამბები - საქართველო“, მურად ალაშვილი. ქართველმა ჩოგბურთელმა ანა ტატიშვილმა მეორე გამარჯვებას მიაღწია დაწყებით საკვალიფიკაციო რაუნდში აშშ–ის ღია პირველობაზე. მან მძიმე ბრძოლაში დაამარცხა 30 ნომრად განთესილი გამოცდილი გერმანელი ანა–ლენა გროენფელდი.

შეხვედრა 2 საათსა და 8 წუთს გრძელდებოდა, ქართველ ჩოგბურთელს მთელი თავისი ძალის მობილიზება დასჭირდა, რათა 25 წლის გერმანელის წინააღმდეგობა გაეტეხა – 7:6 (7:5), 3:6, 7:5.

საკვალიფიკაციო რაუნდის პირველ მატჩში 20 წლის ტატიშვილი საფრანგეთის სახელით მოასპარეზე სერბ ჩოგბურთელ ირენა პავლოვიჩს შეხვდა და 1 საათსა და 22 წუთში დიდი შრომის გარეშე გაუსწორდა მას – 6:2, 6:3.

ძირითად ბადეში გადასასვლელად ამჟამად ტატიშვილმა მე–13 ნომრად განთესილ ჩეხ ზუზანა ონდრაშკოვას უნდა სძლიოს. 30 წლის ჩეხმა ჩოგბურთელმა უკვე სძლია ამერიკელ ალექსანდრა მიულერს (6:4, 6:1) და სლოან სტივენსს (6:3, 7:5).

ქართველი და ჩეხი ჩოგბურთელები ერთმანეთს პირველად ხვდებიან. ბუკმეიკერები მეტოქეების შანსებს თანაბრად აფასებენ (1.9-1.9).

სამწუხაროდ, დანარჩენმა ორმა ქართველმა ჩოგბურთელმა ვერ შეძლეს საკვალიფიკაციო რაუნდის გადალახვა: მაკა ჩახნაშვილი და ოქსანა კალაშნიკოვა პირველი მარცხის შემდეგ შეჯიბრიდან გავარდნენ.

1
თოვლი ხულოში

ვითარება საქართველოს გზებზე: სად მოქმედებს შეზღუდვები?

8
(განახლებულია 14:20 21.01.2021)
ყველაზე რთული ვითარება მაღალმთიან აჭარაშია, სადაც თოვლის სიმაღლე ცალკეულ ადგილებში ერთ მეტრს აღწევს.

 

თბილისი, 21 იანვარი – Sputnik.  მეტეოროლოგიური პირობების გამო საქართველოს გზების ცალკეულ მონაკვეთებზე ავტოტრანსპორტის გადაადგილებაზე შეზღუდვები მოქმედებს.

საავტომობილო გზების დეპარტამენტის ინფორმაციით, დაბალი ტემპერატურისა და თოვლის გამო შიდასახელმწიფოებრივი მნიშვნელობის გომი–საჩხერე–ჭიათური–ზესტაფონის საავტომობილო გზის 1–52 კილომეტრზე აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება, დანარჩენი სახის ტრანსპორტის მოძრაობა კი თავისუფალია. 

მესამე დღეა მაღალმთიან აჭარაში თოვს. ხულოსა და შუახევის მუნიციპალიტეტებში თოვლის საფარი  80 სმ–ს აღწევს, ქედაში კი თითქმის 1 მეტრია.

აჭარის საავტომობილო გზების დეპარტამენტის ინფორმაციით, გზის გაწმენდითი სამუშაოები, თითქმის 24–საათის განმავლობაში, ინტენსიურ რეჟიმში მიმდინარეობს.

ამ დროისთვის ცენტრალურ ავტომაგისტრალზე ტრანსპორტის მოძრაობა დაუბრკოლებლად ხორციელდება. ადმინისტრაციული ერთეულების მიმართულებით გადაადგილების შემთხვევაში კი დეპარტამენტი მძღოლებს მოცურების საწინააღმდეგო ჯაჭვების გამოყენებისკენ მოუწოდებს.

დიდთოვლობამ მთიან რაიონებს პრობლემები შეუქმნა. შუახევის მერიის ინფორმაციით, რამდენიმე სოფელს არ მიეწოდება ელექტროენერგია და ამ დროისთვის აღდგენითი სამუშაოები მიმდინარეობს.

შეზღუდვები მოქმედებს  საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზეც, სადაც აკრძალულია მისაბმელიანი და ნახევრადმისაბმელიანი ავტოტრანსპორტის გადაადგილება.

გზის აღნიშნულ მონაკვეთზე მსუბუქი ავტომობილების მოძრაობა დაშვებულია გაუჩერებლად, მხოლოდ ზვავდამცავი გვირაბების გავლით.
მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

8
თემები:
ტრანსპორტი საქართველოში
ლევან გორგაძე (ტოჩინოშინი)

ტოჩინოშინის წაგებათა სერია გრძელდება - ქართველი სუმოისტის მორიგი მარცხი

12
(განახლებულია 14:18 21.01.2021)
ტოჩინოშინს ჰოკუტოფუჯისთან მარცხის შემდეგ მიმდინარე სუპერტურნირზე სამი გამარჯვება და ცხრა მარცხი დაუგროვდა. ქართველი სუმოისტის შემდეგი მეტოქე კოტოეკო იქნება.

თბილისი, 21 იანვარი - Sputnik. ქართველი სუმოისტი ლევან გორგაძე, იგივე ტოჩინოშინი იაპონიის დედაქალაქ ტოკიოში მიმდინარე ბაშოზე კიდევ ერთხელ დამარცხდა.

ქართველი სეკიტორი სუპერტურნირის მე-12 დღეს აღმოსავლეთის პირველ მაეგაშირა ჰოკუტოფუჯის გაეჯიბრა და ოშიდაშით წააგო. ტოჩინოშინს დღევანდელ მარცხამდე იაპონელ სუმოისტთან ურთიერთშეხვედრებში თანაბარი ბალანსი ჰქონდა (5-5).

წლის პირველ ბაშოზე ლევან გორგაძის ანგარიშზე სამი გამარჯვება და ცხრა მარცხია. ქართველი სუმოისტის შემდეგი მეტოქე დასავლეთის მე-11 მაეგაშირა კოტოეკო იქნება. ტოჩინოშინი 29 წლის იაპონელს კარიერის განმავლობაში ორჯერ შეხვდა, საიდანაც ერთ ორთაბრძოლაში გაიმარჯვა. კოტოეკოს მიმდინარე ბაშოზე ექვსი მოგებითა და ექვსი წაგებით თანაბარი ბალანსი აქვს.

კოტოეკოსთვის ქართველ სუმოისტთან შეხვედრა განსაკუთრებული მნიშვნელობისაა. იაპონელი დარჩენილი სამი შეხვედრიდან ორის მოგების შემთხვევაში წოდებაში დაწინაურდება.

12
თემები:
სპორტის ამბები